مبروك يا مغتربين .. وهيا بينا نُسجل أسامينا

[se_ Elsyed]

عمال اتابع الموضوع من ساعة كده على الجزيرة مباشر وقرات كمان الخبر على التليفزيون المصري

على كل المغتربين والمغتربات اللي معاهم رقم قومي من قبل تاريخ 27 سبتمبر - ماحدش يسالني ليه - إنهم يدخلوا على موقع اللجنة العليا للانتخابات ويسجلوا أسمايهم في الفترة من 10 نوفمبر إلى 17 نوفمبر عشان يقدروا يشاركوا في الإنتخابات البرلمانية

الموضوع محتاج كلام كتير قوي قوي

[عبد الله غريب]

طب و اللي معندوش رقم قومي؟

مش ممكن بالباسبورت؟

قريت داه ف موقع مش فاكر اسمه ..

[se_ Elsyed]

إزاي يا بيه ؟

ما هو لازم يطلعوا خوازيق في الموضوع والسلام

كتير من المغتربين مش معاهم رقم قومي دول يولعوا في نفسهم ولا إيه ؟

لأ والأسبوع اللي فات عم شكشك طالع يقول الداخلية بدأت بإرسال بعثات من مصلحة الأحوال المدنية لأستخراج الرقم القومي للمغتربين للمشاركة في الإنتخابات

اهم سافروا يتفسحوا

ههههههههههههههههه

[عبد الله غريب]

إزاي يا بيه ؟

ما هو لازم يطلعوا خوازيق في الموضوع والسلام

كتير من المغتربين مش معاهم رقم قومي دول يولعوا في نفسهم ولا إيه ؟

لأ والأسبوع اللي فات عم شكشك طالع يقول الداخلية بدأت بإرسال بعثات من مصلحة الأحوال المدنية لأستخراج الرقم القومي للمغتربين للمشاركة في الإنتخابات

اهم سافروا يتفسحوا

ههههههههههههههههه

ماشي يا باشا يجوا يتفسحوا معندناش مانع .. مش مشكلة .. و نعزمهم ع البيك كمان .. بس يخلونا ننتخب بجواز السفر .. مش يحطوا العقدة ف المنشار .. و يحكموا رأيهم لازم الرقم القومي .. مش وقته

بجد انا قريت الخبر قبل كام يوم بأنهم هيسمحوا للمغتربين بالإنتخاب باستخدام جواز السفر في القنصليات و السفارات .. يمكن غيروا رأيهم .. أو الخبر مكنشي دقيق .. جايز.

[herohero]

الرقم القومي أسهل ع اساسه بيقدر يحدد الدائرة الانتخابية بتاعتك انا جربت ع موقع الانتخابات وكانت الامور واضحه صحيح معرفتش انتخب ازاي بس الموقع شغال

وموضوع الرقم القومي ده مشكلة لكن بداية لا بأس بها لان الرقم القومي للاسف بق كل شيئ بيمشي بيها ف مصر البنوك وماشابه اصلا لازم كمان تبقى متجددة لان انا واجهت المشكلة ده

[عبير يونس]

الرقم القومي أسهل ع اساسه بيقدر يحدد الدائرة الانتخابية بتاعتك انا جربت ع موقع الانتخابات وكانت الامور واضحه صحيح معرفتش انتخب ازاي بس الموقع شغال

وموضوع الرقم القومي ده مشكلة لكن بداية لا بأس بها لان الرقم القومي للاسف بق كل شيئ بيمشي بيها ف مصر البنوك وماشابه اصلا لازم كمان تبقى متجددة لان انا واجهت المشكلة ده

متجددة يعني ازاي حضرتك؟

هو الرقم القومي المفروض يتجدد كل قد ايه يا فندم؟

[se_ Elsyed]

الرقم القومي أسهل ع اساسه بيقدر يحدد الدائرة الانتخابية بتاعتك انا جربت ع موقع الانتخابات وكانت الامور واضحه صحيح معرفتش انتخب ازاي بس الموقع شغال

وموضوع الرقم القومي ده مشكلة لكن بداية لا بأس بها لان الرقم القومي للاسف بق كل شيئ بيمشي بيها ف مصر البنوك وماشابه اصلا لازم كمان تبقى متجددة لان انا واجهت المشكلة ده

