حانت ساعة الرُمانة

[se_ Elsyed]

خير اللهم اجعله خير ؟

والله العظيم بالصدفة أشتريت كرتونة رمان من كام يوم وعمال أعمل منها عصير واشرب لما أتدهولت خالص ...

الكلام ده من كام يوم ....

لحد النهاردة ما بأضرب بعيني كده في الفيس بؤ ولقيت الموضوع ده اللي بيفسر لي سر نهمي واقبالي على الرمان

[capitshino]

ترجمة لو سمحت .

[se_ Elsyed]

عشان نوضح للجيل الصاعد المندفع اللي ما يعرفش مصطلح " علقوا له الرمانه "

نقول والله المستعان ..... إن قتالين القُتلى لما يحب يتاووا جثة حد عشان ما حدش يعرف لها طريق جُره .... بيروحوا رابطين في رجلة كره حديد كده كبيرة وتقيلة بتبقى في المراكب وبيستعملوها زي الهلب عشان تخلي المركب ترسى لما تركن على المينا بعد ما تترمي طبعاً في قاع الماء .... الكره دي بقى بيبقى فيها جنزير كبير ... فبيلفوا الجنزير حواليين الجته ... ويروحوا زاقلينها هي والكورة في قاع المحيط .... السمك بقى يشوف شغله ويعمل على جتت الزبون عزومة بالصيادية ... وعُمر الجته ما تقب تاني

يااااااااااااااااااه .. اما الخبر ده لو صحيح ... ده أبويا الحج مبارك مش هايلاحق رمان على الشعب المصري وخصوصاً العيال الثورجية بتوع النت ...

وأنا من هنا اعلنها صراحةُ .. إني ما كتبتش ولا كلمة من الحاجات الثورية دي إلا تحت ضغوط شديدة ... أولها من ا عادل ... ومعاه طاقم الإشراف كله - ما انا مش هاشيل الليلة لوحدي - وقالوا لي يا تقول كده يا مش هاتبقى مُشرف ... وخصوصاً عبير .. أه اللي عماله تكتب في الميوزيكا إيطاليانو وشغاله في شغل الأسباجيتي .... قدامكم بس بتعلم كده .. لكن في باب الإشراف المخفي بتقعد تحرضنا على الثورة وتحمسنا بحاجات من عينة .. ثورة ثورة إلى الامام إلى الامام ... وبيت بيت وزنجا زنجا حضرتك

كما يوجد لدينا رمان حريمي خاص ..

يعني الجنزير اللي بيتلف حوالين الجته بيبقى مبطن بالحرير ... وألوان عشان ما يعورش ... وفي رمان بترتر وجانجاه كمان .... امام بقى البتاعه الكبيرة المكورة ففي منها بفيونكات وفي نوع تاني بشراشيب ... وفي عندنا حاجات تاني بتفوح منها عطور مختلفة .. ياسمين تلاقي ... زنجبيل تلاقي .... وفي عطور مخلطة كمان

اعتقد الرمان الرجالي مش هاتفرق معانا .. خشنة خشنة يا عم هي موته ولا اكتر ... وكمان احنا قلبنا على مصر حتى أخر رمانه .. يعني هانقعد نكلف البلد ونعمل رمان بمواصفات خاصة وتكاليف وكدهوت

هاموت بقى وأطلب منهم إن تيمور يتعلق قبلي . عشان أشوفه ساعتها هايعمل إيه ...

وعارفين مين اللي هايشمت فينا ساعتها ؟ ... محمد الغنام وساعتها هايمسك صاجات وهو بيزفنا لمثوانا الأخير .... انا حبيبك يا محمد وما أديتكش إلا ييجي 20 سالب .... وخلي بالك إنت محامي كبير .. والميتيهم بريء حتى تيثبت إدانته ... يعني من حقي عليك إنك تترافع عني

[capitshino]

عشان نوضح للجيل الصاعد المندفع اللي ما يعرفش مصطلح " علقوا له الرمانه "

