كل ثورة وانتوا طيبين ويجعله عامر

[أبو محمد]

في نقطة تشكيل لجنة كتابة الدستور

طيب ما تونس عملت كده !!! و انتخبتها إنتخاب مباشر

هما نواب البرلمان دوول مش إحنا اللي هننتخبهم يبقوا بيمثلونا

و بيمثلوا كل المجتمع المدني خاصة مع نظام القوائم النسبية

فى الحقيقة يا أستاذ أحمد أنا لا أعلم تفاصيل العملية فى تونس ..

لا اعتراض عندى على أن يكون الانتخاب مباشر من الشعب (ولكن هذه مرحلة تخطيناها باستفتاء مارس) .. المهم فى معايير الترشيح .. هل عندك علم بتلك المعايير فى تونس .. أنا - كما قلت لك - لا أعلم عنها .. مين اللى عمل الترشيح Nomination للناس اللى "مجموع الشعب" انتخب منهم الجمعية التأسيسية .. هل كانت هناك شروط معينة ؟ أم أن أى حد كان ممكن يرشح نفسه لعضوية هذه الجمعية؟

بخصوص الرئيس

أعتقد رئيس مدني منتخب بصلاحيات الإعلان الدستوري

أفضل بسنوات ضوئية من المجلس العسكري بنفس الصلاحيات

و لا تنسي إنه هينتخب بعد إنتخاب البرلمان يعني صلاحيات التشريع و الرقابة خارج يده تماما

معاك فى أن أى رئيس مدنى "منتخب" أفضل بكثير من أى عسكرى (بعد اللى شوفناه فى الستين سنة اللى فاتوا) ..

ولكن بالنسبة لسلطة التشريع .. ما نت عارف يا أستاذ أحمد .. المجالس السابقة على مدار الستين سنة كانت - المفروض - هى اللى بتشرع .. ومع ذلك كانت توجيهات سيادة الرئيس ، وتكليفات سيادة الرئيس هى اللى بتسود ..

لازم - فى رأيى - صلاحيات الرئيس يكون منصوص عليها ومحكومة فى دستور رضى عنه الشعب ولم يـُفرض عليه من رئيس ، أو ترزية دساتير أو فصيل معين جاء بالأغلبية فى أول تجربة ديموقراطية بعد "موات" ديموقراطى لستة عقود

[سكر]

يا خوفى مصر تتحول من دوله بوليسيه الى دوله عسكريه برئاسه مدنيه

[ام سلمي]

3) وفى كل الأحوال فأعضاء البرلمان هم من سيختارون الجمعية

الاستاذ الفاضل ابو محمد ، اللي فهمته من كيفية اختيار الجمعيية التأسيسية في الوثيقة مختلف عن كلام حضرتك ده ، لأن ال 80 عضو مش حيختارهم البرلمان دول حيترشحوا عن طريق نقاباتهم او جمعياتهم ،والمشكلة الاكبر ان النقابات والجمعيات دي لسة مسيطر عليها اتباع النظام السابق او الحزب الوطني يعني اغلبية اللي حيحطوا الدستور مش حيبقوا بالانتخاب لكن بالتعيين من رؤساء النقابات والجمعيات

يا ريت لو كلامي فيه خطأ توضح لي اللي حضرتك فهمته .

الأخت الفاضلة "أم سلمى"

اللى انا فاهمه إن كل هيئة أو "مجتمع مدنى" سيرشح ضعف العدد المطلوب ، وأعضاء البرلمان سيختارون منهم .. يعنى مثلا النقابات المهنية (الأطباء المهندسين ، المعلمين ، الصيادلة ، الصحفيين ، المحامين ......) سيجتمعون "كتجمع واحد" ليختاروا ضعف العدد المطلوب من هذاالتجمع وهكذا .. وسيختار أعضاء البرلمان (المنتخبون دونا عن المعينين) العدد المطلوب

شكرا لحضرتك علي التوضيح ، لكن الهيئات المذكورة دي كام هيئة منهم انتخبت انتخابات سليمة علشان نتطمن انهم مش موالين للنظام السابق ؟ حتي لو رشحوا ضعف العدد ما ممكن جدا يحطوا المرشحين كلهم حزب وطني ساعتها البرلمان حيختار منهم غصب عنه ، يعني كمثال رئاسة الوزرا لوحدها تحط 10 اشخاص ، طب الوزارة دي انتقالية ولم تأتي عن طريق انتخاب ،

