الحب الاول

[رضوي]

السلام عليكم ورحمة الله وبركاته

بصراحة الموضوع جاااااااااااااااااااااااااااااامد ............ تحياتي عليه

بسجل متابعة بشغف بكل اعترافتكم

ووعد مني خااااالص

عندما يدق القلب ............. هعمل مزكرات لاعترافاتي في الحب الاول ............ وان شاء الله يكون الأخير ....... بس لما ييجي وانا اقولكم

تحياتي للجميع :lol:

[لماضة مصرية جدا]

السلام عليكم و رحمة الله و بركاته

استاذي أوز أوز....(مبعرفشي اقرا الاسم...سامحني)

قريت قصة حضرتك و قريت معاها جملة كانت بترن في دماغي من اخواتي الالولاد....اول ما دخلت الجامعة....يا لماضة متكلميش اولاد في الجامعو دول بيبقوا بيستظرفوا

حاولت اقنع قبيلة الماو ماو....ان مش كل الناس ممكن تستظرف....(و الدليل اهه حضرتك ظبطت الميكرسكوب....و حياتك)....بس مش نفع....و راحت الجامعة...مش ندمانة بس كلي يقين ان الحياة تصنع لنا مفاجأة حيث توقعنا الاقل

======================

استاذي اكس لانس

انا عشت بقي في القصة......و في كل كلمة اتقالت...و في كل احساس مش اتقال

عارف يا استاذي برضه عندي قناعة....ان جوه كل قصة.....بتتولد قصة تانية.....بس المهم العين اللي تلقط لحظة اعلان قلب صفحة......و ميلاد صفحة جديدة

ملحوظة ع جنب بقي: مالهم بقي بتوع برج التور......ليه كده؟؟؟......انا تورااااااااية جدا..... wst::

=======================

يا بنتي يا شيكو يا ضونايا

كشفت راسي و دعيت و قولت.....يا رب اشوفك امين شرطة في اشارة المرور

يا بنتي انا صحتي علي ادي....مقدرشي علي كده

ايه ده عامللالي محمد هنيدي

حبيت......ست الحتة......رااااااااحت ست الحتة.....

حبيت وفاااااج...........رااااااااحت واااااافاج...... :)

ابوس القدم...(بس ابقي اعملي ليها باديكير)...انزلي بالتفاصيل...احسن و ربنا ما انا مركباكي ورايا ع العجلة النهاردة....و حرمااااكي من الدخول في الشجرة كالمعتاااااد B)

بس خلاص

صباااااااااااااحكم.......حمامتين.....علي سور البلكونة.....لا هما طاروا و لا هما سكنوا....هما بس حبوا

[shiko]

اهوه ...هاقر واعترف ...

----------------------------------

احببته فقط ...لانه احترمنى ...بكل ماتحمله الكلمة من احترام ...

لم يحاول ..ان يشغلنى يوما ...او يتحدث الى مباشرة ...

اول مرة اسمع اسمه كان من والدى ...والذى كان يبلغنى بالحديث على مجمله ...واخيرا رفضه للشخص ..

المثير هنا انه تقدم لخطبتى ..هو وصديقه فى ان واحد ...استغربت جدا ..

فكلاهما لم يحدث الاخر بما فى نفسه .. ..وكلاهما قابلا الرفض من والدى .... bsh:)

جاء وجه استغرابى له ...وتعاطفى مع موقفه فى ان واحد...بعدما عرفت عنه انه مكافح لابعد الحدود ...

وانه لم ينته لتوه من قصة الكفاح المثيرة التى بدئها ...

اعلنت موافقتى لاسرتى بعدما علمت منهم انهم...لديهم النية والمخطط المسبق ..لخطبتى لاحد المعارف

...ولابد لى من قبول احدهم ...فقبلته ...فلقد علمت عنه ما يثير داخلى شعور لطيف يسرى فى دمى mft:

رفض والدى ...ورفضت اسرتى بأكملها...حتى المعارف والجيران ... bsh:)

ولكنه لم ييأس ...زاد فى الالحاح ...وقد كان اتخذ قراره مسبقا ...

زاد من اعجابى به ....اخيرا وافق والدى على مضض..وعلى امل اخر لم يكشف عنه لى

...وتمت الخطبة على خير ...كنت فى عامى الاول بالجامعة وكان يكبرنى بسبع اعوام

...مع بدء تعارفى عليه لاحظت اشياء كثيرة ...جعلته يصبح الحب الاول ...دون منازع ..

كان يتمسك برجولته دوماً وكان صاحب القرار فى كل الاشياء

علمنى ان اعتز بنفسى وكرامتى وكبريائى ...

كان لى اخ وصديق ...وخطيب..

...هانزل بالجزء التانى الحلقة الجاية

تم تعديل 22 مارس 2010 بواسطة shiko

[لماضة مصرية جدا]

اهوه ...هاقر واعترف ...

----------------------------------

احببته فقط ...لانه احترمنى ...بكل ماتحمله الكلمة من احترام ...

لم يحاول ..ان يشغلنى يوما ...او يتحدث الى مباشرة ...

