الحب الاول

[نور عيني]

انا كمان هقعد على كرسي الاعتراف فانا مخنوقة ومش لاقيه حد احكيله ومافيش غيركم اففض معاه

ولو ماكنتش لقيت الموضوع مفتوح كنت هتردد اني افتح موضوع جديد باسمي

قصتي تبدا من قبل ما ادخل ثانوية عامة اتعرفت انا وصديقة عمري على شاب في النادي وكان به مميزات كثيرة اي بنت تحلم بيها كان ظريف جدا ذكي وسيم محبوب من الناس وكان اكبر مني ب 4 سنين

المهم عرفته على امي بعد حوالي 3 سنين وكان معايا في كل حاجه هو اللى علمني السواقة وهو اللى كان بيذاكر معايا وكان بيقولي على طرق اجاوب بيها في الامتحان تخلي الدكتور يحترمني وكل عيلتي كانت عارفه الموضوه عارفين اني شبه مخطوبة لاني مش بحب اعمل حاجه في السر المهم ان اللى كان معطل ارتباطنا الرسمي هو طبعا الفلوس وعدم قدرته على انه يجيب شقة وكان هو قافل على اوي كان مش بيخليني اخد كورسات ولا اطلع رحلات ولا اقعد في الجامعه مع اصحابي بعد انتهاء المحاضرات المهم في يوم من الايام ربنا هداني واتحجبت مع العلم اني لما اتحجبت كنت انفصلت عنه لاني زهقت من طول انتظاره اللى انا كنت شايفاه وقتها غير مبرر انا كان رأأي ايه المشكلة اننا نتخطب الاول وبعدين الامور المادية ده تجي على مهلها وهو كان رأيه انه ماينفعش كده المهم اني انفصلت عنه واتحجبت وقتها قابلت واحده صاحبتي متدينة لكن كانت عارفه علاقتي بيه من زمان لكنها كانت مش بتعلق وكانت عارفاه شخصيا قالتلي انت ازاي كنت مرتبطة بيه ده كان مرتبطة بصديقة عمرك في نفس الوقت

معلش نرجع تاني فلاش باك لما قلتلكم ان كانت في واحده صاحبتي اتعرفت عليه معايا اتاريه البيييه كان مرتبط بيها هي كمان وكان بيخدعنا احنا الاتنين ازززااااي؟؟؟

اولا هو وقع بنا وفرقنا عن بعض وكان مفهمني انها بتحبه ومفهما اني انا اللى بحبه فمن هنا الغيرة شعللت ما بنا وبعدنا عن بعض مع اننا متربين مع بعض وكان مستحيل نبعد عن بعض

لسه معايا ولا توهتو مني

المهم اني حسيت بنار ضربت في دماااغي لما عرفت الموضوع ده ورحت لصاحبتي وقلتلها وماصدقتنيش فقعدت اقولها على حاجات كان بيعملها وبيقولها لحد ما اقتنعت حتى اني رجعت تاني اكلمه في التليفون علشان اسمعها صوته وهو بيكلمني وقلنا بقى خلاص لازم نعمله كميييين

وفعلا رحنا احنا الاتنين ليه وللاسف مع كل اسف بصلي بصه مش هنساها طول عمري شفته فعلا على حقيقته الشخصية اللى كنت بموت فيها لقيتها حيوااان مفترس ما عندهوش احساس وكدبني انا

ادامها فهي استمرت معاه شويه صغيرين وسابته لانها مابقتش تصدقه في اي حاجه وانا وهي دلوقت زي السمن على العسل

المهم اني بعد الموضوع ده حسيت اني مت مش لسه هموووت

ومش هطول عليكم في ايام العذاب اللى عشتها على فكرة انا كانت علاقتي بيه 4 سنين

بعد ما حصل اللى حصل كأن الشيطان كان معايا وسابني لقيت ربنا بيديني حاجات وبيعوضني اوي اوي

