كل ما يخص جُمعة 18-11

[Howayda Ismail]

لاحول ولاقوة الا بالله

حسبنا الله ونعم الوكيل

[Howayda Ismail]

http://www.youtube.com/watch?v=P9Nrr0vktcY&feature=uploademail

[EsoWay]

حازم صلاح أبو إسماعيل

حازم أبو إسماعيل | من ميدان التحرير الآن | قلنا مفيش اعتصام ، ولكن حدث اعتداء وحشي فلا يمكن أن نترك الناس هنا ونجلس نشاهدهم عبر وسائل الإعلام وهم يقتلون ويُعتدى عليهم .. هذا ينافي شرفنا جميعًا

[EsoWay]

http://www.youtube.com/watch?v=sNo-ebtfoYQ&feature=related

[EsoWay]

http://www.youtube.com/watch?v=TuYUGUznq9M&feature=player_embedded

[spain]

تكديس الجثث فوق بعضها وحراستها لحين التكملة وزيادة العدد

مصر فى طريقها الى سوريا اخرى

السؤال اللي محيرني طول عمري

هما الامن والضباط دول بينفذوا الاوامر بغل كده ليه

طب ما لهمش اخوات ..ام ام اب يأثر عليهم في تكوينهم؟

بيفكروا زينا؟

لما ينشن علي عين ...ليه

وبعدين هما منين اساسا ....بيروحوا بيوتهم عادي وليهم اولاد ولما يعرفوا ان الشعب بيدينهم والعالم كله كمان ....برضه بيمشوا ورا قادتهم

طب ليه مش بينشقوا علي الباقيين منهم.....

طبيعتهم ازاي؟...

[م تيمور المراغي]

ولاد الكلب بعد ما قالوا هدنه لحسوا كلامهم وبدؤوا يضربوا فينا تاني

[EsoWay]

إيه القوة العجيبة دي !!

دول هما نفسهم بتوع 25 !!

http://mubasher-misr.aljazeera.net

تم تعديل 21 نوفمبر 2011 بواسطة EsoWay

[EsoWay]

فين جنود مصر الاحرار

فين ضباط الجيش ؟

نحن بحاجة إلى إنقلاب عسكري

الجثث بالهبل

والأمن لا يهتز !! وشغالين قتل وضرب بدون رحمة

لابد من تصفية مجلس الخونة جسديًا

[EsoWay]

تنبيه بالاسكندرية : ميكروباصات واتوبيسات بالاسكندرية مليئة بعناصر امنية تدعى الذهاب الى سموحة والمديرية لخطف النشطاء والمتظاهرين ..

\

[EsoWay]

وبعض من في الميدان نشروا للى يتعرض للغاز " الغاز الجديد اسمة سي ار متستعملوش خل،خدوا انتي هيستامين وفيتامين بي كومبلكس و حبوب بوتاسيوم بسرعة "

\

[اثار]

http://www.youtube.com/watch?v=Ik-EFUqHoSQ

[عماد حمدي]

يا عماد فين الاخوان المسلمين ؟؟

حمدالله علي السلامة يا تيمور ..

ياريت تقرا الرد دا يا حبيبي أنته بالذات ، لأنك في الميدان و ممكن تعمل حاجة

رآي الشخصي أي حد في الميدان دلوقتي يروح بيته حالاً ..

و نستني لحد ما إنتخابات مجلس الشعب تخلص ..

بعد لو عايزين نولع في المجلس و المشير نولع بس إسمه أن عندنا سلطه تشريعية و مجلس شعب

و علي الأقل نكون حققنا حاجة

بالوضع دا الكل هيخسر بلا إستثناء

البلد بتبوظ إقتصادياً بسبب التوتر دا ..

بلاش نديهم فرصة و يطلعونا بحجج فاشلة ان الأوضاع الأمنية غير مستقرة ..

و بناءً عليه سيتم تأجيل الإنتخابات

و نفضل جوه دايرة العند دي لحد ما واحد فينا يزهق ..

بس العامل المشرتك ساعتها هيكون أن البلد ماشية في سكة ضياع ..

و إقتصاد هيخرب أكتر مهو خربان و البلد هتفلس ..

