استفسار - سكن بالعليا ( رياض ) و ما حولها

[abu ali]

السادة اعضاء المنتدى الافاضل ، باذن الله سانتقل للعمل فى الرياض ديسمبر القادم و مكان العمل بالعليا العام ، فارجو من الاخوة الافاضل الافادة باسعار الشقق غرفتين و صالة بالعليا او اماكن قريبة و سهلة المواصلات منها ، و ان كان هناك كمبوند شقق عادى ( لا يهم الخدمات ) فكم تبلغ الاسعار . و جزاكم الله خيرا .

سلام

[MZohairy]

العليا احلى حته في الرياض ممكن تسكن فيها

و جنبها حي الورود جميل جدا ايضا

بس الكمبوندات هناك مش هتكون رخيصه

يعني كنت ساكن سنة 2005 في كمبوند ب 45 الف سنويا

دلوقتي بقى ب 80 الف بدون اي تغيير في مستواه

عموما ماعتقدش تلاقي بأقل من 40 الف كمبوند باي حال من الاحوال

[abu ali]

شكرا استاذ زهيرى ، و كم ايجار غرفتين و صالة فى الاماكن المذكورة اعلاه او بالقرب منها ، و هل سهل الحصول على شقة ام ان المعروض قليل ؟

جزاكم الله خيرا

[MZohairy]

شكرا استاذ زهيرى ، و كم ايجار غرفتين و صالة فى الاماكن المذكورة اعلاه او بالقرب منها ، و هل سهل الحصول على شقة ام ان المعروض قليل ؟

جزاكم الله خيرا

عليك و على سي السيد و اسد اعمدة المصريين بالرياض

انا معلوماتي كلها تعتبر قديمه و من 5 سنين تقريبا و الاسعار اختلفت جدا في الفتره دي

[أسد]

شقة كويسة في العليا غرفتين وصالة .. انت بتتكلم في 35 ألف تقريباً ...

البحث ليس أمراً سهلاً في تلك المنطقة ... لكن مفيش مشكلة ... حتلاقي إن شاء الله

الكمباوند ... الأسعار غالية جداً .. ده في حالة انك لقيت مكان فاضي أصلاً ... الأسعار على الأقل تبدأ من 80 ألف

فيه كمباوند العقارية .. شقق .. أسعاره معقولة في حدود 40 ألف .. لكن قائمة الإنتظار طويلة ..

ويمكن تحتاج إنك تفوت للناس اللي هناك حاجة علشان يعطوك أولوية

[se_ Elsyed]

شكرا استاذ زهيرى ، و كم ايجار غرفتين و صالة فى الاماكن المذكورة اعلاه او بالقرب منها ، و هل سهل الحصول على شقة ام ان المعروض قليل ؟

جزاكم الله خيرا

عليك و على سي السيد و اسد اعمدة المصريين بالرياض

انا معلوماتي كلها تعتبر قديمه و من 5 سنين تقريبا و الاسعار اختلفت جدا في الفتره دي

شكراً على هذه الثقة الغالية .. واوعدكم إن في حالة فوزي في الإنتخابات البرلمانية القادمة ( شقة في العليا العام او في شارع التخصصي زي بعضه ... مع عربية سوناتا بانوراما اللي عاوز أبيع هدومي وأشتريها .. هدية لكل اهل الدايرة ) مرشحكم للبرلمان سين سين .. رمز دُش الحمام - اه والله في رمز كده ... حاجه بقى هاتغرقنا وتنضف المنطقة -

لأ شوف يا ابو علي

مش شرط تسكن في العليا نفسه عشان غالي قوي ... ممكن تشوف حاجه في السليمانية .. او الورود .. او الوزارات .. والله حتى لو حي النهضة بينك وبين العليا 10 دقايق بالعربية وثواني لو الطريق سالك

واحد صاحبي لسه واخد شقة من شهر في شارع النهضة امام الحدائق اللي هناك .. بصراحة تهبل ... وعمارة حلوه والشقة متوضبة وظريفة بـ 18 الف في السنة واخد من صاحبها غرفتين نوم ومكيفات وثلاجة وغسالة وشوية حركات تاني .... بخمس بواكي .. أه والله ... بصراحة حاجه ولا في الاحلام .. وكمان كان معروض علينا شقة في كمبوند ظريف في طريق الملك عبد العزيز عند القاعدة الجوية بـ 22 ألف بس عيبها إن صاحبنا ماسك على 15 الف ثمن العفش وده مبلغ كبير بصراحة

الخلاصة يعني ...الموضوع عاوز شوية تعب .. ويا ماكتر المكاتب العقارية .. عاوزه بس إسبوع لف على المكاتب .. وكمان تتابع جريدة الوسيلة فيها شوية إعلانات لقطة

ونصيحة سيبك من الكمبوندز لإن الأسعار ولعت وفعلاً فوق الـ 80 وكمان بتتحط ويتنج ليست

[AbkaReno]

فيه شقه في السليمانيه بجوار برج الكباب الي على شارع الملك عبدالعزيز على 35 الف 3 غرف وصاله كبيره و2 حمام

لو عزتها قلي نروح نشوفها مع بعض

وفيه شقق عندي في حي الورود ب 40 الف جديده انت اول ساكن ليها في شارع الشيخ عبدالله العنقري

تعاله بس وانا ادورلك

[abu ali]

انا شاكر جدا لاهتمام حضراتكم ، و انشاء الله هاكون فى الرياض بعد اسبوعين و هابدا البحث بناء على المعلومات اللى تفضلتوا بيها .

حاولت اكلم العقارية اكتر من مرة كان شغال نظام رد الى و معرفتش اوصل لمسئول حجز او تاجير ، غالبا من كثرة الطلب .

انادخلت على مناقشات سابقة فى المنتدى بخصوص المدارس فاتصور السليمانية واخدة نصيب الاسد فغالبا هابدا البحث فيها باذن الله و طبعا الاماكن التانية ايضا ماخوذة فى الاعتبار .

ا/عبقرينو : يمكن 3 غرف تكون اكبر من احتياجى حاليا ، فبكم تقريبا غرفتين و صالة فى السليمانية .

تحياتى للجميع ...