كل ما يخص جُمعة 18-11

[مغتربة]

قناة التحرير بتذيع برنامج طبخ

دجاح محشى بالسبانخ والمشروم

عايز اقول كلمة وحشه بس ابو احمد هيزعل

طيب دى ارحم من الفضائيه المصريه الى فى عز الازمه دى جايبه فيلم كوميدى اسمه صراع الزوجات!!!!!!!

الناس دى حافظه مش بتفهم و شكلها كدا عمرها ما هتفهم

كويس انهم معرضوش مدرسه المشاغبين لانها اتهرشت من ايام انتفاضه الحراميه

[مغتربة]

أنا هعزرك علي كلمة

ياريت تصرفك ده يا عماد يخلينا دلوقتي نعدي أي فرصة ممكن تسبب زعل أو خلاف بيننا هنا في المحاروات

لأن المحاروات الآن هي ( الميدان ) بالنسبة للكثيرين هنا

فيما يخص الاخوان دلوقتي و علاقتهم بما يجري في الميدان

رأيي

الناس متعشمة فيهم يقفوا جنبهم ... ومش بيخونوهم ..

ومهما اختلف الناس عليهم فلا ينكر أحد قوتهم العددية و الميدانية لو نزلوا للميدان ...

وهو ما يتمناه كثيرين من داخل و خارج الميدان ..

رأيي ربما خطأ و ربما صواب ..

يا أخي دول لازم ينزلوا حتى لو بس عشان تيمور يشوفهم ..

ربنا يسلم الجميع و يحفظهم

ويهدينا للخير

حينزلوا فعلا خلاص

رصد|القاهرة | أعلن الدكتور محمد البلتاجي، عضو المكتب التنفيذي لحزب "الحرية والعدالة" وأمينه بالقاهرة، اتفاق رموز القوى السياسية على النزول إلى الميدان اليوم؛ حتى يكونوا دروعًا بشريةً، بين قوات الأمن والمعتصمين السلميين في الميدان، وحتى يكونوا أول من ينال شرف الشهادة في حال إصرار أجهزة الأمن على إطلاق الرصاص.

#RNN

خبر جميل عقبال باقى التيارات السياسيه كله

خصوصا الى اتبنى منهم المظاهره

بس على شرط

قياداتهم قبل الاعضاء

[Salwa]

.....منقول من فتاة عندها 16 سنة شاركت في المظاهرات

صحبتي امبارح كانت في التحرير ...و وقت ما الضرب اشتد واحد ما تعرفوش (و كله بيدل ان مستواه الاجتماعي مش قد كدة) شدها و وداها مكان أمان ...

و قالها "انتي شكلك بنت ناس و متعلمة، خلونا احنا الفقرا نموت عشان لما الدنيا تهدي يفضل المتعلمين اللي يقدروا يفيدوا البلد.......

هما دول البلطجية

الله يسامحك يالونا.

ويالهم من بلطجية ...!!!

ياريت كل البلطجية كدة ......ياريت كل المصريين يحبوها كدة ..

انا فضلت ابكى ويعلم الله وحده حصل لى ايه؟ وكأن حكايتك البسيطة دى كانت زرار دوست عليه وطلع بركان من اول امبارح مكتوم.

ياااااااااه.....اد كدة الناس بتحب مصر ؟؟؟

انا عارفة ان كوووول المصريين بيحبوا مصر .....الا قلة معرفش اختلط دمها بمين؟؟؟ قلة مندسة وسطنا ....اللى كان من مكان عالى واللى جاى من مكان منحدر .

النهاردة شفت الفيديو الخاص بالشاب الطبيب اللى اسمه (أحمد حرارة ) اللى فقد عينيه الاتنين واحدة يوم 28 يناير وواحدة ف 19 نوفمبر .

وسرحت....وحزنت....ولازلت حزينة .

دم كتير طاهر راح ..ضاع.

عمالة اقلب ف كل القنوات واتفرج على اى برنامج بيتكلم عن مصر .

وأحزن اكتر .....ليه حزنت اكتر ...لأن واضح جدااا والكل عارف انها مؤامرة وانضحك علينا والثورة بتتسرق ..

الثورة بتتسرب من بين ايدينا .الثورة اتسرسبت ...

ضحكوا على الشباب الطاهر النقى ..

النهاردة قلت لنفسى ....لسا بدرى يامصر لسا فيه اشجار كتير فيكى عطشانة وكان نفسنا نرويها من نهر نيلك العظيم بعد ما نطهره لكن؟؟

الاشجار بدأت تشرب من دم ولادها .....بيجبروها تشرب دم ولادها .

رغم الحزن ورغم الألم ورغم الاحساس المر بالظلم .لكن؟؟

تبقى بارقة الأمل فى الله وحده .

