مسابقة لغوية

[sad_swing2000]

بصراحة بقى زعلت منكم جدا لانكم جمعتم حصان جياد

جياد جمع جواد

المفروض في اي كلمة تشتق من كلمة اخرى ان تشترك معها في عدة حروف ( تسمى بجذر أو جذع الكلمة ) وبعدها يُضاف لها الحروف التي تكمل الصيغة التي نريدها .

لكن ان تكون كلمة مختلفة عنها تماما  :D

معلش

سماح المرة دي  gsm::

بالنسبالي أنا حبيت أتفزلك ، قال يعني الواد فاهم قوي يعني ، و قارنت جياد ب (نساء) إللي مالهاش مفرد من نوعها ، و لكن مفردها (امرأة) ، بس وسعت شوية .........هيــــــــــــــــــــــــه ، ماعلينا

1 – ابن عرس : بنو عرس.

2 – ظمآن : ظمأى.

3 – معدة : مِــعَــد ( بكسر الميم وفتح العين ).

4 – نصيب : أنصبة .

5 – مفازة : أمفزة.

لي رجاء عند كفاية الله يسترك ، لو درجتي تحت ال 6/10 ماتجيبش سيرتي

[afiona]

1 – ابن عرس : بنو عرس – اولاد عرس – بنات عرس – أعراس .

2 – ظمآن : ظمأى – ظمئون – ظُــمي ( بضم الظاء ) – ظِـــماء ( بكسر الظاء ) .

3 – معدة : مِــعَــد ( بكسر الميم وفتح العين ) – أمعاد – مُـــعُـــود ( بضم الميم والعين ) – مَــعــاد ( بفتح الميم ) .

4 – نصيب : أنصاب – نصوب – أنصبة – نِــصاب ( بكسر النون ) .

5 – مفازة :D : مفائز – مفاوز – أمفزة – مفايز .

[hamo90]

ومازال مسلسل الافتكاسات مستمر

------------------------

الاجابات :

– ابن عرس : بنو عرس. ( أبناء عرس )

– ظمآن : ظمأى.

– معدة :مَــعــاد ( بفتح الميم ) .

– نصيب : أنصبة .

– مفازة : مفائز

وربنا يكرم ويا رب المرة دي

مسابقة لغوية " أفتكس من القلب "

حمو

[amir]

– ابن عرس : بنو عرس – اولاد عرس – بنات عرس – أعراس .

2 – ظمآن : ظمأى

3 – معدة : مِــعَــد ( بكسر الميم وفتح العين ) – أمعاد – مُـــعُـــود ( بضم الميم والعين ) – مَــعــاد ( بفتح الميم ) .

4 – نصيب : أنصاب

5 – مفازة : مفاوز .

انا طالب مجتهد و مش ممكن اجاوب على السؤال قبل ما اعرف المعنى ... يعنى السيد المحترم ابن عرس هو و اخواته ازاى يكونوا بنات عرس ؟؟

و بعدين معده دى تبقى ايه ؟؟ اللى بنأكل فيها ولا اللى بتصنع الاغراض المختلفه ؟؟

جاوبى انتى يا متعلمه يا بتاعة المدارس !!

انا شايف واحد مبسوط و فرحان فيا علشان سبت ورقه الاجابه فاضيه, بس على مين ؟؟

تم تعديل 12 نوفمبر 2004 بواسطة amir

[Lighthouse]

الإخوة والأخوات حياكم الله :D

كل عيد وانتم بخير وصحة وسعادة

سامحوني للتأخير

سامحني ياكفاية :)

إليكم إجابات اليوم

واعتقد ان التعقيبات على الاجابات افضل ان تكون في موضوع اللغة العربية حتى لاتتوه هنا في وسط الردود . واذا كان لكم رأي آخر ياريت تعرفوني :D

1 – ابن عرس : بنات عرس .

2 – ظمآن : ظِــماء ( بكسر الظاء ) , ظُــماء ( بضم الظاء ) والأنثى ظــمــآنة وظــمــأى .

3 – معدة : مَــعـِـــد ( بفتح الميم وكسر العين ) , مِـــعَــد ( بكسر الميم وفتح العين ) .

4 – نصيب : أنصبة وأنصباء ونُــصُــب ( بضم النون والصاد ) . وهو الحظ والحصّــة .

5 – مفازة : مفاوز ومفازات وهي الفلاة اي الصحراء التي لاماء فيها .

cr((:

[Lighthouse]

إخوتي وأخواتي اسعد الله اوقاتكم بكل الخير

إليكم اسئلة اليوم cr((:

1 - صاحبة : أصحاب - صَــحْــب - صُــحبة - صواحب .

2 - فِــناء : أفنية - فنوات - فوان - أفناء .

3 - عِــمامة : أعمام - عوامّ - عمائم - أعمَّــة .

4 - عـَــرَض : عوارض - أعراض - عـُــروض - عرائض .

5 - سائح : سُــوّاح - ساحة - سـُــيّاح - سوائح .