حجابي بقى احسن من الاول بكتير وبقيت احضر دروس دينيه مع شيوخ كبار وجبت تقدير في الجامعة مع اني كنت دايما بطلع بمواد واشتغلت واتجوزت وجبت عيال زي القمر مع اني كل ما افتكره ادعي عليه واقول حسبى الله ونعم الوكيل فيه واقول نفسي اشوفه مذلول ادامي

بعد 12 سنه من الموضوع ده لقيته ظاهرلي على النت وبيطلب مني اضيفه المهم اني اضفته وقعدت ادعي عليه واشتم فيه لدرجة اني حسيت ان كلام التهزيق خلص وبقى هو يقولي كفايه لو سمحت ومش عايز يغلط فييه وقالي انه اتجوز ومراته ماتت وعنده اولاد اصغرهم 3 شهور وطلب مني اني اسامحه فقلتله انا مش قادره اسامحك ابدا

وبعد كل ده انا برضو مش مسامحاه لكني بطلت ادعي عليه مش عارفه ليه هل لانه عنده عيال محتاجين له؟؟ يمكن؟؟

وده كانت قصتي وسبحان الله ان ربنا حققلي اللي كنت اتمناه وهو انه يتذل

طولت عليكم اوي اوي سلام

[أكسيلانس]

ألاخت نور

أهلا بيكي في رحاب شيوخ الحب و و ذكرايات الصبا ,, قصتك فيها الكثير من المشاعر و الالم في نفس الوقت ,,, رغم مرارة هذا النوع من التجارب الا أنه كثير و موجود خصوصا في هذه المرحله من العمر ,, و هو ما أشرت له في تعليق سابق , و هو أنه في أوج مرحلة المشاعر و البحث عن وقود لتشغيل ماكينة العاطفة الوليده ,, الشابه الفتيه ,, بكل قوتها و عنفوانها ,, ينقسم الشباي الي نوعين ,, نوع مثالي أفلاطوني ,, يسموا الي لقب العشاق يحب في أخلاص و تفاني يهيم في محبوبه ,, و لايري في الدنيا الا هو ,, و لكن للاسف هذا النوع تكون صدمته شديده جدا بقدر حبه و سموا مشاعره و منهم من نسمع عن أنه فقد حياته أو حاول فعل ذلك ,, لانه ببساطه ربط وجوده في الحياه ببقاء هذا الحب و الحلم الجميل ,, فأذا ما فقده ,, أثر أن يفقد هو حياته واضعا نهاية لعزاباته ,و

و النوع الاخر ,, شهواني ,, غرائزي مبهور بنفسه ,, يجد لذته كلما كثر معجبينه و محبيه ,و يفعل المستحيل لاقناع كل من يقابله انه حبه الوحيد لينضم الي طابور محبيه ,, و يبرع في نسج الاكاذيب و التمثيل ,, و ألاهم هو انه يتباهي وسط أصدقائه بما يفعل و لا يبالي بمصائر من أوقعهم في حبه ,,

و أنت وقعت في براثن النوع الثاني - فلا تحزني و لا داعي لان تعيدي التفكير فيه - و فكرة أضافتك له كصديق لمجرد الدعاء عليه أو تهزيئه فكره خاطئه يا عزيزيتي لانه تثبت له أنك مازلت مهتمه لامره - و أن الجرح لم يندمل - بل و تعطيه أمل فيما لم يعد له أو لك !!