نقول والله المستعان ..... إن قتالين القُتلى لما يحب يتاووا جثة حد عشان ما حدش يعرف لها طريق جُره .... بيروحوا رابطين في رجلة كره حديد كده كبيرة وتقيلة بتبقى في المراكب وبيستعملوها زي الهلب عشان تخلي المركب ترسى لما تركن على المينا بعد ما تترمي طبعاً في قاع الماء .... الكره دي بقى بيبقى فيها جنيزر كبير ... فبيلفوا الجنيز حوالييت الجته ... ويروحوا زاقلينها هي والكورة في قاع المحيط .... السمك بقى يشوف شغله ويعمل على جتت الزبون عزومة بالصيادية ... وعُمر الجته ما تقب تاني

طيب وعادل أمام مش هينقذك ؟

[se_ Elsyed]

عشان نوضح للجيل الصاعد المندفع اللي ما يعرفش مصطلح " علقوا له الرمانه "

نقول والله المستعان ..... إن قتالين القُتلى لما يحب يتاووا جثة حد عشان ما حدش يعرف لها طريق جُره .... بيروحوا رابطين في رجلة كره حديد كده كبيرة وتقيلة بتبقى في المراكب وبيستعملوها زي الهلب عشان تخلي المركب ترسى لما تركن على المينا بعد ما تترمي طبعاً في قاع الماء .... الكره دي بقى بيبقى فيها جنيزر كبير ... فبيلفوا الجنيز حوالييت الجته ... ويروحوا زاقلينها هي والكورة في قاع المحيط .... السمك بقى يشوف شغله ويعمل على جتت الزبون عزومة بالصيادية ... وعُمر الجته ما تقب تاني

طيب وعادل أمام مش هينقذك ؟

عادل إمام هنا هو محمد الغنام

[عبير يونس]

وأنا من هنا اعلنها صراحةُ .. إني ما كتبتش ولا كلمة من الحاجات الثورية دي إلا تحت ضغوط شديدة ... أولها من ا عادل ... ومعاه طاقم الإشراف كله - ما انا مش هاشيل الليلة لوحدي - وقالوا لي يا تقول كده يا مش هاتبقى مُشرف ... وخصوصاً عبير .. أه اللي عماله تكتب في الميوزيكا إيطاليانو وشغاله في شغل الأسباجيتي .... قدامكم بس بتعلم كده .. لكن في باب الإشراف المخفي بتقعد تحرضنا على الثورة وتحمسنا بحاجات من عينة .. ثورة ثورة إلى الامام إلى الامام ... وبيت بيت وزنجا زنجا حضرتك

احم احم

يوه جاتك ايه يا سين سين ههههههههههه

سكر و الله

( وش اركتيكت )

ههههه اانا اانا

ده انا مليش خالص في الحاجات دي

و بعدين مالها الاسباجيتي يا سي سين سين

مش لسه عاملهالكم امبارح في الاشراف

و بالامارة كانت بصلصة الباراميزان

و كنا نرقص على أنغام الكونتري ميوزك

و انت اندمجت و لبست كاوبوي و لفيت الحبل و رميته راح جاي في البودي جارد بتاع الادفايزور

هههههههههه

اما كانت ليلة

و هو معلقك في السقف و انت عمال تقول له انك بتهزر

هههههههههههه

معلش انا خدت لك صورتين كده

اصله كان منظر تحفة

بس مش حأعرضهم طبعا

:closedeyes:

و كله بتمنه

[الســـاري]

خلي الرمان ينفعك دلوقتي يا باشا ... طب ماله البردقان ..؟؟ دا كله فيتامينات .. ولا الجزر .. يقوي النظر برضه

انا الحمدلله ماليش بالفواكه عموماً

:closedeyes:

نصيحة يا سي السيد .. مادمت لسه على البر .. غير اللوك تبعك وانسى المعرف بتاعك دا خالص .. بالاشراف والتقييمات اللي تتكاثر بالانشطار ( ما شاء الله ) وبصورة العيل اللي مش عايز يكبر دا .. وادخل بمعرف جديد وسمي نفسك " سيد الليل الحزين " .. وخليك بباب الشعر بس ، قول قصائد زي عمنا الطائر .. وخليك من تيمور و تحرشاته .. وعبير و كل الميوزك اللي بتخر منها كل شوية دي .. وخليك بس تقول : عيناك غابتا نخيل يا فاتنتي .. صحيح الكلام دا ممكن يوديك بداهية مع ام عمر .. بس على الاقل تضمن راسك على اكتافك

