لو ادامك 60 ثانيه هتاخد ايه

[ViralMind]

طيب ايه المشكلة ان الواحد يبدأ بشقة ايجار جديد فى منطقة شعبية او بعيدة شوية؟

على فكرة فيه ايجار جديد ب300 جنيه تقريبا.. و اى حتتين عفش و اقلب.. ده اللى ناوى يتجوز.. و طبعا اللى هيتجوزها هتبقى برضه فى نفسه ظروفه, فأكيد هتتقبل الموضوع و بدون شروط معجزة.

و ممكن يدور على عقد فى الخليج برضه.. :closedeyes:

الحياة فى مصر سودة فعلا.. بس لسه ممكنة.

تم تعديل 1 نوفمبر 2011 بواسطة ViralMind

[مهندس حسام الخواص]

طيب ايه المشكلة ان الواحد يبدأ بشقة ايجار جديد فى منطقة شعبية او بعيدة شوية؟

على فكرة فيه ايجار جديد ب300 جنيه تقريبا.. و اى حتتين عفش و اقلب.. ده اللى ناوى يتجوز.. و طبعا اللى هيتجوزها هتبقى برضه فى نفسه ظروفه, فأكيد هتتقبل الموضوع و بدون شروط معجزة.

و ممكن يدور على عقد فى الخليج برضه.. :closedeyes:

الحياة فى مصر سودة فعلا.. بس لسه ممكنة.

طبعا اكيد ده احل وده رأيي ورأي كل زي عقل رشيد

لكن نرجع تاني لأرض الواقع عشان تتقدم لوحده تخطبها تلاقي اهلها طبعا بدأو معاك من فوق يقولك

عندك شقه تمليييليك طبعا لأ يقولك طيب أيجار قديم تقولو يا عمي الايجار القديم دلوقتي عايز مقدم عالي والايجار نفسه بيبقا

برده مبالغ فيه وانا ناوي علي ايجار جديد

اسمع بقه احلي كلام زي انا بنتي متخشش في شقه هتمشي منه بعد سنتين ولا تلاته ويا بني معندناش حد في العيله اجوز كده

ده حتي اختها مجوزه في شقه تمليك وهيا مش اقل منها

وهكذااااااااا

ونرجع ونقول ربنا يوفق الجميع وفيه موضوع لذيذ جدا في المنتدي اسمه معايا دبلتين تتجوزيني بصراحه كان رائع

والاخوه الاعضاء طرحو وجهات النظر المختلفة

يارب يسر زواج المسلمات والمسلمين يا رب قادر يا كريم ويسر مهورهن وعجل بسترهن

[التونسى]

ههههههههههههه فكرتينى بواحد صاحبى كان معانا فى الثانوى زمان..

لما كان كل واحد بيقول نفسه يشتغل ايه, و ايه خططه فى الحياة.. كان هو بيفقع مرارتنا و يقول لنا: انا هخطط كويس قوى علشان اكون انسان عادى!! يعنى موظف و متجوز و ساكن فى شقة.. و خلاص على كده. هههههههههههه طيب ما هو اى حد هيبقى كده... او يمكن علشان مصر خربت, فحتى اننا نطلع عاديين بحياة عادية بقى حلم مستحيل.. نهايته :closedeyes:

تصدق اخى العزيز انا كنت زى صاحبك ده ويمكن مكنتش بحلم اكون انسان عادى ,, بل اقل من العادى كمان .. كان عندى طموحات ادبيه وصحفيه اى نعم .. لكنى مسعتش او اجتهدت فى تحقيقها ..

خطتى لحياتى بعد التخرج كانت انى اكون اخصائى اعلام فى اى مدرسه .. واقبض اخر الشهر كرجل بيروقراطى مرتبى الحكومى..على قرشين بيطلعولى من محل خاص .. واسكن فى بيت العيله .. واتجوز زميلتى فى الكليه اللى حتتوظف زيى برده .. ودمتم .. ولا كان عندى اى طموحات ماديه او عينيه .. اللهم كما اسلفت هى طموحات ادبيه صحفيه .. واساسا مكنتش متخيل انى مش حسيب محافظتى .. لا .. مكنتش متخيل اصلا انى حسييب الشارع اللى اتولدت فيه .. لانى كنت مثل السمك الذى لا يستطيع العيش خارج الماء ((طبعا ده كان زماااااااااااااان)) فما بالك انى سبت مصر برمتها وهاجرت الى بلاد الانكليز ..