رؤساء الجامعات ليهم 15 واحد يختاروه رؤساء الجامعات الحاليين انتخبهم اساتذة الجامعة والمعيدين (والطلبة العاديين ما بيشاركوش في الانتخابات دي ) و للاسف كتير جدا منهم طلعوا نفس الوجوه القديمة المعينة من امن الدولة ،

الجمعيات العمومية للقضاة ما يتهيأليش اتغيرت من بعد الثورة هل حديضمن انتخاباتها تمت بنزاهه واللا لا؟ دول لوحدهم حيحطوا 15 عضو ، يعني مثال الزند ده رئيس نادي القضاة وبيرأس الجمعية العمومية للقضاة ، بيتوصف دايما بالموالي للمخلوع و هو اللي متولي ازمة القضاء دلوقتي ده غير دفاعه عن النائب العام والمستشار عبد السلام جمعة اللي حواليهم شبهات كتير

النقابات العمالية لحد دلوقتي ما عملوش انتخابات من بعد الثورة دول ليهم 5 اعضاء

اما النقابات الاخري فحصل فيها انتخابات فعلا ، فدول اقرب ناس ان يكونوا ممثلين للشعب ، لكن مشكلتهم الوحيدة ان مش كل الناس فعلا شاركوا في انتخاباتهم ، يعني انا خريجة هندسة ما اظنش لو كنت في مصر كنت حاشارك في انتخابات النقابة لأن ما حدش عرفني مسبقا ان دول اللي حيحطوا لي الدستور، الكلام ده جه مفاجأة دلوقتي

لو كنا عايزين تمثيل للفئات دول كان المفروض يترشحوا بانتخابات نزيهة ، انما يتفرضوا علينا من هيئات اغلبها ما حصلش فيهاانتخابات نزيهة بعد الثورة يبقي حيبقي معظم الهيئة التأسيسية فلول .

الأخت الفاضلة "أم سلمى"

تسمحيلى أهزر معاكى ؟ .. أعتقد حتسمحيلى :)

إنتى كده ما سبتيش غير حل من اتنين :

1) نطرح العملية فى مناقصة عالمية

أو

2) نجيب حكم أجنبى

ولو الاتنين دول ما نفعوش .. نطرح مناقصة لتوريد شعب جديد

إوعى تكونى زعلتى :sofa:

الاستاذ الفاضل ابو محمد ، لا طبعا ما زعلتش من حضرتك بالعكس انا سعيدة بمداخلات حضرتك ، لكن طبعا انا ما قصدتش اني فاقدة الثقة في الشعب المصري بالعكس ، لكن انا فعلا ما عنديش ثقة في رؤساء الهيئات والجمعيات اللي المفروض حيرشحوا الاعضاء ، يعني الكل دايما بيتكلم عن اننا خلصنا من راس الفساد لكن الجسد لسة موجود والفساد لسة في كل الهيئات والاستاذ الفاضل اسد ليه تعبير بيقوله ان كله علي قديمه ، طب اثق ازاي في رؤساء هيئات ما وصلوش بانتخابات سليمة انهم يعينوا لي 80 واحد للدستور في حين ان مجلس الشعب اللي حينتخب بأذن الله بطريقة سليمة يعين 20 واحد بس

اكيد في حلول تانية ، يعني مثلا اقتراح بسيط (غير طبعا موضوع المناقصات والحكام الاجانب :)) لو كل اللي احنا عايزينه ان يبقي في ممثلين للاطباء والمهندسين والعمال والقضاة وكل الفئات في الهيئة التأسيسية للدستور ، طب ما يختارهم اعضاء مجلس الشعب ، وممكن برضه بنفس النسب اللي في الوثيقة يعني 15 عضو من القضاء و15 من اعضاء هيئة التدريس و15 من المهندسين والاطباء وهكذا، لكن اعضاء البرلمان هما اللي يختاروهم ، لأن دول هما اللي فعلا منتخبين والشعب المصري وثق فيهم واداهم الحق ده ،

