كل ما يخص جُمعة 18-11

[عماد حمدي]

يا خسارة

حتى مش قادرين نفكراو نرفض

محتاجين امر عشان يقولنا انزلوا دافعوا عن عزل!!!

يا الف خسارة

اذا نزل الاخوان يبقوا ركبوا الموجه ، ولو منزلوش يبقوا خونه ، ولو مطلعوش بيان يبقوا نايمين ..

ولو طلعوا بيان يبقوا ملهوش لازمه واذا صمت الاخوان يبقوا خايفين ..

واذا تكلموا يبقى علشان مصلحتهم واذا قالوا تهدئه يتقال باعوا البلد ..

واذا قالوا اعتصام ومليونيه يبقى خربوا البلد

أنا رافض النزول دا بالنسبة ليا حتي بقا لو مكتب الإرشاد قال إنزلوا ..

هكون أول واحد ضد رأي الجماعة ، لان ليا رأي مُقتنع بيه ..

بالنسبة لشباب الإخوان نفسهم ..

بعضهم نزل و البعض الآخر لا ، و قرار مكتب الإرشاد مش مُلزم علشان تكون دي نقطة بس واضحه ليكي

اللي عايز ينزل ينزل و النزول للميدان أقرب إلي قلب كل أخ ، بس بالعقل المفروض محدش ينزل الميدان

و علي فكرة فيه قيادات كبيرة من الجماعة موجودة في الميدان منهم أ. البلتاجي

و يكون فيه دعوات لسحب كل اللي موجود دلوقتي

مش نقولهم إنزلوا و أعملوا و كدا هنولعها أكتر و أكتر .

بدل ما أقعد أولعها و احمس الشباب ينزل

هستفاد إية بس مهي كدة البلد هتتزفت تخرب أكتر ما هي خربانه

و الإنتخابات مش قدامها سنة دول كام يوم

تم تعديل 21 نوفمبر 2011 بواسطة omda2006

[EsoWay]

غير مسموح لك باضافة رابط لموقع اخر !!!!

يوتيوب موقع أخر !!

[عماد حمدي]

غير مسموح لك باضافة رابط لموقع اخر !!!!

يوتيوب موقع أخر !!

شيل الـ Http// و هيقبل .. تقنيات المنتدي كدا

بالتوفيق ،،

[EsoWay]

watch?v=4qb10SNnoig&feature=player_embedded#!

[عماد حمدي]

watch?v=4qb10SNnoig&feature=player_embedded#!

يا باشا يكون الرابط كدا

www.youtube.com/watch?v=Fr2-VlldcuE

نحذف دي http://

[نورالعين]

الانتخابات طبعا اهم

اهم من ناس بتموت

نزول اي مصري معاهم معناه انه بيرفض العنف عليهم مش معناه انه بيهيجهم

اللى بيهيجهم خلاص هيجهم ومشي

كفاية طيب تنقولوا اخبارهم لانها كده تعتبر شماتة

[عماد حمدي]

| الدكتور محمد البلتاجي |(الإثنين 2 صباحاً) |

الجريمة التي تكررت من الأجهزة الأمنية والعسكرية في حق معتصمين عزل على النحو الذي كان يصنعه عمر سليمان وحبيب العادلي يجب ألا تمر. المعتصمون الشرفاء أرادوا أن يقولوا للمجلس العسكري لن نتراجع عن حقنا في الإعتصام السلمي ولن نتنازل عن مطالبنا المشروعة.ذهبت إلى ميدان التحرير مساء الأحد فلاقيت شبابا رائعا في صموده. قابلني بعضهم بغضب بسبب عدم مشاركة الإخوان لهم في الإعتصام. لهم الحق في غضبهم وعلينا أن نراجع موقفنا.

البلتاجي | (الأحد 12:16ص) |

طاليت د.عصام شرف بدلا من دعوته لإجلاء الميدان أن يعلن : تضامنه مع حق الإعتصام السلمي وتجريمه لما قامت به الأجهزة الأمنية اليوم والإفراج عن المعتقلين الذين تم القبض عليهم في أحداث اليوم بلا جريمة والمحاسبة السياسية قبل القانونية للقيادات الأمنية التي ارتكبت هذه الجريمة

-البلتاجي | ( الأحد 12:10ص) |

نزلت إلى الميدان لمشاركة الشرفاء حقهم في إقرار مبدأ الإعتصام السلمي واحتجاجهم ضد هذه الجريمة النكراء التي وقعت اليوم ضد معتصمين سلميين. الأجواء في الميدان مشحونة والأعصاب متوترة وهذا طبيعي بعد ما جرى غير أني أناشد الجميع عدم الإنجرار للخروج من الميدان إلى وزارة الداخلية أو غيرها وعدم إعطاء أي فرصة لتشويه مواقفنا ومطالبنا العادلة والتزام سلمية الثورة.

