كل ما يخص جُمعة 18-11

[se_ Elsyed]

إية كمية المدنيين اللي مع الشرطة دول ونازللين طحن في المتظاهرين بكل ما أوتوا من قوة ؟

مين دول ؟

إحنا فين بالظبط وهل 200 واحد زي ما بتقول الشرطة تستلزم تلك الحرب الاهلية الطاحنة ؟

[Howayda Ismail]

المنطقه الشمالية العسكرية

عشرات المتظاهرين الآن أمام المنطقه الشمالية تنديدا لما يحدث

ومسيرة من القائد ابراهيم الى المنطقة الشمالية لمساندة المتظاهرين هناك

[se_ Elsyed]

قشطه

التليفزيون المصري دلوقت بيلبسها ويشيل الليلة للتيار الإسلامي الإرهابي

يا أهلاً بالمعارك

[se_ Elsyed]

إسمعوا وأتكيفوا وأعملوا أحلى دماغ

والتيار الإسلامي هو المسئول عن إشعال الحرائق في الصعيد

أه أومال إيه ما هو لازم حد يشيل الليلة

[Alattar]

رصد | القاهرة | مراسلنا: الآن هجوم عنيف علي المتظاهرين و المارة من قبل الامن المركزي بشارع الكورنيش #RNN #Tahrir

رصد | أحداث التحرير | شهود عيان : أعداد من شباب الجبهة السلفية بالقاهرة تحاول الوصول الآن إلى ميدان التحرير لحماية المعتصمين هناك #RNN

[se_ Elsyed]

الله يحرقكم يا مأجورين يا أصحاب الإجندات ياللي خربتوا البلد

واحده ماجورة معاها أجندة أهي

[Alattar]

رصد | قناة 25 يناير : دخول المتظاهرين ميدان التحرير من ناحية عبدالمنعم رياض الان #RNN

[se_ Elsyed]

واحده مخربة أهي ومعاها أجندة ونبوت

[se_ Elsyed]

طبعاً دفاع شرعي عن النفس ومحاولة للثأر من 25 يناير

[Alattar]

رصد | القاهرة | مراسلنا من أمام ماسبيرو |تواجد كبير للأمن المركزي و إغلاق الشوارع المحيطة بماسبيرو بالجنازير #RNN

رصد | القاهرة | وصول تعزيزات امن مركزي جديدة إلى ماسبيرو #RNN

سلم يارب سلم

[عبد الله غريب]

أنا عاوز أفهم

على حسب غدعاء وزارة الملابس الداخلية ... لما هما 200 شخص وفي قلب صينية الميدان ومنهم مصابي الثورة اللي ضاع حقهم .... منزل لهم الاف الجحافل يسحلوهم ليه . وخايف من إيه ؟

وليه الوحشية دي على متظاهرين سلميين ظاهرين قدامك ... في حين إن إنت عامل ارنب قدام البلطجية اللي ماليين البلد

وحشية إيه يا أبو عمر ؟

الراجل بيقول كنا بنطبطب عليهم .. آه و الله العظيم بيقول مده زمنيه طويله كنا بنطبطب عليهم و مارضوش يمشوا

فإضطرينا نقبض عليهم

لأن دول ناس جايين الميدان مخصوص علشان يعملوا مشاكل مع الشرطه

الناس المحترمه و أهالي الشهداء اللي بجد جم بإحترامهم إمبارح و مشوا بإحترامهم .. لكن اللي قعدوا دول مش أسر شهداء دول أسر بلطجيه

قام المحرضين ضربوا الشرطه و إتصاب منهم 7 أو 8

و ضبطنا النفس لأقصى حد لكن دول شوية بلطجيه و مأجورين

يبقى فين الوحشيه بقى ؟

المذيع بيسأله بيقول له طب إيه تعليق حضرتك و إنت بتقول كانوا 200 شخص و لكن الواضح حالياً إنهم وصلوا لأربعة آلاف ؟

قال له لا مش كل دول متظاهرين ده أكترهم ناس جايين متجمهرين علشان يتفرجوا لا هم مع الثوار و لا مع الشرطه و لا مع البلطجيه

حسبنا الله و نعم الوكيل

أنا سامع قناة النيل و عمالين يقولوا طب حنعمل انتخابات إزاي في ظل الفوضى اللي بتحصل دي ..

يعني من مصلحة اللي عاوز يعطل تسليم السلطة إنه يعمل الفوضى ..

طب مين اللي عاوز يعطل تسليم السلطة و يعطل الانتخابات ؟؟

طب مش التيارات المحترمة (و حميعهم محترمين) روحت امبارح .. أيه اللي قعد دول و هما حوالي 200 نفر فقط .. و تبع مين !!..

طب التلفيزيون عمال يصور للجمهور بأن الفوضى دي بسبب جمعة الأمس و كاتب عنوان مستفز هو ""تداعيات جمعة المطلب الموحد، أو توحيد المطلب مش فاكر) ..

