أغرب حالة وفاة فى التاريخ

[disappointed]

هذه هى أغرب حالة وفاة موثقة , وهى لسيّدة إنجليزية كانت تتنزّه فى أحد ضواحى يوركشاير, وشاء حظها العاثر أن يخترق بطنها عمود حاد و صلب من الـبول المتجمّد الذى يبدو أنه قد تسرّب من حمّام احد الطائرات و تجمّد أثناء سقوطه السريع بفعل درجة الحرارة المنخفضة حتى أصبح كالحربة المسدّدة لبطن السيدة سيئة الحظ بقوة إندفاع رهيبة

[ماجد]

(أَيْنَمَا تَكُونُوا يُدْرِكْكُمُ الْمَوْتُ وَلَوْ كُنْتُمْ فِي بُرُوجٍ مُشَيَّدَةٍ وَإِنْ تُصِبْهُمْ حَسَنَةٌ يَقُولُوا هَذِهِ مِنْ عِنْدِ اللَّهِ وَإِنْ تُصِبْهُمْ سَيِّئَةٌ يَقُولُوا هَذِهِ مِنْ عِنْدِكَ قُل كُلٌّ مِنْ عِنْدِ اللَّهِ فَمَالِ هَؤُلاءِ الْقَوْمِ لا يَكَادُونَ يَفْقَهُونَ حَدِيثاً) (النساء:78)

تعددت الأسباب و الموت واحد

[yasovinas]

يا ساتر يارب بول وحربة دي موته وحشه قوي وكمان ريحتها هباب

اللهم احسن خاتمتنا يارب

بكرة اهلها يطالبوا بتعويض من القذافي ويقولوا حللنا البول طلع من اكله ليبي

ارهاب بقى

[Cleo]

لو العامود ده نازل من الطيارة يبقى نازل عامودى على الأرض..

يبقى ازاى اخترق بطنها؟؟

اخترق راسها ممكن... <_<

[disappointed]

لو العامود ده نازل من الطيارة يبقى نازل عامودى على الأرض..

يبقى ازاى اخترق بطنها؟؟

اخترق راسها ممكن...  <_<

ماهو عند سقوط جسم ما ( خصوصا لمّا يكون مركز ثقله زى مركز الثقل فى حالة العمود الطويل) من إرتفاعات شاهقة زى كده يا كليو كتلة الجسم نفسها بتصبح أخف كثيرا أثناء النزول .... ولذلك فإن إتجاه النزول يتغيّر بصفة مستمرّة أثناء النزول حسب إتجاهات كتل الهواء التى تصفق هذا الجسم ( زى بالضبط ما بيحصل للــ"سكاى دايفر"... شوفى وضعية جسمه و إتجاه رأسه بيتغيّر كام مرّة لغاية ما ينزل )... و حتى من الإرتفاعات الأقل يمكننا مشاهدة هذه الظاهرة... يعنى لو الواحد واقف فى بلكونه فى الدور السادس مثلا و رمى شوكه أو سكّينة حيلاقى إنها مش شرط تقع على الأرض عمودية

بس حقيقى لو صحّت الواقعة فإنها تكون رسالة شديدة اللهجة لمن لايؤمن بالقضاء و القدر

و فعلا.... لا تدرى نفس بأى أرض تموت

و سبحان الله

[disappointed]

طيب... معلش... بخصوص النقطة التى أثارتها "كليو"... وحيث إنى مش مهندس , وحيث إن معلوماتى عن الميكانيكا و الديناميكا و قوانين الحركة لم يتم تحديثها أو مراجعتها لتنشيط الذاكرة بها من زماااااااان.... و علشان ما أكونش بأفتى غلط ... فياريت حد من الأخوة المهندسين يدلى بدلوه و يقول لينا إيه الصح

لانسلوت...... فيروز....مش مهندسين والاّ إيه؟؟

و... يا ترى "المهندس" لقب عضويّة فقط أم أنه لقب مهنى أيضاً؟؟؟

إفتونا يا باشمهندسيييييييين

<_<

[سقراط المصري]

انا مش مهندس بس حتى حضور الاستشاريين ممكن يكون الحل في ان الست كانت حامل، او لها كرش ، او لها كرش بسيط بارز .

واخيراً ده اجلها كده ، وخلاص جه :o

سقراط

[maksoof]

مافتكرش إن ده ممكن يكون صحيح.

هو ممكن الميه تتجمد لما تكون الدنيا برد بس التجمد الفورى بيحتاج درجات حرارة منخفضة جدا و فى الحالة دى المياة حتتجمد على شكل نقط مش على شكل سيف s-:

و كمان -حتى لو إتجمدت على شكل سيف- فحيكون رفيع جدا و هش و يتكسر بمنتهى السهولة - يعنى مش ممكن يطعن حد.