يا جماعة أرجوكم اللي ليه حد في الميدان أو يعرف انه في الميدان

كله ينسحب و يرجع بيته

و يركز في الأسبوع الجاي الإنتخابات .. أهم بكتير هيا دي السلطة التشريعية

هيا دي الأساس و الله

اللهم بلغت اللهم فأشهد

و آدي رآي الإخوان المسلمون

علشان بعد كدة منقولش أنهم هما السبب و هما اللي ولعوا في البلد

و عايزين يخربوا البلد و أنهم عايزين مصالحهم الشخصية

و الكلام الفاضي اللي من غير دليل دا

موقف الإخوان : الإخوان لن يشاركوا فى اعتصام التحرير

قال الدكتور محمود غزلان، عضو مكتب الإرشاد والمتحدث الإعلامى باسم جماعة الإخوان المسلمين، فى اتصال هاتفى مع "اليوم السابع"، إن الجماعة لن تشارك فى الاعتصام الحالى بميدان التحرير، الذى دخل فيه عدد من النشطاء السياسين، على خلفية المصادمات بين المتظاهرين وقوات الأمن.

وأضاف غزلان، "نحن مع التهدئة والذهاب إلى الانتخابات ولسنا مع الاعتصام أو التظاهر الذى قد يؤدى لأحداث عنف فى الوقت الحالى"، مشيراً إلى أن الجماعة تطالب بمحاكمة المعتدين على المتظاهرين والمتورطين فى حالات القتل والإصابة التى تعرض لها المتظاهرون بهدف تهدئة الخواطر من أجل تهيئة الأجواء للانتخابات البرلمانية.

كان عدد من قيادات الإخوان قد أعلنوا أمس أنهم شاركوا فى اعتصام التحرير بصفتهم الشخصية، مثل الدكتور محمد البلتاجى أمين حزب الحرية والعدالة بالقاهرة الذى أنهى مؤتمره الانتخابى فى القليوبية للحاق بالمتظاهرين فى ميدان التحرير.

اللهم بلغت اللهم فإشهد

مصلحة الجميع بلا إستثناء دلوقتي هيا الإنسحاب تماماً من التحرير و فض أي إعتصامات

و التركيز في الفترة الجاية دي أسبوع واحد يا شباب أسبوع وااااااااحد

بعد الإنتخابات لو المجلس العسكري مسلمش السلطه

.............

هنسخ المشاركة دي و أكررها كل فترة للتذكرة ..

عماد - الحرية و العدالة

بيان عاجل من | الإخـــــــــــوان المسلمـــــــــــون

شارك الإخوان المسلمون عديدًا من القوى والتيارات المختلفة في مليونية الجمعة "جمعة حماية الديمقراطية"، وتمت- بفضل الله تعالى- سلميةً حضاريةً راقيةً لم تقع فيها حادثة واحدة، وأثبتت الاعتراض على وثيقة الدكتور السلمي، ودعت إلى سرعة تسليم السلطة في منتصف 2012م، وفي المساء انصرف الناس في هدوء وسلام، إلا بضع عشرات اعتصموا في حديقة وسط ميدان التحرير، وفي الظهر هاجمتهم قوات الأمن المركزي وفضت اعتصامهم بالعنف والقوة المفرطة، ولم يقف الأمر عند هذا الحد، بل تم فض اعتصام آخر قائم منذ نحو أسبوع لضحايا ثورة 25 يناير؛ حيث اعتصموا من أجل تلبية مطالبهم في علاج ودواء أو وظائف مناسبة أو تعويضات عادلة، وهؤلاء يستحقون منا كل تقديرٍ وتبجيلٍ وإكرام ورد للجميل، إلا أن الداخلية كافأتهم بالضرب والعنف والطرد، الأمور التي أثارت حفيظة الشباب الذي يرفض ونرفض معه أن يتم التعامل مع المصريين بهذا الأسلوب الوحشي، فتنادى الشباب على وسائل التواصل الاجتماعي للنزول إلى الميدان وصار المعتصمون الذين كان بضع عشرات صاروا بالآلاف، واشتعل الصدام بينهم وبين الشرطة بسبب السياسة الخاطئة.

وموقف الإخوان المسلمين من الاعتصامات أنها حق دستوري للمعتصمين طالما كانت سلمية لا تُعطِّل المرور ولا مؤسسات الدولة ولا الإنتاج، ولا تعتدي على الممتلكات الخاصة والعامة، ومن ثَمَّ يكون الاعتداء عليهم جريمةً، لا سيما إذا وصلت إلى حدِّ القتل وفقء العيون والإصابات الجسدية، كما حدث بالأمس والتي وصلت إلى المئات.