مع اطيب التمنيات بحظ سعيد grdy:

ولي تعقيبات على اجابات اسئلة الامس سأكتبها لاحقاً نظراً لضيق الوقت . فسامحوني :D

:) :D :D

[sad_swing2000]

السلام عليكم

1 - صاحبة : صواحب .

2 - فِــناء : أفنية.

3 - عِــمامة : عمائم.

4 - عـَــرَض : أعراض.

5 - سائح : سـُــيّاح.

[kfaya]

نتيجة تصحيح مسابقة الأمس .... cbyb: .....

لم ينجح أحد .... vmp:

عايزين النمر ؟؟؟؟؟

أهيه

كفايه = 4/10

هومير = 4/10 .... ( و ليك عندى أتنين من أمبارح .... يبقى 6/10 .. " عمرك ما هتسقط تانى يا حبيبى ..الحصة الجاية يوم الثلاثاء الساعة 7 .. أجى ألقيك حافظ كان و أخوتها صم ... و قولهم فى البيت بلاش بيبسى .. خلوها بوفتيك " cr((: )

أم محمد = 4/10

ساد = 4/10 ..... ( أزاى يعنى مجيبش سيرتك لما تكون ساقط ؟؟؟؟ أمال أزاى هتعرف انك محتاج تقوية ؟؟؟!!!!... خد محمولى من هومير , و كلمنى بعد العيد .. عشان تجيب نتيجة مش أقل من 3 حصص فى الأسبوع

grdy: )

أفيونه = 4/10 ..... ( أنا عارف أنك ما بتحبش رقم 4 ده :P )

المفتكس = 2/10 ...... انت الوحيد اللى جمعت معدة غلط .. :D

أمير = 2/6 ....... صراحة بقى ورقتك دى بتغلبنى فى تصحيحها :) ... تصور بقى ان جمع ابن عرس طلع بنات عرس :D ..... صراحة عايزين حد يشيك على ميس لايت :D

[hamo90]

الاجابات :-

- صاحبة : - صواحب .

- فِــناء : أفنية

- عِــمامة : عمائم

- عـَــرَض : عرائض

- سائح : سُــوّاح

" المسابقة اللغوية في المحاورات ........ أشمعني

أتهرينا فيها أفتكاسات هاهاهاهاهاهاهاهاها "

حمو

[kfaya]

صاحبة = اصحاب

فناء = أفنية ....... ( زى بناء ..أبنية )

عمامة = عمائم ..... ( زى حمامة .. حمائم )

عرض = اعراض ... ( زى مرض .. أمراض )

سائح = سياح .... ( زى ما كتبها ساد )

و كل سنة و انتم طيبون ... ( طيبون جمع طيب ) :)

[homer]

1- صاحبة صواحب زى قافلة وقوافل

2- فناء أفنية زى غطاء وأغطية

3- عمامة عمائم

4- عرض أعراض

5- سائح سياح زى ما بتييجى فى الجرايد يس مش ممكن نقول سائحين

[amir]

أمير = 2/6 ....... صراحة بقى ورقتك دى بتغلبنى فى تصحيحها 

طيب انا راضى ضميرك !! :D

دى برضه نتيجه تقول لى عليها فى يوم عيد ؟؟ rs:

صاحبة : صُــحبة .

2 - فِــناء : أفنية .

3 - عِــمامة : عمائم .

4 - عـَــرَض : أعراض .

5 - سائح : سُــوّاح .

[afiona]

1 - صاحبة : أصحاب - صَــحْــب - صُــحبة - صواحب .

2 - فِــناء : أفنية - فنوات - فوان - أفناء .

3 - عِــمامة : أعمام - عوامّ - عمائم - أعمَّــة .

4 - عـَــرَض : عوارض - أعراض - عـُــروض - عرائض .

5 - سائح : سُــوّاح - ساحة - سـُــيّاح - سوائح .

[kfaya]

بعد اذن ميس لايت ...

بعد اذن الزملاء الاعزاء فى المسابقة ....

أنا أجازة ثلاثة أيام بتوع العيد ....

قد وكلت تلميذى النجيب " أمير" فى استلام اوراق الأمتحان وأجراء عمليات التصحيح و رصد الدرجات ....

و كل عام و انتم جميعا بخير و صحة و سعادة ....

مستر / كفاية

[Lighthouse]

الإخوة والأخوات اسعد الله اوقاتكم بكل الخير :D

وكل عام وأنتم جميعا بخير وصحة وسعادة rs:

اسمحوا لي قبل ان اضع حل مسابقة الامس أن اكتب تعليق على نقطتين وردتا في اجابات اسئلة اول امس واليوم السابق له .

بالنسبالي أنا حبيت أتفزلك ، قال يعني الواد فاهم قوي يعني ، و قارنت جياد ب (نساء) إللي مالهاش مفرد من نوعها ، و لكن مفردها (امرأة) ، بس وسعت شوية .........هيــــــــــــــــــــــــه ، ماعلينا

أخي الكريم ساد :blink:

هناك نوع من الاسماء اسمه اسم الجمع وهو مايدل على أكثر من اثنين , وليس له مفرد من لفظه ومعناه معاً , وليست صيغته على وزن خاص بالتكسير , أو غالب فيه . فيدخل في اسم الجمع ماله مفرد من معناه فقط مثل : إبــل – قــوم – جماعة . فلهذه الكلمات واشباهها مفرد من معناها فقط . فمفرد إبــل هو جمل أو ناقة , ومفرد قوم وجماعة هو رجل أو إمرأة .. وليس لها مفرد من لفظها ومعناها معاً رغم دلالتها على أكثر من اثنين .

