كل ما يخص جُمعة 18-11

[mfarag]

سؤال من غير ضرب ؟؟

لو المجلس العسكري رحل النهاره

هتعملوا إية بالظبط المرحلة الجاية ..

مين هيمسك البلد ياعني و مين هينخبهم لكدة !؟

معلش سؤال و جه في بالي و من غير ضرب

اعتقد ان السوال الاهم لو المجلس العسكرى مرحلش

و طبعا الانتخابات مستحيل تتم حاليا

و الناس فضلت فى التحرير ؟؟؟؟؟؟؟؟؟؟؟؟؟؟؟

[ViralMind]

والله يا عمدة كلامك صح و هو نفس اللى بفكر فيه..

ان كان المجلس وسخ قيراط, فكل اللى بيدعوا انهم قوى وطنية اوسخ 24 قيراط..

و هتلاقيهم بيتخانقوا... الدستور الاول ولا البتنجان الاول..

كله شايفها تورتة و ياكش تولع.. المهم انه ياخد اكبر نصيب و خلاص.

و هتلاقى نفس السيناريو بيتكرر تانى و تالت و عاشر و هنفضل فى نفس الدايرة اللى احنا فيها.

اصل ايه هو الضامن انك متلاقيش مليونية مش موافقة على شخص ما فى المجلس الانتقالى اللى عايزين يعملوه؟ وارد جدا يعنى..

[عماد حمدي]

سؤال من غير ضرب ؟؟

لو المجلس العسكري رحل النهاره

هتعملوا إية بالظبط المرحلة الجاية ..

مين هيمسك البلد ياعني و مين هينخبهم لكدة !؟

معلش سؤال و جه في بالي و من غير ضرب

بسم الله الرحمن الرحيم

الاجابه تونس

علي فكرة أنا بتكلم بجد .. و أعذريني يا مغتربة أني جاهل بحاجة زي كدة

و مش بتكسف لما أسال علي حاجة فعلاً مش عارفها

لو كنت عارفها مكنتش سألت

و شكراً علي مشاركتك

صدقنى استاذ عمده انا مش بتريا

انا فعلاقصدى كدا

قصدى ان فى قدامنا تجربه قبلنا فى تونس و امورها مشبت تمام منغير ما العسكر يمسكوا الحكم و لا اى حاجه

و النهارده للاسف غرت منهم قوى و هما ناقلين مباشر الجلسه الافتتاحيه للمجلس التاسيسى عندهم

بس اختصارا لكل الكلام دا كتبتها فى كلمه واحده علشان اخفف الجو بس

تحياتى

جينا للمفيد .. مجلس تأسيسي

ياعني إنتخابات .

طيب ما تصبروا لحدا الإنتخابات و يكون عندنا مجلس زيهم و دا اللي قولته في الأول

مش معني كلامي اني منزلش التحرير هنزل أوك بس هنزل أهدي و أوعي مش أنزل أهاجم و أدخل في معارك مع العسكر

حضرتك قولتي الإجابة اللي كنت أتمني اسمعها من حد منكم

لكن مقولتيش آلية التنفيذ و دا سؤالي المباشر ..؟؟

الحل في إيدينا بس إحنا الحماسة هيا اللي واخدانا ..

يا استاذ عماد

هو دا مربط الفرس

ان حضرتك فاكر ان لانتخابات الى كانت هتحصل كمان كام يوم

هى العصا السحريه للحل

حضرتك ناسى وثيقه السلمى الى كانوا هيمرروها غصب عننا كلنا

الوثيقه دى بتحدد بوضوح ان الاعضاء الى هننتخبهم فى مجلس الشعب دول و لا ليهم اى لازمه فى العمليه التاسيسيه

لان اختيار اللجنه التاسيسيه الى هتحط الدستور هتكون اغلبها من اختيار المجلس العسكرى ذاته

دا غير الامتيازات الفظيعه الى كانوا مفصلينها لنفسهم

يعنى الانتخايات الى كمان كام يوم دى ملهاش اى لازمه من الناحيه السياسيه قد ما هى كانت هتجبلنا نواب اغلب مسئولياتهم تغير عمود نور مكسور او رصف طريق

يعنى من الاخر مفيش فرق بينه و بين اى عضو فى مجلس محلى

اما لو كنت تقصد انتخابات الرئاسه ذات نفسها فدى بقى انت ادرى انها اساسا فى علم الغيب و كل شويه يمطوحوا فينا لا نص 2012 لا فى 2013 و هلما جرا

طيب معلش خديني علي قد عقلي

طيب لو كانت الإنتخابات إتعملت و بقا فيه مجلس شعب إية اللي يمنع ساعتها اننا ممكن نتظاهر ضد وثيقة السلمي حضرتك ؟؟

طالما كدا كدا زي ما بتقولي مش هيكون ليهم لازمة

يبقي الأولى نعمل الإنتخابات و بعد كدة نبقي نتظاهر ضد الوثيقة دي بعد كدة المهم يكون عملنا حاجة

انما دلوقتي بجد قاعد بفكر داخلين علي مجهول و العملية هتطول

اللي مفكر ان الوضع هوبا إقلب العسكر هيسيب البلد كدا يبقي بيحلم حلم السنين

و الأكتر بقا لو تم الإعلان رسمي ان الإخوان تنزل تبقي أكبر مصيبة مع ان شبابهم موجود في الميدان دلوقتي

بس بقول لو تم الإعلان رسمي العسكر هيقلبها مدابح و هيستغل كره الناس ليهم و يفرض سيطرته من جديد أقوي

بحجة حماية الدولة من الجماعات الإسلامية و دا تفكير الإخوان دلوقتي ، مش عايزين نكرر أحداث 52 ..

خرجت بره الموضوع أسف

قوليلي بقا إية اللي كان هيمنع الناس دي تتظاهر بعد الإنتخابات ؟؟؟

علي الأقل هيكون فيه نواب منتخبين بالفعل بجانب الثوار .

[عماد حمدي]

والله يا عمدة كلامك صح و هو نفس اللى بفكر فيه..

ان كان المجلس وسخ قيراط, فكل اللى بيدعوا انهم قوى وطنية اوسخ 24 قيراط..

و هتلاقيهم بيتخانقوا... الدستور الاول ولا البتنجان الاول..

