شرح بالصور و الفيديو - كيف تتم عملية الإنتخاب

[عماد حمدي]

كيف تتم عملية الإنتخاب - في مصر ( إنتخابات مجلس الشعب و الشوري 2011 )

فـــــردي & قوائـــــم حزبيـــــة

زمااااااااان كان النظام فردي بس ياعني تختار واحد فئات و واحد عمال أو فلاح ، دلوقتي بقا تختار واحد فئات و واحد عمال أو فلاح + قائمة حزبية ..

الفيديو الجميل دا مبسط الشرح جداً .. مشاهده ممتعه ،،

http://www.youtube.com/watch?v=HBRagYKtGDk

دا دورك في اليوم الإنتخابي بالصور ..

بالنسبة للمصريين المُغتربين

إضغط هنا - شرح بالصور طريقة تسجيل الأسماء و طلب التصويت بالخارج ..

تمنياتي لجميع الأحزاب السياسية بالتوفيق و السداد لخدمه الوطن .. و نشوف مصر في أحسن حال

صوتك أمانه .. كن إيجابي .. صوتك أنته ممكن يفرق كتير جداً .. ممكن يغير حاجات كتير أوي ..

لازم تشارك .. تقول لولادك أنا شاركت في أول إنتخابات ديمقرواطية في مصر ..

دي أمانه في رقبتك >> خليك إيجابي >> جمّع أصحابك معارفك جيرانك أقاربك و كلكم إيد واحدة

رايحين تغيروا >> تغيروا مصر بإيديكم ..

بالتوفيـــــــــــــــــــق ،،

عماد - حرية و عدالة

[moamana]

موضوع رائع و مفيد يا ريت بقى الكل يقولنا كل واحد من هيترشح فى دايرته

[طارق مصرى]

[ابو محمود]

متشكرين يا عمدة وشكرآ للأخ طارق هو دة الانسان الأيجابى جزاكم الله خيرآ

المفروض بقى كل الاهتمام ينصب على توعية الناس مش نقعد نخبط ف الحلل وهات ياردح وصريخ ودة فلول ودة علمانى ودة شيخ ودة سلفى المهم ازاى نكون ايجابيين فى اى مكان نجتمع بة ونفيد اللي حوالينا مهما كانت ايديولوجيتة هكذا يكون الانسان السوى

[عماد حمدي]

[عماد حمدي]

[عماد حمدي]

[عماد حمدي]

دورك هو صوتك .. بيقول إية الراجل دا !؟

http://www.youtube.com/watch?v=gfIIbJEtg3g&feature=player_embedded

[osaimi]

طيب حد عندة فكرة بالنسبة للمغتربين هيكون التصويت اونلاين ولا فى السفارات ومكاتب فرعية ، لسه النقطة دي مش واضحه خالص

يعني مثلا بالنسبة للمصريين المتواجدين بالمنطقة الشرقية بالمملكة العربية السعودية هل لازم يسافروا للرياض عشان ينتخبوا؟

[عماد حمدي]

طيب حد عندة فكرة بالنسبة للمغتربين هيكون التصويت اونلاين ولا فى السفارات ومكاتب فرعية ، لسه النقطة دي مش واضحه خالص

يعني مثلا بالنسبة للمصريين المتواجدين بالمنطقة الشرقية بالمملكة العربية السعودية هل لازم يسافروا للرياض عشان ينتخبوا؟

شوف يا فندم ..

هوه في موقع اللجنه العليا للإنتخابات قالوا و إحنا بنسجل ( في رساله إكتمال التسجيل ) ..

اننا نحفظ الرقم السري ، و نتابع الموقع أول بأول علشان نعرف اللي هيتم الفترة الجاية إية بالظبط ..

ياعني لسة محدش عارف بالظبط الأمور هيكون شكلها إية ،

بس غالباً و إحساسي الشخصي هتكون عن طريق النت ..

مستخدمين في ذلك الرقم السري اللي حصلنا عليه وقت التسجيل ..

دا خبر جه النهارده في اليوم السابع

الوزراء: إقرار قانون يمكن السفراء من الإشراف على التصويت بالخارج

انتهت اللجنة التشريعية التابعة لمجلس الوزراء فى اجتماعها مساء أمس مع اللجنة العليا للانتخابات بمقر وزارة العدل، إلى تعديل المادة 39 من الإعلان الدستورى، وذلك لتمكين المصريين فى الخارج من التصويت فى الانتخابات البرلمانية القادمة، وسيعرض قرار اللجنة التشريعية على مجلس الوزراء، فى أول جلسة له خلال هذا الأسبوع، تمهيداً لتمريره إلى المجلس العسكرى وإصدار تشريع جديد بهذا الشأن.

أكد المستشار محمد عبد العزيز الجندى وزير العدل ورئيس اللجنة التشريعية بأن اللجنة انتهت مساء أمس إلى وضع تشريع جديد، وتعديل المادة 39، بحيث أصبح الإشراف على تصويت المصريين بالخارج من قبل السفراء والقناصلة بالدول المختلفة ممكنا، وتم استثناء إشراف القضاء على تصويت المصريين بالخارج.

وأوضح بأن اللجنة ذللت جميع العقبات أمام المصريين المغتربين، وذلك من خلال وضع المقترح فى شكله النهائى الذى يتم من خلاله تنفيذ عملية الاقتراع بالنسبة للمصريين فى الخارج، من غير أى مشكلات.

من ناحية أخرى قال مصدر قضائى رفيع المستوى، إن التشريع الجديد الذى سيعرض على المجلس العسكرى تضمن إنشاء لجان انتخابية داخل جميع القنصليات والسفارات، طبقاً لعدد من تم تسجيل بياناتهم من المصريين المغتربين فى الخارج فى كل دولة، وذلك حتى يتوجه إليها المصرى المغترب للإدلاء بصوته طبقاً للرقم القومى الخاص به، وجواز سفره وكذلك الدائرة التى ينتمى إليها.

وذكر المصدر، أن اللجنة العليا للانتخابات سوف تقوم بحصر من سجلوا بياناتهم خلال الأيام الماضية، بدءاً من يوم 10 وحتى 19 نوفمبر تمهيداً لإعداد كشوف بأسمائهم وإرسالها إلى السفارات لتعليقها بالخارج، واطلاع المصريين عليها بمعرفة موطن كل مغترب بدائرته الانتخابية.

الرابط الخاص بي

أرق تحيــاتي ،،

تم تعديل 14 نوفمبر 2011 بواسطة omda2006

[Dreamwithme]

بالنسبة للناخبين من داخل مصر بدأ الموقع من اليوم إعطاء البيانات كاملة عن لجنتك الانتخابية فين بالتحديد ورقمك الانتخابي

الموقع:

http://www.elections2011.eg/

وهنا قائمة مبدئية بالمرشحين علي المقاعد الفردية في المحافظات المختلفة

https://docs.google.com/spreadsheet/lv?key=0AlP7UQ6EXejndGdyWEFiVFQ1LTVuZUxRdlU0ZHFUNEE&type=view&gid=0&f=false&sortcolid=-1&sortasc=true&rowsperpage=250

ومن الممكن إضافة أسماء للقائمة عن طريق الرابط التالي:

https://docs.google.com/spreadsheet/viewform?formkey=dGdyWEFiVFQ1LTVuZUxRdlU0ZHFUNEE6MQ&fb_source=message

وموقع آخر لمعرفة الفلول المرشحين في دائرتك ممكن زيارة الموقع التالي:

http://www.emsekflol.com/

[لونا]

الموضوع ده ممتاز شكرًا لكل واحد أضاف فيه معلومة

[Dreamwithme]

[Dreamwithme]

[ابو محمود]

اعزائى هل يوجد وسيلة تعريف للناس من هم مرشحى دائرتهم الانتخابية اسمائهم

واحزابهم وهل ايضآ ان وجد ممكن نعرف الاتجاة الحزبى للمرشح الفردى بمعنى مثلآ كتلة كذا مرشح منها او على قائمتها كذا وكذا الفردى التابع لها كذا وكذا

انا مش عارف اشكركم ازاي على المجهود دة بارك الله لكم

بصو الوردة اللي فوق دى اللي اقدر ابعتة ليكم لانى لا يوجد عندى تقييم لانى مشاغب جدآ واميل ظنآ والله اعلم :unsure: الى التيار الدينى هههههههههههههههههههههههههههههههههههه

حتى الوردة مش عايزة تنزل شيء عجيب لازم اعمل تحرير ههههههههههه

تم تعديل 15 نوفمبر 2011 بواسطة محمودمصطفى

[عماد حمدي]

طريقة التصويت في انتخابات مجلس الشعب 2011

فيديو جميل جداً جداً .. مدته 3 دقائق بس ..

هيعرف كل حاجة ..

يالا إتفرج عليه >> و شير بسرعه علي مواقع التواصل الإجتماعي :)

www.youtube.com/watch?feature=player_embedded&v=ACg4F4MLHY0

عماد - حرية و عدالة

تم تعديل 16 نوفمبر 2011 بواسطة omda2006

[عماد حمدي]

[sindbad]

يمكن اختيار 2 فئات ولا يبطل الصوت

لكن في الاخر لازم واحد عمال ينجح

[م تيمور المراغي]

[MZohairy]

يا جماعه

يا عمده تحديدا

اقرب سفاره مصريه تبعد خمستلاف كيلو عن بيتي

هل هينفع انتخب من النت من الاول للآخر ولا هلاقي نفسي لازم اروح مكان فيه سفاره لإكمال الإنتخاب ؟

شكرًا