ممكن حد يقول لنا بالصلاة على النبى كده تمويل الناس دى منين

[متعب]

هيييييييه دنيا .. وكله سلف واخوان

حد يعرف بقى بالصلاة على النبى كده تمويل الناس منين ومين ال بيمولهم وحملات الشاى والسكر والسمنه الروابى والهانم والذى منه

مع لسان العصفور مع كوكتيل اعمال خيريه بحته

وهل هيستمروا على ده ولا على ما يخلص مولد الست نظيرة

وياترى كانت فين الاعمال الخيريه دى من زمن الزمن وياريت بلاش الهبل ال فى الجبل بتاع امن الدوله كان مانع الخيرات دى للشعب

باعتبارها مواد مسرطنه او بتضر بالامن العام او يمكن كان منعها على اساس ان دى متفجرات او صواريخ اسكود هتتفجر فى المجتمع المصرى

وبعيدا برده عن التبرعات الشخصيه للجماعه وبيلموا من كل واحد من اعضاء الجماعه عشرة عشرين جنيه

لان المبالغ دى مش هتجيب حتى حلويات الحفله الواحده ال بتعدى ال 100 الف جنيه بس حلويات لزوم الضيوف الحاضرين من البشوات

ولا حتى هتجيب ايجار الليله الواحد فى الفنادق الخمس نجومال بيتم فيها الحفلات دى . ولما نتكلم فى 100 الف جنيه حلويات يبقى بلا تبزير بلا اخوان شياطين ونفض بقى

السلفين معروف منين تمويلهم . من العلم ال كانوا رافعينه فى التحرير وفضلوا رفعه بدل العلم المصرى . انتماء بقه

انا عمرى ماشفت واحد فيهم بيشتغل على تكسى مثلا او بيطلع طوب ولا رمل الدور الرابع ولا شغال ورى بنى .أو خرسانه ولا الخرسانه دى اتخصصت للصعيده . فاعل يعنى

من اول ما بيربى السكسوكه بيطلعله الفانوس السحرى . فجأة تلاقى المشروع اتفتح ومحل الملابس نور والعبايات على كل شكل وكل لون يابطسطه ده غير تشكيله هايله من التحجيبات والذى منه . او معارض سيارات فاخمه او محلات من بتوع الكمبيوترمع احدث تقنيات العصرعلى اعلى مستوى تكنولجى وغيره وغيره وغيره

يبقى المطلوب من الدواسه يعنى . نجيب من البدرون ونقول تمويل الاخوان منين

وحد يقول لنا بالمرة على سر واطيعوا الله والرسول والمرشد العام

بس سايق عليكم النبى تحترموا عقلى

وأهى دنيا . وكله سلف واخوان

[Abu Reem]

بس سايق عليكم النبى تحترموا عقلى

وأهى دنيا . وكله سلف واخوان

ياعم الباز افندي

يعني احترمت عقل حد علشان عاوز الناس تحترم عقلك

بعد كلام الاسطوانات المشروخة ده

وبعد الناس اللي بتتكلم عنهم دول فيهم الكويس وفيهم الوحش

وفيهم ناس كتير اكثر علما مني ومنك واصحاب اعمال وتجارة وشركات يعني معندهمش مشكلة فلوس

رغم انهم ما بيقبضوش ملايين زي علمانيي الاعلام والصحافة اللي بياخدوا ملايين

وان كان اصحاب العلم اللي رفع في التحرير بيمولوهم علي الاقل احسن من اللي بيتم تمويلهم من البيت الابيض

واللي متغاظ منهم يعمل احسن منهم بدل ما يموتوا من الغيظ هههه

[ViralMind]

طيب انا عايز افهم منك الاول قواعد اللعبة يا باز افندى.. و بعدين هقدر اجاوبك.

هل كل من يحصل على تمويل هو اجنبى و فكره باطل و يعتبر صاحب اجندة خفية؟ بغض النظر عن مصدر التمويل او عن الفكر اللذى يتم تقديمه؟

جاوب عالسؤال ده و بعدين اقول لك..

[متعب]

بس سايق عليكم النبى تحترموا عقلى

وأهى دنيا . وكله سلف واخوان

ياعم الباز افندي

يعني احترمت عقل حد علشان عاوز الناس تحترم عقلك

بعد كلام الاسطوانات المشروخة ده

وبعد الناس اللي بتتكلم عنهم دول فيهم الكويس وفيهم الوحش

وفيهم ناس كتير اكثر علما مني ومنك واصحاب اعمال وتجارة وشركات يعني معندهمش مشكلة فلوس

رغم انهم ما بيقبضوش ملايين زي علمانيي الاعلام والصحافة اللي بياخدوا ملايين

وان كان اصحاب العلم اللي رفع في التحرير بيمولوهم علي الاقل احسن من اللي بيتم تمويلهم من البيت الابيض

واللي متغاظ منهم يعمل احسن منهم بدل ما يموتوا من الغيظ هههه

يعنى متعرفشى مصدر التمويل ولا عارف ومدكن

طيب عموما ده تعليق من احد الشباب على الفيس بوك

عجبنى قوى . بس ياترى هيعجبك . ولا مش هتغير موتوا بغيظكم دى

قى كمان القافله نسير والشويه الشعر الباقيين دول

مدنية لا إخوانية ولا سلفية

ازاى انتخبك وانت كارهنى

وانت دايما بتكفرنى

لما الاقيك... فى الشدة بعيد

وفى وقت الفرحة تزورنى

------

حزب النور وانت ظلام

وكلامك ده اى كلام

بترشح نفسك دلوقت

بعد ما كانت الثورة حرام

ازاى بس اديلك صوتى

يا شايف تاريخى اصنام

==

حرمت الخروج ع الحاكم

وقت ما كنا فى الميدان

كنا بنطلع نيجبلك حقك

قلت علينا بنى علمان

مش هامك غير مصلحتك

لا كرامة ولا حقوق انسان

===

المرأة فى عيونكم جارية

وصوتنا بقى صدقة جارية

ديموقراطية كانت كفر وشر

دلوقت بقت حاجة عادية

------

انا مسلم غصب عنكم

مسلم من قبل ما شافوكم

مسلم من غير ماعرفكم

من غير شيخكم اوحكومتكم

٠٠٠٠٠٠٠

انا مسلم وف اى مكان

ف مصر وتونس او اذربيجان

مش مستنى حكومة اسلامية

عشان ابقى صحيح انسان

عشان يكون فى قلبى ايمان

[متعب]

طيب انا عايز افهم منك الاول قواعد اللعبة يا باز افندى.. و بعدين هقدر اجاوبك.

هل كل من يحصل على تمويل هو اجنبى و فكره باطل و يعتبر صاحب اجندة خفية؟ بغض النظر عن مصدر التمويل او عن الفكر اللذى يتم تقديمه؟

جاوب عالسؤال ده و بعدين اقول لك..

بجد هتجاوبنى

دنته تبقى عشرة على عشرة

يعنى عارف فعلا دول بيتمولوا منين !!

اولا التمويل الاجنبى ده لاى فئه ايا ان كانت ده معناه انه ينفذ المطلوب منه لانهم مش هيدوله عشقا فيه

فسيان بقه 6 او 7 ابريل او اخوان او سلفيين بيتم تمويلهم مش هتفرق . يبقى احنا بنتعامل مع ناس مأجورة

وفى الحاله دى يبقى نستمع لنداء احمد فؤاد من اروبا ال بيطالب فيه بسقوط نظام يوليو الخائن ورجوعها ملكيه

قولى بقه منين تمويل الاخوان

[se_ Elsyed]

انا ملاحظ يا باز أفندي إن هدفك في الدنيا هو مهاجمهة التاير الإسلامي سواء إخوان أو سلفيين فقط ...

طب ده ينفع ؟

وعمرك ما أتكلمت مثلاً عن إتجهاك السياسي أو إنت هدفك إيه ؟

ما تقوليش بقى إن إنت مبعوث العناية الألهية للهجوم عليهم وخلاص

[Abu Reem]

اولا التمويل الاجنبى ده لاى فئه ايا ان كانت ده معناه انه ينفذ المطلوب منه لانهم مش هيدوله عشقا فيه

شوف ياعزيزي

اولا. اتمنى منك ان تكون من اصحاب المواضيع الهادفة او الصادقة او حتى التي تحترم عقول الاخرين كما تقول

وذلك لكي تستطيع ان تجد محاور يشارك في مواضيعك او يعقب علي ردودك

اما نغمة السخرية والمواضيع المثيرة المفتعلة او الاستفزازية فاصبحت مكشوفة. واصبح اصحابها يفتحون مواضيع ولا يجدوا من يحاورهم الا القلة من اصحاب نفس التفكير

- بالنسبة لتعقيبي علي الاقتباس من مداخلتك اعلاه ، هاقول لك افرض ...وخد بالك اني اقول افرض ...اذا كان هناك تمويل من اي دولة خليجية اسلامية تمول السلفيين وذلك بغرض تطبيق منهج او اجندة... فاهلا وسهلا بمن يمول بغرض تطبيق الشريعة واعلاء كلمة الاسلام ، وذلك عملا بمبدأ التعاون علي البر والتقوى

- اما اصحاب التمويل الذي يأتي من العم سام فاظن ان عمره ما هيكون لتنفيذ غرض شريف أو يصب في مصلحة بلد فيها 80 مليون مسلم تقريبا

وفي النهاية سوء التطبيق او اختلاف المفاهيم عند بعض السلفيين من الممكن اصلاحه وتقييمه بدلا من النقد السلبي المستمر الذي يهدم ولا يبني ، خاصة وانهم اناس غرضهم طيب في النهاية

وعلي اي حال لو احنا مش عاوزينهم ينشغلوا بالسياسة لكن علي الاقل نستطيع استغلالهم كطاقة ايجابية من الممكن الاستفادة منها بدلا من سبهم والاستهزاء بهم وكأنهم اعدائنا وعاوزين يحتلونا

[متعب]

انا ملاحظ يا باز أفندي إن هدفك في الدنيا هو مهاجمهة التاير الإسلامي سواء إخوان أو سلفيين فقط ...

طب ده ينفع ؟

وعمرك ما أتكلمت مثلاً عن إتجهاك السياسي أو إنت هدفك إيه ؟

ما تقوليش بقى إن إنت مبعوث العناية الألهية للهجوم عليهم وخلاص

جميل جدا كلامك على فكرة

انامش مبعوث العنايه الالهيه ولا حاجه وهو المبعوث للعنايه الالهيه بيتخصص كما قلت فى محاربه التيار الاسلامى فقط دون غيره يبقى ازاى مبعوث الهى

انا مصرى ومن حقى اخاف على بلدى من ايادى موتورة ايا ان كانت اذا كات تيارات دينيه او علمانيه او لبراليه وكل هذه المسميات التى ظهرت على السطح والتى جميعها تتاجر بالبلد لمصالحهم الشخصيه ليس الا ولم نرى منهم الا كل فساد

وهل من الممكن ان حد يجردنى من حقى كمصرى من خوفى على البلد كغيرى من الملايين المصرين الذين يحملون هموم بلدهم

انا مش عايش فى دور سعد سعد يحى سعد ولا احمد عرابى

انا مصرى ياخلق

وهحضر الانتخابات عشان الغرامه ال عملوها العسكر وزى زى الملايين ال قررت ده . انهم يشطبوا على كل القائمه لان مفيش حد فيهم جاء باراده شعبيه دول طالعين بتخطيط متأمر على ما تبقى من مصر واقسمت بالله لازم اشطب على القائمه ب أكملها

يبقى انا من الاخر مليش الى اتجاه سياسى منفرد بيه لفئه دون الاخرى او على حساب اخرى

اتجاهى السياسى انى مصرى . اذا كانت هذه جريمه فعاقبونى عليها

مصرى شايف مصر ال اتسرقت منذ انقلاب يوليو الى الان بعد ما كانت دوله عظمى وكانت الطلاينه واليونانيين بيشتغل عندنا والجنيه المصرى كان بيفوق الاسترلينى وكانت بريطانيا العظمى التى لاتغيب عنها الشمس كانت مديونه لينا كمصرين ومازالت الى الان وطرمخوا على الديون

انقلاب يعنى سرقه . سرقوا مصر وسموهم احرار . نظام خاين استولى على مصر وجردها من تاريخها واعتقل اولادها ورماهم فى السجون

ده غير الحروب ال جبوها للشعب والنكسات وموتوا ملايين فى الحروب من المصرين واهدار قيمه الجنيه ومازلوا على نفس النهج

ومن هنا انا بقول باعلى صوتى وهسمع الدنيا كلها وهصرخ لحد ما نفوق من كابوس العسكر ال كبس على نفسنا

هقول بكل قوة وباعلى صوت احنا اسفيييييييين يافارررررررررررررررروق

احنا اسفين يافاروق ورب الكعبه احنا اسفين يافاروق

يتبع

[se_ Elsyed]

بُص ..

