مسابقة لغوية

[Lighthouse]

المسابقة ياعزيزي الغرض منها قياس المعلومات الموجودة لديك

وليس الموجودة بالقواميس  rs:

يا فندم السؤال ده كان استنكاري لصعوبة الأسئلة :lol:

كل المشكلة إني نسيت أحط أيكون مناسبة

بس أعتقد إنه من البدهي - و يُقال خطأ (بديهي) - إن الأسئلة مش عشان نجاوب من القاموس ، و إلا لو كانت دي نتايجنا من القاموس تبقى مصيبة :angry:

عموما ، جزاك الله عنا خيرا ، و اسمحولي يا جماعة أعترف إن بعض الإجابات كانت بالإحساس. يعني الموضوع كان حاسة ساسة :unsure: ، بس شاطر دي أعرفها من زمان - واخد بالك يا كفاية cr((:

انا ياأخي لم اقل ان الاسئلة سهلة

بل قلت انها اخطاء شائعة وطبيعي ان يختلط الامر على المجيبين عن الاسئلة

والغرض من هذه النوعية من الاسئلة ليس تعجيزي ولا شيئ من هذا القبيل

ولكن كان الغرض التعرف على عدد من الاخطاء الشائعة

jmb-)

[hamo90]

الاجوبة :

– صنيعة : ربيب تابع

- خليفة : من يخلف غيره

– حُجّة ( بضم الحاء وشد الجيم ) : واسع العلم

- رهينة : مقيد

– بــحّــاثـة ( بشد الحاء ) : كثير البحث ( حاسس أنها غلط )

وربنا يسهل

حمو

[RanaLover]

حقيقي ياجماعة أنا أسفة جدا على اللي فاتني ، بس للأسف أنا مش بأقدر أدخل على النت في نهاية الأسبوع (الجمعة والسبت) ، لكن أديني بأرجع أراجع كل اللي فاتني علشان بس أكون متابعة للموقف

إجابات اليوم

1 – صنيعة : ربيب تابع .

2 - خليفة : من يخلف غيره .

3 – حُجّة ( بضم الحاء وشد الجيم ) : واسع العلم .

4 - رهينة : مقيد .

5 – بــحّــاثـة ( بشد الحاء ) : كثير البحث.

متهيألي المرة دي هنجح بتفوق وأعوض اللي فاتني

[Lighthouse]

الإخوة والأخوات اسعد الله اوقاتكم بكل الخير :)

اعتقد ان الاسئلة ليست صعبة mfb:

يعني يافيروز ليس لديك حجة للغياب

نسبة غيابك اصبحت صعبة قوي ومطلوب تقدمي شهادة تبرري بها سبب غيابك والا ستحرمي من دخول الامتحان :P

إحم إحم

والآن مع اجابات الحلقة السابقة :

1 – صنيعة : ربيب تابع . يُقال هو صنيعتي أي أنا ربيته وخرجته واختصصته بالصنع الجميل .

2 - خليفة : من يخلف غيره .

3 – حُجّة ( بضم الحاء وشد الجيم ) : واسع العلم والخبرة والمعرفة .

4 - رهينة : مقيد بالشيئ أو بالأمر . يُقال " أنا رهينة بكذا " أي مأخوذ به ضامن له .

5 – بــحّــاثـة ( بشد الحاء ) : كثير البحث .

يبدو اننا سنضطر لاستيراد مجموعة من المراتب لان درجاتكم ماشاء الله واضح انها مرتفعة .

سأرسل لكم حسابي الخاص لتحولوا فيه تبرعاتكم لشراء المراتب المعتبرة :rolleyes:

[Lighthouse]

الإخوة والأخوات حياكم الله :P

إستكمالاً لسلسة الاسئلة السهلة ;)

إليكم اسئلة اليوم :)

1 – داهية : ذو دهاء – متزلف – مثيل – طلب ثأر .

2 – عنترة : ذباب – عبد – فارس شجاع – يتيم .

