يعني إيه عامل ويعني إيه فلاح؟

[Alshiekh]

في مداخلة سابقة لي أبديت إعتراضي على قانون مجلس الشعب الذي أتحفنا به المجلس العسكري،

وكان إعتراضي تحديدا على أن لاتقل نسبة العمال والفلاحين عن 50% ، مايعني أنه لو حصلت قائمة على مقعد واحد فستكون من نصيب العامل أو الفلاح ، وأن تحديد نسبة العمال والفلاحين تدفع الأحزاب للغش وتجبرهم على التحايل على القانون والإلتفاف عليه.

أحضرت مثالا يدعم رأيي،

مرشحي حزب النور بالدقهلية قائمة مليئة بالتناقضات والإلتفاف

ويدعونا لأن نسأل

ماهي صفة العامل

ماهي صفة الفلاح

طبقا لقانون مجلس الشعب نجد أن صفة الفلاح هي:

تعريف صفة الفلاح

هو من تكون الزراعه عمله الوحيد ولايوجد له مصدر رزق بخلافها وان يكون محل اقامته الدائم في الريف ويشترط الا تزيد حيازته هو وزوجته زاولاده القصر عن 10افدنه سواء كانت ملكآ او ايجار .

وصفة العامل هي:

يعتبر عامل كل من يعمل عمل يدويا او ذهنيا في الزراعة او الصناعة او الخدمات . ويعتمد بصفة رئيسية علي دخله الناتج عن هذا العمل يشترط لاكتساب صفة العامل ( ان يكون غير منضما لنقابة مهنية او مقيدا في السجل التجاري او من حملة المؤهلات العليا )

-------------------

أعلم بالطبع أنها ليست ظاهرة حزب النور فقط ، فبالتأكيد سنجد نفس النهج مع باقي القوائم لباقي الأحزاب وحتى الفردي ، ولكن المثال فقط لان هذا هو ما استطعت أن أحصل عليه من شبكة الإنترنت.

بعض المتناقضات حول قوائم حزب النور بمحافظة الدقهلية:

مهندس زراعي : الصفة فلاح

تاجر ومقاول : الصفة فلاح

مدرس أول بالأزهر : الصفة عامل

رجل أعمال : الصفة فلاح

مهندس زراعي ومدير إدارة بشركة مصر للأسمنت المسلح : الصفة فلاح

مهندس زراعي : الصفة عامل

داعية إسلامي : الصفة فلاح

مهندس ميكانيكا : الصفة فلاح

بكالوريوس علوم كمبيوتر : الصفة فلاح

تاجر : الصفة فلاح

تم تعديل 7 نوفمبر 2011 بواسطة Mohammad
إستبدال كلمة تزيد بـ تنقص

[moamana]

بس يا استاذ محمد اولا جزاك الله خيرا على هذه المعلومات القيمة

ثانيا او اؤكد لك ان حزب النور هيكون تمثيله تمثيل بسيط جدا فى البرلمان

فمتخافش

لان الشعب المصرى اعتقد اوعى من انه يمسك الحياة السياسية للتيار المسمى سلفى و لذلك لسبب واحد فقط الحياة السياسية يعنى سياسة و مناورات و لين و هذه الصفات الثلاثة لا تجدها فيهم

ممكن يكسبوا بنسب بسيطة فى الارياف لان الاصل الاخوان فى العمل السياسى و هم من لهم ثقل فى الارياف و الصعيد و طبعا الفلول و ربنا يستر

[ابو محمود]

انت مش شايف ان هناك تقدم بهذة الدورة التى انتزعت الفساد ونأمل فى ذلك

لو كانو هكذا جميعهم من المتعلمين واصحاب الدكتوراة او الليسانس او ما يعادلة يبقى نعمة احنا عايزين كدة ...

لكنى ارى اننا مقبلون على تغيير حقيقى الا وهو متاقشة او محاولة تغيير شيء سياسى داخل الدستور لن ياتى بكتابات او شكوى او اي شيء مشابة لهذا سوف يتأتى لنا ان نناقش هذا فى اطار الشرعية ومكانها الطبيعى البرلمان ويجب على النخبة بدل ماهى بتحارب طواحين الهواء تكون دي شغلتها عندما يتم انتخاب البرلمان ونسيبنا بقى التناحر على حجات هايفة ودة اسلامى ظلامى ودة علمانى متخلف يجب علينا جميعآ ان نتكاتف من اجل ان تسير الامور على هوانا وليس هوى كل من يريد ان تستمر الامور على قديمها ويوافق على بنود سرية فى وثيقة وهمية ونترك هذا الهراء لما بعد الانتخابات وان لم يفلحو هناك الميدان لكن بكل ادب وبدون اعتداء على المتشأت العامة

[آل مصريم]

من الأساس... فكرة الكوته الإجبارية عمال و فلاحين....فاحشة دستورية لم يسبقنا إليها احد من العالمين

لا هى موجودة فى أيا من دساتير الشرق ولا الغرب... و لا الشمال ولا الجنوب!!!! و

ولا اعتى الدساتير اليسارية ولا اليمينية

فكرة جهنمية من قاع الجحيم أتى بها المفكرين من ثورة 52... و ظاهر الأمر تمثيل الفئات الكادحة بنواب يراعةن مصالحهم... و الحقيقة هى الإتيان ببسطاء الناس... لا يعرفوا فى الدنيا غير شقاهم مع الأرض و الجاموسة و المحصول... أو الشحم و الجاز.. و الصنعة.... و يضمن تأيدهم... 50%... يا بلاش... و مين يلاقى دلع و ما يتدلعش

و مشى من وراه على نفس الخط.... لكن الكلام ده ما ينفعش النهارده.. ببساطة لأن صفة العامل و الفلاج حتى بتحديدها ده... تدحل المجالس التشريعية ناس هم فى الحقيقة حيتان... أو....على الأقل نسبة مش صغيرة منهم حيتان... و لهم أملاك و تجارة.. و غيرة... بأسماء الغير... و طبعا عندهم من أوراق الضد,,,, و التوكيلات النهائية و ما مثل تلك المستندات ما يؤمن لهم أملاكهم..... لكن أهم ما فى الموضوع.... و

الغريب جدا.... إن تحديد نسبة لفئة من المجتمع بناء على المهنة... غير دستورى بنفس الدساتير التى أقرت هذه النسبة... فى المواد الأولى التى تنص على المساواه... و تحظر التمييز ضد المواطنين بسبب الدين و الجنس و العرق و المعتقدات و الحالة الإجتماعية و غيره... إنتبهوا ايها السادة... دساتيرنا جعلت كل قونيننا السابقة يشوبها عدم الدستورية...و سلم لى على الجمعية التأسيسية للدساتير السابقة.... و اللاحقة ايضا

[Ahmed Anwer]

أزيدك من الشعر بيت

تلت اربع الأحزاب الجديدة عانت عشان تكمل قوائمها عمال و فلاحين

و حسب الوصف بالضبط

كانوا بيقفوا يندهوا واحد عامل واحد عامل

[متعب]

اشتغالات اشتغالات .

فى الحكيكه برده

العنكر بيلخموا الناس فى قضايا هما مختلفين فيها من الاصل واصرارهم على القضايا ال من النوع ده معروف احتمالاته واتجاهاته كويس ولو قذمت قوى يبقى نوصل للاوساط الحلول ونخلص من كصه يخترعولنا كصه تانيه

البلد عايمه على كم فساد محصلشى فى تاريخ الفساد نفسه قبل كده . يعنى الفساد نفسه يتبرأ منهم

ولو الفساد يعلم بانهم بينسبوا ال عملوه للفساد . لطلع الفساد فى مليونيه فى ميدان التحرير ليعلن عن رفضه لما ارتكبوه فى حق الشعب والدوله وفى حقه ايضا . ويرفع الفاسد لافتاته فى التحرير التى يكتب عليها نحن نرفض انتماء هؤلاء لنا من بعيد ام من قريب

وكل ال ظهر الى الان من ملفات فساد لاتساوى واحد من عشرة من الفساد الاصلى . الذى يصل اقل جريمه له الاعدام

فدى قضايا ناجحه لاشغال الناس عن كم الفساد الموجود والمحاكمات للنظام ورئيسه

احنا مش محتاجين لاقوانين ولا دساتير بقدر ما محتاجين ناس تعرف ربنا وتتقى الله فى الشعب

مهو ابن نعيمه قعد تلاتين سنه وفى دستور فى البلاد قوى جدا ووصفوه انه من افضل دساتير العالم. ورغم ذالك عمره ما حكم بيه يوم واحد . بل حكم بالبلطجه وقوانين السرقه والانتهاكات وقوانين القواده والدعاره

والمسلسل ال بيقوم حاليا هو سد الثغرات امام اى ملفات سابقه والتيارات الدينيه ال على الساحه موافقه على ده

زى ماشفنا احد افاضلهم بيقول سلملنا البلد وهنتغاضى عن كل ملفات الفساد والسرقه ضاربين عرض الحائط بكل الشرائع السماويه وبحديث الرسول عندما اقسم بان لو فاطمه بنت محمد سرقت لقطعت يدها

فى ملفات كتير جدا اندفنت عن قصد وعوزين ناس ترش ميه على القبر ال دفنوها فيها

وانا ان شاء الله هنفتح ملفين منهم قريب جدا بس افضى بس والملفين دول بخصوص البترول المصرى المهرب للسعوديه عن طريق انابيب من مصر الى السعوديه

وملف قناه السويس الغامض جدا على الشعب وهل هى بتعتنا فعلا ولا احنا قيادة وهميه ليها ولما هى بتعتنا ليه مش بنخلى الدخول فيها بالجنيه المصرى وليه رفضين ده تحت مسميات عبيطه . أم هى مرهونه كما قال البعض ومرهونه لمين ومين المستفيد

قضايا بالعبيط هتفتح وانسب ناس تسك البيبان على الملفات دى هى التيارات الاسلاميه مع شويه حرنكشات ولخم الناس فى قضايا فرعيه

وياحلولى

[طارق مصرى]

بس يا استاذ محمد اولا جزاك الله خيرا على هذه المعلومات القيمة

ثانيا او اؤكد لك ان حزب النور هيكون تمثيله تمثيل بسيط جدا فى البرلمان

فمتخافش

لان الشعب المصرى اعتقد اوعى من انه يمسك الحياة السياسية للتيار المسمى سلفى و لذلك لسبب واحد فقط الحياة السياسية يعنى سياسة و مناورات و لين و هذه الصفات الثلاثة لا تجدها فيهم

ممكن يكسبوا بنسب بسيطة فى الارياف لان الاصل الاخوان فى العمل السياسى و هم من لهم ثقل فى الارياف و الصعيد و طبعا الفلول و ربنا يستر

أنا أسف انى ادخل فى حوار بينك وبين ا-محمد بس حبيت اعقب بعد اذنك

الظاهر من كلام ا-محمد فى الموضوع ده انه بيتكلم عن حاجة تانية خالص غير اللى حضرتك بتتكلمى عنه هو بيتكلم عن نظام قديم معمول من ايام الثورة بتاع 50%عمال و فلاحين و مما ادى بعد ذلك الى دخول ناس كتير تحت القبة تحت هذا المسمى و هم و لا عمال ولا فلاحين يعنى ديكور

قانون ديكور ملوش لازمة بيجبر الناس على التحايل عليه

و هو جاب صور حزب النور حسب كلامه :

أعلم بالطبع أنها ليست ظاهرة حزب النور فقط ، فبالتأكيد سنجد نفس النهج مع باقي القوائم لباقي الأحزاب وحتى الفردي ، ولكن المثال فقط لان هذا هو ما استطعت أن أحصل عليه من شبكة الإنترنت.

بس هو يمكن و الله أعلم علشان ا-محمد معروف انه على خلاف مع التيار الاسلامى و حضرتك كمان فحضرتك فكرتى انه بيهاجم التيار لمجرد انك شوفتنى اسمه ا-محمد و صور ناس بدقن فحضرتك دخلتى تطمنيه ان هذا التيار مش هياخد مقاعد كتير مع ان مش ده الموضوع اللى بنتكلم فيه