متجددة يعني ازاي حضرتك؟

هو الرقم القومي المفروض يتجدد كل قد ايه يا فندم؟

تعالي جنبي يا عبير يا أختشي

ما أنا كنت زيك

الرقم القومي اول ما طلع ما كانش له مدة صلاحية

وبعدين إفتكسوا وقالوا صلاحية البطاقة 7 سنين عجاف

قوم إيه نزلت السنة اللي فاتت إتبهدلت بهدلة الارملة اللي بتجري على معاش المرحوم في تعاملي مع أي جهة عشان بيقولوا لي إنت إكسبيرد وكأني علبة بولوبيف ... ورجعت السعودية من غير ما اطلعها

نزلت في شهر 7 عشان أقود المظاهرات ههههههههههههه ... وقولت أطلع البطاكة بالمرة

روحت ودفعت 100 جيني ... عشان اطلعها سريعة .. قال إيه السريع بياخد 3 أيام وأنا كنت نازل يومين تقريباً ففوضت أخويا يستلمها ... وقولت له أبعتها لي على وجه السرعة او على جناح يمامة

وبعتها لي وبقى معايا بطاكة متجددة

بُصي

انا جنبي واحده عمالة تعيط وتتشحتف دلوقت ( الحاجة البركة ام عمر ) . ما معهاش بطاقة لحد دلوقت .. تخيلي ؟ أه والله ... وماشية بوصل النور وكل ما نروح فندق او حاده في مصر بتبقى ليلة بيضا ... فعمالة تقول لي يانا يا الانتخابات في البيت ده

طبعاً انا هاختار الإنتخابات

فأقعدي إنتي وهي يا عبير في البيت شوحوا اللحمة .. وأقلوا لنا شوية بطاطس جنبها ... وإحنا نروحوا ننتخبوا وهانرجع نحكي لكم عالتجربة

أتوتالير

وخلي المزيكا الأسبانش تنفعك

[Om Zayd]

فرحت لما قريت الخبر .. بس اتلخبطت لما لقيت على نفس الئريط ان الخارجية مصرة على استحالة اشتراك المغتربين في الانتخابات

:unsure:

و يعدين قلت يمكن خبر الخارجية قديم

قبل ما يجتمعوا

ربنا ييسر الخير

يا رب

[عبير يونس]

الرقم القومي أسهل ع اساسه بيقدر يحدد الدائرة الانتخابية بتاعتك انا جربت ع موقع الانتخابات وكانت الامور واضحه صحيح معرفتش انتخب ازاي بس الموقع شغال

وموضوع الرقم القومي ده مشكلة لكن بداية لا بأس بها لان الرقم القومي للاسف بق كل شيئ بيمشي بيها ف مصر البنوك وماشابه اصلا لازم كمان تبقى متجددة لان انا واجهت المشكلة ده

متجددة يعني ازاي حضرتك؟

هو الرقم القومي المفروض يتجدد كل قد ايه يا فندم؟

تعالي جنبي يا عبير يا أختشي

ما أنا كنت زيك

الرقم القومي اول ما طلع ما كانش له مدة صلاحية

وبعدين إفتكسوا وقالوا صلاحية البطاقة 7 سنين عجاف

قوم إيه نزلت السنة اللي فاتت إتبهدلت بهدلة الارملة اللي بتجري على معاش المرحوم في تعاملي مع أي جهة عشان بيقولوا لي إنت إكسبيرد وكأني علبة بولوبيف ... ورجعت السعودية من غير ما اطلعها

نزلت في شهر 7 عشان أقود المظاهرات ههههههههههههه ... وقولت أطلع البطاكة بالمرة

روحت ودفعت 100 جيني ... عشان اطلعها سريعة .. قال إيه السريع بياخد 3 أيام وأنا كنت نازل يومين تقريباً ففوضت أخويا يستلمها ... وقولت له أبعتها لي على وجه السرعة او على جناح يمامة

وبعتها لي وبقى معايا بطاكة متجددة

بُصي

انا جنبي واحده عمالة تعيط وتتشحتف دلوقت ( الحاجة البركة ام عمر ) . ما معهاش بطاقة لحد دلوقت .. تخيلي ؟ أه والله ... وماشية بوصل النور وكل ما نروح فندق او حاده في مصر بتبقى ليلة بيضا ... فعمالة تقول لي يانا يا الانتخابات في البيت ده

طبعاً انا هاختار الإنتخابات

الله يرحمك :closedeyes:

فأقعدي إنتي وهي يا عبير في البيت شوحوا اللحمة .. وأقلوا لنا شوية بطاطس جنبها ...

