كل ما يخص جُمعة 18-11

[se_ Elsyed]

نفسى نسأل نفسنا سؤال احنا عملنا ايه للبلد بجد خلال العشر شهور دول .

بلاش أتكلم عني وعنك .. نحن أشخاص عاديون ولا نملك إلا قليل من حطام الدنيا

فما بالك يا عصام بيه بكمية العلماء اللي رجعوا وزاروا مصر بعد الثورة ومنهم زويل والباز وناس كنت أول مره اشوفهم وهم اعلام في العالم كله والكل جه يشارك ويقول أنا تحت أمركم ... والبهوات العساكر ومعاهم قراطيس المسئولين نفضوا لهم ..

دول المطلوب منهم يركبوا دبابات ويقولوا هانساعد يعني هانساعد ؟

شوفت مين بيحاول يقتل حلمنا ؟؟

[م تيمور المراغي]

ان شاء الله

رايحين

و مش هنرجع غير بمصر

ايه الآليات اللي تقترحها !

[عصام أبوالفتح]

يعنى لا اللى جوة مصر عملوا حاجة ولا اللى بره كمان ... طيب ماهو منكم سلط عليكم ...و نفس سيناريو العجز هايتكرر مع اى حاكم

خلينى اقولك رأيى الشخصى ... اللى اتعمل جوه وبره فوق الخيال فى العشر شهور وانا كنت متخيل وناس كتير معى ان المرحلة الانتقالية لن تقل باى حال من الاحوال عن سنتين وكنا بنطالب ان البرادعى يمسك البلد يظبطها فى السنتين دول ...و فى ناس كتير اعلنت انها ستجلس سنتين فقط لتصلح الاوضاع ,, فلماذا نجلد المجلس كل يوم بمزيد من المطالب ,, يا احمد فى علم ادارة المشاريع لما تعصر الجدول وتسرع انشطته لازم تزود التكلفة يا تطنش على الجودة ( غير مقبول تقليل الجودة لانها تستدعى اعادة المجهود ) ولما نجلد المجلس لتنفيذ ما يستغرق سنتين ليصبح فى سنة ولا سنة ونصف فنحن نستنزف الاحتياطى ونرهق الميزانية وكله على حساب البلد .. انا وانت لا نملك الا حطام الدنيا فمش دافعين حاجة !

قعدنا نقول 8 مليون مغترب ولازم نصوت ومظاهرات الكترونية وقضايا ... وهما يقولوا التكاليف ... ولما اجبرهم القضاء زى ما قلت ... وسحبوا من الاحتياطى عشان يرضخوا رغم انوفهم لطلبنا ... 76 الف بس سجلوا من ال 8 مليون ... يبقى المشكلة فى مين ؟ ... وبالله عليك متقوليش مؤامرة امشى اسئل الدكاترة ... الدكاترة فى اى مستوصف جنبك ولا مهندسين تعرفهم .. مش هاقولك الساعى ولا البواب .. اسئلهم سجلتوا بياناتكم ولا لسه ... عشان تحس بالاحباط والقرف اللى انا حاسه .. وموقف الصبح لما زميل فاضل سألنى ازاى اسجل .. وانا فاكر انه دودة الكترونية ... فكرت هو احنا ليه حركتنا صعبة قوى ... بينما المفروض حاكمنا يكون فريرة .. على طريقة اجرى بسرعة ياواد حسين

عمالين نصرخ الجدول الزمنى الجدول الزمنى .. واربعة مرشحين للرئاسة واقسم بالله ولا واحد فيهم بيفهم يعنى ايه جدول زمنى ولا ليهم فى حاجة اسمها تخطيط .. وحطوا جدول طاخ طيخ ينتهى فى 20 ابريل بدون اى ادراك ان الرئيس هايجى طبقا للجدول ده بدون صلاحيات .. تيشة يعنى ... او فرعون !!!... الله اعلم ... وبعدين نعمل الدستور ... قمة الانانية والانتهازية وعدم الوعى والادراك

ومش بس كده .. نجلد المجلس ونحشد الناس لاعتصام حتى تتم الموافقة على هذا الجدول .. لوى دراع ليس اكثر

ولما عملت انا جدول زمنى طبقا للعلم الذى اعلمه عن التخطيط ولا واحد منكم بص فيه او علق عليه او ناقشه .. حقيقى حسيت انكم بصفة عامة متستهلوش الجهد المخلص وبتدورا على الكلام وخلاص والهيصة وخلاص .. وعشان كده رجع العلماء مرة اخرى للخارج يجرون مرارة التجربة معهم

وحسبى الله ونعم الوكيل فى اللى كان السبب

[se_ Elsyed]

ولما نجلد المجلس لتنفيذ ما يستغرق سنتين ليصبح فى سنة ولا سنة ونصف فنحن نستنزف الاحتياطى ونرهق الميزانية وكله على حساب البلد .. انا وانت لا نملك الا حطام الدنيا فمش دافعين حاجة !

فاكر إعلان أنظر حولك ؟

بص كده على تونس وسمعني رأيك

76 الف بس سجلوا من ال 8 مليون ... يبقى المشكلة فى مين ؟

تصدق بالله إني مش مصدق اللي بيحصل ده

عارف فكروني بإية ؟

بمسرحية وجهة نظر

كان محمد صبحي طالع بدور كفيف وكل الابطال اللي معاه وفي سرقة للركب في الدار اللي عايشين فيها .. فقالوا مش هايحل مشاكلنا إلا صاحب الدار

سيد بيه السيد

وجه الراجل وقال لهم : اللي شايف إن في سرقة ومشاكل في الدار يرفع إيده

الكل رفع إيده

فقال لهم معقول واحد بس اللي شايف كده

وهكذا في كل المشاكل وخلاهم يقعوا في بعض واستعماهم

اهو انا حاسس إن بيحصل فينا كده دلوقت

والدليل ... فات 4 ايام دلوقت على التسجيل

نفسي يعلنوا خريطة العدد ده متوزعه إزاي لو عندهم شجاعة

لأني حاسس إنهم بيستعمونا يا عصام لحد ما العدد في نهاية المهلة يوصل له ييجي 150 الف ولا حاجه فيقولوا طظ فيكم الموضوع مش مستاهل

[se_ Elsyed]

بالاضافة الي أن أول يوم أعلنوا إن اللي سجلوا نص مليون

وبعدها بيومين اتخسفوا لـ 38 الف

!!!!!!!!!!!!! تيجي إزاي دي ؟؟؟؟؟؟؟؟

[Obied Allah]

يعنى لا اللى جوة مصر عملوا حاجة ولا اللى بره كمان ... طيب ماهو منكم سلط عليكم ...و نفس سيناريو العجز هايتكرر مع اى حاكم

خلينى اقولك رأيى الشخصى ... اللى اتعمل جوه وبره فوق الخيال فى العشر شهور وانا كنت متخيل وناس كتير معى ان المرحلة الانتقالية لن تقل باى حال من الاحوال عن سنتين وكنا بنطالب ان البرادعى يمسك البلد يظبطها فى السنتين دول ...و فى ناس كتير اعلنت انها ستجلس سنتين فقط لتصلح الاوضاع ,, فلماذا نجلد المجلس كل يوم بمزيد من المطالب ,, يا احمد فى علم ادارة المشاريع لما تعصر الجدول وتسرع انشطته لازم تزود التكلفة يا تطنش على الجودة ( غير مقبول تقليل الجودة لانها تستدعى اعادة المجهود ) ولما نجلد المجلس لتنفيذ ما يستغرق سنتين ليصبح فى سنة ولا سنة ونصف فنحن نستنزف الاحتياطى ونرهق الميزانية وكله على حساب البلد .. انا وانت لا نملك الا حطام الدنيا فمش دافعين حاجة !

قعدنا نقول 8 مليون مغترب ولازم نصوت ومظاهرات الكترونية وقضايا ... وهما يقولوا التكاليف ... ولما اجبرهم القضاء زى ما قلت ... وسحبوا من الاحتياطى عشان يرضخوا رغم انوفهم لطلبنا ... 76 الف بس سجلوا من ال 8 مليون ... يبقى المشكلة فى مين ؟ ... وبالله عليك متقوليش مؤامرة امشى اسئل الدكاترة ... الدكاترة فى اى مستوصف جنبك ولا مهندسين تعرفهم .. مش هاقولك الساعى ولا البواب .. اسئلهم سجلتوا بياناتكم ولا لسه ... عشان تحس بالاحباط والقرف اللى انا حاسه .. وموقف الصبح لما زميل فاضل سألنى ازاى اسجل .. وانا فاكر انه دودة الكترونية ... فكرت هو احنا ليه حركتنا صعبة قوى ... بينما المفروض حاكمنا يكون فريرة .. على طريقة اجرى بسرعة ياواد حسين

عمالين نصرخ الجدول الزمنى الجدول الزمنى .. واربعة مرشحين للرئاسة واقسم بالله ولا واحد فيهم بيفهم يعنى ايه جدول زمنى ولا ليهم فى حاجة اسمها تخطيط .. وحطوا جدول طاخ طيخ ينتهى فى 20 ابريل بدون اى ادراك ان الرئيس هايجى طبقا للجدول ده بدون صلاحيات .. تيشة يعنى ... او فرعون !!!... الله اعلم ... وبعدين نعمل الدستور ... قمة الانانية والانتهازية وعدم الوعى والادراك

ومش بس كده .. نجلد المجلس ونحشد الناس لاعتصام حتى تتم الموافقة على هذا الجدول .. لوى دراع ليس اكثر

ولما عملت انا جدول زمنى طبقا للعلم الذى اعلمه عن التخطيط ولا واحد منكم بص فيه او علق عليه او ناقشه .. حقيقى حسيت انكم بصفة عامة متستهلوش الجهد المخلص وبتدورا على الكلام وخلاص والهيصة وخلاص .. وعشان كده رجع العلماء مرة اخرى للخارج يجرون مرارة التجربة معهم

وحسبى الله ونعم الوكيل فى اللى كان السبب

السلام عليكم,

انا بس حبيت ارد على مداخلة حضرتك, الفكرة فى المليونية اللى جايه مش لوى دراع, بس ده الرد الوحيد على تجاهل المجلس العسكرى لجموع هذا الشعب العظيم.