مصطلحات فئات موتورة ... ومحظورة ... وتمويل أجنبي وما إلى ذلك

هي مصطلحات عفا عليها الزمن وكانت حجج فارغة من نظام فاسد بائد

لإن الورق كله مكشوف الان ... واللي له عند حد حاجه يقدم بلاغ أو يثبت بالدليل إن فلان او علان أو تيار معين بيتلقى معونات ولا مساعدات ولا متأمر .. وساعتها نتكلم

ومن حقك طبعاً تروح تشطب على قائمة الاخوان او السلفيين .... لكن هل مثل تلك التصرفات السلبية هي الحل من وجهة نظرك ؟ وهل هي من ستأتي ببرلمان محترم يُمثلنا ويعبر بحرية عن الإختيار الحر للأغلبية ؟

هقول بكل قوة وباعلى صوت احنا اسفيييييييين يافارررررررررررررررروق

احنا اسفين يافاروق ورب الكعبه احنا اسفين يافاروق

آه قولت لي بقى

يعني بديل العسكر او التيارات الدينية لازم يبقى حكم اجنبي .. وفاروق بقى والخديوي والكرباج وفلد خرسيس أدب سيس وإننا نرجع فلاحين بجلابيات زرقا ونتحرم من التعيلم ومن الحياة وكل وظيفتنا في الدنيا إننا نبقى شغالين في الوسية عند سعادة الباشا وياريت حتى بناخد أجرة .. لأ ده احنا بنشغل بلقمتنا في أرضنا وأرض أجدادنا .. أو نروح نشتغل في حفرر وتوسعة قناة السويس عشان الخديوي يخسر إمتيازها على ترابيزة القمار .

ده موضوع طويل قوي ... لكن من حقك أن تقف منفرداً دون الـ 85 مليون مصري وتنادي بعودة فاروق ... وهانروح بعيد ليه .. ما نرجع إبنه أحمد فؤاد أو أي حد من اللي موجودين عندنا وكانوا من العيلة المالكة

ياااااااااه شوف حتى اللفظ ... عيلة مالكة ... !!!!!!!!!!!! يعني بتملك كل حاجه وإحنا كمان نبقى مجرد شيء مملوك زينا زي أي رجل كرسي أو ترابيزة أه ما أحنا عبيد إحسانه .

يالله حصل خير

[متعب]

اعتقد فى البدايه قبل ما اطول الموضوع وافتحه على مصرعيه على اساس برده انى لااتهم انى بحى ذكرى فاروق او من اتباعه

لانه هيكون اتهام باطل ولانه ملوش حزب على الساحه . لان احنا عايشين اذهى عصور الاتهامات باشكالها والوانها

كل الحكايه

لما تعد مع نفسك كمصرى ابن مصرى وتراجع تاريخك هتحزن وممكن تبكى بجد على تاريخك ال اتسرق واتلفقك ومازالوا على النهج سائرين

اتكعبلت فى كتاب والكتاب ده مش موجود فى مصر ده جه تهريب من بره بيتكلم عن تاريخ مصر لانهم مانعينه من التداول عشان طمص الحقائق ويظل التاريخ مزور لحساب فئه مأجورة ومازال اتباعهم على العهد

الكتاب اسمه ( فاروق المفترى عليه ) لما تقارن ال موجود فى الكتاب على ارض الواقع يجيلك كده قيىء من الاحداث وتسلسلها

ياريت حد يكون عنده الكتاب ده او حتى يبحث عنه لان فشلت فى الحصول عليه الا انى لقيت مقاله فقط منه على النت

ثوانى اجيبها لحضراتكوا ونشوف الدنيا فيها ايه

[متعب]

الملك فاروق .. المفترى عليه

بقلم: انطونى ولسن

يقولون ان الناس على دين ملوكهم .. لكن المرحوم جلالة الملك فاروق كان على دين ومذهب وعقيدة كل المحيطين به ، بدء بوالده الملك احمد فؤاد ومربيته الانجليزية التى وضعت فى القصر الملكى لتخضعه منذ نعومة اظافره لاوامر الانجليز ، الى الحاشية المقربة اليه من رئيس الديوان الملكى الى الخادم الذى طردته امه الملكة نازلى وطلب منها ان تبقيه ليكون خادما مخلصا للمكل فاروق بل ايضا " الطلاينه " الذى كان يجد فاروق نفسه معهم منذ ان كان شابا فى سن المراهقة الى ان تولى العرش حتى تم استبعاده وخروجه من مصر فى 26 يوليو 1952 وذهب الى ايطاليا.

ولا يمكننا ان ننسى امه الملكة نازلى "وفاء عامر" التى ظلمها والده الملك فؤاد وكانت سجينة القصر ولمدة سبعة عشر سنه ولم تشعر بطعم الحرية والحياة إلا بعد موت زوجها فارادت ان تنهل من نبع تلك الحرية دون ان ترعى مصالح ابنها الذى اصبح ملكا على مصر، والذى حرمها زوجها من رعايته وتربيته . وهنا كانت تتضارب العواطف والهواجس بين حب ام لأبنها وحب ابن لأمه.

لم يعش فاروق محنة تطاحن الديانات والمذاهب والمعتقدات الدينية فهو مسلم ولم يتحول عن دينه وانما اقصد ما يريده المحيطون به ان يؤمن ويعتقد ليفعل.. ايضا صراع الحرية السياسية التى لا اعرف ان كانت تلك الحرية السياسية والتمسك بحرفية الدستور واقحامه فى كل شىء نقمة على مصر والسياسيين فى مصر والحكام أم نعمة لم يعرفوا كيف يتعاملون بها أو يحكمون. فكانت المذاهب والمعتقدات السياسية وتنوعها على الرغم من ان الشعب كان ولائه لسعد باشا زغلول مؤسس حزب الوفد الذى اعتبر حزب الأمة .. وقد تنازعت كل تلك المذاهب والملل السياسية ، فيما بينها تارة للوصول الى الحكم واخرى للوقوف فى وجه الملك فاروق الصبى الذى فجأة ولم يبلغ بعد سن الرشد عليه ان يتعامل مع هذا الخضم الهائل من الاراء والافكار والطرق والاساليب التى كانت تواجهه فى طفولته وصباه وشبابه... بل وحتى فى آخر ايام ولحظات بقائه ملكا على مصر والسودان كما كان يلقب فى تلك الفترة.

ولسوء حظه أنه بعد ان تولى الحكم بسنوات قليلة قامت الحرب العالمية الثانية بين الحلفاء انجلترا وفرنسا ثم بقية الدول الغربية وامريكا وروسيا بعد ذلك، والمحور المانيا وايطاليا وتمنى ان تنهزم انجلترا وتنتصر المانيا فيتم له تحقيق حلم جلاء الانجليز وهو الحلم الذى شارك فيه الشعب المصرى والحكومة المصرية.

وهنا نقول ان الملك فاروق الاول على الرغم من صغر سنه وكل التخبطات السياسية التى تحيط به مع رغبة السفير الانجليزى لومسون فى اخضاع الملك للقوة الانجليزية لأنه كان يعرف ان فاروق كان يكره الانجليز ويتعاون مع الالمان .. الا انه لم يكن خائنا لمصر وكان الشعب المصرى يحبه كما كان هو نفسه يحب الشعب المصرى.

فما هى قصة الملك فاروق المفترى عليه؟ كما اوضحتها الدكتورة لميس جابر فى المسلسل الذى شاهدناه على شاشات التليفزيون فى رمضان عام 2007 والذى حمل اسم " الملك فاروق " ومن اخراج السورى الاستاذ حاتم على ، وابدع الممثل السورى الاستاذ تيم حسن فى تجسيد هذه الشخصية .. شخصية الملك فاروق.

الدكتورة لميس جابر قدمت لنا عملا دراميا لاشك انه ازاح الغشاوة عن أعين الكثير من ابناء مصر والعالم العربى عن قصة وحية آخر ملوك مصر جلالة الملك فاروق الاول ملك مصر والسودان.

الانقلاب العسكرى الذى اطاح بعرش الملك لم يكن لا منصفا ولا صادقا فى سرد سيرة هذا الملك المفترى عليه.

اساؤا الى سمعته الشخصية .. جعلوا منه زير نساء ومقامر اول وخائن لمصر والعرب ولفقوا له مسألة الاسلحة الفاسدة التى قاتل بها الجنود المصريين فى فلسطين والصقوا به تهمة الخيانة.

جاء مسلسل " الملك فاروق " ليأخذ المصرى البسيط الذى يصدق كل ما يقال له وخاصة انه كلام السلطة العسكرية التى ظهرت بشكل المخلص للشعب المصرى من عائلة مالكة غير مصرية ولم تعمل اى شىء من أجل الشعب المصرى.

ويبدو ان الملك فاروق فى نهاية المسلسل وقبل مغادرته لمصر قال لصديقه حسنى باشا : لى عندك طلب يا حسنى .. انا عارف انهم حيقولوا على حاجات وحشة كتير ، ارجوك لو قدرت تكتب فى يوم من الايام ، اكتب الحقيقة اللى عشتها معايا بحلوها ومرها .."

الملك فاروق الابن الوحيد للملك احمد فؤاد وولى عهده انشأه والده نشأة تشوبها الشدة والصرامة حتى انه ضرب نفسه بالكرباج وهو مازال طفلا صغيرا.

مربيته الانجليزية كانت له بالمرصاد ترصد كل خطواته وتحركاته وتصرفاته.

امه الملكة نازلى تعيش سجينة والده ولا حق لها فى تربية ورعاية ابنها الوحيد فعاش فاروق محروم من حنان الام.

تولى حكم البلاد وهو صبى فى دور المراهقة وقد تم تشكيل مجلس وصايا من كل من الامير محمد على توفيق ( قام بهذا الدور الفنان النابغة لطفى لبيب ) وعزيز باشا والشريف صبرى عباس.

تسلم فاروق السلطة دستوريا عام 1937 تزوج فى عام 1938 الملكة فريدة وانجب منها بناته الثلاثة الاميرات فريال ، فوزيه وفادية وكان زواج مبنيا على الحب .. لكن لم يستمر طويلا .. هناك من قال انه بسبب عدم انجاب ولى العهد والبعض الآخر ارجح الطلاق الى حدة الملكة فريدة واعتزازها بنفسها وكرامتها فتم الطلاق فى عام 1949.

الملكة الام نازلى (وفاء عامر) ارادت ان تعوض ما فاتها من حياة فوقعت فى حب رئيس الديوان احمد حسين باشا "عزت ابو عوف" الذى نفذ وصية الملك فؤاد له برعاية مصالح ابنه فؤاد.

فاروق يريد طرد الانجليز ويميل الى الالمان رمز القوة والصلابة فى اثناء الحرب العالمية الثانية فكان يراسلهم فى الخفاء لكن الانجليز كانوا له بالمرصاد.

دستور 1923 كان له تأثير قوى على السياسيين المصريين فى ذلك الوقت وقد تمسك به مصطفى النحاس باشا الوريث الشرعى لحزب الوفد الذى يعتبر حزب الامة.

ليرضى فاروق نزوات امه طلب من حسنين باشا ان يتزوجها ولو زواجا عرفيا حتى تهدأ الشائعات وتهدأ امه ايضا فيتم ذلك ويطلق زوجته التى ظل يحبها حتى نهاية عمره.

حسنين باشا الذى اخلص للملك فاروق كان دائما "حلال العقد" التى تواجه الملك حتى اوقع الفتنة بين قطبى حزب الوفد النحاس باشا ومكرم مجيد باشا.

تخاصم الاثنان واخذ يكيل كل منهما للآخر ولكننا لم نسمع رغم شدة الخصام اى اشارة الى الناحية الدينية.

لم يقل مكرم عبيد انه يفعل ذلك لأنهم اضطهدوه لأنه مسيحى ولم يقل النحاس باشا ان مكرم عبيد مسيحى خائن.

ذهب مكرم عبيد للتعزية فى وفاة صبرى باشا ابو علم وكان النحاس باشا موجودا فى السرادق فتوجه اليه مكرم عبيد باشا "هادى الجيار" وامسك بيده وقال للحضور مات صبرى ابو علم ، اما حب وصداقة واخلاص مكرم للنحاس فانها لن تموت ابدا" – مسلسل الملك فاروق صحح الكثير من المفاهيم الخاطئة فى افئدة وعقول الناس.

الملك فاروق عاش ماساة حقيقية سواء فى طفولته او صباه وهو يملك ويحكم السياسيون وعلى رأسهم النحاس باشا " صلاح عبدالله" كانوا له بالمرصاد وعلى ماهر " نبيل الحلفاوى " يدير ويوجه الملك للوقيعة مع النحاس. ويمكننى ان اطلق عليه ثعلب السياسة المصرية فى تلك الفترة.

يتزوج الملك فاروق فى يناير/ كانون الثانى 1951 من نورا – ناريمان صادق والتى اخذت لقب الملكة ناريمان.

انجب منها ولى العهد احمد فؤاد الثانى فى 16 يناير/ كانون الثانى عام 1952.

وقبل ان نأتى الى نهاية المسلسل احب ان اشير الى ان الدكتورة لميس جابر لم تنس دور الاخوان المسلمين فى تلك الفترة الزمنية ومحاولاتهم فى التأثير على مجريات امور البلاد واتهامهم باغتيال النقراشى باشا الذى اصر على القاء القبض عليهم فاغتالوه.

وقد أدان مصطفى النحاس باشا وبشدة ذلك العمل موجها اتهاما صريحا للجماعة باغتيال النقراشى باشا.

اعود الى نهاية المسلسل حيث تتأزم الامور السياسية فى مصر فتعين وزراة ثم تقال، وتعين وزارة اخرى وتقال وهكذا بداية النهاية نتتبعها فى النقاط اتالية:

*يعلن النحاس باشا الغاء معاهدة 1936 مع انجلترا ومطالبته بسحب القوات الانجليزية من القنال. وطالب العمال المصريين بتركهم للعمل مع الانجليز ووعد بتشغيلهم.

*تعيين حافظ عفيفى رئيسا للديوان واعترض النحاس باشا على التعيين.

*اضرابات شعبية تطال باسقاط عفيفى وهتافات ليسقط فاروق عميل الانجليز ومما جاء فى الهتافات .. من لا يحمى امه لا يحمى أمة .. يا فاروق يا انتيكا هات امك من امريكا.

*زلادة ولى العهد احمد فؤاد الثانى يوم الاربعاء 12 يناير/ كانون الثانى 1952.

*يوم 25 يناير 1952 مذبحة الشرطة فى الاسماعيلية ومقتل 80 شهيدا وحوالى 50 جريحا.

*حريق القاهرة يوم 26 يناير 1952 والخسائر التى نجمت حوالى 300 محل ومتجر وشركة و13 اوتيل منها شبرد و40 سينما واكثر من 70 قهوة ومطعم وصالة و16 نادى و26 قتلى منهم 13 من بنك باركليز والمصابون بجروح وحروق يزيد عددهم عن 500.

*انطلقت بداية شرارة تحرك الضباط الاحرار "الاشرار" عند انتخاب الضباط محمد نجيب رئيسا لنادى الضباط وسقوط سرى عامر رجل الملك مما اغضب الملك.

يحاول حيدر باشا رئيس اركان حرب الجيش المصرى التقليل من اهمية هؤلاء الضباط مما يجعلنا الآن نتساءل هل حيدر باشا كان مع الضباط وقت ذلك؟.. وهل هو بالفعل الذى قال للملك ليلة الانقلاب "كله تمام" وايضا هل كان فعلا خال عبد الحكيم عامر مما اضعف من شخصية جمال عبد الناصر امام عبد الحكيم عامر الذى اصبح له النفوذ الاول على الجيش المصرى بعد الانقلاب المشؤوم؟؟؟

*يعلن انور السادات بتولى القوات المسلحة امور البلاد يوم الثلاثاء 23يوليو 1952.

*تنازل الملك فاروق عن العرش لأبنه الملك احمد فؤاد الثانى وفى تمام الساعة 6,20مساء يوم الجمعة 26 يوليو/تموز 1952 غادر الملك فاروق وزوجته الملكة ناريمان وابنه احمد فؤاد الذى اصبح ملكا على مصر ومعهم الاميرات فريال وفوزية وفادية مصر الى ايطاليا على ظهر اليخت الملكى المحروسة وقد ادت البحرية المصرية التحية العسكرية الواجبة لجلالته.

*فى توديع الملك كان الضابط جمال سالم احد اعضاء حركة الانقلاب العسكرى ممسكا بعصا تحت ابطه فبادره الملك المخلوع قائلا:" انظل عصاك انت فى حضرة ملك ..مشيرا الى ابنه الرضيع احمد فؤاد الثانى.

*فى لقاء تليفزيونى مع الاميرة فريال ابنة الملك فاروق الكبرى اشادت بفضل العائلة الملكية السعودية فى رعاية الملك فاروق وعائلته وهو فى المنفى.

وهذا يدحض ما شاع عنه انه اخذ اموالا معه طائلة وكنوزا هائلة.

*فى ليلة 27 مارس/ آذار 1965 عاد فاروق داخل صندوق وكان قد اتم ال45 عاما ودفن فى صمت بمدافن الاسرة دون اى احتفالات رسمية له.

*فى يوم 23 اغسطس من نفس العام 1965 يموت مصطفى النحاس باشا ويشيع وسط دفء الجماهير الحاشدة كما عاش طوال حياته.

وانا شاهد عيان انه حدث على الرغم من قرار جمهورى بعدم السماح للجماهير الاشتراك فى تشييع جثمانه الا ان المخابرات المصرية فوجئت بهذا السيل الجارف من البشر المشيعين للرجل الذى حمل على اكتافه ما بدأه زعيم الامة سعد زغلول.

فى الختام نشكر الدكتورة لميس جابر وكل من ساهم فى اخراج هذا المسلسل الى الحياة.

لأنكم بهذا العمل قد اعدتم الحق الى اصحابه بعد ان زوروه مزورى تاريخ مصر.

وكم اتمنى البحث والاستقصاء التاريخى المنهجى حقيقة تاريخ الحقبة القبطية من تاريخ مصر بدءا من حكم بطليموس الاول الى الغزو العربى الاسلامى ليعرف ابناء مصر تاريخ اجدادهم المكمل لتاريخ اجدادهم الفراعنة العظيم.

كذلك اتمنى ان تعرف الاجيال الحالية حقيقة اللواء محمد نجيب اول رئيس للجمهورية المصرية ما له وما عليه. للاجابة على السؤال الذى لم يفارقنا ابدا.

هل كان محمد نجيب كبش فداء اثناء الانقلاب العسكرى ام لا؟

واتمنى مع الاستاذ احمد مسلمانى مؤسس حركة المؤرخون الجدد المشاركة مع الدكتورة لميس جابر وكل مهتم بتاريخ مصر المشاركة فى معرفة ما اشرت اليه.

نهنىء انفسنا بالنجم الفنان تيم الحسن لقد كنت اكثر من رائع فى ادائك للدور. وايضا المخرج حاتم على فقد قدمت لنا عملا فنيا رائعا.

والفنان عزت ابو عوف نقول له حقا انه دور عمرك والفنانة وفاء عامر كنت ملكة بالفعل والفنان صلاح عبدالله كعادتك فنان قدير وعظيم لقد جسدت شخصية النحاس باشا بالفعل ولا يمكننى ان انهى الكلام عن هذا المسلسل دون الاشارة الى كل من الفنانين هادى الجيار وشخصية مكرم عبيد باشا ولطفى لبيب وشخصية الامير محمد على توفيق واحب ان اذكرهما بذلك اللقاء الذى اجريته مع كل منكما على انفراد عندما كنت فى القاهرة عام 1991.

لقائى معك يا استاذ هادى كان فى نادى الشمس بمصر الجديدة ولقائى معك يا استاذ لطفى فى منزل عمتى بمصر الجديدة ايضا.

وقد تم نشرهما فى جريدة (البيرق) والتى تعتبر جريدة (المستقبل) الامتداد الطبيعى لها فصاحب الجريدة ورئيس تحريرها هو الاستاذ جوزيف خورى واسرة التحرير هى نفسها.

[متعب]

بُص ..

مصطلحات فئات موتورة ... ومحظورة ... وتمويل أجنبي وما إلى ذلك

هي مصطلحات عفا عليها الزمن وكانت حجج فارغة من نظام فاسد بائد

لإن الورق كله مكشوف الان ... واللي له عند حد حاجه يقدم بلاغ أو يثبت بالدليل إن فلان او علان أو تيار معين بيتلقى معونات ولا مساعدات ولا متأمر .. وساعتها نتكلم

ومن حقك طبعاً تروح تشطب على قائمة الاخوان او السلفيين .... لكن هل مثل تلك التصرفات السلبية هي الحل من وجهة نظرك ؟ وهل هي من ستأتي ببرلمان محترم يُمثلنا ويعبر بحرية عن الإختيار الحر للأغلبية ؟

هقول بكل قوة وباعلى صوت احنا اسفيييييييين يافارررررررررررررررروق

احنا اسفين يافاروق ورب الكعبه احنا اسفين يافاروق

آه قولت لي بقى

يعني بديل العسكر او التيارات الدينية لازم يبقى حكم اجنبي .. وفاروق بقى والخديوي والكرباج وفلد خرسيس أدب سيس وإننا نرجع فلاحين بجلابيات زرقا ونتحرم من التعيلم ومن الحياة وكل وظيفتنا في الدنيا إننا نبقى شغالين في الوسية عند سعادة الباشا وياريت حتى بناخد أجرة .. لأ ده احنا بنشغل بلقمتنا في أرضنا وأرض أجدادنا .. أو نروح نشتغل في حفرر وتوسعة قناة السويس عشان الخديوي يخسر إمتيازها على ترابيزة القمار .

ده موضوع طويل قوي ... لكن من حقك أن تقف منفرداً دون الـ 85 مليون مصري وتنادي بعودة فاروق ... وهانروح بعيد ليه .. ما نرجع إبنه أحمد فؤاد أو أي حد من اللي موجودين عندنا وكانوا من العيلة المالكة

ياااااااااه شوف حتى اللفظ ... عيلة مالكة ... !!!!!!!!!!!! يعني بتملك كل حاجه وإحنا كمان نبقى مجرد شيء مملوك زينا زي أي رجل كرسي أو ترابيزة أه ما أحنا عبيد إحسانه .

يالله حصل خير

هل الكلام ده فعلا كان بيحصل ولا متناقض مع الاحداث

وهل له ظروف معينه بتقوده ضمن كام دوله واحتلال وما الى ذالك من مسميات ولا لاء

وهل الظروف الان مناسبه لحكم من النوع ده ولا لاء اذا صدقت روايتهم عن هذا العصر

انا سمعت زيك بيه والسنما الصمريه جسدت ده ببراعه بس سقط من حسابات السنما المصريه ان المظاهرات كانت بتوصل لقصر عابدين

وده هيودينا فى سكه تانيه خالص . انهم عمرهم ما سمحوا للتظاهر قرب القصر الحمهورى ولا حتى من بعيد او من قريب

لما راحوا حتى يتظاهروا امام وزارة الدفاع عرفنا ايه ال حصلهم وما سميت بموقعه العباسيه وال حصل فيها

فهل كان عصر فاروق بدون حياديه كان فيه الديمقراطيه ال توصل المتظاهرين لعقر دار قصر عابدين دون المساس بالمتظاهرين ولا احنا بنشرب الوهم وبنسقيه للاولادنا

انا نفسى محتار . والحيرة دى مين ال حطنا فيها كمصريين واسئله كتيرة بتفرض نفسها على المواقف وبنتجاهلها هل لو رجع عصر فاروق هنكون احسن ولا لاء

مع تتابع الاحداث بنقول نعم عاوزين عصر فاروق بس بدون سلبياته عاوزين اجابياته ال وصلت مصر للعظمه وهى فى ازهى عصور الاحتلال وأحنا مش اقل من الدول العظمى فى شىء بل نفوق الكل ومقومات البلد بتقول ده مش انا ال بقول

يبقى لازم نعد مع نفسينا بدون انحياز لااحد على حساب دوله

يبدوا ان المسئله صعبه لاختلاف الافكار وبحترم الاختلاف ده على فكرة وكل واحد حر فى ارائه والساحه مفتوحه للجميع

يبقى محتاجين حد يكون عاصر الناس دى ويحكيلنا ونشوف الدنيا فيها ايه

ممكن ياعم زهيرى يالى دخلت الموضوع كزائر وقارى فقط تبعتلنا كده دعوة للدكتور جمال الشربينى يحضرنا هنا ويحكيلنا وهو شاهد على العصر

ممكن ياعم اسلام ولا ابعتله انا وبعد استئذان ادراة المنتدى طبعا والقائمين عليه

يتبع

[se_ Elsyed]

غريبة قوي

الموضوع كان عن تمويل الجماعات الإسلامية الموتورة الخائبة الفوحلوقية . إيه اللي حوله تأبين للملك فاروق ؟

أه قبل ما أمشي

فى الختام نشكر الدكتورة لميس جابر وكل من ساهم فى اخراج هذا المسلسل الى الحياة.

نصيحة بقى ... سمي كده وأضرب كام مقال للاخت لا ميس وإتمزج من الشعر الجاهلي اللي بتقوله في الملخوع مبارك

اللي اتوقع إنها تضرب له مسلسل هو راخر عشان نعرف إحنا ظلمنا الراجل ده قد إيه

[متعب]

ضحكوا علينا وزور حتى تاريخنا

قالول لنا سعد زغلول القام بثورة 19 والتاريخ ده كان منفاه

فهل كان سعد زغلول بيقود المظاهرات وبيقود الثورة من خلال الانترنت ولا على الفيس بوك واغلب الظن انه مكنشى يعرف حتى مكان منفاه . او منفى فين حته

ال قام يثورة 19 شباب الازهر والجامعات ونسبوها ظلما وعدوانا لسعاده الباشا وطبعا التبرير لده جاهز وموجود ان الشعب قام عشان سعد والعمليه مجاز مش اكتر

ولما قام انقلاب العسكر فى يوليو على الملك وحرروا البلد واعلنوها جمهوريه وفهموا الشعب ان ارفع راسك فوق والسياده للشعب ولا نعبد ولا نستعبد وما الى ذالك من حناجر وشعارات رنانه

والتف الشعب المصرى وراء حلم مصتنع وحلم زائف

حرروا البلد من ملك وخلقوا الالاف الملوك فتحوا سجون الملك كان فيها لايتعدى الاف وسجنوا ملايين ومراكز القوى وزوار الفجر والبوليس السياسى المسمى حاليا ب أمن الدوله ومن بعد الامن الوطنى الجديد . انتهكوا اعراض الرجال قبل النساء . انتهكوا كل الاعراف الدوليه والقوانين والدساتير . وحولوا البلد الى حرب وال يفتح بقه بس يبقى عدو الثورة والمعتقلات هى ال ترد عليه وسيطروا على الجامعات وحريه الراى والصحافه والاعلام واصبح اعلامهم الموحد لسماع زعيم الامه المبجل وعن عنترياته التى لاتنتهى

الى ان قادونا الى الحروب مرة باليمن ومن اليمن الى اسرائيل التى سلمت لهاالبلد والبشر بدون حتى غطاء جوى وارتكبوا الصهاينه جريمتهم المعروفه بدبح اللاسرى المصريين والتمثيل بيهم . ملايين راحت فى حروب ليس لنا بها لاناقه ولا جمل

وعلى اثارها احتلت تانى مصر

احنا مش هنحط راسنا فى الرمل ياعسكر يوليو زى النعامه

ساخفف المشاركات حتى لاتكون عبئا عليكم

يتبع

[eslam elmasre]

الباز افندي كتب

احنا اسفين يافاروق ورب الكعبه احنا اسفين يافاروق

ايه يا باز

انت راجل ثائر مناضل من الصحراء (على رأي القذافي)

وعلى رأي السادات ينفع لويس السادس عشر يرجع يطالب بالحكم بعد الثورة الفرنسية

تلك امة قد خلت لها ما كسبت ولكم ما كسبتم

ما ينفعش نغمة رجوع الملكية لمصر تاني خالص لان نظام الملك الذي يملك ويحكم هو نظام رجعي متخلف لا يؤمن به الا الراجعون من العصور المظلمة وقد عفى عليه الزمان وردمه والبقية الباقية في طريقها لا محالة من الرضوخ للديمقراطية وحكم الشعوب نفسها بنفسها

اما حكاية انه مفترى عليه ومظلوم فمعتقدش انه حاكم كان يحكم ويملك كان مظلوما او مفترى عليه

يكفي انه ملك مصر وهو قاصر وكان عمره ستة عشر عاما وكأن مصر تراث او عقار تورث

مفتري او مفترى عليه فهو في حكم التاريخ

اما نغمة رجوع الملكية والتغني على اطلالها فهذا مرفوض مرفوض

[متعب]

غريبة قوي

الموضوع كان عن تمويل الجماعات الإسلامية الموتورة الخائبة الفوحلوقية . إيه اللي حوله تأبين للملك فاروق ؟

أه قبل ما أمشي

فى الختام نشكر الدكتورة لميس جابر وكل من ساهم فى اخراج هذا المسلسل الى الحياة.

نصيحة بقى ... سمي كده وأضرب كام مقال للاخت لا ميس وإتمزج من الشعر الجاهلي اللي بتقوله في الملخوع مبارك

اللي اتوقع إنها تضرب له مسلسل هو راخر عشان نعرف إحنا ظلمنا الراجل ده قد إيه

ياسبحان الله

هو مش الموضوع عن مصر برده والتمويلات الخارجيه والمأجورين والمقارنات بين وبين

ومع ذالك محدش رد على التمويل الخارجى للجماعات دى الا بالتحليل والتكهنات انها دعم للاسلام

طيب ميقولوه ده. يقولوا احنا بنتمول عشان ده واعلاء اسم الاسلام والكلام ده

دول اصلا رافضين ان فى ناس بتمولهم ومش راضيين يقروا بده

بس ال بيقر بالتمويل ناس تانيه بس بتحلله وحسب تكهناته ورغباته

خلاص يطلع بقه السلفيين ان صدقوا هما والاخوان ويقروا للشعب المصر ى عن مصادر تمويلهم وبلاش نغمات التبرعات الشخصيه والذى منه

ولا هما شايفين ان مصادر التمويل مشبوهه اصلا وميصحش الاعلان عنها !!! .

بس ال بيعلن عنها ناس تانيه خالص وبتبرر ده

طيب مايبرروا هما كمان

دخلنا فى فاروق والمقارنه بينه وبين التيارات السياسيه

دلوقتى رفضتوا حتى المقارنه وبتقول حولنا الموضوع . هو مش ده كان تيار حاكم مصر واحنا بتكلم على حكم مصر وسلبيات وايجابيات والمفترض ان القائمين الان يتفادوا كل سلبيات الانظمه باعتبارها داخله على عصر جديد ومصر جديده

خلينا بالمرة بقى نستمر فى المقارنه بين جرائم الانظمه السابقه والحاليه فى حق الشعب المصرى ونشوف الفرق ونستفيد منه

بس انا هستئذن شويه كده هروح اعيد على جماعه واجى تانى ان شاء الله نكمل

وكل سنه وانتوا طيبين

[الباشمهندس ياسر]

التاريخ ايدلوحية

ده رايي الشخصي

كل واحد فينا بيشوف التاريخ من زاوية تخص ايدلوجيته هو

ف بلاش نحكي فيما لا طائل منه

الملكية انتهت و الانقلاب العسكري كلبش ع البلد تماما

المعركة دلوقتي اننا ازاي نخافظ انها تفضل بلد و ناخدها من ايد العسكريين

[متعب]

التاريخ ايدلوحية

ده رايي الشخصي

كل واحد فينا بيشوف التاريخ من زاوية تخص ايدلوجيته هو

ف بلاش نحكي فيما لا طائل منه

الملكية انتهت و الانقلاب العسكري كلبش ع البلد تماما

المعركة دلوقتي اننا ازاي نخافظ انها تفضل بلد و ناخدها من ايد العسكريين

انا كنت بقفل الجهاز لقيت المشاركه الجميله دى قلت لازم ارد عليها

مشاكه واعيه فعلا ولابد ان تحترم لان احنا مش بنتكلم عن اشخاص احنا احنا بنتكلم على عصور والفرق بينهم ومين ال وصل مصر لده

يبقى العسكر سرقوا البلاد وهيوصلوها للحضيض هما ورجالتهم والمطلوب ال انته اتفضلت بيه

تحيه كبيره لشخص حضرتك

[عادل أبو عمر]

هيييييييه دنيا .. وكله سلف واخوان

حد يعرف بقى بالصلاة على النبى كده تمويل الناس منين ومين ال بيمولهم وحملات الشاى والسكر والسمنه الروابى والهانم والذى منه

مع لسان العصفور مع كوكتيل اعمال خيريه بحته

وهل هيستمروا على ده ولا على ما يخلص مولد الست نظيرة

وياترى كانت فين الاعمال الخيريه دى من زمن الزمن وياريت بلاش الهبل ال فى الجبل بتاع امن الدوله كان مانع الخيرات دى للشعب

باعتبارها مواد مسرطنه او بتضر بالامن العام او يمكن كان منعها على اساس ان دى متفجرات او صواريخ اسكود هتتفجر فى المجتمع المصرى

وبعيدا برده عن التبرعات الشخصيه للجماعه وبيلموا من كل واحد من اعضاء الجماعه عشرة عشرين جنيه

لان المبالغ دى مش هتجيب حتى حلويات الحفله الواحده ال بتعدى ال 100 الف جنيه بس حلويات لزوم الضيوف الحاضرين من البشوات

ولا حتى هتجيب ايجار الليله الواحد فى الفنادق الخمس نجومال بيتم فيها الحفلات دى . ولما نتكلم فى 100 الف جنيه حلويات يبقى بلا تبزير بلا اخوان شياطين ونفض بقى

السلفين معروف منين تمويلهم . من العلم ال كانوا رافعينه فى التحرير وفضلوا رفعه بدل العلم المصرى . انتماء بقه

انا عمرى ماشفت واحد فيهم بيشتغل على تكسى مثلا او بيطلع طوب ولا رمل الدور الرابع ولا شغال ورى بنى .أو خرسانه ولا الخرسانه دى اتخصصت للصعيده . فاعل يعنى

من اول ما بيربى السكسوكه بيطلعله الفانوس السحرى . فجأة تلاقى المشروع اتفتح ومحل الملابس نور والعبايات على كل شكل وكل لون يابطسطه ده غير تشكيله هايله من التحجيبات والذى منه . او معارض سيارات فاخمه او محلات من بتوع الكمبيوترمع احدث تقنيات العصرعلى اعلى مستوى تكنولجى وغيره وغيره وغيره

يبقى المطلوب من الدواسه يعنى . نجيب من البدرون ونقول تمويل الاخوان منين

وحد يقول لنا بالمرة على سر واطيعوا الله والرسول والمرشد العام

بس سايق عليكم النبى تحترموا عقلى

وأهى دنيا . وكله سلف واخوان

وحد الله يا باز أفندي

ياأخي بقولك وحد الله

المفروض قبل متنزل تحت تسمعني

لا إله إلا الله محمد رسول الله

مش هتكلم قبل متقولها

قولتها

مش في سرك الله يخليك

سمعهالنا كدة

بص يا سيدي تمويل الإخوان من بعض الدول المارقة و السلفيين كما ذكرت تمويلهم من السعودية .. بس بصراحة أنا ما شوفتش أنا سمعت بس ، يعني بصريح العبارة معنديش دليل .. حضرتك لو الكلام ده يبسطك ممكن تدور ع الدليل براحتك و تأكد لنا الكلام ده و تنشره و ينوبك ثواب في الشعب المصري

نفسي أعرف حضرتك إيه قضيتك غير الهجوم على ابن حميدو .

أرجوك أنتقد أحزاب و برامج و لا داعي لحشر مصطلحات تقلل من موضوعيتك في عرض رأيك .. مثل أن تأتي بمصطلحات لم يأت بها أحد .. مثل (واطيعوا الله والرسول والمرشد العام ) وفي مداخلة سابقة ( العشرة المبشرين بالنار )

حاول توضح لنا اتجاهك السياسي .. يعني حضرك بتشجع مين .. احنا مش في وقت تشجيع اللعبة الحلوة .. لازم تكون إيجابي و تحدد من ستنتخب

اتفضل اتكلم ..

بس و غلاوة عزيزة عليك يا باز أفندي سيبك من موضوع فاروق ده .. إنت احنا بنتكلم بعد 25 يناير و لا عشان إنت لسة راكب بسكلتة فبتحن لأيام الملكية ...

حاجة على جنب كدة .. بجد أنا عرفت أد إيه قيمة المهندس تيمور كمحاور و صاحب قضية .. قبل أن يكون أخ عزيز

وأرجو منك يا باز أفندي إذا كنت تريد أن تكون صاحب قضية أن تراجع مداخلاته قبل و بعد 25 يناير لتتعرف كيف يكون يحاور صاحب الرأي ويهاجم و لكنه يحترم عقلية من يحاوره

تقبل تحياتي

[Alshiekh]

لاأدعي أنني أعرف مصادر تمويل تلك الجماعات والتيارات

ولكن

وآه من لكن

في لقائه مع ريم ماجد منذ اسبوع

قال الشيخ حازم صلاح أبو إسماعيل أن قنوات الرحمة والناس والحكمة وغيرها والتي يقدم فيها هو وباقي شيوخ التيارات السلفية والتي تدفع لهم بسخاء تتلقي تمويلها من السعودية ويمكنكم الرجوع إلي حديثه مع ريم ماجد.

ولاننا تعلمنا الإستقراء والقياس وهو أحد وسائل الفتوى الإسلامية،

فيمكننا ان نستقرأ ونقيس ماقاله الشيخ على باقي مجالات التمويل.

والله أعلم