لن يضيعنا .

ربنا اقوى .

مش وقته نقول مين اللى بدأ؟؟؟ ومين اللى نادى بالاعتصام؟؟ ومين نادى بالمظاهرات؟؟؟ ومش وقته نقول مكانش لازم يحصل ده ولا ده ولا ده..

خلاص.

اللى حصل حصل وخلاص ..

ولازم كلنا دلوقت نبقى ايد واحدة ........ضد مين؟؟

ضد كل اللى عاوزين نفس المنظومة القديمة تستمر .

ضد كل اللى مش عايزين المحاكمات تستمر ..

ضد كل اللى بيتعامل مع الشعب على انه حفنة من العبيد .

ضد كل المنافقين وكل اللى راكبين الموجة .

يارب احفظ بلدى .

يارب احفظ مصر وولاد مصر .

[Alattar]

التحرير حالا

[spain]

الاعداد بتزيد بصورة مهولة

واضح ان السيناريو القادم حيكون غير مسبوق علي الاطلاق

ربنا يحمي مصر

كفايا بقي

[Alattar]

من الجزيرة مباشر الآن

دعوات الي مليونية غدا..بعد وصول عدد القتلي الي 33 قتيل..

حسبنا الله و نعم الوكيل..

أعتقد انه وجب علي الجميع النزول لنصرة الموجودين هناك..ولإحياء الثورة مرة أخري..والله المستعان

[Alattar]

التحرير الآن..من رفعي الخاص

[Alattar]

من علي الجزيرة مباشر

دكتورة : فادية مغيث..باحثة في العلوم الاجتماعية

بتقول انها في مشرحة زينهم الآن..ووكيل النيابة لسه واصل منذ دقائق..رغم ان أهالي الشهداء موجودين من امبارح و مستنيين جثامين أولادهم..والمساومات شغالة علي الآخر

وبتقول واحدة من أم الشهداء بيساوموها ..وبيقولولها لو عاوزة جثمان ابنك عشان تدفنيه..امضي علي اقرار انه مات بهبوط بالدورة الدموية..مع انها شافته بعينها واخد طلقة في دماغه وطلقة في صدره

لا حول ولا قوة الا بالله..وحسبنا الله و نعم الوكيل

[مغتربة]

معلش لمسه كوميدى علشان تخفف شويه الى احنا فيه

احنا المصريين فعلاملناش حل

شوفوا دا

http://www.youtube.com/watch?v=cl5xf96xJ7c&feature=related

[عادل أبو عمر]

معلش لمسه كوميدى علشان تخفف شويه الى احنا فيه

احنا المصريين فعلاملناش حل

شوفوا دا

http://www.youtube.com/watch?v=cl5xf96xJ7c&feature=related

رهييييييييييييييب

فعلا احنا المصريين فعلا ملناش حل

[سكر]

فيديو جدع ياباشا

http://www.youtube.com/watch?v=Uy6qF0-NPE4&feature=player_embedded

[لونا]

.....منقول من فتاة عندها 16 سنة شاركت في المظاهرات

صحبتي امبارح كانت في التحرير ...و وقت ما الضرب اشتد واحد ما تعرفوش (و كله بيدل ان مستواه الاجتماعي مش قد كدة) شدها و وداها مكان أمان ...

و قالها "انتي شكلك بنت ناس و متعلمة، خلونا احنا الفقرا نموت عشان لما الدنيا تهدي يفضل المتعلمين اللي يقدروا يفيدوا البلد.......

هما دول البلطجية

الله يسامحك يالونا.

ويالهم من بلطجية ...!!!

ياريت كل البلطجية كدة ......ياريت كل المصريين يحبوها كدة ..

انا فضلت ابكى ويعلم الله وحده حصل لى ايه؟ وكأن حكايتك البسيطة دى كانت زرار دوست عليه وطلع بركان من اول امبارح مكتوم.

ياااااااااه.....اد كدة الناس بتحب مصر ؟؟؟

انا عارفة ان كوووول المصريين بيحبوا مصر .....الا قلة معرفش اختلط دمها بمين؟؟؟ قلة مندسة وسطنا ....اللى كان من مكان عالى واللى جاى من مكان منحدر .

النهاردة شفت الفيديو الخاص بالشاب الطبيب اللى اسمه (أحمد حرارة ) اللى فقد عينيه الاتنين واحدة يوم 28 يناير وواحدة ف 19 نوفمبر .

وسرحت....وحزنت....ولازلت حزينة .

دم كتير طاهر راح ..ضاع.

عمالة اقلب ف كل القنوات واتفرج على اى برنامج بيتكلم عن مصر .

وأحزن اكتر .....ليه حزنت اكتر ...لأن واضح جدااا والكل عارف انها مؤامرة وانضحك علينا والثورة بتتسرق ..

الثورة بتتسرب من بين ايدينا .الثورة اتسرسبت ...

ضحكوا على الشباب الطاهر النقى ..

النهاردة قلت لنفسى ....لسا بدرى يامصر لسا فيه اشجار كتير فيكى عطشانة وكان نفسنا نرويها من نهر نيلك العظيم بعد ما نطهره لكن؟؟

الاشجار بدأت تشرب من دم ولادها .....بيجبروها تشرب دم ولادها .

رغم الحزن ورغم الألم ورغم الاحساس المر بالظلم .لكن؟؟

تبقى بارقة الأمل فى الله وحده .

لن يضيعنا .

ربنا اقوى .

مش وقته نقول مين اللى بدأ؟؟؟ ومين اللى نادى بالاعتصام؟؟ ومين نادى بالمظاهرات؟؟؟ ومش وقته نقول مكانش لازم يحصل ده ولا ده ولا ده..

خلاص.

اللى حصل حصل وخلاص ..

ولازم كلنا دلوقت نبقى ايد واحدة ........ضد مين؟؟

ضد كل اللى عاوزين نفس المنظومة القديمة تستمر .

ضد كل اللى مش عايزين المحاكمات تستمر ..

ضد كل اللى بيتعامل مع الشعب على انه حفنة من العبيد .

ضد كل المنافقين وكل اللى راكبين الموجة .

يارب احفظ بلدى .

يارب احفظ مصر وولاد مصر .

آسفة يا مدام سلوى لو حضرتك اتأثرت بمداخلتي

أنا كمان أثر فيه جدًا الموقف ده

مصر غالية على الناس البسيطة دي

و الناس اللي واكلة خيرها وناهباه..

مش هاين عليهم إن أهلهم يعيشوا بكرامة

عارفة شفت والد أحد شهداء يوم أمس

راجل بسيط بيشتغل في المعمار و إبنه الوحيد كان بيساعده في مصاريف البيت

الأب كان بيتكلم بمنتهى الهدوء و السكينة

و في الآخر قال حاعمل إيه يعني ؟

حاخد حقه لازم آخد حقه ربنا قال كدة .. قال مش فاكر الآية بس ربنا قال لا نسرف في القتل

و ما تسألنيش حاخد حقه إزاي ..بس حاخده

تفتكروا راجل بسيط زي ده حياخد حقه إزاي؟

[م تيمور المراغي]

بكرة حنحشد لمليونية في التحرير ان شاء الله

التجمع في مسيرات من المساجد الكبرى القريبة من الميدان بعد صلاة الظهر مباشرة

1 - السيدة زينب

2 - الفتح

3 - الاستقامة بالجيزة

4 - مصطفى محمود

انا حرتاح واحضر نفسي لمليونية بكره ان شاء الله الا لو حصل اجتياح للميدان كل شباب الحركة حينزلوا فورا

[عماد حمدي]

بعد نزول الإخوان اليوم بكل تقلهم هل سيتكرر هذا السيناريو ..

http://www.youtube.com/watch?v=5mXzccVepjg&feature=player_embedded

هل هذه خدعه من المجلس العسكري لسحب الإخوان إلى الميدان ؟؟!!

[م تيمور المراغي]

فيديو جدع ياباشا

http://www.youtube.com/watch?v=Uy6qF0-NPE4&feature=player_embedded

وشك باين في الكادر اوي يا باشا

حنشوف عين ام مين اللي حتطلع في الآخر يا باشا

[اثار]

رصد | ميدان التحرير | أعضاء مجلس نقابة الأطباء المتواجدون بالمستشفى الميدانى يناشدون أطباء الأعصاب بالقدوم للمستشفى و ذلك لوجود حالات كثيرة تعانى من تشنجات ناتجة عن نوع الغاز الجديد المستخدم من قبل قوات الأمن و كذلك هناك حاجة ماسة لأطباء الرمد #

[عادل أبو عمر]

حكومة شرف تتقدم باستقالتها للمجلس العسكري

[ام سلمي]

علي الجزيرة الحكومة قدمت استقالتها

لكن طبعا المجلس العسكري ممكن يرفض كالعادة

[pink rose]

ممكن سؤالين لو سمحتم

هو ليه الاخوة الثوار بيحاولوا يقتحموا مديرية امن اسكندرية دلوقتي؟؟؟

و ايه هو الرد المناسب من قبل قوات الامن لمنع الاقتحام دا؟؟؟؟

[عادل أبو عمر]

سبحان الله ما بيتعلموش حاجة

نفس سيناريو الهبوط

قانون العزل

تغيير الوزارة

هانت يا مصر

إنما النصر صبر ساعة