كل ما يخص جُمعة 18-11

[Abu Reem]

فاذا لم يستطيع الحفاظ على امن البلاد والعباد خلال هذه الفترة يبقى سحب الثقة منه بالذوق او بالعافية هو الخيار الوحيد

تمام يا بو ريم

اي تقصير من المجلس العسكري في توفير المناخ الآمن خلال كافة مراحل تسليم السلطه من الغد حتى ابريل 2012 سيؤدي الى سحب الثقة والشرعية منه تمام واعتباره لايمثل القيادة السياسية في مصر

طيب

ايه الحل عندك ساعتها اذا المجلس وافق ونشأ فراغ سياسي ودستوري

برافو عليك يا تيمور

سؤالك في منتهى الأهمية ، ولازم الجميع يضعه في الحسبان للوصول لسيناريو

يوحد الصفوف ولا يفرق اذا حصل ووصلنا لهذه المرحلة لان التناحر في مثل هذا الوقت لو حدث سيجعل السفينة تغرق بنا جميعا

- وعندي حل ممتاز لسؤالك ولكني لا استطيع طرحه الان إلا عندما يصبح هذا الامر قريب من الحدوث ويتم طرحه بشكل واسع

وبالتأكيد سأناقشه معك وقتها لكن المهم ان تتذكر فتح موضوع لهذا الامر الهام ولكن في وقتها وليس الان

تحياتي لك واتمنى لك التوفيق انت وكل المشاركين في الجمعة وخد بالك من نفسك

[Ahmed Anwer]

أنا أقترح الحل التونسي كالعادة

رئيس البرلمان يكون رئيس مؤقت

القوة السياسية الأكبر في مصر الأخوان المسلمين

قالوا إنهم هيدعموا المستشار الخضيري كرئيس للبرلمان

المستشار الخضيري شخصية توافقية تماما و محدهش يختلف عليه

و لا علي وطنيته و خبرته و ثوريته و نزاهته

بالرغم من إنه بيدور في فلك الأخوان

[م تيمور المراغي]

انا مش شايف لازمه اصلا اننا ونصرف مئات الملايين و ننتخب برلمان طويل عريض عشان ناخد منه 20 نفر وبعد كده نحله !!!

[م تيمور المراغي]

أبو الفتوح: مليونية الجمعة ليست اعتراضا على ''وثيقة السلمي'' فقط \\ الرباط الخاص بي

[م تيمور المراغي]

اقصد ان خلال هذه المليونية يتم التلويح بالتصعيد والتهديد بسحب الثقة من المجلس في حال عدم سيطرة المجلس والحكومة على الانتخابات باجراءها في موعدها في امان

تم الاتفاق بين شباب 6 ابريل و الشيخ حازم على سلسلة من التظاهرات يوم الجمعة من كل أسبوع تحت عنوان "الجمعة الحارسة"، و ذلك لضمان تأمين العملية الانتخابية و التواجد الأمني بها والتأكد من نزاهة الانتخابات في كل مرحلة من مراحل التصويت.

و أن الحركة حتوجه من خلال تظاهرات "الجمعة الحارسة" رسالة "بأننا لن نسمح بالتلاعب بأمن و إرادة الشعب المصري"، لان المسئولية الأولي و الأخيرة في تأمين العملية الانتخابية تقع علي عاتق المجلس العسكري و حكومة عصام شرف و من ثم فإن أية فوضي أو تراخٍ أمني في تأمين العملية الانتخابية يقع تحت مسئوليتهما المباشرة.

[عصام أبوالفتح]

اقصد ان خلال هذه المليونية يتم التلويح بالتصعيد والتهديد بسحب الثقة من المجلس في حال عدم سيطرة المجلس والحكومة على الانتخابات باجراءها في موعدها في امان

تم الاتفاق بين شباب 6 ابريل و الشيخ حازم على سلسلة من التظاهرات يوم الجمعة من كل أسبوع تحت عنوان "الجمعة الحارسة"، و ذلك لضمان تأمين العملية الانتخابية و التواجد الأمني بها والتأكد من نزاهة الانتخابات في كل مرحلة من مراحل التصويت.

و أن الحركة حتوجه من خلال تظاهرات "الجمعة الحارسة" رسالة "بأننا لن نسمح بالتلاعب بأمن و إرادة الشعب المصري"، لان المسئولية الأولي و الأخيرة في تأمين العملية الانتخابية تقع علي عاتق المجلس العسكري و حكومة عصام شرف و من ثم فإن أية فوضي أو تراخٍ أمني في تأمين العملية الانتخابية يقع تحت مسئوليتهما المباشرة.

مستحيل ان يسمح بالتظاهر اثناء الانتخابات .. هذا بديهيى ... لانها فرصة كبيرة للاحتكاكات بين انصار المرشحين وبالتالى توريط المجلس والحكومة ( هدف لاعب العرائس الاول )

اتمنى ان تختفى ظاهرة الميكروفونات الصاخبة .. وان تكون تجمعات الدعاية الانتخابية بسرادقات محددة وبإذن من الداخلية وتحت عينيها

[م تيمور المراغي]

صباح الحرية والنضافه

جلال عامر :

جرب وأخبرنى بالنتيجة.. حاول أن تذبح أرنباً ثم تسلخه ثم تقطعه «حتت» وتضعه فى حلة على النار وعندما يغلى الماء قل للأرنب فى الحلة إن الانتخابات المقبلة نزيهة سوف تلاحظ أن أجزاء الأرنب قد تجمعت وارتدى «الفرو»، ثم أخرج صوتاً سكندرياً طويلاً من أنفه.. ادعك يد الأرنب بالحبر الفسفورى لأنه أدلى بصوته.........جلال عامر

[م تيمور المراغي]

رأينا دلوقتي هو استبدال وثيقة الازهر بدون زيادة او نقصان لكي تحل محل وثيقة السلمي كمواد حاكمة فوق دستوريه ,,

ايه رأيكم ؟؟

[م تيمور المراغي]

الحقوا العسكر غدروا بالاخوان وباعوهم !

آدي آخرة اللي يسكت عن الظلم لمطامع شخصية

[عماد حمدي]

الحقوا العسكر غدروا بالاخوان وباعوهم !

آدي آخرة اللي يسكت عن الظلم لمطامع شخصية

أنته لسة مُقتع يا تيمور إن الإخوان ركبوا الثورة و كمان نزلوا تاني و لا تالت يوم !!

طيب شوف الفيديو دا ..

د. عصام العريان يعلن موقف الإخوان الرسمي من المشاركة في مظاهرات 25يناير ،

** تاريخ رفع الفيديو 23 يناير 2011

http://www.youtube.com/watch?v=Avh_th-Rtds&feature=player_embedded

بعدين المجلس العسكري نفسه قال

كما أكد المجلس على أنه يقف على مسافة واحدة من كل القوى السياسية رغم الاتهامات التي وجهت له بالتواطؤ مع الإخوان المسلمين[/quote]

و الإخوان برده بتقول إتهامات .. الإتهامات دي بقا مصدرها مين و لية و علشان إية و مصلحته في كدة إية بالظبط ..

6 إبريل اللي بتقولوا الحقيقة ياعني ..!!

تيمور كن شوية من الإخوان اليومين دول اللي علي راسه باطحة ( أقصد 6 إبريل ) ..

بلاش علشان منطلعش المستخبي !!

تم تعديل 17 نوفمبر 2011 بواسطة omda2006

[م تيمور المراغي]

فيه فرق بين مكتب الارشاد المعروف انه ميكيافييلي آخر حاجه وبين شباب الاخوان المسلمين اللي عانوا اشد المعاناه وانا اعرفهم يا عمده اكتر منك معرفة شخصية وقابلتهم من 3 اسابيع في التحرير واقدر اقول لك انهم غير راضيين تماما على ممالئة مكتب الارشاد للعسكر و لهفتهم المستميته على الكرسي مهما كانت التنازلات

اما موضوع البطحات دي فعيب عليك انت اكبر من كده

[م تيمور المراغي]

اللعبة العبيطه اللي حيلعبها المجلس العسكري الليله وآخر كارت حيرميه قبل مليونيتنا بتاعت بكره

وثيقة السلمي (استرشادية) وليست ملزمه !

[م تيمور المراغي]

ده على اساس اننا نازلين عشان الوثيقة !

طيب

على المجلس العسكري ان يلتزم بوعده الذي قطعه على نفسه في مارس 2011 بإجراء الانتخابات الرئاسية بعد البرلمانية مباشرة و تسليم السلطة في موعد أقصاه أبريل 2012 وكتابة الدستور في وجود سلطة مدنية منتخبة والا .....

[عماد حمدي]

فيه فرق بين مكتب الارشاد المعروف انه ميكيافييلي آخر حاجه وبين شباب الاخوان المسلمين اللي عانوا اشد المعاناه وانا اعرفهم يا عمده اكتر منك معرفة شخصية وقابلتهم من 3 اسابيع في التحرير واقدر اقول لك انهم غير راضيين تماما على ممالئة مكتب الارشاد للعسكر و لهفتهم المستميته على الكرسي مهما كانت التنازلات

اما موضوع البطحات دي فعيب عليك انت اكبر من كده

مهو علشان أكبر من كدة .. أديني ساكت :)

بص يا تيمور .. المجلس العسكري لية دلوقتي تحديداً طلّع تصريح زي دا ؟؟؟

مفيش غير الإنتخابات و خوفهم من إكتساح الإخوان لان عارفين شعبيتهم عاملة إية في الوقت الحالي ..

و عارفين ان نسبة كبيرة من السلفيين هتصوّت للإخوان ..

و عارفين و شايفين كبار الشخصيات السلفية و خُطبهم انه ينتخبوا الإخوان علشان هم أكثر خبرة ..

كل المؤشرات دلوقتي بتصُب في مصلحة الإخوان ..