ما بلاش تخليها تقعد معايا

بعدين اخليها تلسع زيي و انت مش ناقص :D

وإحنا نروحوا ننتخبوا وهانرجع نحكي لكم عالتجربة

ايوووووه يا جدعان

و اني اللي كنا بنجهزوا نفسنا عشان نروحوا ننتخبوا

:blink:

أتوتالير

اورفوار مونامي

وخلي المزيكا الأسبانش تنفعك

و بالمناسبة دي تحب تسمع أغنية ايه؟

[se_ Elsyed]

نتكلم جد شويه

بقى هالله هالله عالجد

والجد هالله هالله عليه

--------

الموضوع لو ما كانش متنظم على أعلى مستوى في الدول اللي فيها مصريين كتير زي دول الخليج وخصوصاً السعودية والكويت .... هايبىقى كارثي بكل ما تحمل الكلمة من معنى

نشرح إزاي

- أولاً لازم نسيبنا من شغل الكفتجية والعجلاتية اللي بيشتغلوا به بتوع السفارات والقنصليات .. وهو اداء يشابه اداء موظفي الحكومة تماماً .. يعني مرتبي شغال يا معلم .. وماحدش بيحاسبني ..يعني إشتغلنا ما أشتغلنا .. سيدنا الطشطوشي بيأكلنا

- وبالتالي لنا ان نتخيل إن عدد المغتربين في السعودية لوحدها يتجاوز المليون نفر .. واعتقد واؤكد إن نسبة 90 % هاتبقى عاوزه تروح تنتخب ويمكن تروح تبات قدام لجنة الإنتخابات

حلو كده ؟

لأ مش حلو

- خلونا نعترف إن إحنا في دول لا تعرف معنى كلمة إنتخابات بهذا الحجم والزخم

وبالتالي انا هاتكلم عن السعودية .. وعن العاصمة الرياض بالتحديد لأني عارف مداخلها ومخارجها كويس ... فباتخيل يوم الإنتخابات البرلمانية او الرئاسية إن 100 الف بني ادم .. مش هاقول ربع مليون .. رايحين بسيارتهم نفس المكان في نفس التوقيت .... وقابل يا ابو اشرف بقى

- لو أفترضنا إننا رايحين حي السفارات .. فهايبقى ده من سابع المستحيلات .... الطريق هناك لا يستوعب كل هذا العدد ... وحظنا إن السفارة بتاعتنا جنب نقطة التفتيش لزق يعني لو روحنا بعشرة في المية من هذا العدد من السيارات .. يبقى هانسد الطريق لمسافة 5 كم ... وكمان باركنج السفارة ياخد ييجي 100 سيارة بالكتير ... وكمان هناك تفتيش دقيق عشان المنطقة كلها سفارات وبالتالي مستحيل المكان يستوعب وإلا بقى هانحتاج 3 سنين ننتخب فيهم

يبقى الحل الوحيد هو إن السفارة تأجر ستاد رياضي كبير لهذا الغرض ..

انا باتكلم جد مش هزار

ستاد كبير ... وله باركنج طبعاً يستوعب السيارات الكثيرة اللي رايحه .. وياريت ما يكونش في وسط البلد .. يعني حاجه كده زي ستاد الملك فهد على اطراف الرياض الشرقية

وعاوزين عدد كبير جداً من الصناديق والمشرفين خصوصاً في الإنتخابات البرلمانية وكله في أرض الملعب يا معلم

إنتوا متخيلين طابور طويلللللللللللللللللل جداً .. انا مثلاً دايرتي مدينة نصر .. مثلاً يعني .. واللي ورايا من أسيوط ودايرتة مش عارف فين داخل أسيوط ... واللي وراه من الشرقية ودايرته الزقازيق ...

وعيش يا أبو أشرف على ما تطلع ورق المدينة ثم الدايرة ثم قوايم الففردي و أخر للقايمة .... وأحسب الوقت بقى

على سبيل المثال لا الحصر .. عرفت من يومين إن دائرتي وهي فيها بيت العيلة واللي انا ما غيرتش عنواني من زمان على حسب إقامتي .. يعني بطاقتي بقى لها سنين طويلة بنفس العنوان .. تخيلوا أيها السادة إن نازل فيها ( 170 شخص ) على المقعد الفردي ؟ يا بوووووووووووي ... ده غير ما لا يقل عن 5 قوائم بالمستريح كده وكل قايمة نقول فيها 10 أشخاص .. يا حلاوته يا جماله

عيشوا بقى .. وانا متعلم وبأعرف أفك الخط يعني ممكن أختار بسرعة .. نقول على ما افكر وأتمطع وأتفرد واتاوب . اخد لي 10 دقايق ....

واهو انا من القاهرة أهو

ما بالنا من سكان الأقاليم ... وما بالنا باللي تعليمهم على قدهم واللي ما يعرفش دايرته حتى لو كان حد سجل له على النت

لإن لو في مصر الموضوع معروف ... سكان مصر الجديدة أو مدينة نصر مثلاً .. بيروحوا اللجان الإنتخابية بتاعتهم ... والعملية معروف أولها من أخرها

اما إحنا كمغتربين فهايكون كله خلطبيطة فوق بعضة وأبو اسوان مع أبو سمبل مع أبو كبير .. وأديها يا معلم

وعاوز اتكلم عن الثقة المفقودة في كل ما يخص النظام القديم ... والسفارات ووزارة الخارجية عز الفلول بصراحة

فإيش ضمنني إن الصناديق ما تتبدلش في قرية البضايع مثلاً هههههههه

او فلول السفارة يلبعوا لعبة الصناديق الموسيقية ويبدلوا ويغيروا فيها

وحتى لما توصل مصر ... هاتتفرز فين وإمتى ؟ وكيف سيتم إعلان النتيجة النهائية للفردي على الأقل .. لإني عرفت إن القوائم كلها هاتعلن مع بعضها في النهاية بعد إنتهاء جميع مراحل الإنتخابات البرلمانية

الموضوع كبير ومحتاج تحرك سريع وحلول غير تقليدية وتطمينات وضمانات للناس المغتربين اللي عاشوا أيتام سنين طويلة ودي اول مره يشوفوا فيها صندوق وياخدوها بالحضن .. أنا شخصياً هاخده معايا البيت وأنا مروح أملي عيني منه وهافك القزاز بتاعه أعمله حوض سمك

لأني جيت الدنيا مل لقيتش ماما .. قصدي عُمري ما أنتخبت أيام المخلوع لأني كنت عارف إنه حريص على مصلحتي وبينتخب بدالي على اساس إن مصلحتك أولاً

وبالتالي المرة دي هابطح نفسي عليهم ومش هاتنازل عن حقي ولو فيها موتي

لأني عاوز لما اموت اموت صح مش عشان حاجه فيها فلول ولا تزوير إرادة ولا كلام فاضي من ده

[Ahmed Anwer]

الأخ سي السيد

النهاردة كنت بتكلم مع ناشط سياسي في الموضوع ده

فقالي إن الجالية المصرية في السعودية خاطبت السلطات السعودية

و طلبوا يوفرولهم أماكن للتصويت عشان طبعا هما سفارة و قنصلية في كل السعودية

السلطات السعودية رحبت

و كمان رغم إن الجالية عرضت إنها اللي تدفع الإيجار ، السلطات السعودية قالت لأ و عيب عليكم كده كله علي حساب صاحب المحل ،،

المشكلة إن كان قاعد معانا أخ مسيحي

كان زعلان أووي و مؤمن إن الجالية المصرية في السعودية و الخليج سلفيين

و بالتالي جت علي دماغهم

قعدت اشرحله إنهم ناس عاديين زينا ما استوعبشي

قولتله يا عم طب مابالمثل عندك كتلة كبيرة دخلت المعمة اللي هما اقباط المهجر

قالي اللي عايش في اوروبا و أمريكا و كندا ده بيبقي خلاص عدي الفقر و عايش في الجاتوه

مش هيشغل باله بالعك اللي عندنا

[se_ Elsyed]

هههههههههههههههه

طب نقول اللي عايش في السعودية ممكن يتأثر بالحركة السلفية

طب بتوع دُبي .. والبحرين ...مثلاً يعني لو إتأثروا بالجو اللي حواليهم . هاتبقى كارثة

لأن اللي عاش هنك بالتأكيد هايتأثر بالحركة الروسية - أنا اقصد الثورة البلشفية ... ما حدش ظنه يروح لبعيد مش عاوزين مشاكل مع الرقابة - هههههههههههه

لأ طبعاً .... قوله نام واطمن يا بني ... كل واحد عقله في راسه يعرف خلاصه ... وبعدين لو العشرة مليون اللي بره مصر سلفيين ... طب هو ده عيب ؟

دي لعبة انتخابية . وكل اللي داخل اللعبة لازم يرضى بقواعدها ونتائجها .. وإلا ما يلعبش من الاول

عامةً .. أنا هاعتبر الإنتخابات البرلمانية دي بداية التجربة .. ومعركة حقيقية لتلافي أي أخطاء قادمة

انا شخصياً مش مقتنع وقولتها كذا مرة بمشاركة المغتربين في الإنتخابات البرلمانية لاننا ما نعرفش الناخبين ولا خدنا قزازة زيت .. قصدي ولا سمعنا برامجهم ... ولا نعرف أساميهم حتى يا جدعان يبقى هاروح أنتخب عمياني ولا أتصل بمصر باللي هناك وأقول لهم غششوني وقولوا لي انتخب مين يا عيال

[Ahmed Anwer]

لا ما حضرتك لو مدينة نصر

متقلقشي خالص ،،

هأغششك تنتخب مين

أساسا مدينة نصر الخيارات فيه كتير أوووي تحير

عشان تتخيل مقعد الفئات بس عليه 105 مرشح

القوائم تقريبا 27 قائمة بس مش متأكد من الرقم

تم تعديل 6 نوفمبر 2011 بواسطة Ahmed Anwer

[Damo]

مينفعش حد معاه باسبور مصري يبقى معهوش رقم قومي

أنا اعتقد قصدهم على الرقم القومي ذات نفسه مش ضروري الكارنيه.

من كام يوم كانت البعثة اللي بطلع كارنيهات هنا في تورونتو وقعدوا حوالي 3 ايام بس طبعا ولا عرفت أعمل حاجة عشان كنت غرقانة امتحانات ومش فاضية اترجملهم واوثقلهم المستندات المطلوبه

على حد علمي هما دلوقتي في واشنطن

[ام سلمي]

وعاوز اتكلم عن الثقة المفقودة في كل ما يخص النظام القديم ... والسفارات ووزارة الخارجية عز الفلول بصراحة

فإيش ضمنني إن الصناديق ما تتبدلش في قرية البضايع مثلاً هههههههه

او فلول السفارة يلبعوا لعبة الصناديق الموسيقية ويبدلوا ويغيروا فيها

موضوع تبديل الصناديق ده قالقني جدا من ساعة ما عرفت انهم حيسمحوا لنا ننتخب خاصة ان مش حيبقي في اشراف قضائي ، وكنت قريت ان المسئولين في السفارة حيبلغوا النتايج للمسئولين في مصر يعني مش حيبقي في نقل صناديق النتايج حتتفرز في كل بلد ،

الحل لموضوع الصناديق ان لازم يكون في لجان شعبية للمراقبة خاصة في المناطق اللي فيها مصريين كتير هل يا تري القوي السياسية في مصر حتقدر تتولي الموضوع ده ؟

تم تعديل 6 نوفمبر 2011 بواسطة ام سلمي

[se_ Elsyed]

الخارجية واقعة في حيص بيص

عملوا بيان النهاردة .. تحس إن واحده عاجزة هي اللي قايلة الكلام ده ... على القناة الاولى المصرية ... ومنها إن هناك صعوبات كثيرة تواجه العملية الإنتخابية ... من ضمن هذه الصعوبات إن هناك مقار للسفارات عبارة عن شقة في بناية سكنية ... طب الناس هايروحوا ينتخبوا في المطبخ بقى ولا في اوضة الجلوس ؟

ومنها أفتقار كل البعثات الدبلوماسية للخبرات الإنتخابية .... ونقص العدد الكافي للإشراف على الصناديق ... ولو فكروا يبعثوا بعثات دبلوماسية إضافية .. ففي تأشيرات لبعض الدول بتاخد أقل حاجه 15 يوم .. حتى الحصول على تصاريح لازمه لتأجير اماكن في بعض تلك الدول بتاخد أيام طويلة عشان يتوافق عليها

يعني من الأخر كركبوا لنا شوية حاجات دلوقت كده من الاخر سودت الدنيا في وشنا

بس اللي فهمته وأتأكدت منه إن الفرز هايتم داخل القنصليات من البعثات الدبلوماسية .... قشطة خالص

[ابراهيم عبد العزيز]

الخارجية واقعة في حيص بيص

عملوا بيان النهاردة .. تحس إن واحده عاجزة هي اللي قايلة الكلام ده ... على القناة الاولى المصرية ... ومنها إن هناك صعوبات كثيرة تواجه العملية الإنتخابية ... من ضمن هذه الصعوبات إن هناك مقار للسفارات عبارة عن شقة في بناية سكنية ... طب الناس هايروحوا ينتخبوا في المطبخ بقى ولا في اوضة الجلوس ؟

ومنها أفتقار كل البعثات الدبلوماسية للخبرات الإنتخابية .... ونقص العدد الكافي للإشراف على الصناديق ... ولو فكروا يبعثوا بعثات دبلوماسية إضافية .. ففي تأشيرات لبعض الدول بتاخد أقل حاجه 15 يوم .. حتى الحصول على تصاريح لازمه لتأجير اماكن في بعض تلك الدول بتاخد أيام طويلة عشان يتوافق عليها

يعني من الأخر كركبوا لنا شوية حاجات دلوقت كده من الاخر سودت الدنيا في وشنا

بس اللي فهمته وأتأكدت منه إن الفرز هايتم داخل القنصليات من البعثات الدبلوماسية .... قشطة خالص

في الحقيقة كلام غير مفهوم بالمرة ما ورد في بيان الخارجية

فمن يرى العقبات التي عرضتها الحكومة لتصويت المغتربين المصرين في الإنتخابات مثل ضيق مساحة بعض القنصليات أو ضيق الوقت للحصول على التأشيرات للبعثات التي ستسافر من مصر للاشراف على العملية الإنتخابية يتصور كما لو كان موضوع تصويت المغتربين ظهر فجأة هكذا !! وكما لو أن الحكومة علمت بالصدفة أن هناك إنتخابات برلمانية مطلوب عقدها !

بصراحة كلها عقبات لا يصح أبدا أن تتكلم فيها حكومة في أي دولة قبل بدء الإنتخابات بأيام !! والمفترض أن كل هذه الامور الصغيرة كان قد تم الإنتهاء منها تماما قبل بدء الإنتخابات بشهر على الأٌقل

[نورالعين]

الحكومة تسمح للمصريين في الخارج بتسجيل أسمائهم تمهيدا لاشتراكهم في الانتخابات

05 نوفمبر 2011 مـ Share416 مظاهرة سابقة للمصريين في لندن

عقدت اللجنة المعنية بتنفيذ عملية مشاركة المصريين بالخارج فى التصويت في الانتخابات اجتماعا اليوم برئاسة عصام شرف رئيس الوزراء وقررت السماح للمواطنين المصريين في الخارج بتسجيل أنفسهم بأستخدام الرقم القومي من خلال الانترنت.