وانا اقول تيمور مش ظاهر في الساحة ليه اليومين دي .. يظهر اتعلق له الرمانة بدري بدري

[eslam elmasre]

وانا من جهتي اعلن ولائي الكامل للزعيم اللي من غيره مانسواش بصلة

لاني امنت ان مبارك زي القرش الممسوح يلف يلف ويرجع لصاحبه

وفي هذه المناسبة التاريخية التي يندر تكررها في التاريخ بل قل لم تحدث الا مرة واحدة في التاريخ

اهدي سيادته هذه الاغنية التي تعبر عن ولائي لسيادته وتسليمي بان مافيش فايده

وزي ماقال اللي نشر الاغنية

وحشتنا يازعيم

يا مقدر ومكتوب لنا

http://www.youtube.com/watch?v=j7eF2B43lgo

انا كده في السليم اهو

[spain]

يعني ايه حنرجع تاني

نسمع منتخبنا كويس زي ما قال الريس

وارجع اشوف وش صفوت الشريف وسرور تاني

لا لا انا سرور ده معقدني من ايام الثانوية من اول ما مسك التربية والتعليم

اسلام المصري اغنيتك بجد بجد كركبت معدتي

زي ما يكون طفل خد علقه وفكرتني بالعلقة السخنة ....تااااني

ابقوا علقوا لي .....عنبه ...

[عبير يونس]

خلي الرمان ينفعك دلوقتي يا باشا ... طب ماله البردقان ..؟؟ دا كله فيتامينات .. ولا الجزر .. يقوي النظر برضه

انا الحمدلله ماليش بالفواكه عموماً

:closedeyes:

نصيحة يا سي السيد .. مادمت لسه على البر .. غير اللوك تبعك وانسى المعرف بتاعك دا خالص .. بالاشراف والتقييمات اللي تتكاثر بالانشطار ( ما شاء الله ) وبصورة العيل اللي مش عايز يكبر دا .. وادخل بمعرف جديد وسمي نفسك " سيد الليل الحزين " .. وخليك بباب الشعر بس ، قول قصائد زي عمنا الطائر .. وخليك من تيمور و تحرشاته .. وعبير و كل الميوزك اللي بتخر منها كل شوية دي .. وخليك بس تقول : عيناك غابتا نخيل يا فاتنتي .. صحيح الكلام دا ممكن يوديك بداهية مع ام عمر .. بس على الاقل تضمن راسك على اكتافك

وانا اقول تيمور مش ظاهر في الساحة ليه اليومين دي .. يظهر اتعلق له الرمانة بدري بدري

يا بني تيمور

من زمان مع امن الدولة

و كان بيمثل علينا انه ثورجي

امال هو نزل مصر دلوقتي ليه

عشان يقدم كل التقارير عننا

يعني كلنا بالشفا ان شاء الله

و حتى انت و مسافر زاده الخيال

رمان انما ايه

تاكلوه بالشفا في الربع الخالي يا باشا

عموما بالمناسبة دي احب اهدي الريس متقال

الاغنية الخليجية

ما حبك بعد روح :closedeyes:

اللي لسه حاطاها في أحلى الأغاني الخليجية

[م تيمور المراغي]

مش عارف ايه موضوع امن الدوله ده ؟ :happy:

برضوا هناك ناس مسميني ( العنصر الكامن )

وده بيبقى احد الخلايا النائمة اللي بتنظر ساعة الصفر لكي تتحرك وتدمر

بيني وبينكم انا نفسي بقيت شاكك في الموضوع اصل زي مابيقولوا ما فيش نار من غير دخان :happy:

بالنسبه لموضوع الرمانه

فاللي عنده سبع دقايق يشوف فينالة فيلم العصفور ... بهية ويوسف وعلي العسكري والشيخ حسونة ورؤوف ..كل ما اتفرج عالمشهد دة ومحسنة توفيق بتتنقل بين الشخصيات .. بحس ان البلد دي بتتحايل علينا نعمل حاجة !

http://www.youtube.com/watch?v=jFAHrAaixfY

[Abu Reem]

انصحكم ، تأيدوا رئيسنا القادم

...................