كله شايفها تورتة و ياكش تولع.. المهم انه ياخد اكبر نصيب و خلاص.

و هتلاقى نفس السيناريو بيتكرر تانى و تالت و عاشر و هنفضل فى نفس الدايرة اللى احنا فيها.

اصل ايه هو الضامن انك متلاقيش مليونية مش موافقة على شخص ما فى المجلس الانتقالى اللى عايزين يعملوه؟ وارد جدا يعنى..

و الله يا فيرال المجلس وسخ و كلنا بلا استثناء عارفين

الإخوان و التيارات التانية قاعدين يسايسوه علشان الإنتخابات و الدستور و بعد كدا من حق الشعب يثور علي العسكر

لو قال مش هسلم السلطة

و من حق الشعب و النواب يثوروا علي العسكر لو فرض وثيقة السلمي جبرياً

لازم أساس الأول و بعد كدا نبدا نشتغل

الحماسة وخدانا كلنا دلوقتي ، اوك المجلس راح مكانه تاني و ساب البلد

هتعملوا اية ؟؟

دا لما مبارك خلع و جالنا حد مسك البلد " العسكر " كنا فرحانين

و مع ذلك البلد اتسرقت و اتنهبت ووووو و 10 شهور اهو كل يوم حادثة

دلوقتي لو العسكر مشي مين بقا ؟؟

و دا يرشح واحد و جهة تقوم عاملة مظاهرات ضده مش عايزينه

اصله فلول اصل حزب وطني

و الشعب يقطع في بعضة

عايز أقول ان كان ليك حاجة عند الكلب قوله يا سيدي

بعد كدا إديلة بالجزمة

[ViralMind]

الحل المنطقى دلوقتى:

المجلس يحط جدول زمنى محدد.. ان شالله سنة بس يكون محدد بتواريخ معينة..

المجلس يجيب حكومة يكون متوافق عليها من ميدان التحرير.. علشان ميبقاش فيه حجة بعد كده.

و طبعا يتم اعادة هيكلة الشرطة و يتشال كلاب العادلى منها..

و نشوف بقى... يا ترى الاعتصامات هتتوقف ولا هتفضل برضه؟

اصل المجلس العسكرى المفروض انه هيفضل موجود فى كل وقت.. لانه فى النهاية كيان مستقل.. الجيش..

فهو ده الحاجة الوحيدة اللى الكل كان ممكن يتفق عليها..

لكن انك تجيب لى اشخاص ممكن اى حد يجمع مليونية و يقف ضدهم.. و عمر ما الناس هتتفق عليهم.. ده اللى هيخلينا منوصلش لاى جديد.

بالمناسبة البورصة لسه موقفينها دلوقتى حالا.. و هلت البشاير.

[ViralMind]

والله يا عمدة كلامك صح و هو نفس اللى بفكر فيه..

ان كان المجلس وسخ قيراط, فكل اللى بيدعوا انهم قوى وطنية اوسخ 24 قيراط..

و هتلاقيهم بيتخانقوا... الدستور الاول ولا البتنجان الاول..

كله شايفها تورتة و ياكش تولع.. المهم انه ياخد اكبر نصيب و خلاص.

و هتلاقى نفس السيناريو بيتكرر تانى و تالت و عاشر و هنفضل فى نفس الدايرة اللى احنا فيها.

اصل ايه هو الضامن انك متلاقيش مليونية مش موافقة على شخص ما فى المجلس الانتقالى اللى عايزين يعملوه؟ وارد جدا يعنى..

و الله يا فيرال المجلس وسخ و كلنا بلا استثناء عارفين

الإخوان و التيارات التانية قاعدين يسايسوه علشان الإنتخابات و الدستور و بعد كدا من حق الشعب يثور علي العسكر

لو قال مش هسلم السلطة

و من حق الشعب و النواب يثوروا علي العسكر لو فرض وثيقة السلمي جبرياً

لازم أساس الأول و بعد كدا نبدا نشتغل

الحماسة وخدانا كلنا دلوقتي ، اوك المجلس راح مكانه تاني و ساب البلد

هتعملوا اية ؟؟

دا لما مبارك خلع و جالنا حد مسك البلد " العسكر " كنا فرحانين

و مع ذلك البلد اتسرقت و اتنهبت ووووو و 10 شهور اهو كل يوم حادثة

دلوقتي لو العسكر مشي مين بقا ؟؟

و دا يرشح واحد و جهة تقوم عاملة مظاهرات ضده مش عايزينه

اصله فلول اصل حزب وطني

و الشعب يقطع في بعضة

عايز أقول ان كان ليك حاجة عند الكلب قوله يا سيدي

بعد كدا إديلة بالجزمة

انا كتبت مشاركة بمعنى كلامك ده قبل ما اقراها..

ان المجلس هو الوحيد اللى يعتبر جهة محايدة و ممكن الثقة فيها..

و انا بصراحة مش فاهم ايه سبب الاعتصام الاولانى, غير ان اللى عاملينه هما نفسهم اللى كانوا رافعين راية الدستور اولا.. و مش موافقين عالانتخابات..

انا معرفش وثيقة السلمى دى فيها ايه بالظبط, بس كان ممكن الوقوف ضدها..

لكن انك تشيل المجلس و تجيب مجموعة مش متفق عليها.. طيب ما احنا كده مش هنوصل لحاجة برضه..

و بعدين ما احنا شفنا اللى قعدوا عالكراسى اتغيروا ازاى.. تضمن منين ان اللى جى مش هيتغير؟

هتقول لى ميدان التحرير هو الضمانة, هقول لك ما هو برضه ميدان التحرير ممكن اى حد يدخله و يجمع مليون واحد و نفضل برضه فى نفس القصة.. يعنى gaming the system - abusing tahrir square

[ابراهيم عبد العزيز]

طيب معلش خديني علي قد عقلي

طيب لو كانت الإنتخابات إتعملت و بقا فيه مجلس شعب إية اللي يمنع ساعتها اننا ممكن نتظاهر ضد وثيقة السلمي حضرتك ؟؟

طالما كدا كدا زي ما بتقولي مش هيكون ليهم لازمة

يبقي الأولى نعمل الإنتخابات و بعد كدة نبقي نتظاهر ضد الوثيقة دي بعد كدة المهم يكون عملنا حاجة

انما دلوقتي بجد قاعد بفكر داخلين علي مجهول و العملية هتطول

اللي مفكر ان الوضع هوبا إقلب العسكر هيسيب البلد كدا يبقي بيحلم حلم السنين

و الأكتر بقا لو تم الإعلان رسمي ان الإخوان تنزل تبقي أكبر مصيبة مع ان شبابهم موجود في الميدان دلوقتي

بس بقول لو تم الإعلان رسمي العسكر هيقلبها مدابح و هيستغل كره الناس ليهم و يفرض سيطرته من جديد أقوي

بحجة حماية الدولة من الجماعات الإسلامية و دا تفكير الإخوان دلوقتي ، مش عايزين نكرر أحداث 52 ..