3 – ضُحكة ( بضم الضاد ) : لطيف المعشر – كثير الضحك – سعيد – جاهل .

4 – هــيّـابة ( بشد الياء ) : مقدام – جميل الوجه – جبان – ذو جلال .

5 – ثقة : صديق – نسيب قريب – وزير – يُعتمد عليه .

مع أطيب التمنيات بحظ وافر :)

:rolleyes: mfb: :)

[kfaya]

اجابة أسئلة الأمس ......

أمير = 8 / 10 ..... ولا مرتبة و لا لحاف

أم محمد = 8 /10 ..... أحسنت يا أم محمد

كفاية = 10 / 10 ..... هو ده مستوايا الحقيقى .... أشكرك يا كفاية

ساد = 8 / 10 ..... شكوك هو اللى ضيعك يا ساد

هامو = 10 / 10 ....... الأول مكرر .... متربع على قمة الدورى

رانا = 10 / 10 ....... أهنئك يا رانا .... استمرى :rolleyes:

لم يرسب أحد اليوم .....

[sad_swing2000]

الإخوة والأخوات حياكم الله  :)

إستكمالاً لسلسة الاسئلة السهلة  :P

يا نهار أبيض ، بق الأسئلة فيها هــيّـابة و ضُحكة و تبقى سهلة mfb:

المراتب كده يا فندم مالهاش أي لازمة. :rolleyes:

و بعدين إنت فين يا كفاية ، تصحيح أوراق امبارح سهل خالص ، و ربنا يستر على بكره

1 – داهية : ذو دهاء.

2 – عنترة : فارس شجاع.

3 – ضُحكة ( بضم الضاد ) : جاهل . شكلها كده غلط.

4 – هــيّـابة ( بشد الياء ) : جبان.

5 – ثقة : يُعتمد عليه .

[kfaya]

اجابة أسئلة اليوم :

داهية = ذو دهاء

عنترة = فارس شجاع

ضحكة = لطيف المعشر

هيابة = جبان

ثقة = يعتمد علية

[bentmasria]

1 – داهية : ذو دهاء – متزلف – مثيل – طلب ثأر .

2 – عنترة : ذباب – عبد – فارس شجاع – يتيم .

3 – ضُحكة ( بضم الضاد ) : لطيف المعشر – كثير الضحك – سعيد – جاهل .

4 – هــيّـابة ( بشد الياء ) : مقدام – جميل الوجه – جبان – ذو جلال .

5 – ثقة : صديق – نسيب قريب – وزير – يُعتمد عليه .

[hamo90]

هامو = 10 / 10 ....... الأول مكرر .... متربع على قمة الدورى

متشكرين يا باشا

بس بعد اذنك تتخار شوية عشان نعرف تقف جنب بعض mfb:

وأن شاء الله دائما كده علي القمة ومتربعين ومتصدرين الجدول

-----------------------------------

أجوبة اليوم :

– داهية : ذو دهاء.

– عنترة : يتيم .

– ضُحكة ( بضم الضاد ) : كثير الضحك

– هــيّـابة ( بشد الياء ) : ذو جلال .

– ثقة : يعتمد علية

ملحوظة :-

يا ريت يا عم كفاية تنسي البقين بتوع القمةو الصدارة والكلام الي أتا قلته في الاول ده كله

لان الاسئلة انهارده بجد بجد مفتكسة جدا :rolleyes:

وربنا يسهل

حمو

[RanaLover]

قال سهلة قال ، ده أنا مش عارفة ولا واحدة منهم ، ياخسارة الـ 10/10 اللي فاتت

بس نحاول ما يضرش برضه

mfb:

1 – داهية : ذو دهاء .

2 – عنترة : فارس شجاع .

3 – ضُحكة ( بضم الضاد ) : كثير الضحك .

4 – هــيّـابة ( بشد الياء ) : ذو جلال .

5 – ثقة : يُعتمد عليه .

