كل ما يخص جُمعة 18-11

[عماد حمدي]

فى تفسيرى لما يحدث فى شارع محمد محمود وليس ميدان التحرير

بحاول ابعد شبح هذة الفكرة ولكنه تدور فى راسى من الامس وتتاكد كل يوم

هى وجود انقلاب داخلى غير معلن بين الجيش والشرطه

الشرطة طول عمرها غبيه

بس مش ممكن الجيش يكون بالغباء المستحكم دة

التعليق في توقيعي يا فندم برجاء الإطلاع و التمعن جيداً ..

[عادل أبو عمر]

فى تفسيرى لما يحدث فى شارع محمد محمود وليس ميدان التحرير

بحاول ابعد شبح هذة الفكرة ولكنه تدور فى راسى من الامس وتتاكد كل يوم

هى وجود انقلاب داخلى غير معلن بين الجيش والشرطه

الشرطة طول عمرها غبيه

بس مش ممكن الجيش يكون بالغباء المستحكم دة

تحياتي لحضرتك

احتمال وارد و ممكن يفسر لغز عدم قدرة المجلس على وقف العنف من جانب الشرطة في هذه النقطة

لكن هذا الاحتمال يتصادم بشدة مع العلاقة المحرمة التي فضحتها الكاميرات بين الجيش و الشرطة في إهانة الشعب المصري و قتل و سحل أبنائه ووصلت الأمور لانتهاك حرمة الموتى و إلقائهم في القمامة بيد من جيش و يد من شرطة

كل الاحتمالات واردة لكن أنا نفسي فعلا أن يبتعد الثوار فورا عن هذه النقطة لأن الميدان واسع ويحتاج هذا المجهود الجبارالذي يستنزف في مواجهة قوة عسكرية مدربة .

[اثار]

رصد | محمد سليم العوا على لـ سى بى سى

** هناك مجموعة من علماء الازهر يحاولون اقامة هدنة مرة اخرى للفصل بين المتظاهرين والامن .

** لابد من اتمام الانتخابات بسلام حتى لاتحدث كارثة فى مصر لأن هناك الكثير من المتربصبن بمصر

[se_ Elsyed]

الشيخ مظهر شاهين على قناة CBC

تم التوصل لاتفاق مع الداخلية على قيام شركة المقاولون العرب ببناء حائط خراساني لإغلاق شارع محمد محمود للحد من المواجهات فيه

أنا سمعت قبل كده عن الحلول السياسية أو العسكرية

لكن الحلول الخرسانية جديدة عليه

ويا ترى هايبنوا برضوا حوائط صواريخ في كل المحافظات ؟

يا سادة يجب ان يكون هناك حلاً سياسياً عاجلاً يوقف هذا النزيف مش خرسانة وأسمنت وكلام من ده

[Handasah]

هاتو القناة الاولى لقاء لبعض اعضاء المجلس العسكرى مباشر وتعليق على الاحداث

[se_ Elsyed]

أدي الحلول الفورية العاجلة مش تقولي خرسانة وخطاب للمشير وكلام من ده

"الأوقاف" ترسل 5 سيارات نقل موتى و150 كفناً إلى التحرير

متشكرين يا أوقاف

[se_ Elsyed]

في ظل الحديث عن إستفتاء ... ولا إنتخابات نكشكشها ولا نعرضها ...

ما فكرش المجلس يقفل شارع محمد محمود زي ما قافل شارع ريحان اللي فيه الوزارة من اول يوم ؟

ما فكرش ينزل عقلاء إلى الميدان يطمنهم إن دم المصري غالي وكل من أخطا هايتحاسب فوراً ؟

انا باهيس طبعاً .. لان اللي بيحكم عمل كذا مؤامرة عشان يوصل البلد لهذه الحالة .. واخرها احداث ماسبيرو من 50 يوم

والدليل ؟

هل يتوقع عاقل في الدنيا إن النهاردة

واخدين بالكم .. النهاردة فقط تم تحويل التحقيقات العسكرية في احداث ماسبيرو إلى النيابة العسكرية ؟