خرجت بره الموضوع أسف

قوليلي بقا إية اللي كان هيمنع الناس دي تتظاهر بعد الإنتخابات ؟؟؟

علي الأقل هيكون فيه نواب منتخبين بالفعل بجانب الثوار .

أخي عمدة /

القائمون على مصر ليسوا بهذه الدرجة البسيطة من التفكير

فحضرتك ترى أنه يمكن تأجيل الإحتجاجات على وثيقة السلمي لما بعد الإنتخابات ووقتها سيكون هناك نواب منتخبين عن الشعب ليساندوه في إحتجاجاته ( وكلامك نظريا صحيح جدا ورائع ) , لكن كما قلت لك لا تسطح تفكير القائمون على إدارة البلاد الأن , فالبرلمان مطلوب بالنسبة لهم في الوقت الحالي أكثر من الشعب نفسه والقوى السياسية , فبعد إنتخاب البرلمان سيتم إستخدامه لتمرير بعض الأمور , ووقتها من سيخرج للإعتراض عليها سيكون الرد ( محدش من حقه يعترض لأن دلوقتي في ممثلين عن الشعب وهما اللي وافقوا مش إحنا , وإحنا دولة ديموقراطية ودولة مؤسسات ومش هنسمح إن البلد يتم إدارتها من الشارع )

صدقني البرلمان سيتم إستخدامه بهذه الطريقة , ولا تتوقع برلمان قوي مثلما نرى في الدول الديموقراطية في أول سنة ديموقراطية في مصر

تحياتي لك

تم تعديل 22 نوفمبر 2011 بواسطة ابراهيم عبد العزيز

[Abu Reem]

والله يا عمدة كلامك صح و هو نفس اللى بفكر فيه..

ان كان المجلس وسخ قيراط, فكل اللى بيدعوا انهم قوى وطنية اوسخ 24 قيراط..

و هتلاقيهم بيتخانقوا... الدستور الاول ولا البتنجان الاول..

كله شايفها تورتة و ياكش تولع.. المهم انه ياخد اكبر نصيب و خلاص.

و هتلاقى نفس السيناريو بيتكرر تانى و تالت و عاشر و هنفضل فى نفس الدايرة اللى احنا فيها.

اصل ايه هو الضامن انك متلاقيش مليونية مش موافقة على شخص ما فى المجلس الانتقالى اللى عايزين يعملوه؟ وارد جدا يعنى..

هوه ده اللي هيحصل بالضبط....لو المجلس قال انا ماشي

خد عندك قتال ومعارك عيني عينك....ففي وجود المجلس العسكري هذا يدعو لمليونيه والاخر يسفهها ويدعوا عليها وضدها

هذا يقول دستور اولا..وهذا يريد انتخابات اولا..وهذا يريد رئيس أولا ، فما بالك لو تنحى المجلس الان وتركها للجميع...والله سترى العجب..وسترى العنترية اللي على اصولها...

ولذلك المجلس العسكري احد سيناريوهاته هو البقاء في الحكم لمدة سنتين تقريبا...لو شعر ان الامور بين القوى الموجودة الان ستؤدي الى مزيد من الانهيار والتراشق

- لذلك اقول ان الضغعط على المجلس مقبول والحشد لتحقيق المطالب مقبول ولكن دون الدخول في مواجهات لن تفيدنا اطلاقا...ولكن المصيبة ان المجلس لن يتسطيع تحقيق مطالب من في الميدان..اذا كانت المطالب متعارضة...

يعني كيف كان يستطيع المجلس ان يلبي مطلبين متعارضين للشعب واحد عاوز الدستور اولا واخر يرى الانتخابات اولا...

لذا لن نخرج من هذه المشكلة التي نورط فيها المجلس العسكري معنا..سوى ان نلجأ لرأي الشعب..سواء باستفتاء او بانتخابات..

نادينا بالانتخابات وفرحنا بالاستجابة لهذا المطلب

وبعد ان اتفق الاغلبية على خطة الانتخابات اولا...وأوشكنا ان نصل اليها....وتحقيقها ..لا يريد البعض من دعاة الديموقراطية الخيار الذي أتى بالديموقراطية...وعاوزيننا نبدأ من أول وجديد...ولكن من غير " خالتي سلمية" علشان لم تحقق خالتي سلمية مطالبهم...فيبقى لازم نشوف " خالتي بلطجية "

ونشوف

ثورة كمالة وصلحوا....

تم تعديل 22 نوفمبر 2011 بواسطة Abu Reem

[عماد حمدي]

والله يا عمدة كلامك صح و هو نفس اللى بفكر فيه..

ان كان المجلس وسخ قيراط, فكل اللى بيدعوا انهم قوى وطنية اوسخ 24 قيراط..

و هتلاقيهم بيتخانقوا... الدستور الاول ولا البتنجان الاول..

كله شايفها تورتة و ياكش تولع.. المهم انه ياخد اكبر نصيب و خلاص.

و هتلاقى نفس السيناريو بيتكرر تانى و تالت و عاشر و هنفضل فى نفس الدايرة اللى احنا فيها.

اصل ايه هو الضامن انك متلاقيش مليونية مش موافقة على شخص ما فى المجلس الانتقالى اللى عايزين يعملوه؟ وارد جدا يعنى..