ده مجرد رأى مبنى على خبرتى العملية بالبرد

[Handicraft]

اعتقد إذا كانت درجة الحرارة بهذه الدرجة من البرودة لعمل الثلج المتكون على الفتحة التى يتسرب منها السائل على سده تلقائيا لتراكم الثلج.

--------------

على اعتبار الفرض صحيحا:

يكون سقوط العامود المتجمد سقوطا حرا يأخذ نفس سرعة تحرك الطائرة ونفس اتجاهاه وتعوق حركته مقاومة الهواء وتؤثر عليه ايضا سرعة الرياح.

يسقط الجسم عموديا إذا كان:

-------------------------

- سرعة الطائرة صفر اثناء سقوطه منها

- يسقط الجسم افقيا تماما او رأسيا تماما

- مركز ثقل العامود فى منتصفه تماما

- سرعة الرياح صفر.

ونظرا لإنعدام توافر كل هذه الشروط معا فيكون ما حدث هو سقوط حر لجسم يتحرك افقيا بسرعة الطائرة ونتيجة عدم انتظام شكل العامود يتحرك دائريا حول مركز منتصفه نتيجة تحرك مركز الثقل فيصبح الشكل النهائر كمثل من يقف فوق جبل ويلقى سكين على شخص أسفل الجبل تدور السكين حول منتصفها بشكل دائرى فى نفس الوقت التى تتحرك فيه بسرعتين افقية وسرعة سقوط ناتجه عن عجلة جاذبية الأرض ولو تصادف واصاب سن السكين بطن رجل اسفل الجبل سيصيبه بشكل مائل.

هذا والله اعلم.

[راضي]

هذه هى أغرب حالة وفاة موثقة , وهى لسيّدة إنجليزية كانت تتنزّه فى أحد ضواحى يوركشاير

هناك تخيل بسيط للحادث ممكن يكون أقرب للواقع لو ركزنا في انها كانت ( تتنزه ) و مش بالضرورة ان التنزه يكون سيرا على الاقدام ، إنما ممكن يكون بالاستلقاء أرضا أيضا وفي الحالة دي يبقى من المنطقي ان الاصابة تيجي في بطنها مباشرة بغض النظر عن شكل سقوط العمود المتجمد ولا داعي أن يكون لها ( كرش ) أو أن تكون حامل

هذا والله أعلم

[ابو يوسف]

الجميل فى الأمر ..

أن القضية لم تعد فى غرابة الطريقة التى ماتت بها هذه السيدة بقدر ما تحول النقاش الى دراسة هندسية بحتة حول امكانية أن يموت المواطن بحربة (بوليه) متجمدة منطلقة من احدى الطائرات !! :rolleyes:

أضيف هذا الخبر

فى دراسة ميدانية موسعة .. تبين أن معدل اصابات الحوامل أو أصحاب الكروش المتضخمة بمثل هذه الشهب البولية أعلى من غيرهم ..

:D

وتحذر السلطات المعنية والغير معنية السادة المواطنين من احتمال تساقط شهب بولية .. وقد صرح مسئول رفيع المستوى بأنه جارى اتخاذ اجراءات حازمة فى كل مطارات العالم للتأكد نم خلو مثانات المسافرين . حيث سيتم تفتيش مثانة مثانة !!

كما أن القضية برمتها ستتصدى لها الادارة الامريكية - كالعادة - لحماية كوكب الارض من البول و خلافه ..

شفاكم الله و عفاكم !! mf)

[thunder204]

يا الهى. :) cbyb:

[SnipeR]

مافتكرش إن ده ممكن يكون صحيح.

هو ممكن الميه تتجمد لما تكون الدنيا برد بس التجمد الفورى بيحتاج درجات حرارة منخفضة جدا و فى الحالة دى المياة حتتجمد على شكل نقط مش على شكل سيف  s-:

و كمان -حتى لو إتجمدت على شكل سيف- فحيكون رفيع جدا و هش و يتكسر بمنتهى السهولة - يعنى مش ممكن يطعن حد.

ده مجرد رأى مبنى على خبرتى العملية بالبرد

فيزيائيا كلما زادت سرعه جسم ادي ذلك الي تعاظم درجة صلابته وانخفاض كتلته عكسيا ...

يعني الصلابه بتزيد والكتلة بتخف..

بالتالي خيط من المياه المتجمدة تحت سرعة ال INJECT بتاعته مع سرعة نزولة بفعل الجاذبية الارضية كفيل انه يخليه في صلابه ابره من الستيل خصوصا ان قطر مقطع الخيط دقيقة الي حد ما وده يخليه مع التجمد وتسارع النزول اشبه بالحربة فعلا..

كان في فيلم زمان نسيت اسمو البطل فيه مكلف باغتيال شخصية مهمة باستخدام طلقة من التلج ..