اول مرة اسمع اسمه كان من والدى ...والذى كان يبلغنى بالحديث على مجمله ...واخيرا رفضه للشخص ..

المثير هنا انه تقدم لخطبتى ..هو وصديقه فى ان واحد ...استغربت جدا ..

فكلاهما لم يحدث الاخر بما فى نفسه .. :lol: ..وكلاهما قابلا الرفض من والدى .... wst::

جاء وجه استغرابى له ...وتعاطفى مع موقفه فى ان واحد...بعدما عرفت عنه انه مكافح لابعد الحدود ...

وانه لم ينته لتوه من قصة الكفاح المثيرة التى بدئها ...

اعلنت موافقتى لاسرتى بعدما علمت منهم انهم...لديهم النية والمخطط المسبق ..لخطبتى لاحد المعارف

...ولابد لى من قبول احدهم ...فقبلته ...فلقد علمت عنه ما يثير داخلى شعور لطيف يسرى فى دمى :D

رفض والدى ...ورفضت اسرتى بأكملها...حتى المعارف والجيران ... :lol:

ولكنه لم ييأس ...زاد فى الالحاح ...وقد كان اتخذ قراره مسبقا ...

زاد من اعجابى به ....اخيرا وافق والدى على مضض..وعلى امل اخر لم يكشف عنه لى

...وتمت الخطبة على خير ...كنت فى عامى الاول بالجامعة وكان يكبرنى بسبع اعوام

...مع بدء تعارفى عليه لاحظت اشياء كثيرة ...جعلته يصبح الحب الاول ...دون منازع ..

كان يتمسك برجولته دوماً وكان صاحب القرار فى كل الاشياء

علمنى ان اعتز بنفسى وكرامتى وكبريائى ...

كان لى اخ وصديق ...وخطيب..

...هانزل بالجزء التانى الحلقة الجاية

السلام عليكم و رحمة الله و بركاته

العزيزة شيكو......انور عكاشة

اتصدقي اني بطلت اتفرج ع التلفزيون بسبب الجيل الناشيء...بتاع الاجزاء.....يا بنتي احدفي ع طول كدهوت....و الله هتلاقي احساس مش عايزة اوصفلك..

بس انا عجبوني البوءيت اللي فوق دول......

ارغي بقي يا شهرزاد

احسن الديك......خلاص...هيغني.....(من خمسة لخمسة و نص و انا واقف بستناك)

انا مستنية

أهه

فوتك بعافية

لا هاخد العافية معايا.....انتي يا اوختشي عليكي طولة بال....

[رضوي]

الله أكبر

ايه الجمال دة .................. عظمة علي عظمة ياست

ايه ياشيكو ياحياتي

انتي هتعمليها نظام مسلسلات ............ وكل مرة تشويق وساسبينس

لا ياحياتي

ادخلي بالمفيد

[ذهبية]

طيب يا شيكو نحب نعرف القصة كام جزء علشان بس نتحضر نفسياااا

طيب اى دعاية للجزء القادم زى اعلانات المسلسلات

[shiko]

...اقتسمت بيننا ...كل اللحظات والمواقف الجميلة

دامت الخطبة 7اشهر...كنت ارى كل يوم جديد بيننا ...وكأنه درس فى الحياة

اعترف لى بحبه لى منذ فترة كبيرة ومراقبته لى على مدار عام كامل ...وقد كان متأكدا تمام انه سيصل لى ..فقط باصراره

عرفت عن طباعه التحدى والاصرار ...

احببته ...فلقد عرفت عنه شيم الرجال ....ونخوة الفرسان...

ولكن مع المرور الوقت كان يداهمنى دائما خوفا ...خاصة مع ظهور اختلاف وجهات النظر مع والدى

...كان اختلافا فى كل التفاصيل ...وانقلب الخلاف بينهما الى تجريح ...

وكنت اشعر ان والدى يرفضانه لكونه قليل الامكانيات ...كثير المسئوليات ...

واصبحت اشعر بانى وسادة ..يشدها كل طرف من ناحية

وتذكرت موقف نيللى فى الاغنية بتاعة ...متشدش ...متشديش انتى ....

إلى ان تقطعت بى الاسباب ...

وانتهت القصة إلى ان فاضلت ان اكون صاحبة القرار...وكانت اسبابى

طاعتى لوالدى ...ولانى ماحبش اكون بنت عاقة وخصوصا انهم ميستاهلوش منى كدة

مساعدتى له فى احتفاظه برجولته وشهامته ...ودى الحاجة اللى لفتت نظرى فيه

قررت الانفصال ....ووافقنى والدى ....

وشرحت له وجهة نظرى فرفض فى بادىء الامر ....

