إرحلوا ايها الفاشلون الفاسدون غير مأسوفاً عليكم

[se_ Elsyed]

لقد أُبتلينا أشد إبتلاء بوجود مثل هذا المجلس السمكري ... ومعه مجموعة من القفف وخيالات المآتة المسمون بمجلس الوزراء

مصر أيها السادة وبكل أسف ذاهبة إلى الهاوية لو استمرينا بهذا المعدل في النزيف وفي التخبط

فلقد اعلن البنك المركزي المصري اننا فقدنا 2 مليار دولار اخرى من الاحتياطي النقدي في شهر أكتوبر ... ليصل الإحتياطي النقدي الأجمالي إلى 22 مليار دولار فقط .. بعد ان كان 36 مليار دولار في شهر يناير

وإذا أفترضنا أن صدمة الثورة ستؤثر علينا شهرين تلاتة ... فما هو تبرير هؤلاء الفاشلون لإستمرار النزيف لأكثر من 10 شهور متتالية .؟

وأين السياسات الأقتصادية التي ستنهض بالبلد ؟

ولنفترض سوياً أن الثورة لم تكن سلمية ... وان العنف قد أستشرى في مصر ... فكسف سيكون مصيرنا الأن ؟

وما بالنا لو كنا خرجنا من حرب ضروس كما يحدث في ليبيا وسوريا واليمن ؟

وإذا كان هذا المجلس السمكري سيستمر في إدارة البلاد في هذه المرحلة لتصل مدة حكمة إلى سنتان ... فماذا سيكون وضع البلد وقتها ؟

وأين أصحاب العقول والخبراء الإقتصاديون مما يحدث ؟

وهل حقاً المجلس والأخ شرف ووزراءة جادون بالنهوض بمصر ؟

وأبن التطمينات الامنية للمستثمرين والمُصنعين والمنتجين ؟

قرات اليوم أيضاً إن الأخ شرف وعد مستثمري العاشر من رمضان بوضع خطة امنية لحماية المدينة الصناعية الهامة ... واخدين بالكم بعد 10 شهور منها 8 شهور حكم لسعادتة لسه فايق من الغيبوبة !!!!!!!!!!

واين هي الخريطة السياسية التي يسير عليها هذا المجلس الديكتاتوري وبالتالي كل مستثمر يريد ان يأتي إلى مصر يعرف رأسه من رجله ؟

[ابراهيم عبد العزيز]

عقب تنحي مبارك كان يتم تعليق سواء الأداء الإقتصادي على شماعة المليونيات والأضرابات وأنها تؤدي الى توقف (عجلة الإنتاج)

المليونيات توقفت منذ أشهر ومع ذلك نرى نزيف الإحتياطي النقدي لا يزال مستمرا وعلى أشده

فمن المسئول الأن بعد أن أصبحت حجة المليونيات غير موجودة ؟؟

[عبد الله غريب]

أكتر حاجة ممكن تقصم ظهرنا هي انهيار اقتصادنا ..

و لأن الاستثمار مرهون بالحالة الأمنية .. فيبقى أهم حاجة لازم نوفرها ف بلدنا هي الأمن .. علشان زي ما كلنا عارفين "رأس المال جبان" ..

و نظراً لأن معضلة إستعادة الأمن و الاستقرار في الشارع المصري دايماً بيواجهها اتهامات من قبل الثوار، أو ممن يدعون بأنهم من الثوار .. (و شتان بين الفئتين لكن كل منهم موجود على الساحة) و العامل المشترك بينهم هو الآتي:

يدافعون عن حرية التظاهر السلمي و يتهمون من يحاول استعادة الأمن في الشارع المصري بأنه ضد الثورة .. أو أنه فلول .. أو أنه بيتعدى على حق المواطن في التظاهر .. و لما تيجي تناقشهم متعرفش تميز بين الفئتين (الثوار الحقيقيون و المدعون) لأن داه صعب لأن كلاهما يتكلم بكلام متشابه لكن مع الفرق في أن الثوار الحقيقيون بيكون في ضميرهم مصلحة البلد ضمان حق الشعب في التعبير عن رأيه، لكن الفئة الأخرى بتكون نيتها هي وقف محاولات عودة الأمن و الاستقرار للشارع المصري عن طريق ترهيب من يحاول ذلك (وزير الداخلية مثلاً) باتهامه بأنه ضد الثورة ..

إذن الحل البسيط جداً .. جداً و هو:

يتم تعيين وزير داخلية بمعرفة الثوار الحقيقيون و يكون هو من يعمل على إعادة الاستقرار و الأمن للشارع المصري .. و في هذه الحالة سيتم تفويت الفرصة على مدعوا الثورية .. أولائك الممثلون الذين يمثلون دور الثوار و يدعون حماية حق الشعب في التظاهر و حمايته من بطش وزير الداخلية .. حيث سيكون الوزير من الثوار و سيتم الاتفاق عليه من قبل جميع الفئات الثورية على الساحة و يتم وضع هدف واحد فقط أمامه و هو - عـــــــودة الأمن و الاستقرار لمصر و القضاء على حالة الانفلات الأمني لإنعاش اقتصاد البلاد و حمايتها من الانهيار - و لو عاوز مساعدة من الجيش (الأمن المركزي مثلاً) يكون داه من حقه و بدون نقاش.

يا رب المعضلة الأمنية - الاقتصادية دي تتحل بقى لأنها طولت قوي و كأنها مطلوب إنها تظل موجودة .. لأسباب مجهولة ..

يا ترى داه ممكن يتحقق .. وزير داخلية من الثوار .. محدش يقدر يتهمه بإنه من الفلول و يكون صارم في القضاء على البلطجة بقوة من الله ثم بقوة من عينوه من الثوار .. يا رب داه يحصل .. آمين

[Abu Reem]

موضوع ماسبيرو ايضا اثر وسيؤثر الفترة القادمة على الاستثمارات الخارجية ، فاخطر شيء يواجه هذه الاستثمارات هو الخوف من الفتن الطائفية

- ايضا اي وزير مسئول الان كيف له ان يعمل بجدية ويضع خطط طويلة وهو يعرف انه قد يغادر الوزراة بعد فترة

- كل هذا النزيف سيقل عندما ننتهي بسرعة من تشكيل برلمان ومن انتخابات الرئاسة ،

- لكن الان صراحة لا اجد في الحكوة الحالية او المجلس العسكري من يعمل لانقاذ مصر ...كل التركيز الان على انقاذ المخلوع وانقاذ كبار رجال الداخلية...وكبار فلول الوطني حتى لا يطالهم آذيتهم

[عبد الله غريب]

لو في مريض و محتاج عملية جراحية فورية لاستئصال داء فتاك قد يودي بحياته .. و لو كان الطبيب الجراح القادر على استئصال الداء موجود .. لكن المشكلة هي أنه لا يملك صلاحية القيام بالعملية لأنه ليس من فريق العمل المعين رسمياً بالمستشفى .. إذن يكون الحل هو تعيينه ضمن فريق العمل لكي يتسنى له إجراء هذه العملية المهمة .. و إذا كانت لا تنطبق عليه شروط التعيين .. فلابد أن يتم تغيير هذه الشروط بحيث تسمح بتعيينه (داه إذا كنا مهتمين باستئصال ذلك الداء الفتاك) و خاصة أننا في ظروف استثنائية جداً جداً ..

مصر هي المريض و علاجها هو استئصال الانفلات الأمني بيد ذلك الجراح الذي يجب السماح له بإجراء هذه العملية و من المفيد و المناسب لطبيعة مهمته هذه أن لا يكون هناك أمل له في تولى حقيبة الداخلية مستقبلا .. فالمنصب ليس من أولوياته .. هو فقط يريد القضاء على الانفلات الأمني و بذلك يكون أنسب من يقوم بهذه المهمة دون التعرض للاتهام بأنه ضد الثورة هو أحد أفراد الثوار .. و تكون مهمته مركزة في شئ واحد فقط و هو القضاء على الانفلات الأمني و يكون تحت تصرفه كل الإمكانيات، و يُعطى أولوية أولى، و جميع أفراد الأمن المركزي رهن إشارته، و بما أنه من الثوار .. إذن فهو سيراعي من نفسه المبادئ الأساسية لثورة 25 يناير .. و سيعرف متى يتجاوز قليلاً إذا احتاج الأمر كحالة التعامل مع بلطجية ممن لا يستحقون الرأفة .. و هكذا .. بل أنه ربما كان تعيين مثل هذا الوزير المؤقت في هذه الفترة الانتقالية هو أفضل من انتظار تعيين الوزير الدائم بعد انتهاء هذه الفترة الحساسة جداً لأن طبيعة هذه الفترة ستعطيه قوة و استثناءات قد لا تتوفر للوزير المستقبلي .. حيث وزيرنا هذا لن يكون وزيراً عادياً يقعد يحسبها بالورقة و القلم مثل الوزير المعين مستقبلاً و يخشى أن تتم مُساءلته عن بعض ما قد يقوم به مما قد يتسم بالشدة الزائدة نوعاً ما ، أو يعتبر مخالفاً قليلاً لما هو متعارف عليه .. لا .. بل سيكون معلوماً للجميع منذ توليه انه وزير طوارئ .. أو وزير ثورة .. زي حكومة الثورة اللي كلنا كنا بنتمنى إنها كانت موجودة و من حقها اتخاذ قرارات ثورية تتناسب مع حساسية المرحلة التي طالت لأسباب مجهولة.

مسالة الفتنة الطائفية بإذن الله ممكن تنحل لو استقرت البلد نوعاً .. نسأل الله أن يوعي الجميع بمخاطرها و أن يكون شعب مصر بمسلميه و مسيحييه على دراية بما قد يحدث إذا انزلقنا لمثل هذا المنعطف الخطير .. ربنا يحفظ مصر و المصريين من كل سؤ .. آمين

تم تعديل 3 نوفمبر 2011 بواسطة عبد الله غريب

[أبو محمد]

ما يثير اهتمامى وفضولى - فى الواقع لا فى الخيال - هو أن الاحتياطى النقدى من العملات الأجنبية قد انخفض من 36 مليار دولار قبل الثورة إلى 22 مليار دولار بنسبة 39% فى أقل من 10 شهور .. يعنى 1.2 مليار دولار فى الشهر .. تفتكروا إمتى البيت مش حيبقى فيه ولا مليم ؟

[Alshiekh]

يعنى 1.2 مليار دولار فى الشهر .. تفتكروا إمتى البيت مش حيبقى فيه ولا مليم ؟

يعني هي حسبة برما

يعني الشهرين يبقوا 1.2 + 1.2 = 2.4

وكمان شهرين 1.2+1.2 = 2.4

وشهرين كمان 1.2+1.2 = 2.4

يبقى نجمع 2.4 الأولانيين + 2.4 التانيين = 4.8 + 2.4 التالتين = اتنين ومعانا واحد ونحط العلامة ونجمع الواحد + 4 = 5 + 2 = 7 يعني يساوي 7.2

يعنى بعد 6 شهور حايفضل معانا 22 - 7.2 = نحط صفر وعلامة يمين الـ 22 ، يبقى 2 من صفر ماينفعش ، نستلف واحد من اللي جنبه يبقى بعشرة يبقى عشرة ناقص 2 = 8 وبعدين نحط العلامة ، الواحد ناقص 7 ماينفعش ، نستلف واحد من اللي جنبه بعشرة يبقوا 11-7 = 4 ، وبعدين 1 - 0 = 1 ، يعني يتبقى 14.8

يعني بعد 6 شهور حايفضل عندنا 14.8 مليار.

بعد 6 شهور نبقى نحسبها تاني أحسن أنا تعبت وبرضه فرصة اكون اتعلمت شوية حساب وتكون الحكومة اتعلمت شوية حساب برضه واهو كل بينفع.

نتقابل في شهر مايو بإذن الله علشان نعمل بقية الحسبة ( حسبة برما )

[أبو محمد]

طيب .. أروح اجيب اللوح والقلم الاردواز وآجى اتعلم "الحسبة"

[se_ Elsyed]

ما يثير اهتمامى وفضولى - فى الواقع لا فى الخيال - هو أن الاحتياطى النقدى من العملات الأجنبية قد انخفض من 36 مليار دولار قبل الثورة إلى 22 مليار دولار بنسبة 39% فى أقل من 10 شهور .. يعنى 1.2 مليار دولار فى الشهر .. تفتكروا إمتى البيت مش حيبقى فيه ولا مليم ؟

عندما يعترف المجلس السمكري ومعه القفف الوزراءة بإنه خربوها وقعدوا على تلها ؟

إوعى تقول لي يا عم أبو محمد إن الثورة السبب ... او الشعب السبب

ومعليش خلينا ننقل المداخلات دي في مكانها الصحيح منعاً لتشتيت الموضوع

[hOuSsAm]

ما يثير اهتمامى وفضولى - فى الواقع لا فى الخيال - هو أن الاحتياطى النقدى من العملات الأجنبية قد انخفض من 36 مليار دولار قبل الثورة إلى 22 مليار دولار بنسبة 39% فى أقل من 10 شهور .. يعنى 1.2 مليار دولار فى الشهر .. تفتكروا إمتى البيت مش حيبقى فيه ولا مليم ؟

عندما يعترف المجلس السمكري ومعه القفف الوزراءة بإنه خربوها وقعدوا على تلها ؟

إوعى تقول لي يا عم أبو محمد إن الثورة السبب ... او الشعب السبب

ومعليش خلينا ننقل المداخلات دي في مكانها الصحيح منعاً لتشتيت الموضوع

للاسف حكومة الطراطير هى السبب فى السوء ده

وهقولك ليه

انا كنت موجود فى مصر فى شهر يونيو وحاليا موجود

نفس كوم الزبالة اللى موجود فى شارع احمدحلمى كمثال وليس للحصر لسه موجود بشكله وعفانته ؟؟؟؟؟!!!!! فين المحليات

ليه عصام شرف مينزل بنفسه يشوف مصيبة الزبالة اللى مبهدلة البلد وخنقاها - 4 شهور واكتر والمشكلة مش بتتحل

طبعا سيطرة الباعة الجائلين على الشوارع الرئيسة وكمثال وليس للحصر عندى فى المنصورة شارع جيهان يادوب حارتين وشارع حيوى جدا به 6 مستشفيات وبوابة للجامعة وسكن للطالبات وستاد الجامعة ومتقاطع مع اهم الشوارع الرئيسية فى المنصورة

الـ 6 مستشفيات هما الطوارئ والاورام ومستشفى جيهان ومركز غنيم والجهازالهضمى ومستشفى للاسنان وعيادات خارجية وكل نص ساعة بلاقى عربيات الاسعاف داخلة

قوم الاقى شوية باعة جائلية فارشين قدام مستشفى الاورام وواخدين حارة من حارتين الطريق وبيبعوا برتقال ومش عارف ايه لسه بسال سواق التاكسى واقوله فين المرور يشلوا الناس دى قال يا بيه دول كانوا يتضربوا والاقى بتاع المرور واقف جنبهم بيتكلم فى الموبيل والشارع يضرب يقلب ولا فى دماغه

يعنى عشان المحترم بتاع المرور مكبر الجمجمة كل شوية يموت واحد والناس اللى راكبة العربيات دى واللى وراها مصالح يجيلها الضغط او السكر

شارع مهم زى ده فين مدير الامن والمحافظ ووكيل وزارة الصحة ورئيس الجامعة وعميد كلية الطب (كل دول طراطير وحسبى الله ونعم الوكيل فيهم)

جميع السرفيسات بتحمل خطوط سير غير خطوطها اللى واخدة بيها تصاريح واللى مش عاجبه من بتوع المرور هياخد على دماغه

ده غير انهم طامسين خط السير من عالعربية عشان محدش يعرف من الزباين العربية اتجاها فين ويحمل حسب المزاج والظروف

التكاتك انتشرت فى المنصورة ومش بشوفها الا قدام المحافظة (ايوة هى المحافظة اللى الجيش عامل عليها كردون امنى)

المنصورة المدينة الجميلة بقت مدينة قبيحة

------------------

من تانى

واحد فى مدينة ميت غمر بيشتغل بلطجى عنده 25 سنة سارق عربيات كتيرة جدا منهم 2 همر ومعروف لاجهزة الامن هناك

طيب مش بيتقبض عليه ليه يا ظباط

اصله ممكن يضربنا ومعاه 5 صبيان معاهم سلاح والعمر مش بعزقة واحنا هنعمله ايه يعنى مش انتوا اللى عملتوا ثورة

------------------

تالت

اللى بيقدر يعمل حاجة بيعملها

وهى ماشية بلطجة

صديق لى وانا كنا فى سوق العتبة وركنا فى مكان قريب

رجعنا لاقينا العربية متحوطة بالباعة الجائلين والبضاعة بتاعتهم فارشينها عليها

ومش عايزين يقوموا من عليها وبيعقبونا عشان راكنين العربية

وعايزين يدفعونا غرامة كمان (دول مش المرور لاء دول الباعة)

واللى تقدر عليه ياعم الحج اعمله

--------------------------

الناس ماشية فى الشارع تكلم نفسها

مش هذار بجد

الزحام فى كل المدن بقى شديد جدا ومش لكترة عربيات ولكن لتسيب قطاع خطير ومهم اللى هو قطاع المرور

مفيش عسكرى ولا حتى ظابط يعرف يقول لسواق بم الا وكان السواق يرزعه العلقة المعتبرة

------------------

دى امثلة بسيطة جدا من الهبل اللى بيحصل كل يوم للناس

ولكن اللى داير فى الساقية طول النهار هتلاقوا عنده قصص وحكايات وروايات

[متعب]

والله ياساده احنا هنتكلم كتير فى الموضوع وهنوصل لنتيجه واحده بعيدا عن الرغى الجامد

مبارك وعصابته كانوا محتليين مصر

نجيب من الدواسه يعنى

مبارك واحد من مؤسسن الفساد فى الوطن العربى مش بس مصر . هو اساسه على الخريطه العربيه وبصفه خاصه الفساد الخليجى المستشرى الان بفظاعه . كل ده من ترتيب مبارك وعصابته الدوليه

اكتشفنا بعد الثورة ان العالم دى مش مصريه اصلا ومعظمهم معاهم جنسيات يا اما امريكيه او اسرائيليه

جبلنا شويه من الموالد على شويه من سوق العبور ومسكهم وزارات سياديه . واستعان بواحده جابها من سوق التلات ومسكها اخطر وزارة فى مصر ال هى القوى العامله . على قواد دولى وحبسجى قديم من ايام الثورة على وزير اعلام اكتشفنا انه معاه ثانويه عامه وبرده لمعوه وقالوا عليه دكتور . على ابو كمال وجمهويه الباجور ال افسد الحياه النيابيه فى مصر ودخل اولاد كبار تجار المخدرات سلك القضاء والنيابه

يعنى من الدواسه كوكتيل قرف كده يعنى . من الاخر عصابه دوليه المافيا تعظملها

الخلاصه

الشعب انتفض ضد العصابه دى وعمل ثورة على النظام لكن للاسف سلمها لنفس النظام ال ثار عليه

ايه المتوقع يعنى

ده مخطط مش لسرقه مصر ده مخطط لاباده مصر واتهام الشعب ونغمه الثوار الحقيقيين والكوبارس

وانهم هما السبب وحملات التخوين ال شغاله على مسميات عبيطه وعجله الانتاج والقرف ده

ومش هيتركوا مصر الا لما يسلموها صومال جديده لاجبار الشعب المصرى على قبول اى وضع هما عاوزينه

بس خلاص

بعد ال حصل فى لييبيا مينفعشى نقول ارفع راسك فوق انته مصرى

ليبيا عملت ثورة صح واستلمت البلد على الاحمر والتشطيب عليهم بقى . يشطبوها لوكس والامكانيات موجوده

لكن سلميه والكلام ده . ده كلام عبيط ولا بياكل بشلن مع العصابه دى وهما نفسهم ال سوقوا السلميه دى ليهم عن طريق شويه لمامه من سته ابريل وجندوهم لحسابهم لتسويق السلميه ليهم ولفوا على الشعب من يامه تانيه واتهموهم بانهم عملاء لصربيا ومع ذالك تركوهم بدون عقاب ولا حتى فتحوا اى تحقيق واحد معاهم نتيجه اتهامهم ده عشان تلبيس العمم للشعب

نركوهم يسوقوا السلميه ليهم وقبضوا على ناس منهم معارضين بالفعل وتركوا الباقى ال معاهم على نفس النغمه

وال فهم اللعبه تركهم ونمازج كتير تركت الحركه دى

وكل واحد يطلع فى التحرير يطالب بالعصيان المدنى او استخدام العنف يطلعوا سته ابريل . سلميه . سلميه سلميه

لغايه ما رستوقوا النظام وادى النتيجه

يا أما ثورة تنضيف كامله للنظام باى شكل وباى وسيله

ياما محدش يتكلم عن الفساد ويتركوا مصر يعملوا فيها ال هما عاوزينه

[سكر]

هو التناقص الغريب دة فى الاحتياطى

نتيجة لتهريب الاموال ولا توقف صاروخ الانتاج

اكبر خطا فى الثورة انها بدات بالمحاكمات الاقتصادية وتركت المحاكمات السياسيه

[Abu Reem]

الباز افندي

عجبني اوي كلامك ده

بصراحة فيه الخلاصة.......

الشعب انتفض ضد العصابه دى وعمل ثورة على النظام لكن للاسف سلمها لنفس النظام ال ثار عليه

ايه المتوقع يعنى

ده مخطط مش لسرقه مصر ده مخطط لاباده مصر واتهام الشعب ونغمه الثوار الحقيقيين والكوبارس

وانهم هما السبب وحملات التخوين ال شغاله على مسميات عبيطه وعجله الانتاج والقرف ده

ومش هيتركوا مصر الا لما يسلموها صومال جديده لاجبار الشعب المصرى على قبول اى وضع هما عاوزينه

بس خلاص

بعد ال حصل فى لييبيا مينفعشى نقول ارفع راسك فوق انته مصرى

ليبيا عملت ثورة صح واستلمت البلد على الاحمر والتشطيب عليهم بقى . يشطبوها لوكس والامكانيات موجوده

لكن سلميه والكلام ده . ده كلام عبيط ولا بياكل بشلن مع العصابه دى وهما نفسهم ال سوقوا السلميه دى ليهم عن طريق

أما ثورة تنضيف كامله للنظام باى شكل وباى وسيله

ياما محدش يتكلم عن الفساد ويتركوا مصر يعملوا فيها ال هما عاوزينه

1

تم تعديل 5 نوفمبر 2011 بواسطة Abu Reem

[متعب]

متشكر يابو ريم

بس عاوز اقول حاجه مهمه جدا عارفينها وبنهرب منها احيانا

بس الدواسه حلوة

نجيب تانى من الدواسه

من تحت يعنى

اولا احنا لما قمنا بثورة قمنا بيها ضد النظام مش ضد مبارك وذيكو وقوادهم وعز والتلاته ال معاهم دول

يعنى تخيلوا احنا قمنا بثورة وضحينا بارواح عشان نسقك تلاته اربعه ملهمشى اى لذمه خالص

مبارك عمره ما حكم مصر . وال يقول كده عبيط او ضارب حجرين

مبارك كان شرابه خورج يعنى واجهه للنظام يشيل الليله وخلاص واستمراه فى الحكم التلاتين سنه دول بيقول ده

والا كانوا صفوه فى الحال

الحاكم الفعلى للبلاد هما ال مسكينها حاليا . من الاخر يعنى الاجهزة الامنيه ال حكمت مصر طوال فترته وعملت ال عملته فى مصر من والى . ومن والى دة هنعد نتكلم فيها قول سنه ومش هنجيب اخرها

لو مبارك كان اعترض على اى شىء من ال بيعملوه كان خد استماره سته

مبارك كانوا بيعطوه لقمه وحته جبنه ويخدوا هما القشطه والزوبد .

وكانوا محافظين عليه زى عنيهم لانه واجهه فقط للسرقه يعنى يحصل فى الامور امور زى ما حصل يشيل الفرح كله وخلاص

وده تقريبا ال حصل . واغلب الظن انه كان شغال باليوميه عندهم

الاجهزة الامنيه الخمسه فتحت مجال لرجال الاعمال والتجارة بقوت الشعب المصرى لاء وشجع المنتج المصرى مش رجال الاعمال بقه لاء خليكى وطنى وشجع منتج بلدك . هأو

الخلاصه

اجروا البلد مفروش بالساعه وساعات بالليله وحسب ال يدفع وطلعوا قوانين يتاجروا بيها وبالذات قوانين المرور اوالحزام والذى منه كسبوا مليارات من كل قانون حطوه ومصوا دم الشعب بالقوانين

وباعوا كل شىء فى البلد من والى .وتركوا الشعب يبادل على السلع ويعيش . يعنى عنك رز . خد قمح والشعب يصرف على بعضه ودمغنا

والدخل القومى للبلد يتقسم عليهم وانتهت القصه

احنا سقطنا الواجهه ليهم لكن هماموجودين . يبقى المطلوب حاليا اسقاط النظام ومحاكمته بالكامل

غير كده احنا بنهزر وبنضحك على بعض

ومش هنسيب البلد لشويه متخلفين يقولولنا الا الحرنكش

لان ال مصبر الناس هو انتحاب رئيس والشعب هيطلع تانى يطالبه بكل شىء وهما فاهمين اللعبه كويس ومش عاوزين رئيس الا تفصيل يكون زى مبارك وللاحطياطى مش عاوزين محاسبه وعاوزين قوانين تسندهم لده ويحطوها كمان فى الدستور

يعنى بنسرقكم بالدستور والقوانين

وده مش هيحصل على جثثنا ان شاء الله

يا أما نموت ونحاكمهم على موتنا ياأما نرجع بمصر

ومفيش خيار تانى