يعني واضح إن فيه تسويق لفكرة إن الجمعة بتاعة إمبارح هي اللي تسببت فيما يحدث اليوم .. و ربما غداً .. و بعده .. و بعده ..

طب مش كل داه ضد مطالبنا بتسليم السلطة ..

طب الناس ال 200 واحد اللي خالفوا جميع التيارات و قعدوا علشان الفيلم اللي شغال داه و اللي مش قادر أعقله .. يستمر و يكون هو بداية فوضى كبيرة تمنعنا من إجارء الانتخابات .. أو على الأقل تعيق موضوع تسليم السلطة .. مين له مصلحة فيها ..

يعني معقولة إحنا هنا عمالين نساعدهم في نشر الفيلم اللي بطولة 200 شخص (و يمكن أقل) و الباقي متفرجين (واضحين في التليفيزيون) ..

و مما يشك فيه كمان موضوع الشخص المجهول اللي قاد سيارة الترحيلات و وضعها وسط ال200 فرد ثم جرى خارج الميدان .. برضه افتكاسة حلوة علشان التليفيزيون يلاقي حاجة يصورها .. شوفتوا الناس و هما بيمرجحوا سيارة الترحيلات .. و لا لما كانو بيكسروا فيها .. و لا لما كان فيه 3 أشخاص أعتقد كانوا بيمثلوا إن واحد فيهم ماسك ماسورة حديد و نازل بيها ضرب على شخص آخر مداري وراء باب السيارة اللي جنب السواق و الشخص التالت عمال يفتح في باب السواق و يقفله بسرعة علشان يخبي موضع وقوع الماسورة الحديد اللي كانت بتنزل على جسم السيارة مش على الشخص الذي يمثل دور المعتدى عليه اللي بيضرب .. بس الشخص اللي بيحرك في الباب لم يستطع أن يضبط إيقاع فتح و غلق الباب بحيث يداري موقع اصطدام الماسورة فظهر مع كل حركة ان الماسورة لا تصطدم بالشخص اللي ورا الباب لكنها تصطدم بحديد السيارة .. منظر مرعب لو تخيلنا الماسورة نازلة على جسم الجل المداري ورا الباب .. بجد حاسس إنه فيلم ساذج .. و أصلاً مش في مصلحتنا (لو كنا متفقين على ضرورة إكمال المسيرة بتوحدنا معاً للضغط من أجل تسليم السلطة) فكل اللي بيحصل داه بما فيه تشجيعنا هنا في المحاورات و سيرنا وراء اي خبر و نقول بيضربوا الثوار و ما إلى ذلك .. كل داه بيخدمهم هما لأن هما عاوزين يقنعو الناس بإن فيه إنفلات أمني يصعب معه تحقيق مطالب جمعة توحيد المطلب .. مش عارف إحنا إزاي عمالين نطبلهم هنا كاننا مش قارين التمثيلية اللي بتحصل .. داه منتهى أملهم لما الأيام اللي جاية يحصل فيها مثل هذه الاحداث ليتحججوا بعدم إمكانية تنفيذ مطالبنا ..

بصوا دي رؤيتي للأحداث من خلال قناة النيل و من خلال شعوري الشخصي .. إن إحنا كان مفروض نقول لل 200 واحد دول .. إرجع يا حبيبي و كلنا حننزل تاني مع بعض و كل شئ يمشي حسب الرؤية الشاملة اللي أساســــــــــــــــــــــــــــــها وحـــــــــــــــــــــــــــــــــدتنا .. و ليس لنا قوة في غير ذلك .. يا رب يطلع كلامي كله غلط .. و يكون ال 200 واحد دول شباب ثوري بجد مش طعم مش عارفين تبع مين مخصوص علشان يبوظ كل المتفق عليه للضغط من أجل استعادة الثورة ..

[se_ Elsyed]

قمة السفالة والغباء

يعني هي الشرطة هاتبرر بعد كده إن كل ده عشان 200 واحد في التحرير ومصابي الثورة ؟

[se_ Elsyed]

الامن أنسحب تماماً من الميدان الان

طب ليه من الأول ؟

ليه تشعللها ؟

[نورالعين]

الشيخ حازم يدعوا الجميع للنزول للميدان

\

هي دي سخرية القدر

كان من الأول طيب

سبهم ليه وهو اللى اخترع الاعتصام وحشد الحشود

سبهم قلة ليقضي عليهم الامن

كان بس عايز يستعرض قوته امام المجلس العسكري وأمامهم

كان فاكرهم حيبايعوه على الخلافة

كلها مصالح شخصية

عموما هو فقد الاهلية من ثوار ميدان التحرير

ووصفوه بالجبان (العيل)

وهذا أقل كمان مما يستحقه

[Alattar]

رصد | الامن المركزي يواجه المتظاهرين امام موقف عبد المنعم رياض واستمرار اطلاق قنابل الغاز علي المتظاهرين #RNN #Tahrir

رصد | انسحاب كامل للشرطة من ميدان التحرير وعودة المتظاهرين مرة آخري #RNN #Tahrir

الحركة دي اتعملت قبل كده أكتر من مرة..ياتري الغرض المرة دي ايه؟

[Alattar]

الشيخ حازم يدعوا الجميع للنزول للميدان

\

هي دي سخرية القدر

كان من الأول طيب

سبهم ليه وهو اللى اخترع الاعتصام وحشد الحشود

سبهم قلة ليقضي عليهم الامن

كان بس عايز يستعرض قوته امام المجلس العسكري وأمامهم

كان فاكرهم حيبايعوه على الخلافة

كلها مصالح شخصية

عموما هو فقد الاهلية من ثوار ميدان التحرير

ووصفوه بالجبان (العيل)

وهذا أقل كمان مما يستحقه

وليه حضرتك ما قلتيش نفس الكلام عن 6 أبريل؟

ما هما كمان كانوا هناك من الأول..و مشيوا برضه بالليل

و مش بس دول..ده كان فيه كمان حوالي 50 حزب موجودين امبارح..اشمعني حازم أبو اسماعيل اللي هنمسك فيه؟

هتقوليلي عشان هو اللي دعا للمظاهرات في الأول؟.ماشي..وحتي لو كان هو اللي دعي للخروج في اليوم ده..لو باقي الأحزاب و الحركات كانوا شايفين انه أخطأ لما مشي..ليه مشيوا هما كمان؟..

أما الكلام عن استعراض القوة و الحركات دي..فده نفس كلام الصحف القومية امبارح..اللي حاولوا يصوروا الجمعة و كأنها جمعة الاسلاميين فقط..هل نردد احنا نفس الكلام؟

[se_ Elsyed]

طبعاً إحناعارفين الباقي

تشكيل لجنة تقصي حقائق .. وإحالة المئات إلى المحاكمات العسكرية

وماما حلوة

--------------

على قناة 25 يناير ددلوقت إطلاق غازات مسيلة للدموع بشكل هستيري في الشوارع الجانبية ... ووصول الاف المتظاهرين إلى قلب الميدان اللي خلى تماماً من الامن

[نورالعين]

الشيخ حازم يدعوا الجميع للنزول للميدان

\

هي دي سخرية القدر

كان من الأول طيب

سبهم ليه وهو اللى اخترع الاعتصام وحشد الحشود

سبهم قلة ليقضي عليهم الامن

كان بس عايز يستعرض قوته امام المجلس العسكري وأمامهم

كان فاكرهم حيبايعوه على الخلافة

كلها مصالح شخصية

عموما هو فقد الاهلية من ثوار ميدان التحرير

ووصفوه بالجبان (العيل)

وهذا أقل كمان مما يستحقه

وليه حضرتك ما قلتيش نفس الكلام عن 6 أبريل؟

ما هما كمان كانوا هناك من الأول..و مشيوا برضه بالليل

و مش بس دول..ده كان فيه كمان حوالي 50 حزب موجودين امبارح..اشمعني حازم أبو اسماعيل اللي هنمسك فيه؟

هتقوليلي عشان هو اللي دعا للمظاهرات في الأول؟.ماشي..وحتي لو كان هو اللي دعي للخروج في اليوم ده..لو باقي الأحزاب و الحركات كانوا شايفين انه أخطأ لما مشي..ليه مشيوا هما كمان؟..

أما الكلام عن استعراض القوة و الحركات دي..فده نفس كلام الصحف القومية امبارح..اللي حاولوا يصوروا الجمعة و كأنها جمعة الاسلاميين فقط..هل نردد احنا نفس الكلام؟

6 ابريل خلاص في جيبه

وبيعملوا اللى يقول عليه

هو اللى دعا لهذا الاعتصام وهو من اعطى هذا الشباب القوة عندما حشد الحشود من المحافظات

لدرجة ان ناس موجودة وصفت الجمعة انها جمعة الميكروباسات من كثر الميكروباسات اللى جابت ناس من المحافظات

اغلب الناس الله يكرمها اللى جات كانت عايزة تروح من العصر

ولما سألوهم بعض الثوار عن الوثيقة كانوا حتى لا يعرفوا اللى فيها

يعنى بس امين لما يقوله الشيخ

وطبعا لما صدقوا انهم مروحين بيوتهم ومش حيناموا في الشارع

و طز في الثوار اللى جايين يناموا في الشتا في الشارع

عموما تقدر تدخل على صفحته وتشوف ان حتى البعض من مرشحيه فقدوا ثقتهم فيه

طبعا البعض الذي يفهم سياسة

ويفهم ان اللى عمله حيكلف ناس ارواحها

منه لله

[se_ Elsyed]

كل شيء مدروس

نفس الخطوات بالظبط لا زادت ولا قلت

الشرطة تقتحم مستشفى القصر العيني للقبض على المصابين وجمع بطاقات الهوية الخاصة بهم

[ابو محمد بن مصطفي]

القناة الاولي جايبة ع التليفون احد مفجري الثورة للتعليق علي الاحداث

انه بالطبع المستشار مرتضي منصور