وانا بصيت على جدول حضرتك (هو تقريبا معمول ب MS Project اللى مش بحبه :) بس مش مشكلة ) بغض النظر عن التواريخ, لماذا لم يطل علينا المجلس العسكرى قرابة الشهرين ويخبرنا عن معياد تسليم السلطة, ده لو هو اصلا عايز يسلمها, وقال يا جماعة ماشى انا ان شاء هأسلم السلطة بس فى ابريل اللى جاى ده صعب اوى. اجتمع كل مرشحين الرئاسة والقوى الساسية وعملوا بيان وقالوا عايزين تسليم السلطة فى المعياد الفلانى, لماذا لم يخرج ويقول هذا المعياد غير كافى ؟ لكنهم تجاهلوا الشعب, قبل رمضان وقبل ما المظاهرات تقريبا تنتهى فى التحرير كان المجلس كل شوية يقول للناس بطلوا كذا وكذا عشان الاستقرار وعجلة الانتاج ولما الناس بطلت تتظاهر, راح قال انا مش هامشى قبل نص 2013 وعليكوا خير, هل هما دول الناس اللى خايفين على مستقبل البلد ؟ ووثيقة السلمى ؟!! بس مش هتكلم عليها.

وبعدين تعالى نسأل نفسنا احنا ليه عايزين السلطة تتسلم قبل ما حتى ما الدستور يتعمل ؟

- لو الجيش فضل موجود والدستور بيتعمل هتكون كارثة بكل المقاييس وممكن يعمل اى حوار عشان يقولك مجلس الشعب مش عارف يعمل لجنة تأسيسية وانا هجيب واحدة من عندى ,واركن يا مجلس الامة على جنب.

- طبعا وبلا شك ان الاحسن والافضل الدستور يتعمل وبعدين الرئيس يجيى, بس تفتكر هل ده ممكن يتحقق فى ظل الحالة المزرية اللى المجلس العسكرى عملها فى البلد ؟ ضيعنا 10 شهور من غير اى خطوة؟ طب ازاى نعمل دستور من غير ما يمضى على الاقل سنة او اكتر على المجلس فى البلد ؟ هنرجع نقول مجلس رئاسى مدنى والكلام ده من وجهة نظرى مش هينفع فى الوقت الحالى, احنا دلوقتى بنلعب فى الوقت الضايع لان المجلس العسكرى عمره ما هيسيبك تعمله, لكن الرئيس الشعب هو اللى هايختاره وبكده نقول للجيش ارجع يا برنس على ثكناتك وسيب البلد لاهلها, لكن مجلس مدنى وهذا الكلام, ممكن يقولك الجيش يخوش فيه وبكده يبقى شكرا !

- عشان كده انا شايف ان الحل الامثل للمعظلة اللى احنا فيها يتعمل انتخابات ويجى رئيس, ويظبط البلد لحد ما الدستور يتعمل

الخلاصة ان الخلاف دلوقتى مش الخلاف على كام يوم فصال على تسليم السلطة, المشكلة تكمن فى حالة التخبط اللى البلد فيها ومحدش عارف امتى اصلا هيكون فيه رئيس وعشان كده انا نازل ان شاء الجمعة ولو فيه اعتصام, فان شاء المولى هكون هناك

[Obied Allah]

76 الف بس سجلوا من ال 8 مليون ... يبقى المشكلة فى مين ؟ ... وبالله عليك متقوليش مؤامرة امشى اسئل الدكاترة ... الدكاترة فى اى مستوصف جنبك ولا مهندسين تعرفهم .. مش هاقولك الساعى ولا البواب .. اسئلهم سجلتوا بياناتكم ولا لسه ... عشان تحس بالاحباط والقرف اللى انا حاسه .. وموقف الصبح لما زميل فاضل سألنى ازاى اسجل .. وانا فاكر انه دودة الكترونية ... فكرت هو احنا ليه حركتنا صعبة قوى ... بينما المفروض حاكمنا يكون فريرة .. على طريقة اجرى بسرعة ياواد حسين

السلام عليكم,

انا طبعا متفق معاك ان الاعداد تحبط بجد.

انا لو مكانك اللى هأعملوا (الزم طريق الهدى ولا يغرنك كثرة الضالين) , انا هأسجل نفسى عادى جدا, عشان اكون خلصت ضميرى قدام ربنا وشعان لما ابنى ولو بنتى يقولولى يا بابا انت كنت ايجابى وسجلت , اقول اه الحمدالله واكون قدوة على الاقل لولادى.

انا عن نفسى لما بكون مشارك فى وقفة او مظاهرة مفيش فيها ناس كتير وافضل اسئل نفسى الباقى فين, فى الاخبر برجع اقول اعملك اللى عليك ولو مفيش غيرك فى المظاهرة ديه, اديك بتخلص ضميرك وبتوصل صوتك.