الاقدار كانت لها تدابير اخرى .. وتفاصيل كثيره .. ولا انا اتعينت فى مدرسه .. ولاانا اتجوزت زميلتى .. والمحل بعته .. وبيت العيله هجرته .. وانتهى بى الحال الى حيث انا الان .. الى حيث احمد الله كثيرا فى كل وقت وفى كل حين على فشل خطتى التى كنت واضعها لنفسى ابان التخرج

طب تخيل كمان انى خطتى فى انجلترا انى كنت اشتغل اى شئ و احوش 50 الف جنيه وبعدين ارجع مصر هههههههههههههههههههههه .. يعنى سنتين تلاته ودمتم .. ولكن كانت للاقدار كلمة اخرى معى .. وتفاصيل لا يتسع المقام لسردها

بعترف انى مكنتش مخطط لحياتى صح فى مواضع كثيره .. لكن رغم ذلك الاقدار الرحيمه اعطتنى فوق ما اتمناه .. ويتمناه كثير من الناس .. ويمكن كلمة السر فى كده تلك الجمله ((لئن شكرتم لأزيدنكم)) شرط ان يكون الشكر بإخلاص ورضا وتسليم كامل

عذرا للاخت الفاضله مغتربه لو كنت خرجت عن مسار الموضوع الاصلى .. اصل كلام فيراميند خلانى اتامل فى حالى ومألى ..وغرابة وعجب الدنيا .. وحكمة الاقدار

[ViralMind]

طيب هل الاهل قاعدين فى شقة تمليك اصلا؟ ولا هو قرننة بالكدب؟

اصل انا بتكلم عن اتنين فى نفس الظروف الاقتصادية.. و انتا بتتكلم عن واحد هيعمل 36 الف جنيه بعد 5 سنين (اعرف ناس بتعملهم فى 3 شهور و مش عاجبهم)..

لو الاهل قاعدين فى شقة تمليك.. سواء اهله او اهلها.. و الظروف تسمح.. حد فيهم يروح يقعد فى اوضة التانى.. يعنى لإما هو يقعد معاها فى اوضتها فى شقتهم.. او العكس.

و الاوضة يتعملها باب زى باب الشقة علشان الخصوصية. ;)

[مهندس حسام الخواص]

طيب هل الاهل قاعدين فى شقة تمليك اصلا؟ ولا هو قرننة بالكدب؟

اصل انا بتكلم عن اتنين فى نفس الظروف الاقتصادية.. و انتا بتتكلم عن واحد هيعمل 36 الف جنيه بعد 5 سنين (اعرف ناس بتعملهم فى 3 شهور و مش عاجبهم)..

لو الاهل قاعدين فى شقة تمليك.. سواء اهله او اهلها.. و الظروف تسمح.. حد فيهم يروح يقعد فى اوضة التانى.. يعنى لإما هو يقعد معاها فى اوضتها فى شقتهم.. او العكس.

و الاوضة يتعملها باب زى باب الشقة علشان الخصوصية. ;)

ده حل كويس برده لفئة معينه من المجتمع الي ليهم نفس الظروف الاقتصاديه زي محضرتك قلت

لكن انا بتكلم عامه

ومشكله تعسر وتأخر الزواج والعنوسه للراجل والست مشكلة كبيره

وانا بدعو عقلاء مصر ان يساهمو بافكارهم في حلها

لأن علي ما قرأت ان العنوسه وصلت في الجنسين الي 9 ملايين شاب وفتاه

وده طبعا قنبله موقوته ومصر مش ناقصه قنابل

عامه كفايه كده احسن احنا رخمنا بزياده علي الاخت مغتربه صاحبه الموضوع وشردنا

الي موضوع مغايير تماما

[ViralMind]

ههههههههههههه فكرتينى بواحد صاحبى كان معانا فى الثانوى زمان..

