ايه انسب فرص الاستثمار الان

[moamana]

ممكن اسال اهل الخبرة ايه افضل مجال استثمارى للمغتربين الان خارج مصر

العقارات فى نزول و بالتاكيد هتنزل اكثر بعد طرح اراضى جديدة ونزول سعر الحديدو هذا الكلام عن واقع و خبرة

اما عن اسعار الذهب فان سعره الان عالى جدا بمقارنة بمفهوم الشراء الامن يعنى ممكن لما الاوضاع تستقر سعره ينزل

يبقى الواحد يستثمر فى ايه

[ViralMind]

اعتقد العقارات هى الافضل فى كل الاوقات, و تمنها فيها.. خصوصا لو المنطقة جديدة و فيه توجه انها تبقى عمرانة.

الاستثمار فى العقارات غالبا بيكون مش اقل من 20 سنة و انتى طالعة.. ده يحقق لك مكسب 500% و يضمن ان اصولك المادية لا تهتز اهتزاز عنيف.

الحركة الجريئة بقى.. الاستثمار فى العقارات فى الخارج..

سمعت عن اراضى و بيوت فى انجلترا و أيرلندا.. و حتى سمعت كمان ان كان فيه معارض لبيع الاراضى و البيوت دى.

برضه الاستثمار فى المزارع - و اللى تعتبر اراضى فى نفس الوقت.. يعنى تشترى مزرعة فى انجلترا او كندا.. بس احنا كده بنتكلم فى 3 مليون جنيه مثلا.

[capitshino]

طيب فى عند حضرتك معلومات عن المزارع فى كندا ؟

[moamana]

طبعا ربنا يبارك لكل الناس و يزيد من رزقها و لكن انا لو معى هذا المبلغ مكنتش خرجت من مصر اساسا

انا اتكلم عن الاستثمارات بتاعة الناس العادية يعنى 300 الف مثلا

و فى مصر طبعا لانى فى السعودية و مينفعش استثمر من غير كفيل

[Abu Reem]

طبعا ربنا يبارك لكل الناس و يزيد من رزقها و لكن انا لو معى هذا المبلغ مكنتش خرجت من مصر اساسا

انا اتكلم عن الاستثمارات بتاعة الناس العادية يعنى 300 الف مثلا

و فى مصر طبعا لانى فى السعودية و مينفعش استثمر من غير كفيل

اشتري شقة في منطقة جيدة ( تمليك) وشطبها ثم اجرها ايجار جديد لعدة سنوات ، فتستفيد من الدخل الشهري ثم بعد عدة سنوات يكون سعرها زاد ويكون هناك خيارات اما البيع والاستفادة من زيادة سعرها وايضا الاستفادة السابقة من قيمة الايجار

يفضل الشراء عندما تكون العمارة في بداية انشاءها وان تكون اما في منطقة تجارية او منطقةزجامعات واتوقع مدينة 6 اكتوبر بها اماكن وعقارات جيدة وممكن مبلغك يشتري شقة جيدة هناك

[ViralMind]

انا اعتقد ان حتة ارض حتى لو فى حتة رخيصة هتكون احسن و افضل من الشقة..

[ViralMind]

طيب فى عند حضرتك معلومات عن المزارع فى كندا ؟

والله يا باشا هو فيه البرنامج ده اللى انا اعرفه:

http://www.albertacanada.com/immigration/immigrating/ainp-farmer-stream.aspx

لكن عموما.. كندا بلد المزارع و الزراعة.. فممكن برضه تدخل على اى موقع خاص بشراء و بيع الاراضى و المزارع فى كندا.. و اكيد هتلاقى حاجات بسعر مناسب ليك.

هحاول اشوف لك موقع تبحث فيه.

