كل ما يخص جُمعة 18-11

[se_ Elsyed]

كل الإرهاصات والدلائل تُشير إلى إن غداً هو 25 يناير أخر ...

أينعم جت متأخرة ... لكن يارب يهدي جميع المتظاهرين وما يرجعوش من الميدان إلا بتحقيق كل اهداف الثورة .. مرة أخرى " كل اهداف الثورة "

وانا واثق من سلمية المظاهرات غداً لإن الكل متجمع على حب مصر ...

[م تيمور المراغي]

إسلام الحضرى

سيارات تحمل شعار حزب الحرية والعدالة تجوب شوارع الاسكندرية للدعوة للنزول غدا الجمعة

[الباشمهندس ياسر]

حبايبي الحلوين

انا رايح التحرير و عقابل احد الرموز المحترمة ف المنتدي

اللي يحب يشرفنا ... ينور و يانس

تحياتي

[عماد حمدي]

إسلام الحضرى

سيارات تحمل شعار حزب الحرية والعدالة تجوب شوارع الاسكندرية للدعوة للنزول غدا الجمعة

عااااااااااش حرية و عدالة :scooter:

[عماد حمدي]

ممدوح حمزة

-------------

أنا ضدّ (مليونية أبو جهل وأبو لهب) اللي هيعملوها بكرة

أنا متضامن مع السلمي

الشعب المصري؛ فقراء وجهلة

السيد البدوى

-----------------

مليونية الغد استعراض للقوة على الشعب

خمسين أو مائة ألف متظاهر فى ميدان التحرير لا يمثلون الشعب المصرى الذى يبلغ تعداده 85 مليونا

التجمع

---------

الجريمة التى يرتكبها دعاة الدولة الإخوانية والسلفية أنهم يبعدون أنظار الجماهير عن القضايا الكبرى والحيوية ويركزون الأضواء على قضايا هامشية وثانوية ويتاجرون بالدين ويشنون حربا طائفية، ويرفضون التوافق على مبادئ عامة دستورية

رفعت السعيد، رئيس حزب التجمع،

------

«إن الدعوة لهذه المليونية عمل ابتزازى يحاول من خلاله أن يفرض على مصر مجلس شعب إخوانى سلفى ويعودون بمصر للخلف».

ابراهيم عيسى :

---------------------

التيار الإسلامي هيكتب الدستور لوحده و هنبقى زي طالبان

[عماد حمدي]

الحاج الوالد من علي الفيس بوك :)

فيه مثل كثير الاستخدام هذه الأيام الا وهو ( قالوا لفرعون ايه فرعنك قال ملقتش حد يلمني )

نحن باذن الله نازلين غدا علشان نلمه وما يتفرعنش

أبو عماد ;)

تم تعديل 17 نوفمبر 2011 بواسطة omda2006

[م تيمور المراغي]

التلفزيون المصري:عاجل لجنه تقصي الحقائق تدين منظمات اهليه علي صله بالجماعه السلفيه بتلقي اموال من دول خليجيه وتبرئه حركه 6 ابريل

[se_ Elsyed]

التلفزيون المصري:عاجل لجنه تقصي الحقائق تدين منظمات اهليه علي صله بالجماعه السلفيه بتلقي اموال من دول خليجيه وتبرئه حركه 6 ابريل

من غير تليفزيون .. ومن غير تقارير ... إحنا قولنا إن مجرد التشكيك في قوى الثورة والتخوين سيكون كاس وهايدور على الكل .. دي معادلة ومش محتاكة نقاش

ولو يفتكر الاخوة السلفيون اللي هاجموا 6 إبريل وكفايه وغيرهم بإن بيتم تمويلهم .. ده من كذا شهر .. قولنا أبشروا وبكره أو بعده دوركم جاي ...