-البلتاجي | ( السبت 7:30م) |

منذ ساعات| سأنزل إلى الميدان لمشاركة الشرفاء الموجودين حق الإعتصام السلمي وللتأكيد على تجريم فض الإعتصام بالقوة. غير أني أناشد الجميع التزام الهدوء وعدم التصعيد وعدم إعطاء أي مبررات لتشويه حقنا المشروع في إعلان مواقفنا واستكمال مسيرة ثورتنا السلمية العظيمة

[nihal]

مع الاحترام لكل الأحزاب و الجماعات ،

و لكن في حال فض الاعتصام .. سيظن المجلس العسكري بأنه المتحكم الوحيد بالفعل في البلاد .. و أنه بعد هذا الضرب و الدم الذي أثاره قد أخمد الجميع و كأن شيئاً لم يكن .. فإنه لن يلجأ سوى لهذا الأسلوب لفض أي اختلاف مثلاً ؟!!

لست ضد الانسحاب للتهيئة للانتخابات .. و إن كنت ضد الاعتصام و لكن في نفس الوقت التعامل بهذا العنف غير مقبول .

خوفي من فض الاعتصام قائم على اعتياد المجلس على هذا الأسلوب في التعامل .. وخوفي القريب البعيد هو نحن إلى أين ..؟؟

[عماد حمدي]

الانتخابات طبعا اهم

اهم من ناس بتموت

نزول اي مصري معاهم معناه انه بيرفض العنف عليهم مش معناه انه بيهيجهم

اللى بيهيجهم خلاص هيجهم ومشي

كفاية طيب تنقولوا اخبارهم لانها كده تعتبر شماتة

و إيه اللي خلى الناس دي أصلاً تعتصم !!!

مين اللي قالهم إعتصموا و أقعدوا

لعبة و الله العظيم

المجلس مكنش مصدق انه مش هيكون فيه إعتصام

فحبب يجرجر رجل الكل من خلال إعتدائة علي الـ 200 واحد من المصابين و أهالي الشهداء

و قدر و نجح فعلاً بكل أسف أن يسحب الشاب من خلال حماسة للدفاع عن إخوانه

و جرجر رجليهم للميدان واحد و را التاني

و إديلة بقا كل اللي هينزل هيحصل فيه كدا

الإخوان لو نزلوا دلوقتي هتبقي مجزرة لان لو نزلو مش هيهزروا

دفاع و هجوم ..

النزلّه هتكون بمعركة قتالية رقم 1

و حفاظاً علي الدماء كلوا لازم ينسحب

عندي إحساس من خلال تصريحات الإخوان انهم هينزلوا إحساس

بس أنا بردة ضد النزول

ياعني إيه أنصر أخويا ؟؟؟؟؟؟

هوه علشان أنصره أنزل أدافع عنه أفضل ،

و لا أقولة يا أخويا إرجع بيتك و أكلمه بالعقل ؟؟؟

حد يجاوب لو سمحت أي طريقة أفضل إني أنصر بيها أخويا في الميدان ..

تم تعديل 21 نوفمبر 2011 بواسطة omda2006

[nihal]

ياعني إيه أنصر أخويا ؟؟؟؟؟؟

هوه علشان أنصره أنزل أدافع عنه أفضل ،

و لا أقولة يا أخويا إرجع بيتك و أكلمه بالعقل ؟؟؟

أنا شخصياً مع فض الاعتصام حقناً للدماء + البلد تقدر تقوم و الانتخابات تتم .

لكن الخوف الأكبر مازال قائم من الأسلوب و الهمجية و الضرب باليد من حديد و يكون هذا الأسلوب المتبع في كافة الخلافات !!

تم تعديل 21 نوفمبر 2011 بواسطة nihal

[عماد حمدي]

ياعني إيه أنصر أخويا ؟؟؟؟؟؟

هوه علشان أنصره أنزل أدافع عنه أفضل ،

و لا أقولة يا أخويا إرجع بيتك و أكلمه بالعقل ؟؟؟

أنا شخصياُ مع فض

برافو

يالا يا شباب

أنصر أخويا إزاي ؟؟ عايز إجابة محددة

لو أخوك و أخويا فعلاً في الميدان

أنزل اقف جانبة و أهاجم العسكر بالطوب و أتقابل بهجوم منهم هما كمان

و أعرض حياتي و حياته للخطر

و لا أقولة يا أخي إرجع بيتك و أفهمه بالعقل

أخده من إيده و أقوله

هننزل سوا تاني بس مش دلوقت

كل وقت و ليه أدان

و دا مش وقته

ها أيهما أفضل يا أخوه يا مصرييييييييين ..؟؟

[عماد حمدي]

أستاذه نور ..

