عمتَ صباحاً / عمتَ مساءً يا وطن !

[لولا]

لتلك الصباحات التى نشتاق فيها لرائحة الوطن

لتلك المساءات التى تهدد القلب تنهيدة تشتاق للوطن !

صباح الخير ياوطن ..

صباح الحنين

فى لحظة احساس حر :

أشتاق لوطن يحلو لى أن افكر انه يشتاق لى !

لولا

[عبد الله غريب]

شمس بلادي غير .. أرض بلادي غير .. سما بلادي غير ..

و هوا بلادي .. غير الغير rs:

[لولا]

صباحك ... يا وطن

كرامة

احلام

وطُهر

صباح الخير يا وطن

لولا

[لماضة مصرية جدا]

مساءك يا وطن

حضن أمي

أشتاق إليه كثيرا

و أشتاق إليك

[عبد الله غريب]

مصر النسيم في الليالي .. و بياعين الفل

و مرايه بهتانة ع القهوة .. أزورها و اطل

القى النديم طل من مطرح منا طليت .. و القاها برواز معلق عندنا في البيت

فيه القمر مصطفى .. كامل حبيب الكل

منقول

[عبد الله غريب]

صباح جديد .. بعد العيد .. و حالة وجد في حب مصر .. و كلام محتاج أقولو لحد .. لقيت كلام عمنا صلاح جاهين .. داه أنسب القايلين

على إسم مصر

مصر .. التلات احرف الساكنة اللى شاحنة ضجيج

زوم الـهـوا وطـقـش مـوج البـحـر لما يهيج

وعجيـج حـوافـر خـيـول بتجـر زغروطـة

حـزمـة نغم صعب داخـلة مسامـعى مقروطـة

فى مسـامى مضغوطـه مـع دمـى لها تعاريـج

تـرع وقـنـوات سـقت من جسـمى كل نسـيج

وجمـيع خيـوط النسـيج عـلى نبـرة مربوطـة

أسمـعها مهـموسـة والا اسمـعـها مشخـوطـة

شبـكة رادار قلـبى جـوه ضلـوعى مضبوطـة

على إسم مصر

وتـرن مـن تـانى نفـس النبـرة فى ودانــى

ومـؤشـر الفـرحـة يـتـحرك فـى وجـدانـى

واغـانـى واحـشانـى بـاتذكرهـا ما لهاش عد

فيه شىء حصـل أو بيحـصل أوح يحـصل جـد

أو ربـمـا الأمـر حـالــة وجـد واخـدانـى

انـا اللـى يـامـا الهـوى جـابنـى وودانــى

وكـلام عـلى لسـانـى جـانـى لابـد اقوله لحد

القمـح لـيـه إسـمـه قمـح اليـوم وأمس وغد

ومـصـر يـحـرم عليـها .. والجـدال يشـتـد

صباحكم حالة وجد في عشق الوطن

[لماضة مصرية جدا]

صباحك يا وطن

سؤال

لما بنشيل شنطة السفر...بنحس يعني ايه غربة و بتكبر جوه القلب مساحة سائعة كده بتفضل قلقانة و حيرانة لغاية ما ترسي سفينتنا تاني

بس ليه يا وطن لما السفينة بتروح نواحي الشط اللي في يوم حبيناه...ليه بيفضل جوه مني احساس الغريب؟؟

صباحك يا وطن

سؤال

انت ايه يا وطن؟؟؟

وهعرف ادوب فيك امتي....و انسي احساس الغربة دوت امتي؟

و ليه ع الرغم من البعاد و القرب و الشد و المد....لسه فيك حاجة واحشاني؟؟؟

هتجاوب يا وطن

و لا برضه زي كل حال فيك...متلخبط و متحير و الصوت العالي فيك هيسكت اي سؤال جوه مني

صباحك يا وطن....سؤال...لسه بدور علي اجابته

[باهى الطائر الحزين]

وطنى

فى جلدى

فى لحمى

فى عظامى

نخاعى الشوكى

عمت صباحا

انت

وللياسمين مواسم

اشتاقها

[عبير يونس]

وطني حبيبي

في قلبي تسكن

أحملك بداخلي

باقٍ أنت

في وجداني

للأبد

للأبد

للأبد

عمت صباحا

أجمل صباح

صباح أستنشق فيه عبيراً

وأراك ترفل في سمو وبهاء

أحبك يا وطني

[باهى الطائر الحزين]

على قلبي وضعت يدا ونحوك قد مددت يدا

سرى ليلي لغير هدى ولا ادري لأي مدى

وطنى

لهواك

لظى

فوا كبدا إذا اضحيت وإن امسيت وا كبدا

[عبير يونس]

