كل ما يخص جُمعة 18-11

[aimen]

الحائط السد في محمد محمود The separating wall in Mohamed Mahmoud #Tahrir

[الغريب]

تويته لأحد النشطاء

لا تعليق

[ViralMind]

الحائط السد في محمد محمود The separating wall in Mohamed Mahmoud #Tahrir

طيب هما متجمعين عنده تانى ليه؟ مش فاهم؟

ما يرجعوا الميدان و تفضل مجموعة قليلة قوى للمراقبة و خلاص.. و اهم واقفين عالسور اهو..

ولا عايزين ينطوا فوق السور و يعدوه؟

[mfarag]

تويته لأحد النشطاء

لا تعليق

دة المنطق الجديد

انا صح و الاخرين خونة

انا اطبق ما اراة كقانون و القانون لا يطبق على

وهكذ

ربنا يرحمنا

[ابوهنا]

طبعا ثوار التحرير اغلق عليهم شارع محمد محمود والذى كانت تقوم فيه الشرطه بمهاجمتهم بالغازات الغير مرئيه

اغلق شارع محمد محمود

اعتقد ان الشرطه والمجلس العسكرى والفلول سوف يرسلوا اليله اطباق طائره من السماء لسحل المتظاهرين العزل الذين لايوجد معهم غير الحجاره والمولوتوف

واتحداكم انه سوف تظهر تمثيليه اخرى اليله لاننا تعودنا عليعم الكذب

وماحدش يتنرفز راجع تصريحات احد اعضاء مايسمى ائتلاف الثوره من يومين قال ان هناك الاف القتلى فى شارع محمد محمود

نحن فى مفترق طرق

لابد ان تتم الانتخابات حتى يهمش دور هؤلاء

لانه لو استمر لهم دور فلن تكون هناك دوله

[مغتربة]

كلنا نعمل شير عشان يعرفوا أنهم لا يمثلوا 1 % من صوت الشعب المصرى

يعنى كل الاستفتاءات الى محطوطه فى الخبر اقل نسبه تاييد فيها لرحيل المجلس العسكرى حاجه و عشرين فى الميه

و اغلبها يتراوح فى العشرينات للثلاثينيات

يعنى حوالى من ربع لثلث الناس موافقه على رحيل المجلس العسكرى فورا

دا طبعا بخلاف ان اغلب الناس المعترضه حقيقى موجوده فى التحرير دلوقتى و مش فاضيه انها تدخل تشارك فى استفتاءات زى دى

يبقى ازاى بقى تنقلب الايه بقدره قادر لان الى عايزين المجلس يمشى فورا مبيمثلوش اكتر من 1% من الشعب المصرى !!!!!

و عمار يا مصر كان النتيجه دى هى السبب فى فتح عكا

طبعا كلامى مش هيتطرق لفكره المواقع الى الاستفتاءات دى عليها و على الياتها و لا اى حاجه

مش عارفه من مصلحه مين تحويل الموضوع ليصبح كما لو كان معركه حربيه

ربنا يعين

و حضرتك بردة نسيتي تقولي الناس اللي مش بتعرف تستخدم النت الأهالي البسيطة الي في البيوت الناس اللي في العشوائيات !

علي الأقل لو اللي في الميدان مثقفين معروف عددهم كام دلوقتي حالاً ..

أما اللي في البيوت و لا يجيدوا استخدام النت فهوم أكثر بكثير جداً جداً جداً ..

تحيــاتي ،،

و منين حضرتك جزمت انهم لو اتيح لهم التصويت

هيصوتوا لبقاء المجلس العسكرى

انت عديت عليهم و سالتهم واحد واحد ؟

لو ضد المجلس العسكري كان زمانهم موجودين في التحرير دلوقتي مع الثوار :) و لا إية ؟؟؟؟

حضرتك مش شايفة كام واحد في التحرير دلوقتي و أغلبهم أعمارهم ما بين 15 : 20 سنة حسب روايات شهود العيان ..

لو الناس اللي بتكلم عليها كانوا ضد المجلس علي الأقل هنلاقيهم في التحرير !

عاماً ربنا ينصر مصر و يعمل اللي فيه الخير ..

مش شرط

طيب ما الى صوتوا فعلا فى الاستفتاءات دى برحيل المجلس العسكرى

الى هما تقريبا حوالى ربع المصوتين

برضه اغلبهم مش فى التحرير دلوقتى و لا ايه :)

أهو لما راح يتغدى و ياكله لقمه في البيت قعد ع الفيس بوك و لا المنتديات و داس لايك لطرد امجلس العسكري

و نزل كمل جهاد

ياعني عايزة تقنعيني ان الناس اللي في الميدان دي

مش بتروح بيتها أبداً و نايمين واكلين شاربين في الميدان

هقولك دليل أكتر من عضو معانا هنا قال باللفظ انا كنت في الميدان و جاي اريح شوية

و انزل تاني و بيدخلوا علي النت عادي جداً و طبيعي هيشوفوا الاخبار دي ! يعرفوا هما وصلوا لحد فين بجهادهم دا

و إلا بقا الناس اللي في الميدان دي مش بتستحمى و ريحتها عفنت طالما محدش فيهم بيروح بيته !

طيب هياكل و يشرب منين و يصرف منين و يريح جسمه إزاي علشان يقدر يواصل الجهاد بتاعه !؟

و لا إية :)

يعنى المفروض اقتنع ان واحد راجع من التحرير عايز يستريح و لا يطمن على اهله

و لا يدخل مواقع علشان يناقش و يوضح الحقيقه للناس

هيسيب كل دا علشان يروح يصوت فى استفتاءات لا معنى لها و لا اهميه لها

الا عند من يتلقوها بحراره و يحولوا بقدره قادر حوالى 30 % لاقل من واحد فى الميه من الشعب زورا

و المشكله ان الناس تنقل عنهم و مفيش مشكله و عمار يا مصر فزنا فى غزوه الاستفتاء على اليوم السابع و لا الوفد!!!!!!!!

الجهاد بتاعهم جهاد حقيقى بيكون فى دم و ارواح ممكن تروح فى لحظه

مش جهاد ضغطه على زر استفتاء ملوش اى وزن فى المعادله الى حاصله دلوقتى و ممكن اصوت فيه ميت مره عادى من غير مشكله

سواء لان الموقع يقبل التصويت المتعدد او ببساطه لانى مسحت الكوكيز او بستخدم برنامج مخفى للاى بى

و برضه و لا ايه ؟

[الغريب]

نحن فى مفترق طرق

لابد ان تتم الانتخابات حتى يهمش دور هؤلاء

لانه لو استمر لهم دور فلن تكون هناك دوله

طيب شوف أثنين من النشطاء رأئيهم أيه في الكلام ده يا أبو هنا

[aimen]

الحائط السد في محمد محمود The separating wall in Mohamed Mahmoud #Tahrir

طيب هما متجمعين عنده تانى ليه؟ مش فاهم؟

ما يرجعوا الميدان و تفضل مجموعة قليلة قوى للمراقبة و خلاص.. و اهم واقفين عالسور اهو..

ولا عايزين ينطوا فوق السور و يعدوه؟

بالراحة علينا يا عم viral mind

الدكاترة عاملين حائط بشرى ...علشان اى حركة خيانة من الشرطة ...وانت سيد العارفين جيشنا وشرطتنا حاميين المتظاهرين من الكاثنات الفضائية والطرف الثالث

الصورة دى يمكن توضح اكثر

[mfarag]

نحن فى مفترق طرق

لابد ان تتم الانتخابات حتى يهمش دور هؤلاء

لانه لو استمر لهم دور فلن تكون هناك دوله

طيب شوف أثنين من النشطاء رأئيهم أيه في الكلام ده يا أبو هنا

سيدى الفاضل

للاسف ارى اننا ان اجلا او عاجلا

سيتم صدام بين النظام و اللا نظام

مهما كان هذا النظام حتى لو كان البرادعى او حازم رئيسا و كانت الحكومة من خلاصة الثوار

بين شرعية الدولة و شرعية الميدان

[ViralMind]

بالراحة علينا يا عم viral mind

الدكاترة عاملين حائط بشرى ...علشان اى حركة خيانة من الشرطة ...وانت سيد العارفين جيشنا وشرطتنا حاميين المتظاهرين من الكاثنات الفضائية والطرف الثالث

الصورة دى يمكن توضح اكثر

طيب انا هسيبك تبص فى الصورة و تقول لى ايه اللى ملاحظه من كل ناحية من السور..

[رضوي]

بين مؤيد ومعارض للمجلس العسكري

فاكرين حملة أنا آسف ياريس ؟؟؟

والناس اللي كانت متعاطفة مع مبارك ومش عايزاه يمشي وراضيين بالوضع اللي هما فيه ( مع ان وضعهم سيء ومش م عليّة القوم )

النهاردة عندنا نفس النماذج دي ....... متعاطفين مع الجيش جداً ( مافيش فرق عندهم اصلا بين الجيش والمجلس العسكري )

وشايفيين ان المتظاهرين دول مش كويسين وبيخربوا البلد

وشايفين ان كل اللي في الميدان بيدور على مصلحته الشخصية اما علشان الانتخابات ........ أو بيحملوا أجندات خارجية ( ايوة لسة الاجندات والكشاكيل موجودة عادي جداً )

حالفني الحظ - قصدي لسوء الحظ - اني اجتمعت مع مجموعة من النموذج دة ........... الناس اللي مش عارفة هما عايزين ايه وليه

اتكلمنا - أو بمعنى ادق افتح مواضيع واسيبهم يتكلموا واسمع انا - عن القوى السياسية في مصر ومين اصلحهم لتولي السلطة في الوقت الحالي ؟؟؟؟

وكانت الكارثة............. ماحدش في مصر يصلح اصلا .......... ليه ياجماعة ؟؟؟

- الاخوان مايعرفوش حاجة وناوين يوقفوا السياحة في مصر لأنها حرام وكمان بتوع مصلحتهم وممكن يبيعوا البلد اصلا علشان مصلحتهم وبيستخبوا ورا الدين

- السلفيين متشددين اوي ومايعرفوش سياسة خالص وناويين يخلوا الستات تقعد في البيت وماتشتغلش

- العلمانيين ياساتر يارب دول بيفصلوا اسياسة عن الدين خالص وممكن يعملوا اي حاجة حرام علشان السياسة

- العسكريين ماينفعوش يحكمونا لأن الحكم مدني وليس عسكري وهما مالهومش في الحياه السياسية

* دة رأيهم هما انا ماليش دعوة ماحدش يتخانق معايا

طيب يااخوانا انتوا عايزيين ايه ؟؟؟؟؟؟؟؟

- احنا عايزين واحد زي جمال عبد الناصر يحكم البلد دي بايد من حديد

( ومع احترامي وتقديري لجمال الا اني لسة مش فاهمة )

اصل لو كان جمال هنا كان قتل كل المتظاهرين دول وريحنا منهم خلينا نعرف نعيش بقى

(اااااااااااااااااااه فهمتكوا انتوا اساسا عاجبكم حال البلد كدة ............. انا بقى بخاف على صحتي ومابحبش انرفز نفسي علشان صحتي بالدنيا يعني )

- اصل العيال بتوع الفيس بوك دول عيال فاضية ........... دول لو وراهم مسئولية ماكانوش راحوا وقعدوا في التحرير ......... حد يقف قدام الشرطة ؟؟؟؟؟؟ ماهما الغلطانين

( اممممممممممم فعلاً .......... نفس الكلام اللي كان بيتقال في بداية الثورة )

طيب يمكن دة لأن لحد دلوقتي ماحسناش بالتغيير الجذري ؟؟؟

يمكن

طيب احتمال الناس تعبت من كتر الاحداث ؟؟؟ واعصاهم مابقيتش مستحملة

يجوز

طيب ربما الناس خايفة وعايزة البلد تستقر بسرعة وتهدى علشان يرجعوا لحياتهم الطبيعية ؟ ( علي الرغم ان الحياه عادية وطبيعية جداً خارج ميدان التحرير ووسط القاهرة )

احتمال

كل دة اصابني بالاحباط ........ اكتئاب ........ زهق

بس عزائنا الوحيد .................... إن النماذج دي اصلا لاتستطيع ان تحرك ساكنا ............ ومهما حصل عمرهم ماهيتكلموا ............. ونسبة الواعيين في مصر حتى لو قلت عن نسبة المغيبين - في اسوأ الظروف - فهي النسبة الفاعلة دائماً في كل الاحداث ......... وهيظل المغيبيين عديمي التأثير على مصير البلاد

ربنا يسلم يارب ............ يارب الناس تفوق بقى من الغيبوبة بتاعتهم دي

[احمد رضوان]

ارحموا انفسكم قبل وطنكم

كنا على شفى فخ .. وانقذنا الله بتجمعنا فهل نرفع راية التفرقة بأيدينا مرة أخرى

أرحموا من في الميدان ... لأنهم رفضوا التحزب لا اخوان لا علمانيين لا ليبراليين لا سلفيين لا مسيحى لا مسلم .... فقط مصريين على قلب رجل واحد

من نسى منكم في ساعات يوجد موضوع هنا به توثيق بالصور والفديويهات لأخلاق المرابطين في التحرير ... فهل يرجع إليهاليرتشف رحيق التجمع

اتقوا الله ... وتجمعوا ولا داعي للتخوين والتحزب مرة أخرى

ادعوكم إلى قولة تعالى "واعتصموا بحبل الله جميعا ولا تفرقوا"

نحن يد واحدة ... والله ناصرنا

نحن يد واحدة ... والله ناصرنا

نحن يد واحدة ... والله ناصرنا

[ابو محمود]

ارحموا انفسكم قبل وطنكم

كنا على شفى فخ .. وانقذنا الله بتجمعنا فهل نرفع راية التفرقة بأيدينا مرة أخرى

أرحموا من في الميدان ... لأنهم رفضوا التحزب لا اخوان لا علمانيين لا ليبراليين لا سلفيين لا مسيحى لا مسلم .... فقط مصريين على قلب رجل واحد

من نسى منكم في ساعات يوجد موضوع هنا به توثيق بالصور والفديويهات لأخلاق المرابطين في التحرير ... فهل يرجع إليهاليرتشف رحيق التجمع

اتقوا الله ... وتجمعوا ولا داعي للتخوين والتحزب مرة أخرى

ادعوكم إلى قولة تعالى "واعتصموا بحبل الله جميعا ولا تفرقوا"

نحن يد واحدة ... والله ناصرنا

نحن يد واحدة ... والله ناصرنا

نحن يد واحدة ... والله ناصرنا

الثورة من قام بها ليس الثوار او الشباب منهم فقط بل جميع الطوائف = الشعب المصرى

لو حضرتك مش مصدقة الكلام شوفى الصورة اعلى هتبين ليكى ان المصد الخرسانى هناك من الييمن والشمال سد اما عن السادة الدكاترة هتلاقى ممكن ان نعبر لماذا تم هذا الوضع سؤال بريء ممكن يرد على حضرتك

لية او مين اللى بيحاول يمزق المصريين

[aimen]

دا ايه الهنا دا كله يا شعب

3 خطابات من خمس الوية وعلى الاقل اربع رسئل على الفيسبوك

وكمان مستشفى ميدانى ( صحيح محدش عارف هو فين بس مش مشكلة )

وتوزيع حلويات وعصاير فى محمد محمود

انسى بقى يا شعب جرى ايه ...كل دا من شوية كنابل غاز وشوية خرطوش و فقأ كام عين وسحل شوية

[aimen]

غدًا.. جمعة "إنقاذ الأقصى" بحضور د. القرضاوي

يشارك الدكتور يوسف القرضاوي، رئيس الاتحاد العالمي لعلماء المسلمين، غدًا الجمعة 25 نوفمبر 2011م، في جمعة "الأقصى"؛ التي دعا إليها الاتحاد، والحملة الشعبية لمقاومة تهويد القدس، بالجامع الأزهر.

ودعت الحملة المصريين إلى الصلاة غدًا في الأزهر الشريف؛ لرفض عمليات التهويد الصهيونية بحق الأقصى والقدس، والتي تسير على قدم وساق، مشيرةً إلى أن قرار سلطات الاحتلال الصهيوني بهدم جسر باب المغاربة سيسري من غد الجمعة بعد انتهاء مهلتها لهدم الجسر بدعوى خطورته!.

وقال الدكتور جمال عبد السلام، مقرر الحملة: إن القائمين على المظاهرة أكدوا استمرارها لتوصيل رسالة للاحتلال الصهيوني؛ أن الشعب المصري والشعوب العربية والإسلامية لن تنسى الأقصى والقدس، رغم ما تمر به من أحداث، مشيرًا إلى أن ذلك لا يتعارض مع ما يتم في التحرير حاليًّا، فالمظاهرة ستكون لمدة ساعة فقط من بعد صلاة الجمعة، وستمتدُّ لجميع مساجد مصر؛ حيث يتبنَّى الخطباء موقفًا موحدًا رافضًا لممارسات الاحتلال الصهيوني.

وقال إن مصر لا تنسى قضية فلسطين مهما كانت الظروف، مستدلاًّ باستقبال مدير المخابرات المصرية قيادات فتح وحماس في القاهرة لإتمام مشروع المصالحة، رغم الظروف في مصر؛ لتأكيد أن قضايا الأمن القومي- وعلى رأسها فلسطين والقدس- لا تحتمل التأجيل.

وكان الاتحاد العالمي لعلماء المسلمين قد دعا علماء الأمة ومفكريها وأحزابها؛ إلى جعل يوم الجمعة 25/11/2011م جمعة "إنقاذ الأقصى"، من خلال الخطب والاعتصامات والدعاء والمظاهرات السلمية، كما دعا- في بيانه الذي أصدره الأربعاء 23 نوفمبر 2011م- إلى دعم المقاومة بكل الإمكانيات المتاحة، واعتبارها الخيار الوحيد لإنهاء الاحتلال وحماية المقدسات.

وكان عدد من الشخصيات العامة وقادة بعض المؤسسات في مصر قد تداعوا لتشكيل حملة شعبية مصرية لمقاومة تهويد القدس، والقيام بعدد من الخطوات العملية، منها زيارة شيخ الأزهر والمجلس العسكري والمؤسسات الدينية والشعبية، وتنظيم مليونية يوم 25 نوفمبر.

وتشكَّلت الحملة برئاسة المفكر الإسلامي د. محمد عمارة ونائبه د. صفوت حجازي، الداعية المعروف وأمين عام رابطة أهل السنة، ومقررها د. جمال عبد السلام، مدير لجنة القدس باتحاد الأطباء العرب وعضو مجلس نقابة أطباء مصر، والناطق الرسمي د. صلاح سلطان، مقرر لجنة القدس وفلسطين بالاتحاد العالمي لعلماء المسلمين، وياسمين الحصري، مقررة المرأة.

دا فين مليونية اهو ؟؟؟

اه بس مش ضد العسكر

على رأى يسرى فودة " استقيموا يرحمكم الله "

[ابراهيم عبد العزيز]

نعم هي أكبر فضيحة لميدان التحرير وذلك نتيجة التصويت الذي أجري على كل المواقع

والصفحات الرسمية توافق على خطاب المشير واستمرار القوات المسلحة لحين انتهاء الفترة الانتقاليه

كلنا نعمل شير عشان يعرفوا أنهم لا يمثلوا 1 % من صوت الشعب المصرى

عمار يا مصر ..

في الموضوع الخاص بالإستفتاء الذي إقترحه المجلس العسكري والخاص بالسيد / أبو محمد

قلت فيه أن الإستفتاء لكي يكون معبرا يجب أن يتم بالشكل العلمي الصحيح , وتوقعت أن المجلس العسكري لو أجراه سيجريه بشكل معين يضمن ان تكون نتيجته ( نعم لبقاء المجلس العسكري ) , وها نحن نرى الصحف تنتهج نفس النهج الذي توقعته عندما طرحت هذا الإستفتاء للقراء

هنا الصحف وبطريقة أتمنى أن تكون عفوية وليس بتعمد وضحت تبعات التصويت بنعم ( حيث قالت سيبقى المجلس العسكري حتى يونيو 2012 ) , وعندما طرحت الخيار الثاني وهو التصويت ( بلا ) سكتت على ذلك ولم توضح تبعاته

العدل والإستفتاء العلمي الحيادي يستدعي أن توضح تبعات الخيارين وليس خيارا واحدا دون الأخر , فتأتي عند الخيار الثاني وهو التصويت ( بلا ) يجب أن يكون متبوعا تبعاته , فيكون بهذه الصيغة : لا أوافق على أستمرار المجلس العسكري ومع تسليم السلطة لحكومة منتخبة أو مجلس رئاسي أو أو إلخ , ولو حدث الإستفتاء بهذا الشكل فأعتقد أن النتيجة محسومة بالخيار الثاني

عندما تجري الإستفتاء بهذه الصورة كما حدث في الصحف التي وضحت فيها تبعات التصويت بنعم ( نعم أوافق على بقاء المجلس لحين تسلميه السلطة ) وعند الخيار الثاني إكتفيت بكلمة ( لا أوافق ) طبيعي جدا أن المواطن سيختار الخيار الاول بدلا من إختيار الخيار الثاني المجهول العواقب بالنسبة له لأن الإنسان عدو ما جهل , والشعب المصري بطبعه عاشق للإستقرار في ظل هذه الظروف لذلك لن يغامر بشىء مجهول .

تحية لك اخي عمدة

تم تعديل 24 نوفمبر 2011 بواسطة ابراهيم عبد العزيز

[ابو محمود]

نعم هي أكبر فضيحة لميدان التحرير وذلك نتيجة التصويت الذي أجري على كل المواقع

والصفحات الرسمية توافق على خطاب المشير واستمرار القوات المسلحة لحين انتهاء الفترة الانتقاليه

كلنا نعمل شير عشان يعرفوا أنهم لا يمثلوا 1 % من صوت الشعب المصرى

عمار يا مصر ..

في الموضوع الخاص بالإستفتاء الذي إقترحه المجلس العسكري والخاص بالسيد / أبو محمد

قلت فيه أن الإستفتاء لكي يكون معبرا يجب أن يتم بالشكل العلمي الصحيح , وتوقعت أن المجلس العسكري لو أجراه سيجريه بشكل معين يضمن ان تكون نتيجته ( نعم لبقاء المجلس العسكري ) , وها نحن نرى الصحف تنتهج نفس النهج الذي توقعته عندما طرحت هذا الإستفتاء للقراء

هنا الصحف وبطريقة أتمنى أن تكون عفوية وليس بتعمد وضحت تبعات التصويت بنعم ( حيث قالت سيبقى المجلس العسكري حتى يونيو 2012 ) , وعندما طرحت الخيار الثاني وهو التصويت ( بلا ) سكتت على ذلك ولم توضح تبعاته

العدل والإستفتاء العلمي الحيادي يستدعي أن توضح تبعات الخيارين وليس خيارا واحدا دون الأخر , فتأتي عند الخيار الثاني وهو التصويت ( بلا ) يجب أن يكون متبوعا تبعاته , فيكون بهذه الصيغة : لا أوافق على أستمرار المجلس العسكري ومع تسليم السلطة لحكومة منتخبة أو مجلس رئاسي أو أو إلخ , ولو حدث الإستفتاء بهذا الشكل فأعتقد أن النتيجة محسومة بالخيار الثاني

عندما تجري الإستفتاء بهذه الصورة كما حدث في الصحف التي وضحت فيها تبعات التصويت بنعم ( نعم أوافق على بقاء المجلس لحين تسلميه السلطة ) وعند الخيار الثاني إكتفيت بكلمة ( لا أوافق ) طبيعي جدا أن المواطن سيختار الخيار الاول بدلا من إختيار الخيار الثاني المجهول العواقب بالنسبة له لأن الإنسان عدو ما جهل , والشعب المصري بطبعه عاشق للإستقرار في ظل هذه الظروف لذلك لن يغامر بشىء مجهول .

تحية لك اخي عمدة

عادى جدآ ماهو دة اللي متعلماة الصحافة ودة شغلها على مر سنسن الفاسد كانو لو واحد انقطعت ودنة فى خناقة يقولك السلفيين ويفضل يجيب مساويء السلفيين انهم اكلى لحوم بشر وارهابيين

وان اللايمكن ان يتعدلو ابدآ وبعد ما تظهر الحقيقة انها خناقة يقولك السلفيين هم من قطعو ودن الراجل المسيحى بس علشان كان مسكن عندة شقة فى بيتة لأمرأة غير محترمة وهم من هدمو الكنائس والاضرحة لانهم يقطعون الاذن انهم ارهابيين ويجب معاقبتهم لنهم هم من يفسدون الحياة على المصريين ويقطعون الاذن وهكذا

عندك وقت نحكي ذيادة يا زلمة هههههههههههههههههههههههههههه

تم تعديل 24 نوفمبر 2011 بواسطة محمودمصطفى

[ام سلمي]

هل ممكن يكون الجزوري رئيس حكومة الإنقاذ

R.N.N | شبكة رصد

رصد | الجزيرة | مصادر : المشير طنطاوي يستقبل الدكتور كمال الجنزوري رئيس الوزراء المصري الأسبق بمكتبه #RNN #Tahrir #Scaf

[متعب]

انت ترى ان من يقف ضد رايك او ضد الثورة كما تقول خائن و لا ينبغى ان يعبثوا بمصر

و فى المقابل تعترض على اى عنف من الجيش او الشرطة

من شايف دة شى غريب

لانهم برضة شايفين من فى التحرير يعبثوا بامن مصر

و لو كانوا بيفكروا بمنطق حضرتك كنا شفنا احداث الميدان السماوى فى مصر

و بالمنطق دة كان من حق مبارك ان يضرب ميدان التجرير بالطيران لانهم خونة و بيعبثوا بامن مصر

و كل طائفة من الثوار ممكن فى لحظة ترى الاخرى تعبث بامن مصر

وهوة دة بالضبط اللى حصل فى فرنسا

اعدم بعض الثوار بعضهم ( ايوة ثوار برضة ) لانهم ظنوا انهم اقل منهم ثورية

و استمرت الحملات الدموية عشر سنوات ثم سلموها للعسكر

اما بخصوص موقفى من الثورة او من اى حزب او فصيل

فانا مش مويد علطول ولا رافض علطول

لماخرجت الثورة على الطاغية مبارك كنت مويد

لما اصرت ان مبارك يمشى كنت مويد

انما لما تخرج الثورة دلوقتى عشان تقولى مش وقت انتخابات و نعيد من الاول

او ان ما يفعلة بعض الثوار يهدد بقاء البلد و يدفع الى حرب اهلية طبيعى انى ارفض

يعنى ما بابيعش دماغى

اما بخصوص تعلقك الاخير بتاع هيئة السياسات

واضح ان حضرتك مش ممكن تعيش من غير اتهامات للطرف الاخر

وممكن حضرتك ترجع لتاريخ التسجيل و المداخلات عشان تعرف و تتاكد من راى

و طبعا دا كان ممكن تعملوا قبل تلقى اتهامات

و اذا كان حد ممكن يكون من هيئة السياسات فممكن يكون حد مسجل فى المنتدى حديث و يدعى انة مع الثوار عشان يكرة الناس فيهم

و يسب و يخون

هاوووووووووووووووووووو

غريب خالص الحقيقه

شفت بقى التناقض المخيف ده فى كلامى

كل ال ضد الثورة خاين . وده على اساس انه مش طبيعى يعنى

والغريب التانى الخطير قوى خالص مالص انى اعترض على عنف الشرطه والجيش مع المتظاهرين السلمين

ده فعلا غريب خالص . ازاى اعترض على العنف بما فيه القتل والسرقه وفقد بصر الشباب السلميين فى الميدان

دى جريمه انى اعترض على ده . المفترض انى ارحب بده عشان مكونشى غريب او فصيل من الناس معتوه

ياحلولى

وصلاة النبى كده الثورة الفرنسيه عاوزين يطبقوها هنا باعتبارها نموزج ناجح لخمد الثورات وتحويلها لجحيم

ومين ان شاء الله هيعطيهم الفرصه لده اصلا

واضح ان حضرتك بتكتب مشاركات وبس

ممكن تقولى جبت الكلام ده منين اصلا بتاع ان الثورة بتقول مفيش انتخابات ونبدء من الاول

اترفع امته الشعار ده اصلا فى الميدان . ولا هو اتهام من نوع جديد وخلاص .اهو بنتهم . اذا كان الميدان رفض اى لافته لاى حزب ايا ان كان واعلن ان هدفه واحد وهو تخلى العسكر عن الحكم وتسليم السلطه لمجلس مدنى زى كل العالم المحيط بينا . مش بدعه يعنى بيبتدعوها بتوع التحرير .. هو الجيش كان مسك ليبيا فى المرحله الانتقاليه ولا مسك البلاد الاخرى .اصبحنا شرع لوحدنا بعيدا عن الخلق ولو تركنا هنموت وحياتنا بقت فى اديه

هأو

لاء وكمان التحرير ال بيخطط لحرب اهليه

ياحلولى

امال شغله العسكر ايه لما التحرير ال بيخطط لحرب اهليه وشغل الانقسامات وكوتيل التخوين لرموز الثورة بين القتل والاعتقال ومفيش خيار تانى . ونسيب ده كل ونمسك فى التحرير ال عامل ظغوطه للحرميه . انما المظاهرات الفئويه ال بتقطع طرق ونعطل مصالح الناس وبتعتدى على الخلق . دول لايتعرضوا لكوكتيل الاتهامات اياه ولا بيتعرضوا للبلطجيه ولا المولوتوف . دول ال صح فى البلد

انما التحرير خونه وعاوزين يقسموا البلد وبيسعوا للخراب ولا طبعا بيتعرضوا للغاز المستورد ابو 600 جنيه سعر القنبله الواحده

يعنى بيضربوا الشعب من دخله القومى . كام قنبله بقه بتترمى على المتظاهرين السلميين فى الدقيقه الواحده

احسب كده يطلعوا كام وابقى قولى صرفوا كام من الدخل القومى على اجهاض الثورة المصريه من دخل البلد ال مصريين ينهبوه

هأو

تقدر تقولى حضرتك ال مش هنعرف نعيش من غيره ده وصمام الامان للمصريين ده عمل ايه من يوم ما تولى الحكم وال ولاه اصلا الحكم الثورة نفسها ال اعطاها التحيه وبعد كده ابادها . عمل ايه بقى بالصلاة على النبى كده غير التوقيت الصيفى وعيد الفلاح

وهيئه السياسات برده بتبعت ناس تحاربها على النت وهى ال بتبعتها

ياحلولو

[ابو محمود]

بالراحة علينا يا عم viral mind

الدكاترة عاملين حائط بشرى ...علشان اى حركة خيانة من الشرطة ...وانت سيد العارفين جيشنا وشرطتنا حاميين المتظاهرين من الكاثنات الفضائية والطرف الثالث

الصورة دى يمكن توضح اكثر

طيب انا هسيبك تبص فى الصورة و تقول لى ايه اللى ملاحظه من كل ناحية من السور..

محدش واخد بالة خالص ان السور دة ولا قيمة لة نشيل الاطباء ونكمل حدف طوب بس لما نرتاح شوية احنا والعساكر اصلهم تعبو من ريحة الدخان ههههههههههههههههههههههههههههههههههه