كل ما يخص جُمعة 18-11

[nihal]

لو العدد كثر في الميدان

مش حيكون فيه مجزرة ولا حاجة

وخاصة لو اللى نازلين نازلين بس يمنعوا التلاحم ويهدوا الاجواء

الكثرة هي سلاح العذل

والاعتصام سلمي لو تفتكر

منين بأة حتيجي مجزرة

اللى بيحصل بيحصل لان القوي السياسية ربنا لا يوريها الخير

بعدت عنهم وسابتهم لمصيرهم

مصير قلة مندسة تخرب مصر

اللي بتقوليه يا نور العين ده هو الحل اللي انا شايفاه برضه ، المفروض كل القيادات تنزل تنظم الاعتصام وتمنع اي تجاوزات او التحامات ، والعسكر او الامن لو لقوا عددالمتظاهرين كبير ما حدش حيتعرضلهم ، بعد كدة الامور اكيد حتهدي ويحاولوا يقنعوهم يروحوا لبعد الانتخابات

المشكلة ان العسكر والداخلية وعدوا بالهدنة وخالفوا كلامهم ، اصلا دول لا عهد لهم ، ولو الاحزاب سكتت علشان الوثيقة اتعدلت ، ممكن جدا بعد ما يصفوا اللي في الميدان يرجعوا في كلامهم ويرجعوا الوثيقة زي الاول و اسوأ وطالما بقي وشهم مكسوف كدة وما بيتكسفوش يقتلوا المتظاهرين العزل يقدروا يعملوا اللي هما عايزينه بعد كدة واشك ان في كل الاحوال حتحصل انتخابات نزيهة .

هو دا يا أم سلمى اللي متوقع لو تم بالفعل فض الاعتصام .

أكيد كلنا مع التهدئة و لكن دماء الشهداء أين تذهب ؟؟؟

تم تعديل 21 نوفمبر 2011 بواسطة nihal

[الغريب]

دعوى عامة لأعضاء المنتدي

للمشاركة و إبداء الرأي في هذا الموضوع

إستفتاء مع أو ضد فض الإعتصام

http://www.egyptiantalks.org/invb/index.php?showtopic=129274

لا حول ولا قوة إلا بالله

يا أخي نحن دخلنا المرحلة الثانية والأهم من الثورة ، وأنت تسأل مع أو ضد الإعتصام

أنا أعرف ناس كبار في السن ومديرين تربوا على عصور الفساد وأصبحوا يألفوا الفساد ويأنفوا الثورة

دي ناس عادية لا قابلت مبارك ولا عرفته ولا تعاملت معاه

ما بالك بمجلس عسكري لم يعلم قائد في حياته إلا مبارك

أنا مع الاعتصام ومع ترشيد الاعتصام ، معذورين الشباب لو وقعوا في مخالفات في هذا الإعتصام لأن للأسف كل الكبار تخاذلوا عنهم ولكن سينصرهم الله.

لا أملك لأخواني بالميدان إلا الدعاء بأن ينصرهم الله

تحياتي...

[زهرة الجبل]

الإنتخابات .. الإنتخابات .. الإنتخابات

الكل بيفكر الآن في الإنتخابات و الكل سواء معارضين للإعتصام أو مؤيدين للإستمرار و زيادة العدد .. الكل هدفه الإنتخابات و الكل على الجانبين متخوف من تأجيل الإنتخابات

أنا شايفه الموضوع من ناحيه تانيه خالص مش عارفه أنا صح فيها أو غلط

طبعاً فاهمه و عارفه إن الإنتخابات خطوه مهمه و ضروريه و أول طوبه في مبنى الديموقراطيه الحقيقه للبلد

لكن بصراحه مش عارفه صح و لا غلط إنها تتم في الوقت الحالي

الحيره دي جاتني بعد الأحداث الأخيره بالتحديد

مش لسبب غير لأن هيبقى في عامل مشترك بين الأحداث دي و الإنتخابات مينفعش أبداً يبقى عامل مشترك

يعني هم دول نفسهم الشرطه و الجيش اللي بيضربوا و بيسحلوا و بيقتلوا و بيصفوا و بيثقبوا عيون و قلوب الشعب برصاصهم و خرطوشهم و يستبيحوا حتى جثث موتاه .

