كل ما يخص جُمعة 18-11

[Howayda Ismail]

انباء غير مؤكدة

الشرطة تحشد عدد كبير من البلطجية للهجوم على الميدان من جهتين تلافيآ لاخطاء موقعة الجمل استرها يارب الكلاب البوليسية تملأ عربات تأتى من مدينة نصر

ده بيؤكد كلام مركز حقوقى نشر خبر عن استدعاء وتوافد اكبر عدد من المسجلين والبلطجية لاقسام الشرطة

[Howayda Ismail]

متظاهرين دول صح ؟؟؟

فعلا هما اللى بيعملوا شغب

الصورة من اسوشيتد برس

اشتباكات عنيفة بين المتظاهرين وقوات الأمن بالسويس.. وقوات من الجيش الثالث الميداني تسيطر

على مجمع المصالح الحكومية بحي الأربعين

[Howayda Ismail]

http://www.youtube.com/watch?v=_yeBZGXcLWM&feature=youtu.be

[عادل أبو عمر]

دلوقتي نقدر نفسر ضحكة العادلي الواثقة و التحية العسكرية اللي اتوجهت له من الشرطة و من الجيش كان معناها ايه

النظام لم يسقط .. النظام السابق ما زال يدير

والمجلس يستدرج بعض الضحايا لمواجهة مدبرة

لنشر الفوضى و لأخذ صك من الشعب لحكم مصر

ما زلت أخشى أن هناك ترتيب لمواجهة أكبر

[se_ Elsyed]

لأ رجالة بصراحة الشرطة وكل شيء تمام

سرقة كابل كهرباء من مهبط الطائرات بمطار القاهرة

الأحد، 20 نوفمبر 2011 - 2:07

[se_ Elsyed]

اللوا الفنجري كان نجم الليلة دي

وتصريحاته على قناة الحياة ... ثم أنتقل إلى قناة CBC

يستحق هو والمجلس العسكري ... يستحق عليها الإعدام من أول جلسة

كارثة فكرية وعقلية وضحالة ليس لها حل

من ضمن الأسئلة اللي وجهها له خيري رمضان بيقول له : أين انتم كمجلس عسكري أو أين رئاسة الوزراء يخرجوا يكلمونا ويهدوا الناس ويقولوا إيه اللي بيحصل من الصبح .

يرد بمنتهى الغابء كغباء الفيل ويقول له : فعلاً عندك حق ... أنا باطالب السياسيين ورؤساء الاحزاب واللي دعوا للمليونيات إنهم ينزلوا يكلموا الناس دي في التحرير

اه والله يا جماعة

سؤال اخر : مين المسئول عن هذا في رأيك يا فندم ؟

الإجابة من الفنجري : دي مؤامرة بكل تأكيد

س : مين يا فندم اللي عمل المؤامرة دي ؟ ليه ما خرجتوش في مرة تحذرونا وتقولوا خلوا بالكم من فلان وفلان وفلان اللي بيدبروا مؤامرات ضد البلد ؟

ج : لأ مش هانقول وعاوز تشوف المؤامرة بُص على التليفزيون دلوقت

شيء يُفسر كيف وصلت البلد لهذه المرحلة من الغليان

[عادل أبو عمر]

من ضمن الأسئلة اللي وجهها له خيري رمضان بيقول له : أين انتم كمجلس عسكري أو أين رئاسة الوزراء يخرجوا يكلمونا ويهدوا الناس ويقولوا إيه اللي بيحصل من الصبح .

يرد بمنتهى الغابء كغباء الفيل ويقول له : فعلاً عندك حق ... أنا باطالب السياسيين ورؤساء الاحزاب واللي دعوا للمليونيات إنهم ينزلوا يكلموا الناس دي في التحرير

ده مش غباء

ده عبط في كشف المخطط

لأن اللي قاله هو المطلوب إثباته

نزول الكل ع التحرير وشوية فوضى

ويحطوا اللي في التحرير في وش الشعب

يأجلوا الانتخابات

و يركب المشير

تم تعديل 20 نوفمبر 2011 بواسطة عادل أبو عمر

[se_ Elsyed]

شبكة رصد

رصد|وتستمر التغطية| عاجل شاهد عيان لقناة الجزيرة مباشر مصر : هجوم عنيف من عناصر الداخلية بمسيلات الدموع والرصاص المطاطي على المتظاهرين في شارع محمد محمود. #

[se_ Elsyed]

حد شاف كده في الدنيا ؟

مجلس الوزراء : سيتم تشكيل لجنة للتحقيق وكشف الحقائق وعرضها خلال أيام

أقسم بالله في حياتي ما شوفت فشل بالمنظر ده وياريتنا كنا وفرنا مرتبات الفشلة دول وخليناها ماشية كده بقوة الدفع الذاتي

[عادل أبو عمر]