ولكنه رضخ لرغبتى ...وانتهت قصة الحب الاول ...ودامت مشاعر الاحترام

[أكسيلانس]

ألفاضله شيكو

قصتك جميله - و لاكنها تذكرني بكم هائل من المشاعر كنت أنا و زملائي من حرفيش دفعتي - نجلس و نتسامر في أحاديث الهوي - و كان منا الجرئ الذي يدعي أنه ليس لديه ما يخصره - فيتقدم ,, فيرفض ,, فيعود ,, فيجلس شبه منتحرا في عواطفه - و ينقلب جرئ الامس ألي جريح اليوم و هكذا - حتي أقسمنا قسم الاولاء لكرامتنا - لا حب - و لا عواطف - الا لمن يستطيع اليها سبيلا ,,

كم هي مؤلمه علي النفس - أن تصبح السعاده حكرا علي من يدفع ثمنها - أما الهجر و الوحده و قسوة الايام فهي بالمجان لمحدودي الدخل فقط !!!

[Damo]

انا ملاحظة ان كل القصص في ثانوية عامة او اولى جامعة...طب انا خلصت اولى جامعة!!!كده راحت عليا؟؟ فاتني القطر؟؟ فكركوا اعيد اولى جامعة تاني؟ طب ينفع انوط على الحب التاني علطول؟؟؟!

....طب في كذا قصة حب من طرف اول و مش فاهمه ليه انا علطول الطرف التاني!! :lol: ..دي تحسب؟؟ ايه تضيع الوقت ده!!!! كان لازم انطق!! خليني محترمه نفسي و اتفرج بس :lol:

[أكسيلانس]

انا ملاحظة ان كل القصص في ثانوية عامة او اولى جامعة...طب انا خلصت اولى جامعة!!!كده راحت عليا؟؟ فاتني القطر؟؟ فكركوا اعيد اولى جامعة تاني؟ طب ينفع انوط على الحب التاني علطول؟؟؟!

....طب في كذا قصة حب من طرف اول و مش فاهمه ليه انا علطول الطرف التاني!! :lol: ..دي تحسب؟؟ ايه تضيع الوقت ده!!!! كان لازم انطق!! خليني محترمه نفسي و اتفرج بس :lol:

هاهاهاها

تعليقك جميل يا ديمو - ممكن لو كنتي شطره فريكيكو يعني تأخدي الحب الاول في الثالث علي طول - و كرسي في الكلوب ,, جوازه مع كام عيل - و تيجي تحكي معانا هنا عن أيام الصبا - كم كانت جميله بكل عذابها -

تهارك سعيد

[SoSo R]

مساء الخير...

مش عارفة ليه ليا مزاج أحكى..يمكن عشان ألحق أشم نفسى قبل الأمتحان الجاى...فقلت آخد راحتى هنا شوية...

أنا باكتب هنا أهوه يا أستاذ إكسلانس

وميرسى على تهنئتك بالنجاح...عقبال ما تهنينى بالباقى..

ركزوا معايا بقى فى الحكاية دى عشان تفاصيلها معقدة..

على فكرة انا مش بعتبره الحب الأول ولا حاجة...لأنى باعتبر الحب الأول هو الحب الحقيقى...اللى بيدوم..

لكن اللى هحكيه هعتبره هيا أول مشاعر بتخبط على الباب...

المشاعر البريئة اللى بتخلى البنت تاخد بالها فجأه إن فيه شىء جوا القفص الصدرى بينبض و يدق لما تشوف شخص معين..

كان سين -هنسميه سين :lol: -أخو واحدة صاحبتى من زمان...الغريب إنى ماكنتش أعرف إن ليها أخ أكبر منها بسنة ولا كنت عمرى شفته مع إنى أعرفها من أولى إعدادى...

الأحداث بدأت و إحنا فى تانية ثانوى كان عندى 15 سنة :blink: وكنا مركزين مع الناس اللى فى ثانوية عامة عشان نعرف عملوا إيه على أساس إن هما السابقون ونحن اللاحقون

جت واحدة صاحبة ليا بتقولى مش سين أخو ميم صاحبتنا نجح و جاب مجموع حلو قوى...

أنا: إيه ده ؟!!!! هيا ميم عندها أخ غير أخوها الصغير :lol:

أيوة يا بنتى أخوها الكبير سين

أنا أول مرة أعرف كدة...دة أنا حتى عمرى ما شفته ولا أعرف شكله

خلاص لما نشوفه هابقى أوريهولك...ده حتى عايز يدخل صيدلة و جايب مجموع يدخله اللى هو عايزه

فى سرى: صيدلة bsh:) حلم عمرى...يا رب عقبالى.

صاحبتى مكملة الحديث: الولد ده على فكرة مكافح قوى و شاطر...هما ظروفهم على قدهم وماكانش باباه يقدر يديله دروس كان بيروح بالمواصلات مكان بعيد قوى عن بيتهم عشان ياخد حصص تقوية فى مركز رخيص...و يصور كمان الورق بسعر أرخص...

هنا بقى أنا حسيت بحاجة لمست قلبى..مش عارفة بس إنبسطت...يمكن لأنى بحب الناس المكافحة قوى والعصامية..واللى سمعته يثبت الكلام ده...

