كلاكيت سابع مرة : تفجير خط الغاز المتجه إلى إسرائيل

[se_ Elsyed]

أنا رأيي إن الشرطة والمخابرات العامة والمخابرات الحربية وبالمرة محافظ شمال سينا اللي هو لوا مخابرات إصلاً ... نلمهم كلهم ونحطهم في مصحة نفسية يتعالجوا شوية وبالمرة يستجموا ويرتاحوا .. وبعدها وندور لهم على شغلانه تانية تليق بكفاءتهم .. أمن في شركة ... بودي جاردات في كبارية .... يلموا نقطة ورا رقاصة بترقص في فرح .. كده يعني

ده إن ما كانش الموضوع فيه إنً وأخواتها والدولة هي اللي بتعمل الموضوع ده .. أصلي لسه قاري خبر طازة خلاني كركرت من الضوحك

بيقول لك من 3 أيام .. ثاني يوم العيد يعني ... أشتبوها في تاكس بيقرب من محطة غاز في العريش وهموا عليه .. خد ياض رايح فين ؟ قال إن كان معاه إتنين فلسطينين قالوا له وصلنا لمحطة الغاز ... ولما قربوا من الكمين الاتنين هربوا على رجلهم داخل الصحرا وسابوا المتفجرات اللي بتتفجر بالريموت كنترول وأوعى تغير المحطة

ههههههههههههههههههههه

عاوزين نعمل موضع إسمه إضحك مع الشرطة

يشاء السميع العليم بعدها بيومين ذات نفس المحطة تتفجر بذات بنفس الطريقة ...

تلاقي طبعاً التاكس أنتظرهم والعداد بيعد والسواق كان قلقان على اكل عيشه والأقساط على التاكس ... فرجعوا عشان يحاسبوه .. وبالمرة فجروا المحطة عشان تبقى عملية نضيفة 100 % ..

إلا صحيح اخبار عملية النسر الرماح اللي نفذها الجيش والشرطة إدي واحده إيه في رمضان الماضي وقالوا إنها طهروا العريش وسينا كلها من العناصر الأثمة وقبضوا على ملايين من الخارجين عن القانون وكدهوت .

للمرة السابعة خلال 9 أشهر

تفجير خط غاز اسرائيل بقريتين بالعريش

احد التفجيرات بخط الغازكتب – خالد الشريف وهدى حجاب منذ 5 ساعة 3 دقيقة

شهدت مدينة العريش منتصف الليلة تفجيرين بخط الغاز المتجه الى اسرائيل بالعريش بقريتى الميدان على بعد 20 كيلو غربى العريش, وتبعد 3 كيلومترات عن الطريق الدولى , وقرية النجاح على بعد 60 كيلو متراغربى مدينة العريش

وقال شهود العيان بمدينة النجاح أن مجموعة من المسلحين الملثمين هى من قامت بتفجير خط الغاز منتصف الليلة وقد سمع دوى انفجار كبير فى انبوب خط الغاز الطبيعى الذى تم اصلاحه منذ شهر تقريبا, وأعيد اصلاحه.

يذكر أن هذه هى المرة السابعة خلال التسعة أشهر الماضية حيث التى يفجر فيها هذا الخط, وبدات أولى المرات فى 5 فبراير قبل تنحى حسنى مبارك بأيام.

كانت أقوات الجيش والشرطة قد أحبطتا محاولة لتفجير خط الغاز المصرى المتجه لإسرائيل ثانى أيام عيد الأضحى , و تمكنت الدورية الامنية من ضبط سيارة تقل فلسطينين بالقرب من المحطة بالقرب من كمين الميدان, إحدى القرى التى حدث فيها انفجار اليوم.

اقرأ المقال الأصلي علي بوابة الوفد الاليكترونية الوفد - تفجير خط غاز اسرائيل بقريتين بالعريش

[tarek hassan]

لماذا عادت ظاهرة تفجير تفجير الغاز من قبل ملثمين بعد عزل مرسى ؟

تم تعديل 11 يوليو 2013 بواسطة tarek hassan