كلمة جياد ليست من هذه النوعية من الكلمات لان لها مفرد من لفظها ومعناها وهو جواد . ولهذا لاتندرج تحت هذه النوعية من الكلمات .

أرجو ان اكون قد اوضحت وجهة نظري mfb:

بالنسبة لنقطة أخرى وهي

ابن عرس هو حيوان صغير يشبه الفأر ويطلق على المذكر والمؤنث .

اما لماذا جُمعت بنات عرس وليست ابناء عرس فلأنه من انواع المفردات المركبة والتي لها صدر ( ذو أو ابن او أخ ) وجزءها الثاني من أسماء مالا يُعقل من الاجناس مثل :

ذو القعدة – ذو الحجة – ابن عـِــرس ( حيوان صغير يشبه الفأر ) – ابن آوى ( حيوان صغير اغبر اللون يشبه القط ) – أخو الجُــحر ( تُقال للثعبان ) .

هذه المفردات إذا أُريد جمعها فيُجمع صدرها فقط ( ذو – ابن – اخ ) ولكنه لايُجمع جمع مذكر سالم ولا جمع تكسير ولكن يُجمع فقط جمع مؤنث سالم فيُقال :

ذوات القعدة – ذوات الحجة – بنات عرس – بنات آوى – أخوات الجحر .

( من كتاب النحو الوافي لعباس حسن الجزء الرابع ص . 676 – مطبوعات دار المعارف , الطبعة العاشرة ) .

وأرجو ان اكون قد اوضحت :)

[Lighthouse]

الإخوة والأخوات حياكم الله rs:

والآن إليكم إجابات اسئلة الأمس :D

1 - صاحبة : صاحبات وصواحب .

2 – فـِــناء : أفنية . وهو ساحة أمام البيوت .

3 - عِــمامة :عـمـائـم وعـِــمــام . يُقال أرخى عمامته أي أمن وترفه .

4 - عـَــرَض : أعــراض .

5 – سائح : سائحون وسُــيّـاح والعامة تقول سُــوّاح .

وبإنتظار تصحيح الاستاذ كفاية لليوم :blink:

وإذا لم يظهر اليوم ارجو من الاخ امير ان يلم الكراريس ويساعدني شوية :)

وكل عام وأنتم بخير وصحة وسعادة mfb:

[Lighthouse]

الإخوة والأخوات حياكم الله mfb:

عودة مرة أخرى مع اسئلة اليوم مع اطيب التمنيات بحظ سعيد واستفادة كبيرة :)

1 – حـُــمّــى ( بضم الحاء وشد الميم ) : حـُــمَّــيات – حـِــمــىّ – حمائم – حـُــمــم .

2 – غــلام : غـُــلـُــم ( بضم الغين واللام ) – غلمان – صبية – أغلام .

3 – رابية : ربــىّ – ربوات – رواب – رُبـْـيــان .

4 – رداء : أردية – أردان – رداوات – رُدِيّ ( بضم الراء وكسر الدال وشد الياء ) .

5 - عندليب : عديلات – عنادل – عنالب – عـَــنــاد ٍ .

rs: :D :blink:

[hamo90]

5 – سائح : سائحون وسُــيّـاح والعامة تقول سُــوّاح .

نحن الشعب

ونحن عامة الشعب

بما أني من عامة الشعب اذا فاجابة سائح ---------> سواح

يعني أنا درجاتي 8/10

----------------------------

الاجابات :-

– حـُــمّــى ( بضم الحاء وشد الميم ) :حـُــمَّــيات

– غــلام : غلمان

– رابية : رواب

– رداء : أردية

- عندليب : عنادل

وكل سنة وحضراتكم طيبين

حمو

" لا للافتكاسات "

[Lighthouse]

5 – سائح : سائحون وسُــيّـاح والعامة تقول سُــوّاح .

نحن الشعب

ونحن عامة الشعب

بما أني من عامة الشعب اذا فاجابة سائح ---------> سواح

يعني أنا درجاتي 8/10

----------------------------

لا طبعا rs:

سواح دي كلمة عامية

ولهذا يقال ان العوام تقول كذا

بمعني انها عامية وليست فصحى

المرة الجاية ح تجيب ولي امرك معاك لو افتكست اي افتكاسة يمين او شمال

:D

[homer]

1- حمى حميات

2- غلام غلمان

3- رابية ربى - باسمعها من ام كلثوم "يختال ما بين الربى"

4- رداء أردية

5- عندليب - عنادل قلبى مش مطمئن ليها دى بتفكرنى بكتاب القراءة بتاع ابتدائى عنادل وسعاد