ولقد حاولت مجموعةٌ من رموز الإخوان التوسط بالأمس من أجل التهدئة ونزع فتيل الفتنة إلا أن الاعتداءات التي ارتكبتها الشرطة كانت أكبر من المحاولة، ومن ثَمَّ لا تزال الأزمة مشتعلة حتى الآن؛ ولذلك فنحن نتوجه بخطاباتنا التالية إلى:

الشعب المصري العظيم: أن يتيقظ لمحاولات إجهاض الثورة وإعادة إنتاج النظام البائد مرةً أخرى في صورة جديدة؛ ولذلك ندعوه إلى التمسك بإجراء الانتخابات البرلمانية في مواعيدها، وليعلم الجميع أن شعبنا الواعي ونحن معه لن نسمح بإلغاء أو تأجيل الانتخابات مهما كان الثمن؛ لأن ذلك يُعدُّ انقلابًا على الثورة والحرية والديمقراطية وإعادة للاستبداد والفساد والاستعباد الذي ضحَّى الشعب بدماء أبنائه وأرواحهم من أجل التخلص منه.

المجلس الأعلى للقوات المسلحة: لقد استأمنك الشعب على السلطة وإدارة البلاد فترةً مؤقتةً لمدة ستة أشهر طالت إلى نهاية العام، وليس لدينا استعداد لمدها أكثر من منتصف 2012م (إِنَّ اللَّهَ يَأْمُرُكُمْ أَنْ تُؤَدُّوا الْأَمَانَاتِ إِلَى أَهْلِهَا) (النساء)، كما نطالبكم بالوفاء بوعودكم الكثيرة في الموضوعات المختلفة التي ألزمتم بها أنفسكم (يَا أَيُّهَا الَّذِينَ آمَنُوا أَوْفُوا بِالْعُقُودِ) (المائدة).

ونطالبكم بالخروج عن صمتكم، والحديث إلى الناس بما تنوونه بشأن تسليم السلطة فذلك كفيل بطمأنة الناس، كما ندعوكم لكفِّ أيدي الشرطة عن العدوان على الشعب، تلك الشرطة التي اعتزلت دورها ومهمتها مدة طويلة، ثم خرجت على المعتصمين بجحافل الأمن المركزي تبطش وتقتل وتصيب، ومحاكمة كل من أمر بهذا العدوان.

الشباب المصري النبيل: لقد أثبتَّ وعيك وشجاعتك واستعدادك للتضحية من أجل وطنك، لكن ينبغي أن تحول بين القلة وبين الاعتداء على مؤسسات الدولة، فهي مؤسساتنا جميعًا وليست مؤسسات الحكام، كما ينبغي أن تُغلب الحكمة في التعامل مع الأحداث، ولا تترك للفلول والفاسدين أن ينجحوا في استفزازك من أجل تعطيل المسيرة والديمقراطية.

السياسيين والمثقفين: طالما ناديتم بالحرية والديمقراطية التي هي حكم الشعب، وقد آن الأوان لكي يقول الشعب كلمته ويعلن اختياره وإرادته فهل ستحترمون هذه الإرادة أم تنقلبون عليها؟!!، فمصداقيتكم الآن على المحك ونرجو أن تنجحوا في الاختبار.

الإعلاميين: إن الله تعالى قد منحكم سلطةً خطيرةً لينظر كيف تعملون، فعليكم الالتزام بالصدق والأمانة والشفافية والحيدة والتجرد.. (مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ) (ق)، "وهل يُكبُّ الناس في النار على وجوههم إلا حصائد ألسنتهم".

وقى الله مصر من كل سوء، وأوصل سفينتها إلى برِّ الأمان.

الإخوان المسلمون

القاهرة في : الساعة الخامسة مساء بتاريخ 24 من ذي الحجة 1432هـ الموافق 20 من نوفمبر 2011م

و دا كان ردي علي الأستاذ / أحمد عزب

أستاذ أحمد تعالي نفكر بالعقل و راجع مشاركتي اللي فاتت ..

لازم الناس دي تنسحب من الميدان فوراً ..

و لازم كل القوى السياسية تطلع دلوقتي تقولهم يرجعوا بيوتهم حالاً ..

الإنتخابات خلاص قدامها أسبوع ، مش عايزين المجلس يطلع لنا بحجج فارغة علشان يأجل

إزاي الإنتخابات هتم في الوضع دا ؟؟!!!