واهو حصل من غير سحر ولا شعوذة

بس أنا بأفرح بالإتهامات دي لأنها هاتوحد كل القوى مرة اخرى ضد أعداء الثورة اللي بيقودهم المجلس العسكري الفاسد

[se_ Elsyed]

عشان ما ننساش شعار ثورة 25 يناير

كرامة

حُرية

عدالة إجتماعية

[se_ Elsyed]

أنا متأكد إن النهاردة او بكره الصبح بالكتير هاتخرج تصاريح .. سوري يعني حاجه نتلهي بها بتقول لنا إن وثيقة السلمي إتلغت أو إنها إسترشادية وكأن المشكلة خلال الـ 10 شهور الماضية اللي إتخبطنا فيها وأتخرب بيت البلد فيها كانت في السلمي ووثيقتة اللي هي أساساً وثيقة خبيثة من مجلس خبيث

لكن كل مشكلة مصر هو في تحقيقنا لاهداف الثورة عشان كل مصري مهما كان وأينما كان يعيش عيشة كريمة ويعيش بحرية ويعيش بكرامة

مرة اخرى وليست أخيرة ... لا يوجد أي تعارض بين إتمام الإنتخابات وبين تحقيق اهداف الثورة

وخلوا بالكم في ناس بتراهن على لعبة في منتهى الخبث والقذارة .وهي إن طالما البرلمان إتعمل يبقى خلاص بقى ممكن يتم تجريم المظاهرات والإعتصامات لإن في ناس بتعبر عن الشعب دلوقت وفضوها سيرة ... ونرجع تاني للعب الحزب الوطني ...

وفي النهاية نلاقي عندنا ...

مجلس عسكري بيحكم البلد بالحديد والنار

مجلس وزراء ووزراء قراطيس ( الله يخليكم ياللي في مصر طمنونا على عصام شرف .. هو سافر ليبيا يشتغل ولا إيه ؟ )

مجلس شعب صوري بدون صلاحيات

[capitshino]

مانشيت اهرام الجمعة

مليونبة الاخوان السلفيين فى الميدان اليوم ضد الوثيقة

جرايد زبالة عمرها ما هتنضف .

[نورالعين]

رفض عدد من ثوار ميدان التحرير رفع صورة دكتور حازم صلاح أبو إسماعيل المرشح المحتمل للرئاسة،وذلك بعد أن قام عدد من أنصاره برفع صوره داخل الميدان.

ودخل المتظاهرون وأنصار أبو إسماعيل فى مناقشات ومشادات عنيفة حول رفع صورته وطلب الثوار من أنصار أبو إسماعيل الالتزام باعتصام جمعة غد التى تطالب برحيل المجلس العسكرى وحكومة شرف، وعدم رفع أى شعارات دعائية لمرشحى الانتخابات الرئاسية وهو الأمر الذى قوبل من بعض أنصاره ورفضه من البعض الآخر

بوابة الأهرام

طلب مشروع اليست مليونية الطلب الواحد

[عماد حمدي]

واحد.. اتنين.. تسليم السلطة فين؟!

قول.. اتكلم.. السلطة لازم تتسلم

تسقط تسقط الوثيقة.. يسقط يسقط حكم العسكر

يامبارك قول للسلمي.. أنا جاجزلك كرسي جنبي

ياللي بتسأل احنا مين .. احنا كل المصريين.. مسلمين ومسيحيين

* جانب من هتافات مسيرة تجول ميدان التحرير الآن

المصدر : صفحة حزب الحرية و العدالة

[عصام أبوالفتح]

هل تعلم ان أنسب أيام التاريخ لتسليم السلطة هو 23 يوليو 2012

تبلغ فيه ثورة يوليو سن التقاعد باتمام 60 سنة من الحكم العسكرى فى مصر

اذا استحق الجيش المصرى تكريما وهو كذلك فليكن فى هذا اليوم

[عماد حمدي]

خاص : البلتاجي من قلب الميدان الآن للحرية والعدالة الرسمية:

رسالتنا بكل وضوح :

1. نرفض عسكرة الدولة

2. نريد برلمان حقيقي غير منقوص السلطات وبدون أي وصاية

3.نريد رئيس مدني منتخب بحد أقصي إبريل 2012

تم تعديل 18 نوفمبر 2011 بواسطة omda2006

[عماد حمدي]

من مسجد عمر مكرم الآن ..