على قلبي وضعت يدا ونحوك قد مددت يدا

سرى ليلي لغير هدى ولا ادري لأي مدى

وطنى

لهواك

لظى

فوا كبدا إذا اضحيت وإن امسيت وا كبدا

والبنط ليس فقط لروعة الكلمات

و لكن أيضا لجمال التوقيع الجديد

ملأ الله قلبك بالأمل و التفاؤل

[عبد الله غريب]

مساؤك يا وطن .. بطعم الكرامة و العز .. الممزوج بألم فراق الأبطال

http://www.youtube.com/watch?v=nBWzJsxaxM0

تم تعديل 30 نوفمبر 2011 بواسطة عبد الله غريب

[عبد الله غريب]

في مثل هذا الشهر منذ 26 سنة تم معاقبة بطل مصري على جريمة دفاعه عن كرامة مصر ..

حيث قتل 7 من اليهود الذين استباحو حدود مصر عشية 6 أكتوبر عام 1985 و تفلوا على العلم المصري ..

إنه سليمان محمد عبد الحميد خاطر

إبن قرية اكياد - مركز فاقوس - محافظة الشرقية

http://www.youtube.com/watch?v=2i_Xvrb18IE&feature=related

تم تعديل 30 نوفمبر 2011 بواسطة عبد الله غريب

[أبو محمد]

وطنى

عمت صباحا يا وطن

وطنى

أنشودة غنيتها بمرارة الهزيمة ..

غنيتها بحلاوة النصر ..

فليغنها كل من يشعر بالتيه

ــــــــــــــــ

وطنى وصباى وأحلامى

وطنى وهواى وأيامى

ورضا أمى

وحنان أبى

وخطى ولدى

عند اللعب

يخطو برجاء بسام

هتف التاريخ به فصحى

ومضى وثبا

ومشى مرحا

حملت يده شعل النصر

وبدا غده أمل الدهر

يستقبل موكبه فرحا

ويحيى مجد الأهرام

وطنى وصباى وأحلامى

فى ظل النخل على الوادى

أصغيت لقصة أجدادى

لمعانيها خفق القلب

وبماضيها طاف الحب

وشدا للمجد مع الشادى

وصحا ليبارك أيامى

وطنى وصباى وأحلامى

بدم الأحرار سأرويه

وبماضى العزم سأبنيه

وأشيده وطنا نضرا

وأقدمه لابنى حرا

فيصون حماه ويفديه

بإباء فيه وإقدام

وطنى وصباى وأحلامى

وطنى وصباى وأحلامى.mp3

[لولا]

وتسأل : ما معنى لاجىء ؟

سيقولون : هو من اقتلع من ارض الوطن !

وتسأل : ما معنى كلمة وطن ؟

سيقولون : هو البيت وشجرة التوت ، وقن الدجاج

وقفير النحل ورائحة الخبز والسماء الأولى .

وتسأل : هل تتسع كلمة واحدة من ثلاثه أحرف لكل هذه المحتويات .. وتضيق بنا ؟!!

محمود درويش.

صدقت .. يظل دوما هناك مكان

عمت صباحاً يا وطن

[لماضة مصرية جدا]

برغم كل البرد

برغم كل الصخب

برغم كل شيء

صباحك دفء يا و....ط....ن

دفء نصنعه...ننسجه تفصيلة تفصيلة

لأن القلب لازال يحبك يا وطن

صباحك....يوم الجمعة

يعني بريد الجمعة في الاهرام

يعني الولاد الصغيرين رايحين الصلاة

يعني رائحة تنفذ من مطبخ العائلة و تتسلل برشاقة في القلب

يعني...وجوها....غابت...و اخري تحضر بقوة....و لكل منها لا زال هناك مقعدا يتسع لكل منهم في القلب

صباحك....دائرة...دفء...تكتمل عند عتبتك.....يا وطن

[لماضة مصرية جدا]

تضرب .. تقلب

اصلنا الطيب

ف الآخر بيغلب

وتفضلي انتي حكاية العشق

اللي مبتنتهيش..