لما كان كل واحد بيقول نفسه يشتغل ايه, و ايه خططه فى الحياة.. كان هو بيفقع مرارتنا و يقول لنا: انا هخطط كويس قوى علشان اكون انسان عادى!! يعنى موظف و متجوز و ساكن فى شقة.. و خلاص على كده. هههههههههههه طيب ما هو اى حد هيبقى كده... او يمكن علشان مصر خربت, فحتى اننا نطلع عاديين بحياة عادية بقى حلم مستحيل.. نهايته :closedeyes:

تصدق اخى العزيز انا كنت زى صاحبك ده ويمكن مكنتش بحلم اكون انسان عادى ,, بل اقل من العادى كمان .. كان عندى طموحات ادبيه وصحفيه اى نعم .. لكنى مسعتش او اجتهدت فى تحقيقها ..

خطتى لحياتى بعد التخرج كانت انى اكون اخصائى اعلام فى اى مدرسه .. واقبض اخر الشهر كرجل بيروقراطى مرتبى الحكومى..على قرشين بيطلعولى من محل خاص .. واسكن فى بيت العيله .. واتجوز زميلتى فى الكليه اللى حتتوظف زيى برده .. ودمتم .. ولا كان عندى اى طموحات ماديه او عينيه .. اللهم كما اسلفت هى طموحات ادبيه صحفيه .. واساسا مكنتش متخيل انى مش حسيب محافظتى .. لا .. مكنتش متخيل اصلا انى حسييب الشارع اللى اتولدت فيه .. لانى كنت مثل السمك الذى لا يستطيع العيش خارج الماء ((طبعا ده كان زماااااااااااااان)) فما بالك انى سبت مصر برمتها وهاجرت الى بلاد الانكليز ..

الاقدار كانت لها تدابير اخرى .. وتفاصيل كثيره .. ولا انا اتعينت فى مدرسه .. ولاانا اتجوزت زميلتى .. والمحل بعته .. وبيت العيله هجرته .. وانتهى بى الحال الى حيث انا الان .. الى حيث احمد الله كثيرا فى كل وقت وفى كل حين على فشل خطتى التى كنت واضعها لنفسى ابان التخرج

طب تخيل كمان انى خطتى فى انجلترا انى كنت اشتغل اى شئ و احوش 50 الف جنيه وبعدين ارجع مصر هههههههههههههههههههههه .. يعنى سنتين تلاته ودمتم .. ولكن كانت للاقدار كلمة اخرى معى .. وتفاصيل لا يتسع المقام لسردها

بعترف انى مكنتش مخطط لحياتى صح فى مواضع كثيره .. لكن رغم ذلك الاقدار الرحيمه اعطتنى فوق ما اتمناه .. ويتمناه كثير من الناس .. ويمكن كلمة السر فى كده تلك الجمله ((لئن شكرتم لأزيدنكم)) شرط ان يكون الشكر بإخلاص ورضا وتسليم كامل

عذرا للاخت الفاضله مغتربه لو كنت خرجت عن مسار الموضوع الاصلى .. اصل كلام فيراميند خلانى اتامل فى حالى ومألى ..وغرابة وعجب الدنيا .. وحكمة الاقدار

ممكن حضرتك تفتح موضوع منفصل و تكتب فيه المذكرات دى؟ نفسى اقراها بجد لو مفيهاش تعدى على خصوصية حضرتك..

على فكرة زمان كان شباب كتير عندهم محلات جنب شغلهم - على حد علمى يعنى.. مش عارف الحكاية دى مبقيتش موجودة ليه.. اى حد يقدر يفتح محل ان شالله بالايجار, و يعمله بقالة او سرجة او اى حاجة تجيب عيش و خلاص.

