كتب عليكم القتال ... حمدي قنديل

[احمد رضوان]

من فضلكم شوفوا الفيديو ده ونحاول كلنا نشارك في الإنتخابات الجاية الموضوع أصبح معركة حياة أو موت

http://www.youtube.com/watch?v=x_DTaJ5qyw4&feature=share

[طارق مصرى]

كلام كويس جدا بالأسلوب المميز لحمدى قنديل

بس أنا مختلف معاه فى لومه للثوار انهم اصروا على سلمية الثورة لان لو مكانتش سلمية كانت هتحصل مذابح ربما شبيهه بلبيا اللى قعدوا شهور اتدمرت فيها اجزاء كتيرة من ليبيا ده غير القتلى و الجرحى باعداد كبيرة جدا كان ساعتها برضه هنلوم الثورة على كل هذه الدماء و على فتح الباب للناتو

انا شايف ان مفيش حلاوة من غير نار و شايف اننا لو استمرينا فى توعية الناس و ثبتنا فى وجه المجلس العسكرى و الفلول و اللى بيدعمهم من جهات خارجية وعرفناهم بان الشعب على الاستعداد لعمل ثورة اخرى و التضحية بالنفس و المال هننتصر ان شاء الله بس النصر مع الصبر

[طارق مصرى]

فى موضوع جميل عجبنى شفته على صفحة شباب الاصلاح على الفيس

عارفين ايه الصورة دي؟؟

دي مش مصر دي رومانيا الثورة الرومانيه

الثورة التي أضحكت ...العالم عارفين ضحكته ليه عشان ثورة هبله و إتسرقت

أقولكم إتسرقت إزاي؟.

الشعب الروماني عمل ثورة ضد نيكولا شاوشيسكو وزوجته ايلينا عشان كان مبوظ إقتصاد رومانيا و سارقها و ماكنش في عدالة إجتماعيه وتم القبض عليه تمهيدا لمحاكمته ، حيث حكم عليه وعلى زوجته بالاعدام رميا بالرصاص , وفي نفس اليوم تم تنفيذ الحكم بمساعده الجيش و الناس فرحت برده و قعدوا يقولوا الجيش و الشعب إيد واحده

يعني إتقتل كمان مش إتحاكم و هو لابس ترنج و بيلعب في مناخيره

طيب حلو أوي

ماشي ايه اللي حصل بعدين؟؟

مسك الحكم جهه سياسيه اسمها جبهة الخلاص بتتكون من الصف التاني بالحزب الشيوعي الروماني ((فلول يعني))

و كان رئيس الحزب ده واحد إسمه إيون إيليسكو و ده احد حلفاء الديكتاتور المعدوم ((صاحبه يعني ))

أخونا ايون ده عمل صفقات مع جنرالات الجيش الروماني صفقات خلته يسيطر على على التليفزيون والراديو وباقى وسائل الاعلام فى الدولة .

طبعا في شباب مثقف و واعي في رومانيا شاف إن ثورتهم بتتسرق و العياذ بالله

اخونا ايون معجبوش الكلام ده فبدأ يتهم الشباب الرومانيين اللي بيقولوا عليه مغتصب للسلطه و للثورة إنهم عملاء و جواسيس و بيخدوا تمويل من جهات خارجيه و إنهم أجندات أجنبيه و بدأ يحاكمهم واحد ورا التاني

و بقى ينكل بأي حد يعارض سياسته و يقول إن دي مرحلة إنتقاليه و إن هو مصر يوصل برومانيا لبر الأمان

و فئه غير مثقفه من أبناء الشعب الروماني صدقته و بقت تهاجم الشباب اللي كان عارف إن الثورة بتتسرق لدرجة ان عمال المناجم بمساعدة رجال الشرطه قاموا بالهجوم على الطلبه والمثقفين اثناء تظاهرهم . و قتلوا منهم من قتلوا

و نجحت جبهة الخلاص اللي بيرأسها ايون (( الفلول)) بالفعل فى اسكات المعارضه الديموقراطيه باستخدام الاعلام الموجه وتم انتخاب إيون إيليسكو رئيسا للبلاد بنسبة 85% من الاصوات، وهى الانتخابات التى وصمت بعدم النزاهه من قبل الاحزاب الديموقراطيه والاعلام الغربى، اعيد انتخاب نفس الرجل ثلاث مرات حتى العام 2000

الجدير بالذكر حينما نتحدث عن ثمن تلك الثورة المجهضه هو عدد الضحايا : العدد الكلى لمن ماتوا كان 1,104 رومانيا منهم 162 فقط قبل تنحية شاشيسكو والباقون فى فترة الانفلات الامنى المدبره على يد جبهة الخلاص الوطنى، اصيب 3,352 رومانيا منهم 1,107 قبل القبض على الديكتاتور،

طبعا الثورة الرومانيه مختلفه تماما عن الثورة المصريه لأن إحنا ماعدش عندنا فلول

و كمان الجيش بيحمي الثورة

و إحنا بناكل ارز بلبن

[متعب]

مفيش عصابه فى الدنيا بتطلع بسلميه