الحب الاول

[Deconvolution]

اهو دة الكلام اللى في الموضوع

عندى تجربة تانية تركت علامة

المكان عند معارفينا الاب زى الوالد تمام

كان يتصفح الجريدة لما لقي عزاء الفتاة اللي كان يعزها من 30 سنة

ذرف دمعتين شده انتباه زوجته اللي خافت عليه وعرفت الحكاية

وسمعت حديثها مع والدتى اللى ساءلت فيه اه

الست قالتلها وامى استغربت من موقف الست بس الست قالت ان لى من بعد ما اتجوزننا بس اللى فى قلبه لى هو وانا متاكدة ان يحبني والماضي ده بتاعه هو

طبعا ممكن ناس تقول ده غلط بس احترام الزوجة هنا لزوجها كان remarkable

على فكرة يا س السيد

هوندا مش متسوبيشي mf(

وشكرا تاني يا ام محمد و يا فيروز انا عارف ان قلبهم ابيض وما يقصدوش

بس يمكن علشان انا اتكلمت بصراحة شوية حست انه الكلام موجه لي شخصى وانا كل اللى كان قصدي من سردى لتجربتى اننا نبحبح عن حاجة اكيد كتير مر و يمر بها بس بيهرب من مواجهة الذات

وجزاك الله كل خير

الصراحة كنز لا يفني

[afiona]

يتهيا لى ان فى مليون الف حب اول فى حياتنا من سن البلوغ عندماا تبدا المشاعر فى الاتجاه نحو الاخر بدل من الاقران من نفس الجنس.

بعض هذا الحب ينتهى نهاية ماساوية(ساعتها) انما كوميدية دلوقت و يتحول لمثار تندر.

ثم تهدا المشاعر و ترسى المراكب على شط التعقل و يبدا الحب اللى مش نزوة ... حب قد يكون حقيقى ..

معظمه ينتهى و لكن هناك فرق:

- لو انقلب الحب كراهية يبقى ماكنش حب ... اللى يحب مايكرهش ...صدقونى ...

- لو تحول لذكرى عادية تعبر الذهن بين الحين و الاخر و يحمل الاعجاب و الاعزاز للحبوب القديم ولكن دون مشاعر متاججة فده كان حب ولكنه انطفا مع الزمن...ده طبيعى وعادى.

- اما لو ظل الفرد على نفس الحب القديم فاما يكون الشخص لا يقبل الهزيمة او يحتمل فكرة عدم امتلاك او ضياع شئ منه....

او بيبقى الواحد بيحن للايام القديمة الجميلة ايام الذكريات والشباب و العجرمة و من ضمنها الحب الاول ...

فى الحالتين - فى رايى - ده مش حب ...

بس السؤال:

ليه الواحد يصارح زوجته بكده ?

- عرفت اى بنت قبلى ?

- ابدا..

- بجد ?

-عمرى ...

ليه وجع الدماغ ....

[yasovinas]

ممكن الاول نعرف معنى كلمة حب

هل هو ارتباط وولوعه وتفكير في الطرف الثاني

ام هو الفه وسكينه للطرف الثاني

بمعنى هل كل بنت قابلتها او تحدثت معاها او (اسف للكلمه ) مشيت معاها ايام الشباب وايام الجامعه وممكن بعد ذلك يبقى بتحبها لا اظن

انا شايف ان كل هذه الحالات بتكون مشاريع حب تحت الانشاء او تحت الدراسه ولكن لم تتم

اذاً الحب هو الحب الاخير وهو الحب الاول

مش معقول كل ما قلبك يترعش ولا تعرقلك شويه عرق لما تشوف بنت يبقى بتحبها الحب الاول طيب والحب التاني والتالت والرابع مصيرهم ايه

يعني انا قصدي اقول ان الحب الاول زي ما البعض قال هو الاول في كل شيء بيبقى له طعم خاص هو اول مغامره او اول شعور لذيذ حسيت بيه بس مش اول حب لان في حياة كل واحد حب واحد فقط هو الاول والاخير

مجرد راي

[علي محمد علي]

بعد الشكر لكاتب الموضوع

لا يمكن وصف شعور شخص يقابل الحب الأول مهما كان الكاتب صادق في الوصف 0000 وتعتمد ردة الفعل على اسباب نهاية هذا الحب0000 لأن هناك حب قد تندم على نهايته وهناك حب قد تحمد الله على نهايته الحب الذي تبكي لنهايته هو الحب الصادق الصادر عن عاطفة صادقة وقابل هذا الحب عواصف واهوال كانت اكبر من هذا الحب فحدث الفراق 0000هذا الحب قد نبكي عليه

وهناك حي زائف كان مغلف من البداية بأقنعة مزيفة لا تنتهي ( على فكرة هذا حب من طرف واحد ) يكون فيه احد طرفي الحب مخلص حتى النخاع بينما الطرف الآخر هو الذي يرتدي الأقنعة الزائفة وعندما تحين ساعة الحقيقة تنكشف الأقنعة وينسحب الطرف الزائف من هذه العلاقة لأنه وجد مصلحته في اللعب على محب جديد أو بمعنى اصح ضحية جديدة

[بنت شعنونة]

نرجع للموضوع..

مش عارفا ايه قصة الحب الأول دي بجد! rs:

انا عن نفسي ارتبط كذا مررررررررة ب كذا انسان

وتقريبا ما نسيتش ولالالالالالالالالالالالالالالا واحد فيهم!

مش عارفا ليه

حتى الناس اللي اتقدمولي بس

يعني عرفتهم كام يوم وخلاص

برضه فاكراهم!

عاملين زحمة في نافووووووووووووخخخخخخخخخخخيي :blink:

بس اعتقد انه الموضوع يعتمد على اهمية الحدث من ناحيتك

وعلى الأفعال اللي بتحصل في الحدث دا

فيه حاجات حصلت معايا نفسي انساها

انما للأسف صعععععععببببببب جدااا

يعني مثلا

نفسي انسى خيانة اول حب....بس كل ما اشوف البنت التانية افتكر

نفسي انسى الحب التاني...... بس كل ما ابص لحرق السجاير في ايدي افتكر

الخ الخ الخ

يلهوووووووووووووووووي

كانت ايااااااااااااااااااام ربنا لا يرجعها

نفسي انسى انا مييييييييييييييين :D mfb:

[afiona]

نفسي انسى الحب التاني...... بس كل ما ابص لحرق السجاير في ايدي افتكر

:rolleyes: :)

فى حدود للافتراء ...

عموما اجترار الماضى عبارة عن حلقة مفرغة .... الحل هو كسرها ..

[بنت شعنونة]

فى حدود للافتراء ...

قصدك للهبل يا افيونة rs:

انا اللي كنت غبية.. :)

بس تكسر الحلقة ازاااااااااااااي.؟

الماضي جزء منا شئنا او ابينا...

واهو ماحدش بيتعلم بالساهل.. :rolleyes:

[abo_mariam]

سلام عليكم ياجماعه ايه رايك انت يا Convolution لوكنت انا فى

مكانك وبرضه لسه عايش فى الحب الاول ولكنى اعزب وسبب لى رفض كثير من الفتيات الجيدات بسبب تاثيره المزمن علي ?? ماذاافعل يا اخوتى انصحونى جزاكم الله خيرا :rolleyes:

[se_ Elsyed]

سلام عليكم ياجماعه ايه رايك انت يا Convolution لوكنت انا فى

مكانك وبرضه لسه عايش فى الحب الاول ولكنى اعزب وسبب لى رفض كثير من الفتيات الجيدات بسبب تاثيره المزمن علي ?? ماذاافعل يا اخوتى انصحونى جزاكم الله خيرا  mfb:

وانت أيه اللي بيخليك أساساً تصارح أي واحده بتتقدم لها إنك كنت بتحتب قبل كده او تحكي عن ماضي فات وإنتهى ... معنى إنك تروح تتقدم لفتاه ده بيعتبر إعتراف رسمي وصريح منك إنك إنسان جاد وتريد بناء حياة جديدة .. يبقى مافيش داعي لأي حكاوي عن الماضي أياً كانت تحت أي بند .. يعني في ناس تقولك لأ أصلي لازم أصارح البنت بكل حاجة ... وهو مش عارف إن المصارحة دي بتودي في داهية وهاتخرب حياته اللي لسه ما بدأتش أساساً ..

كل إنسان عنده كرامه ومشاعر .. والبنت لو سمعت لك وأحترمت صراحتك .. فده هاتبقى مسألة وقتية لكن مصيرها هاتفتكر لك ده .

[afiona]

وانت أيه اللي بيخليك أساساً تصارح أي واحده بتتقدم لها إنك كنت بتحتب قبل كده او تحكي عن ماضي فات وإنتهى ... معنى إنك تروح تتقدم لفتاه ده بيعتبر إعتراف رسمي وصريح منك إنك إنسان جاد وتريد بناء حياة جديدة .. يبقى مافيش داعي لأي حكاوي عن الماضي أياً كانت تحت أي بند .. يعني في ناس تقولك لأ أصلي لازم أصارح البنت بكل حاجة ... وهو مش عارف إن المصارحة دي بتودي في داهية وهاتخرب حياته اللي لسه ما بدأتش أساساً

فى الجون وفى المقص كمان ... ;)

عمرى ما فهمت ليه الواحد يحطم نفسه بنفسه ...انا اعتقد ان الموضوع فى اغلب الاحيان لا يخرج عن كونه زهو وافتخار خاطئ بهذه العلاقات رغم انى لا اجد بها مدعاة للفخر ...

[Shedou]

أنا أعتقد أولاً أن كلمة حب أصبحت تستخدم بسطحية. كل شاب أو شابة يميل لشخص من الجنس الآخر ممكن يوهم نفسه أنه في حالة حب.

أنا الحب الأول بالنسبة لي كان في سن المراهقة وكنت بسميه حب وبقول لنفسي أني بحب تأثراً بالأفلام.

في التجربة اللي بعدها وكان عندي عشرين سنة أعجبت ببنت لكن رفضت أسمي ده حب وقلتلها "أنا بميل ليكي" لأني مش هحب فعلاً إلا زوجتي (لسه ما لقتهاش ) لأن الحب لا ينبغي إطلاقه إلا على إنسان عاشرته وعرفته عن قرب فإذا استمر الحب يبقى بتحبه فعلاً.

وفي آخر تجربة لي مع واحدة أمريكية اتغيرت لغتي تاني وقلتلها "أنا مهتم بيكي" I'm interested in you. وكان ده على عكس التجارب السابقة والأقل نضجاً مبني على إعجاب كبير بفكرها مش بس بشكلها.

فيه فرق بين الميل المبدئي لشخص وبين الحب. فيه فرق كمان بين الميل الظاهري لشخص وبين حب شخص بسبب اللي موجود في قلبه وعقله مش بس في ظاهره، مع ضرورة الميل الجسدي طبعاً. أعتقد ان تسمية الأشياء بأسماءها ممكن يجنبا أوهام كتيرة. مش كده؟

[SnipeR]

بس تكسر الحلقة ازاااااااااااااي.؟

الماضي جزء منا شئنا او ابينا...

واهو ماحدش بيتعلم بالساهل.. 

جربتي ال NLP ؟(لو عندك وقت يعني)

[crossfield]

الحب الأول

زمااااااااااااااااااااااااااان لما كنت مراهق أو مراهقة قلبك دق لأول مرة لبنت(أو ابن ) الجيران وقلت بس هوه ده الحب الأول و الأخير و تعدى شهور و يمكن سنين و انت يا ولداه حيران فى دنيا الخيال و فجأة الستارة تنزل و تحب من تانى لكن يفضل دايماًالحب الأولانى سايب خربشة صغيرة جوانا بتقول هنا كان فيه حد وراح ... فاكر حبك الأول؟؟؟ يا ترى فعلاً الحب الأول هو الحب الأخير؟؟؟؟؟؟؟؟؟؟؟؟؟؟

هاشارك بس بعدما أوقعكم فى الكلام :blink:

وش خبيث مدكن

[shiko]

طلبك صعب يا كروس ...

ده تسييح على العالى ...صعب ..اوى ...

طب انا هاقعد جنبك اهوه ..اوعى بس كدة

هاستنى حد يهوب هنا ...

ويحكيلنا ...احتمال ...اعترف ...

بس بلاش ضرب ..بلاش ضرب ...

انا هاعترف من غير ضرب

[SoSo R]

ليه حاسة إنى باسمع مقدمة فيلم الوسادة الخالية

وأقفل السكة أنت الأول يا صلاح

لأ أنتى الأول يا سميحة

الحاجات دى لغوها من زمان من المنهج...

على رأى الست...

حب إيه اللى أنت جاى تقول عليه wst::

حب إيه....إيه

الله عليكى يا ست...

دايما بتقولى درر

تحياتى :rolleyes:

[الباشمهندس ياسر]

عندي اخ عمره 18 سنة

هخليه يعمل حساب و يجي يحكيلكم القصص بتاعتهم

ليه يا قلبي كل يوم بتحب واحده...عمرو دياب

[herohero]

مفيش حب اول مش بيتنسي بجد قلبنا هيحب مة واتنين و3 وكل مرة ولها ظوفها المهم تطلع من التجبة وقبل ماتدخل ف حب جديد تكون تخلصت من بقايا الحب القديم

وصدقوني دايما الحب الاول بيفشل رغم حلاوة احاسيسه

[لماضة مصرية جدا]

السلام عليكم و رحمة الله و بركاته

اتصدقي انتي م ساعة ما نزلتي التوبيك من امبارح و انا قاعدة ع القمة اقول يا ربي....عايزة اخش اشوف الناس كاتبه ايه.....؟؟؟

مش عارفة يمكن لان مبقاش فيه حكاية ابن الجيران......لان كلنا كنا بنلعب مع بعض حرب المسدسات...

و حتي في الجامعة......كنت بعيش قصص اصحابي اكتر من ان يكون ليا قصة لوحدي...كنت بحس اني هبقي عبيطة اوي.....او يمكن كنت مقتنعة ان زوجي من حقه ان يعيش معايا احساس المشاعر في اول قطفة.

بس هحكيلكم حدوتة كده كنت انا طرف فيها.....لا كنت العيال اللي واقفة ورا الستارة

كان لينا زميل عايش في دور بقي الفنان.....هو الحقيقة كان موهوم...قصدي موهوب جدا.....و كان مرتبط عاطفيا بواحدة زميلته.....ا

لمهم هو لما انضم للشلة بتاعتنا كان منضم لينا حطام.....يعني كومة عضم.....علي كومة احساس...و بالتالي الجدع عيشنا القصة من ناحيته هو......انهم كانوا بيحبوا بعض....و الراجل قاعد يرسم في بورتريهات.....و يوريهالنا.....و احنا نعيط

المهم....اخونا ده خلانا نلف حوالين نفسنا لانه كان عايز يخطب واحد شبه حبيبته الاولانية.....اه هما سابوا بعض ليه.....حسب اقوال زميلنا....لانه كان لسه تلميذ و اتقدملها عريس و اتخطبت

المهم يا مواطنين...كان بيحب ف المرحومة ايه.......كان ليها لفة طرحة معينة......هي في منتهي الاحتشام....بس مش معقولة يعني هيتنيل يخطب واحدة عشان كده

بس فضلنا نخطبله بنات زي الورد.......و دايما يقصر رقبتنا و ميكملش

و في يوم من الايام......قابلت ربة الصون و العفاف....السوت مرجانة....و اكتشف ان الموضوع مكنشي بالفولت العالي اوي ده اللي عيشنا فيه

زميلنا ده....سبحان الله اتجوز واحدة............مالهاش اي علاقة بلفة الطرحة اللي دوخنا وراها....و سبحان الله انفصل....و مش متهيالي هيتجوز تاني......لا ده عوقد بقي

مما سبق......انا حاسة ان الحب الاول ده ايه بقي

1- هي حالة عطش.......شديدة جدا بيبقي الواحد نفسه فيها يعيش مشاعر سمع عنها كتير....و هوووووووب تلاقيه خبطها في حد....و هووووووووب تلاقيه كمل بقية المشارع اللي برضه سمع عنها من غيرة........و فراق....و شحتفة..........هو عايز يعيش الفيلم بكل تفاصيله

2- ليه دايما البتاع الاول بيرتبط بسن صغير....عشان برضه فكرة الاكتشاف

3- العكننة بقي بتيجي منين.......من الغلبانة اللي بتشرف بعد الهانم الاولانية.......طب دي ذنبها ايه.........انها بتتقارن مع حد عمرها ما شافته.....يعني انا احب افترس غريمتي...ايون......لكن يبقي غريمتي خيال...ده يبقي صعب اوي بقي....و الحقيقة تبقي خيانة امانة من قبل زوجي

بس كده و هاجي اشقر عليكم بكرة يا رب يكون حد اعترف

فوتكم بعافية

[بحار الغربة]

مما سبق......انا حاسة ان الحب الاول ده ايه بقي

1- هي حالة عطش.......شديدة جدا بيبقي الواحد نفسه فيها يعيش مشاعر سمع عنها كتير....و هوووووووب تلاقيه خبطها في حد....و هووووووووب تلاقيه كمل بقية المشارع اللي برضه سمع عنها من غيرة........و فراق....و شحتفة..........هو عايز يعيش الفيلم بكل تفاصيله

2- ليه دايما البتاع الاول بيرتبط بسن صغير....عشان برضه فكرة الاكتشاف

3- العكننة بقي بتيجي منين.......من الغلبانة اللي بتشرف بعد الهانم الاولانية.......طب دي ذنبها ايه.........انها بتتقارن مع حد عمرها ما شافته.....

على فكرة

كلامك جميل جدا وانا متفق معاه مية فى المية ودايما بقول نفس الكلام

هو ان الحب ده مشاعر عند الانسان اللى بيحب وبيطلعها فى اول حد بيوهم نفسه انه يستاهل الحب ده ....

[fatfouta]

طلبك صعب يا كروس ...

ده تسييح على العالى ...صعب ..اوى ...

طب انا هاقعد جنبك اهوه ..اوعى بس كدة

هاستنى حد يهوب هنا ...

ويحكيلنا ...احتمال ...اعترف ...

بس بلاش ضرب ..بلاش ضرب ...

انا هاعترف من غير ضرب

صح والله تسييح

طب الواحد يقول ايه طيب :lol: :lol: