هل يقبلوني للهجره؟

[Mohamed shaheen]

ان خريج تجاره انجليزي بس عمري ما اشتغلت فيها، بشتغل مدير مبيعات إقليمي في السعوديه وكل خبرتي ال 10 سنين في المبيعات، نفسي أهاجر كندا و متزوج والانجليزي عندي ممتاز، بس في موقع استشارات مجاني قالي مش هيقبلوني علشان وظيفتي مش مطلوبة هناك، انا كنت هقدم فيدرال !

تفتكروا فعلا مقدمش و أوفر فلوسي علشان وهما مش هيقبلوني؟؟؟؟

اعمل اه؟؟؟؟؟؟

[Mohamed shaheen]

انا أسف نسيت اقول لكم كل سنه و انت بخير وسعاده يارب دائماً.

[MZohairy]

لو وظيفتك مش موجوده يبقى قدم كيبيك

بس لازم فرنساوي

[ViralMind]

فعلا زى ما زوهيرى قال بالظبط..

قدم على كيبك, خصوصا انهم بيحضروا قانون جديد دلوقتى.. لانهم بيقبلوا كل الوظايف, لكن بعد كده هتكون وظايف محددة زى الفيدرال و ان كنت اعتقد انها هتكون اوسع فى النطاق.

[Mohamed shaheen]

شكرًا جداً علي ردكم.

بس انا مبعرفش فرنساي علشان اقدم علي كيبك :-( يادوب اللي اخدناه بالمدرسة.

هوا انا أشوف فين بالظبط الوظائف المطلوبة في السيت بتاعهم؟

بردوا سمعت ان لو انا عندي وظيفه مقدمه ليا هناك عن طريقي، ممكن اتقبل.

شكوا جداً علي مساعداتكم.

[ViralMind]

كيبك ملهاش وظايف.. اى حد يقدر يقدم.

ممكن تتعلم فرنساوى.. ايه المشكلة؟

موضوع انك تروح على عقد عمل صعب جدا, و لازم تكون مؤهلاتك و خبرتك فوق العادة.. ده بالاضافة لان يكون ليك معارف هناك.

لان اصلا بعد ما بتروح هناك, مابتشتغلش بشهادتك... لكن بتعمل معادلة علشان تقدر تشتغل.

[Mohamed shaheen]

وانت طيب و بصحه وخير

[Mohamed shaheen]

يا جماعه اه رايكم لو قدمت باسم زوجتي فيدرال هي خريجه آداب انجليزي 2004 !!! تتقبل تفتكروا!! ولو قبلت ممكن لما نروح هيا متشتغلش وانا ادور علي شغل هناك؟

[ViralMind]

بص يا باشا..

انا بصراحة معرفش الوظايف اللى فى ليستة الفيدرال, بس استبعد انها تكون من ضمنها اداب انجليزى.. لان الموضوع ليه علاقة بالمهنة اكتر من المؤهل..

بمجرد ما توصلوا هناك, اى حد فيكم يقدر يشتغل.. كإنكم فى مصر بالظبط.. بس المشكلة هى ان المؤهلات بتاعتنا غير معترف بيها فى اغلب الوظايف, علشان كده بيتطلب عمل معادلة... او بتغير المجال.

لو مراتك تقدر تذاكر فرنساوى, و معاها خبرة فى اى مجال, تقدروا تقدموا كيبك برضه.

ممكن برضه تسافروا دراسة ماجستير و بعدين تقدموا على هجرة, بس ده مكلف شوية.

[cutey]

حد عنده فكرة يا جماعة لو انا قدمت كييك مقدم رئيسي عشان درجاتي اكتر .. وجينا في المقابلة كان جوزي مستواه مثلا احسن مني في الفرنساوي ... دي تبقا مشكلة ؟؟

ولا لازم المقدم الرئيسي هو اللي يكون مستواه مقبول في الفرنساوي ؟؟؟

[ViralMind]

ايون يا افندم.. لازم المقدم الرئيسى يكون هو صاحب المستوى الاعلى.. اما التابع, فدرجاته فى اللغة بتبقى درجتين بس او 3 بالكتير.. و هما سؤالين و رد غطاهم.

لو انتوا لسه مقدمتوش.. شوفوا مين اللى هيعرف يسد فى المقابلة و يبقى هو المقدم الرئيسى..

و لو عايزانى احسب لك درجاتك فى الحالتين, انا تحت امرك.. و ان كنت اعتقد انها مش هتفرق كتير الا لو كان فيه حد منكم معاه مؤهل من المؤهلات المفضلة, زى الطب و التمريض و المحاسبة, الخ الخ الخ..

[Mohamed shaheen]

طيب فيرال ميند، اعرف منين المؤهلات المفضله او المهن المفضله. معلش تاعبينك معانا.

[cutey]

شكرا يا ڤيرال على ردك السريع :)

وهستأذنك تحسبلي الدرجات

انا

30 سنة

ماجستير فنون جميلة + دبلومة تربية فنية

7 سنوات خبرة من الحكومة ( شهادة الخبرة بتاعتي مكتوب فيها مهام العمل وتاريخ إلتحاقي بالعمل إلى تاريخ حصولي على اجازة بدون مرتب 2010) لكن مش مكتوب فيها ساعات العمل اسبوعيا ولا الراتب السنوي

بس انا كنت بشتغل فول تايم طبعا( مش عارفة بقا فيها مشكلة دي ولا لأ)

مستوايا في الفرنساوي زيرو

الانجليزي فوق المتوسط

عندنا بيبي عنده ست شهور

زوجي

28 سنة

بكالوريوس طب بيطري 2006

خيرة سنتين ونص مندوب أدوية من شركة مالتي ناشيونال ( بس شهادتها بدون أختام .. بس متهيألي ممكن يجيب شهادة من التأمينات بيهم)

هو اشتغل اكتر من كدا طبعا في شركات تانية لكن للأسف ماينفعش يجيب منهم شهادات خبرة

الفرنساوي زيرو برده

انجليزي مستوى متقدم

شكرا يا ڤيرال على ذوقك بجد :) 

[ViralMind]

طيب فيرال ميند، اعرف منين المؤهلات المفضله او المهن المفضله. معلش تاعبينك معانا.

دى ليستة الوظايف المفضلة..

http://www.immigration-quebec.gouv.qc.ca/publications/fr/divers/liste-formation.pdf

هى بالفرنساوى.. هحاول اجيب لك النسخة الانجليزى.

فكرة الوظايف المفضلة انها بتديك نقط اضافية, و المفروض ان مقابلتك بتيجى اسرع.. لكن فى المجمل, اى حد يقدر يقدم بغض النظر عن وظيفته.

[ViralMind]

كيوتى هانم..

المشكلة ان الخبرة ليها دور مهم..

انا اعتقد ان الطب البيطرى من المؤهلات اللى عليها درجات اضافية, بس انتى معاكى ماجستير.. فده هيعوض.. لانك بتاخدى عالماجستير نقطة او نقطتين زيادة..

هدور لك على الملف بتاع تجميع النقاط و اجمع لك نقطك, بس شهادة الخبرة مهمة جدا.. و انتى كنتى شغالة فى الحكومة, يعنى ختم النسر.. يعنى اجدع ناس.. و هما بيتخضوا من ختم النسر الحقيقة :closedeyes:

[cutey]

هههههههههه حلوة بيتخضوا من ختم النسر دي :)

شكرا يا ڤيرال ربنا يكرمك

بس زوجي على فكرة ماشتغلش في الطب البيطري خالص وسنة تخرجه كدا اكتر من خمس سنين .. يعني متهيألي مايتحسبلوش درجة المفضلة ... ولا ايه؟؟؟؟؟

هو حضرتك بتعرف فرنساوي يا ڤيرال ؟؟

اصل انا ميح بصراحة ... ممكن لو مفيهاش رزالة .. تقولي هي فنون جميلة عليها كم درجة في المهن المفضلة ؟؟

[Mohamed shaheen]

ڤيرال ميند أنتا جامد جداً وخدوم أوي :-) شكرًا جداً جداً جداً و ربنا يكرمك.

[Mohamed shaheen]

بس هوا شهادات الخبره لازم تكون مختومه من الشركه؟ اما قرأت مكتوب بس فيها العنوان والرقام واسمها !!!!!

كمان شهاده التخرج من الكليه مطلوبة بس موش مطلوب شهاده الثانويه العامه، صح؟؟؟

[ViralMind]

شهادة الثانوية مطلوبة.. و سهل انك تجيبها, بتاخدها فى نفس اليوم..

طبعا شهادات الخبرة لازم تكون مختومة من الشركة و معمولة على ورقة عليها لوجو الشركة و رقم التليفون و العنوان.. زى اى ورق بتاع اى شركة.. و لو فيه تأمينات, هتدعم موقفك جامد و هتبقى فى السليم.

انا بدور حاليا على الملف بتاع جمع الدرجات.. و هحط الطريقة ان شاء الله و الدرجة المطلوبة للنجاح.

[Mohamed shaheen]

هو الموضوع ان انا في السعوديه و شهاده الثانويه في مصر بس انشاء الله خير.