.. هم هماهم إللي هيبقوا مسؤولين عن تأمين الإنتخابات اللي المتظاهرين دول و الشعب هيدلي بصوته فيها

طيب هتيجي منين الثقه اللي نأتمن فيها الشرطه اللي بتموت شباب البلد على أصوات نفس الشباب ؟؟

يعني هل من المنطق إن اللي بيستعين انهرضه بالبلطجيه عليا هيقف بكره في وش البلطجيه دول لما يبقى في جهه بتستعين بيهم علشان تخرب الإنتخابات؟

و حتى لو مكانتش الأحداث دي حصلت ..

يكفي انها لما حصلت إنكشفت الوجوه و ظهرت السياسه القديمه تاني عالسطح و عرفنا انها لسه موجوده و كانت هتبقى هي الإداره و هي أفراد المطبخ الداخلي المسؤول عن إعلان نتيجة الإنتخابات

و الله أعلم كان هيبقى إعلان نتيجة الإنتخابات و لا تشكيل نتيجة الإنتخابات

خصوصاً و إحنا عندنا تصريح معلن للفلول انهم يترشحوا .. يبقى إيه معنى إننا نبقى شايلين الهم و خايفين الإنتخابات في ظروفنا دي تتأجل ؟؟

منتظرين منها إيه طيب بالوضع الحالي ؟

أنا تعبانه و محتاره و حسيت إني مش فاهمه فقلت أسألكم

أنا ممكن أكون بفكر كده غلط و ممكن أكون فعلاً مش فاهمه حاجه أو في حاجه غايبه عني .. جايز فعلاً

بس هي ايه بقى ؟ يا ريت اللي فاهم صح يفهمني

و ده مش معناه إني مع المعتصمين .. و لا ضدهم .. لأني فعلاً محتاره ..

صعبان عليا قوي الإصابات و الشهداء .. لكن في نفس الوقت أنا متأكده إن التراجع دلوقت معدش ينفع

لأنه هيتفسر على إنه إنهزام و هيثبت فكرة إن هي دي الطريقه إللي هتنفع بعد كده .. القمع و القتل و الضرب و السحل .. إهدار الكرامه و إستحلال الدم

يعني للأسف الشديد .. الوضع أصبح في منتهى التعقيد

[ام سلمي]

يعني هم دول نفسهم الشرطه و الجيش اللي بيضربوا و بيسحلوا و بيقتلوا و بيصفوا و بيثقبوا عيون و قلوب الشعب برصاصهم و خرطوشهم و يستبيحوا حتى جثث موتاه .

.. هم هماهم إللي هيبقوا مسؤولين عن تأمين الإنتخابات اللي المتظاهرين دول و الشعب هيدلي بصوته فيها

طيب هتيجي منين الثقه اللي نأتمن فيها الشرطه اللي بتموت شباب البلد على أصوات نفس الشباب ؟؟

عارفة يا زهرة انا من قبل ما ينكشف وشهم القبيح ده وانا حاسة انهم اكيد بيدبروا طريقة للانتخابات دي ، سواء بلطجة او تزوير وخصوصا انهم مصرين ما يعزلوش الفلول

لكن الحل في اللجان الشعبية ومندوبين الاحزاب اللي حيشاركوا في مراقبة الانتخابات ، اعتقد ان لو حصل اي بلطجة او تزوير اكيد حيفضحوهم ، والميزة الوحيدة ساعتها ان الناس كلهم حيبقوا متفقين ان ما فيش حل اللا المواجهة ، علي عكس دلوقتي ان الناس غالبيتهم شايفين التهدئة افضل وعلشان كدة المعتصمين عددهم قليل

الحالات اللي متصورة ان يحصل فيها تزوير غير مفضوح هما

تزوير بطايق رقم قومي وتزوير في قاعدة البيانات لأن كل ده تحت ايد الداخلية

تزوير البعثات الدبلوماسية و السفارات في نتايج تصويت المغتربين وخاصة لو ما فيش لجان شعبية تراقب

[ام سلمي]

رصد | أحداث التحرير | وصول المطافئ إلى الشقة المشتعلة .. والأهالي يهتفون من البالكونات "المشير ولعها ..الثوار اهم " ..ويهتفون " مصر ..مصر

[aimen]

رصد | أحداث التحرير | وصول المطافئ إلى الشقة المشتعلة .. والأهالي يهتفون من البالكونات "المشير ولعها ..الثوار اهم " ..ويهتفون " مصر ..مصر

الأمن اتجنن دي تصرفات مهزوم RT"‎@salmasaid‏: الشرطة بتضرب غاز على المطافي اللي جت تطفي الحريقة اللي عملتها الشرطة في عمارة سكانية ‎#

دى حاجه متوقعه جدا من المن المصرى االنزيه

امن العادلى والعيسوى

ادعى عليك بايه يا نبيل يا فاروق ...خليتنا نتوهم ان هناك رجال امن شرفاء فى مصر وان الامن بيحمى الشعب ...