حد شاف كده في الدنيا ؟

مجلس الوزراء : سيتم تشكيل لجنة للتحقيق وكشف الحقائق وعرضها خلال أيام

أقسم بالله في حياتي ما شوفت فشل بالمنظر ده وياريتنا كنا وفرنا مرتبات الفشلة دول وخليناها ماشية كده بقوة الدفع الذاتي

أنا قريت الخبر ده كنت هاطق

خصوصا بعد سمعت مداخلة من واحدة على الجزيرة مباشر بتلوم ع الشعب إنه مش عايز يدي فرصة للمجلس و بتقول إيه بقى : يعني احنا نقعد تلاتين سنة نشرب مية مجاري و عاوزين المجلس في تسع شهور يشربنا مية معدنية حرام عليكم لازم ياخد وقته ..

[اثار]

رصد| نوارة نجم| اذا كان العسكرى يري انه سيعاقب الشعب علي الثوره فهو لن يكسر انفنا وسنقوم بثوره اخرى وستنجح هذه الثوره.

[اثار]

http://www.youtube.com/watch?v=MyXM6Ttm0Bc&feature=player_embedded

[أسد]

اقتحام حى الأربعين بالسويس وسرقة محتوياته

<h3></h3>

قام مئات المتظاهرين في الساعات الاولى من صباح اليوم باقتحام مباني المجلس المحلي بالاربعين وحي الاربعين والمركز التكنولوجي لخدمة المواطنين كما حطموا النوافذ والابواب وعبثوا في محتويات المباني وقاموا بالقاء المستندات في الشارع كما وقعت اعمال سلب ونهب .

كما قام عشرات الاشخاص بالاستيلاء على اجهزة كمبيوتر وتليفزيونات والعديد من الاجهزة الكهربائية ومحتويات المباني الثلاثة .

وتزايدت اعداد المتظاهرين المحاصرين لقسم الاربعين ما بين 4 الى 5 الاف شخص لا يزال المتظاهرون محاصرين قسم شرطة الاربعين المجاور لمباني الحي الثلاثة .

اقرأ المقال الأصلي علي بوابة الوفد الاليكترونية الوفد - اقتحام حى الأربعين بالسويس وسرقة محتوياته

[أسد]

معلش .. أنا مش فاهم حقيقي ...

أنا كنت معزول عن العالم لظروف خاصة الأربعة أيام اللي فاتوا

هل المطلوب الآن .. هو حرق وتدمير وزارة الداخلية ... ومديريات الأمن .. ومباني الدولة ... ؟؟؟

إذا كان نعم ... فلماذا ؟؟؟ أنا فعلاً مش فاهم ...

وإذا كان لا ... فلماذا الناس تشتبك مع الشركة في محاولة إقتحام تلك المباني ؟؟؟؟ أنا برضه مش فاهم ....

الشرطة مجرمة ... والجيش مذنب ..

والناس اللي هناك دي بتعمل إيه ... ؟؟؟ أنا برضه مش فاهم ...

والله العظيم أنا مش فاهم اللي بيحصل ده بيحصل ليه ...

ومش قادر أستوعب أسباب الكلام ده ...

ومش قادر أتوقع الدنيا رايحة على فين ...

[mfarag]

معلش .. أنا مش فاهم حقيقي ...

أنا كنت معزول عن العالم لظروف خاصة الأربعة أيام اللي فاتوا

هل المطلوب الآن .. هو حرق وتدمير وزارة الداخلية ... ومديريات الأمن .. ومباني الدولة ... ؟؟؟

إذا كان نعم ... فلماذا ؟؟؟ أنا فعلاً مش فاهم ...

وإذا كان لا ... فلماذا الناس تشتبك مع الشركة في محاولة إقتحام تلك المباني ؟؟؟؟ أنا برضه مش فاهم ....

الشرطة مجرمة ... والجيش مذنب ..

والناس اللي هناك دي بتعمل إيه ... ؟؟؟ أنا برضه مش فاهم ...

والله العظيم أنا مش فاهم اللي بيحصل ده بيحصل ليه ...

ومش قادر أستوعب أسباب الكلام ده ...

ومش قادر أتوقع الدنيا رايحة على فين ...