وبعدين في شئ تاني هو مش المهندسين مثلا ليهم حق التصويت في مجلس الشعب ، وكذلك الاطباء والقضاة واعضاء هيئة التدريس والطلبة حتي والعمال والفلاحين ، طب ما ينتخبوا في البرلمان اللي يمثلهم ، يعني اكيد انا حالاقي سواء من القوائم او الفردي اللي يمثلني وانتخبه وبالتالي اعضاء مجلس الشعب حيبقوا بيمثلوا فعلا طوائف الشعب كله ،

ومع ذلك الافضل برضه يبقي فيه ممثلين لكل الطوائف في الهيئة التأسيسية وبنفس النسب اللي في الوثيقة ولكن يترك اختيارهم زي ما قلت للبرلمان اللي احنا انتخبناه.

[se_ Elsyed]

يا خوفى مصر تتحول من دوله بوليسيه الى دوله عسكريه برئاسه مدنيه

على جثثنا يا موعود

ليه هو احنا عملنا ثورة عشان نفك ديكتاتور بـ 30 ديكتاتور ؟

والشعب المصري بإذن الله لن يقبل بحكم شخص عسكري أخر حتى لو اوهمونا إنه خلع الكاكي ولبس بدلة سموكن ونزل الإنتخابات عادي

[أبو محمد]

3) وفى كل الأحوال فأعضاء البرلمان هم من سيختارون الجمعية

الاستاذ الفاضل ابو محمد ، اللي فهمته من كيفية اختيار الجمعيية التأسيسية في الوثيقة مختلف عن كلام حضرتك ده ، لأن ال 80 عضو مش حيختارهم البرلمان دول حيترشحوا عن طريق نقاباتهم او جمعياتهم ،والمشكلة الاكبر ان النقابات والجمعيات دي لسة مسيطر عليها اتباع النظام السابق او الحزب الوطني يعني اغلبية اللي حيحطوا الدستور مش حيبقوا بالانتخاب لكن بالتعيين من رؤساء النقابات والجمعيات

يا ريت لو كلامي فيه خطأ توضح لي اللي حضرتك فهمته .

الأخت الفاضلة "أم سلمى"

اللى انا فاهمه إن كل هيئة أو "مجتمع مدنى" سيرشح ضعف العدد المطلوب ، وأعضاء البرلمان سيختارون منهم .. يعنى مثلا النقابات المهنية (الأطباء المهندسين ، المعلمين ، الصيادلة ، الصحفيين ، المحامين ......) سيجتمعون "كتجمع واحد" ليختاروا ضعف العدد المطلوب من هذاالتجمع وهكذا .. وسيختار أعضاء البرلمان (المنتخبون دونا عن المعينين) العدد المطلوب

شكرا لحضرتك علي التوضيح ، لكن الهيئات المذكورة دي كام هيئة منهم انتخبت انتخابات سليمة علشان نتطمن انهم مش موالين للنظام السابق ؟ حتي لو رشحوا ضعف العدد ما ممكن جدا يحطوا المرشحين كلهم حزب وطني ساعتها البرلمان حيختار منهم غصب عنه ، يعني كمثال رئاسة الوزرا لوحدها تحط 10 اشخاص ، طب الوزارة دي انتقالية ولم تأتي عن طريق انتخاب ،

رؤساء الجامعات ليهم 15 واحد يختاروه رؤساء الجامعات الحاليين انتخبهم اساتذة الجامعة والمعيدين (والطلبة العاديين ما بيشاركوش في الانتخابات دي ) و للاسف كتير جدا منهم طلعوا نفس الوجوه القديمة المعينة من امن الدولة ،

الجمعيات العمومية للقضاة ما يتهيأليش اتغيرت من بعد الثورة هل حديضمن انتخاباتها تمت بنزاهه واللا لا؟ دول لوحدهم حيحطوا 15 عضو ، يعني مثال الزند ده رئيس نادي القضاة وبيرأس الجمعية العمومية للقضاة ، بيتوصف دايما بالموالي للمخلوع و هو اللي متولي ازمة القضاء دلوقتي ده غير دفاعه عن النائب العام والمستشار عبد السلام جمعة اللي حواليهم شبهات كتير