كفاية كده بقى احسن مغتربة هتطلع ورانا بعصاية المقشة :WelEgTks:

تم تعديل 1 نوفمبر 2011 بواسطة ViralMind

[عبير يونس]

تعرفي يا مغتربة

موضوعك ده فكرني بزلزال 1992

وقتها كنت في الكلية

و وقت ما حصل الساعة 3:10 عصرا

كنت نايمة بلبسي قيلولة قصيرة عشان كان عندي كورس الساعة 5

لقيت السرير بيتهز

و كنت فاكرة ماما بتصحيني ههههههههههههه

لما الهز زاد

قلت و انا نايمة

ايه يا ماما بقى

و فتحت عيني ملقتش حد في الاوضة

و سمعت ماما بتناديني من الصالة برة

اصلها كانت عمالة تنادي و انا نايمة

تعالي يا عبير اتغدي

و بعدها تعالى اشربي شاي

و انا كنت عايزة اغفل شوية عشان اقدر اكمل اليوم

المهم

ماما جت الاوضة و خدتني بالراحة اوي

و قعدتني في الصالة

و بابا كان قاعد في ثبات غريب

و لاقيتها واقفة مميلة عليا و انا على الكرسي و بتنطق الشهادة بهدوء

قال كانت عايزة تحميني بجسمها لو البيت وقع

طبعا عينيا دمعت دلوقت و انا بافتكر

الله يرحمها و يحسن إليها

المهم

اللي باحكيه ده مش عارفة كان ايه ؟

كان استسلام؟؟؟

ناس كتير كانوا وقتها بيجروا على السلالم

و ناس نطت من الشبابيك

احنا ليه ما خرجناش ؟؟

باتكلم على والدي و والدتي لأني وقتها كنت نص نايمة و مش مدركة ايه اللي بيحصل

تعرفي تاني يوم لما قالوا في توابع

جا لي تفكير غريب

ان لو البيت وقع يقع عليا و لا اني اسيب اوضتي و كتبي و اشيائي الخاصة

يمكن دي كانت بداية تفكيري

ايه اهمية اي حاجة في الدنيا؟؟؟

و ازاي اتخلص من ارتباطي بالأشياء

و حياتي استمرت بعدها سلسلة دروس قاسية

تقريبا جردتني من كل أشيائي اللي متعلقة بيها

حتي بابا و ماما

و بجد مفيش أهم من الأشخاص اللي بنحبهم

سلامتهم بالدنيا و ما فيها

و كل حاجة و أي حاجة بعد كده تتعوض

[Folana]

السلام عليكم ورحمة الله...

أخد حاجة واحدة بس معايا؟

دى بسيطة خالص..

أخد "بعضى"....وأجرى :)

[عبير يونس]

السلام عليكم ورحمة الله...

أخد حاجة واحدة بس معايا؟

دى بسيطة خالص..

أخد "بعضى"....وأجرى :)

هههههههههههه

عسل

اوعى حد يفتكر ان ده شيء سهل

الواحد في المواقف دي مبيبقاش قادر يتلم على " بعضه "

;)

[رضوي]

سؤال جميل

60 ثانية !!!!!!!!!

هاخد موبايلي واي فلوس قدامي علشان اعرف اتصل بحد ينجدني او اوصل لمكان آمن

[م تيمور المراغي]

حفضل لحد ما اطفيها

يا اطفيها يا تقتلني

[MemoG]

طبعا كريم وبعد كده شنطة الاوراق وعلبه الدهب

اناعاملة شنطة فيها الاوراق المهمة

وحطاها في نفس درفة الدولاب اللي انا حاطه فيها علبه الدهب

بتاعتي ولو في مبلغ كبير في البيت بحطو في علبه الدهب

عشان لو حصل شئ لا قدر الله يبقي سهل اني اخذهم علي طول

تعرفي يا مغتربه بس مش تضحكي عليا

ان انا كمان فكرت اني اعمل شنطة صغيرة فيها

غيار او طقم لكل فرد عبال ما نشتري لو حصل اي شئ لقدر الله

عارفة ايه اللي خلاني فكرت في كدة

اني اعرف واحده شقتها اتحرقت وطلعت من الشقة سوري بقميص النوم وواحدة من الجيران

اديتها عباية حتي دهبها ساح في الحريقة وكان كتير ماشاء الله والشقة ادمرت والله

بس الحمد للة ربنا نجاهم

ربنا يحفظنا ويحمينا جميعا من اي سؤء

[ViralMind]

طب انتوا تعرفوا ان الامريكان بعد 11 سبتمبر, بقوا يعملوا خطط هروب سريعة علشان يستعملوها فى البيوت و المستشفيات و المدارس؟

الخطة دى عبارة عن انهم بيبقوا عاملين حسابهم فى قزازة مية بلاستيك لكل فرد.. و بطارية محمول اضافية.. و كشاف ببطارية.. و شوية حاجات كده.. كل ده فى شنطة بلاستيك سهل ان اى حد يشيلها.