تصريح المجلس العسكري في الوقت دا بقا تفسيرة إية ؟؟ أنته أكثر مني خبره في تحليل الأمور السياسية اللي بالشكل دا .. و أنا مستمعلك ..

[م تيمور المراغي]

الاخوان انت شايفهم كده يا عمده عشان بتحبهم

انما المراقبين المحايدين اللي ما لهمش مطامع انتخابيه زي 6 ابريل و غيرهم ليهم مآخذ كثيره على ردود افعال الاخوان من بعد الاستفتاء لحد انهارده و بلاش تستهين لا بالسلفيين ولا بالليبراليين ولا حتى بحزب الكنبه لانهم برضوا مش عاجبهم ان الحرية والعدالة نزلت فلول على قوائمها والاسماء عندي ودي كانت سقطه كبيره اوي انهم ينزلوا اعداء الثورة على قوائمهم الانتخابية عشان يوصلوا للكرسي باي ثمن

عموما ده مش موضوع التوبيك بتاعنا انا دماغي كلها في مليونية بكره وبس

بالمناسبه انت نازل التحرير بكره ولا بره مصر ؟؟

[عماد حمدي]

الاخوان انت شايفهم كده يا عمده عشان بتحبهم

انما المراقبين المحايدين اللي ما لهمش مطامع انتخابيه زي 6 ابريل و غيرهم ليهم مآخذ كثيره على ردود افعال الاخوان من بعد الاستفتاء لحد انهارده و بلاش تستهين لا بالسلفيين ولا بالليبراليين ولا حتى بحزب الكنبه لانهم برضوا مش عاجبهم ان الحرية والعدالة نزلت فلول على قوائمها والاسماء عندي ودي كانت سقطه كبيره اوي انهم ينزلوا اعداء الثورة على قوائمهم الانتخابية عشان يوصلوا للكرسي باي ثمن

عموما ده مش موضوع التوبيك بتاعنا انا دماغي كلها في مليونية بكره وبس

بالمناسبه انت نازل التحرير بكره ولا بره مصر ؟؟

وجهة نظر برده ..

خد دي بمناسبة الفلول ..

و للأسف يا تيمور أنا برة مصر من قبل الثورة ب 8 شهور و لحد دلوقتي منزلتش :)

[عماد حمدي]

بيان | د.صفوت حجازى | دعوة للنزول إلى الميدان رفضاً للوصاية ومطالبةً بتسليم السلطة قبل منتصف2012

يدعو الدكتور صفوت حجازي جميع المصريين الثوار الشرفاء للنزول إلى ميدان التحرير يوم الجمعة 18 / 11 نصرة لثورتنا المباركة ، ورفضا لمبدأ الوصاية على الشعب المصري بوضع وثيقة للمبادئ الدستورية ، ووضع شروطا لاختيار الجمعية التأسيسية ، وكذلك رفضا كاملا لسياسة المجلس الأعلى للقوات المسلحة في إدارة البلاد التى لم تحقق شيئا للبلاد إلى الآن ، ومطالبا المجلس بجدول زمني لتسليم البلاد إلى رئيس منتخب في موعد أقصاه شهر يونية 2011 ، ورفضا لمحاكمة المدنيين أمام المحاكم العسكرية ، واعتراضا شديدا على إتاحة الفرصة لفلول الحزب المنحل في المنافسة على مقاعد البرلمان ، فقد طف الصاع وفاض الكيل من صبرنا على المجلس العسكري . وليعلم الجميع أن الثورة مازالت مستمرة ولن يكون هناك إعادة أبدا للنظام القديم في شكل جديد

وندعو الثوار جميعا إلى تناسي الخلافات ووضعها جانبا والعودة إلى أخلاق الميدان . عاشت مصر حرة ودامت ثورتنا حتى النصر

[م تيمور المراغي]

ترجع بالسلامه يا عمده

انا عارف انهم سحبوا مرشح كفر الشيخ لان الموضوع من اول يوم اتعرف وزمايلنا هناك فضحوا الدنيا لكن عندي اتنين كمان نازلين اساميهم ماتشالتش لو ليك اتصال بقيادات الحريه والعداله اديهم الاسماء دي وقتها ياسيدي يبقى عداهم العيب و أزح :happy:

ناصر محمود عباس

سامي سلامه

تحيتي ,,

[عماد حمدي]

د.مصطفى النجار "أحد مؤسسي حزب العدل" | أقولها للتاريخ: بعض الأطراف الليبرالية ذهبت للمجلس العسكرى لتأجيل الانتخابات وطلبت وضع مواد محددة تضمن دور استثنائى للمؤسسة العسكرية كى تقبل بتمرير الوثيقة الفوق دستورية، وهذا كلام متداول فى الوسط السياسى

[م تيمور المراغي]

مأخذ اخير يا عمده هو تهديد مكتب الارشاد بفصل اي اخواني لا ينتخب قوائم و مرشحي الحرية والعدالة !