كان في مرة وزير إسمه العيسوي يا ولاد

[se_ Elsyed]

ما هولو مش عيب كنت صوتت

أو حتى عملت جو فزع في البيت وخليت المدام تغطيني وتصوت

بس انا متأكد إن هاييجي اليوم اللي نحكي فيه ونتحاكى عن شيء إسمه العيسوي وزي رالداخلية الشهير بعم شكشك

سمعتى امبارح مع عادل حموده في قناة CBC

ما تيجي نشوف ونصوت كلنا صويت جماعي زي كورال الاطفال

أكد اللواء منصور العيسوى - وزير الداخلية - أن عدد البلطجية في مصر أقل من الأرقام المنشورة في وسائل الإعلام وأن عددهم لا يتجاوز 11 ألفا فقط

، وقد قامت قوات الشرطة بالتعاون مع القوات المسلحة بالقبض على 200 بلطجى في الشهور الماضية في إطار جهودنا لتأمين الانتخابات البرلمانية وسيتم تكثيف الجهود والقبض على المزيد من البلطجية في الفترة القادمة.

وأوضح أن الأمن المركزى لم يقتل المصريين أثناء مظاهرات الثورة وإنما قتلتهم جهات مجهولة، وأن القناصة ليست لهم علاقة بالشرطة نهائيا، والشرطة لم تستخدم السلاح فى مواجهة المتظاهرين في الثورة إلا في حالات محدودة وفردية.

وكشف أن هناك عربيات أمن مركزي ومدرعات شرطة مسروقة منذ اندلاع الثورة شوهدت في غزة مع مواطنين فلسطينيين، مما يثبت أن هناك تدخلا خارجيا فى أحداث سرقة مدرعات الشرطة وسلاح الشرطة وتهريبه للخارج وخصوصا لغزة.

وأضاف العيسوى في برنامج "معكم" علي قناة السي بي سي أن هناك تيارا سياسيا معينا له دور فى اقتحام أحد السجون للإفراج عن معتقلين سياسيين، وأن هذا التيار حاليا هو تيار يتمتع بقوة كبيرة وأن هذا موضوع يتم التحقيق فيه وسيتم إعلان الحقيقة.

وأشار العيسوي إلى أن جهاز الأمن الوطنى غيّر طريقة عمله وليس له علاقة بالعملية السياسية، وينصب عمله فى الأمن القومي وما يهدده فقط، وهذا أمر سيشعر به المصريون قريبا، وأن الداخلية كل مهمتها في الانتخابات تأمين اللجان ولن تشارك في العملية السياسية.

اقرأ المقال الأصلي علي بوابة الوفد الاليكترونية الوفد - فيديو.العيسوى:قبضناعلى200 من11ألف بلطجى

[dongol]

يعني جريدة الوفد سابت المصيبة اللي عاملها الراجل بتاعهم في المواد فوق الدستورية

و مسكت في الراجل الغلبان اللي اسمه العيسوي

كل ده مدروس يا اخوانا علشان يحولوا الانظار صدقني

انا خلاص بعد اللي حصل ده متوقع ان الوفد هو اللي هيألف الوزارة بعد الانتخابات

يعني لا اخوان ولا فلول

[متعب]

ده اعتراف خطير جدامن وزير الداخليه بانهم قبضوا على 200 بلطجى منذ اندلاع الثورة

وده معناه ان ال اتقبض عليهم مش بلطجيه

يعنى الاتناشر تلتاشر الف ال معتقلين فى السجون الحربيه الان اعتقلوا كده جدعنه

لله والوطن

أمال ليه بيتهموهم بالبلطجه وتقسيم البلاد والاجندات والهلومه الجارة دى

العالم دى لاعمرها احترمت قوانين ولا دستور

دول بيحطوا قوانين عشان يحكموا بيها الناس بس

لكن يحكموا ال يغلط فيهم بيها

استحاله

فى اى دوله من دول العالم حاله انفلات امنى واحده بيتم على الفور اقاله وزير داخليتها

وانه اصبح غير كفىء للادارة الوزارة

احنا من ايام الثورة الى الان واحنا فى انفلات امنى دون عقاب لمرتكبيه او عقاب لمسئول واحد

ولو حتى غفير درج من الدرجه التاسعه

اذن احنا قدام انقلات امنى منظم ومدروس صح وله اجنداته الخاصه ومفيش معنى تانى لان المعانى ممكنه بس فى الاغانى

[عبد الله غريب]

يعني جريدة الوفد سابت المصيبة اللي عاملها الراجل بتاعهم في المواد فوق الدستورية

و مسكت في الراجل الغلبان اللي اسمه العيسوي

كل ده مدروس يا اخوانا علشان يحولوا الانظار صدقني

انا خلاص بعد اللي حصل ده متوقع ان الوفد هو اللي هيألف الوزارة بعد الانتخابات

يعني لا اخوان ولا فلول

أبه موضوع حزب الوفد دا؟

هو موافق ع المبادي فوق الدستورية؟

إمبارح سمعت مذيعة 90 دقيقة بتكلم واحد من حزب الوفد و بتساله عن رايه في الموضوع داه .. لكن للأسف ما سمعتش رده و لما رجعت بعد ما رد .. سمعتها بتقول له .. يعني حضرتك مش عارف أيه موقف الحزب من الموضوع .. فاستغربت !

هل ممكن يكون موافق؟

[متعب]

حزب الوفد من اكتر الناس ال تضررت من الثورة

لان خسر بالظبط وبالتحديد 8 مليون جنيه

كان بياخدهم نتيجه معارضته الكرتونيه للنظام

وبعدين بح

ولسه البلاولى كلها هتطلع

ال اكتشفوه الى الان ميجيش واحد فى الميه من المصايب ال كانوا بيعملوها العصابه القزرة دى