جمال مبارك

وسيبكم من مبارك نفسه

على فكرة الرجل في حالة حرجة فعلاً ، وتقريبا وظائف الجهاز الهضمي كله تقريبا مش شغالة....

والراجل شكله هيطول في غيبوبة

لذلك لازم تفكروا في تقديم الولاء.....لجيمي

لان الراجل الكبير....دخل في العد التنازلي ...والأعمار بيد الله...

تم تعديل 30 أكتوبر 2011 بواسطة Abu Reem

[se_ Elsyed]

انا الحمدلله ماليش بالفواكه عموماً

ههههههههههه كلنا كنا بنقول زيك .. وأنا نباتي ... والفاكهة بتموع نفسي .... كل ده حافظينه وفاهمينه يا ساري بيه

ده أنت بقى بالذات ومسافر زاده الخيال مصيبتكم تقيلة ...

عارف طبعاً رمان الطايف ؟

يعني مش هانغلب فيكم .... يا حبيبي كل واحد دخل محاورات المصريين خلاص بقى في البلاك ليست ..

هاتوحشنا يا ساري

------------

ابقوا علقوا لي .....عنبه ...

عنبه عنبه .... إستني أما أشوف معناها في قاموس الثورة

اه لقيتها ... علقوا لها العنبه يعني أربطوها في حجر من بتاع الرصيف وأرموها جنب اخوتها ...

مبروك يا سبين .. إنتي من الاحرار

30 الف جنيه لكل شهيد .. وهايتعالج كمان على نفقة الدولة ... والله والبلية لعبت معاكي وعديتي

-------

ان البلد دي بتتحايل علينا نعمل حاجة !

عمايلك سودا يا تيمور

هانعمل إيه تاني يابني حرام عليك مش كفايه الرمان

---------

[eng noor]

استاذ سين سين

شكرا لتوضيح المصطلح العلمي الفذ ده " علقو له الرمانه" للجيل الصاعد النازل حالاتي

انا بقالي ييجي كده عشرميت سنه بحاول افهمه .. وها انت زا كد استوضحتوهولي

تشاكورات افندم .. جروحي تشوكوزاار

بس بالنسبة للرمان الحريمي .. انا كنت عايزه اطلب اوردر يكون في ام بي سري عشان الواحد يتسلى وهو بيغرق برضو

و ... و .... درجان الالوان لو في قوس قزح .. عشان النفسية والأمل وكده .. انت عارف الستات تمووووووت ولا تكونشي منفسنه ابدا

[se_ Elsyed]

استاذ سين سين

شكرا لتوضيح المصطلح العلمي الفذ ده " علقو له الرمانه" للجيل الصاعد النازل حالاتي

انا بقالي ييجي كده عشرميت سنه بحاول افهمه .. وها انت زا كد استوضحتوهولي

تشاكورات افندم .. جروحي تشوكوزاار

بس بالنسبة للرمان الحريمي .. انا كنت عايزه اطلب اوردر يكون في ام بي سري عشان الواحد يتسلى وهو بيغرق برضو

و ... و .... درجان الالوان لو في قوس قزح .. عشان النفسية والأمل وكده .. انت عارف الستات تمووووووت ولا تكونشي منفسنه ابدا

كله موجوده با فندم

جايلي طلبية ام بي ثري من الصين " ووتر بروف " بس للأسف .. متبرمج بس على أغنية واحده وهي

( إني أغرق .. أغرق أغرق بؤ بؤ بؤ .. وكدهوت )

وفي جنازير جميع الألوان

يا جماعة العملية مش مطلوبة منها التعذيب أو نأذي الناس او ننتقم منهم ... أبسليوتلي ...

هل قامت الثورة ؟

نعم .. قامت

هل ماتت الثورة ... نعم ماتت

مش مهم

هل سيعود النظام القديم .... أيوه وليش لأ طالما الناس عاوزه كده

يبقى برضوا لازم نريح الناس وكل واحد يختار الرمانه اللي تريحه

أنا بيني وبينكم مش باحب اموت غرقان ... عشان كده هافضل إنهم بخبطوني بالرمانه على دماغي ونخلص .. وعلى رأي المثل " خبطة بالرمانة ... ولا عشرة بالمرزبة "