:rolleyes:

[Ahmed Mohsen]

وسع يا جدع ........ أحمد وصل

إيه الأسئلة السهلة دي ..... هو التعليم باظ من شوية

كفاية بقي ... مش هانفضل نراعي متوسطي الذكاء وننسي العباقرة اللي زيي

عايزين نرفع من مستوي التعليم يا عالم

عايزين أسئلة عليها القيمة

الإجابة هي .....

1 – داهية : ذو دهاء

2 – عنترة : فارس شجاع

3 – ضُحكة ( بضم الضاد ) : لطيف المعشر

4 – هــيّـابة ( بشد الياء ) : ذو جلال

5 – ثقة : يُعتمد عليه .

أي خدعة ...... إحنا عالم جامدة أويييييييييييي

عقلي الباطن بيقولي: "بتحطوا نفسكوا في مواقف بايخخخخخخخخخة"

تم تعديل 9 نوفمبر 2004 بواسطة Ahmed Mohsen

[amir]

– داهية : متزلف

2 – عنترة : ذباب

3 – ضُحكة ( بضم الضاد ) : جاهل .

4 – هــيّـابة ( بشد الياء ) : جميل الوجه .

5 – ثقة : – نسيب قريب

[Lighthouse]

الإخوة والأخوات حياكم الله :blink:

مش عارفة ابتدي منين :blink:

يعني اقول لكم الاجابة ولا ارد على كلام المعترضين مابين مستسهل الاسئلة ومستصعبها tot::

على العموم الاسئلة سترد بالنيابة عني :rolleyes:

1 – داهية : ذو دهاء . أيضاً المصيبة . يُقال " داهية دهياء " أي شديدة .

2 – العنترة : الذباب أو الازرق منه . وبه سمي عنترة العبسي .

3 – ضُحكة ( بضم الضاد ) : الكثير الضحك أو من يضحك عليه الناس .

4 – هــيّـابة ( بشد الياء ) : من يخاف الناس , جبان . أما المهيب : من يخافه الناس .

5 – ثقة : من يُعتمد عليه ويؤتمن . وقد يُجمع فيُقال ثِقات ( بكسر الثاء ) .

ونلتقي لاحقاً مع اسئلة جديدة :D

[Lighthouse]

الإخوة والأخوات اسعد الله اوقاتكم بكل الخير :D

هذه هي آخر حلقة في سلسلة الأسئلة السهلة :rolleyes:

وسنبدأ بعدها في سلسلة جديدة :blink:

1 – داعية : عدوّ – من يدعو الناس إلى معتقده – مصلح – مدَّع ٍ .

2 – نابغة : شاعر – مُجيد فصيح – متطلب – خارج على قومه .

3 – قدوة : كاتب بارع – قائد – من يُقتدى به – قاض ٍ .

4 – أسامة : رجل سيف – فتى صبوح – أصغر الأبناء – أسد .

5 – ضُجَعة ( بضم الضاد وفتح الجيم ) : كسلان – منبوذ – مريض – مقوس الضهر .

اظن مافيش اسهل من كده tot::

بالتوفيق ياشباب

[kfaya]

النتيجة النهاردة فعلا كما وصفها هامو العظيم ... مفتكسة ....

يعنى يا ميس لايت شايفانا ماشاء الله شاطرين امواس ؟؟؟؟ و بنذاكر حريقة ‍‍‍‍‍‍‍‍‍؟؟ عشان تعمليلنا تريك فى السؤال بتاع .. عنترة ... و أتارى الصح بتاعها .. العنترة ...

طبعا مفيش حد عرف أجابة السؤال ده ‍‍‍‍...

احد بس فى الحقيقة عرف الأجابة الصحيحة .... اللى هو الألفا بتاعنا , و بيطلع الأول كل يوم وعمال يلم فى مراتب و الحفة .... عرفتوه ؟؟؟ ... ايوة صح .. هو أمير ... و من هنا و رايح سنخلع عليه لقب أمير الأدب العربى ..... خاصة بعدما تفرد فى وصف " الداهية " ب = " المتزلف " ....