أما مش مصدق ... هما مين دول ؟

مصريين زيينا ولا يهود بيحكمونا ؟

50 يوم على دبح 27 مصري ولسه جاي تتحرك ؟

طب هل مش من حقي اعرف مين غلطان في حادث زي ده عشان ياخد جزاءة العادل والعاجل ؟

وكيف تُحيلها إلى القضاء العسكري والعسكر نفسهم طرف في الخلاف والجريمة سواء كانوا ابرياء ام مدانون ؟

حد يحلها لي يا جماعة لو سمحتم ؟

[سكر]

الشيخ مظهر شاهين على قناة CBC

تم التوصل لاتفاق مع الداخلية على قيام شركة المقاولون العرب ببناء حائط خراساني لإغلاق شارع محمد محمود للحد من المواجهات فيه

لما يكون كيلو متر واحد مقطع البلد جيش وشرطة وشعب

امال هيعملوا ايه فى مليون كيلو متر مربع

[se_ Elsyed]

اللواء العصار على التليفزيون المصري : المجلس العسكري يقدم أسفه على ما حدث في التحرير

يا عم غور إنت كمان الله يحرق قلبكم زي ما حرقتوا قلب كل المصريين ....

أنتم إمتداد لمبارك بكل حذافيرة ...

[ViralMind]

فى تفسيرى لما يحدث فى شارع محمد محمود وليس ميدان التحرير

بحاول ابعد شبح هذة الفكرة ولكنه تدور فى راسى من الامس وتتاكد كل يوم

هى وجود انقلاب داخلى غير معلن بين الجيش والشرطه او داخل الشرطة نفسهاعلى الاقل

الشرطة طول عمرها غبيه

بس مش ممكن الجيش يكون بالغباء المستحكم دة

ده احتمال وارد فعلا.. ايه اللى طالق ايد الشرطة قوى كده..

[عادل أبو عمر]

الشيخ مظهر شاهين على قناة CBC

تم التوصل لاتفاق مع الداخلية على قيام شركة المقاولون العرب ببناء حائط خراساني لإغلاق شارع محمد محمود للحد من المواجهات فيه

أنا سمعت قبل كده عن الحلول السياسية أو العسكرية

لكن الحلول الخرسانية جديدة عليه

ويا ترى هايبنوا برضوا حوائط صواريخ في كل المحافظات ؟

يا سادة يجب ان يكون هناك حلاً سياسياً عاجلاً يوقف هذا النزيف مش خرسانة وأسمنت وكلام من ده

سمعت الدكتور مجدي دلوقتي بيقول إيه على نفس القناة

تاني شهادة ع الهوا في بتقولك الولاد بيهاجموا الشرطة في الشارع ده

ده دكتور بيعمل عمليات في الميدان

الخرسانة دلوقتي بتفهم أحسن من عقول كتير مش عايزة تحل و لا تربط

[se_ Elsyed]

فى تفسيرى لما يحدث فى شارع محمد محمود وليس ميدان التحرير

بحاول ابعد شبح هذة الفكرة ولكنه تدور فى راسى من الامس وتتاكد كل يوم

هى وجود انقلاب داخلى غير معلن بين الجيش والشرطه او داخل الشرطة نفسهاعلى الاقل

الشرطة طول عمرها غبيه

بس مش ممكن الجيش يكون بالغباء المستحكم دة

ده احتمال وارد فعلا.. ايه اللى طالق ايد الشرطة قوى كده..

بسم الله الرحمن الرحيم ...

الإجابة : مجلس مبارك طبعاً

في تعليق جميع الذين حضروا إجتماع عنان امس مع القوى السياسية أفادوا إنه لما دخل عليهم الإجتماع كان غضبان جداً من الهجوم والتشكيك في القوات المسلحة

بقى يا إبن الــــــ زعلان قوي على كرامة الجيش ومش زعلنا على عشرات الأرواح التي أزهقتوها ؟؟؟؟؟

[متعب]

الناس دى بتلعب فى الوقت الضايع وشكل الدخليه عاوزة تعدم العسيوى

فلول النظام فى الداخليه عاوزين يموتوا الشعب المصرى ويضحوا بالعسوى العبيط ده وانتهت القصه بالنسبالهم