مساك

يا وطن

حكاية عشق

مبتنتهيش

و بيغلب فيها الأصل الطيب

اللون اللي مش عارفة ايه ...دي كلمات علي سلامة

تم تعديل 2 ديسمبر 2011 بواسطة لماضة مصرية جدا

[لماضة مصرية جدا]

مساك ضحكة مستخبية

و عيون شقية

و تفاصيل سعادة...من الل هيا

حاجات صغيرة...بنقربها مننا و بتقرب روحنا لينا

مسايا....مش لمصر

مسايا

لوطن.....بحلم بيه جوه مني

و بشيله معايا منين ما بروح

و عمره ما راح يتخنق في حتة صغنتتة علي الخريطة

يا وطن....يا من تسكن داخلي

مساك....حلم متبتة فيه اوي...و كل اما افتكره اضحك...ضحكة رضا:)

[عبد الله غريب]

قصيدة: ملعون أبوها الحمامة أم غصن زتون للشاعر: عبد الرحمن الأبنودي

الصخر لو ينفجر .. النبع إيه ذنبه؟؟

سباق فى ساحة.. ما بين انسان و بين قلبه

مادام لموت احمل السيف اللي بتحبه

و اذا اندفعت اندفع و اذا ان وقعت تسد

طول عمر وطنك بيحلم تبتدى حربه

.. .. ..

وجّى يا بلد الحرايق و اصرخى بجنون

و احرقيها مدن و كروم و ناس و سجون

ملعون أبوها الحمامة أم غصن زتون

معمولة لجل الضحايا يصدقوا الجلاد

يا ايد يا متكتفه

يا ضهر يا منجلد

يا طفل مين ورثك الاحتمال و الجلد؟

يا طفل بهموم رجال

يا بنت قبل الولد

يا أرض تطرح حصى .. يا قلوب بتطرح عند

مين اللى قال الكلاب تسكن عرين الأسد

.. .. ..

طلع مش مهم السلاح

طلع يغنى عنه الحجر

طلع مش عويص الكفاح مادام فيه إرادة و بشر

طلع مش بعيد الصباح و مستنى خلف الشجر

و منين أجيب ناس لمعناه الكلام يتلوه؟

إذا كنت باجى أقوله .. نص عقلى يتوه؟

فمنين أجيب ناس لمعناه الكلام يتلوه؟

.. .. ..

الكلام مش مستجيب

والصمت عار

والمسافة بعيدة بين الفعل و القول البليد

لكن نحااول

لا قصيدة هاتجرى ع الاسفلت

ولا ترمى حجر

ولا فوق اكتافها راح تحمل شهيد

ولا هاتبعد خطر

ولا هاتقرب بعيد

الكلام آخر المطاف هو الكلام

و الدم .. دم

القصيدة توصف الدم الزكى ماتشيلش نقطة

توصف الأم اللى ماتت بنتها قدام عنيها

بس وصف! وصف جيد .. وصف خايب ..

وصف صادق .. وصف كاذب .. فى النهاية كله وصف !

كل شعر الوصف .. مايساويش فى سوق الحق صرخة

الكلام عن كل ده شئ م التطاول

إنما .. لازم نحاول

القصيدة مشكلتها فى التناول

مشكلتها فى البداية و النهاية

مضامينها و شكلها و عديد من المسائل

القصيدة قصيدة .. بس الفعل فعل

هل نكف عن المحاولة؟ أو نحاول؟

لو سكتنا .. يقولوا : ضاعوا !!

لو وقفنا .. يقولوا: باعوا !!

و إذا قلنا .. يقولوا فين الكلمة من رمية حجر ؟؟

صرخة قتيل ؟؟

ثورة الأطفال تخلى الشعر لو كان عبقرى .. وزنه قليل !!

يا رفاقة .. شعرنا ماهوش بخيل

اعذروا الشعراء إذا خرسوا النهاردة .. و اعذروا الكلمة إذا احتارت و دارت

النهاردة الغنوة للأفعال

و اعذروا العواجيز إذا صمتوا النهاردة .. و استكانوا للرقاد ف الصمت مدة

النهاردة الصرخة للأطفال

الكلام … مايشيلش جثة

الكلام … مافيهش دم

الكلام … مافيهوش هجوم ولا تراجع

الكلام .. مالوش لجان … الكلام ماهوش محاصر بالمدافع

لا دكاكينه بتتقفل .. ولا تتسمم غيطانه

ولا قاطعين عنه نوره أو مياهه ..

ولا ممنوع م العمل .. ولا مشلول بالحصار الاقتصادي

ولا بالغاز المسيل للدموع

ولا بيعانى عطش و يعانى جوع .. زى اصغر طفل ف الوطن المقاتل

نسكتوا ولا نحاول ؟؟

لأ نحـــــــاول

.. .. ..

حبيبتى كل ما بنسى تفكرنى الحاجات بيكى

ائنك تدمعك عينى كأنى مش هغنيكى

دمايا متستهلش تكون كحلة ليله لعينيكى

و انا الدرويش ..