[عطر الجنة]

طبعا ربنا يبارك لكل الناس و يزيد من رزقها و لكن انا لو معى هذا المبلغ مكنتش خرجت من مصر اساسا

انا اتكلم عن الاستثمارات بتاعة الناس العادية يعنى 300 الف مثلا

و فى مصر طبعا لانى فى السعودية و مينفعش استثمر من غير كفيل

السلام عليكم و رحمة الله و بركاته

الكلام لك و لجميع الاخوة لان اليوم بالصدفة اتصل بى احد الاخوة الافاضل هنا يسألنى عن موضوع مشابه

اولا انا ارفض الاستثمار فى شقة لمن يملك 200 الف فيما فوق لان الاستثمار فى الشقق مناسب لمن يمتلك فقط مقدم و عنده قدره على دفع الاقساط لان فى الوقت الحاضر المعروض من الشقق كثير و غالبيته تم بناؤه وقت الحديد كان سعره مرتفع و الان هبط سعره ... حتى ما تم بناه بعد هبوط السعر ..لذا سعر الشقق لن يتحرك كثيرا فى كل المناطق

و فى تلك الحالة يصير الاستثمار فى الشقق مخزن للحفاظ على قيمة الفلوس الشرائية بعيدا عن البنوك

اما من يتوفر معه 200 الف سيولة فيما فوق مع احتمال زيادة هذا المال بمعدل ثابت بصفة شهرية فانا ادعوه لمبدأ المشاركة مع الاخرين فى بناء كيان مستقل بهم تبعا لعددهم و ميولهم قد يكون عمارة فى العائلى لاى مدينة او فيلا

تحياتى

[moamana]

اتفق معك يا عطر الجنة bv:- و اختلف ايضا

بالاراضى التى ستطرحها الحكومة اسعار الاراضى فى المدن الجديدة ستقل بالتاكيد مش بس عشان الاسعار هتطرح باراضى اسعارها اقل لا بس عشان الناس هتاخدالارض رخيصة و تبنى رخيص و تبيع بسعر معقول و حتى اللى لم يفوز فى القرعة ديه هيفضل يقدم فى كل قرعة على امل انه يفوز و ده هيشغل الشقق اللى مساحتها صغيرة فى حدود 100 متر و هيوقف الغالى و المساحات الاوسع

يبقى اللى عايز يشترى حتة ارض و يبنى يتجه للمناطق الغالية اللى بتتقفل زى مدينة نصراو زايد او المقطم او المعادى و كده

يا اما يستنى اراضى القرعة و يبدا يشارك اى شخص هيكسبها و دول هيبقوا كثير الفترة القادمة

بس انا لى سؤال هو لو الحكومة انتهجت نظام شريف فى موضوع الحديد الفترة القادمة تفتكرى يا عطر الجنة اسعاره هترخص و لا اسعاره مرتبطة بالسعر العالمى و مش هتنزل او على الاقل مش هتنزل كثير عن كده؟

ابو ريم

معلش بالفعل اسعار الشقق الى هبوط ثم اخوانا السعوديين هنا علمونى حاجة المشروع اللى ربحه ااقل من 10% سنويا او على الاقل خالص 8% يبقى مش جايب همه

نشوف الاتى يعنى لو اشتريت شقة ب300 الف هاجرها ب2000 ديه لو مفروشة فى الشهر يبقة سنويا 24 الف

و لكن المشكلة ان التاجير بيعدم الشقة يعنى بعد ايجارها لغرباء لمدة 5 سنوات مثلا تعالى شوف هترجع تصرف كام على التشطيب من الاول :Head: تانى

و معتقدش حاجتين هيزيدوا على الاقل الخمس سنين الجايين و يا اما هيقلوا او هيفضلوا ثابتين الايجار و اسعار الشقق

يبقى احنا كده عندنا اقتراحين اللى معاه 3مليون (و ده من غير قر او نق و الله :P :) :) ) يستثمر فى الاراضى الزراعية فى كندا

و اللى ماه 300 يستثمر فى ارض لقطة و اكرر بسعر لقطة فى الاراضى المصرية

طيب مفيش اى حد عنده افكار تانية خاصة للى معاه 300 :wub: :wub:

[عطر الجنة]