بعد فترة شفته فى مكان ما و صاحبتى شاورتلى عليه من بعيد...هو ماكانش وسيم ...كان شكله عادى...ومع ذلك...عجبنى رغم إن سنى بيبحث عن شاب وسيم...أو شيك...أو روش...عنده عربية

بس أنا كانت مقاييسى مختلفة خالص...لأنه ماكانش فيه حاجة من الحاجات اللى فوق...بس كان راجل بجد..

بعد أكتر من مرة كنت باشوفه مع أصدقاء مشتركين ...إستجمعت شجاعتى ...رغم إنى كنت باتكسف جدا أتكلم مع حد معرفوش...بس رحت أسلم عليه وبقوله أنا صاحبة أختك ميم و مبروك النجاح...

لقيته إنسان ظريف جدا و مبتسم..و قعد يتكلم معايا و يدينى فى نصايح للماكرة فى ثانوية عامة...خصوصا لما عرف إن هدفى نفس الكلية...

وبقيت بستمتع جدا بالكلام معاه...

وكان دايما يقولى شدى حيلك عشان نبقى زمايل فى الكلية..

ابتديت اتكلم مع أمى عنه...و الأم طبعا عندها بوصلة تعرف بيها مشاعر بنتها رايحة فين...بس عمرها ما فاتحتنى فى الكلام...هيا فاهمة و أنا فاهمة :blink:

مش هاكدب لو قلت إن إعجابى بيه و إنجذابى ليه كان حافز قوى ليا فى الثانوية العامة...كل ما كنت أتعب من المذاكرة....كنت أحط هدف قدامى إن إحنا هنبقى زملا...وفى كلية واحدة

طبعا بسبب الثانوية العامة ماكنتش بشوفه فترات طويلة قوى...بس ماكانتش المشاعر إتمكنت منى قوى...يعنى كانت بتروح و تيجى زى الزغزغة كدة.

عدت الثانوية و نجحت و حققت هدفى...وطبعا إحتكاكى بيه زاد بسبب الكلية الواحدة...وتلاكيك منى ساعات إنى أسأله على حاجة أو أطلب منه حاجة...وماما أبتدت تقلق عليا...لأنى باتكلم على أساس إنى نفسى يفهم اللى جوايا و يحصل بيننا إرتباط...وهو كان بيتعامل كصديق...إلى جانب فروق إجتماعية و إقتصادية قوية بين العيلتين هتخلى الموضوع مستحيل حتىلو هو حس بمشاعرى...مش عايزة أحكى فى تفاصيل كتير بس على مدى سنتين فى الكلية كان مشاعرى بتزيد جدا

وهو كان عامل مش واخد باله أو بيحاول يتعامل عادى....بس كانت بتظهر قدامى سلبيات فى شخصيته ماكنتش واخدة بالى منها زى طريقة معاملته لأخته ميم...و حاجات تانية كتير....

و فجأة و بدون أى مقدمات...ولحد دلوقتى مش عارفة له سبب اللى حصل...مشاعرى تحولت 180 درجة..و بقيت مش طايقاه و مش طايقة أشوف وشه ولا خياله يعدى قدامى...أنا حتى مش فاكرة إمتى بالضبط التغيير اللى حصل...

المهم إن بعد ما أتغيرت من ناحيته هو كمان أتغير...تغير قوى وبقى بيعاملنى بود ملحوظ...

وكل ما يزيد تقربه منى يزيد نفورى منه...مش طايقااااه...مش مستحملة أشوفه

لدرجة بقى تقريبا بيطاردنى...وبقى الموضوع باين قصاد زمايل الكلية و أصحابنا المشتركين لأننا من دفعتين مختلفتين...

وساعتها صاحبتى الأنتيم قالتلى مش كدة...أنتى بتحرجيه بتصرفاتك دى ووشك اللى بيقلب كل ماتشوفيه و تمشى و تسيبيه...

قلتلها ماهو مش بيتحرج...ولا بيبطل ولا بيحل عنى...حاجة تزهق :lol:

أستمر هو فى أفعاله المحرجة ليا من تقرب و تماحيك مالهاش لازمة...و أنا إنفعالاتى هديت كتير...

و إسمحولى أقول حاجة مهمة هتفهمها كل سيدة و بنت بتقرا كلامى...

الراجل يعرف إنه إتمسح من قاموس الست لما مشاعرها تكون ناحته زيرو...لا حب ولا كره

يعنى زى ما بيقول بتوع الكيميا نيوترال متعادل الحمضية لا هو حمضى ولا قلوى...مافيش أى حاجة من ناحيته...

وده اللى و صلتله فى الآخر ...أصبح لا يعنى ليا أى شىء...

كأنه مش موجود...

ثم جاء الفصل التانى من القصة....

يتبع

[لماضة مصرية جدا]

صبااااااااااااااااااح جميل جدا يا سوسوراني ياللي محيراني

عارفة ليه

لاني في كلماتك بحس بحاجات كتير انا منك و انتي مني

خليني استعير عبارت منك....و هرجعهالك تاني...