خالص تحياتي

[نور عيني]

ألاخت نور

أهلا بيكي في رحاب شيوخ الحب و و ذكرايات الصبا ,, قصتك فيها الكثير من المشاعر و الالم في نفس الوقت ,,, رغم مرارة هذا النوع من التجارب الا أنه كثير و موجود خصوصا في هذه المرحله من العمر ,, و هو ما أشرت له في تعليق سابق , و هو أنه في أوج مرحلة المشاعر و البحث عن وقود لتشغيل ماكينة العاطفة الوليده ,, الشابه الفتيه ,, بكل قوتها و عنفوانها ,, ينقسم الشباي الي نوعين ,, نوع مثالي أفلاطوني ,, يسموا الي لقب العشاق يحب في أخلاص و تفاني يهيم في محبوبه ,, و لايري في الدنيا الا هو ,, و لكن للاسف هذا النوع تكون صدمته شديده جدا بقدر حبه و سموا مشاعره و منهم من نسمع عن أنه فقد حياته أو حاول فعل ذلك ,, لانه ببساطه ربط وجوده في الحياه ببقاء هذا الحب و الحلم الجميل ,, فأذا ما فقده ,, أثر أن يفقد هو حياته واضعا نهاية لعزاباته ,و

و النوع الاخر ,, شهواني ,, غرائزي مبهور بنفسه ,, يجد لذته كلما كثر معجبينه و محبيه ,و يفعل المستحيل لاقناع كل من يقابله انه حبه الوحيد لينضم الي طابور محبيه ,, و يبرع في نسج الاكاذيب و التمثيل ,, و ألاهم هو انه يتباهي وسط أصدقائه بما يفعل و لا يبالي بمصائر من أوقعهم في حبه ,,

و أنت وقعت في براثن النوع الثاني - فلا تحزني و لا داعي لان تعيدي التفكير فيه - و فكرة أضافتك له كصديق لمجرد الدعاء عليه أو تهزيئه فكره خاطئه يا عزيزيتي لانه تثبت له أنك مازلت مهتمه لامره - و أن الجرح لم يندمل - بل و تعطيه أمل فيما لم يعد له أو لك !!

خالص تحياتي

انت عندك حق في كل اللى قلته كمان فعلا لسه الجرح بينزف وعن اضافتي ليه عندي فالشيطان بقى واعوذ بالله من الشيطان الرجيم

وادعولي بالهداية

[لماضة مصرية جدا]

السلام عليكم و رحمة الله و بركاته

اختنا نور عيني

نورتي كتير المساحة الخاصة بينا كلنا هنا

عارفة يا نور....اللي بيخلي الواحد يكتب في الحتة دي ايه....انها فعلا صفحة و انطوت......اتقلبت بكل مافيها و الواحد ابتدي يبص ع الصورة و هو براها....و ده بيخليه يقيم الموضوع و المشاعر بشكل اوضح و اكثر موضوعية

قصتك.....حقيقية جدا

بس هتوقف معاكي في حتة بس صغيرة.......متدعيش علي حد مهما كان ظلمك.....مش عشان الحد ده يستاهل التعاطف او لا....بس خلي يقينك دوما في رب العالمين....لما تتوجهي للسماء و تحسي انك مظلومة...قولي بس....."ربي إني مغلوب فانتصر"

و فوضي امرك لله

عارفة يا نور.......اللحظة اللي هتشعري فيها انه انسان ما عاد يثير لديك لا مشاعر كراهية....و لا حب.....و لا حتي تعاطف أ, شفقة...اعلمي.....انك الان قادرة ان تطوي الصفحة دي تماما

و ربنا انعم عليكي.......مش فقط بنعمة الاولاد..... بنعمة انك تري الجزء التاني من القصة.....سواء الخديعة مع الصديقة......او بعد مرور السنوات.....لما عرفتي انه كذا و كذا

احتفظي بالنعمة دي......صونيها و متفتحيش اي باب بينك و بين موضوع اتقفل.......لانه خلاص لم يعد يستحق......حتي الدعاء

الفضول دفعك لتقصي هي الحكاية وصلت لغاية فين....بس صدقيني الايام بتلف.....و هتعرفي القصة كلها كاملة لوحدك.......من غير ما تحسي ان بينك و بين نفسك انك سعيتي لمعرفتها

لكي مني كل الاحترام

ووجودك.....اثري خبرتي الانسانية

مسااااااااكي نعمة لا تنقطع مع الله

[الباشمهندس ياسر]