شاهد عيان بيحكي ع الجزيرة: انا كنت في العمارة وشايف الثوار بيتخنقوا من الغاز فكنا بنرمي عليهم ادوية، الشرطة شافتنا وحدفتنا بالقنابل ...

تم تعديل 21 نوفمبر 2011 بواسطة aimen

[عماد حمدي]

عايز بس اقول حاجة مهمة و الكل يشهد عليها

لو طلع قرار إن الإنتخابات هتتأجل

هكون مع الإعتصام

لان ساعتها هيبقي الخطوه اللي بسعي ليها راحت من إيدي

يبقي الحل الوحيد إني أنزل و أعتصم في الميدان و أعمل ثوره تانيه علي العسكر

بس دلوقتي طالما هما نفسهم بيقولوا مفيش تأجيل للإنتخابات

ياعني لسه في أمل و و لو 1 %

بكرر تاني لو الإنتخابات إتأجلت يوم واحد عن معادها

هكون من الداعيين للنزول لميدان التحرير و إعطاء العسكر درس لن ينسوه

[زهرة الجبل]

عايز بس اقول حاجة مهمة و الكل يشهد عليها

لو طلع قرار إن الإنتخابات هتتأجل

هكون مع الإعتصام

لان ساعتها هيبقي الخطوه اللي بسعي ليها راحت من إيدي

يبقي الحل الوحيد إني أنزل و أعتصم في الميدان و أعمل ثوره تانيه علي العسكر

بس دلوقتي طالما هما نفسهم بيقولوا مفيش تأجيل للإنتخابات

ياعني لسه في أمل و و لو 1 %

بكرر تاني لو الإنتخابات إتأجلت يوم واحد عن معادها

هكون من الداعيين للنزول لميدان التحرير و إعطاء العسكر درس لن ينسوه

كويس جداً رأي حضرتك ده يا أخ عمده

و على ضوءه بقى .. ممكن ترد على سؤالي اللي في مشاركتي السابقه علشان أفهم الموقف أكتر ؟

[بداية]

صعبان عليا قوي الإصابات و الشهداء .. لكن في نفس الوقت أنا متأكده إن التراجع دلوقت معدش ينفع

لأنه هيتفسر على إنه إنهزام و هيثبت فكرة إن هي دي الطريقه إللي هتنفع بعد كده .. القمع و القتل و الضرب و السحل .. إهدار الكرامه و إستحلال الدم

يعني للأسف الشديد .. الوضع أصبح في منتهى التعقيد

[شرف الدين]

ثورة ثورة حتى النصر

ثورة لحد ما تخرب مصر

[ام سلمي]

بيان الهيئه الشرعيه للحقوق والاصلاح حول احداث 20 نوفمبر

http://www.youtube.com/watch?v=f0ztMrEZAjw

تم تعديل 21 نوفمبر 2011 بواسطة ام سلمي

[بداية]

أقحمت نفسى وسطكم سامحونى

باتابعكم من زمان وسجلت ايام ثورة يناير قبل التنحى وباتونس بآرائكم

ربنا يعديها على خير

[زهرة الجبل]

يعني هم دول نفسهم الشرطه و الجيش اللي بيضربوا و بيسحلوا و بيقتلوا و بيصفوا و بيثقبوا عيون و قلوب الشعب برصاصهم و خرطوشهم و يستبيحوا حتى جثث موتاه .

.. هم هماهم إللي هيبقوا مسؤولين عن تأمين الإنتخابات اللي المتظاهرين دول و الشعب هيدلي بصوته فيها

طيب هتيجي منين الثقه اللي نأتمن فيها الشرطه اللي بتموت شباب البلد على أصوات نفس الشباب ؟؟

عارفة يا زهرة انا من قبل ما ينكشف وشهم القبيح ده وانا حاسة انهم اكيد بيدبروا طريقة للانتخابات دي ، سواء بلطجة او تزوير وخصوصا انهم مصرين ما يعزلوش الفلول

لكن الحل في اللجان الشعبية ومندوبين الاحزاب اللي حيشاركوا في مراقبة الانتخابات ، اعتقد ان لو حصل اي بلطجة او تزوير اكيد حيفضحوهم ، والميزة الوحيدة ساعتها ان الناس كلهم حيبقوا متفقين ان ما فيش حل اللا المواجهة ، علي عكس دلوقتي ان الناس غالبيتهم شايفين التهدئة افضل وعلشان كدة المعتصمين عددهم قليل

الحالات اللي متصورة ان يحصل فيها تزوير غير مفضوح هما

تزوير بطايق رقم قومي وتزوير في قاعدة البيانات لأن كل ده تحت ايد الداخلية

تزوير البعثات الدبلوماسية و السفارات في نتايج تصويت المغتربين وخاصة لو ما فيش لجان شعبية تراقب

و الله يا أم سلمى أنا زيك بالظبط ..

بس اللي كان عندي قبل الأحداث الأخيره مجرد شك و ظن بيقترن في تفكيري على طول بالخوف من الوقوع في (( إن بعض الظن إثم )) أصبح دلوقتي و بعد اللي شوفناه و اللي لسه بنشوفه - أصبح رعب من شئ مؤكد على الأقل من وجهة نظري

خصوصاً إن زي إنتي ما بتقولي في وسائل كتير في إيدهم سهل جداً التلاعب بيها محدش هيعرف عنها حاجه

و كمان مش معقول الشعب هيعمل لكل مقر إنتخابي قناه تليفزيونيه تبث إللي بيحصل جواه علشان الناس تشوف و تطمئن

إذا كنا شايفين بعيوننا نقل مباشر عالهوا مين بيضرب مين و مين بيحرق ايه و بعدها بيتقال لنا المعتصمين طلعوا مش ثوار و هم اللي بيضربوا و هم اللي بيحرقوا

هنضمن بقى لما نقول ده اللجنه شهدت إن في تزوير محدش يقول لا ده نضيفه و زي الفل؟

عندي رعب من مسألة إنعدام الثقه ده

و عندي قناعه إن علشان أنزل أدلي بصوتي و أنا مقتنعه إنه مؤثر و فارق .. لازم أكون واثقه إنه لن يتم التلاعب بيه

و لا يبقى كده مش بينضحك علينا .. لااااء .. ده إحنا كده نبقى بعد إللي شايفينه بعينينا ده نبقى إحنا إللي بنضحك على روحنا بقى

[aimen]

http://www.shorouknews.com/columns/view.aspx?cdate=21112011&id=58e5f61d-2f60-49be-ab96-4f18fcf3a6a3

فهمي هويدي

لو أن اللواء حبيب العادلى لايزال فى منصبه وزيرا للداخلية، لما فعل أكثر مما فعله وزير داخلية «الثورة» مع المتظاهرين خلال اليومين الماضيين. ولو أن حكومة الدكتور نظيف مازالت فى السلطة لما فعلت غير الذى فعله المجلس العسكرى فى تعامله مع المشهد. ولو أن أنس الفقى ظل وزيرا للإعلام لكانت توجيهاته للصحف القومية مطابقة لما عبرت عنه تلك الصحف التى صدرت أمس، ولما اختلف بث قنوات التليفزيون الحكومى الذى ظلت مهمته محصورة فى تبرير قرارات السلطة والتستر على عوراتها.

لقد ظلت بعض القنوات الخاصة تبث أحداث ميدان التحرير حتى فجر أمس، الأمر الذى أتاح لنا أن نرى صورا تكاد تكون نسخة مما شاهدناه فى شهر يناير الماضى، وطول نهارى السبت والأحد كانت الرسائل الهاتفية وتعلقيات مواقع التواصل الاجتماعى تنقل تفاصيل عدوان رجال الأمن المركزى على المتظاهرين والمعتصمين سواء فى ميدان التحرير أو الشوارع المحيطة به، وكانت النتيجة أن ما شاهدناه سرب إلينا شعورا بالغضب حينا وبالمهانة أحيانا، حيث ما تصورنا أن تمر ثمانية أشهر على الثورة ضد نظام مبارك، ثم نجد أنفسنا فى لحظة من الزمن نواجه نفس القمع ونسمع نفس السباب الذى قامت الثورة للتخلص منه وطى صفحته. لذلك فإننى لم أستغرب، وإن انتابنى شعور عميق بالمرارة والحسرة، حين سمعت تسجيلا متداولا ظهر فيه اللواء عمر سليمان فى صورته الشهيرة التى قرأ فيها خطاب التنحية، لكنه أنبأنا بأن المجلس العسكرى قرر التنحى عن السلطة وأنه سلمها إلى السيد حسنى مبارك!