و الله يا فيرال المجلس وسخ و كلنا بلا استثناء عارفين

الإخوان و التيارات التانية قاعدين يسايسوه علشان الإنتخابات و الدستور و بعد كدا من حق الشعب يثور علي العسكر

لو قال مش هسلم السلطة

و من حق الشعب و النواب يثوروا علي العسكر لو فرض وثيقة السلمي جبرياً

لازم أساس الأول و بعد كدا نبدا نشتغل

الحماسة وخدانا كلنا دلوقتي ، اوك المجلس راح مكانه تاني و ساب البلد

هتعملوا اية ؟؟

دا لما مبارك خلع و جالنا حد مسك البلد " العسكر " كنا فرحانين

و مع ذلك البلد اتسرقت و اتنهبت ووووو و 10 شهور اهو كل يوم حادثة

دلوقتي لو العسكر مشي مين بقا ؟؟

و دا يرشح واحد و جهة تقوم عاملة مظاهرات ضده مش عايزينه

اصله فلول اصل حزب وطني

و الشعب يقطع في بعضة

عايز أقول ان كان ليك حاجة عند الكلب قوله يا سيدي

بعد كدا إديلة بالجزمة

انا كتبت مشاركة بمعنى كلامك ده قبل ما اقراها..

ان المجلس هو الوحيد اللى يعتبر جهة محايدة و ممكن الثقة فيها..

و انا بصراحة مش فاهم ايه سبب الاعتصام الاولانى, غير ان اللى عاملينه هما نفسهم اللى كانوا رافعين راية الدستور اولا.. و مش موافقين عالانتخابات..

انا معرفش وثيقة السلمى دى فيها ايه بالظبط, بس كان ممكن الوقوف ضدها..

لكن انك تشيل المجلس و تجيب مجموعة مش متفق عليها.. طيب ما احنا كده مش هنوصل لحاجة برضه..

و بعدين ما احنا شفنا اللى قعدوا عالكراسى اتغيروا ازاى.. تضمن منين ان اللى جى مش هيتغير؟

هتقول لى ميدان التحرير هو الضمانة, هقول لك ما هو برضه ميدان التحرير ممكن اى حد يدخله و يجمع مليون واحد و نفضل برضه فى نفس القصة.. يعنى gaming the system - abusing tahrir square

مربط الفرس الجملة دي

كل واحد هيختار واحد و المجموعة التانية ترفض ودا يختار ودا يرفض و من رابع المستحيلات حد هيتفق أبداً علي الموضوع دا

و خلال مدة العرض و الرفض دي شوفوا بقا مصر كبلد هيحصل فيها اية

اهو ساعتها ولا جيش ولا مجلس عسكري و لا حد هيكون في البلد

و هتلاقي بقا مين اللي بيعرقل الكلام دا

الفلول

الشرطة

+

الاوساخ اللي في طره

ضد مين الثوار

طيب ليه !

يكون فيه سلطة تشريعية الأول بالإنتخاب و نثور علي اللي خلفو المجلس العسكري

[عماد حمدي]

طيب معلش خديني علي قد عقلي

طيب لو كانت الإنتخابات إتعملت و بقا فيه مجلس شعب إية اللي يمنع ساعتها اننا ممكن نتظاهر ضد وثيقة السلمي حضرتك ؟؟

طالما كدا كدا زي ما بتقولي مش هيكون ليهم لازمة

يبقي الأولى نعمل الإنتخابات و بعد كدة نبقي نتظاهر ضد الوثيقة دي بعد كدة المهم يكون عملنا حاجة

انما دلوقتي بجد قاعد بفكر داخلين علي مجهول و العملية هتطول

اللي مفكر ان الوضع هوبا إقلب العسكر هيسيب البلد كدا يبقي بيحلم حلم السنين

و الأكتر بقا لو تم الإعلان رسمي ان الإخوان تنزل تبقي أكبر مصيبة مع ان شبابهم موجود في الميدان دلوقتي

بس بقول لو تم الإعلان رسمي العسكر هيقلبها مدابح و هيستغل كره الناس ليهم و يفرض سيطرته من جديد أقوي

بحجة حماية الدولة من الجماعات الإسلامية و دا تفكير الإخوان دلوقتي ، مش عايزين نكرر أحداث 52 ..

خرجت بره الموضوع أسف

قوليلي بقا إية اللي كان هيمنع الناس دي تتظاهر بعد الإنتخابات ؟؟؟

علي الأقل هيكون فيه نواب منتخبين بالفعل بجانب الثوار .

أخي عمدة /

القائمون على مصر ليسوا بهذه الدرجة البسيطة من التفكير

فحضرتك ترى أنه يمكن تأجيل الإحتجاجات على وثيقة السلمي لما بعد الإنتخابات ووقتها سيكون هناك نواب منتخبين عن الشعب ليساندوه في إحتجاجاته ( وكلامك نظريا صحيح جدا ورائع ) , لكن كما قلت لك لا تسطح تفكير القائمون على إدارة البلاد الأن , فالبرلمان مطلوب بالنسبة لهم في الوقت الحالي أكثر من الشعب نفسه والقوى السياسية , فبعد إنتخاب البرلمان سيتم إستخدامه لتمرير بعض الأمور , ووقتها من سيخرج للإعتراض عليها سيكون الرد ( محدش من حقه يعترض لأن دلوقتي في ممثلين عن الشعب وهما اللي وافقوا مش إحنا , وإحنا دولة ديموقراطية ودولة مؤسسات ومش هنسمح إن البلد يتم إدارتها من الشارع )

صدقني البرلمان سيتم إستخدامه بهذه الطريقة , ولا تتوقع برلمان قوي مثلما نرى في الدول الديموقراطية في أول سنة ديموقراطية في مصر

تحياتي لك

يا أستاذ إبراهيم و هل تعتقد ان الشعب المصري و ثوار يناير هيمشي معاهم أن ليس من حقكم الإعتراض او توجيه اللوم لان يوجد من يمثلكم في البرلمان !!

هينزلوا غصب عن عين مين دا شباب ثوري راجل مصري ..

الفكرة زي ما قولتلك مش عايزين نغلط نفس الغلطة اللي عملناها مع مبارك

ان يكون همنا الأول و الاخير أنه يمشي

و بعد كدا مش مشكلة اية اللي يحصل

و نفضل في دوامة

مسحيل الشعب هيتفق علي رموز معينه و محددة لحكومة إنقاذ الثورة

و الفلول مش هتسكت

و هل تعتقد المجلس العسكري هيسكت هوه كمان

دي هتبقي طين علي الكل

عايزين نستفاد من التجربة اللي فاتت

نبدا بخطوه رقم 2 و بعد كدا 1 ..