النقابات العمالية لحد دلوقتي ما عملوش انتخابات من بعد الثورة دول ليهم 5 اعضاء

اما النقابات الاخري فحصل فيها انتخابات فعلا ، فدول اقرب ناس ان يكونوا ممثلين للشعب ، لكن مشكلتهم الوحيدة ان مش كل الناس فعلا شاركوا في انتخاباتهم ، يعني انا خريجة هندسة ما اظنش لو كنت في مصر كنت حاشارك في انتخابات النقابة لأن ما حدش عرفني مسبقا ان دول اللي حيحطوا لي الدستور، الكلام ده جه مفاجأة دلوقتي

لو كنا عايزين تمثيل للفئات دول كان المفروض يترشحوا بانتخابات نزيهة ، انما يتفرضوا علينا من هيئات اغلبها ما حصلش فيهاانتخابات نزيهة بعد الثورة يبقي حيبقي معظم الهيئة التأسيسية فلول .

الأخت الفاضلة "أم سلمى"

تسمحيلى أهزر معاكى ؟ .. أعتقد حتسمحيلى :)

إنتى كده ما سبتيش غير حل من اتنين :

1) نطرح العملية فى مناقصة عالمية

أو

2) نجيب حكم أجنبى

ولو الاتنين دول ما نفعوش .. نطرح مناقصة لتوريد شعب جديد

إوعى تكونى زعلتى :sofa:

الاستاذ الفاضل ابو محمد ، لا طبعا ما زعلتش من حضرتك بالعكس انا سعيدة بمداخلات حضرتك ، لكن طبعا انا ما قصدتش اني فاقدة الثقة في الشعب المصري بالعكس ، لكن انا فعلا ما عنديش ثقة في رؤساء الهيئات والجمعيات اللي المفروض حيرشحوا الاعضاء ، يعني الكل دايما بيتكلم عن اننا خلصنا من راس الفساد لكن الجسد لسة موجود والفساد لسة في كل الهيئات والاستاذ الفاضل اسد ليه تعبير بيقوله ان كله علي قديمه ، طب اثق ازاي في رؤساء هيئات ما وصلوش بانتخابات سليمة انهم يعينوا لي 80 واحد للدستور في حين ان مجلس الشعب اللي حينتخب بأذن الله بطريقة سليمة يعين 20 واحد بس

اكيد في حلول تانية ، يعني مثلا اقتراح بسيط (غير طبعا موضوع المناقصات والحكام الاجانب :)) لو كل اللي احنا عايزينه ان يبقي في ممثلين للاطباء والمهندسين والعمال والقضاة وكل الفئات في الهيئة التأسيسية للدستور ، طب ما يختارهم اعضاء مجلس الشعب ، وممكن برضه بنفس النسب اللي في الوثيقة يعني 15 عضو من القضاء و15 من اعضاء هيئة التدريس و15 من المهندسين والاطباء وهكذا، لكن اعضاء البرلمان هما اللي يختاروهم ، لأن دول هما اللي فعلا منتخبين والشعب المصري وثق فيهم واداهم الحق ده ،

وبعدين في شئ تاني هو مش المهندسين مثلا ليهم حق التصويت في مجلس الشعب ، وكذلك الاطباء والقضاة واعضاء هيئة التدريس والطلبة حتي والعمال والفلاحين ، طب ما ينتخبوا في البرلمان اللي يمثلهم ، يعني اكيد انا حالاقي سواء من القوائم او الفردي اللي يمثلني وانتخبه وبالتالي اعضاء مجلس الشعب حيبقوا بيمثلوا فعلا طوائف الشعب كله ،

ومع ذلك الافضل برضه يبقي فيه ممثلين لكل الطوائف في الهيئة التأسيسية وبنفس النسب اللي في الوثيقة ولكن يترك اختيارهم زي ما قلت للبرلمان اللي احنا انتخبناه.