علشان لو حصل اى هجوم ارهابى.. هههههههههههههه.. بس الله اعلم اذا كان الناس عاملينها فى البيوت فعلا ولا لا.

[متعب]

هاخد نفسى .

[زهرة الجبل]

سؤال مرعب يا مغتربه .. لكن وارد و كلنا فكرنا قبل كده فيه

تعرفي ؟ من فتره قريبه مش بعيده .. إنتشر كلام عن زلزال متوقع كبير و هيحصل بتاريخ معين

و طبعاً الفرق إن كان عندي وقت كافي أفكر و أخطط لأن الموضوع كان شئ متوقع حدوثه قبلها بأسبوع تقريباً

جمعت كل ما جاء على بالي في حقيبة يدي و كيس ورقي قوي و كنت حريصه إنهم يفضلوا طول الوقت على طاوله بجانب باب الشقه

أول حاجه فكرت فيها هي أوراقنا الخاصه ... دي محتفظه بها في شنطه صغيره في الدولاب .. شنطه ممكن تتمسك باليد

فيها الأوراق و جوازات السفر و كده يعني

إخترت أكبر شنطه من شنط اليد بتاعة الخروج الخاصه بي .. و حطيت فيها شنطة الورق دي و حطيت فيها الدهب و شاحن موبايل و الفلاشه بتاعتي و الهارد العائلي اللي عليه صورنا و فيديوهات و حتى ملفات كتابيه كلها حاجات فعلا الواحد ممكن يجرى له حاجه لو ضاعت منه

و بجانب شنطة إيدي كيس قوي جمعت فيه ألبومات الصور كلها و خليته على طاوله بجانب الباب طول الأسبوع ده

كنت حريصه إن لازم قبل ما أنام كل ليله تكون موبايلاتنا مشحونه و متروكه جمبنا تماماً بحيث يسهل شدها و إحنا بنجري (( خيالي واسع أصلي ))

و طبعا بره عالطاوله الشنطه و الكيس و عبايه سهل لبسها و طرحه

و الباب لازم أتأكد قبل ما أنام كل ليله إن مفتاح باب الشقه موجود في الباب مش متعلق جمبه حتى .. لا موجود في الباب

و كل ليله أقول لولادي : لو سمعتوني بنده عليكم تقوموا جري .. و تسبقوني عالباب .. و تنزلوا عالسلالم إنتو التلاته مع بعض ما تتفرقوش و محدش يبص وراه و محدش يفكر في الأسانسير

و توصلوا للشارع تقفوا في المكان الواسع اللي بتقف فيه السيارات في وسطه مش تحت العماره (( الباركنج )) و دي مساحه واسعه كبيره

مهو أصل من ضمن الخيال الواسع كنت بحاول أحميهم من الخطر لو حصل و أي مبنى وقع

و الله فكرتيني بالرعب اللي كنت فيه .. و الله ما بخاف من الخطر نفسه .. لكن أنا ضعيفه جداً جداً أمام أي خطر ممكن أتخيل إنه إحتمال حتى يهدد ولادي

و طبعا كنت بقول كل ده و بعمل كل ده كل ليله وسط سيل غير منقطع و لا ينضب من التريقه من أبو كريم على خوفي و خيالي الواسع

لكن ده طبعا لأن كان عندي وقت للتخطيط

لو لا قدر الله حسب سؤالك الموضوع مفاجئ (( عافانا الله و عافاكي ))

أول حاجه هفكر فيها هي زوجي و ولادي

و تاني حاجه .. زوجي و ولادي

و تالت حاجه .. زوجي و ولادي

و بعدين تيجي مسألة الورق و الهارد و الدهب و الصور و ما إلى ذلك

عافانا الله و عافاكي و جنبنا شر الفواجع و الكوارث

[مغتربة]