انا السابح بمسبحتى .. ومبخرتى .. و توب الخيش

اغني لك .. و امول لك مواويلك .. ماتسمعنيش ولا تشوفينيش

ومش لازم مادام عايشة .. مادمت بعيش

وياما بيكى عقلى اتجن

وانتى الأنّ .. انتى الظن و أنتى قلمى لحظة فن

يا غنيوتى .. انا احزن اغانيكى

و انت الحلم .. اااه من حلم .. لا نسينى ولا نسيكى ..

يبيعوا اللون .. يغشوا الدم

يهدوا الكون

يشيلوا الكيف .. فى عب الكم

أنا انفاسك الخضرا

وانا الجرح اللى فى جبينك

أنا الخنجر فى شريانك .. و انا اللقمة فى إيد طفلك

أنا قبرك و أكفانك .. وانا الشمعايا فى حفلك

أنا الجاهل لكن باقرا .. و بفهم غاية النظرة

أنا دارك وانا أهلك .. و انا وردك و انا نسلك

أنا رغيفك و فرانه .. وحطب النار ..

وزيتونك و زتانه .. أنا القاطف و انا العصار

و إسلامك و قرأنه .. و قلبى منشد الأذكار

انا العابد .. انا الزاهد ..

أنا اللى يحب مايلومنيش

أنا العاشق .. أنا الدرويش

صلاة الثورة ماتفتنيش

ودم شهيدى و ضانى بماء تانى ..

بماء من نبع نورانى ..

فى قلبى مافيش فى أسرارى و لا حكاياتى – الا انتى

يا خيط النور .. يا كوة فى سور .. يا نور منظور .. يا خير محظور

أنا الإيد اللي مانعانى

أنا الاًسر و انا المأسور

أنا الغايب .. أنا الدايب –صبابة- و الجناح مكسور

و انا التايب عن الماء الحرام و العيش

أنا الدرويش .. ابو الدراويش

جناحات قلبى من غير ريش

أنا الماشى و انتى الفكر .. أنا المجنون فى قلب الذكر

و محتكر المحبة البكر ..

سكنتى ازاى كده فى عيشى؟

و نخششتى فى نخاشيشى؟

كأنك فيا مولوده و موجودة .. و مفقود حب مفقودة

و أغانيكى أنا هية .. على صدرى غيطان زعتر و "ميرامية"

ميرامية على صدرى

و يوم ما اموت .. تحشها و ترميها على قبرى

انا المنقوش فى كفينك .. يا موشومة على صدرى

يا كبشة عطر ريحانى .. يا صوت دمى إذا يسرى

ولا يفصلنا يوم فاصل و ده الحاصل .. فماتلومينيش

ده انا الدرويش .. انا المقتول .. أنا المهبول .. انا اللى بادروش الدراويش

بفرق جرحى ع الثوار .. و اكفن ميتى .. بنوار

وفى صفوفك تلاقينى افرق عيش

ماتحرقشى عبايتى النار ولا اللحية

و من حارة إلى حارة .. و من شارع إلى شارع .. و من ناحية إلى ناحية

يقابلنى العدو برصاص

أقوم نافضه من الجبهة الرصاص و ارميه كأنه قش

قلوب الأوليا نيتها لا تتغش

أنا الدرويش .. ماينقصنيش فدا و إخلاص

والرجعه ماتنفعنيش

صورتها تطل م الطاقة ..

عيونها السودا عشاقة .. و مشتاقة ..

و انا الدرويش بانزف دم .. وسع لى الطريق يا عم

و ماشى بجرحى مش مهتم

يا عرسى يا انتفا موتى .. حبيبتى ساكنة في صوتي

وماسك إيدها فى السكة .. تسابق خطوتى ضحكة

و لون الدم فى صدرى ماسكتنيش

و خلانى أعيش و اعيش

أعيش درويش يا درويشة

يا درويشة و اموت درويش .. أعيش درويش

و امشى ادروش الدراويش

واغنى ادروش الدراويش

و اموت بادروش الدراويش

حبيبتى تعيش .. حبيبتى تعيش .. حبيبتى تعيش

.. .. ..

تم تعديل 3 مايو 2012 بواسطة عبد الله غريب

[عبد الله غريب]

إن لم يستطع الشعب (الأن) أن يحقق للشهداء ما ماتوا من أجله ..

فمساؤكَ يا وطن مساءٌ بمرارة دموع الأطفال الباكية على من كان يعلمهم العزة و الكرامة .. مع العلم و الدين ..

http://www.youtube.com/watch?v=0Vsl72Wjc6k