حسنى طنطاوى مبارك . بيتربص بالشعب المصرى ومدكن يجى ميت اجنده واجنده للشعب المصرى لانتقام منه

وال بيساعده على ده التيارات الدنيئه دى

الشباب فى التحرير واقف عقبه امام تنفيذ الاجندات بتاعتهم

والمطلوب من التحرير انه يمشى عشان اكتمال تفريغ الثورة والقضاء على مصر وانشغالهم بانتخابات عبيطه فى المجلس السورى ال عوزين يعملوه

[se_ Elsyed]

العصار والأخ اللي معاه على الفضائية المصرية سايبين البلد كلها ومركزين على الأستفتاء

من غير يمين يا جماعة صاحب فكرة الإستفتاء دي لازم يكون من تربية عُمر سليمان أو حد متربي في تل أبيب .. يكفي أن نعرف أن تلك الفكرة لم تكن مطروحة على أجندة التهدئة مع القوى السياسية واخترعوها لطنطاوي اللي طلع رمى لنا الكلمتين زي ما يكون مبرشم

[se_ Elsyed]

مش ملاحظين حاجة ؟

في عز أحداث يناير ... او احداث نوفمبر المكملة لها واللي بإذن الله ستنتهي بإنتصار إرادة الشعب المصري الأقوى من الجميع ... مش ملاحظني غياب تام لجهاز هام جداً لا نشكك في نزاهته وقدراته .... وهو جهاز المخابرات العامة ؟

هما فين ويا ترى دورهم إيه في مثل تلك الأحداث ؟

الاهم ... بقى قوات الصاعقة والقوات الخاصة ومكافحة الشغب ما تنفعش تنزل تسيطر على الوضع .. من ناحية الفصل بين المتظاهرين وبين كلاب الامن المركزي بما لديها من قدرات غير عادية ؟

أنا اسف ... أنا لسه باهيس لأن كل إفتراضاتي وتساؤلاتي مبنية على أساس إن عندنا إدارة عندها ضمير وعاوزه تحل الموضوع

[se_ Elsyed]

تابع تهييسات اللواء العصار وتابعة حجازي

حجازي: القوى الوطنية أكدت أنه إذا سلمنا السلطة خلال 6 شهور سنسلم السلطة لأشخاص غير جاهزين لإدارة البلاد

نفس منطق مبارك ... أصل هايجيب منين مخ أو حكمة

نفس المنطق الفوقي والإستعلاء .... ما فيش حد غيرهم بيفهم ولا بيخاف على البلد ومافيش مخلوق فيكي يا جمهورية مصر العالمية يقدر يحكم البلد دي

هل في حد في مصر .. واحد بس عنده أدنى شك على تواطا هؤلاء الحثالة ؟

[طبيبة بالخارج]

عندي نظرية كالآتي:

1- مع ثورة 25 يناير كانت الخطة مش مسألة غباء و بطء رد الفعل من مبارك كان مقصود منه ترك الناس حتى تضيق بهم الطرق و يكون الجيش املهم في التخلص من مبارك و يرجبون بالمجلس العسكري اللي طبعا متفق مع مبارك على حمايته من اي محاكمات و كذلك باقي النظام السابق و هم من ضمنه فتخيلوا لو كان مبارك فعل مثل على زين العابدين و هرب؟ اكيد لم نكن لنقبل بصعود المجلس العسكري مكانه

2- تخريب البلد لمدة اشهر و كسر روح الثورة بمواقف عديدة

3- لما حانت لحظة الانتخابات و بدء تسليم السلطة و بالتالي ستخرج الامور من ايدي المجلس و من وراءه أمريكا و اسرائيل طبعا يعني لازم يتأكدوا من وصول الاسلاميين للحكم أو أي شخص غير مضمون و معروف ولائه للغرب و رجال النظام السابق او على الاقل ضمان حمايتهم من المحاكمات الحقيقية

و طلع الحل بإستفذاذ الناس بضربهم بمنتهى الوحشية و ياريت كمان لو نزل الاخوان رسمي عشان يكرهوا الناس التي تدعى بالكتلة الصامتة فيهم و يقولوا لهم شوفتوا الاخوان عايزين يولعوها و مش بعيد عايزين يمسكوا الحكم بدون انتخابات

و بعد كده زي ما حصل مع مبارك بالضبط بس المرة دي حيسلموا الحكم لحد مربطين معاه و ضامنين ولاءه و ينزل على الناس ببراشوط

جايز نظريتي تكون غلط و يا ريت تطلع غلط

[Om Zayd]

مراسل قناة الحكمة بينقل عن السيد البدوي انه مكلف من عنان بتشكيل الحكومة الجديدة

[Om Zayd]

العيسوي نفى صحة الحوار الذي نشرته الوفد معه جملة و تفصبلا

نفى تماما إطلاق النار على المتظاهرين و استهداف الرأس

نفى تماما انهم البادئين بالعدوان حتى في أحداث شارع محمد محمود و انهم كلما سعوا للتهدئة فوجئوا بهجوم عليهم

(طبعا مرفق بكلامه فيديو لأطفال شوارع يهاجمون الجنود

و طبعا بيتهم طرف ثالث بإشعال الأمور

اللطيف جدا بقى كلامه عن الغاز المستخدم

و انه ارسل عبوات من النوعين المستخدمين الى وزارة الصحة لتحليلها و صدر بيان وزير الصحة انها ليست مثيرة للأعصاب

و مش مهم الآثار الكارثية اللي شفناها.. دي من العبوات "السيئة" اللي هربها "الطرف الثالث" و اللي متسجلة في محضر رسمي .. (واحد بلغ انه وصل واحد تاني معاه صندوق مشبوه

حكاية الصلاحية .. فطبعا هو مقتنع ان انتهاء الصلاحية معناه ان مفعولها اقل

(مش مهم بقى نواتج التكسير اللي بتكون السبب في سمية مواد كثير بعد انتهاء صلاحيتها

بعد هذا الحوار و رغم ثناء العيسوي و اعضاء المجلس على "الثوار الحقيقيين" الشرفاء

انتظروا المواطنين الشرفاء

ربنا يستر و ينير بصائرنا

[ابو محمود]

عندي نظرية كالآتي:

1- مع ثورة 25 يناير كانت الخطة مش مسألة غباء و بطء رد الفعل من مبارك كان مقصود منه ترك الناس حتى تضيق بهم الطرق و يكون الجيش املهم في التخلص من مبارك و يرجبون بالمجلس العسكري اللي طبعا متفق مع مبارك على حمايته من اي محاكمات و كذلك باقي النظام السابق و هم من ضمنه فتخيلوا لو كان مبارك فعل مثل على زين العابدين و هرب؟ اكيد لم نكن لنقبل بصعود المجلس العسكري مكانه

2- تخريب البلد لمدة اشهر و كسر روح الثورة بمواقف عديدة

3- لما حانت لحظة الانتخابات و بدء تسليم السلطة و بالتالي ستخرج الامور من ايدي المجلس و من وراءه أمريكا و اسرائيل طبعا يعني لازم يتأكدوا من وصول الاسلاميين للحكم أو أي شخص غير مضمون و معروف ولائه للغرب و رجال النظام السابق او على الاقل ضمان حمايتهم من المحاكمات الحقيقية

و طلع الحل بإستفذاذ الناس بضربهم بمنتهى الوحشية و ياريت كمان لو نزل الاخوان رسمي عشان يكرهوا الناس التي تدعى بالكتلة الصامتة فيهم و يقولوا لهم شوفتوا الاخوان عايزين يولعوها و مش بعيد عايزين يمسكوا الحكم بدون انتخابات

و بعد كده زي ما حصل مع مبارك بالضبط بس المرة دي حيسلموا الحكم لحد مربطين معاه و ضامنين ولاءه و ينزل على الناس ببراشوط

جايز نظريتي تكون غلط و يا ريت تطلع غلط

نسيتى حاجة مهمة اظهار وثيقة السلمى القنبلة لتفريق الصف وقتل من يتوهمون او يظنون انة سيكون مكتسح للبرلمان والاغلبية