عيد اضحى سعيد

[joo]

كل سنة وانتم طيبين يا اغلى ناس فى المحاورات ويارب تكون سنة سعيد على الجميع

ومحدش ينسى اخوكم الصغير فى العيد الكبير بحتة لحمة

[طارق مصرى]

شكرا يا جو على اللفتة الطيبة دى و كل عام و أعضاء المحاورات بخير

http://www.youtube.com/watch?v=t8oNZ0M3x4w&feature=related

تم تعديل 2 نوفمبر 2011 بواسطة طارق مصرى

[عبير يونس]

و انت طيب يا جو

و ميرسي على ذوقك و محبتك

[رضوي]

كل سنة وكل المحاورات بخير

كل سنة ومصر كلها سعيدة وفرحانه

كل سنة وانت طيب ياجو

ودة بقى خروف العيد

[باهى الطائر الحزين]

جو : الجميل

شكرا على شعورك النبيل

كل سنه واهل مصر الناس الطيبين

فى محبه وتراحم وترابط واخوه سالمين

[عطر الجنة]

كل سنة و انتم طيبين

كل سنة و الامة العربية بالف خير

كل سنة و كل خلق الله بخير

[اثار]

كل سنة و انتم طيبين

كل سنة و الامة العربية بالف خير

كل سنة و كل خلق الله بخير

اول عيد اضحي بعد الثورة كل عام ومصر بالف خير وان شاء الله السنه الجاية تكون في احسن حال

[عبير يونس]

دايما سباقة بالخير يا عطر

كل سنة و انتي طيبة يا قمر

كل سنة و حضراتكم بخير

و مصر كلها بخير

و كل المصريين في كل مكان بكل الخير

كل الحب و كل السعادة و كل الخير ليكم يا أهلي

يا أهل المحاورات الكرام

و لا يحلو العيد إلا بصحبتكم

[joo]

كل سنة وانتم سعداء يا رب طارق ورضوى وعبير وطائر الليل اللى يارب ما يكون حزين

ربنا يسعد حياتكم وتكون كلها اعياد

[ام سلمي]

كل عام وانتم جميعا بخير

دي تعليقات ثورية طريفة بمناسبة العيد

الليبراليين : السلخ اولا

والاخوان يردون، الذبح اولاً

والعلمانيين،يجب فصل اللية عن اللحمة

العيسوى ، معندناش عيد اساساً عشان حد يقولنا فيه خرفان اندبحت ولا لأ

المجلس العسكرى ، احنا اللى حمينا الفروة

عصام شرف ، ايه ده،هو فيه عيد

أحمد شفيق ، عاوز تسميها فروة،مش فروة طبعا،ومحدش يزايد على فروتى،انا دبحت واندبحت فى كذا عيد قبل كده :))

عمر سليمان ، المصريين غير مؤهلين للحمة الضانى

المخلوع ، لم أكن انتوى ان ادبح ، وكنت اود ان ادبح بنى وطنى ، على ارضها ذبحت و على ارضها سلخت ، والسلام عليكم

توفيق عكاشة لو قلتلى يا سى البرادعى خروف العيد فى سوق المواشى بيكلف تربيتة كام حنتخبك رئيس جامهورية ، طب بلاش ديه ، تقدر تمسك اللية بإيدك من غير ما تقرف

حمد صوبايدر: و الله يا شعب انتو ما فاهمين حاجة ... الخرفان دى مارينو من اللى جاية من استراليا .. و انا حعمل صفحة اسمها خروف العيد عميل مارينو بالدليل

مليونية الخرفان تتوافد على السلخانة يوم الاحد القادم

ناجى ابو النجا ، تقدر تدبح ، اقدر،لانى بحب شويها

وأخيراً ، حمادة هلال : خروق العيد الكبير اندبح فى العيد الكبير :)))

[عبد الله غريب]

كل سنة و حضرتك بخير يا بشمهندسة، و كل أفراد أسرتكم الكريمة،

و أسرة المحاورات العظيمة .. أقولهم كل سنة و حضراتكم بخير و سعادة و سكر زيادة ..

و بقول لجو كل سنة و انت طيب يا جو .. يا ذوق .. ياللي فتحت موضوع جديد للتهنئة بالعيد .. و دايماً متجمعين ف لمة حلوة و بإذن الله بحلاوة النصر بعد انتهاء كل ما يؤرقنا جميعاً .. متصافيين .. متآلفين مسلمين و مسيحيين،

و طلب من الإدارة الكريمة .. لو أمكن ضم الموضوعين علشان ميحصلش تشتييت.

[عبد الله غريب]

كل سنة و انت طيب يا جو .. يا راجل يا سكر .. يا اللي بتفهم ف الاصول

[عبير يونس]

تم دمج موضوع الفاضلة عطر الجنة مع موضوع الفاضل جو

و كل سنة و مصر كلها بخير

آمين

[ابراهيم عبد العزيز]

كل عام ومصر والأمة الإسلامية بخير

وكل عام وكلكم بخير أيها الأخوة في المنتدى وتهانيا لكم فردا فردا

وشكرا خاص للفاضل جو على لفتته الطيبة

تم تعديل 3 نوفمبر 2011 بواسطة ابراهيم عبد العزيز

[مهندس ابو يوسف]

;;

كل عام وانتم جميعا بخير وبعوده الايام

وعقبال كل سنه وانتم جميعا بصحة وسعاده

ومصر تكون في احسن حال

تقبلو جميعا تحياتي

تم تعديل 3 نوفمبر 2011 بواسطة مهندس ابو يوسف

[MemoG]

كل عام وأعضاء المحاورات كلهم بخير

والأمة الأسلامية بخير

ويارب ديما أيامنا تبقي كلها أعياد

:give_rose:

[عطر الجنة]

العيد السنه ديه يوم الاحد تضامنا مع الاخوه الاقباط علشان احداث ماسبيروووو

[Damo]

[mahmoh]

وانت طيب ياجو

وانشاء الله تكون الظروف العيد اللى جاى احسن من دلوقتى

[عبد الله غريب]

كل سنة و انتم طيبين .. مبسوطين ..

متجمعين في أحلى محاورات .. لأنها محاورات المصريين .. حتى لو مختلفين .. بنتعلم من بعض .. و بنفيد بعض ..

و بنرجع ليها تاني و لو بعد سنيين ..

دعوة لكل غائب بالعودة ... مستنيين