و فى واحد تانى قال فى " عنترة " قول مأثور سيخلدة تاريخ المعلقات و الشعر الجاهلى و هو أن " عنترة " = " يتيم " ...... طبعا كلكم عرفتوه .... صح هو حبيبى المفتكس زعيم الأهلوية بالمنتدى ...

و الأن اليكم الدرجات المرصودة بمعرفتنا و الأرزاق على الرزاق ...

ساد = 6 /10 ...

كفاية = 6 /10

أم محمد = 4 /10

هامو = 6 / 10

رانا = 6 / 10

احمد محسن = 4 / 10

أمير = 2 / 10

الحمد لله ان المفتش مجاش النهاردة ..... كان هيزعل منك قوى يا ميس لايت فى حكاية العنترة دى ....

[sad_swing2000]

1 – داعية : من يدعو الناس إلى معتقده.

2 – نابغة : مُجيد فصيح.

3 – قدوة : من يُقتدى به .

4 – أسامة : أسد .

5 – ضُجَعة ( بضم الضاد وفتح الجيم ) : مريض.

بعد إذنك يا كفاية ، أي مقلب ف المفتش عشان مايجيش النهاردة كمان

[bentmasria]

1 – داعية : عدوّ – من يدعو الناس إلى معتقده – مصلح – مدَّع ٍ .

2 – نابغة : شاعر – مُجيد فصيح – متطلب – خارج على قومه .

3 – قدوة : كاتب بارع – قائد – من يُقتدى به – قاض ٍ .

4 – أسامة : رجل سيف – فتى صبوح – أصغر الأبناء – أسد .

5 – ضُجَعة ( بضم الضاد وفتح الجيم ) : كسلان – منبوذ – مريض – مقوس الضهر .

[hamo90]

و فى واحد تانى قال فى " عنترة " قول مأثور سيخلدة تاريخ المعلقات و الشعر الجاهلى و هو أن " عنترة " = "  يتيم "  ...... طبعا كلكم عرفتوه .... صح هو حبيبى المفتكس زعيم الأهلوية بالمنتدى ...

والله يا عم كفاية أنت زي العسل وعمي وعم الاهلوية في المنتدي

أما عن السؤال بتاع عنترة سعتك أنا دماغي راحت للقصة بتاعة عنترة بتاعة أولي ثانوي

وقلت في دماغي علي حسب القصة يعني

أن أمه زبيبة هي الي سمته بالاسم ده لسبب من اتنين

- بسبب أنه أسود وسعتها الاجابة هتكون الذباب

- أو بسبب أن أبوه رماه في الشارع هو وأمه وسعتها هيكون معني أسمه يتيم

بس للاسف طلعت أوت

هيه مش مشكلة ربنا يسهل ونعوضها في الاسئلة الي شكلها باين عليه أنها مفتكسة زي بتاعت امبارح

---------------------------------------

الاجابات المفتكسة :-

- داعية : من يدعو الناس إلى معتقده.

- نابغة : مُجيد فصيح.

- قدوة : من يُقتدى به .

- أسامة : أسد .

- ضُجَعة ( بضم الضاد وفتح الجيم ) : مقوس الضهر

وربنا يسهل

ملحوظة :-

حلو قوي ضُجَعة صحيح سؤال غريب لا يصفه سوي قول الشاعر

" يا أفتكاستك يا هولندا "

حمو

تم تعديل 10 نوفمبر 2004 بواسطة hamo90

[amir]

ممتنع عن الاجابه لحين تصحيح وضعى و رفع اسمى الى مرتبه المتفوقين !!

– داعية : مدَّع ٍ .

2 – نابغة : مُجيد فصيح .

3 – قدوة : من يُقتدى به .

4 – أسامة : أسد .

5 – ضُجَعة ( بضم الضاد وفتح الجيم ) : كسلان

ضُجَعة ... ضُجَعة .... انتو بتجيبوا الكلام ده منين ؟؟