خارج المسجد ..

تم تعديل 18 نوفمبر 2011 بواسطة omda2006

[ViralMind]

احلى حاجة فى البلتاجى ده, انه كان وقت الثورة يجى ميدان التحرير متشيك و على سنجة عشرة بنفس البدلة اللى فى الصورة دى.. يجى يقلب البقين 10 دقايق و يمشى.. و احنا زى العبط بايتين فى الميدان عالارض فى البرد ولا حتى فيه غطا و حتى بترابنا زى ما احنا.. والله راجل زى العسل.

تم تعديل 18 نوفمبر 2011 بواسطة ViralMind

[عماد حمدي]

احلى حاجة فى البلتاجى ده, انه كان وقت الثورة يجى ميدان التحرير متشيك و على سنجة عشرة بنفس البدلة اللى فى الصورة دى.. يجى يقلب البقين 10 دقايق و يمشى.. و احنا زى العبط بايتين فى الميدان عالارض فى البرد ولا حتى فيه غطا و حتى بترابنا زى ما احنا.. والله راجل زى العسل.

اية المشكلة في كدة يا فيرال .. شوف شباب الإخوان كانوا برده بايتين علي الأرض .. و محدش يقدر ينكر كدا

هوه جاي ببدلة أو لا مش هنبص للناس المهم انه شارك و نزل و قال لأ .. أحسن من اللي كان قاعد في البيت زي الحريم

صباحك فل

[ViralMind]

احلى حاجة فى البلتاجى ده, انه كان وقت الثورة يجى ميدان التحرير متشيك و على سنجة عشرة بنفس البدلة اللى فى الصورة دى.. يجى يقلب البقين 10 دقايق و يمشى.. و احنا زى العبط بايتين فى الميدان عالارض فى البرد ولا حتى فيه غطا و حتى بترابنا زى ما احنا.. والله راجل زى العسل.

اية المشكلة في كدة يا فيرال .. شوف شباب الإخوان كانوا برده بايتين علي الأرض .. و محدش يقدر ينكر كدا

هوه جاي ببدلة أو لا مش هنبص للناس المهم انه شارك و نزل و قال لأ .. أحسن من اللي كان قاعد في البيت زي الحريم

صباحك فل

هو كده يبقى شارك؟ :blink: بقول لك شاف الثورة فيديون.. :D

كلامك كان يبقى صح لو انا بتكلم عن الاخوان, لكن انا بتكلم عن شخص معين و انطباعى عنه بغض النظر عن ميوله و انتمائه.

[عماد حمدي]

احلى حاجة فى البلتاجى ده, انه كان وقت الثورة يجى ميدان التحرير متشيك و على سنجة عشرة بنفس البدلة اللى فى الصورة دى.. يجى يقلب البقين 10 دقايق و يمشى.. و احنا زى العبط بايتين فى الميدان عالارض فى البرد ولا حتى فيه غطا و حتى بترابنا زى ما احنا.. والله راجل زى العسل.

اية المشكلة في كدة يا فيرال .. شوف شباب الإخوان كانوا برده بايتين علي الأرض .. و محدش يقدر ينكر كدا

هوه جاي ببدلة أو لا مش هنبص للناس المهم انه شارك و نزل و قال لأ .. أحسن من اللي كان قاعد في البيت زي الحريم

صباحك فل

هو كده يبقى شارك؟ :blink: بقول لك شاف الثورة فيديون.. :D

كلامك كان يبقى صح لو انا بتكلم عن الاخوان, لكن انا بتكلم عن شخص معين و انطباعى عنه بغض النظر عن ميوله و انتمائه.

و الله أنته اللي كنت في الثورة و طالما شوفت بعينك خلاص مقدرش أدخل في جدال معاك :) ..