تعرفي يا مغتربة

موضوعك ده فكرني بزلزال 1992

وقتها كنت في الكلية

و وقت ما حصل الساعة 3:10 عصرا

كنت نايمة بلبسي قيلولة قصيرة عشان كان عندي كورس الساعة 5

لقيت السرير بيتهز

و كنت فاكرة ماما بتصحيني ههههههههههههه

لما الهز زاد

قلت و انا نايمة

ايه يا ماما بقى

و فتحت عيني ملقتش حد في الاوضة

و سمعت ماما بتناديني من الصالة برة

اصلها كانت عمالة تنادي و انا نايمة

تعالي يا عبير اتغدي

و بعدها تعالى اشربي شاي

و انا كنت عايزة اغفل شوية عشان اقدر اكمل اليوم

المهم

ماما جت الاوضة و خدتني بالراحة اوي

و قعدتني في الصالة

و بابا كان قاعد في ثبات غريب

و لاقيتها واقفة مميلة عليا و انا على الكرسي و بتنطق الشهادة بهدوء

قال كانت عايزة تحميني بجسمها لو البيت وقع

طبعا عينيا دمعت دلوقت و انا بافتكر

الله يرحمها و يحسن إليها

المهم

اللي باحكيه ده مش عارفة كان ايه ؟

كان استسلام؟؟؟

ناس كتير كانوا وقتها بيجروا على السلالم

و ناس نطت من الشبابيك

احنا ليه ما خرجناش ؟؟

باتكلم على والدي و والدتي لأني وقتها كنت نص نايمة و مش مدركة ايه اللي بيحصل

تعرفي تاني يوم لما قالوا في توابع

جا لي تفكير غريب

ان لو البيت وقع يقع عليا و لا اني اسيب اوضتي و كتبي و اشيائي الخاصة

يمكن دي كانت بداية تفكيري

ايه اهمية اي حاجة في الدنيا؟؟؟

و ازاي اتخلص من ارتباطي بالأشياء

و حياتي استمرت بعدها سلسلة دروس قاسية

تقريبا جردتني من كل أشيائي اللي متعلقة بيها

حتي بابا و ماما

و بجد مفيش أهم من الأشخاص اللي بنحبهم

سلامتهم بالدنيا و ما فيها

و كل حاجة و أي حاجة بعد كده تتعوض

ربنا يرحم اموات المسلمين جميعا

موضوع الزلزال موضوع تانى خالص

ساعه الزلزال كنت صاحيه و بتفرج على التلفيزيون

و انا و امى الله يرحمها و اختى قاعدين على كنبه الانتريه جنب بعض

و كنت لابسه و مستعده علشان كان عندى ساعتها درس

فجأه حسينا كان حاجه عماله تزق الكنبه يمين و شمال جامد

اختى اتخضت و قالت ايه دا

قولتلها ببرود غريب زلزال

هههههه

وماما متكلمتش اساسا

و كملنا القعده عادى حتى مقمناش من على الكنبه

و بعد ما خلص ب5 دقايق كدا قمت نزلت علشان اروح الدرس عادى

شوفتى برود اكتر من كدا

و استغربت جدا لما بقيت اسمع قصص الى نزل على السلالم و الى رمى نفسه من البلكونه

و بقول ليه كل دا

طبعا وصلت عند البنت الى بناخد فى بيتها الدرس هى كانت بيتها ارضى يعنى محسوش بحاجه و رغم كدا كانت مرعوبه

و انا و لا فى دماغى

و طبعا الدرس يوميها اتلغى لان المدرس اعتذر و محدش تانى راح غيرى

و روحت و انا مستغربه و مرت الايام عادى حتى لما قالوا هيكون فى توابع و لا كان فى دماغى اساسا

و مارست حياتى بطبيعيه جدا

و كل الزلازل الى حسيت بيها بعد كدا كانت برضه كدا

كان فى واحد\ الساعه 6 الصبح فكراه

برضه كنت نايمه و صحيت عليه

و عرفت ان دا زلزال بس كسلت اقوم من تحت البطانيه لان الجو كان شتا قوى ساعتها

و من كام شهر حسيت بواحد و انا فى الامارات

و عرفت برضه انه زلزال و كنت لوحدى لان زوجى كان مسافر

و لا اتحركت من على الكرسى

انا ممكن اطمن على الناس لانى بعرف ان في ناس بتخاف فى ساعه الزلازل

لكن انا لا

مش عارفه دا اسمه ايه :wub:

تم تعديل 2 نوفمبر 2011 بواسطة مغتربة

[مغتربة]

سؤال جميل

60 ثانية !!!!!!!!!