اتفق معك يا عطر الجنة bv:- و اختلف ايضا

بالاراضى التى ستطرحها الحكومة اسعار الاراضى فى المدن الجديدة ستقل بالتاكيد مش بس عشان الاسعار هتطرح باراضى اسعارها اقل لا بس عشان الناس هتاخدالارض رخيصة و تبنى رخيص و تبيع بسعر معقول و حتى اللى لم يفوز فى القرعة ديه هيفضل يقدم فى كل قرعة على امل انه يفوز و ده هيشغل الشقق اللى مساحتها صغيرة فى حدود 100 متر و هيوقف الغالى و المساحات الاوسع

يبقى اللى عايز يشترى حتة ارض و يبنى يتجه للمناطق الغالية اللى بتتقفل زى مدينة نصراو زايد او المقطم او المعادى و كده

يا اما يستنى اراضى القرعة و يبدا يشارك اى شخص هيكسبها و دول هيبقوا كثير الفترة القادمة

بس انا لى سؤال هو لو الحكومة انتهجت نظام شريف فى موضوع الحديد الفترة القادمة تفتكرى يا عطر الجنة اسعاره هترخص و لا اسعاره مرتبطة بالسعر العالمى و مش هتنزل او على الاقل مش هتنزل كثير عن كده؟

ابو ريم

معلش بالفعل اسعار الشقق الى هبوط ثم اخوانا السعوديين هنا علمونى حاجة المشروع اللى ربحه ااقل من 10% سنويا او على الاقل خالص 8% يبقى مش جايب همه

نشوف الاتى يعنى لو اشتريت شقة ب300 الف هاجرها ب2000 ديه لو مفروشة فى الشهر يبقة سنويا 24 الف

و لكن المشكلة ان التاجير بيعدم الشقة يعنى بعد ايجارها لغرباء لمدة 5 سنوات مثلا تعالى شوف هترجع تصرف كام على التشطيب من الاول :Head: تانى

و معتقدش حاجتين هيزيدوا على الاقل الخمس سنين الجايين و يا اما هيقلوا او هيفضلوا ثابتين الايجار و اسعار الشقق

يبقى احنا كده عندنا اقتراحين اللى معاه 3مليون (و ده من غير قر او نق و الله :P :) :) ) يستثمر فى الاراضى الزراعية فى كندا

و اللى ماه 300 يستثمر فى ارض لقطة و اكرر بسعر لقطة فى الاراضى المصرية

طيب مفيش اى حد عنده افكار تانية خاصة للى معاه 300 :wub: :wub:

اسمحلى اقولك ان رايك جانبه الصواب كتير

لان اراضى القرعة لو تسلمتها اليوم حتاخد سنة بين تراخيص و حفر و بناء

بعد كده يجى دور ادخال الكهرباء فلازم تعرف ان ارقى مناطق العمارات فى الشروق التى تسلمت اراضيها فى 2007 يتم ادخال الكهرباء لها الان

اى لن تستطيع استخراج شهادة صلاحية المبنى الا بعد الكهرباء التى يعلم الله متى تدخل لاراضى القرعة

فى ناس حتقول الاراضى تسلم مرفقة حقول نعم لكن الترفيق فى نظر وزارة الاسكان تقسيم الاراضى ووضع خريطتها و اسئلوا منطقة التمر حنة فيلات ارقى مناطق القاهرة الجديدة كانوا بيشتروا ماء للبناء

بعد عمل شهادة الصلاحية لا يجوز بيع الشقق الا بعد مرور 5 سنوات

و بعدين لا يجوز مقارنة مناطق العائلى التابعة لتلك القرعات حتى بمناطق العائلى الاخرى فما بالك بمناطق العمارات ثم الفيلات

يعنى القرش اللى حيتحط فى اراضى القعة مش حيجيب عائد قبل 7 سنوات على الاقل و و قتها ناتج عدد الشقق من اراضى القرعات حيكون كبير

اراضى القرعات مناسبة فقط عندما يشترك فيها اثنين فى القطعة و بغرض السكن لانه ممكن بتمن شقة فى منطقة راقية يحصل على شقتين فى منطقة متوسطة

