اذهب إلى المحتوى
محاورات المصريين

الحمدلله رجعت من الحج

pink rose

بواسطة pink rose
في باب الإجتماعيات

 مشاركة

Recommended Posts

Alshiekh عضو جديد

Alshiekh

بتاريخ:
بتاريخ:

حج مبرور وذنب مغفور إن شاء الله

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
  • الردود 41
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

المشاركات الأكثر تفاعلاً

pink rose
pink rose

السلام عليكم و رحمة الله و بركاته عيد سعيد عليكم كلكم الحمدلله ربنا من عليا بحج بيته الحرام السنة دي احب اقولكم اني دعيت لكم كلكم على عرفات و ربنا يستجيب ان شاء الله شكرا لكل حد هنا سأل عليا و ب

pink rose
pink rose

الله يبارك فيك اخي عادل و يا رب يكتبلك حج السنة الجاية ان شاء الله و حمدالله على سلامتك انت كمان فرحت لما رجعت لقيتك اسمك موجود هنا لان حضرتك و الله يشهد على كلامي انه صدق انك من الناس المحترمة جدا

لماضة مصرية جدا عضو جديد

لماضة مصرية جدا

بتاريخ:
بتاريخ:

السلام عليكم و رحمة الله و بركاته

حمدلله ع السلامة يا بينكي

يا رب تكون ولادة جديدة لروحك و قلبك و كل حياتك

و صدقتي جدا انك هتحسي ان قبله يااااااااااااااااااه ايه كل الدنيا اللي بتاخدك زي الدوامة ديت

ربنا يتقبل منك

و يكتبها للي لسه محجش

و يارب يكون ليا من دعائك نصيب

صباحك.......قرب دايما من كل طاعة

رابط هذا التعليق
شارك
أبو محمد عضو جديد

أبو محمد

بتاريخ:
بتاريخ:

حمدا لله على سلامة العودة من الأراضى المقدسة

حج مبرور وذنب مغفور إن شاء الله .. وعقبال العودة

إيه رأيك فى "القلب يعشق كل جميل" على أنغام السمسمية ؟

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة
تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك
ابو محمود عضو جديد

ابو محمود

بتاريخ:
بتاريخ:

هو فى حد يقدر يزعل من الناس الكمل مبروك مبروك مبروك

حج مبارك ان شاء الله وحمد الله على السلامة :clappingrose:

لا تقلق من تدابير البشر، فأقصى ما يستطيعون فعله معك هو تنفيذ إرادة الله .

رابط هذا التعليق
شارك
Damo عضو جديد

Damo

بتاريخ:
بتاريخ:

حج مبرور وذنب مغفور

ألف حمد لله على السلامة وحمدلله على السلامة لكل اللي رجع واللي مرجعش يرجع بالسلامة إن شاء الله

give_rose.gif

" Feed Your Faith and your fears will starve to death "

Unkown~

رابط هذا التعليق
شارك
شرف الدين عضو جديد

شرف الدين

بتاريخ:
بتاريخ:

حج مبرور وذنب مغفور يا مدام بينك

ربنا يتقبل ...

يا ترى أخدتي ريمو معاكي ولا لأ ؟

اللهم احفظ مصر من الفتن؛ ما ظهر منها وما بطن

اللهم احفظ مصر من الفتن؛ ما ظهر منها وما بطن

رابط هذا التعليق
شارك
بركة عضو جديد

بركة

بتاريخ:
بتاريخ:

اللهم لك الحمد

ربنا يتقبل من جميع الحجاج .. امين

احكيلنا بقا عملتو ايه وكانت حمله ايه والحاجات دي يعني ..

الف مبروك :give_rose:

قال الله تعالى في حديث قدسي

( أنا عند ظن عبدي بي فليظن بي ما شاء........... )

نستطيع تغيير حياتنا بهذا الحديث من الان

مع الأخذ بالأسباب............

رابط هذا التعليق
شارك
واحد تاني عضو جديد

واحد تاني

بتاريخ:
بتاريخ:

حمدالله على السلامة والف مبروك

ربنا يتقبل وحج مبرور وذنب مغفور باذن الله

ربنا يكتبهالنا السنة الجاية يارب

دعواتك لينا يا حاجة :)

يا عابر الدهر سيب بينا أثر قدمك

اياك تكون امعة وجودك شبه عدمك

رابط هذا التعليق
شارك
طبيبة بالخارج عضو جديد

طبيبة بالخارج

بتاريخ:
بتاريخ:

حج مبرور و ذنب مغفور بإذن الله

تقبل الله منكم و حمدا لله على السلامة

كمان حابة حضرتك تكتبي لنا عن رحلتك يا ريت

سبحان الله و بحمده عدد خلقه و رضا نفسه و زنة عرشه و مداد كلماته

اللهم لك الحمد كما ينبغي لجلال وجهك و عظيم سلطانك

رابط هذا التعليق
شارك
عادل أبو عمر عضو جديد

عادل أبو عمر

بتاريخ:
بتاريخ:

اللهم لك الحمد

ربنا يتقبل من جميع الحجاج .. امين

احكيلنا بقا عملتو ايه وكانت حمله ايه والحاجات دي يعني ..

الف مبروك :give_rose:

حج مبرور و ذنب مغفور بإذن الله

تقبل الله منكم و حمدا لله على السلامة

كمان حابة حضرتك تكتبي لنا عن رحلتك يا ريت

ربنا يبارك لحضرتك

بناء على طلب الجماهير و أنا واحد منهم

عاوزين نعيش الرحلة من بدايتها

 

رابط هذا التعليق
شارك
dongol عضو جديد

dongol

بتاريخ:
بتاريخ:

تقبل الله يا أستاذه وربنا يكتبها لنا السنة الجاية ان كان في العمر بقية

ربي

ان لم يكن بك علي غضب............. فلا أبالي

غير أن عافيتك هي أوسع لي

رابط هذا التعليق
شارك
ام سلمي عضو جديد

ام سلمي

بتاريخ:
بتاريخ: (معدل)

حمد الله علي السلامة

وحج مبرور وذنب مغفور ، ربنا يتقبل منك ومن جميع الحجاج ، ويا رب يكتبها للي ما حجش لسة ،ويعيدها علي اللي حج ،امين

تم تعديل بواسطة ام سلمي

رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ

رابط هذا التعليق
شارك
pink rose عضو جديد

pink rose

بتاريخ:
  • كاتب الموضوع
بتاريخ:

الله يبارك في حضراتكم جميعا يا رب و عقبال كل اللي ما حجش يحج و اللي حج يحج تاني

اما بالنسبة للاخوة و الاخوات الكرام اللي طلبوا مني احكي الرحلة من بدايتها لاخرها

احب اقولكم بلااااااش

عشان الاخوة اللي بينا بلااااااش

بس عشان ما تزعلوش هاحكي بس افتكروا اني قولتلكم بلاااااش

طبعا اهم ما في الموضوع اني الحمدلله اديت الفريضة اللي عليا و دي في حد ذاتها نعمة كبيرة جدا من الله هافضل اشكره عليها طول عمري

الحمدلله على نعمه و كرمه معايا

المشكلة كلها تتلخص في اننا اضطرينا نحجز في حملة بدون تصريح لان ماما كانت معايا و طبعا مش اي حملات بتقبل الزيارات

و لاسباب تجديد الزيارة اتأخرنا في الحجز

المهم حجزنا في حملة اسمها قافلة الصحابة لا انصح اطلاقا اي حد انه يحجز تبعها نهائيا ادينا قولت اهو عشان ابرئ ذمتي من الله

كان المفروض هانروح يوم 7 هجري الصبح الساعة 9 مشينا من الرياض بعد صلاة المغرب كل دا تقصير من الحملة قالولنا الباصات اللي كانوا متفقين معاها خلعوا منهم و اتفقوا مع شركة تانية

الشركة التانية بقى الله لا يوريكم ابدا يا رب شركة باصات سورية

كان سواقينها في طريقهم للسعودية من سوريا و بالتالي التأخير دا كله انتظار وصول السواقيين السوريين اللي كان بقالهم يومين ما ناموش يا ريت تاخدوا بالكم من النقطة دي

الحمدلله وصلت الباصات و طلعنا بعد صلاة المغرب

طبعا كان في وصلة عياط متواصل مني و من ماما بسبب اللي مريم عملته و احنا ماشيين مش قادرة اوصفلكم قلبي كان هايتخلع مني اول مرة امشي و اسيبها عمرها ما نامت بعيد عني من يوم ما اتولدت

وصلنا اول استراحة اسمها المزاحمية اظن و الباصات ركنت و قالت اسفين مش مكملين الشركة اتصلت قالت ما اتدفعتش الفلوس خالينا قاعدين بقى لحد ما الحملة تدفع للشركة

ساعتين خناااااااااق بين الناس اللي معانا في الحملة و بين المشرف و السواق و طلبوا الشرطة و كانت ليلة طويلة

المهم الراجل بتاع الحملة اللي في الرياض حل الموضوع مع الشركة و الباصات مشيت تاني

وصلنا الميقات الصبح الساعه 7 و نص تقريبا

على ما الناس احرمت و كده اتحرك الباص لمكة الساعه 10 و نص

خلوا بالكم كده احنا بقينا يوم 8 يعني يوم التروية

اتحركنا زي ما قولتلكم 10 و نص و كان عندن امل نلحق صلاة الجمعة في الحرم

عارفين وصلنا مكة الساعة كام ؟؟؟؟؟؟؟؟؟

و الله ما هاتصدقوا

وصلنا مكة الساعه 11 بالليل

الطريق من الميقات لمكة مقفوووووووووووووول

كنا بنمشي نص متر و نقف عليها تلت ساعه و هكذا لحد ما وصلنا عند التفتيش اللي عند مكة بقى

فضلنا واقفين فيه لحد 1 بالليل

طبعا ما لحقناش نعمل طواف القدوم و لقينا كتير من الحملات كده نفس النظام كله طلع على منى عشان يصلي الفجر و يطلع على عرفات

كان السكن في حدود منى يا دوب روحنا رمينا الشنط و رمينا نفسنا على المراتب لحد بعد الفجر عشان نطلع عرفات

وصلن عرفات حضراتكم الساعه 10 مع اننا متحركين م السكن 7 الصبح

طبعا الفرق بين الفجر و الساعه 7 تأخر من الناس على ما اتجمعوا و كده

المهم وصلنا عرفات الحمدلله من 10 لحد 11 و نص الجماعة بتوع الحملة تايهين مش عارفين المخيم فين اللي هانقعد فيه

كان الاتفاق ان المخيم على اسوء تقدير لو مش مكيف هايكون فيه مراوح بس طبعا كانت خدعة كبيرة

كنا زينا زي اللي شاريين خيام و قاعدين فيها منهم لنفسهم

الحمدلله تم عرفات على خير و عدى اليوم بفضل الله و بدأنا نحس بالحج بقى لان الحج عرفة

الناس في الحملة كانوا على اخرهم بجد و الاغلب كا بيمسك نفسه عشان م يخسرش حجه

انا و ماما كنا قاعدين سااااااااااكتين تماماااااااااا بجد لو فتحنا بؤنا الحج هايروح فعلا يعني لان المرار كان لحد هنا طافح

نزلنا من عرفات على مزدلفة و دي حضراتكم اخرة مرة نشوف فيها الباص لحد يوم 12 لما ركبناه عشان نطوف طواف الوداع

نزلنا مزدلفة قعدنا في الشارع كده لا خيمة و لا اي شئ لحد الساعه 7 لما الناس فقدت الامل ان الباص يجي

بدانا المشي عشان نروح نرمي الجمرة الكبرى

وصلنا الجمرات 9 و نص اظن رمينا و اتوجهنا على السكن وصلنا الساعة 10

الحاجة الوحيدة اللي كانت صادقة في الحملة ا السكن قريب من الجمرات حوالي نص ساعه مشي

روحنا بجد مقتولين عن نفسي كنت مخنوقة جداااااااااااا مش عشاني عشان ماما يا حبيبتي عندها خشونة في الركب و المشي بجد كتير جدا عليها

بعد العشا كده نزلنا طلعنا الجمرات تاني عشان المبيت في منى الشيخ قال لازم تقضوا فيها 6 ساعات على الاقل في ايام التشريق

و فعلا قعدنا لحد الساعه 3 بالليل الجو كان تلج اليوم دا اظن اغلب الحجاج و انا منهم اتلطشنا برد محترم لسا شغال معايا لحد النهاردة بس الحمدلله هاياخد وقته و يعدي كل الحجاج لازم يتظبطوا كده ربنا يتقبل بس و مش مهم اي شئ تاني بجد

تاني يوم اللي هو يوم 11 روحنا انا و ماما مع نفسنا كده رمينا الجمرات بقى التلاتة الصغرى و الوسطى و وقفنا دعينا بعدهم و بعدين الكبرى و دي ما فيش دعاء بعدها

خلصنا و اتوكلنا على الله روحنا على الحرم عشان طواف الافاضة و السعي

الحمدلله في اليوم دا كان الحرم الزحام فيه معقو ل لان الناس اتقسموا اتنين في منهم بعد الرجمة الكبرى اتحللوا و نزلوا على الحرم و اظن يوم العيد شوفتو مكة كانت عاملة ازاي ف التليفزيون

و جزء تاني و دول اغلب حملات الداخل اللي كانوا هايعجلوا و يمشوا يوم 12 كانوا هايعملوا طواف الافاضة مع الوداع في نفس الوقت

و بالتالي يوم 11 كان الحرم الطواف فيه اهدى شوية

رجعنا السكن يومها 4 الفجر مع اننا مخلصين طواف و سعى الساعه 12

بس المواصلات و الطرق زحمة بشكل غير عادي ابدا

تاني يوم اللي هو 12 بقى بعد الرمي قالولنا الساعه 4 كده يالا على الباص على اول الشارع طلعنا على اول الشارع فضلنا منتظرين الباص حضراتكم لحد قرب صلاة العشا كده على الحمدلله ما شوفناه

قعدنا فين؟؟؟؟ على الرصيف حضراتكم

وصلنا الحرم و بدأنا الطواف الساعة 12 و نص بالليل و خلصنا 2 الا ربع كده

كان دا اصعب يوم بجد زحااااااااام مش طبيعي و طبعا ما كانش ينفع نطوف من فوق عشان القطر هايوسع و ماما تعبانة

و الله كان كل خوفي عليها انا مش مشكلة نهائي استحمل التعب ما فيش حاجه لكن هي كنت خايفة عليها جدا

خلصنا الحمدلله طواف كانت مام خلصت مني خالص بجد يا حبيبتي

و الحمدلله ناس معرفة في مكة انقذونا و اخدونا من مكة على جدة قعدنا فيها امبارح و الصبح انا ركبت طيارة للرياض و ماما ركبت طيارة لاسكندرية

اول ما شوفت جوزي قولتله انا عاوزة احج ان شاء الله السنة الجاية بس مع حملة بتصريح بقى عشان تكون منظمة لاننا اتهلكنا بجد

انا عارفه ان الحج مشقة و الحمدلله مبسوطين بيها و بنعمل المناسك و احنا فرحانين و هي فعلا متعبة لكن متقبلين و راضيين انما اللي حصل معانا ان كل مشقة للحج كان فوقها 3 اضعافها من سوء الحملة و تنظيمها بجد

و بالتالي كان الحمل اكتر بكتير و كان اللي جي عليا انا و ماما الحمدلله خلي التطهير شامل عشان ترجع الصفحة بيضاء من الاول تاني

بصوا رغم كل التعب دا و الله ان ربنا قدرني السنة الجاية هاطلع تاني

بس نظامي بقى و تصريح و حملة محترمة

اه احسن حاجه عملتها اني سيبت مريم و ما اخدتهاش معايا

بجد يا جماعة الاطفال في الحج متعبين جدا لنفسهم و لاهاليهم كنت كل ما اشوف المنظر احمد ربنا الف مرة اني سيبت بنتي

صحيح كانت كل يوم توجع قلبي في التليفون بس دا احسنلها كتير كانت هاتتمرمط فعلا

من الحاجات اللي حصلت بقى

الحملة اللي كنا فيها كلها بلا استثناء ناس مطلعين اهاليهم زيي كده ستات و رجالة كبار ف السن

قوم و احنا منتظرين الباص في اليوم الاخير واحد يا حرام مامته تاهت و كانت ست عجوزة جدا و تعبانة يا حبيبتي و لا معاها موبايل و لا ورقة فيها عنوان و لا تليفون و هي ست من الستات يا عيني الفلاحين الغلابة اللي اخرها ابنها يمسكها و يقعدها هنا تقعد يقول يالا تقوم غلبانه جدا

جه الباص و طبعا مشينا و سيبنا ابنها و جوزها بيدوروا عليها كلنا كلنا كنا زعلانين جدا و شايلين همها و ابنها كان عقله هايشت منه بجد

المهم الحمدلله و احنا بنطوف ابنها اتصل بالمشرف و قاله انه الحمدلله و الشكر لله لقى مامته

يااااااااااااه اد ايه كلنا فرحنا جدا بالخبر دا و قعدنا نحمد ربنا كتير

حاجه تانية و احنا بنطوف فجأة لقيت ماما بتقول الموبايل وقع مني مش قادرة اقولكم بقى الرعب اللي ركبن قولت بس هاتوه مني زي الست اللي تاهت و بقيت ماسكة فيها لحد ما خلصنا طواف الحمدلله

قعدت اتصل اتصل على الموبايل لحد ما الحمدلله حد رد و قالي انه هايسلمه لعسكري واقف عند الصفا و الحمدلله روحت جيبته العسكري ما بقاش مصدق نفسه بيقولي دا لسا واحد تركي جايبه حالا لقاه في ساحة الطواف

من الحاجات الجميلة كمان التجمع الجميل للمسلمين من كل الدنيا و الجنسيات كان معانا في الحملة سوريين و توانسة و يمنين و اندونسين احساس رااااااااائع ان الواحد قاعد مع اخواته المسلمين من كل دول العالم و كلنا بنعمل نفس الحاجه سوا

ربنا يوحد المسلمين يا رب و يردهم لدينهم ردا جميلا و يعزهم و يعز الاسلام

انا رغاية اوي و مش هابطل لو فضلت اتكلم

لو عاوزين تسألوني في حاجه اسألوا براحتكم الميكرفون معاكم بقى

رابط هذا التعليق
شارك
Dreamwithme عضو جديد

Dreamwithme

بتاريخ:
بتاريخ:

حمدا لله علي السلامة وربنا يتقبل منكم جميعا يارب

<p class='bbc_center'><span style='color: #000080'><strong class='bbc'><span style='font-size: 14px;'>"من مدحك فإنما مدح مواهب الله فيك.....فالشكر لمن وهب وليس لمن وُهِب له" ابن عطاء السكندري<br /><br />"اللهم من ضاق صدره بنا فاجعل قلوبنا تتسع له" الامام أبو حنيفة</span></strong></span></p>

رابط هذا التعليق
شارك
shawshank عضو جديد

shawshank

بتاريخ:
بتاريخ:

وصلنا الحرم و بدأنا الطواف الساعة 12 و نص بالليل و خلصنا 2 الا ربع كده

كان دا اصعب يوم بجد زحااااااااام مش طبيعي و طبعا ما كانش ينفع نطوف من فوق عشان القطر هايوسع و ماما تعبانة

الكعبة شبه مستطيلة الشكل، وبالتالي ممكن مسار طواف الحجاج حول الكعبة يكون مستطيل برضه. ده صحيح للطائفين قريبًا من الكعبة، لكن مع البعد عن الكعبة داخل الصحن بيتحول المسار المستطيل إلى دائري. صحن المسجد الحرام فيه مشكلتين جوهريتين بيظهروا في موسم الحج. الأولى إن الصحن تقريبًا مستطيل الشكل، بينما مسار الطواف دائري. وبالتالي المساحة اللي بيطوف فيها الحجاج بتتغير حسب موقعهم في صحن المسجد، يعني هم في أي مرحلة من الشوط. وأعتقد أضيق مساحة بيمروا بيها أثناء الطواف هي جهة حجر سيدنا إسماعيل. الضلع ده عنده أضيق مساحة في الطواف. فكل مرة يمر الحجاج بالمنطقة دي أثناء الطواف يعانون من الزحام بسبب ضيق المساحة. وللأسف القائمين على السماح للحجاج بالطواف في الصحن أو توجيههم للأدوار العليا بيقيسوا الزحام من عدمه على المنطقة الأوسع في الصحن مش الأضيق. فالنتيجة زحام شديد عند الطواف في المنطقة الضيقة، وراحة في المنطقة الواسعة. المشكلة الثانية إن الضلع الطويل من الكعبة (الحجر الأسود-نهاية حجر سيدنا إسماعيل أو الركن اليماني-نهاية حجر سيدنا إسماعيل) يوازيه الضلع القصير من حدود الصحن، والعكس بالعكس. وده بيضاعف المشكلة. الحلول السريعة المؤقتة اللي أنا شايفها هي إعلان الحجاج الراغبين في الشروع في الطواف بامتلاء الصحن - وبالتالي وجوب استخدامهم للأدوار العليا - فور امتلاء أضيق منطقة في الصحن، ثم فتح الباب أمامهم مرة أخرى بعد ساعة مثلا. وفيه حل تاني، عمل دور تاني لصحن المسجد بشكل مؤقت أثناء الحج فقط.

المهم، ألف حمد الله على سلامة حضرتك، وحج مبرور وذنب مغفور، وتقبل الله منك الحج والعمرة وكتبها لبقية المسلمين.

:give_rose:

كل لحظة إبطاء في نيل المعتدين جزاءهم ... خطوة نحو كفر المجتمع بالعدالة، ودرجة على سلم إيمانه بشريعة الغاب

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...