وفيما يلي نص نتائج اجتماع اللجنة التي سيتم رفعها للجنة القضائية العليا للانتخابات:

1- يسمح بالتسجيل باستخدام الرقم القومى اعتبارا من يوم الخميس 2011/11/10 ولمدة اسبوع عبر الموقع الالكترونى للجنة العليا للانتخابات:elections2011.eg لكل المصريين المتواجدين في الخارج وسبق لهم استخراج رقم قومي صادر قبل يوم 27/9/2011 ، وهو موعد غلق التسجيل في قاعدة بيانات الناخبين بالنسبة للانتخابات البرلمانية المقبلة طبقا للقانون رقم 73 لسنة 1956 وتعديلاته والمعني بتنظيم الحقوق السياسية.

2- وسيتم الإعلان خلال مدة التسجيل عن آلية اجراءات التصويت وفقا للقواعد والتعديلات القانونية التي ستصدر من الجهة التشريعية ومن اللجنة العليا للانتخابات.

3- أما بالنسبة لمن صدر له أو سيصدر بطاقة رقم قومى بعد هذا التاريخ سوف يسمح له بالتسجيل فى قاعدة بيانات الناخبين. للتصويت فى الاستفتاءات والانتخابات العامة اللاحقة.

وسيترتب على التسجيل فى الخارج تغيير المقر الانتخابى من الداخل إلى الدولة المتواجد بها المواطن .

[amgadibrahim]

السلام عليكم

وكل عام وأنتم جميعا بألف خير

ليه يا جماعة احنا دايما بنحب نصعب الأمور على نفسنا؟

حاجة جميلة جدا اننا نوصل لمرحلة الاحساس بقيمة اصواتنا

لكن انا شايف ان تصويت المصريين في الخارج في انتخابات برلمانية

متعددة المرشحين واللجان والقوائم

في تجربة لأول مرة هتكون صعبة جدا ولا أعتقد انها لو تمت هتكون نتائجها ايجابية

بل ستفتح بابا من التشكيك بعد انتهاء الانتخابات

ليه نعمل زي اللي عايز يتعلم لغات نظرا لقيمتها العالية

فبدأ يتعلم انجليزي وفرنساوي والماني وايطالي في نفس الوقت علشان يبقى بيعرف اجادة كل اللغات

وطبعا النتيجة فشل ذريع في الكل

لكن لو بدأ واحدة واحدة أعتقد النتيجة هتكون أفضل

فليبدأ تصويت المصريين بالخارج في انتخابات الرئاسة

واهي هتكون اسهل واسرع لا دوائر انتخاية ولا آي حاجة

الفرد هيختار مرشحه اللي أكيد هيكون مختاره باقتناع وليس عشوائيا لمجرد المشاركة كما سيحدث في الانتخابات البرلمانية

وأعتقد ان الصعوبات اللي تم الاعلان عنها واللي تحدث عنها الأخوة الأعضاء بالمنتدى ستجعل التصويت في الانتخابات البرلمانية القادمة في غاية الصعوبة

وربنا يكتب الخير لبلدنا في الأيام القادمة اللي أنا شخصيا قلقان جدا منها أكتر من أيام الثورة

[عبد الله غريب]

مينفعش حد معاه باسبور مصري يبقى معهوش رقم قومي

أنا اعتقد قصدهم على الرقم القومي ذات نفسه مش ضروري الكارنيه.

من كام يوم كانت البعثة اللي بطلع كارنيهات هنا في تورونتو وقعدوا حوالي 3 ايام بس طبعا ولا عرفت أعمل حاجة عشان كنت غرقانة امتحانات ومش فاضية اترجملهم واوثقلهم المستندات المطلوبه

على حد علمي هما دلوقتي في واشنطن

شكراً يا دامو على المعلومة .. ربنا يطمنك ،

يعني طالما معايا جواز سفر .. يبقى لازم في المقابل يكون ليا رقم قومي مسجل في مكان ما في أحد قواعد بيانات الحكومة المصرية،

طب اللي ما يعرفشي رقمه القومي المقابل لرقم جواز سفره .. و بفرض وجود قاعدة بيانات ممكن يتم استعلامها لمعرفة الرقم القومي بمعلومية رقم جواز السفر (أو بمعلومية الاسم الرباعي مثلاً) ، هل في حد عارف موقع إلكتروني (بدون الحاجة للذهاب للقنصلية أو للسفارة) أو ما شابه لاستعلامه عن الرقم القومي بمعلومية رقم جواز السفر؟