تحياتى

[moamana]

الله يكرمك الاخت عطر الجنة فانا لم اعرف كل هذا عن المرافق

[أبو معتز]

مع كامل احترامى لكل الاراء

بالنسبة للمبلغ بتاع حضرتك ماشاء الله ربنا يزيد ويبارك

ممكن تشترى بالمبلغ قطعة ارض وتاخدى قرض بضمان الارض وتبنى عمارة وتبيعيها شقق ومحلات

بس لازم يكون ليكى حد فى مصر يتابع الموضوع باكملة من اول شراء الارض لغاية التشطيب فى الشقق والمحلات ... ولابد من شخص خبرة فى هذا المجال وطبعا موثوق بة

تم تعديل 30 أكتوبر 2011 بواسطة أبو معتز

[ذهبية]

يعنى الخلاصة نشترى شقة للاستمار ولا لا

هل السعر فى زيادة ولا نقصان

يعنى لما تنتهى سنة 2011 و تهل علينا السنة الجديدة مش هنتفاجا باسعار جديدة زى كل سنة جديدة

وسؤال تانى لية يا محاوراتية كلامكم كلة فى الشقق و الاراضى للاستثمار محدش فيكم جرىءءءء و بيتكلم عن مشاريع انمائية او

صناعية زى فكرة مشروع انتم بالفلوس و شريك لكم بالمجهود

مفيش اى مشروع صناعى او تجارى او حتى زراعى

هو المشاريع دى بتخسر ولا اية كلكم مش بتجيبوا سيرتها لية

سؤال محيرنىىىى

[نورالهدى]

احسن حاجة دلوقتى يا جماعة للى معاه فلوس انه يحطها فى بنك اسلامى زى بنك فيصل مثلا لأنه الفترة الجاية ماحدش عارف ايه اللى هايجرا فيها فى مصر

[Hesham Zaki]

يعنى الخلاصة نشترى شقة للاستمار ولا لا

هل السعر فى زيادة ولا نقصان

يعنى لما تنتهى سنة 2011 و تهل علينا السنة الجديدة مش هنتفاجا باسعار جديدة زى كل سنة جديدة

وسؤال تانى لية يا محاوراتية كلامكم كلة فى الشقق و الاراضى للاستثمار محدش فيكم جرىءءءء و بيتكلم عن مشاريع انمائية او

صناعية زى فكرة مشروع انتم بالفلوس و شريك لكم بالمجهود

مفيش اى مشروع صناعى او تجارى او حتى زراعى

هو المشاريع دى بتخسر ولا اية كلكم مش بتجيبوا سيرتها لية

سؤال محيرنىىىى

ده احلي كلام كله قال لاما عقارات او بنوك وكلها اصول غير منتجة (عقيمه).. ولم يذكر اي مشاريع انمائية او صناعية او تجارية وكان هذا الفكر لم يعد موجود ببلدنا

تم تعديل 31 أكتوبر 2011 بواسطة Hesham Zaki

[طبيبة بالخارج]

من وجهة نظري لا يوجد ما يسمى بإستثمار لشخص يعمل بالخارج المسمى الصحيح هو الحفاظ على القيمة الشرائية للتحويشة + الانتظام في التحويش

عشان كده شراء عقارات بالتقسيط أفضل شيء و المفضل في أماكن لسه تعتبر رخيصة بسبب عدم اكتمال العمار بها

مسألة أخذ أرض و بنائها فتعتمد على قدرة الشخص المالية و من يعينه على البناء (يعني يحسبها الأول) و فكرة المشاركة مع آخرين كويسة فقط لو شركاء مضمونين مش أغراب

بالنسبة لي الاستثمار لن يبدأ قبل عودتي نهائي لمصر ان شاء الله و في بالي حاجتين مشروع يناسب خبراتي لأني لا أحبذ فكرة تقسيم المشاركة لنقود و مجهود ، الواحد لو مش فاهم في المشروع اللي بيصرف عليه فدي مجازفة كبيرة و حرام فلوس الغربة (باستثناء الدخول في اكتتاب شركة و شراء أسهم و انتظار الأرباح السنوية)