[moamana]

يا جماعة امريكا بجلالة قدرها مبينتحبش فيها الا 45 فى الميه فانتم بتتكلموا فى اللى مش عايز يسجل من المغتربين

و الله يا مرعوبة فعلا من حكاية الحكومة الانتقالية اللى هتتسلمها السلطة يوم 18 ديه و رئيس وزراء منتخب كمان

يا سيدى اعتقد ان المجلس العسكرى استفز الناس كلها مفيش فلوس فى البلد و مستردوش مليم من مبارك و اعوانه

نحاكم المدنيين عسكريا و مبارك و اعوانه مجنى و محاكمات كيك كيك احلى تزبيط حد يقولى كده كانت شهادة المشير ايه و لا عمر سليمان اخر استهبال

و المصريين خلاص تهقوا من الاستقبال

والمشكلة اللى بيقولك الثورة السبب هو نفسه مش مقتنع لانه بكل بساطة عنده امل فى بكره من كثر ما كان امبارح زفت

و الاخوان عاملين زى لعيبة السيرك بينطوا و يلعبوا على كل الحبال عشان كده حزب العدل او الوسط زى الفل بالنسبة لى

اعتقد ان المجلس العسكرى هيمنع المليونية ديه باى طريقة و الله اعلم

و ان ممنعهاش فاتوقع ثورة اخرى و ربنا ستار

[عصام أبوالفتح]

بالاضافة الي أن أول يوم أعلنوا إن اللي سجلوا نص مليون

وبعدها بيومين اتخسفوا لـ 38 الف

!!!!!!!!!!!!! تيجي إزاي دي ؟؟؟؟؟؟؟؟

انت هاتجننى يا س س . . امال لو مكنتش مشرف عام كنت هاتقول ايه ? ياسيدى عداد الزيارات حاجة واللى بيدخل يسجل اسمه ويعلم صح على صحة المعلومات ويطلع له كود فى الاخر حاجة تانية خالص . . ارجوك بطل تقرأ الجرائد اللى محرريها زبالين بيلموا اى حاجة ويحطوها فى رغيف

[Abu Reem]

وقال الدكتور محمود غزلان المتحدث الرسمي باسم جماعة الإخوان المسلمين فى تصريحات صحفية بعد ظهر الأحد - قال إن الجماعة قررت العودة للتظاهر الجمعة القادمة بميدان التحرير ما لم يتدخل المجلس العسكري ويسحب وثيقة المبادئ فوق الدستورية التي يتبناها علي السلمي نائب رئيس الوزراء

.

إخص على الإنتهازية والأهداف الشخصية

أقسم بالله كنت ناوي أعطي صوتي لقامئة حزب الحرية والعدالة .. لكن كده الفلول الشرف منهم

يعني إذا العضمة اللي رماها المجلس الخسيس قام بسحبها ... خلاص تبقى مشاكلنا خلصت والسلطة اتسلمت والجدول بقى واضح يا إخوان يا حلوين ؟

وهل كل مشاكلنا هي في علي السلمي الان يا سادة ؟

عامةً لن أُضيع وقتي في مناقشة مثل تلك الأفعال إنتهازية الغير شريفة .. فمصر فوق الجميع ومصر اهم من الاخوان وغيرهم

يا أبو عمر يا اخويا ،،

الله يخليك ويبارك فيك ، معلش استحمل اللي هقوله

- يعني انت دخلت في موضوع الرجم ووبخت الناس اللي بتتناقش هناك لاول مرة باحترام ودون اتهامات متبادلة ، وبررت ذلك ان الوقت غير مناسب لفتح المواضيع الجدالية والمناقشة فيها لان هناك اولويات أهم واخطر تمر بها البلد....وأنا طبعا معاك ان فيه أولويات اهم بكثير ..في الوقت الحالي

- ولكن لما بحثت عن مواضيع اشارك فيها تكون تتحدث عن الاوضاع الحالية وقضايا الساعة ، وجدت موضوعك وموضع الاخ عصام

- ولما بدأت اقرأ موضوعك وكان هذا بالامس ، من بدايته لم استسغ المشاركة فيه للاسباب الاتية ..

- فكيف لي ان أشارك وسيادتك من أولها معصب على الاخوان..وعلشان إختلاف رؤيتهم عن رؤيتك..قمت فورا بوصفهم بأقذع الالفاظ ورميتهم بأحط التهم... من حيث انهم انتهازية وأن الفلول افضل منهم وان أفعالهم غير شريفة

- الاخوان بمن فيهم من شرفاء وأطباء ومهندسين ومحامين..وغيرهم أصبحوا في منزلة اقل من الفلول....؟؟؟

- كل هذا لاعتراضهم على وثيقة مشبوهة من شخص وصى نفسه متحدثا باسم الشعب ليعلن عن وثيقة تحتوي على مادتين تعطي سلطة مطلقة للمجلس العسكري في رفض اللجنة التأسيسية للدستور ، بل رفض الدستور اساسا...بالاضافة الى مادة تمنع معرفة ميزانية الجيش ومحاسبته عليها...بالاضافة الى تقسيم غريب يتيح فقط ل 20 من اعضاء مجلس الشعب اختيار اعضاء اللجنة التأسيسية والباقيين على مزاج سيادته ولا نعرف لماذا هذا التقسيم وهل حصل على موافقة اغلبية القوى السياسية

- هل هذا التصرف شرعي وديموقراطي..

- إذا كان رفض الإخوان لهذه الوثيقة التي توضع من قبل شخص محسوب على المجلس العسكري تراه انت أنتهازية وافعال غير شريفة ، فكيف تتوقع أن ترى حوارا فعالاً ....في مثل هذه الامور بعد أن تصنف حزب كبير له شعبيه واسعة بهذا الوصف ..وكأنهم كفروا بالكتاب المقدس الذي أنزله السلمي ؟؟؟!!! اليس من الديموقراطية موافقة غالبية القوى السياسية على هذه الوثيقة....ولا أنت شايف إيه....؟

تم تعديل 14 نوفمبر 2011 بواسطة Abu Reem

[Alattar]

وقال الدكتور محمود غزلان المتحدث الرسمي باسم جماعة الإخوان المسلمين فى تصريحات صحفية بعد ظهر الأحد - قال إن الجماعة قررت العودة للتظاهر الجمعة القادمة بميدان التحرير ما لم يتدخل المجلس العسكري ويسحب وثيقة المبادئ فوق الدستورية التي يتبناها علي السلمي نائب رئيس الوزراء

.