هاخد موبايلي واي فلوس قدامي علشان اعرف اتصل بحد ينجدني او اوصل لمكان آمن

تفكير منطقى يا قمر

الموبايل فعلا مهم جدا

كتير بقينا نسمع عن قصص ناس انقذوهم من تحت الانقاض لانهم اتصلوا باهلهم و عرفوهم مكانهم بالتحديد

و بالتالى سهلوا على فريق الانقاذ الوصول ليهم بسرعه

ربنا يحفظنا كلنا من اى سوء يا رب

[مغتربة]

حفضل لحد ما اطفيها

يا اطفيها يا تقتلني

وجهه نظر

لكن اشجعها لو الشخص خبير

لان ممكن الوضع يزيد سوء

لو الى متولاش الاطفاء شخص مدرب على ذلك

مثلا انا اعرف ان فى انواع حرايق مثلا لما بيكون سببها كيماويات معينه

الميه مش بطفيها بالعكس بتشعللها زياده

و بتحتاج بودره معينه لاطفائها

فلو مثلا حاول شخص ميعرفش المعلومه دى ان يطفيها اول حاجه هيفكر فيها هى الميه و بالتالى ممكن يزودها لا قدر الله مش يسيطر عليها

كمان طفايه الحريق فى ناس مبتعرف قوى ازاى تفتحها و تستخدمها

ربنا يبعد عننا اى ظرف مماثل يا رب

[مغتربة]

السلام عليكم ورحمة الله...

أخد حاجة واحدة بس معايا؟

دى بسيطة خالص..

أخد "بعضى"....وأجرى :)

ههههه

بجد انت كدا جبتى المفيد

[مغتربة]

طبعا كريم وبعد كده شنطة الاوراق وعلبه الدهب

اناعاملة شنطة فيها الاوراق المهمة

وحطاها في نفس درفة الدولاب اللي انا حاطه فيها علبه الدهب

بتاعتي ولو في مبلغ كبير في البيت بحطو في علبه الدهب

عشان لو حصل شئ لا قدر الله يبقي سهل اني اخذهم علي طول

تعرفي يا مغتربه بس مش تضحكي عليا

ان انا كمان فكرت اني اعمل شنطة صغيرة فيها

غيار او طقم لكل فرد عبال ما نشتري لو حصل اي شئ لقدر الله

عارفة ايه اللي خلاني فكرت في كدة

اني اعرف واحده شقتها اتحرقت وطلعت من الشقة سوري بقميص النوم وواحدة من الجيران

اديتها عباية حتي دهبها ساح في الحريقة وكان كتير ماشاء الله والشقة ادمرت والله

بس الحمد للة ربنا نجاهم

ربنا يحفظنا ويحمينا جميعا من اي سؤء

ربنا يحفظكم و يحفظ ليكى كريم و يبعد عنه الشر امين يا رب العالمين

فكره شنطه الاوراق و الفوس و الدهب انهم يكونوا مع بعض كلهم فكره فعلا عمليه علشان مش تقعدى تدورى

كمان شنطه الملابس بس بشرط ان انت تحطيها جنب شنطه الدهب علشان مش تقعدى تدورى كتير على الحاجات

لكن النصيحه فى الاخر كل الحاجات دى احتياطيات على فرض ان فى وقت

لكن وقت الجد لا قدر الله محدش يغامر ابدا فى الوقت انه يخرج و لو جزء من لثانيه

و كل الحاجات التانيه تتعوض باذن الله

المهم السلامه الشخصيه

ربنا يبعد عننا اى شيىء وحش يا رب