"لما سمعت انه مكافح...فيه حاجة مست قلبي...و انبسطت"

"كانت مقاييس مختلفة.....و كان راجل بجد"........لما بنحب بنحب صورة في خيالنا...يا تري هي شبه ايه في الحقيقة؟؟

"ماما....هي فاهمة و انا فاهمة"........طب لما احنا بنبقي فاهمين بعض اوي كده....ليه دايما مبحكيش غير في الاخر.....و ليه دايما هي بتستناني في محكة الاخر دي...بيبقي عندها يقين منين اني جاية جاية و هحكي

"مشاعري متمكنتش مني اوي....زي الزوغزيغة تروح و تيجي"

"الراجل يعرف انه اتمسح من قاموس الست لما مشاعرها ناحيته تكون لا حب و لا كره"........

ممكن احط مكانها حاجة بس....هو مش بيتمسح من قاموس الست....هو بيظل بطل في قصة....اسم في صفحة......مجرد حيز في ذاكرة

استحضاره مبقاش يستدعي لا فرحا و لا ألما.....مجرد حروف اسم.....حتي الملامح ممكن تختفي...حتي و هو أمامك لا اراه.....بقيتي تتنفسي عادي جدا بعد ما كان حضوره زمان بيخطف نفسك

لانه ببساطة ابتدي فكرة.....خيال.....و انتهي برضه في فكرة حجم اقل....و خيال اقل

قريت حاجة كده....ان يوم ما بنقدر عن الحب يبقي نعرف انه انتهي..........

احكي يا سوسوراني

صباااااااااحك زغازيغ حقيقية....بتعيش

فوتك بعافية

[أكسيلانس]

يا فندم صباح الخير

و حمدلله علي السلامه من رحلة الامتحانات -

قصتك جميله - و أعتقد أن مرحلة ألتأرجح في المشاعر من الاعجاب ألي التمسك بصورة الحبيب المثالي ثم - التحول عن هذه المشاعر - ثم النقد الشديد و التحليل المنمق للشخصيه عن ما فيها من سلبيات - و البحث عن ما يكفيني من كرهها و البعد عنها -

كل هذه المراحل هي تطور طبيعي لمشاعر هذه المرحله - و كأنها بذره تنمو من نبته الي فرع ثم تثمر - ثم تنتظر ربيع أخر لاعادة الدوره من جديد

الجميع يمر بهذه الدوره - لكن أختلاف الشخصيات هو الذي يأتي بنهايات مختلفه - أنت هنا - قويه زو عزة نفس - و رغم أنك مثابره الي حد كبير لكن في جزئية المشاعر - قد تكوني ملوله ,, عندما طالة فتره الانتظار للمصارحه - غلب عليك كبريائك -

أحيانا يكون الكبريا ءمنقذ من بعض المشاعر غير المؤكده - يعني الواحد يكون مش فاهم هو حب و لا أعجاب و لا ملئ فراغ - لكن أكيد عندما يكون الحب او ألمشاعر بقوة 7 رختر - تقضي علي الكبرياء و العقل ,, و المنطق من أول لحظه - و يصبح الامر كله بستر رب العاملين أن ينتهي علي خير - لان أعصار ألمشاعر قد يكون مدمر كليلا

أنا منتظر الحلق القادمه - علشان أنزل بالجزء الثاني

نهاركم سعيد

[SoSo R]

صبااااااااااااااااااح جميل جدا يا سوسوراني ياللي محيراني

عارفة ليه

لاني في كلماتك بحس بحاجات كتير انا منك و انتي مني

خليني استعير عبارت منك....و هرجعهالك تاني...

"لما سمعت انه مكافح...فيه حاجة مست قلبي...و انبسطت"

"كانت مقاييس مختلفة.....و كان راجل بجد"........لما بنحب بنحب صورة في خيالنا...يا تري هي شبه ايه في الحقيقة؟؟

"ماما....هي فاهمة و انا فاهمة"........طب لما احنا بنبقي فاهمين بعض اوي كده....ليه دايما مبحكيش غير في الاخر.....و ليه دايما هي بتستناني في محكة الاخر دي...بيبقي عندها يقين منين اني جاية جاية و هحكي

"مشاعري متمكنتش مني اوي....زي الزوغزيغة تروح و تيجي"

"الراجل يعرف انه اتمسح من قاموس الست لما مشاعرها ناحيته تكون لا حب و لا كره"........

ممكن احط مكانها حاجة بس....هو مش بيتمسح من قاموس الست....هو بيظل بطل في قصة....اسم في صفحة......مجرد حيز في ذاكرة

استحضاره مبقاش يستدعي لا فرحا و لا ألما.....مجرد حروف اسم.....حتي الملامح ممكن تختفي...حتي و هو أمامك لا اراه.....بقيتي تتنفسي عادي جدا بعد ما كان حضوره زمان بيخطف نفسك

لانه ببساطة ابتدي فكرة.....خيال.....و انتهي برضه في فكرة حجم اقل....و خيال اقل

قريت حاجة كده....ان يوم ما بنقدر عن الحب يبقي نعرف انه انتهي..........

احكي يا سوسوراني

صباااااااااحك زغازيغ حقيقية....بتعيش

فوتك بعافية

عزيزتى ريهام...قوليلى سوسو بس :D

و أستعيرى اللى أنتى عايزاه و ما ترجيعهوش :blush2: ...إحنا أخوات و مش هطالبك بحاجة يا ستى

بصى يا ستى...أى واحدة بتحط مقاييس و بعدين تدور على أقرب حاجة ليها فى الواقع...

أنا كنت شايفاه فعلا راجل...مش خيال بوهم نفسى بيه

وهو فعلا إنسان يعتمد عليه ..راجل رغم صغر سنه وقتها...

ماما دايما بتتفرج و تراقب من بعيد...تفتكرى ليه؟؟؟

يمكن عشان ما تحرجنيش.

يمكن عشان أفضل أحكيلها..

السؤال ده بيحيرنى قوى خصوصا إنى عندى بنت و المفروض إنى هتحط فى المواقف دى قريب قوى :D

تفتكرى لو إتدخلت بدرى...هتحمى الأبنة من إيذاء المشاعر اللى بيحصل فى السن الصغير ده

ولا تسيبها تخوض التجربة عشان تبقى أقوى؟!!

أسئلة كتير ياريت نتناقش فيها يمكن نلاقى ليها رد مع بعض

أنتى بتقولى ذكرى...وأنا بقول بيتمسح بجد من قاموسى

معرفش...بس هو أصبح لاشىء...لا يرقى أن يكون بطل قصة فى كتاب حياتى تمنحنى ذكرياتها أى وجه من السعادة...

يعنى كأنه هوا...شفاف ومش موجود....

فاهمة قصدى...

أتنفس بطبيعية لأن الجزء الى أحتله من قلبى سابقا قد تخلصت منه و أستأصلته بالكامل ولم يترك حتى ندبة :D

[SoSo R]

يا فندم صباح الخير

و حمدلله علي السلامه من رحلة الامتحانات -

قصتك جميله - و أعتقد أن مرحلة ألتأرجح في المشاعر من الاعجاب ألي التمسك بصورة الحبيب المثالي ثم - التحول عن هذه المشاعر - ثم النقد الشديد و التحليل المنمق للشخصيه عن ما فيها من سلبيات - و البحث عن ما يكفيني من كرهها و البعد عنها -

كل هذه المراحل هي تطور طبيعي لمشاعر هذه المرحله - و كأنها بذره تنمو من نبته الي فرع ثم تثمر - ثم تنتظر ربيع أخر لاعادة الدوره من جديد

الجميع يمر بهذه الدوره - لكن أختلاف الشخصيات هو الذي يأتي بنهايات مختلفه - أنت هنا - قويه زو عزة نفس - و رغم أنك مثابره الي حد كبير لكن في جزئية المشاعر - قد تكوني ملوله ,, عندما طالة فتره الانتظار للمصارحه - غلب عليك كبريائك -

أحيانا يكون الكبريا ءمنقذ من بعض المشاعر غير المؤكده - يعني الواحد يكون مش فاهم هو حب و لا أعجاب و لا ملئ فراغ - لكن أكيد عندما يكون الحب او ألمشاعر بقوة 7 رختر - تقضي علي الكبرياء و العقل ,, و المنطق من أول لحظه - و يصبح الامر كله بستر رب العاملين أن ينتهي علي خير - لان أعصار ألمشاعر قد يكون مدمر كليلا

أنا منتظر الحلق القادمه - علشان أنزل بالجزء الثاني

نهاركم سعيد

مساء الخير يا استاذ محمد..اكسيلانس

كلام حضرتك قريب جدا من الصحة...أنا فعلا عزة نفسى مهمة جدا...

أنا ملولة جدا فيما يخص المشاعر...و أتوقع مقابل فيما أقدمه من إهتمام...رجلا أو مرأة و إلا يتم المسح من قاموسى بكل تأكيد

الكبرياء هو صفة لها حيز لدى كل أنثى...ولكن الحيز الذى تشغله يختلف من أنثى لأخرى...

وأنا كبريائى فى كثير من الأحيان يحمينى حينما يغيب العقل عن التفكير...

واضح إن حضرتك بقيت تقرانى ككتاب مفتوح :D

ما تركزش قوى كدة :D

تحياتى

[SoSo R]

الفصل التانى من القصة....

بعد محاولات التقرب المختلفة و كل الحيل الممكنة و الغير ممكنة..أبتدا سين ياخد خط تانى ...كل ما يقابل بابا يتكلم معاه و يهزر و يرغى مدة طويلة...

جاب مامته و عرفها على ماما...علشان يتصاحبوا وكدة

وفى إحدى الجلسات مامته أبتدت تلمح لماما من بعيد لبعيد....بس خوفا من الأحراج و كدة

طبعا بابا و ماما كانوا عارفينه كويس و عارفين إنه أخلاق و متدين...يعنى مافيش مشكلة

بس المشكلة الأساسية إنهم رافضين الموضوع من أساسه...لأن الفروق كبيرة فعلا...وما ينفعش التغاضى عنها

طبعا أنا ماكنتش محتاجة حد يقنعنى لأنى كنت عقلت لوحدى..رغم إستمراره فى أفعاله

الغريب بأه إن حصل حاجة تانية خالص..

صاحبتى الأنتيم اللى جبت سيرتها من شوية أبتدت تنجذب ليه...وكانت كل شوية تسألنى أنتى متأكدة إن مافيش حاجة من ناحيتك؟؟؟

أنا مش ممكن أخسرك عشان واحد حتى لو آخر راجل فى الدنيا

أقولها لأ...مافيش أى حاجة من ناحيتى...بس أنتى خلى بالك من نفسك

للأسف فى هذا الجزء أنا مش فاكرة تفاصيل كتيرة ...يمكن لأنى ما باحتفظش بذكريات لأى مواضيع ما تهمنيش

كل اللى فاكراه إن صاحبتى إتشقلب كيانها فى اللآ زمن...و بقيت تيب المحاضرات و السكاشن العملى...بس عشان تقعد معاه فى حوش الكلية

أو عشان تروح معاه

كانت مغمية عنيها...رغم إنها أكبر منى فى العمر بسنتين يعنى المفروض أكثر نضوجا...بس ما كانش عندها أى خبرة أو مهارات فى التعامل مع الجنس الآخر

وفضلت منساقة دون تفكير فى علاقة محكوم عليها بالفشل

لدرجة أخوها الكبير لما عرف ...ورغم إنه صاحب أخته قوى...قالها على جثتى إن الموضوع ده يحصل

طبعا الفضول ماليكم ..ياترى سين كان موقفه إيه منها؟؟؟

هنا أنا شايفاه مدان جدا فى نظرى

لأنه كان عارف إن ظروفه المادية لا تسمح بإرتباط...

وساب البنت تتشدله دون أن يحاول لفت نظرها إنه ما ينفعش

بيحبها ولا لأ؟؟؟

مش عارفة...ممكن يكون كان بيحاول ينسى موضوعى و لقى بديل وواحدة قريبة منى

برضه ما بحبش to assume

الخلاصة إنه ما قلهاش صريحة إنه بيحبها ولكن كان بيعمل حاجات تشعلقها بيه أكتر و أكتر

وفى الآخر بعد ضغط منها قالها إن وضعه الأقتصادى لا يسمح

وفى آخر سنة من الدراسة سابها بطريقة جرحتها قوى...مش فاكرة إزاى :blush2:

بس قعدت تعانى شهور وفقدت الثقة فى كل الشباب...

وكانت بتقعد تشكيلى بالساعات فى التليفون و تعيط...وتسأل نفس السؤال كل مرة

هو ليه عمل معايا كدة؟؟

وكانت دايما تقولى أنا مش هعرف أحب تانى يا سوسو...

مش هعرف أحب حد قوى كدة بالقوة و الأندفاع ده :D

هيا الحمد لله أتجوزت و عندها بيبى....

وهو للآن لم يرتبط بس حقق أحلامه المادية

مش محتاجة أقول إن الفترة اللى هما كانوا قريبين من بعض أنا كنت ببعد بإختيارى

عشان هو ما يوهمش نفسه إنى غيرانة :D

وهيا ما تحسش بالحرج..وخصوصا هيا بقت حساسة من أى تعليق بقوله لها قدامه...فقلت بلاش خالص

و كانت أى هزار بهزره معاهم على أساس إن أحنا كلنا أصحاب....بتخاف لكون قصدى أوجهله هو الهزار

فأنا قلت و على إيه وجع القلب ...أبعد أحسن

و ربنا يهنى سعيد بسعيدة...

تمت :D

[لماضة مصرية جدا]

صباااااااااااح بلون الوان السما السابعة

ثوفي يا سوسو....يا بنتي... :D

عندي حاجتين هحدفهم كده

الحاجة التانية....هو ليه لما واحد يكون ارتبط بواحدة...و حبها و اتسحتف و قطع قلبه و علبة مناديل....و بعدين موضوعهم منجحشي لاس سبب من الاسباب يروح يدور علي واحدة شبهها و غالبا بتبقي صاحبتها...... ;)

انا ده بيحصلي في كل حياتي.....خلاص هشد في شعري....(لا مش هشده اوي بخاف عليه... :D )....بس انا خلاص حاسة اني بقيت تميمة حظ لكل اصحابي البنات.

حصلتي 3 مرات...و العجيبة انه مش بس بيتقرب منها...لا ده بيتجوزها كمان....م

ش قادرة ابطل حالة الذهول اللي انا فيها...هو الناس دي بتفكر ازاي....اللي بيوجعني بقي اوي....ان هذا الفارس الهومام بيجي يقولي اصلها تشبهك....(انا المفروض بقي ازغرت.....و لا اعمل ايه؟؟؟).....هو فيه كده؟؟؟

الحاجة الاولانية

هي انا علاقتي بماما خاصة جدا...جدا جدا.....يعني تحسي في وقت اني ابنها (لا مش خطأ مطبعي هو كده....الاسم الحركي بتاعي بلية بتاع الطلبات)

....و في وقت صاحبتها...

و اوقات كتير هي بنتي

بس انا لما بعيط هي بتبقي ملاذي الامن جدا

بصي بقي يا جميلة كندا و ما حولها....

قضيت فترة من حياتي بحكي لماما القصة اللي بدايتها "يا ماما زميلي فولان قالي كذا و بعدين قالي بيحبني....."و عادة بتنتهي انها بتضحك...

مش عارفة هي ليه بتضحك....بس لاني اتربيت مع ولدين اكبر مني...و كان دايما عندها احساس اني ولد....او جدعة زي الولد و هعرف اتصرف....احتمال

و بعد فترة

بقت القصة ....."يا ماما مش فولان عمل كذا.....و بعدين انا قولتله كذا....و يووووووه و اتخانقنا في كذا"....

طبعا كل ال...كذا دول ما فيش و لا واحدة منهم رومانسية خالص بس هي لقطت طبعا الشرارة....

الاقي فجاة يا سوسو كمية حكايات عن اصحابها و عنها زمان (و طبعا قصتها هي بابا لازم تيجي في الرجلين... :blush2: ....اصلها لاف ستوري...)....و عمرها ما بتوجه ليا كلام مباشر خالص

الفترة اللي بعد كده

و انا بسميها "خيبة الامل راكبة توك توك"....اه توك توك مش جمل....لان التوك توك متهور و عنيد....و عشوائي احيانا.....شبه حد اعرفه.... :D

الاقيها......بتكون حنينة اوي لو بكيت....(عادة مش ببكي).....لكن الاقيها بتكون قاسية جدا.....انها تفوقني ....لانها بتحس ان عضمي طري....عارفة اللي بيضرب حد بالقلم....و بعدين يروح حاضنه...اهي هي كده.

و احيانا ابص ليها و اقول ايه ده يا (توفة....ده اسم الدلع بتاعها)....انتي اتعلمتي كل ده فين و منين.....متهيالي اللي قال قلب الام مكدبشي....هو اللي بيقولها تعمل ايه و تقول ايه و امتي تشغل الرادار و امتي تطفيه....بس سبحان الله مبتطفهوش خالص

و يا رب يخليهم لنا

صبااااااااااااااااحك رادار بيلقط حاجات حلوة بين قارتين.....

[أكسيلانس]

واضح إن حضرتك بقيت تقرانى ككتاب مفتوح blink.gif

ما تركزش قوى كدة ninja.gif

مش بالضبط يعني - لكن أنا شغلي علمني أني أقرأ أوراق و أعرف منها شخصية كاتبها و كيف يفكر - حتي أحكم عليه جيدا - فاكره موضوع الابراج - جزء من الشغل

لكن للاسف لم أتعلم هذه الخبره ألا بعد فوات ألأوان - يعني لو كنت و أنا ليسه شاب من بتوع الجل ( بتعطيش الجيم ) و عندي معرفة بقرأءة الشخصيات كنت وفرت علي نفسي بهدله ياما - لكن يمكن البهدلة ديه هي الي علمتني - أسمع لواحد و أرقاب تصرفاته خصوصا الا أراديه منها لمده خمس دقائق - أحكم عليه حكم صائب بنسبه تزيد عن 80% ( طبيعة عملي ) :blush2:

أنا بجهز الجزء التاني بتاعي -

بس هو مفيش حد هنا غيرنا و لا أيه ؟؟؟؟ !!!!

[Damo]

انا متابعة في سري :blush2:

[لماضة مصرية جدا]

واضح إن حضرتك بقيت تقرانى ككتاب مفتوح blink.gif

ما تركزش قوى كدة ninja.gif

مش بالضبط يعني - لكن أنا شغلي علمني أني أقرأ أوراق و أعرف منها شخصية كاتبها و كيف يفكر - حتي أحكم عليه جيدا - فاكره موضوع الابراج - جزء من الشغل

لكن للاسف لم أتعلم هذه الخبره ألا بعد فوات ألأوان - يعني لو كنت و أنا ليسه شاب من بتوع الجل ( بتعطيش الجيم ) و عندي معرفة بقرأءة الشخصيات كنت وفرت علي نفسي بهدله ياما - لكن يمكن البهدلة ديه هي الي علمتني - أسمع لواحد و أرقاب تصرفاته خصوصا الا أراديه منها لمده خمس دقائق - أحكم عليه حكم صائب بنسبه تزيد عن 80% ( طبيعة عملي )

أنا بجهز الجزء التاني بتاعي -

بس هو مفيش حد هنا غيرنا و لا أيه ؟؟؟؟ !!!!

السلام عليكم و رحمة الله و بركاته

يعني انا سايبة حلة التبيخ ع النار و جاية ....عشان اشم ريحة الرومانسية......و بعدين تقولي ما فيش حد....لا انا زعلت

و بناء عليه امزل فورا بالجزء التاني

كام مرة نقول مبحبش الاجزاء يا جدعان احدفوا مرة واحدة....

ايه ريحة الشياط دي

خلاص مافيش تبيخ النهاردة

مسااااااااكم باكية اورديحي....خدواقرطفوا في دي..... :blush2: