إفرحوا ياحبايب لفرحنا سي السيد شرفنا

[Alshiekh]

علمت مصادرنا المخابراتية الأمنية التابعة للسي آي إيــــه

أن المدعو سي السيد الذي يتخذ إسما حركيا رمزيا بإسم س س

قد حصل على درجة الماجستير

هذا ومازالت تحرياتنا قائمة على قدم وساق لمعرفة باقي التفاصيل

وحتي تتضح البيانات النهائية فإننا نقدم لكم هذا الفاصل مع أغنية للتهنئة بالنجاح

كنوع من الخداع حتى يبتلع المدعو س س الطعم ويقع في المصيدة

مصيدة البيبسيهات والحلويات يليها المحمرات والمشمرات

http://www.youtube.com/watch?v=uCXWZwlIwEY

[MZohairy]

كل ده بسببي

ياما اكلته فسيخ

ياما وديته يشيش

ياما ضربنا كنافه

بالتأكيد لازم ينجح

برافو يابو عمر الف مبروك

[Ahmed Anwer]

عاجل : مؤكد: مبرووووووووووووووووووووووووووووووك

بإنتظار التفاصيل

[طارق مصرى]

مع إنى معرفش ماجستير فى ايه بس المهم انه حصل عليه

ألف مبروك أ-سى السيد

[عبير يونس]

مع إنى معرفش ماجستير فى ايه بس المهم انه حصل عليه

ألف مبروك أ-سى السيد

ماجستير في ادارة الأعمال

[اثار]

مبرووووووووووووووك عقبال الدكتوراه

تم تعديل 10 نوفمبر 2011 بواسطة همسات مصرية

[عبير يونس]

مليون مبروووووووووووووووووووك يا فندم

و مستنين الحفلة في الاشراف

:closedeyes:

[ViralMind]

الف الف مبروك.. و عقبال الدكتوراه من كندا ان شاء الله.. فكر فيها بجد.. كندا بتشجع دراسة الدكتوراه, و بتدى منح كتييييير.. بس طبعا بعد ما تاخد راحة من الدراسة.

[الباشمهندس ياسر]

مبروووووووووووووووووووك

[أبو يمنى]

مبارك للأخ الكريم سي السيد وعقبال الدكتوراة .

:waving: :waving: :waving:

[عماد حمدي]

أخيراً ..MBA ألف ألف ألف ألف مبرووووووووك يا أستاذ أحمد ..

و تمنياتي لك بالنجاح و التوفيق دائماً ..

و عقبالي بقا أخلص الـ CMA علشان أستاذ محمد يعملي حفلة جميلة زي دي ;)

تم تعديل 10 نوفمبر 2011 بواسطة omda2006

[raouf]

الف مبروط يا حاج احمد وعقبال الدكتوراه ان شاء الله

[se_ Elsyed]

الله يبارك فيكم ...

أخيراً بعد مجهود سنتين

أينعم أنا تلميذ خايب واللي فيه داء مش بيبطلة وكنت باذاكر أخر شهر بس .. لكن بعون الله بنقدر نسد وبندخل الإمتحان بصدرنا وبتيجي سليمة .

نزل يا عم صينية الفتة باللحمة والكل ياكل ويهيص وياخد لفة معاه وههو مروح كمان

[capitshino]

1000 مبروك يا سى السيد .

[se_ Elsyed]

معليش بس يا جماعة عشان نحلل القرشين اللي دفعناهم من لحم الحي في الشهادة

من هنا ورايح الكل ينده لي ويقول لي يا

أ. د. سين سين

ولكم عندي هدية .. الكشف عندي مجاناً لمدة إسبوع

وقطع الغيار هاتبقى أصلية ...

[لماضة مصرية جدا]

السلام عليكم و رحمة الله و بركاته

طب و النيعمة ديت انا فهمت التوبيك "سي السيد شرفنا" يعني استاذنا سي السيد خطف رجله يجيب طابع بوسطة من امريكا...مش عارفة حالة الحول في الفهم ملزماني بشكل صعيدي اوي الفترة ديت :blink:

ما علينا

مليون مبروك يا استاذنا و يا رب عقبال الدكتوراة اللي تبتدي فيها دلوكيتي حالا علشانناخدها و انت سخن و لسه علي وش القفص يعني...(وش اي حد واقف في طابور عيش)

ع فكرة انا مش راح اسال السؤال التاريخي فين البوفيه

بوتاتا البتة

انا بفكر بقي ان المفروض استاذنا يعزمنا كوووووووولنا في مصر علي حلبسة....سحلب في الحسين...فطيرة بالسكر من جاد وسط البلد او كشري من عند ابو طارق برضه في وسط البلد

ها قولتوا ايه

اختار الزمان و المكان و ارض الموقعة و هتلاقينا حاضرين باذن الله

و يجعله عامر

و الف الف مبروك و ربنا يتمم بخير...(وش انعام سالوسة) :P

[نورالعين]

الف الف مبرووووك وعقبال الدكتوراه ان شاء الله

بس سؤال معلش اعذرني حب استطلاع مش اكتر

هو الماجستير بيكون ازاي في الكليات النظرية

موضوع الرسالة يعنى كان في ايه

او هو امتحان بس

وكمان احنا عايزين حاجة حلوة فتة ايه دلوقتي بس

[عصام أبوالفتح]

الف مبروك يا سعادة الضاقتوووور ... قدها وقدود ياابوعمر

[se_ Elsyed]

الف الف مبرووووك وعقبال الدكتوراه ان شاء الله

بس سؤال معلش اعذرني حب استطلاع مش اكتر

هو الماجستير بيكون ازاي في الكليات النظرية

موضوع الرسالة يعنى كان في ايه

او هو امتحان بس

وكمان احنا عايزين حاجة حلوة فتة ايه دلوقتي بس

الله يبارك فيكي

لأ عادي مش فارقه كليات نظرية من عملية

الدراسة كانت سنتين ... على 4 سميستر ... كل سميستر 6 مواد ومعاهم حاجه زي البروجكشن بيسموها أصينمنت وفي إمتحان طبعاً في الست مواد دول ... وفي أخر سميسترين في مشروع تخرج حسب التخصص بالإضافة إلى الامتحانات المعتادة ...

[Abu Reem]

الف مبروك أ.د ابو عمر رئيس قسم الاشراف في المحاورات.

وبانتظار الدكتوراة ، وقدامك سنتين بس علشان تلحق تنزل انتخابات الرئاسة وانت دكتور