الفلوس في البنوك مش مريحة لسببين (طبعا بخلاف موضوع الفوائد لو بنوك مش اسلامية) أولا: القيمة الشرائية ستضيع ثانيا: سهل صرفها

بس طبعا مشاريع الاستثمار لن أفكر بها الا ان شاء الله بعد استقرار الحالة السياسية و الأمنية بمصر (مش مسألة قلة وطنية و لكن تعقل فماذا ستستفيد البلد من مشروع يتعثر من أوله) و أدعو الله بقرب تحسن الأحوال

[انسان مخنوق]

اعتقد من الان فصاعدا لن يحدث طفرة فى اسعار العقارات بل ربما تقل فى بعض المناطق على العكس

فزيادة اسعار العقارات كانت نتيجة سياسية بلطجة وسرقة من العصابة التى حكمتنا 30 عاما

ولكنى اتوقع ان شاء الله مستقبلا زيادة فى الاراضى والعقارات المعروضة للبيع لاسباب منها فتح المدن الجديدة على مصراعيها

ثانيا انتعاش الاقتصاد سيوجه اموال المصريين للاستثمار الحقيقى القائم على الانتاج وبالتالى سيقلل من الاقبال على العقارات التى كانت المنفذ الوحيد للاستثمار بعد تدمير الصناعة والزراعة

الخير ان شاء الله قادم

[سهران]

اعتقد من الان فصاعدا لن يحدث طفرة فى اسعار العقارات بل ربما تقل فى بعض المناطق على العكس

فزيادة اسعار العقارات كانت نتيجة سياسية بلطجة وسرقة من العصابة التى حكمتنا 30 عاما

ولكنى اتوقع ان شاء الله مستقبلا زيادة فى الاراضى والعقارات المعروضة للبيع لاسباب منها فتح المدن الجديدة على مصراعيها

ثانيا انتعاش الاقتصاد سيوجه اموال المصريين للاستثمار الحقيقى القائم على الانتاج وبالتالى سيقلل من الاقبال على العقارات التى كانت المنفذ الوحيد للاستثمار بعد تدمير الصناعة والزراعة

الخير ان شاء الله قادم

أؤيدك تماما في هذا الرأي ... فقاعة العقارات التى أكتوينا بها بسسبب النظام الفاسد على وشك الأنفجار ...

لن يعود العقار مخزن للقيمة كما كان ...

كل المغتربين تقريبا كانوا بيستخدموا العقار كوسيلة آمنة يواجهوا بها التضخم

و يستفيدوا من مضاربات الفاسدين على الأراضي و العقار ...

أعتقد الوضع في طور التغيير ..

لو أراد الله للثورة أن تنجح و ستنجح بأذن الله هاتكون الأستثمارات الزراعية و الصناعية على سلم الأولويات و أن شاء الله هانودع سوق المضاربة و السمسرة و شغل التلات ورقات اللي كنا عايشين فيه .

[alshura]

الاستثمار فى العقارات عموما و فى الاراضى الزراعيه خصوصا فى امريكا وكندا رخيصه جدا يعنى مثلا انا شفت مزرعه 8 فدادين اتباعت فى كندا ب 16 الف دولار اضرب فى 6 = 96 الف جنيه و دا ارخص من من تمن قيراط ارض فى اعفن قريه فى مصر و كدلك البيوت والعمارات الاسعار هناك رخيص خالص و اللى مش مصدق يبحث فى جوجل عن farm land auctions in canada او in america

[الباشمهندس ياسر]

اشتري بيهم حتة ارض في منطقة قديمة مش جديده (( ده ان جابوا حاجة يعني))

لان المناطق الجديدة اسعارها كلها بتقع و هتقع اكتر

انما مشاريع و حركات من كده فبلاش

محدش هيراعي فلوسك غيرك بالاضافة انكم علي ما تتعلموا حاجة ف السوق هنكونوا

اكلتوا نص الفلوس دي ان مكانش كلها