استفسار عن عقد عمل بالسعودية قطاع خاص

[MSHASHEM]

السلام عليكم

ارجو ان تفيدونى حيث انى مسافر لأول مرة للسعودية وتم عمل مقابلة بشركة وسيطة بالقاهرة وتم الموافقة عليا ودخلت بعد كدة فى تأمين جدية السفر ومصاريف رقم النت المهم بدون اطالة عملت التحاليل و الكشف وناقص العقد وعن سؤالى عن العقد قال لى الموظف الخاص بمكتب السفريات انة سوف يتم تحرير عقد من خلالة و سوف يتم توثيقة من القوى العاملة علماً بأنى التأشيرة الخاصة بى محاسب وفقاً للمؤهل والوظيفة مدير تسويق وان العقد سيتم تغييرة بمجرد الوصول للملكة فكنت عايز استفسر هل من الصحيح ان يتم عمل عقد وتوثيقة من القوى العاملة فقط وبعد ذلك عمل عقد اخر عند الوصول ولا اية ارجوا الأفادة حيث انى شديد القلق جداً بسبب هذا الموضوع

[moamana]

اذا كانت التاشيرة كمحاسب فايه المشكلة متهيئالى هذا يسمح لك بالاستقدام و الزيارة ........الخ

اما اختلاف العقد فهذا لا استريح له يعنى عشان ممكن يلعبوا فى الرتب او بدل السكن او اى بند تانى و لازم تكون مسافر متاكد من كل بند فى عقدك و كل حاجة كويس اوى

[MSHASHEM]

اذا كانت التاشيرة كمحاسب فايه المشكلة متهيئالى هذا يسمح لك بالاستقدام و الزيارة ........الخ

اما اختلاف العقد فهذا لا استريح له يعنى عشان ممكن يلعبوا فى الرتب او بدل السكن او اى بند تانى و لازم تكون مسافر متاكد من كل بند فى عقدك و كل حاجة كويس اوى

اولاً اشكرك على ردك و اهتمامك بس انا مش عارف اعمل اية انصحنى لو انت مكانى هتعمل اية؟

[حسام الغرباوي]

انا مش فاهم بالظبط اية المشكلة ؟؟

يعني مسمي التأشيرة محاسب ....دا شيء ممتاز

الوظيفة مدير تسويق ومسمي التأشيرة محاسب ....شيء ممتاز ايضا

عقد هنا وعقد هنا ...مش فاهم الصراحة ...طيب ما تعمل العقد من هنا مرة واحدة وخلاص ؟

[MSHASHEM]

انا مش فاهم بالظبط اية المشكلة ؟؟

يعني مسمي التأشيرة محاسب ....دا شيء ممتاز

الوظيفة مدير تسويق ومسمي التأشيرة محاسب ....شيء ممتاز ايضا

عقد هنا وعقد هنا ...مش فاهم الصراحة ...طيب ما تعمل العقد من هنا مرة واحدة وخلاص ؟

المشكلة ان المكتب بيقول انة هيعمل عقد وفقاً للتأشيرة يعنى محاسب وبعدين لما اروح هناك هيغير المسمى بعقد تانى الى مدير تسويق وانا قلقان من الموضوع دة وبعدين لما سئلتة مكان اصدار العقد رد انة هيتعمل من مصر لأنة معاة توكيل من الشركة فى السعودية وهيوثقة من القوى العاملة فقط لا غير و انا قلقان انى لما اسافر ميعترفوش بالعقد اللى اتعمل فى مصر ويغيرو الشروط المتفق عليها ويبقى كدة انا ولا اكنى عملت حاجة لأنى ساعتها هبقى تحت رحمتهم فى السعودية ومش عارف اطلب اية عشان اضمن حقوقى من هنا قبل ما اسافر فى حين اصرارهم ان ما سبق هو من المفترض انة يتعمل .وعند عمل بحث على الانترنت وجدت انة يجب توثيق العقد من الجهة المسافر اليها ( خارجية سعودية و ممثل عمالى ) قبل التوثيق من القوى العاملة هنا والمكتب مش راضى يتفاهم ومش عارف اعمل اية

[فوزى فوزى]

الأستاذ الفاضل لابد ان يكون العقد موثق فى السعودية على الأقل من الغرفة التجارية وتوثيقهم يعنى ان توقيع صاحب المؤسسة صحيح وبالتالى العقد يكون معترف

به فى السعودية

خلاف ذلك لا تقبل بالسفر قبل استلام عقد موثق لأن بدايتهم معك غير مبشرة

[احمد حمدى]

لو انت مش واثق فى الشركه او المكتب اللى طالع منه

خالى الشركه اللى فى السعودية تعملك عقد وتوثقة من الغرفة التجارية

نصيحه العقد يكون من ورقة واحده بس مش ورقتين

عشان الغرفة التجارية بتوثق اخر ورقة

وفى النهاية لو كفيلك مش كويس لا هيهمه مكتب عمل ولا غرفى تجارية ولا عقد

لان الكلام ده لا بيودى ولا بيجيب مع السعوديين وبالذات لو العمل فى منطقة صغيرة

[MSHASHEM]

المكتب قالى هنا انةمعاة توكيل من الشركةالى فى السعوديةوهيوثقو من وزارة القوى العاملة وانا اوثقوا من الخارجية فهل كدة هيبقى فيهامشكلة ولا اية

[mekkawy]

الأخ محمد هاشم

خلي كلمتك واحدة و امسك فيها مهما كانت مغريات العقد اللي المكتب بيقولك عليه .. عقدك يجي من السعودية عقد واحد موثق من الغرفة التجارية السعودية و الخارجية السعودية ده فيما يخص الجهات السعودية .. الجهات المصرية بأة زي ما حضرتك قلت القوى العاملة و كدة .. ما دون ذلك ما ما تلومش الا نفسك لو جيت و لقيت كل اللي اتفقت عليه فشنك و ده الغالب .. شوف ده رزق و نصيب و لو ما ظبطش نفسك من الأول هتندم كتير صدقني .. تاني .. عقدك عقد واحد واضح و صريح يجيلك من الشركة الرئيسية اللي هتشتغل فيها .. و مفيهاش ولا اي حاجة لو تأشيرتك محاسب و تشتغل مدير تسويق براحتك مش محتاجة يعني اللفة اللي المكتب بيقنعك بيها.

ربنا يوفقك يا رب و يختارلك الأحسن و الأصلح