إلى هذا الحد ذهبت التعليقات وشوهت صورة الثورة وساءت سمعة المجلس العسكرى، الذى ينبغى أن نعترف بأن رصيده لدى الرأى العام فى تراجع مستمر، وكلما طالت مدة بقائه فى السلطة ازدادت أخطاؤه وانفض الناس من حوله، حتى أولئك الذين دافعوا عنه ووقفوا إلى جواره طول الوقت، وقد كنت واحدا منهم، لكنى لا أخفى شعورا بالإحباط والحيرة، أسهمت فيه الممارسات غير المفهومة التى يصعب الدفاع عنها.

لن أتحدث عن حادثة ماسبيرو التى قتل فيها نحو 25 شخصا، ومازلنا حتى الآن لم نعرف من هو الطرف الثالث الذى تدخل لإطلاق النار وإثارة الفتنة، الأمر الذى ظل لغزا يفتح الباب لإساءة الظن، خصوصا أن جهدا كبيرا بذل لتبرئة الشرطة العسكرية وإثبات أن أفرادها لم يكونوا مسلحين، لكننا لم نلمس جهدا فى الإثبات يعادل ما بذل للنفى. ومازلت غير قادر على فهم إجراءات أخرى تم فيها تلفيق التهم لعدد من الشبان الوطنيين والإصرار على إحالتهم للقضاء العسكرى وتمديد احتجازهم بغير مبرر. كما أننى لم أفهم ذلك التدليل المستغرب لرموز النظام السابق، فى الوقت الذى يعامل فيه شباب الثورة بقسوة تبعث على الدهشة.

أما ما ضاعف من الدهشة والاستغراب فهو ذلك القمع الذى تعرض له عشرات المعتصمين السلميين الذين بقوا فى الميدان بعد انتهاء حشود يوم الجمعة. ذلك أن الميدان كان قد تم تنظيفه صباح ذلك اليوم بواسطة بلدية العاصمة فى وجود خمس أو ست خيام، وكان يمكن أن تعود الحياة فيه إلى طبيعتها دون أن تعرقل تلك الخيام حركة المرور. لكن المعتصمين فوجئوا فى العاشرة صباحا تقريبا بهجوم مباغت من قوات الأمن المركزى التى انقضت على الخيام وساكنيها فأزالت الأولى وانهال أفرادها على المعتصمين بالصواعق الكهربائية وبالضرب والسحل والسب. بعد ذلك انسحبت القوات من الميدان بعد إخلائه.

شهود العيان الذين سألتهم اتفقوا على أن المعتصمين الذين طردوا من ميدان التحرير عادوا إليه مرة أخرى مسكونين بالغضب ومشحونين بالثورة على الذين أغاروا عليهم. وهم فى هذه الحالة مرت بالميدان سيارة ترحيلات فارغة تابعة للشرطة، فتصدوا لها وقاموا بإحراقها. وحينذاك عادت قوات الأمن المركزى مرة أخرى بإعداد كثيفة وقامت بالتصدى للغاضبين الذين تزايدت أعدادهم بعد انتشار أنباء القمع الذى تعرضوا له. فالذين كانوا عشرات أصبحوا مئات عند الظهيرة، وتحولوا إلى ألوف فى المساء، وهؤلاء اشبتكوا مع قوات الأمن المركزى التى لم تتردد فى استعمال القنابل المسيلة للدموع والرصاص المطاطى وطلقات الخرطوش. وسقط من سقط من الجرحى وقتل واحد فى القاهرة وسمعت عن اثنين فى الإسكندرية. وظلت قوات الأمن المكزى مهتمة بأمرين أولهما تأمين مقر وزارة الداخلية والثانى ملاحقة المتظاهرين وتشتيتهم.

ظهر أمس تلقيت نداء على هاتفى المحمول يدعو «شرفاء الوطن» للتوجه إلى ميدان التحرير لمواصلة الثورة، الأمر الذى ينبئ بأن سلوك الأمن المركزى مس جرحا عميقا لدى الناس وجدد شعورهم بالإهانة الذى كان أحد أسباب التحاقهم بالثورة.