كل سنة وانتى طيبة يا "أم سلمى" .. وربنا يخليلك سلمى ويبارك فيها

أنا سعيد إنك تقبلتى هزارى بروح رياضية .. وأسعد للمناقشة الموضوعية بدلا من رفض كل شئ بغضب وثورة عارمة تحرمنا من نعمة التفكير

شوفى يا ستى .. أخوة أفاضل ومنهم حضرتك اعترضوا - بحق - على المادتين التاسعة والعاشرة .. ولهم ملاحظات معتبرة على "معاير انتخاب" الجمعية التأسيسية .. وأعتقد إن هؤلاء الأفاضل عبارة عن عينة لعقلاء آخرين نجحوا فى توصيل الاعتراض والملاحظات إلى من "يعملون" على هذا الأمر المهم .. فقد قرأت اليوم على موقع الأهرام أن الاعتراض كان له صدى "منتج"

السلمى : تعديل المادتين 9 و10 من وثيقة المبادىء الدستورية

أعلن الدكتور على السلمى نائب رئيس الوزراء للتنمية السياسية والتحول الديمقراطى إدخال تعديلات على المادتين التاسعة والعاشرة من وثيقة المبادىء الاساسية للدستور اللتين كانتا محل خلاف وإعتراض من بعض القوى السياسية.

وقال السلمى فى مؤتمر صحفى عقده اليوم بمجلس الشعب بحضور الدكتور منير فخرى عبدالنور وزير السياحة أن التعديلات تنص على الاتى :

المادة 9 / الدفاع عن الوطن وأرضه واجب مقدس ، والتجنيد إجبارى وفقا للقانون ، والتعبئة العامة تنظم بقانون ، والدولة وحدها هى التى تنشىء القوات المسلحة ، وهى ملك للشعب مهمتها حماية أمن الوطن وإستقلاله والحفاظ على وحدته وسيادته على كامل أراضيه ولا يجوز لاية هيئة أو جماعة أو حزب إنشاء تشكيلات عسكرية أو شبه عسكرية.

ويختص المجلس الاعلى للقوات المسلحة بالنظر فى كل مايتعلق بالشئون الخاصة بالقوات المسلحة ومناقشة بنود ميزانيتها ، على ن يتم إدراجها رقما واحدا فى موازنة الدولة ، ويجب عرض أى تشريع يتعلق بالقوات المسلحة قبل إصداره على المجلس الاعلى للقوات المسلحة ، ورئيس الجمهورية هو القائد الاعلى للقوات المسلحة ووزير الدفاع هو القائد العام للقوات المسلحة ، ويعلن رئيس الجمهورية الحرب بعد موافقة المجلس الاعلى للقوات المسلحة ومجلس الشعب.

وتنص المادة 10 / على أن ينشأ مجلس للدفاع الوطنى يتولى رئيس الجمهورية رئاسته ويختص بالنظر فى الشئون الخاصة بوسائل تأمين البلاد وسلامتها ومراجعة وإعتماد موازنة القوات المسلحة ويبين القانون اختصاصاته الاخرى.

اكد الدكتور على السلمي نائب رئيس الوزراء للتنمية السياسية والتحول الديمقراطي ان وثيقة المبادىء الاساسية للدستور هي مسودة تقبل النقاش والراي والراي الاخر وصولا الى التوافق بشانها.

وانه في هذا الاطار تم ادخال بعض التعديلات عليها نتيجة الحوارات التى جرت خلال الجلسة خاصة في المادتين التاسعة والعاشرة.

ودعا السلمى في مؤتمر صحفى مشترك مع وزير السياحة منير فخرى عبد النور ، اليوم " الخميس "الاحزاب والقوى السياسية وخاصة الذين رفضواالوثيقة لحضور الاجتماع القادم لمناقشتها في شكلها المعدل وقرع الحجة بالحجة.

وقال إن رفض فصيل او حزب سياسي لهذه الوثيقة بعد حدوث توافق عليها لا يعني عدم اقرارها مؤكدا ان فصيلا واحد لا يستطيع ان يغتصب السلطة الشعبية لنفسه فنحن نسعى لتوافق حول هذه الوثيقة من جميع الجهات في مصر وفق المطالب الشعبية التى لا نصادر عليها .

وتابع أننا نسعى لتوافق حول الوثيقة ، مشيرا الى ان احتكار فصيل بعينه للرفض يعيدنا الى الديمقراطية واننا نرفض ان يكون اي فصيل هو الاوحد المتحكم في الحياة السياسية في مصر .

وقال الدكتور على السلمى ان الدعوة للاجتماع الثاني لمناقشة وثيقة المبادىء الاساسية للدستور مفتوحة لجميع الاطياف والقوى والاحزاب السياسية وللراغبين في صنع مستقبل مصر وان الدعوة للرافضين لهذه الوثيقة تأتي قبل دعوة الموافقين.. مؤكداانه لن يمنعنا رفض الرافضين من معاودة الاتصال بهم وطرح الاراء حتى لا يتهمنا احد باننا نفضل فصيل على الاخر .

وعن الجدل الدائر عن وثيقة المبادىء الاساسية واذا ما كانت استرشادية ام الزامية قال الدكتور السلمي قبل ان نصل الى درجة معقولة من التوافق المجتمعي لن يصير البحث في الزامية الوثيقة وانه لا حديث عن الزامية او استرشادية الوثيقة قبل الوصول الى توافق مجتمعي حول بنوده وتشكيل الجمعية التأسيسة .. مؤكدا ان الخلاف حول الالزامية قبل الوصول الى وثيقة ناضجة امر غير مطلوب.

واوضح السلمي ان هذه الوثيقة لم تأتي من فراغ ولا مفأجاة للواقع السياسي ولاعضاء الاحزاب والقوى السياسية الذين سبق وان اشتركوا في دورة سابقة للحوار عبر 23 اجتماعا تمت في شهر اغسطس الماضي .

وأشار الى ان التوافق حينها كان باديا على اغلب القوى والاحزاب السياسة فيما عدا عدد قليل طالب بأن تكون الوثيقة استرشادية وغير الزامية .. فيما وافق اخرون على ضرورة ان تكون الوثيقة ملزمة حتى يطمئن الشعب على العمل بها وعدم الخروج عنها.

وأكد الدكتور على السلمي أن اجتماع يوم الثلاثاء الماضي الذي تم خلاله مناقشة وثيقة المبادىء الاساسية للدستور ومعايير البناء التأسيسي شارك فيه 155 جهة منها 50 حزبا مثلهم 81 مشتركا و16 نقابة واتحادا مثلها 32 مشاركا و40 منظمة من منظمات المجتمع المدني شارك فيها 42 مشاركا .

كما شارك عدد من ائتلافات الشباب بلغ 20 ائتلافا مثلهم 32 مشاركا موضحا ان الغاضبون ومثيرو الرفض قد امتنعوا عن المشاركة وهي تيارات بعينها وذلك في الوقت الذي كانت فيه الظروف مهيأه لتقبل الاعتراض والنقض على اعتبار انه ليس لدينا هدف الا المصلحة العامة وعدم الانحياز الى حزب دون الاخر .

واشار الى ان الرافضين اثارو الكثير من الغبار واللغط حول الوثيقة ودوافع اصدارها وانهم سموا الوثيقة بمسميات لا تمت للرؤية السياسية الصحيحة .

واكد ان الهدف من تصريحاته اليوم هو الرد على كل ما أثير حول الوثيقة بكلمة واحدة هي انها مشروع ومسودة لمشرع اعلان المبادىء الدستورية تقبل النقاش والرأي والراي الاخر وصولا للتوافق حولها في فترة زمنية معقولة حتى لا يمتد بنا الوقت الى فترة فوات الاوان في الرغبة لتكوين الجمعية التأسيسة وفقا لقواعد يطمئن الشعب لموضوعيتها وانه تم بالفعل الاخذ بعدد من المقتراحات التى اثيرت خلال الاجتماع .

فى رأيى أن هذه التعديلات ليست نهاية المطاف .. وفى رأيى أيضا أن من يرفضها جملة وتفصيلا هو كمن يحاول الهروب من العمل فى الضوء لأنه تعود على تواجده فى قبو مظلم وضعه فيه مناخ استبدادى .. وأنا أخشى الخارج من الظلام لأنه عندما يتعرض للضوء يغمض عينيه تلقائيا ويبدأ فى الخبط العشوائى الذى يمكن أن يجره ويجر من حوله إلى إصابات وجراح .. وأصدق مثال على هذا هو الدعوة إلى مليونية 18 نوفمبر تحت شعار "خالتى سلمية ماتت" إذا لم يتم سحب مسودة الوثيقة

نسأل الله السلامة لمصر والمصريين