كل ما يخص جُمعة 18-11

[Alattar]

دلوقتي علي الجزيرة مؤتمر صحفي لواحد من المجلس السمكري

مساعد قائد المنطقة المركزية

تم تعديل 21 نوفمبر 2011 بواسطة Alattar

[se_ Elsyed]

سمعنا أكتر من كده يا أم كريم

" إيه يعني لما يضربوا يوم الجمعة 200 واحد من المصابين "

اه صح إيه يعني

بس إيه ده ... هو مش حق التظاهر والأعتصام السلمي مكفول لكل بني ادم ؟

فهل كان الـ 200 مسلحون ويهاجمون مصالح حيوية في الدولة ؟

[زهرة الجبل]

صعبان عليا قوي ال22 شهيد دول و مش قادره أتخيل أهاليهم

ربنا يرزقهم الصبر يا رب

يلا .. بكره الجرايد تنشر صورهم و تكتب فوقها الورد اللي فتح في جناين مصر

بس لا هم و لا اللي قبلهم ماتوا علشان الجرايد تقول ورد فتح في جناين مصر

مش هيبرد دمهم و لا دم اللي قبلهم غير بشرع الله

العين بالعين و السن بالسن و البادي أظلم

القصاص القصاص

حسبنا الله و نعم الوكيل

أنا ولادي في حضني و هموت من الحسره

مش عارفه أهاليهم يعملوا إيه

ربنا يتولانا برحمته

حسبنا الله و نعم الوكيل

[se_ Elsyed]

كلب من كلاب السًلطة والفلول .. احمد شفيق : لا أرى مبرراً للتصعيد ضد المجلس العسكري !!!!

ودم الناس دول يا كلب سيدك ؟

والهجمات التترية اللي حصلت دي على الناس المسالمين ؟

[نورالعين]

لسه فيه امل 1% ان الاخوان تستحوذ على مجلس الشعب

حلم حياتها

لو اخر ناس حيدافعوا عن مصر مش عايزينهم

لا دلوقت ولا بعدين

[Alattar]

لسه فيه امل 1% ان الاخوان تستحوذ على مجلس الشعب

حلم حياتها

لو اخر ناس حيدافعوا عن مصر مش عايزينهم

لا دلوقت ولا بعدين

أختي نور العين

ممكن بس ننسي دلوقتي بعض المسميات..اخوان و ليبراليين و سلفيين..و نركز في اللي بيحصل دلوقتي..

دلوقتي مش وقت كلام لا عن برلمان..ولا عن خلافات..ياريت نركز بس في الناس اللي بتموت دي و الناس اللي بتواجه الرصاص الحي بصدور عارية..دول أهم عندنا من أي برلمان و من أي حاجة تانية في البلد

[se_ Elsyed]

منزلين واحد قرطاس للمؤتمر الصحفي ما رضيش يرد على أي سؤال ومين اللي امر بالهجوم على 200 واحد لحد ما ولعها ومين اللي امر بقتل المتظاهرين والضرب المباشر في العيون ؟ وساب الجميع ومشي .. وأثناء المؤتمر مازال الضرب مستمر ..

لسه سامع دلوقت من أبو العز الحريري إن التحقيقات أثبتت إن اللي حرق سيارة الشرطة في اول يوم هو احد رجال الشرطة في ملابس مدنية وتم القبض عليه والكشف عن هويته ....

عشان الملكيين اللي لسه بيروا أي مبرر لكلاب الشرطة والمجلس

[Alattar]

مساعد قائد المنطفة المركزية علي الجزيرة بيقوللك ملتزمين بخريطة الطريق لتسليم السلطة..

هي فين الخريطة دي..ولا فين الجدول الزمني اللي حطوه ده؟؟

[se_ Elsyed]

وزارة الصحة الحكومية مش أي حد تاني : كل الوفيات نتيجة رصاص الخرطوش والضرب بألات حادة على الرأس

[se_ Elsyed]

مساعد قائد المنطفة المركزية علي الجزيرة بيقوللك ملتزمين بخريطة الطريق لتسليم السلطة..

هي فين الخريطة دي..ولا فين الجدول الزمني اللي حطوه ده؟؟

مش مهم ..اهم حاجه الوعد يا مصطفى ...

ههههههههههه اهو وعد دلوقت إنه هايحمي المتظاهرين .. زي ماقال إنه نزل 5000 جندي قوات مسلحة لحماية المتظاهرين .. وفعلاص حماهم من أنفسهم الدنيئة وقتلهم ... حماية يا فندم

بمناسبة الوعود .. ما هو حق التظاهر السلمي حق مكفول للجميع ؟

كلهم كلاب من نفس مدرسة مبارك وبشار والكلب اللي مات القذافي والنتن علي عبد الله صالح

هو ده جيش الشعب يا سادة اللي عُمره ما أطلق طلقة على الشعب ؟

[moamana]

يا اخ عمدة احب اؤكد لسيادتك من موقعى على الكنبة لانى للاسف فى السعودية مش فى مصر

ان اللى سعدتك نفسك فيه و هى الانتخابات مش هيحصل المجلس العسكرى بيلعب بكل الاطراف و هتشوف

المجلس مش عايز ينقذ البلد بجد و بالتالى مش هيسمح يكون فيه انتخابات و لو فيه انتخابات هنعملها فى شهران

الان الناس بدات تفقد الايمان ببعضها و بالقيادات الثورية الكبيرة انا بصراحة بعد هذا الموقف فهمت يعنى ايه دين سياسى فلو كان المسلمين ينزلون الى الميدان بغرض الاسلام و نصرة الحق و ليس السياسة لكان الان جميع الاحزاب الاسلامية فى الميدان

ابشرك بان البلد متجهه الى الفوضى و ليس الديموقراطية

الجيش كده بيلعب لعبة حقيرة فهو لا يحاربنا خارجيا بل داخليا و لما مصر تفلس و ينتشر القتل و الفوضى يبقى يمسك البلد براحته

الاخوان طول عمرهم بيلعبوا على السلطةو المركز الاول فده بيخليهم كل مرة يخسروا

و الحمد لله السلف متخبطون جدا جدا مثل ما يفعل ابو اسماعيل الان ينزل الميدان كل يوم ساعة او اتنين ؟؟؟؟؟

و الليبرالين منهم من يعلم ان ما يحدث الان قتل و خسارة للقوات فاثر الانتظار

و الباقى يطحنون فى الميدان مع بقية الثوار الحقيقيون من جميع الاتجاهات ..........

[se_ Elsyed]

وهل يقبل الشعب المصري هذا البيان السافل من بعض الخونة الذين باعوا شرفهم وعرضهم وأنفسهم وهما شايفين أجمل وأشرف شباب مصر بيموت بطريقة مباشرة ويطلعوا يقولوا : نؤيد جهود وزارة الداخلية تماماً ؟

[se_ Elsyed]

اول مره من 10 شهور أسمع رأي على التليفزيون المصري ضد المجلس الخاين

على الهواء في نشرة الاخبار ... احمد نجيب عضو المجلس التنفيذي للجنة التنسيقية لجماهير الثورة يتهم المجلس بالخيانة والفشل في إدارة أمور البلاد ويطالبهم بالتخلي عن السلطة حالاً لحكومة إنقاذ ذات صلاحية واتهم المجلس بإنه ينفذ نفس أجندة النظام المخلوع بحذافيرها

[Alattar]

صورة حديثة للميدان من رفعي الخاص

[ابراهيم عبد العزيز]

أنا بصراحة مندهش ممن كل تركيزه على الإنتخابات ويترك ما يحدث حاليا مع بعض القوى الثورية في ميدان التحرير

الموضوع ليس من هو المعتصم سواء اكان قوى دينية او ليبرالية

والموضوع ليس أنا مع من أو ضد من

الموضوع أن هناك قوات أمن تحاول كسر قوى ثورية موجودة في التحرير بصرف النظر نتفق مع هذه القوى أو نختلف

الموضوع أن هناك أمن يحاول فرض أمر واقع على الأرض , أمر واقع يهيء لوضع جديد يجعل الثورة هي الأضعف ويعطي حرية حركة في المستقبل لمن يريد الإلتفاف عليها بعدما قام بكسر القوى الثورية الموجودة في التحرير وبعدما حاول طوال اليومين الماضين إظهارهم في مظهر المخرب حتى يضرب الثورة ويجعل الشعب المصري يندم عليها ويعاديها فيعطي صكا على بياض للقائمين على الأمر الأن لكي يتصرفوا بحرية تحت تبرير ( الشعب يريد الأمن والامان )

من في التحرير نزلوا من أجل شعب مصر بأكمله , منهم من يضحي بروحه ومنهم من يضحي بعينه ومنهم يضحي بماله ومنهم من يضحي بدمه , نزولهم لم يكن بهدف الحصول على مكاسب مالية أو غنائم , لذلك وجب على الجميع إحترامهم والوقوف بجانبهم مهما كان إنتماءهم سواء اكانوا إخوان أو 6 إبريل أو سلفين أو أو أو إلخ

في ظل هذه الأوضاع أنا غير متفائل إطلاقا بالإنتخابات القادمة سواء من جهة القدرة على تنظيمها او من جهة ضمان نزاهتها وأنها ستكون معبرة بشكل حقيقي عن الشعب المصري وتطلعاته

تم تعديل 21 نوفمبر 2011 بواسطة ابراهيم عبد العزيز

[Alattar]

رصد | متابعات | مشادة بين محمد القصاص بحزب التيار المصري و مراسل التليفزيون المصري بسبب سوء تغطية التليفزيون لأحداث التحرير وتدخل الشيخ محمد عبد المقصود للتهدئة .. وذلك أثناء المؤتمر الصحفي الذي عقده الشيخ مظهر شاهين بنقابة الصحفيين #RNN

رصد | المؤتمر الصحفي لمساعد قائد المنطقه المركزيه العسكريه : لو المتظاهرين عاوزينا نضع قوات لحمايتهم من البلطجيه نحن على أتم الاستعداد #RNN

فعلا..المتظاهرين هما اللي غلطانين..المفروض يقدموا طلب و عليه دمغة من أم عشرة جنيه..وفوق كل ده..يشوفوا واسطة كويسة عشان الكوسة..

مش مكسوف من نفسه و هو بيقول الكلام ده..حد يقول له ان الشعب المصري كله عاوز اللي يحميه من البلطجية اللي بقوا موجودين في وضح النهار..وفي كل مكان..و الشرطة و الجيش بدل ما يتشطروا عليهم و يشوفوا شغلهم..رايحين يضربوا في الناس اللي في التحرير بكل ما أوتوا من قوة

[نورالعين]

لسه فيه امل 1% ان الاخوان تستحوذ على مجلس الشعب

حلم حياتها

لو اخر ناس حيدافعوا عن مصر مش عايزينهم

لا دلوقت ولا بعدين

أختي نور العين

ممكن بس ننسي دلوقتي بعض المسميات..اخوان و ليبراليين و سلفيين..و نركز في اللي بيحصل دلوقتي..

دلوقتي مش وقت كلام لا عن برلمان..ولا عن خلافات..ياريت نركز بس في الناس اللي بتموت دي و الناس اللي بتواجه الرصاص الحي بصدور عارية..دول أهم عندنا من أي برلمان و من أي حاجة تانية في البلد

الكلام ده لى أنا!!!

هو أنا تابعة لحزب ولي مصالح!!!

الكلام ده يتوجه لأصحاب المصالح

اللى لقوا انهم يتغاضوا عن دماء الثوار في سبيل 1% لتحقيق اهدافهم

كل واحد فكر في مصلحته ومصلحة حزبه واوتي القدرة للنزول مع الثوار ولو برأي مخالف

ولم ينزل هو خائن خائن خائن

[moamana]

احنا عارفين كويس الانتخابات حتى لو حصلت هترسى على ايه مجلس شعب من الاخوان و الفلول

لان اغلب الناس المحترمة هتخاف تنزل تنتخب من اللى حاصل فى البلد خاصة بتقسيمة الدوائر الرائعة

و اغلب المرشحين المحترمين علقوا حملاتهم الانتخابية و الانتخابات بعد كم يوم

و الحكومة هى هى و الداخلية هى هى و المجلس هو هو و العسكر فى الحكم هو هو

يا رب يا رب يعنى اهاجر و اخد جنسية تانية

حتى الثورة مش نافعة معاك يا مصر

[احمد رضوان]

ويمكرون ويمكر الله والله خير الماكرين

http://www.youtube.com/watch?v=N6TvJ4em8XI&feature=player_detailpage

[عادل أبو عمر]

لسه فيه امل 1% ان الاخوان تستحوذ على مجلس الشعب

حلم حياتها

لو اخر ناس حيدافعوا عن مصر مش عايزينهم

لا دلوقت ولا بعدين

أختي نور العين

ممكن بس ننسي دلوقتي بعض المسميات..اخوان و ليبراليين و سلفيين..و نركز في اللي بيحصل دلوقتي..

دلوقتي مش وقت كلام لا عن برلمان..ولا عن خلافات..ياريت نركز بس في الناس اللي بتموت دي و الناس اللي بتواجه الرصاص الحي بصدور عارية..دول أهم عندنا من أي برلمان و من أي حاجة تانية في البلد

الكلام ده لى أنا!!!

هو أنا تابعة لحزب ولي مصالح!!!

الكلام ده يتوجه لأصحاب المصالح

اللى لقوا انهم يتغاضوا عن دماء الثوار في سبيل 1% لتحقيق اهدافهم

كل واحد فكر في مصلحته ومصلحة حزبه واوتي القدرة للنزول مع الثوار ولو برأي مخالف

ولم ينزل هو خائن خائن خائن

أختنا الفاضلة نور العين

حضرتك عارفة و حاضرة مناقشات كتير جدا

كلامك ممكن يدخلنا دايرة جدلية مش هتخلص و الله

الوضع لا يحتمل في هذا الموضوع أن يتم تفريعه

و غير مطلوب اتهام أي طرف بالخيانة

لأنك من غير ما تدري كدة بتتهمي نسبة كبيرة جدا من الشعب

ناس مصريين مش اخوان

ناس لا كانت مقتنعة إن فيه أمل قبل 25 يناير و لا مقتنعين دلوقتي إن اللي في الميدان عاوزين يجيبوا حقهم

النسبة دي كبيرة فوق ما تتصوري أكتر من الاخوان نفسهم و جميع التيارات مجتمعة

نسبة معندهاش أي حسابات سياسية من اللي حضرتك بتفكري فيها خالص .

فمينفعش نقول ... ولم ينزل هو خائن خائن خائن

تم تعديل 21 نوفمبر 2011 بواسطة عادل أبو عمر