دي هتبقي مجزره بمعني الكلمة يوم 28 نوفمبر صدقني مجزرة مجزرة

كل يرجع بيته كله ينسحب من الميدان

كل دقيقة بتعدي مصر هيا اللي بتخسر

و كلنا هنخسر ليبرالي اسلامي علماني حتى الكل هيخسر

نصبر لحد ما يكون فيه نواب لينا في مجلس الشعب يتكلموا بإسمنا

و يجيبوا لنا حقنا و يدافعوا عننا .. هواا دا الصح صدقني

مصر بتضيييييع مش لازم نشجع الناس دي ز الشباب انهم ينزلوا

هنستفاد إية ؟؟

دماء بتروح و بنعيد اللي فات

نستني نكسب حاجة واحدة بس من الثورة و نعلم إنتخابات

بعد ما الإنتخابات تخلص و المجلس رفض تسليم السلطة

ساعتها يبقي لينا كل الحق اننا ننزل و نفقد شرعيته زي ما حصل مع المخلوع

مش هيكون مجرد تظاهر أو إحتجاج عن أفعالة الإجرامية ضد المتظاهرين

هيبقي إعتصام مفتوح و نولع فيه

بس دلوقتي لا

المستفيد من اللي بيحصل هوه المجلس العسكري بس و قاعد و بيتفرج علينا

و شايفنا إحنا اللي عملنا الثورة و إحنا بردة اللي هنضيع الثورة

مش عايزين حد يشمت فينا

الصبر الصبر كلها أسبوووع وبالكتير لحد شهر يناير تكون كل الإنتخابات خلصت

هنعمل اية دلوقتي لو الحكومة إستقالت ؟؟؟

لسة هنعين حكومة جديدة و نختار دا و نعترض علي دا و نقول أصل دا فلول و اصل دا كان مش عارف اية

و الوقت يعدي يعدي و المجلس دخلنا في دوامة و خلانا إحنا مننا فينا نخلق مشاكل و ننشغل بيها

طيب ليه لية ..

بدعوكم و الله من قلبي و خوفي عليكم إنسحبوا و روحوا بيوتكم روحوا لأهاليكم

فكروا لحظة بالعقل

انا عارف ان صعب و غصب عنكم اللي بيحصل

انا دلوقتي بكتب المشاركة دي و الله العظيم ببكي بحرقة

مش عارف كان نفسي أكون في مصر أيام الثورة و مش عارف لو كنت في مصر دلوقتي

و حضرت اللي حصل كان كلامي دا هيكون هوا هوا و لا كنت شاركت مع الشباب اللي في التحرير

مش عارف

بس بفكر بعقلي و قلبي

قلبي بيقول أنزل و أدافع و أحتج عن ممارستهم الإجرامية دي

قلبي بيقولي إنزل خد حق أخوك

و عقلي قال كل اللي قولته في الأول

دوست علي قلبي غصب عني و الله و بدعوكم تنسحبوا من الميدان

مصر أمانه في إيدينا

تعالوا نحافظ عليها و نعديها لبر الأمان

تعالوا نريحها

مصر تعبت كتير أوي أوي علشنا

لك الله يا مصــــــــــــر

لك الله يا مصــــــــــــر

و حسبي الله و نعم الوكيل في كل اللي يفكر يضرك أو يأذيكي

و بالنسبة للشباب فنزول الميدان اقرب من قلب كل أخ في الجماعة .. بعضهم نزل و البعض الأخر لا

العقل و المنطق بيقول ننسحب حالاً من الميدان و نأجل كل دا لبعد الإنتخابات

و نخطط من دلوقتي إزاي هنحمي لجان الإنتخابات و تكوين لجان شعبية .. الخ

علشان تعدي علي خير ..

أحترم رأيك مهما كان بس آملي في الله كبير أنك تسمع كلامي كويس و أنا عارف أنك ممكن تعمل حاجة في الميدان و تخلي الناس تنسحب

تحيـــاتي

[نورالعين]

يا عماد فين الاخوان المسلمين ؟؟

انا كمان بسأل معاك فين الاخوان!!!!!

من باب حتى نصرة الضعيف

ولا المرشد ليه رأي تاني

يا خسارة كلها اقنعة

فرقتنا واستباحت دمنا

قلوبنا معكم يا ارش

كان الله نصيركم

[عماد حمدي]

يا عماد فين الاخوان المسلمين ؟؟

انا كمان بسأل معاك فين الاخوان!!!!!

من باب حتى نصرة الضعيف

ولا المرشد ليه رأي تاني

يا خسارة كلها اقنعة

فرقتنا واستباحت دمنا

قلوبنا معكم يا ارش

كان الله نصيركم

يا فندم

لية نكرث كل جهودنا لحث الناس علي النزول للميدان

ليه نكرث كل جهودنا لحث الناس علي الإعتصام

هنستفاد إية

الجاي أصعب و أخطر

و دي محاولة فاشلة من المجلس العسكري

قدر فعلاً يضحك علي الشباب و يدلخنا في معارك هوه المستفيد الوحيد منها

قدر يستغل حماسه الشعب المصري و يلعب علي هذا الوتر

طيب لية منقولش كله يروح بيته ، لية منعملش دعاوي علي الفيس و تويتر

ان كل واحد ليه حد في الميدان يخليه ينسحب

دا مش ضعف لكنه زكاء و حكمة من وجهة نظري طبعاً

مش وقته ، هاخد حقي بس مش دلوقتي

مصلحه مصر كلها بلا إستثناء متوقفة علي الفترة الجاية دي

الجاي أهم الجاي أهم صدقوني و الله

و علي أي حال

إحتمال الجماعة تنزل و حتي لو نزلت أنا رأي برده هوه هوه

حضر الدكتور محمد البلتاجى، القيادى بجماعة الإخوان المسلمين، مساء الأحد إلى ميدان التحرير، والتف حوله مئات المتظاهرين، وطالبته إحدى السيدات باكية بأن تتخذ قيادات الجماعة قراراً بالنزول إلى الميدان لمساندة المتظاهرين فى الاعتصام والتصدى لقوات الأمن، ورد عليها البلتاجى أنه حضر اليوم لنقل الصورة كاملة من الميدان إلى قيادات الجماعة.

من جانبه رفض د. البلتاجى الإدلاء بأى تصريحات صحفية لوسائل الإعلام، فى زيارته التى لم تستغرق بضع دقائق، مستقلا سيارته ومغادرا الميدان من اتجاه مسجد عمر مكرم.

المفروض كل اللي في الميدان ينسحب

أنا هبقي مؤيد لكم لو كان النزول للميدان و الإعتصام كان في إبريل 2012

لكن دلوقتي لا

شوية عقل بس ، نبعد العاطفة خالص دلوقتي

قدامك معتصمين في كفة و مصر كاملاً في كفة تانية

[ابو محمود]

اما ان نسعى للفوضى او نختار الانتخابات طريقين يحتاجان الى تفكير عميق وحساب بميزان من الذهب

العسكر طمعو فى الحكم فكيف نزيحهم من على كراسيهم بدون خسارة فادحة ويكون معانا كمان مكاسب

الموضوع مش هزار او تعصب لشيء المهم محدش يضحك علينا

[EsoWay]

مطلوب لمستشفى الميدان :فولتارين أنبول ميكوجيل لكثرة الإصابات

أي حد نازل ياخد معاه

أنشروا

\

[عماد حمدي]

فيه شباب كتير من الإخوان المسلمين في الميدان من ليلة السبت دا للتوضيح و التنويه

لكن أنا نقلت موقف الجماعة ، و قولت علي لسان أحد الشباب

أنه نزول الميدان أقرب من قلب كل أخ ، و من حق اي أخ أن ينزل الميدان

لكن موقف مكتب الإرشاد لا..

مكتب الإرشاد بيبص للأمور من كذا زاوية و كذا عقل بيفكر مع بعض و بيشوفوا إية الأفضل

و هوه دا بيكون القرار

فأنا أثق في رأي الجماعة و اراه حكيماً جداً

[عماد حمدي]

اما ان نسعى للفوضى او نختار الانتخابات طريقين يحتاجان الى تفكير عميق وحساب بميزان من الذهب

العسكر طمعو فى الحكم فكيف نزيحهم من على كراسيهم بدون خسارة فادحة ويكون معانا كمان مكاسب

الموضوع مش هزار او تعصب لشيء المهم محدش يضحك علينا

تسلم يا ابو طه

الفوضي أو الإنتخابات

و الأتنين أسهل من بعض ، شوية تفكير و حكمة بس باقي أسبوع وااااااحد

مش عارف الإنتخابات هتتم كدة إزاي في الوضع دا ؟؟!!!!!!

[نورالعين]

يا خسارة

حتى مش قادرين نفكراو نرفض

محتاجين امر عشان يقولنا انزلوا دافعوا عن عزل!!!

يا الف خسارة