إخص على الإنتهازية والأهداف الشخصية

أقسم بالله كنت ناوي أعطي صوتي لقامئة حزب الحرية والعدالة .. لكن كده الفلول الشرف منهم

يعني إذا العضمة اللي رماها المجلس الخسيس قام بسحبها ... خلاص تبقى مشاكلنا خلصت والسلطة اتسلمت والجدول بقى واضح يا إخوان يا حلوين ؟

وهل كل مشاكلنا هي في علي السلمي الان يا سادة ؟

عامةً لن أُضيع وقتي في مناقشة مثل تلك الأفعال إنتهازية الغير شريفة .. فمصر فوق الجميع ومصر اهم من الاخوان وغيرهم

يا أبو عمر يا اخويا ،،

الله يخليك ويبارك فيك ، معلش استحمل اللي هقوله

- يعني انت دخلت في موضوع الرجم ووبخت الناس اللي بتتناقش هناك لاول مرة باحترام ودون اتهامات متبادلة ، وبررت ذلك ان الوقت غير مناسب لفتح المواضيع الجدالية والمناقشة فيها لان هناك اولويات أهم واخطر تمر بها البلد....وأنا طبعا معاك ان فيه أولويات اهم بكثير ..في الوقت الحالي

- ولكن لما بحثت عن مواضيع اشارك فيها تكون تتحدث عن الاوضاع الحالية وقضايا الساعة ، وجدت موضوعك وموضع الاخ عصام

- ولما بدأت اقرأ موضوعك وكان هذا بالامس ، من بدايته لم استسغ المشاركة فيه للاسباب الاتية ..

- فكيف لي ان أشارك وسيادتك من أولها معصب على الاخوان..وعلشان إختلاف رؤيتهم عن رؤيتك..قمت فورا بوصفهم بأقذع الالفاظ ورميتهم بأحط التهم... من حيث انهم انتهازية وأن الفلول افضل منهم وان أفعالهم غير شريفة

- الاخوان بمن فيهم من شرفاء وأطباء ومهندسين ومحامين..وغيرهم أصبحوا في منزلة اقل من الفلول....؟؟؟

- كل هذا لاعتراضهم على وثيقة مشبوهة من شخص وصى نفسه متحدثا باسم الشعب ليعلن عن وثيقة تحتوي على مادتين تعطي سلطة مطلقة للمجلس العسكري في رفض اللجنة التأسيسية للدستور ، بل رفض الدستور اساسا...بالاضافة الى مادة تمنع معرفة ميزانية الجيش ومحاسبته عليها...بالاضافة الى تقسيم غريب يتيح فقط ل 20 من اعضاء مجلس الشعب اختيار اعضاء اللجنة التأسيسية والباقيين على مزاج سيادته ولا نعرف لماذا هذا التقسيم وهل حصل على موافقة اغلبية القوى السياسية

- هل هذا التصرف شرعي وديموقراطي..

- إذا كان رفض الإخوان لهذه الوثيقة التي توضع من قبل شخص محسوب على المجلس العسكري تراه انت أنتهازية وافعال غير شريفة ، فكيف تتوقع أن ترى حوارا فعالاً ....في مثل هذه الامور بعد أن تصنف حزب كبير له شعبيه واسعة بهذا الوصف ..وكأنهم كفروا بالكتاب المقدس الذي أنزله السلمي ؟؟؟!!! اليس من الديموقراطية موافقة غالبية القوى السياسية على هذه الوثيقة....ولا أنت شايف إيه....؟

أنا معاك يا أبو ريم في اللي قلته..و لكن كلمة حق حبيت أقولها..

أخونا سي السيد..ما أعتقدش انه يقصد ان الوثيقة حلوة زي ما انت فهمت..وان الاعتراض عليها خطأ

هو شايف ان ده طعم رماه لينا المجلس العسكري..عشان لما الناس تنشغل بيه و تهيج..يقوم يلغيها...فبكده الناس تهدي و تروح بيوتها و تنسي المشكلة الأصلية اللي هي عدم وضوح الرؤية لتسليم البلد لرئيس مدني منتخب..

نزول التحرير الجمعة الجاية ان شاء الله مش بس عشان الوثيقة..لكن عشان حاجات كتير أوي..أولها الرؤيةالضبابية اللي أصبحنا بسببها مش عارفين أي حاجة..ولا عارفين ايه اللي هيحصل بكره..وكل ما الناس تطلب بجدول محدد لتسليم السلطة عشان الأمور تستقر شوية..يطلعلنا مشاكل تانية..ويرجع المجلس تاني يرميلنا طعم تاني نتلهي بيه شوية .. و كل ده مش في صالحنا خالص

تم تعديل 14 نوفمبر 2011 بواسطة Alattar

[se_ Elsyed]

الله ينور عليك يا عطار

بُص يا ابو ريم قراء الموقف من وجهة نظري

إرجع كده لورا شويه . شوية كتير يعني بس حاسب تقع من على الكرسي ههههه

المجلس القذر ... وأنا اقصد اللفظ دده بالتحديد ... وفي إعلان رسمي أعلن في بداية الموضوع إنه قاعد 6 شهور فقط .. صح ؟

ثم أخترع الحاجات اللي إنت عارفها ولن اسردها لكن سأذكر نقطة واحده وهي إصرارة على أستمرار يحي الجمل ليستفز جموع القوى السياسية وللأسف لم نتعلم وللأسف خرجت عدة مليونيات لعزلة ... وحاضر من عيوني وبابا نويل العسكري عزله ... ولهانا ومد المدة وقعد على قلبنا وبكل صفاقة أعلن إنه سيستمر إلى 2013 ..