نعكس الحكاية ناسس الأول و بعد كدا نعمل اللي نعملة

[wsadani]

الحل مش انك تشيل المجلس العسكرى الحل فى

1- حكومة توافقية ذات صلاحيات كاملة

2- وضع جدول زمنى لتسليم السلطة بحد أقصى مايو 2012

3- اعادة هيكلة وزارة الداخلية فورا وتأجيل الانتخابات لاسبوعين

4- التزام الجيش بتأمين النتخابات

السؤال الذى يطرح نفسه هل سيستطيع من فى التحرير التوافق على مطالب واحدة

[ViralMind]

انا نفسى حد يقول لى حاجة واحدة بس القوى الواطية دى اتفقت عليها؟

كلهم اوطى من بعض و عمرهم ما اتفقوا على حاجة.. غير حاجة واحدة بس.. انهم يسرقوا مصر و ينهشوها زى الكلاب..

ده غير البلاوى اللى هتحصل.. ههههههه

انتوا عارفين ان البنوك و البورصة ماسكها الفلول دلوقتى؟

شوف انتا بقى كام ترليون هيتهربوا من البلد.. اذا كان اللى بيتهرب دلوقتى بلاوى..

اقصى حل هو حكومة انقاذ وطنى, و يفضل المجلس الراعى الرسمى من فوق.. لكن يدى صلاحيات للحكومة تتحرك بجد..

لكن متشيلش المجلس لغاية اما ييجى رئيس منتخب..

المصيبة كمان انك لما تجيب مجلس انتقالى.. مين قال لك ان الفلول اللى فى اجهزة الدولة هترضخ لكلامهم اصلا ولا هتفذ حاجة منه؟؟

انا كنت راكب المترو من حوالى اسبوعين تقريبا, و المترو وقف مرة واحدة علشان فيه قرار طلع ان رئيس الهيئة بتاعت المترو اتشال... و الموظفين معترضين و نزلوا رمسيس قدام المترو و وقفوا الحركة..

شوف انتا بقى كم الاضرابات و الاعتصامات اللى هيحركها الفلول جوة اجهزة الدولة لعرقلة قرارات المجلس الانتقالى..

السيناريو ابشع مما نتصور..

[Abu Reem]

أخي عمدة /

القائمون على مصر ليسوا بهذه الدرجة البسيطة من التفكير

فحضرتك ترى أنه يمكن تأجيل الإحتجاجات على وثيقة السلمي لما بعد الإنتخابات ووقتها سيكون هناك نواب منتخبين عن الشعب ليساندوه في إحتجاجاته ( وكلامك نظريا صحيح جدا ورائع ) , لكن كما قلت لك لا تسطح تفكير القائمون على إدارة البلاد الأن , فالبرلمان مطلوب بالنسبة لهم في الوقت الحالي أكثر من الشعب نفسه والقوى السياسية , فبعد إنتخاب البرلمان سيتم إستخدامه لتمرير بعض الأمور , ووقتها من سيخرج للإعتراض عليها سيكون الرد ( محدش من حقه يعترض لأن دلوقتي في ممثلين عن الشعب وهما اللي وافقوا مش إحنا , وإحنا دولة ديموقراطية ودولة مؤسسات ومش هنسمح إن البلد يتم إدارتها من الشارع )

صدقني البرلمان سيتم إستخدامه بهذه الطريقة , ولا تتوقع برلمان قوي مثلما نرى في الدول الديموقراطية في أول سنة ديموقراطية في مصر

تحياتي لك

يا استاذ ابراهيم

كيف يمكن لنا ان نجزم ان البرلمان سيستخدم لتبرير اي قرار او قانون..

يعني على الاقل اليس البرلمان سيحتوي على نسبة كبيرة من الاعضاء الذين انتخبناهم سواء من حزب الوفد او التجمع او النور او الحرية والعدالة..أو الوسط..أو أو

كل هؤلاء سيشكلوا نسبة على الاقل فوق ال 70 % باعتبار ان الباقين الناجحين من الفلول او ممن يؤيديون المجلس العسكري وقراراته

سبعين بالمائة او حتى اقل من نوابنا سيجدوا الدعم والمساندة من الشعب هل يستطيع برأيك عندها ان يمرر المجلس ما لا نرضاه

- ولذلك اقول لمن كان يعترض على جمعة 18 نوفمبر وعلى رأسهم الفاضل عصام ابو الفتح..ان هذه المليونية كانت للطعن والاعتراض على تنفيذ وثيقة السلمي...التي لن تنفذ بإذن الله...والتي كانت ستعطي صلاحيات للمجلس..ايضا تتعلق بتشكيل اللجنة التأسيسية للدستور....

- فلماذا نتراجع عن الانتخابات مخافة الظنون التي نستطيع ان نمنعها

- ولماذا نضع البلد في متاهة لا نعرف كيف نخرج منها...وقد لا نخرج منها لسنوات خشية امر..يمكن مواجهته وعلاجه..بطرق اخرى كثيرة افضل من الدخول في متاهة...لا نعرف اين مخرجها تحديدا...

وحولنا مثال حي هو سوريا....

[Howayda Ismail]

ده من وجهة نظرهم بلطجى

طيب دول من وجهة نظرنا ايه ؟!

اظن الشرطة ماتفرقش عنهم حاجة ( الاتنين بلطجية )

[عماد حمدي]

إلـــــــى شبــــــــاب الإخـــــــــوان..