أرجوكي جاوبي ، بجد محتاج إجابتك ..

تم تعديل 21 نوفمبر 2011 بواسطة omda2006

[nihal]

ياعني إيه أنصر أخويا ؟؟؟؟؟؟

هوه علشان أنصره أنزل أدافع عنه أفضل ،

و لا أقولة يا أخويا إرجع بيتك و أكلمه بالعقل ؟؟؟

أنا شخصياُ مع فض

برافو

يالا يا شباب

أنصر أخويا إزاي ؟؟ عايز إجابة محددة

لو أخوك و أخويا فعلاً في الميدان

أنزل اقف جانبة و أهاجم العسكر بالطوب و أتقابل بهجوم منهم هما كمان

و أعرض حياتي و حياته للخطر

و لا أقولة يا أخي إرجع بيتك و أفهمه بالعقل

أخده من إيده و أقوله

هننزل سوا تاني بس مش دلوقت

كل وقت و ليه أدان

و دا مش وقته

ها أيهما أفضل يا أخوه يا مصرييييييييين ..؟؟

عفواً يا عمدة لكن الرد تمت إضافته قبل ما أتممه

ولكل و جهة نظر .. و الحال الآن محير لا يخلوا ألبته من التعقيد و الرعب الملتف حلو الخيارين !!

حقيقة أحبذ فض الاعتصام و لكني أخاف النتائج .

تم تعديل 21 نوفمبر 2011 بواسطة nihal

[الدكتور ياسر]

الثورة لم تفشل .

الحقيقة أن الثورة لم تكتمل .

صبرنا كثيرا على المجلس العسكري ووضعنا فيه ثقتنا كلها بالرغم من تقاعسه الواضح او قل المتعمد في حماية المتظاهرين وم ذالك صدقنا ادعائه الكاذب

بحماية الثورة.

الشرطة لن تفجر هذا الفجور إلا بمباركة المجلس و بلطجية اليوم هم بلطجية الأمس بلا ريب . وياترى كل واحد منهم قبض كام المرة دى ؟!

ما أشبه اليوم بالبارحة و لكن الفرق أننا اليوم لسنا كأيام يناير . كنا في أيام يناير على قلب رجل واحد فلم تجدى معنا بلطجة و لا مؤامرة.

ولكننا اليوم مشتتون . فمن خارج الميدان يعيب على من فيه ومن بداخله منقسون إلى فئات تعادي بعضها البعض .

لعب المجلس على وتر الأزمات الإقتصادية الطاحنة التى تمر بها البلاد وحرص على تذكيرنا بأن الوقت وقت عمل وليس وقت اعتصامات ليبث الفرقة بيننا

و نجح في ذلك . فلا ترى مليونية الا و معارضوها أكثر من مؤيديها .

في جمعة السفارة صب الجميع اللعنات على 6 أبريل ثم في جمعة توحيد الصف صب الجميع غضبهم على القوى الاسلامية واسموها بجمعة قندهار.

ثم في يوم ماسبيرو صبوا الغضب على الاقباط .

وهكذا اصبح الجميع خونة و اعداء الا المجلس حامى حمى الوطن والضمان الوحيد للأمان .

بعد تلك الحداث اعذرونى . لا اظن أن الانتخابات ستنطلق في موعدها . ولو انطلقت في موعدها فاشك كثيرا في نزاتها بعد كل هذا الكم من البلطجة .

ولو سارت نزيهة فوثيقة على السلمى ستجعلها بلا طائل .

أسأل الله السلامة.

تم تعديل 21 نوفمبر 2011 بواسطة الدكتور ياسر

[wsadani]

الانتخابات طبعا اهم

اهم من ناس بتموت

نزول اي مصري معاهم معناه انه بيرفض العنف عليهم مش معناه انه بيهيجهم

اللى بيهيجهم خلاص هيجهم ومشي

كفاية طيب تنقولوا اخبارهم لانها كده تعتبر شماتة

و إيه اللي خلى الناس دي أصلاً تعتصم !!!

مين اللي قالهم إعتصموا و أقعدوا

لعبة و الله العظيم

المجلس مكنش مصدق انه مش هيكون فيه إعتصام

فحبب يجرجر رجل الكل من خلال إعتدائة علي الـ 200 واحد من المصابين و أهالي الشهداء

و قدر و نجح فعلاً بكل أسف أن يسحب الشاب من خلال حماسة للدفاع عن إخوانه

و جرجر رجليهم للميدان واحد و را التاني

و إديلة بقا كل اللي هينزل هيحصل فيه كدا

الإخوان لو نزلوا دلوقتي هتبقي مجزرة لان لو نزلو مش هيهزروا

دفاع و هجوم ..