ثم فجأة أخترع لنا شخص إسمه علي السلمي بعد ما كان محترم للاسف إتعمل له غسيل مخ ... ومن كتر الغسيل ربنا يعافينا أٌصيب بجلطة في المخ وإحنا عارفين إنه لسه راجع قريب من رحلة العلاج في لندن يعني كان بعيد عن الأحداث .. يعني راجل صاحب مرض وما يقدرش على العمل ... يعني شخص ممكن يبيع نفسه لو ضغطوا عليه .. وراحوا حطينه في وش المدفع بتلك الوثيقة الهلامية ... وهما عارفين ومتأكدين مليون المية إن الشعب كله سيرفض البنود المتعلقة بجعل المجلس العسكري هو مصدر السلطات وفوق الشعب كله ... وهايلغيها اجلاً أم عاجلاً لكن سيكسب بها وقتاً ويعملها بجميله ويلهي الناس عن تسليم السلطة لعدة شهور

وهو المطلوب إثباتة

وبالتالي تركيز العدلة والحرية ولا الحرية والعدالة حتى لو كانوا 90 % من الشعب المصري هو .. مرة أخرى .. خسة وأنانية وهدف فئوي تماماً

يا عزيزي الفاضل ... الدكتور المرسي بيتكلم الان عن تشكيل الحكومة في حالة فوزهم بالاغلبية ..... منتهى التخريف ومنتهى الجهل السياسي وسير في طريق خاطيء تماماً يؤدي إلى التهلكة إذا كان بيفكر بالطريقة دي لإن مصر نظامها رئاسي يا عزيزي يعني الرئيس هو اللي بيعين الوزراء ورئيسهم

طب هانفترض إن الاخوان أو الحرية والعدالة هايشاركوا في تعديل الدستور ويعملوها نظام برلماني ....وبالتالي البرلمان هو من يكون الوزارة

وليكن برضوا

لإن المجلس ده هايستمر شهور قليلة وسيُحل أتوماتيكياً بمجرد إقرار الدستور

فهل يضمن الاخوان او الحرية والعدالة إنهم برضوا هاياخدوا الاغلبية المرة القادمة ؟.

الموضوع ليس تدريجياً يا عزيزي ... يعني مش النهاردة افكر في البرلمان وبكره أفكرر في إنتخابات الرئاسة ...

الموضوع كله شيلة واحده لازم نفكر فيه مرة واحدة

فوجود مجلس شعب قوي لو إفترضنا ذلك .. في وجود ديكتاتورية عسكرية تتدخل في كل شيء حتى في الدستور ... يبقى ولا له أي ستين لزمه .

وبالتالي إذا لم يفهم الجميع ويعي إن مراوغة التعلب العسكري في عدم توضيحة لجدول زمني واضح لتسليم السلطة هو نية سيئة مبيتة لشيء ما نعلمه جميعاً يبقى على الدنيا السلامة

[م تيمور المراغي]

18 نوفمبر ,,

اعتصام

يليه تصعيد مخطط و موجع

حتى سقوط المجلس العسكري

[عصام أبوالفتح]

18 نوفمبر ,,

اعتصام

يليه تصعيد مخطط و موجع

حتى سقوط المجلس العسكري

كلمة محورية تكشف ان جميع الاحداث التى تلت الاستفتاء كانت مخططة من أبالسة لاسقاط المجلس العسكرى وأن الله كلما اطفئ ناراً للحرب أوقدوها بسبب آخر .

وهم يفعلون المستحيل لتعطيل الانتخابات وهم السبب الأول لاطالة الفترة الانتقالية .

وهذه النية المبيتة المعلنة لاسقاط المجلس وبالتالى تعطيل الانتخابات وتنصيب مجلس رئاسى ملته غير معروفة وهويته مبهمه

لهى دليل اخر انه لا خير نجنيه من وراء هذه الحركة المشبوهة

لكن انا واثق فى الله اولاً واخيراً

اللهم افضح الظالمين على رؤوس الأشهاد

[Abu Reem]

وبالتالي تركيز العدلة والحرية ولا الحرية والعدالة حتى لو كانوا 90 % من الشعب المصري هو .. مرة أخرى .. خسة وأنانية وهدف فئوي تماماً

سبحان الله يا بو عمر

يعني ما في ناس اتنبح حسها وشقت هدومها من كثرة ما نادوا بأهمية مطالبة المجلس العسكري بسرعة تحديد مواعيد واضحة ومحددة لتسليم السلطة والتي اولى خطواته هي انتخابات البرلمان ،

وانت وباقي الحبايب هنا في المنتدى وحبيبنا تيمور كنتم تؤيدون مليونيات تضييع الوقت مرة محاكمة مبارك ومرة الدستور اولا. واخيرا بعد ٩ شهور عرفتوا ان ما طالبت به التيارات الاسلامية من البداية هو التصرف الصح.... ولو دورت هنا في المحاورات عن مداخلاتي عن اهمية الضغط القوي بالمليونيات على المجلس العسكري حول موضوع واحد فقط وهو تحديد جدول زمني واضح لتسليم السلطة كان الكل بيتهم التيارات الاسلامية بانها تدور على المصلحة

- والان تكرر نفس الخطأ ......والمؤسف هو اصرارك على الايحاء للاخرين بأن الاخوان لا يفهمون بالسياسة وانهم ينظرون لمصلحتهم فقط وكأن الاهتمام بالترشح للبرلمان والحصول على اغلبية به شيء معيب

- ياعزيزي لا يمكن تجاهل وثيقة السلمي ابدا ، وانت تعرف المجلس العسكري يعمل لمصلحته ولن يتنازل عن شيء الا لو وجد ان قوى الشعب وارادته اكبر منه

- كما ان الاخوان ايضا يعرفون اهمية تحديد مواعيد انتخابات الرئاسة ولم يسقطها من حساباته فلماذا اذن الاتهامات لفصيل يشكل قوى كبيرة قد تحتاجها الثورة يوما وتشويهه ، والاسباب التي شرحتها انت ليس له علاقة باتهامك وتشويهك لهم وقد يصبحون يوما في وضع سياسي يقود مصر الى مرحلة افضل ، فكل المراحل الانتقالية التي تتكلم عنها وهذا الترتيب سينطبق على اي حزب سيشارك في البرلمان . ولكن لو تم تطبيق ما في الوثيقة فهذا سيعطي فرصة للمجلس في رفض الدستور والطعن عليه مما يدخلنا في ما نخشاه جميعا وهو استمرار المجلس لفترة لا يعلمها الا الله

تم تعديل 14 نوفمبر 2011 بواسطة Abu Reem

[Abu Reem]

18 نوفمبر ,,

اعتصام

يليه تصعيد مخطط و موجع

حتى سقوط المجلس العسكري

كلمة محورية تكشف ان جميع الاحداث التى تلت الاستفتاء كانت مخططة من أبالسة لاسقاط المجلس العسكرى وأن الله كلما اطفئ ناراً للحرب أوقدوها بسبب آخر .

وهم يفعلون المستحيل لتعطيل الانتخابات وهم السبب الأول لاطالة الفترة الانتقالية .

وهذه النية المبيتة المعلنة لاسقاط المجلس وبالتالى تعطيل الانتخابات وتنصيب مجلس رئاسى ملته غير معروفة وهويته مبهمه

لهى دليل اخر انه لا خير نجنيه من وراء هذه الحركة المشبوهة

لكن انا واثق فى الله اولاً واخيراً

اللهم افضح الظالمين على رؤوس الأشهاد

طيب يا عزيزي عصام ، عاوز اسألك

لو المجلس مرر موضوع وثيقة السلمي ، هل المطلوب عندها. السكوت والموافقة على هذا

- وايضا لو اصر المجلس على مط وتطويل فترة بقاءه في السلطة وذلك عن طريق تأجيل انتخابات الرئاسة الي 2013

فما العمل في رأيك؟؟؟؟

- باختصار فالمجلس العسكري يجبرنا اجبارا على التظاهر ضده

وذلك باثارة التيارين الاسلامي ، وذلك بوثيقة السلمي ، والليبرالي وباقي التيارات الاخرى وذلك بالتسويف في مسألة تحديد مواعيد حاسمة لتسليم السلطة لرئيس منتخب

مع العلم ان هذين السببين ايضا يتفق عليها العديد من شرفاء المعسكرين في انها سبب للتظاهر ضد المجلس

[عصام أبوالفتح]

- ياعزيزي لا يمكن تجاهل وثيقة السلمي ابدا ، وانت تعرف المجلس العسكري يعمل لمصلحته ولن يتنازل عن شيء الا لو وجد ان قوى الشعب وارادته اكبر منه

لماذا يضع المجلس العسكرى وثيقة بها صلاحيات تخدمه وفى نفس الوقت مليون المية عارف ان الشعب رافضها ولن يتجاهلها ؟

نحن لا نعرف ترتيب الاحداث و من هم ال 50 حزب الذين يتكلم عنهم السلمى ووافقوا على الوثيقة .. ومن الذين اجتمعوا معه وقدموا صياغات للمادة 9 و10 وبديهى ان المجلس العسكرى لم يكن موجوداً فى الصورة

خدوا فى اعتباركم ان ال 50 حزب يمكن تكوينهم خلال يوم واحد لو عندك شركة كبيرو وفلوس كتير 50*5000 = 250000 توقيع على توكيلات وتعمل احزاب زى مانت عايز وتقدم صياغات وتجتمع مع اتخن تخين فى البلد وانت عارف انه فى الانتخابات مش هايبقى لك نصيب

لكن المهم هو ان مسار التشريعات والقوانين يصب لمصلحتك فى النهاية

اذا الاحتمال الارجح هو ان الموضوع من اساسة مخطط والوثيقة دى تم صياغتها لتوريط المجلس العسكرى وتوليع البلد قبل الانتخابات لتفشل فتتأجل .. وياخد لاعب العرائس فرصة اكبر للاستعداد .. او يتم خلع المجلس وتنصيب مجلس رئاسى فيكون للاحزاب الخمسين دول نصيب ممتاز من تورتة المجلس الرئاسى وكله بالفلوس . وبالتالى تمشى التشريعات والقوانين القادمة فى المسار اللى عايزه لاعب العرائس الخفى .