رسالة بتوقيـع:

(1) أحمد المغير، ناش...ط من شباب الإخوان

(2) عمرو فراج، مدير شبكة رصد - من شباب الإخوان

(3) أحمد حسن، أدمن صفحة إنت عيل إخونجي -من شباب الإخوان

نص الرسالة :

إلى شباب الإخوان

السلام عليكم ورحمة الله وبركاته

إخوانا الكرام ، بسبب حساسية الموقف وخطورته اسمحوا لينا نكتب بالعامية ...احنا كمجموعة من شباب الإخوان من ساعة ما بدأت الأحداث المؤسفة في التحرير مرورا بالمجزرة البشعة اللي استشهد فيها ٣٣ شاب من أطهر شباب مصر في محاولة مستمرة لجمع معلومات وتحليل الموقف ورفع الواقع من على الأرض ، لأننا فعلا مكناش عارفين نعمل إيه او إيه هوا الصح من الغلط ، احنا كشباب كان النزول امر مفروغ منه سواء في القاهرة او إسكندرية او غيرهم من المحافظات وحبينا ننقل لكم الواقع زي ما شفناه وتحليلنا للأحداث :

أولا : إدارة الحدث من جانب الحكومة او الداخلية او المجلس العسكري إدارة غير مسبوقة وتتسم بوحشية لم يسبق

لها مثيل حتى ايام السفاح مبارك نفسه

ثانيا : الميدان فيه شباب من كل التيارات وان كان الأغلبية غير مسيسين وكتير منهم اول مرة يشاركوا في مظاهرة او اعتصام لكنهم ابطال بجد ، ملمحناش اي قيادة من القيادات الثورية المعروفة سواء شباب او غير شباب

ثالثا : ممارسات الداخلية والجيش من ترك الأمور تتصاعد دون تهدئة لدرجة انهم يسيطروا فعلا على الميدان اكتر من مرة ويسيبوه

ده بخلاف إن اللي قتل أكتر من 33 شاب من خيرة شباب مصر مكنش عنده أي مشكلة إن الفضائيات تنقل الجرائم دي على الهواء من قتل ورمي في الزبالة وإحراق ممتلكات الشباب زي ميكون بيستفز الناس مخصوص عشان ينزلوا ( فجأة القاتل اللي منع قناة الجزيرة مباشر مصر من التغطية بقة مؤمن بحرية الإعلام!!!) حتى ترك المواجهات مستمرة لأكتر من 3 أيام بشكل مستمر بدون تدخل لإنهائها ( القصة مش محتاجة غير مدرعتين يقفوا بين الثوار وبين قتلة الداخلية ) , الكلام ده أكد من قناعتنا إن المجلس بينفذ الجزأ التاني من تهديد المخلوع اللي خير الشعب بين الإستقرار والفوضى وشايفين فعلا مخطط كامل من المجلس لتحويل مصر إلى صومال أخرى لإن تفجير الوضع في مصر مرة تانية محدش هيقدر يسيطر عليه ولا حتى الجيش نفسه

رابعا : حتى مساء أول أمس ( الأحد ) كنا نتمنى من جماعتنا جماعة الإخوان إعلان نزولها بشكل رسمي لكن أمس وبعد رؤيتنا للمشهد بالشكل ده بقينا مقتنعين إن نزول الإخوان وغيرهم هدف من الإستفزاز اللي بيحصل عشان تحقيق مخطط الفوضى الشاملة اللي إذا حصل الكلام مش هيكون عن إنتخابات أو غيره الكلام هيكون عن إنهيار شامل للبلد مش الإنتخابات بس

خامسا : فكرنا كتير في اللي إتقال عن إننا مش عايزين غير الإنتخابات عشان مصلحتنا الخاصة بس بأمانة : إزاي حد يكون مبيفكرش غير في الإنتخابات ياخد قرار يأثر تأثير ضخم على شعبيته وعلى إحتمالات فوزه بأغلبية ؟ وأظن الكل لاحظ (وأحيانا شارك ) في الهجوم الرهيب على الإخوان وموجة التخوين وكم الناس اللي قررت عدم إنتخابهم , ده يؤكد إن الإخوان مضطرين لأخد الموقف ده مش عشان مصالحهم الخاصة زي ما بعض الناس بتقول خاصة إنهم عارفين التمن اللي هيدفعوه في الإنتخابات نتيجة الموقف ده فالبديل هوا مواجهة شاملة مش هتهدد الإنتخابات بس بل هتهدد مصر كلها من مجموعة موتورة مش فارقة معاها مصر كلها تولع عشان ميجيش اليوم اللي يتحاسبوا فيه عن جرائمهم

سادسا : في النهاية دي رؤيتنا وتحليلنا اللي بنتفق فيه بشكل كبير مع موقف الجماعة الرسمي اللي قررنا إننا نلتزم بيه واللي لا نستطيع أبدا الجزم بإنه الموقف الصح بنسبة 100 % لإننا في فتنة لا يعلم مداها إلا الله , وبالنسبة للشباب اللي مصمم ينزل فبنوصيه إنه يروح بروح تهدئة الأمور مش بروح المواجهة وربنا يستر ويحفظ مصر من العصابة اللي بتحكمها

الموقعون على الرسالة :

(1) أحمد المغير

ناشط من شباب الإخوان

(2) عمرو فراج

مدير شبكة رصد - من شباب الإخوان

(3) أحمد حسن

أدمن صفحة إنت عيل إخونجي -من شباب الإخوان

تم تعديل 22 نوفمبر 2011 بواسطة omda2006

[se_ Elsyed]

إنا لله وإنا إليه راجعون

جناز لاحد الشهداء تنطلق من ميدان التحرير وسط عشرات الالاف من الحشود

وأخرتها إيه يا مجلس يا وسخ ؟

تفتكروا قائد الشرطة العسكرية بيقول للمشير إديني فرصة 48 ساعة وأنا اخلص الموضوع زي ما عمل الكلب العادلي ؟

[ام سلمي]

طيب لو كانت الإنتخابات إتعملت و بقا فيه مجلس شعب إية اللي يمنع ساعتها اننا ممكن نتظاهر ضد وثيقة السلمي حضرتك ؟؟

علي فكرة حضرتك مش محتاج تثبت ان امر الوثيقة ممكن يتحل بعد الانتخابات ، لأن مشكلة الوثيقة كانت اتحلت خلاص يوم 19 /11

فسواء الاخوان او القوي الرافضة للوثيقة كلهم كانوا خلاص وصلوا لاتفاق مع السلمي ووصلوا لصورة نهائية ما فيهاش صلاحيات العسكر والاهم ان الوثيقة تعتبر استرشادية ، ويظهر ان لما العسكر او الداخلية لقوا السكة دي ما نفعتش قرروا يلجأوا لاخر سكة قدامهم وهي ضرب المعتصمين علشان تهييج الناس وتأجيل الانتخابات

ادي الخبر يوم 19 /11 ان وثيقة السلمي اصبحت استرشادية

السلمي يعلن تعديل المبادئ المثيرة للجدل ويقول إنها استرشادية

قالت وكالة "أنباء الشرق الأوسط": إن الدكتور علي السلمي نائب رئيس الوزراء للشئون السياسية والتحول الديمقراطي صباح اليوم، عقد اجتماعًا بمقر اللجنة العامة بمجلس الشورى لوضع ما تم تسميته بـ"إعلان المبادئ الأساسية لدستور الدولة المصرية الحديثة".

وأصدر بيان عن الاجتماع حدد الصياغة النهائية للمواد المثيرة للجدل حول القوات المسلحة على النحو التالي:

حول المادة التاسعة التي أثارت كثيرًا من اللغط نصَّ البيان على: "الدولة وحدها هي التي تنشئ القوات المسلحة، وهي ملكٌ للشعب مهمتها حماية البلاد وسلامة أراضيها وأمنها والحفاظ على وحدتها ولا يجوز لأية هيئة أو جماعة أو حزب إنشاء تشكيلات عسكرية أو شبه عسكرية، كما يبين القانون شروط الخدمة والترقية في القوات المسلحة والدفاع عن الوطن وأراضيه واجب إجباري ومقدس".

وحول ميزانية القوات المسلحة قال البيان: "إن للقوات المسلحة مكانتها الخاصة وشئونها التفصيلية بالأمن القومي، والتي يجب أن تُراعى عند مناقشة أمورها الفنية وميزانيتها والقوات المسلحة كباقي مؤسسات الدولة تلتزم بالضوابط الدستورية والتشريعية، ويكون لها مجلس أعلى يختص دون غيره بالنظر في كل شئونها، ويؤخذ رأيه في التشريعات الخاصة بها قبل إصدارها، وأن رئيس الجمهورية هو القائد الأعلى للقوات المسلحة ووزير الدفاع هو القائد العام للقوات المسلحة".

وحول القوات المسلحة أيضًا نصَّت المادة 10 من البيان على: "ينشأ مجلس يُسمى الدفاع الوطني، ويتولى رئيس الجمهورية رئاسته، ويختص بالنظر في الشئون الخاصة بالأمن القومي ووسائل تأمين البلاد وسلامتها، ومناقشة ميزانية القوات المسلحة، ويحدد القانون تشكيل مجلس الدفاع الوطني واختصاصاته الأخرى، ويعلن رئيس الجمهورية الحرب بعد أخذ رأي مجلس الدفاع الوطني وموافقة مجلس الشعب".

وقال البيان الذي تمَّ توزيعه عقب اجتماع اللجنة إنه تحقيقًا لأهداف ثورة 25 يناير في الحرية والكرامة واستلهامًا لروحها وإدراكًا بأن الشعب هو مصدر السلطات، ولا ينبغي المصادرة على إرادته بأي حالٍ من الأحوال، وإن الإعلان الدستوري في مارس الماضي فيه ما يكفي لإدارة المرحلة الانتقالية، وإن هذه الوثيقة ووثيقة الأزهر وغيرها من الوثائق تعدُّ مبادئ استرشادية، فإننا نؤكد المبادئ الأساسية والحقوق والحريات العامة لدستور الدولة المصرية الحديثة.

وتشمل: المبادئ الأساسية وتضم 10 بنود أهمها أن مصر دولة ديمقراطية تقوم على سيادة القانون والمواطنة، وأن الإسلام دين الدولة، واللغة العربية لغتها الرسمية، ومبادئ الشريعة الإسلامية المصدر الرئيسي للتشريع، وأن السيادة للشعب وحده، وهو مصدر السلطات يمارسها من خلال الاستفتاءات والانتخابات النزيهة تحت إشراف قضائي، والنظام السياسي للدولة هو النظام الجمهوري الديمقراطي الذي يقوم على التوازن بين السلطات، وسيادة القانون أساس الحكم في الدولة، ويقوم الاقتصاد الوطني على التنمية الشاملة والمستديمة، ونهر النيل شريان الحياة، ومصر جزء من القارة الإفريقية.

كما تضمَّن البيان بندًا خاصًّا بالحقوق والحريات العامة شمل 12 مادة.

http://www.ikhwanonline.org/new/Article.aspx?ArtID=95381&SecID=230

تم تعديل 22 نوفمبر 2011 بواسطة ام سلمي

[احمد رضوان]

ده الإنسان المصري الفقير إبن الإحياء الشعبية

ده الإنسان اللى اتطحن في البلد من غير أمل لبكره

ده الفقير اللى كان بيشد البنت المتعلمة ويخبيها ويقولها احنا الفقرا اللى نموت وخليكوا انتوا يا متعلمين إبنوا البلد

ده اللى حمى الشيوخ والستات في الميدان واللى كان بيمسك القنبلة بإيده بشجاعة مذهلة

ده اللى بيحب مصر بجد وخرج علشان بدأ حبها يحرك كل حته في جسمه

وده اللى لو قلناله يعمر سيناء مش حيتردد

ده المصرييييييييييييييييييييي الأصيل حشاش ومدمن وبيعاكس البنات وبيضرب كلة وبيبلطج على أي حد .... بس وقت الشدة هو اللي بيحمى البنات والستات والشيوخ ، العيب مش فيه ، العيب فينا احنا اللى ضيعناه السنين اللى فاتت ، بس الثورة بتعلم جواهم بجد وشوفي الألتراس عاملين ايه اليومين اللى فاتوا

ربنا كبير والشعب ده مش حيموت إن شاء الله

[se_ Elsyed]

اللي يستحقوا كل الشكر وتقبيل أيديهم وأرجلهم هما ملائكة الرحمة اللي نزلوا وعملوا مستشفيات ميدانية في قلب الشارع بدون حتى أي شيء يحميهم من الشمس او البرد او الطقس ويعملون بمنتهى الجد ..

شباب مصري زي الفل ومحجبات ومنقبات وشباب عادي وخليط عجيب من هذا الشعب الغريب في تكوينه واللي كل الخلطة دي بتدي له طعم مش ممكن تلاقيه في شعب تاني

وشاهدت بالأمس أطباء كبار سابوا عياداتهم ومستشفياتهم ونزلوا في قلب الخطر

كل ده ومازال السفاحون يسفكون دماء المصريون ... والمشير اللي كشف عن وجهة القبيح يرقص فرحاً تماماً كمان كان يفعل استاذة ومعلمه مبارك

الان بدء إجتماعة مع التيارات السياسية ... على اساس إيه ؟ وليه ؟ وهل هذا يوقف نزيف الدم اللي في كل مصر يا كلاب ؟

[wsadani]

إلـــــــى شبــــــــاب الإخـــــــــوان..

رسالة بتوقيـع:

(1) أحمد المغير، ناش...ط من شباب الإخوان

(2) عمرو فراج، مدير شبكة رصد - من شباب الإخوان

(3) أحمد حسن، أدمن صفحة إنت عيل إخونجي -من شباب الإخوان

نص الرسالة :

إلى شباب الإخوان

السلام عليكم ورحمة الله وبركاته

إخوانا الكرام ، بسبب حساسية الموقف وخطورته اسمحوا لينا نكتب بالعامية ...احنا كمجموعة من شباب الإخوان من ساعة ما بدأت الأحداث المؤسفة في التحرير مرورا بالمجزرة البشعة اللي استشهد فيها ٣٣ شاب من أطهر شباب مصر في محاولة مستمرة لجمع معلومات وتحليل الموقف ورفع الواقع من على الأرض ، لأننا فعلا مكناش عارفين نعمل إيه او إيه هوا الصح من الغلط ، احنا كشباب كان النزول امر مفروغ منه سواء في القاهرة او إسكندرية او غيرهم من المحافظات وحبينا ننقل لكم الواقع زي ما شفناه وتحليلنا للأحداث :

أولا : إدارة الحدث من جانب الحكومة او الداخلية او المجلس العسكري إدارة غير مسبوقة وتتسم بوحشية لم يسبق

لها مثيل حتى ايام السفاح مبارك نفسه

ثانيا : الميدان فيه شباب من كل التيارات وان كان الأغلبية غير مسيسين وكتير منهم اول مرة يشاركوا في مظاهرة او اعتصام لكنهم ابطال بجد ، ملمحناش اي قيادة من القيادات الثورية المعروفة سواء شباب او غير شباب

ثالثا : ممارسات الداخلية والجيش من ترك الأمور تتصاعد دون تهدئة لدرجة انهم يسيطروا فعلا على الميدان اكتر من مرة ويسيبوه

ده بخلاف إن اللي قتل أكتر من 33 شاب من خيرة شباب مصر مكنش عنده أي مشكلة إن الفضائيات تنقل الجرائم دي على الهواء من قتل ورمي في الزبالة وإحراق ممتلكات الشباب زي ميكون بيستفز الناس مخصوص عشان ينزلوا ( فجأة القاتل اللي منع قناة الجزيرة مباشر مصر من التغطية بقة مؤمن بحرية الإعلام!!!) حتى ترك المواجهات مستمرة لأكتر من 3 أيام بشكل مستمر بدون تدخل لإنهائها ( القصة مش محتاجة غير مدرعتين يقفوا بين الثوار وبين قتلة الداخلية ) , الكلام ده أكد من قناعتنا إن المجلس بينفذ الجزأ التاني من تهديد المخلوع اللي خير الشعب بين الإستقرار والفوضى وشايفين فعلا مخطط كامل من المجلس لتحويل مصر إلى صومال أخرى لإن تفجير الوضع في مصر مرة تانية محدش هيقدر يسيطر عليه ولا حتى الجيش نفسه

رابعا : حتى مساء أول أمس ( الأحد ) كنا نتمنى من جماعتنا جماعة الإخوان إعلان نزولها بشكل رسمي لكن أمس وبعد رؤيتنا للمشهد بالشكل ده بقينا مقتنعين إن نزول الإخوان وغيرهم هدف من الإستفزاز اللي بيحصل عشان تحقيق مخطط الفوضى الشاملة اللي إذا حصل الكلام مش هيكون عن إنتخابات أو غيره الكلام هيكون عن إنهيار شامل للبلد مش الإنتخابات بس

خامسا : فكرنا كتير في اللي إتقال عن إننا مش عايزين غير الإنتخابات عشان مصلحتنا الخاصة بس بأمانة : إزاي حد يكون مبيفكرش غير في الإنتخابات ياخد قرار يأثر تأثير ضخم على شعبيته وعلى إحتمالات فوزه بأغلبية ؟ وأظن الكل لاحظ (وأحيانا شارك ) في الهجوم الرهيب على الإخوان وموجة التخوين وكم الناس اللي قررت عدم إنتخابهم , ده يؤكد إن الإخوان مضطرين لأخد الموقف ده مش عشان مصالحهم الخاصة زي ما بعض الناس بتقول خاصة إنهم عارفين التمن اللي هيدفعوه في الإنتخابات نتيجة الموقف ده فالبديل هوا مواجهة شاملة مش هتهدد الإنتخابات بس بل هتهدد مصر كلها من مجموعة موتورة مش فارقة معاها مصر كلها تولع عشان ميجيش اليوم اللي يتحاسبوا فيه عن جرائمهم

سادسا : في النهاية دي رؤيتنا وتحليلنا اللي بنتفق فيه بشكل كبير مع موقف الجماعة الرسمي اللي قررنا إننا نلتزم بيه واللي لا نستطيع أبدا الجزم بإنه الموقف الصح بنسبة 100 % لإننا في فتنة لا يعلم مداها إلا الله , وبالنسبة للشباب اللي مصمم ينزل فبنوصيه إنه يروح بروح تهدئة الأمور مش بروح المواجهة وربنا يستر ويحفظ مصر من العصابة اللي بتحكمها

الموقعون على الرسالة :

(1) أحمد المغير

ناشط من شباب الإخوان

(2) عمرو فراج

مدير شبكة رصد - من شباب الإخوان

(3) أحمد حسن

أدمن صفحة إنت عيل إخونجي -من شباب الإخوان

أرد على الكلام ده بأن نزول الأخوان هيزود العدد من ناحية بالاضافة لمشاركتهم فى تأمين المكان ولا يستطيع أحد ان يقول فى هذه الوقت ان الموجود فى الميدان اخوان بس او يلبسوها ليهم

لما تبقى مليونية مين هيقدر عليهم محدش