الوقائع تروى بعدة طرق، وليست أمامنا فرصة للتثبت من شىء، أو للتعرف على الحقيقة ومن ثم محاسبة المسئول الذى أشعل الحريق وأججه، لكن الذى نعرفه أن أحدا لم يتوقع أن يحدث ذلك كله بعد مضى ثمانية أشهر على الثورة، وأن المجلس العسكرى بدأ حاميا للثورة ثم أصبح عبئا عليها.

[زهرة الجبل]

أقحمت نفسى وسطكم سامحونى

باتابعكم من زمان وسجلت ايام ثورة يناير قبل التنحى وباتونس بآرائكم

ربنا يعديها على خير

منوره يا بدايه

إسمك بشرى خير

يا رب نلقى بداية خير بقى و نقفل صفحات الشر القديمه كلها

يا رب

[عماد حمدي]

عايز بس اقول حاجة مهمة و الكل يشهد عليها

لو طلع قرار إن الإنتخابات هتتأجل

هكون مع الإعتصام

لان ساعتها هيبقي الخطوه اللي بسعي ليها راحت من إيدي

يبقي الحل الوحيد إني أنزل و أعتصم في الميدان و أعمل ثوره تانيه علي العسكر

بس دلوقتي طالما هما نفسهم بيقولوا مفيش تأجيل للإنتخابات

ياعني لسه في أمل و و لو 1 %

بكرر تاني لو الإنتخابات إتأجلت يوم واحد عن معادها

هكون من الداعيين للنزول لميدان التحرير و إعطاء العسكر درس لن ينسوه

كويس جداً رأي حضرتك ده يا أخ عمده

و على ضوءه بقى .. ممكن ترد على سؤالي اللي في مشاركتي السابقه علشان أفهم الموقف أكتر ؟

عارفة مطلوب دلوقتي التجهيز من قبل الشباب دي للجان شعبية أام المقار الإنتخابية

و بدل ما يضيعوا مجهودهم و حماسهم و طاقتهم مع العسكر في الميدان دلوقتي

نوفر الطاقة دي كلها ليوم الإنتخابات

و يكون لينا هدف واحد و هو حماية أصواتنا و حماية المقار الإنتخابية

حماية أول طوبة علي رأيك في مبني الديمقراطية

ساعتها هنحارب فعلاً علشان هدف محدد و هو بلدنا

بلاش نضيع الحماس و القوه دي كلها مع العسكر دلوقتي

نأجل الكلام دا لأول يوم

نفكر نخطط نقسم نفسنا انته مسئول و المجموعة بتاعتك عن المقر الإنتخابي دا

و أنته مسئول عن المقر دا و هكذا

و حمايته من البلطجية الحقيقيين

حماية صناديق الإقتراع

المواجعهة و بعنف و هكون مؤيد لكدة لأي محاولة لإجهاض اليوم الإنتخابي و أول يوم مصر هنشم فيها الحرية

دا رأي الشخصي ..

[نورالعين]

عايز بس اقول حاجة مهمة و الكل يشهد عليها

لو طلع قرار إن الإنتخابات هتتأجل

هكون مع الإعتصام

لان ساعتها هيبقي الخطوه اللي بسعي ليها راحت من إيدي

يبقي الحل الوحيد إني أنزل و أعتصم في الميدان و أعمل ثوره تانيه علي العسكر

بس دلوقتي طالما هما نفسهم بيقولوا مفيش تأجيل للإنتخابات

ياعني لسه في أمل و و لو 1 %

بكرر تاني لو الإنتخابات إتأجلت يوم واحد عن معادها

هكون من الداعيين للنزول لميدان التحرير و إعطاء العسكر درس لن ينسوه

حعتبر ده رأيك الشخصي

مش رأي الجماعة

بس مين يقدر يأكدهولك

هل تثق في المجلس!!

وايه اللى اعطاك هذه الثقة في اي موقف قام به!!

الثوار هم المطلوب القضاء عليهم دلوقت مش القوي السياسية

فطبيعي يعشم المجلس العسكري القوى السياسية بنصيب محترم من الكعكة

ليبعدهم ويفرقهم عن الثوار مؤقتا لحين القضاء عليهم وهم ضعاف

لان ببساطة القوي السياسية ممكن التفاهم معها ومصالح مشتركة كما كان يعدهم دوما بها المجلس

لكن الثوار من غير قائد

في يوم بيقلبوا على الليبراليين وفي يوم يقلبوا على الاخوان

يبقي المجلس بيلعب علينا كلنا

نحن السابقون وانتم الاحقون

فمش طالبة مصالح شخصية دلوقت

المهم يعرف المجلس العسكري ان لسه الثورة لم تمت

وساعتها حيتعدل ويمشي صح وحتكون انتخابات نزيهة للكل

غصب عنه مش هبة منتظرينها منه

[aimen]

يا اخ عماد انت محسسنى ان الإنتخابات حتتم فى دولة تانية ...بالشكل اللى حصل اليومين السابقين ابقى قابلنى لو حصلت انتخابات

ولو حصلت يبقى زى زمان القرى تتقفل امن مركزى واللجان تبقى محاصرة وابقى قابلنى بقى لو انتخبت ولا شفت حتى صندوق انتخابات

اذا كان الوضع دا وفى القاهرة وفى النقطة اللى تركيز الإعلام عليها ما بلك بالقرى ومناطق مصر النائية ولا المحافظات ...

للأسف انا شايف ان اللى بيبيع الميدان علشان الإنتخابات ...حيخسر الإثنين معا

نفسى افهم ايه اللى يفترض ان العادلى عمله ولم يعمله العيسوى ووزارته ...الأمور بتتحول للأسوأ ...وليس الأفضل ...لا يوجد اى اتجاه للأمام ..

[زهرة الجبل]

بما إني مؤمنه إن سواء إستمر التواجد في الميدان أو قرر المتظاهرين إخلاءه فالثوره قائمه لن تموت

و بما إني مؤمنه إن الثوره ليست للتخريب و لكن للإعمار

و بما إني مؤمنه إن نية الخير هي التي تقود الثوار و ليست نوايا التخريب كما يدعي أعداء الثوره

فأنا هقول علشان الكل يسمع :

ثوره ثوره حتى النصر

ثوره لحد ما تنضف مصر

ثوره سواء بالإعتصام أو بالعوده فهي قائمه لن تموت

لحد ما يندثر من يندثر من أعداء الحريه و يرفع الله الغمه عن بصائر من يرفعها عنهم من أعداء الحريه برضه

المهم تنضف .. تبقى كلها شعب بسرائر و فطر سليمه و حره

[نورالعين]

لو العدد كثر في الميدان

مش حيكون فيه مجزرة ولا حاجة

وخاصة لو اللى نازلين نازلين بس يمنعوا التلاحم ويهدوا الاجواء

الكثرة هي سلاح العذل

والاعتصام سلمي لو تفتكر

منين بأة حتيجي مجزرة

اللى بيحصل بيحصل لان القوي السياسية ربنا لا يوريها الخير

بعدت عنهم وسابتهم لمصيرهم

مصير قلة مندسة تخرب مصر

اللي بتقوليه يا نور العين ده هو الحل اللي انا شايفاه برضه ، المفروض كل القيادات تنزل تنظم الاعتصام وتمنع اي تجاوزات او التحامات ، والعسكر او الامن لو لقوا عددالمتظاهرين كبير ما حدش حيتعرضلهم ، بعد كدة الامور اكيد حتهدي ويحاولوا يقنعوهم يروحوا لبعد الانتخابات

المشكلة ان العسكر والداخلية وعدوا بالهدنة وخالفوا كلامهم ، اصلا دول لا عهد لهم ، ولو الاحزاب سكتت علشان الوثيقة اتعدلت ، ممكن جدا بعد ما يصفوا اللي في الميدان يرجعوا في كلامهم ويرجعوا الوثيقة زي الاول و اسوأ وطالما بقي وشهم مكسوف كدة وما بيتكسفوش يقتلوا المتظاهرين العزل يقدروا يعملوا اللي هما عايزينه بعد كدة واشك ان في كل الاحوال حتحصل انتخابات نزيهة .

أظن يا ام سلمى انت جاوبتي على نفسك

لو هما ما عندهمش عهد

وده ثابت امامنا دلوقت حالا

يبقى ايه اللى حيمنعهم انهم يعملوا نفس الشئ مع كل القوى السياسية واحد واحد

اظن كمان تسريب ان الوثيقة استرشادية دليل اخر

الاشاعة طلعت لفض المليونية

وبعدها اتقال اشاعة غير صحيحة

لو فضل حتى نصف اللى كانوا في المليونية مكنوش استطاعوا قتل وسحل الناس في الميدان