السؤال هو من هو لاعب العرائس الخفى ؟

[عصام أبوالفتح]

18 نوفمبر ,,

اعتصام

يليه تصعيد مخطط و موجع

حتى سقوط المجلس العسكري

كلمة محورية تكشف ان جميع الاحداث التى تلت الاستفتاء كانت مخططة من أبالسة لاسقاط المجلس العسكرى وأن الله كلما اطفئ ناراً للحرب أوقدوها بسبب آخر .

وهم يفعلون المستحيل لتعطيل الانتخابات وهم السبب الأول لاطالة الفترة الانتقالية .

وهذه النية المبيتة المعلنة لاسقاط المجلس وبالتالى تعطيل الانتخابات وتنصيب مجلس رئاسى ملته غير معروفة وهويته مبهمه

لهى دليل اخر انه لا خير نجنيه من وراء هذه الحركة المشبوهة

لكن انا واثق فى الله اولاً واخيراً

اللهم افضح الظالمين على رؤوس الأشهاد

طيب يا عزيزي عصام ، عاوز اسألك

لو المجلس مرر موضوع وثيقة السلمي ، هل المطلوب عندها. السكوت والموافقة على هذا

طبعا انا اللى قصدته بمشاركتى السابقة هو ان المجلس براء من هذه الوثيقة وربما لم اسمع اى تصريح منه عنها وحتى عصام شرف لم يتحدث عنها مطلقا وكأنهم كانوا يشعرون بخطورة تداعياتها

والدليل ان التسمية الاعلامية على لسان الجميع هى وثيقة السلمى

ودليل تانى ان الاعلان الدستورى اذا اعلن وتضمن مبادئ فوق دستورية فبديهى وقانونى ان يستفتى الشعب عليه .. لانه لا يمكن ان تستفتى فى شئ وهو الدستور ولا تستفتى فى ما هو اكبر

فهى لم تكن لتمر بأى حال من الأحوال

حتى انى كتبت على الفيس بوك كثير لاصدقائى انه لازم منهتمش بالوثيقة دى زى حاجات يحيى الجمل كده ... خليه يقول اللى هو عايزه طالما اقرار الموضوع راجع للشعب فى النهاية

والحركة المطلوبة هى رفض اصدارها فى الوقت الحالى لان من اتفقوا عليها لا يمثلون الشعب المصرى

النقطة التانية المجلس ليس السبب فى اطالة الفترة الانتقالية لانه يعلم تماما انه كلما قصرت فسيدخل التاريخ من باب اوسع على غرار سوار الذهب فى السودان

السبب فى رأيى لاعب العرائس الخفى الذى يعلم ان الامور لو سارت بشكل طبيعى فلن يكون له نصيب من السلطة او المال او الجاه او المصالح ...

[الغريب]

18 نوفمبر ,,

اعتصام

يليه تصعيد مخطط و موجع

حتى سقوط المجلس العسكري

كلمة محورية تكشف ان جميع الاحداث التى تلت الاستفتاء كانت مخططة من أبالسة لاسقاط المجلس العسكرى وأن الله كلما اطفئ ناراً للحرب أوقدوها بسبب آخر .

وهم يفعلون المستحيل لتعطيل الانتخابات وهم السبب الأول لاطالة الفترة الانتقالية .

وهذه النية المبيتة المعلنة لاسقاط المجلس وبالتالى تعطيل الانتخابات وتنصيب مجلس رئاسى ملته غير معروفة وهويته مبهمه

لهى دليل اخر انه لا خير نجنيه من وراء هذه الحركة المشبوهة

لكن انا واثق فى الله اولاً واخيراً

اللهم افضح الظالمين على رؤوس الأشهاد

الله يفتح عليك يا بشمهندس

أعتقد أن الجمعة القادمة ستشهد محاولة جديدة وربما أخيرة لتأجيل الإنتخابات ، وبما أنها الأخيرة أستشعر أنها ستكون الأسوء

لهذا على التيارات الإسلامية المشاركة في الجمعة (لأنها التيارات الحريصة أشد الحرص على الإنتخابات)ضرورة الإنتباه إلى حمياتها من أصحاب النفوس الضعيفة

تحياتي...

[se_ Elsyed]

. واخيرا بعد ٩ شهور عرفتوا ان ما طالبت به التيارات الاسلامية من البداية هو التصرف الصح.... ولو دورت هنا في المحاورات عن مداخلاتي عن اهمية الضغط القوي بالمليونيات على المجلس العسكري حول موضوع واحد فقط وهو تحديد جدول زمني واضح لتسليم السلطة كان الكل بيتهم التيارات الاسلامية بانها تدور على المصلحة

يابن الايه يابو ريم

عملتها إزاي دي ؟

لأ بجد والله

بقى القوى الإسلامية هي اللي نبحت صوتها طول 9 شهور عشان تسليم السُلطة ؟

بامارة يا مشير إنت الأمير