نداء عاجل للمصريين الموجودين بالامارات

[MohamedAboAlyazed]

السلام عليكم ورحمة الله وبركاته اخباركوا يا شباب يارب تكونوا بخير يارب انا كنت عاوز استفسر من حضرتك على حاجه صغيره دلوقت انا كنت مصاب بفيرس سى تمام واكتشتفت الاصابه من حوالى 4 شهور المهم اخدت الحقن وبتاع والحمد لله PCR طلع سلبى تمام الكلام طبعا انا عاوز اسافر الامارات فا خايف يكونوا بيعملوا تحليل اجسام مضاده المهم دلوقت قعدت اقرى عالنت كتير وبتاع فا لقيت تعديل لقانون العماله وبقى الفحص فيرس بى و الايدرز فقط ومبيعملوش فيرس سى تمام الكلام ودلوقت انا احتمال اسافر قريب فا كل اللى انا عاوز اعرفه دلوقت ومعلش ياشباب هتعبكوا معايا شويه لو تقدروا تتصلوا بمركز الطبى الوقائى عندك وتقولهم ايه التحاليل اللى بيعملوها لو مبيعملوش سى يبقى عالبركه وتقولهالى وتبغلونى الله يخليكوا عشان بس اطمن وممشيش فى الطريق واكلف نفسى واسافر وفى الاخر كله يطلع فشنك ارجوك يا ابو حميد حاول تشوف الموضوع دا ربنا يجازيك كل خير لاحسن انا تعبت بصراحه والقعده هنا فالبلد مش جايبه همها ودا رقم تليفون المركز بتاع فحص العماله منطقة أبوظبي:

مركز الفحص والصحة الوقائية - مدينة أبوظبي

(مدينة خليفة الطبية، شارع المطار) 1300 633 2 971+

مستنى الردياشباب جزاكم الله كل خير

[عبيد الله]

وعليكم السلام ورحمة الله وبركاته

أهلاً وسهلاً بك أخي محمد في موقعك وبين إخوانك.. وكل عام وأنت بخير بمناسبة عيد الأضحى المبارك..

اطمئن يا أخي فالإجراءات الطبية في أبوظبي بسيطة ومعروفة، وكنت كتبت عنها موضوعا كاملاً قبل ذلك.. وسأذكر لك هنا الفحوصات الطبية اللازمة، واختلافها باختلاف المهنة..

أولاً: جميع العاملين في جميع المهن والوظائف لابد أن يخضعوا للفحوصات التالية:

1- فيروس "إتش آي في" المسبب لمرض الإيدز

2- فيروس "بي" الكبدي الوبائي

3- أمراض الصدر (مثل مرض سارس أو التهاب الرئة الوبائي)

ثانياً: يخضع لفحص فيروس "سي" الكبدي الوبائي حصرياً من يعمل في الخمس مهن التالية:

1- الطب (بشري أو بيطري)

2- التمريض

3- المطاعم

4- الحلاقة

5- الجزارة

أو كافة المهن التي لها علاقة مباشرة بالطعام ونقل الدم...

وقد سألت بنفسي الطبيب المسؤول عن الفحص الطبي في مركز الطب الوقائي عن فيروس "سي" لأنه محل تساؤلات كثير من الشباب وأكد لي أنه لا يتم إجراءه إلا لمن يعمل في مهن معينة.

بقي أن ألفت انتباهك إلى شيئين آخرين:

1- الإمارات بدأت مؤخراً إجراء الكشف الطبي خارج أراضيها، وفعلت ذلك أظن في بنجلاديش ودول أخرى.. وهي الآن في طور دراسة تنفيذ ذلك في دول أخرى، منها مصر.. لو حدث ذلك فسيوفر الجهد والمال على الكثير من الناس..

2- استثنت السلطات في دبي مؤخراً الزوجة الحاملة لفيروس "بي" من الإبعاد عن الدولة بسبب ما حدث من معاناة أسر كثيرة بسبب هذا الموضوع.

بالتوفيق أخي وأسأل الله بحق هذه الأيام المباركات أن يرزقك الله من حيث لا تحتسب، أنت وكل ساعٍ بجدٍ للرزق الحلال.