النزلّه هتكون بمعركة قتالية رقم 1

و حفاظاً علي الدماء كلوا لازم ينسحب

عندي إحساس من خلال تصريحات الإخوان انهم هينزلوا إحساس

بس أنا بردة ضد النزول

ياعني إيه أنصر أخويا ؟؟؟؟؟؟

هوه علشان أنصره أنزل أدافع عنه أفضل ،

و لا أقولة يا أخويا إرجع بيتك و أكلمه بالعقل ؟؟؟

حد يجاوب لو سمحت أي طريقة أفضل إني أنصر بيها أخويا في الميدان ..

النصرة بشىء واحد لو تعرف تنزل انزل تعامل الأمن والجيش بالطريقة دى لو خلوا الناس تمشى الدنيا هتتغير

رغم الاختلاف مع الناس من الاول بانهم ميعتصموش ويمشوا بس الأفضل دلوقتى ان الناس تزيد مش تقل

[نورالعين]

لو العدد كثر في الميدان

مش حيكون فيه مجزرة ولا حاجة

وخاصة لو اللى نازلين نازلين بس يمنعوا التلاحم ويهدوا الاجواء

الكثرة هي سلاح العذل

والاعتصام سلمي لو تفتكر

منين بأة حتيجي مجزرة

اللى بيحصل بيحصل لان القوي السياسية ربنا لا يوريها الخير

بعدت عنهم وسابتهم لمصيرهم

مصير قلة مندسة تخرب مصر

على فكرة يا عمدة انا كنت رافضة تماما لهذا الاعتصام

بس مش معنى كده اتخلى عن اللى هناك

لانهم نزلوا وهما بيدوروا على مصلحتى ومصلحتك

[se_ Elsyed]

وبعض من في الميدان نشروا للى يتعرض للغاز " الغاز الجديد اسمة سي ار متستعملوش خل،خدوا انتي هيستامين وفيتامين بي كومبلكس و حبوب بوتاسيوم بسرعة "

\

أه يعني لازم المتظاهر بالعربي كده يكون خريج صيدلة القاهرة

حسبي الله ونعم الوكيل

[nihal]

^^

هذا معناه يا سي السيد أنهم يخترعوا كل يوم جديد ،

بـ 25 يناير وجد الشباب الحل للتغلب على الغاز .. فقاموا اليوم بالتغيير حتى تكون سامة .. لا أعلم ماذا أصاب عقول كل من يجلس ع الكرسي يوماً ؟!!

تم تعديل 21 نوفمبر 2011 بواسطة nihal

[عماد حمدي]

دعوى عامة لأعضاء المنتدي

للمشاركة و إبداء الرأي في هذا الموضوع

إستفتاء مع أو ضد فض الإعتصام

http://www.egyptiantalks.org/invb/index.php?showtopic=129274

[ام سلمي]

لو العدد كثر في الميدان

مش حيكون فيه مجزرة ولا حاجة

وخاصة لو اللى نازلين نازلين بس يمنعوا التلاحم ويهدوا الاجواء

الكثرة هي سلاح العذل

والاعتصام سلمي لو تفتكر

منين بأة حتيجي مجزرة

اللى بيحصل بيحصل لان القوي السياسية ربنا لا يوريها الخير

بعدت عنهم وسابتهم لمصيرهم

مصير قلة مندسة تخرب مصر

اللي بتقوليه يا نور العين ده هو الحل اللي انا شايفاه برضه ، المفروض كل القيادات تنزل تنظم الاعتصام وتمنع اي تجاوزات او التحامات ، والعسكر او الامن لو لقوا عددالمتظاهرين كبير ما حدش حيتعرضلهم ، بعد كدة الامور اكيد حتهدي ويحاولوا يقنعوهم يروحوا لبعد الانتخابات

المشكلة ان العسكر والداخلية وعدوا بالهدنة وخالفوا كلامهم ، اصلا دول لا عهد لهم ، ولو الاحزاب سكتت علشان الوثيقة اتعدلت ، ممكن جدا بعد ما يصفوا اللي في الميدان يرجعوا في كلامهم ويرجعوا الوثيقة زي الاول و اسوأ وطالما بقي وشهم مكسوف كدة وما بيتكسفوش يقتلوا المتظاهرين العزل يقدروا يعملوا اللي هما عايزينه بعد كدة واشك ان في كل الاحوال حتحصل انتخابات نزيهة .