واضح ان حضرتك كنت معزول فعلا

احنا فى ثورة

من حق اى حد يحرق اى قسم

من حق اى حد يحرق اى عربية شرطة او جيش

من حق اى حد يعتصم و يقفل اى ميناء

من حق اى حد يقفل اى شارع

من حق اى حد بعتصم و يقفل اى ميدان حتى لو كان اكبر ميادين مصر

و غير كدة تبقى فلول و حزب كنبة و ابن ستين فى سبعين

خلاص بقى الاعلى صوتا و الاكثر تشنجا هو الوطنى المخلص

باقى المتعصبين الكرويين زى الالتراس هما الطليعة

اما مصر رايحية على فين

فوضى و حرب اهلية تستمر عدة سنوات

ثم حكم عسكر

( النموذج الفرنسى )

[eslam elmasre]

والله العظيم ان كرهت نفسي وكرهت البلد وكرهت الدنيا من اللي احنا فيه

ايه اللي وداهم لمبني الحي وينهبوه وبعد كده يقولك اصل دول مش ثوار دول بلطجية وعايزين الحرق

وايه اللي وداهم لمبنى مديرية الامن في اسكندرية مع العلم ان المظاهرات في ميدان القائد ابراهيم في ناحية ومبنى مديرية الامن في ناحية تانية خالص ويقولك شوف الشرطة بتموت في المتظاهرين

من كام يوم فضلت مش عارف اروح بيتي لان كان فيه مشاجرة بين تجار الحشيش استمرت اكثر من ثلاث ساعات سقط من خلالها جرحى وقتلى واتلفت ممتلكات الناس واحرقت والمجلس العسكري مش عارف يلمها والحكومة خيال مأتة والشرطة ودن من طين وودن من عجين ولما بتتدخل بتتدخل بغشم وبموت في الناس

واللي ما يعرفش يقول عدس

رايحة في ستين داهية وعليكي العوض يا مصر

وقال انتخابات وتربيطات

اتلهوا على عنيكم بلا خيبة دي خيبة الامل راكبة جمل

[م تيمور المراغي]

الامن انسحب من عند الجامعه الامريكيه بطريقه غريبه

شكل الجيش حينزل مكانهم زي ليلة 28 الله اعلم او ذخيرتهم خلصت

الشباب بيعملوا ورديات كل 8 ساعات وبيسلموا مراكزهم لبعض

انا مش عارف فين الاتنين مليون اللي كانوا موجودين اول امبارح لو كانوا معانا ماكانش كل ده حصل

المفروض الامن ينسحب تماما من الميدان عشان الدنيا تهدأ لو كان فعلا دي نواياهم

كويس ان الجيش مانزلش وياريت ماينزلش عشان الكل مستحلف وحيضرب فيه بلاش يحصل كده

اللي ينزل يجيب ميه معاه فيه نقص شديد في الميه الاكل مقدور عليه انما العطش رهيب خصوصا ان الغازات المسيله بتحرق العين والوش زي مايكون قنديل البحر لسع وشك

[mfarag]

والله العظيم ان كرهت نفسي وكرهت البلد وكرهت الدنيا من اللي احنا فيه

ايه اللي وداهم لمبني الحي وينهبوه وبعد كده يقولك اصل دول مش ثوار دول بلطجية وعايزين الحرق

وايه اللي وداهم لمبنى مديرية الامن في اسكندرية مع العلم ان المظاهرات في ميدان القائد ابراهيم في ناحية ومبنى مديرية الامن في ناحية تانية خالص ويقولك شوف الشرطة بتموت في المتظاهرين

رايحين عشان يحتكوا بالشرطة و التلفزيون يصور

و تسمع العبارة المشهورة

الشرطة رجعت لسابق عهدها

المفروض ان مصر تفضل مشتعلة

ثورة الى الامام الى الامام

[ام سلمي]

مصور المصري اليوم الامن ضربه في عينه برصاص

ولسة الداخلية بتكدب وتقول ما ضربناش رصاص، حسبنا الله ونعم الوكيل فيهم

http://www.youtube.com/watch?v=_yeBZGXcLWM&feature=youtu.be

[ام سلمي]

اخر كلمات نشرها الشهيد بهاء سنوسى على صفحته الشخصية

يــــــا صيــــــــــــــــاد الثـــــــــــــــوار .....

by بهاء الدين سنوسي on Friday, November 11, 2011 at 3:16pm

.

بشوف المجلس فارد بالهوى باعو .. وأتباعو

نشرهم في الفضا جاعوا

ثوار تانين صغار مساكين ... جواع لكن لا هم نايمين ولا صاحيين ولا صاحيين

عشان نابو ومخلابو ... تلاقي الكل أحبابو

ودنيا تخاف من القوة ... وجو الدنيا مش هوة

بشوف ناشط غريب في الدوح ... بيرقص رقصة المدبوح

بهفة ريح ساطع عشو ... وفين حيروح

يا صياد الثوارحافظ على الخرطوش

دة ميت ثائر كمان قدي ما يستاهلوش

حداك الفِل لو تضرب على وكرو ... تلاقي اللحم متكوم ولابيكلوش

طاوعني ارميها من ايدك .. طاوع وارجع

هزه الكرسي لا حتفيدك .. ولا تنفع

شفلك طير تاني ... شفلك طير تاني

وأعيش أنا مرتاح الباااال

منقول من صفحة كلنا مع بعض كلنا بهاء السنوسي