انا كمان هقعد على كرسي الاعتراف فانا مخنوقة ومش لاقيه حد احكيله ومافيش غيركم اففض معاه

ولو ماكنتش لقيت الموضوع مفتوح كنت هتردد اني افتح موضوع جديد باسمي

قصتي تبدا من قبل ما ادخل ثانوية عامة اتعرفت انا وصديقة عمري على شاب في النادي وكان به مميزات كثيرة اي بنت تحلم بيها كان ظريف جدا ذكي وسيم محبوب من الناس وكان اكبر مني ب 4 سنين

ا

طبعا الاخوة الكرام قالوا و اتكلموا من احدي ضفتي النهر

ينفع اصحاب الضفة التانية يتكلموا ...

يمكن الكلام يضايق حد .. بس لعل الغير ينتفع بيه

انسة ف ثانوية عامة .. يعني لسه ف عمر الوردة اللي بتفتح .. و رايحة تصاحب و تحب و تتحب

و تعيش فيما يشبه علاقة خطوبة كاملة .. تحت مسمي جديد و هو شبه مخطوبة ....!!!!!!!

يعني ياريت حتي كان المصطلح المايع " متكلمين عليا "

م الاخر مفيش اي علاقة رسمية اطلاقا ولا شبه رسمية .. مفيش غير ان ماما عارفه اني انا و فلان بنحب بعض و اول ما ظروفه تتظبط هيجي يخطبني...؟

كلام فارغ و تضييع وقت تحت محاولة اشباع رغبات نبيلة بطرق غير نبيلة اطلاقا

يا بنات الخير

حافظوا علي نفسكم .. حافظو علي مشاعركم ...حافظوا علي قلوبكم

لغاية ما يجي الانسان اللي يستاهلك

الانسان اللي يستاهلك هتلاقيه بيحافظ عليكي اكتر من رمش عنيه ..لانه بيتعامل معاكي علي انك عرضه

هتلاقي نفسك معاه ملكة متوجه .. علاقتكم ف النور و قدام الدنيا بحالها

هتلاقيه بيتكلم معاكي ف الارتباط قبلك

الانسان المحترم ميعرفش يعمل علاقة الا و هي شرعية تماما بما تعنيه الكلمة

مش بيلعب ببنات الناس كل واحدة شوية

متدوش فرصة ابدا للشيطان ولا للاوهام و لا كلام الافلام انه يلغي التفكير بتاعكم

[مزاميزو]

انا كمان هقعد على كرسي الاعتراف فانا مخنوقة ومش لاقيه حد احكيله ومافيش غيركم اففض معاه

ولو ماكنتش لقيت الموضوع مفتوح كنت هتردد اني افتح موضوع جديد باسمي

قصتي تبدا من قبل ما ادخل ثانوية عامة اتعرفت انا وصديقة عمري على شاب في النادي وكان به مميزات كثيرة اي بنت تحلم بيها كان ظريف جدا ذكي وسيم محبوب من الناس وكان اكبر مني ب 4 سنين

ا

طبعا الاخوة الكرام قالوا و اتكلموا من احدي ضفتي النهر

ينفع اصحاب الضفة التانية يتكلموا ...

يمكن الكلام يضايق حد .. بس لعل الغير ينتفع بيه

انسة ف ثانوية عامة .. يعني لسه ف عمر الوردة اللي بتفتح .. و رايحة تصاحب و تحب و تتحب

و تعيش فيما يشبه علاقة خطوبة كاملة .. تحت مسمي جديد و هو شبه مخطوبة ....!!!!!!!

يعني ياريت حتي كان المصطلح المايع " متكلمين عليا "

م الاخر مفيش اي علاقة رسمية اطلاقا ولا شبه رسمية .. مفيش غير ان ماما عارفه اني انا و فلان بنحب بعض و اول ما ظروفه تتظبط هيجي يخطبني...؟

كلام فارغ و تضييع وقت تحت محاولة اشباع رغبات نبيلة بطرق غير نبيلة اطلاقا

يا بنات الخير

حافظوا علي نفسكم .. حافظو علي مشاعركم ...حافظوا علي قلوبكم

لغاية ما يجي الانسان اللي يستاهلك

الانسان اللي يستاهلك هتلاقيه بيحافظ عليكي اكتر من رمش عنيه ..لانه بيتعامل معاكي علي انك عرضه

هتلاقي نفسك معاه ملكة متوجه .. علاقتكم ف النور و قدام الدنيا بحالها

هتلاقيه بيتكلم معاكي ف الارتباط قبلك

الانسان المحترم ميعرفش يعمل علاقة الا و هي شرعية تماما بما تعنيه الكلمة

مش بيلعب ببنات الناس كل واحدة شوية

متدوش فرصة ابدا للشيطان ولا للاوهام و لا كلام الافلام انه يلغي التفكير بتاعكم

أصبت كبد الحقيقة ........ وفشتها وكلاويها

أنت قلت ما كان بخاطري .. بس لو البنات اللي بيتعرفوا على صبيان يعرفوا بيتقال عليهم من هؤلاء الذين يزعمون الحب تحت مسمى الصداقة ما كنش يعملوا كده صدقني

على كل حال أختي الكريمة ربنا يكرمك وتنسي هذه الذكرى بحلوها ومرها ...

[لماضة مصرية جدا]

السلام عليكم و رحمة الله و بركاته

هو انا ليه لما قريت مداخلات اخواتنا الشباب فوق....افتكرت الحوار الازلي اللي كان اخواتي الاولاد اللي اكبر مني...دايما يقولهولي.....

كلامكم صحيح جدا....

بس مش هي دي كل الصورة

هو ليه محدش بينصح الشاب......

ليه محدش بيقوله مينفعشي تحب اتنين و تكلم اتنين في نفس الوقت ده عيب...مش هنقول حرام...(عشان اصلا الوازع الديني مش...هيسمع معاه خالص).

ليه محدش بيقول للشاب...لما يقول لبنوتة تلميح...او كلمة حلوة.....او وعد صريح...ده التزام...و التزام قوي كمان

ليه محدش بيقول للشاب.....ان البنوتة ميهمهاش فتوحاتك العنترية في عالم النساء....و انك بتسقط من نظرها كثيرا...لكنها بتدراي ده.....لانها اتربت ان ده جزء من دورة حياة بعض الشباب (انه يعيش متقمص دور الضفدع الذكر في موسم التكاثر....بيفضل يطلع لسانه عشان يلتقط الذباب...)

ليه محدش يقوله ان فيه حاجة اسمها عذرية المشاعر....و دي مش بنت وولد....دي الاتنين جدا....و يمكن في الولد معناها أرقي

زي ما الشاب بيموت نفسه عشان يكون الاولاني و الاخراني في حياة البنوتة...

هي كمان نفسها في شاب نشأ علي طاعة الله.....بعيد عن المعاصي....

قاوم قانون الجاذبية....

احتفظ بمشاعره نقية عفية غير مستهلكة لغاية ما يقابل البنت اللي تستحق

ليه محدش بيقول للشاب......اصبر....و هتلاقي.....

سؤالي مش اتهام......اطلاقا....فقط تساؤل

تساؤل..... بساله لنفسي...و بساله لينا كلنا

هو ينفع لو عندي طفل صبي....(اللهم آمين) اربيه علي كده....اعلمه كده...اخليه يشوف الدنيا كده

بس خايفة اني اكون بربيه في اتجاه معاكس للحياة

يمكن أنا غلط....و يمكن اكون مشروع ام فاشلة.....بس نفسي يكون كده

تحياتي

[نور عيني]

انا كمان هقعد على كرسي الاعتراف فانا مخنوقة ومش لاقيه حد احكيله ومافيش غيركم اففض معاه

ولو ماكنتش لقيت الموضوع مفتوح كنت هتردد اني افتح موضوع جديد باسمي

قصتي تبدا من قبل ما ادخل ثانوية عامة اتعرفت انا وصديقة عمري على شاب في النادي وكان به مميزات كثيرة اي بنت تحلم بيها كان ظريف جدا ذكي وسيم محبوب من الناس وكان اكبر مني ب 4 سنين

ا

طبعا الاخوة الكرام قالوا و اتكلموا من احدي ضفتي النهر

ينفع اصحاب الضفة التانية يتكلموا ...

يمكن الكلام يضايق حد .. بس لعل الغير ينتفع بيه

انسة ف ثانوية عامة .. يعني لسه ف عمر الوردة اللي بتفتح .. و رايحة تصاحب و تحب و تتحب

و تعيش فيما يشبه علاقة خطوبة كاملة .. تحت مسمي جديد و هو شبه مخطوبة ....!!!!!!!

يعني ياريت حتي كان المصطلح المايع " متكلمين عليا "

م الاخر مفيش اي علاقة رسمية اطلاقا ولا شبه رسمية .. مفيش غير ان ماما عارفه اني انا و فلان بنحب بعض و اول ما ظروفه تتظبط هيجي يخطبني...؟

كلام فارغ و تضييع وقت تحت محاولة اشباع رغبات نبيلة بطرق غير نبيلة اطلاقا

يا بنات الخير

حافظوا علي نفسكم .. حافظو علي مشاعركم ...حافظوا علي قلوبكم

لغاية ما يجي الانسان اللي يستاهلك

الانسان اللي يستاهلك هتلاقيه بيحافظ عليكي اكتر من رمش عنيه ..لانه بيتعامل معاكي علي انك عرضه

هتلاقي نفسك معاه ملكة متوجه .. علاقتكم ف النور و قدام الدنيا بحالها

هتلاقيه بيتكلم معاكي ف الارتباط قبلك

الانسان المحترم ميعرفش يعمل علاقة الا و هي شرعية تماما بما تعنيه الكلمة

مش بيلعب ببنات الناس كل واحدة شوية

متدوش فرصة ابدا للشيطان ولا للاوهام و لا كلام الافلام انه يلغي التفكير بتاعكم

أصبت كبد الحقيقة ........ وفشتها وكلاويها

أنت قلت ما كان بخاطري .. بس لو البنات اللي بيتعرفوا على صبيان يعرفوا بيتقال عليهم من هؤلاء الذين يزعمون الحب تحت مسمى الصداقة ما كنش يعملوا كده صدقني

على كل حال أختي الكريمة ربنا يكرمك وتنسي هذه الذكرى بحلوها ومرها ...

الاخ الفاضل انتى ليه بتهاجمني اولا انا وقتها ماكنتش حتى بصلي

ثانيا: هو انا كنت مرتبطة بيه علشان اقضي وقت فراغ انا كنت برضو فاكرة ان العلاقة ستنتهي نهايه سعيده زي مافيه ناس كتير اعرفهم كانو مرتبطين واتجوزوا في الاخر

ثالثا:مين اللى قال اني مش نادمة اني كات لي علاقة مع حد غير جوزي انا كان نفسي اوي جوزي يكون اول واحد في حياتي

وكفايه بقى كلام في الموضوع ده وانا غلطانه اني بتكلم

[الباشمهندس ياسر]

الاخ الفاضل انتى ليه بتهاجمني اولا انا وقتها ماكنتش حتى بصلي

ثانيا: هو انا كنت مرتبطة بيه علشان اقضي وقت فراغ انا كنت برضو فاكرة ان العلاقة ستنتهي نهايه سعيده زي مافيه ناس كتير اعرفهم كانو مرتبطين واتجوزوا في الاخر

ثالثا:مين اللى قال اني مش نادمة اني كات لي علاقة مع حد غير جوزي انا كان نفسي اوي جوزي يكون اول واحد في حياتي

وكفايه بقى كلام في الموضوع ده وانا غلطانه اني بتكلم

صباح الخير

مين قال اني بهاجم حضرتك!!!!!!!!

اطلاقا

انا بناقش القصة اللي موجوده قدامي .. بحاول اني اقول لحد تاني هيقرأ الموضوع ده

انتباه

خدي بالك

و اخيرا

انتي مش غلطانة انك اتكلمتي . بالعكس

انا المفروض ني ارفع القبعة احتراما انك اتكلمتي عشان تفيدي واحدة من اخواتك الصغيرين

تحياتي

و صباحك ياسمين

خلي قلبك ابيض بقي

[الباشمهندس ياسر]

بس خايفة اني اكون بربيه في اتجاه معاكس للحياة

يمكن أنا غلط....و يمكن اكون مشروع ام فاشلة.....بس نفسي يكون كده

تحياتي

بالعكس

هو ده الصح

يارب يبقي مروان .. أحسن صبي ف الادب و الاحترام و الكلمة و الوعد

[نور عيني]

الاخ الفاضل انتى ليه بتهاجمني اولا انا وقتها ماكنتش حتى بصلي

ثانيا: هو انا كنت مرتبطة بيه علشان اقضي وقت فراغ انا كنت برضو فاكرة ان العلاقة ستنتهي نهايه سعيده زي مافيه ناس كتير اعرفهم كانو مرتبطين واتجوزوا في الاخر

ثالثا:مين اللى قال اني مش نادمة اني كات لي علاقة مع حد غير جوزي انا كان نفسي اوي جوزي يكون اول واحد في حياتي

وكفايه بقى كلام في الموضوع ده وانا غلطانه اني بتكلم

صباح الخير

مين قال اني بهاجم حضرتك!!!!!!!!

اطلاقا

انا بناقش القصة اللي موجوده قدامي .. بحاول اني اقول لحد تاني هيقرأ الموضوع ده

انتباه

خدي بالك

و اخيرا

انتي مش غلطانة انك اتكلمتي . بالعكس

انا المفروض ني ارفع القبعة احتراما انك اتكلمتي عشان تفيدي واحدة من اخواتك الصغيرين

تحياتي

و صباحك ياسمين

خلي قلبك ابيض بقي

خلاص يا باشمهندس المسامح كريم

بس انا اكتر حاجه ضايقتني في كلامك انك بتستهزا من كلمتي "شبه مخطوبة" والسخرية اني كنت قايله لوالدتي وعلى فكرة والدتي مش بس اللى كانت عارفه ده عيلتي كلها حتى جوزي كان عارف اصله قريبي والحمد لله على كل شيء بيذلني لحد دلوقت بالموضوع ده

على العموم انا برضو مش مع فكرة ان اي واحد يرتبط بواحده من الشباك في باب الاول لازم يحبط عليه ويستأذن قبل ما يدخل

[الباشمهندس ياسر]

خلاص يا باشمهندس المسامح كريم

بس انا اكتر حاجه ضايقتني في كلامك انك بتستهزا من كلمتي "شبه مخطوبة" والسخرية اني كنت قايله لوالدتي وعلى فكرة والدتي مش بس اللى كانت عارفه ده عيلتي كلها حتى جوزي كان عارف اصله قريبي والحمد لله على كل شيء بيذلني لحد دلوقت بالموضوع ده

على العموم انا برضو مش مع فكرة ان اي واحد يرتبط بواحده من الشباك في باب الاول لازم يحبط عليه ويستأذن قبل ما يدخل

نشكر ربنا انك سامحتيني ... ربنا يسامحنا جميعا

توضيح صغير : انا مكنتش بستهزأ ابدا صدقيني ... انا كنت بعلق مش اكتر

كفاية كده احسن تقفشي مني بجد