الحب الاول

[عنبو]

انا كنت ناوى افصح واتكلم بس قولت اصبر يامحمد علشان الموضوع ميقلبش كوميديا

لانها قصص غريبه

بس على العموم نستنى اعتراف الناس الاول ويعدين ندخل نرمى ما فى الجعبه يعنى

[se_ Elsyed]

انا كنت ناوى افصح واتكلم بس قولت اصبر يامحمد علشان الموضوع ميقلبش كوميديا

لانها قصص غريبه

بس على العموم نستنى اعتراف الناس الاول ويعدين ندخل نرمى ما فى الجعبه يعنى

عقلي الباطن بيقول لي : حتى العنبي بيحب ؟ يالله ما هي القطة كلت فراخها !!!

-------------------

شيكو .. حلي عني الله لا يسيئك ... بجد هناك مشاعر الواحد بيُفضل الأحتفاظ بها لنفسه ... حاجه كده زي صندوق الذكريات الخاص ... فلو الواحد فتح الصندوق ده وبقى مزار سياحي .. يبقى فين الخصوصية ؟

الكلام ده مش هاتفهميه يا شيكو الا أما يبقى عندك 23 سنه .. صدقيني

[shiko]

وهاتربيلنا شنبوه ....

وسبع الرجال ...واسد الاسود ....

خلى عندك الشجاعة الادبية ....اعترف من غير تهديد سلاح ...

اعترف....لوحدك يا عنبو ...البنات اعترفت ....

خليك اشجع ....وشوف اى حد تانى من السوالمة وخليه يقف معاك ...راجل لراجل يسندك ...واعترف

انا بقترح نسمى التوبيك ده ....اعترافات ليلية

...واخد المايك واقرركم ....

[mama nona]

حبيت واحد الله يسامحه بقى (ال انا اتجوزته الحمد لله)

كان صديق صديقتى

وشافنى معاها مرة

اوم ايه؟؟؟

ال ايه دخلت دماغه ...

وبعدين بعتلى

وبعدين انتظرالرد

وتمر الايام

والليالى

وبعدين رجع تانى يصر انه لازم يعرف الرد

اتفقو على موعد صديقتى هتقابله تبلغه بالرفض

كان الموعد ده يوم خميس الساعة 10 وكان عندى محاضرة

(بس كنت حاضراها ومش مزوغة )

فضلت طول المحاضرة قاعدة على مسمار

عاوزة اخرج اقولها اه انا موافقة

وبعدين استجمعت شجاعتى ورفعت صوباعى واستأذنت انى اخرج

وكانت المفاجأة

انه بره مستنينى

ال ايه؟

مش عاجبه انى رفضت

ومن يومها بقيت ازوغ من كل المحاضرات والسكاشن

لغاية ما خطبنى

يمكن 5-6 سنين

وكان راى الناس كلها انها قصة فاشلة من الاساس

ومش هتكمل

حتى لو فضلنا 10سنين على نفس الحال

والحمد لله

اتجوزنا

وربنا يديم الحب بينا :lol:

ياااااااه يا ولا د

كأنه كان حمل تقيل على قلبى وانزاح

كده خلتونى افشى الاسرار العسكرية عالهوا :lol:

الله يسامحكم :sad:

[ozoozo]

كنت في سنه اولي في كليه العلوم

وكنا في معمل النبات

شفتها من بعيد وكنت عايز اكلمها

اعمل ايه طبعا رحت اكلمها

انسه مش عارف اظبط الميكروسكوب بتاعي ممكن تيجي تظبوطهولي

وكانت متحفظه جدا وجت ظبتطهولي وفالتلي ممكن حد من زمايلك الولاد يظبطهولك عشان انا ما بكلمش ولاد

طبعا ماسبتهاش خمس دقايق وبوظته وروحتلها تاني ....ممكن تظبطيلي الميكروسكوب

.

.

عارفين الانسه دي راحت فين دلوقتي

:lol: :lol: :sad:

منكم لله قلبنو عليا المواجع

دلوقتي هي

قاعده بتاكل الواد في المطبخ

عشان اتجوزتها

:D

الحمدلله مابتدخلش المنتدي

في حكايات وانا في تانيه ابتدائي ممكن احكيها ولا انتم بادئيين من الجامعه بس

[لماضة مصرية جدا]

حبيت واحد الله يسامحه بقى (ال انا اتجوزته الحمد لله)

كان صديق صديقتى

وشافنى معاها مرة

اوم ايه؟؟؟

ال ايه دخلت دماغه ...

وبعدين بعتلى

وبعدين انتظرالرد

وتمر الايام

والليالى

وبعدين رجع تانى يصر انه لازم يعرف الرد

اتفقو على موعد صديقتى هتقابله تبلغه بالرفض

كان الموعد ده يوم خميس الساعة 10 وكان عندى محاضرة

(بس كنت حاضراها ومش مزوغة )

فضلت طول المحاضرة قاعدة على مسمارعاوزة اخرج اقولها اه انا موافقة

وبعدين استجمعت شجاعتى ورفعت صوباعى واستأذنت انى اخرج

وكانت المفاجأة

انه بره مستنينى

ال ايه؟

مش عاجبه انى رفضت

ومن يومها بقيت ازوغ من كل المحاضرات والسكاشن

لغاية ما خطبنى

يمكن 5-6 سنين

وكان راى الناس كلها انها قصة فاشلة من الاساس

ومش هتكمل

حتى لو فضلنا 10سنين على نفس الحال

والحمد لله

اتجوزنا

وربنا يديم الحب بينا :lol:

ياااااااه يا ولا د

كأنه كان حمل تقيل على قلبى وانزاح

كده خلتونى افشى الاسرار العسكرية عالهوا :lol:

الله يسامحكم :lol:

السلام عليكم و رحمة الله و بركاته

تصدقي يا ماما نونا......انا مش لاقية اغير اني احيي زوج حضرتك....جدا جدا جدا

كلمات قليلة......بس فيها الدنيا بحالها

كان لازم تقعدي علي مسمار....عارفة ليه...ع

شان كان فيه حد شاريكي اوي....

و مستنيكي....

و مصر يعرف الرد....

و مصر انه يكمل

انا كده هيغمن عليا

طب فيه رجولة اكتر من كده....

طب فيه انوثة اكتر من كده....تقعدي قلقانة مش ع بعضك عشان تقوليله الرد....و زوغان من محاضرات....و تطلعي عشان تقوليله لا....تلاقي نفسك بتقولي آه

و لما الناس تقول لا...تقولوا انتو الاتنين آه........

روحي يا شيخة الله يفتح نفسك.....(تاخدي شاندوشت...كفتة.... :sad: )

ربنا يخليه قرة عين لحضرتك و حضرتك قرة عين ليه في الدنيا و الاخرة آمين

========================================

ملحوظة بقي ع جنب.....احسن انا حاسة ان مرارتي اتفقعت....(أيون من الفعل فقع...فهو متعصب اوي جدا خالص)

يا حاج سين فين...عين

يا حاج عنبي

يا حاجة أم سحلول.....اللي لابسة الكسرولة في راسها و دايرة تغز كل اللي يعدي م الناحية دي.....(ايون انتي يا شيكو....هنحمرق بقي...مين نحمرق دي... :D )

يعني يا اخوانا انتوا محسسني انكم بتيجوا كل يوم الصبح تمضوا في الدفتر و تمشوا

انزلوا بالتفاصيل لوسمحتم

ايون ارفعوا شعار "ارغي يا عم الامور"....(وش اللمبي)

ع فكرة انا كنت فاكرة في الاول ان دي اسرار و حاجات سيكو سيكو.....ب

س لقيت ان بجد لما بنكتبها ممكن ستاعدنا يا نحب نفسنا اكتر.....

يا نضربها بالجزمة زي ما انا بعمل دلوقتي :lol: ......قصدي يا نتعلم منها

مستنيكم

طب تلاتة بالله العظيم.....لو شفتكوا في التوبيك ده من غير لت و عجن...و الذي منه....

مش عارفة هعمل فيكم ايه....

بس هفكر...

(انا كنت عملت فرمان زغازيغ عقوبة علي اي حد ينزل اغنية فقرية في علي مزاجك انت....

ممكن بقي نختار عقوبة برضه عنيفة.......مستبدة......غير انسانية.....

ايون....نحلق شنب عنبو.... :lol: ...

و نخلي سين سين يشرب الدوا مكان عبودي....

و شيكو....تنزل زغازيغ في اي حد مكتئب؟؟)

آدينا مستنين اهه

انا هروح اقيل شوية......لما اشوف

تم تعديل 15 مارس 2010 بواسطة لماضة مصرية جدا

[اغابي]

ايه ده ....

crossfield ....

انتي crossfield بتاعتنا .....

رجعتي امتي ؟؟؟ لأ و الواحد عامل فيها مشرف و مافيش ناموسة بتعدي جنبه اللي و ياخد باله منها ... و انتي بقالك كام يوم بتكتبي و لا أخدت بالي ...

لفت نظر اداري اطبقه علي نفسي .....

الف حمد لله علي السلامة .. نورتي بيتك و عقبال بقية "الفكيهات" اللي عرفت المحاورات بيهم ....

و ترحيبآ بعودتك .. العبد لله حيحكي حكاية واحد صاحبه انتيم... اللي هو مش أنا ....

صاحبي ده في حياته قصتين حب .. الأول و الثاني .... و بيشكر ربه ليل و نهار ان الأول ما نفعش و الا ما كانش لقي الحب التاني ...

الأول بتاع اول سنين العمر .. لما كل حاجة بتبقي جميلة ... و رقيقة .. و رومانسية ...

حب بنت من كل قلبه و هو في تانية ثانوي ... و فضل يحبها بجد لحد تانية جامعة ...

و مع انه كان بيشوفها كل يوم .. كل يوم .. و بيقضي وقت في بيتها اكتر ما بيقضيه في بيت ابوه .. لكنه عمره ما صارحها لسبب وحيد بسيط

انها كانت أخت أعز اصحابه .. و كان حاسس انه لو صارحها كأنه بيخون الثقة اللي حطوها فيه أهل البنت دي و صاحبه ..

لكن زي ما بيقول المثل اتنين عمرهم ما بيقدروا يستخبوا .. واحد فوق جمل و واحد بيحب ..

صاحبنا اتفقس ... لكن فضل الحب رومانسي و بيزيد مع الوقت ...

صاحبنا اتخرج و ابتدي يشتغل و قرر انه يعلن عن حبه رسمي أخيرآ ....

و بعد موافقة شبه مبدئية ...

واحد من الشلة لهفها منه ... لأنه كان أجمل و اشيك و أغني ....

فيلم مصري عادي من بتوع زمان ...

لكن فضل الحب الأول مستخبي جوا قلب صاحبي ده .. لحد ما قابل الحب التاني اللي القدر كان مرتبه من كل ناحية

كان لازم يقابله يعني كان لازم يقابله

مختلفين في البلد .. في اللغة ... في حاجات كتير

ما كانش فيه اي حد ممكن يراهن بمليم أحمر ان الحب ده ممكن ينجح

لكنه نجح و بجداره ... و بقاله عشرين سنة كل يوم يكسب بنط كل يوم ... و تم تتويجه بإبن يحمل مكونات عالمين مختلفين ....

لكن صاحبي ده ... برضه من وقت للتاني يفتكر حبه الأول .. و يبتسم في شجن .. لأنه عمره ما نساه ..

لكن ده شيء .. و حياته الحقيقية شيء تاني خالص ...

مجرد حلم ...

حمد لله علي سلامتك مرة تانية.

:lol:

ابصم بالعشرة يا غاندي

ان القصة دي بتاعتك انت

بس تصدق ولا يبان عليك

:lol:

[ahmos1]

كلها قصص حب انتهت بالجواااااااااااااااااااااااااااااز احنا عايزين الاعترافات عايزين الدراااااااااااااااااااااااااااااااااامااااااااااااااااااااااااااااااا

و على رأى عبد الوهاب زماااااااااااااااااااااااان آآآآآآآآآآآآآآآآآآآآآآآآآآآآآآآآآآآة من الحب

[crossfield]

الفاضل سكوربيون

أولاً تقبل تحياتى و شكرى على استقبالك الحار ...ربنا يخليك يا رب

ثانيأ قصتك جميلة و بتتكرر فعلاً كتير لكن عندى سؤال لما بنفتكر الحب الأول فى حياتنا بيبقى ده حنين للشخص نفسه؟ و الا لمشاعر مبقيناش بنحس بيها دلوقتى؟ و الا لمرحلة معينة من حياتنا راحت و مش راجعة تانى؟

عزيزتى لماضة

اختلاف الثقافات و بعد المسافات بيسوى الهوايل و اسالى مجرب

مشاعر الرجل أكثر تقلباً من المرأة و البعيد عن العين بعيد عن القلب

الفاضل أحمس

مش كل القصص خلصت بالجوازو لا حاجة...راجع الموضوع تانى هتلاقى الغالبية العظمى سوابق

الحمد لله عقدة السنتكم بدأت تتفك أهو (ظاهرة صحية)

مش فاضل غير سى السيد اللى لسه مدكن

بس مش هاضغط عليه حرام كفاية عبد الرحمن مطلع عينه و عمال يلعب فى الفلنكات

[أكسيلانس]

نزولا علي رغبة الجماهير من زملائي القراء ,, سأعرض ما أستطعت أن أختصره من مذكراتي التي عكفت علي كتابتها منذ فتره ,, و هي المره الاولي التي تري هذه الكتابات النور ,, و لكن بعدما قرأته من محاولات ألاعضاء لتذكر مشاعر الصبا و ألأيام الخوالي ,, بطريقه ملفوفه بالخجل و ألحياء , كأننا مازلنا أبناء ال 17 و 18 ربيعا ,, رغم أن معظمنا اذا لم يكن كلنا أصبحنا أبائا و أمهات ,, فلا مانع من ذكر بعض الاحداث طالما كنا في مجلس شيوخ المحبين,,

علما أن هذه السطور هي من مذكراتي الشخصية جدا ,, فربما يكون أسلوب الكتابه مختلف قليلا لني لم أكن أنوي أن أعرضها علي أحد,, لاكن معنديش أغلي منكم و الله ,,

ألعاطفه

,, كان الحب ألأول في الثانيه ثانوي ,, و الغريب انه بعد مرور كل هذه السنين لا أستطيع أن أحدد ماهية مشاعري في هذه الفتره ,, هل كان هذا فعلا حب أم مجرد مشاعر مراهقة انجرفت اليها بحكم السن ,, و لكن أعتقد اني وصلت الي تفسير لماذا أحببت تلك الفتاه حينها او هكذا تصورت ,, كما ذكرت كنت أعاني من شعور عميق بالوحده و أحساس دفين أنه لا أحد يهتم لآمري ,, أعيش وحيدا مع أمي المشغوله و المتفانيه في قضاء حواجئي انا و أخي بعد وفاة والدي ,, والتي كانت تصارع الأيام في صبر و صمود غريب لم أدركهم ألا حين كبرت و لي عنها موضوع منفصل ,, ثم مرضت في أحد ألأيام و كنت أحضر درس خصوصي عند ألأستاذ أحمد - مدرس لغة عربيه بالثانويه بنات و كان من الطبيعي أن يكون أغلب الحاضرين معي من البنات فكنا 13 بنت و 3 أولاد ,, و حدث أني مرضت و تغيبت ليومين عن الدرس ,, فأذا بي أفاجأ بهذه الفتاه تأتي مع 2 من زملائها حاملين هديه لزيارتي ,, بالمنزل – كان الحدث جرئ و جديد و فجر داخلي أحساس جارف تجاههم الثلاثه ,, شعرت لاول مره أني مفتقد في مكان ما و أن هناك من يسأل عني ,, و لكن بدأت أبحث عن من منهم كانت وراء الفكره و من حثهم علي ذلك حتي عرفت من تكون – و بدأت مشاعر المراهقة تأخذ مجراها في شقوق مشاعري البور الجافه و أنا أسأل نفسي كل يوم ماذا يحدث لي و أنا الساخر من كل شئ الجامد العنيد و بدأنا نتحدث لساعات تلفونيا ,, كانت التجربه قصيره و لم يكن بها من ألأحداث الكثير,, مجرد محادثات تلفونيه تمتد لساعات وو عدد بسيط من اللقاءات ,, المحفوفه بالخوف من الناس ,, كان لكل لقاء قصه ,, و ليالي طويله أكتب فيها أشعار و أستمع ألي أغاني الزمن الجميل , و ربما أدين لهذه التجربه أنها عرفتني بكل أشعار مأمون الشناوي لما تحتويه من لمحات الحزن و الحرمان ,, ناهيك عن أغاني أم كلثوم كلها و برنامج غواص في بحر النغم لعمار الشريعي ,, أغنيه و قصه ,, كان الليل صديقي الوحيد في بيتنا الذي خلي بعد وفاة أبي و ألتزام اخي بكليته العسكريه ,, كانت هي و النغم و الحلم الجميل أعز أصدقائي و أنيس وحدتي ,, كنت أهرب من جلسة أصدقائي لأعتكف بغرفتي طوال الليل أكتب لها ألآشعار و كلمات ما سمعته من أغاني ,, كان جرس التليفون بالنسبة لي كالنداء ألألي ,, كانت أمي تسغرب ما يحدث لي من تغيرات في المزاج و رقة المشاعر,,

ما اعظم هذا الشعور ,, عندما تجد من يفتقد وجودك ,, لدرجة أني لم أقدر مدي لهفة أمي علي تأخري في السهر مع اصدقائي ألآ بعد ما عرفت معني الحب ,, و ان ينتظر الحبيب حبيبه,,

و أستمر الوضع هكذا لعام كامل الي أن وصلنا الي الثاوية العامه و نجحت أنا بمجموع كبير و رسبت هي بجداره أيضا فلم تكن تتمتع بأي نوع من الذكاء و لكن كان لها مواصفات من الجمال الشكلي ليست مبهره و لكنها كانت أفضل من كل من حولها ,, كانت مليئه بالأنوثه في مشيتها و نظراتها و أستطيع أن أقر ألأن أنها كانت لا تملك غير هذه الهبه و هي الأنوثه الطاغيه ,, و لكنها كانت من أسره فقيره أيضا و أب بسيط يعمل بوزارة النقل و مريض و لها من الاخوه 4 و أحوالهم كمعظم الناس و ربما أقل ,, فأذا بها تفاجئني بأنها خطبت لاحد أصدقاء أخي – ظابط شرطه – من أغني أسر البلد- و أنا مازلت في السنه ألأولي بالجامعه ,,

و يحضرني هنا حدث محدد كان له ما يتبعه من ترتيبات القدر ,, التي نجهلها و قد لا نؤمن بها في هذا السن الصغير ,, كانت هذه الفتاه من مواليد برج الثور ,, و المعروف عنه الماديه الشديده و حبه لأقتناء كل غالي و نفيس ,, و في عيد ميلادها أشتريت لها سلسله فضه ,, عليها حرفين من أسمي و أسمها ,, و بعد ما ظهرت نتيجه الثانويه العامه بأيام ,, تقدم لخطبتها هذا الشاب ذو المال و النفوذ ,, شعُرت بأنها لم تعد بحاجه الي ألأرتباط بقصص الماضي القريب بكل ما تحمله من رموز ,, و كان لها صديقه بالمدرسه الثانويه ,, عائده من المغرب مع أسرتها حيث يعمل ولادها كدبوماسي بوزارة الخارجيه ,, و لم تكن لهذه الفتاه غير دائره صغيره من الاصدقاء ,, و كانت تسمع عن قصتي مع زميلتها ,, فما أن تم لها أمر الخطوبه ,, حتي عرضت هديتي لها للبيع ,, فصارعت هذه الفتاه بشرائها بكل ما كان معها من مدخرات,, و لم أعرف هذا الأمر ألأ بعد 12 سنه ,, لاني الفتاه التي أشترت هذه الهديه ,,,,,,,,,,,,,,,,,,, هي زوجتي الحاليه ؟؟؟ !!!!!! و كانت أول هديه أعطتها لي بعد خطوبتنا هي سلسله فضه عليها أول حرف من أسمي ,و أسم فتاة الحب لآول ,, فلم أتذكرها و ما أن ذكرت أسمها حتي تغير وجهي الي ألوان أحمر علي أسود ,, فسألتها و لماذا أحتفظتي بها كل هذا الزمن ,, قالت كانت هذه الهديه رمز لمشاعر من أنسان أحب و فتاه تخلت عنه بحثا عن المال ,, فهي بالنسبة لي كانت القصه ,, و كنت كلما نظرت اليها أتسأل تري ماذا فعل هذا الشاب في حياته و ماذا ألم به ,, و لم أكن اتخيل أنها ستعود أليك ,,

فما كان مني ألأ أني أشتريت ألحرف ألأول من أسمها و بدلته بأسم ألأخري و أعدتها أليها ,, و أهديتها لها في عيد ميلادها ,, و قلت لها لقد أشتريت لك هذه الهديه من 12 سنه و لكني قدمتها للشخص ألخطأ ,,

و هذه قصه أخري نفرد لها فصلا خاصا في ترتيبها الزمني ,,

تم تعديل 15 مارس 2010 بواسطة أكسيلانس

[crossfield]

قصة جميلة يا اكسلانس

الهدية راحت للى يستاهلها

[SoSo R]

مساء الخير...أنا تانى :happy:

وبرضه الساعة داخلةعلى 2 صباحا

شكلى بكتب بليل بس...

معلش أصل التوتر و القلق واخد حده معايا...

أستاذ محمد....إكسلانس

قصتك حلوة قوى.....قوى قوى كمان

إيه ده...

على رأى يوسف وهبى...ما الدنيا إلا مسرح كبير

ده لو فيلم عربى...المتفرجين هيقولوا إيه المبالغة دى...

بجد..بجد

قصتك أثرت فيا جدا

ده غير إن حضرتك موهوب فى الكتابة و مدكن و مش بتقول :happy:

أنا منتظرة الفصل التانى

بس فيه حاجة وجعتنى فى قصتك...

إن إحساس الوحدة اللى إتفرض عليك إنك تعيشه فى مراهقتك...

بتعيشه تانى دلوقتى بمزاجك عشان شغلك

بجد حاجة مؤلمة إنك بتطلع من وحدة لأخرى بأشكال و ظروف مختلفة..

ماتقوليش إن الكلبين ولا الأربعة اللى أنت مربيهم بيسلوك

يعنى لو متضايق و عايز تشكى مش هتشكى للكلاب يعنى...

ربنا يعينا كلنا على الوحدة

تحياتى لحضرتك يا فندم :blink:

[shiko]

مستر اكس لانس............تتلاعب بنا الاقدار فى دروب الحياة المختلفة ..

فما بالك ...قد يكون الحب الاول ...هنا بيننا يقراء مداخلاتك ...

يالها من مصادفات عنيفة ... تلقى بنا فى احضان امواج الحياة

هنيئاً لك ...بزوجتك ...هنيئاً لها بزوج كان لها الحب الاول

[أكسيلانس]

أهلا بيك يا دكتوره سوسو ,,

يا فندم العفو ,و أسلوب كتابه أيه ,, دا أنا نقطه في بحر كتابتكم ,, أنا كنت بكتب الكلام ده لنفسي و مكنتش متخيل أن ممكن أنقله هنا

أما عن ملحوظة حضرتك الثاقبه ,,, جدا ,,,, فالحقيقه أن مسألة الوحده أصبحت قدر مكتوب لا يمكن الهروب منه ,, و هذا عن قناعه ,,

كنت زمان و أنا في المدرسه و الجامعه ,, أول ما أجيب كتاب أو كشكول جديد أكتب في اول صفحه بيت شعر لبيكار ,, كأنه كتبهولي مخصوص كان بيقول

خرجت أدور علي صاحب لقيت الحب و الوفا نادر

رفعت أيدي و قلت ليه يا زمان طبعت العباد بطبعك الغادر

رد علي الزمان ---- بصوت رنان زي الرعود هادر

قسوة الوحده أحسن لك من قسوة حبيب غادر

و رغم كل محاولتي بالخروج منها بالاصدقاء ,و الانخراط في العمل ل 15 و 16 ساعه يوميا

أكتشفت أن مفيش فايده

و بدأت أطبق المثل ألي بيقول ( عدوك ألي ما تقدرش عليه ,, صاحبه )

فأصبحنا أنا و الوحده أصدقاء

نهارك سعيد

تم تعديل 16 مارس 2010 بواسطة أكسيلانس

[أكسيلانس]

مستر اكس لانس............تتلاعب بنا الاقدار فى دروب الحياة المختلفة ..

فما بالك ...قد يكون الحب الاول ...هنا بيننا يقراء مداخلاتك ...

يالها من مصادفات عنيفة ... تلقى بنا فى احضان امواج الحياة

هنيئاً لك ...بزوجتك ...هنيئاً لها بزوج كان لها الحب الاول

شكرا جزيلا عي مداخلتك ,,

أما عن ألحب ألاول ,, فهي أكيد مش هنا حاليا ,, عندها ثلاثة أولاد ألان

و تعيش حياه تقليديه جدا ,, خصوصا بعد أن تزوج حماها من فتاه صغير و بدد ثروتها عليها

و لم تعد تملك غير راتب زوجها ,, و هو رجل مكافح ,,, و لكن هل تردي هي بذلك ,, أمرا أخر

خالص تحياتي

[أكسيلانس]

واضح أن أنا كنت أخر المعترفين في مجلسكم اموقر - و كل الاعضاء - هربوا و نطو من الشباك

عموما أنا قاعد مستني حد منك يرجع هنا تاني -- ,,,,,,,,,,

[shiko]

.....سيدى العاشق ...

وصاحب اجمل قصة حب ....

.....واشدها اثارة .......

استاذ /اكسلانس ....

شجعنى حضورك القوى ...علشان اعترف ....

انا زيك صاحبة قصة حب مثيرة وقوية جدا ...جدا...

عشتها ...انا ذاك ...عندما كنت عل اعتاب السنة الاولى بالجامعة ...."واكيد موش هاتكون مع زميلى بالجامعة "

ولكنها كانت مع خطيب رؤيتى له كانت غير كل من رئيتهم ....فوافقة على خطبتى له بعد احداث مثيرة جدا دارت بيننا ....

انتظرونى قريبا ....شيكوز .............

ما سبق كان استهلالا لابد منه .....

[ذهبية]

فى انتظارك يا شيكو

اخيرا انفتح صندوق الاسرار و اطلع وبان عليك الامان

لا تتاخرى على الرد نحن فى انتظار الكثير من المفاجات فى دنيا الماضى و الذكريات

[engtaha]

.....سيدى العاشق ...

وصاحب اجمل قصة حب ....

.....واشدها اثارة .......

استاذ /اكسلانس ....

شجعنى حضورك القوى ...علشان اعترف ....

انا زيك صاحبة قصة حب مثيرة وقوية جدا ...جدا...

عشتها ...انا ذاك ...عندما كنت عل اعتاب السنة الاولى بالجامعة ...."واكيد موش هاتكون مع زميلى بالجامعة "

ولكنها كانت مع خطيب رؤيتى له كانت غير كل من رئيتهم ....فوافقة على خطبتى له بعد احداث مثيرة جدا دارت بيننا ....

انتظرونى قريبا ....شيكوز .............

ما سبق كان استهلالا لابد منه .....

من ساعة ما قريت الموضوع ده وانا الفار اللى المطبخ ...شغال لعب

اصلى سايبه وقاعد متابع وياكم مستنى اللحظة دى

عاوز اشوفلك اعتراف لا والاكادة المقدمة اللى حاطاها تثير الفضول

ياترى ايه قصة الحب المثيرة اللى عاشتها البنت الشقية ؟

مستنيين نسمع القصة انتى رحتى فين بقى؟

[أكسيلانس]

أنا مش هنزل بالجزء التاني ألا لو وجدت 3 أو 4 شجعان كده ,, علشان القعده تسخن ,,

خلاص كل القصص عندكم أصبحت عيال و مدارس و تطعيم ,,, أحنا ليسه شباب يا أخوانا ,, يالاه عقبال ما أخد دواء الكليسترول ,, و المهدأ بتاع اللاسترس -_- تكونوا أعترفتوا بكل شئ يا شباب !!!!!!!!! mfb: