خلى بالك من صيامك

[MuslimaEgyptian]

السلام عليكم الأخوه الأعزاء mc:

بعد إذنك يا فيروز إستلفت توقيعك الجميل ده لأنه شدنى وقلت يا خساره يفضل محبوس فى البوكس..بوكس التوقيع يعنى rs: وليه ميشوفش النور ونستفيد منه...ومنه أنا شخصيا..وخصوصا بما ان ناس كتيره بدأت تفقد حماسها كما جاء فى بعض الردود واهى فرصه نعين بعض نشد العزم وخاصا انه يا دوبك شهر واحد فقط، فات خلاص منه الثلث :) ..والمفروض نغتنم كل دقيقه بسبب كم الفضائل والخيرات اللى فيه...فمثلا سبحان الله، السنه (بضم السين وشد النون) برمضان تحسب كفريضه والفريضه ب70 فريضه(wow) :)

وبصراحه، بدل المواضيع التقليديه حول هذه الامور والمليئه بالإفادات الجميله على اى حال، نضيف إحنا لمسه واقعيه تتعلق بما نراه يوميا..او تتعلق بهذا الحضور بالمنتدى ...وكل ما يبرزه هذا العنوان خلى بالك من جيرانك...أوبس.. قصدى صيامك B)

فلما بتسمع الجمله دى "خلى بالك من صيامك"(شكرا لفيروز)

..ماذا يدور فى خاطرك حولها؟ :P

تم تعديل 28 أكتوبر 2004 بواسطة MuslimaEgyptian

[MuslimaEgyptian]

خلى بالك من صيامك

همممم...

والله لا أقصد أشخاص معينه (وحتى لو قصدت.. فيها ايه من حبنا لبعض فى لله بأن نكون افضل) mc: ولكننى قرأت هنا وأكثر من جهه عن شرب الشيشه فى رمضان...الموضوع قتل بحثا بغض النظر عن رمضان...بس دى اول حاجه جت فى بالى عندما أفكر فى "خلى بالك من صيامك"

رمضان...شيشه....إزاااىىى؟ :)

[عصام]

يا ريت كان رمضان بس ..

دا رجب وشعبان ورمضان وذو القعدة وذو الحجة و ...... .. :)

الحالة التى ذكرت فى المحاورات واللى قصدك عليها فالمسألة ليست مقتصرة على رمضان الحقيقة ..!! ده طول السنة mc:

إلا إذا كنتى تقصدين من يدخن الشيشة فى رمضان فقط .. فهذا موضوع آخر.

[kfaya]

أنا الكلمة دى على طول معايا و أنا باسوق العربية فى أثناء الصيام فى أحراش القاهرة .....

أول ما أقول يا فتاح يا عليم أنا مش ناوى النهارده أتنرفز و لا خلقى يضيق و لا أشتم ..... هى بالضبط عشر دقائق و بعد خمس أو ست محاولات لضبط النفس ... مقدرش أستحمل اللى السواقين ة و المشاه بيعملوه ...

ساعتها بقى بقول لنفسى ..... خلى بالك من صيامك

وبطلت أسوق العربية فى الصيام ..

[فــيــروز]

يادى الكسوف :angry:

توقيعى المتواضع اعجب اختنا الحبيبه مسلمه مصريه

وبالتالى لابد من رد الفضل لاصحابه !! وهم اعضاء المنتدى ..

الحقيقه انا ابعد شخص ممكن يوعظ حد او يقول له اعمل كذا ولا تعمل كيت ..

فقلت التوقيع ممكن يكون تذكره خفيفه كده لى ولغيرى اننا نحافظ على صيامنا ..

خصوصا ان اسهل شئ على الانسان -خصوصا فى موقع حوارى ساخن مثل هذا- ان يخطئ دون ان يقصد .. وبحسن نيه .. حتى انى مؤخرا بدات اتساءل يا ترى المداخلات الكتييييره جدا التى كتبتها هنا فى المنتدى ايها سيحسب لى انه خير وايها غير ذلك؟

ما يشعرنى بالخساره انه بعد رمضان ساضطر لحذف التوقيع :blink: وربما اغيره الى خلى بالك من كلامك .. الله اعلم

[فــيــروز]

خلى بالك من صيامك

اتذكرها حين ابدا النميمه على اى انسان .. نفسى جدا جدا ماتكلمش عن اى انسان .. ولو اتكلمت يكون بالخير و بس .. و اعتقد ان ربنا مساعدنا كويس فى رمضان .. العباده فيه اسهل كثيرا ومش محتاجه غير الواحد يشد نفسه شده بسيطه فيجد كل الامور بعدها متيسره و سبحان الله ..

كذلك حين ينفعل بعض الزملاء فى العمل و يتفوهوا بما لا يليق بجلال هذا الشهر اعلق ضاحكه "الصيام ضاع الصيام ضاع" .. ربما لانى كما قلت استصعب جدا القيام بنصح احد .. لكن المرور على الامر ببساطه قد لا يضايق المستمع و ربما يذكره بما يفقد من خير ..

الحمد لله ايضا هذا العام اشاهد التليفزيون على اقل قدر ممكن .. وبالامس كان الشيخ وجدى غنيم بيقول "من ترك النظر الى امر فيه معصيه اورثه الله لذة فى نفسه" .. حاجه بهذا المعنى وطبقتها فورا حين امر على حجرة التليفزيون ادير وجهى فورا :angry:

[MuslimaEgyptian]

يا ريت كان رمضان بس ..

دا رجب وشعبان ورمضان وذو القعدة وذو الحجة و ...... .. rs:

الحالة التى ذكرت فى المحاورات واللى قصدك عليها فالمسألة ليست مقتصرة على رمضان الحقيقة ..!! ده طول السنة  :P

إلا إذا كنتى تقصدين من يدخن الشيشة فى رمضان فقط .. فهذا موضوع آخر.

لا طبعا يا أخ إسو، لا أقصد رمضان فقط fsh::

ولكننى ركزت عليه لأن رمضان هو فرصه للتدرب على ما ينبغى أن نكون عليه من قيم وسلوكيات على مدار السنه عسى أن نصبح بعده أفضل حالا مما كنا عليه جميعا إن شاء الله ...إلا وصدق علينا الحديث.."رب صائم ليس له من صيامه إلاّ الجوع والعطش، ورب قائم ليس له من قيامه إلاّ التعب والسهر" وفى روايه أخرى "رب صائم حظه من صيامه الجوع والعطش"

أنا بس جاء فى مخيلتى مشهد "عام" للرسول عليه الصلاه والسلام والصحابه فى رمضان ولا أتخيل كيف تكون الشيشه بيناتهم lo::

أما عن الحاله التى ذكرت فى المحاورات :) ، فإن شاء الله شكلها حاله ليست مستعصيه :) وفقنا الله جميعا لما يحبه ويرضاه إن شاءالله...

~*~*~*~

الاخ كفايه،

قدها وقدود (rs:كلمه صعبه كتابتها) إن شاء الله.. وتكون دايما أعصابك فى تلاجه حتى ولو شفت سائق أتوبيس بيسوق وبيآخد من الكمسرى شاى على صينيه كما رأيت بمصر rs: أو تكون واقف فى الاشاره ساعتين وبتنظر حواليك فترى خلف الزجاج الخلفى للأتوبيس قفه بها وزه جاهزه للقفز على الناس اللى قاعده ، اى والله .. مصر دى زى العسل :o

~*~*~*~*

الاخت فيروز,

بارك الله فيكى على التذكره وخصوصا موضوع النميمه...وانت عارفه بقى العزومات فى رمضان والواحد بيرجع ويلاقى نفسه عاوز "يعلق" على بعض الامور ;) فينتبه بالتالى كما قلتى...إنه أمر نقع فيه بسهوله ومن غير أن ندرك أحيانا ولكن الحمدلله على فرصه التدرب على المحاسن...وخصوصا علشان نآكل لحمه ليست من النوع الآدمى (يع) فى الجنه إن شاء الله...

إيه كمان؟؟...

تم تعديل 1 نوفمبر 2004 بواسطة MuslimaEgyptian

[فــيــروز]

إيه كمان؟؟...

نظرا لانى من المشرّدين اللى بيروحوا البيت قبل كلمة النهايه على راى ماما .. :P يعنى قبيل الاذان او حتى احيان بعده بدقائق .. ارى شوارع القاهره و الناس مسروعه على الذهاب للمنزل لازم لازم قبل الاذان و إلا فلا !! rs:

مش عارفه ليه يعنى ده الاكل مش هيهرب !! اينعم الواحد بيحس ببعض الوحشه و الخوف اما تفضى الشوارع لكن الامور ليست سيئه الى هذه الدرجه .. ما يخيف فعلا هو طريقة القياده الخطره التى يتبعها كثيرون !! taz:: حتى انى "اضطر" للوقوف على الرصيف على غير المعتاد بسبب الغرز التى قد تجعل سياره تقفز امامى فجاه خلال انتظار التاكسى !! rs: لماذا نعرض حياة الآخرين و حياتنا للخطر من اجل بضع دقائق لن تقدم او تؤخر !!

لكن هناك شئ جميل جدا حدث بالامس :) .. شاب يقف ومعه كيس ملئ باكياس صغيره بكل منها تمرتنا و معها ورقه مطبوع عليها دعاء الافطار .. انشكحت جدا اما اعطانى منها رغم انى ماباكلش البلح اصلا ولا احبه بس اللى فعلا عجبنى انه مصر يعطى الناس رغم ان البعض كان يرفض تماما rs: .. ما شاء الله

[Tafshan]

انا بقي ...

بقول التليفزيون !!! rs: :) ;)

كل قناة و اتجاها ، مثلاً ، كنت بقلب القنوات لقيت مزيعة بتقدم وصفة للميك آب في رمضان :P

قلبت : لقيت الهام شاهين كالعادة و احدث صيحة في قمصان النوم rs:

قلبت : لاقيت الكاميرا الخفية في باقي القنوات كلها rs:

متفبركة و مقززه

لو عايز تحافظ على صيامك ... بلاش تلفزيون

من الاخر ... التلفزيزن = :)

تم تعديل 1 نوفمبر 2004 بواسطة Tafshan

[MuslimaEgyptian]

« كان النبي صلى الله عليه وسلم إذا دخل العشر أحيا الليل ، وأيقظ أهله ، وجدّ ، وشد المئزر » - أي استغرقه بالسهر في الصلاة والذكر و غيرهما

كان الشيخ وجدى غنيم يقول...إزاى تكون بيننا ليله خير من ألف شهر فى العشر لأواخر وتكون الملائكه تملأ الأجواء بيننا .."وإنت نايم بتشخر" mfb:

صحيح ممكن تعب وقله نوم خاصه مع العمل وغيره من مشاغل الحياه ولكن إن شاءالله تعب ذو حلاوه :o

ربنا يتقبل منا ومنكم صالح أعمال العشر الأواخر وخاصا إن كانت الليله هى ليله القدر...إن شاء الله نتذكر بعضنا بعضا فى الدعاء :lol:

لكن هناك شئ جميل جدا حدث بالامس  .. شاب يقف ومعه كيس ملئ باكياس صغيره بكل منها تمرتنا و معها ورقه مطبوع عليها دعاء الافطار ..

شئ جميل فعلا يا فيروز ما شاءالله، إن شاءالله تستمرهذه الروح بعد رمضان..

تم تعديل 10 نوفمبر 2004 بواسطة MuslimaEgyptian