كل ما يخص جُمعة 18-11

[se_ Elsyed]

هو مش المجلس العسكري آخر كلام انه في السطله لحد 2012

ده إمتى حصل ده يا عماد ؟

كل اللي قالوه هو تلميحاً بإن الإتنخابات الرئاسية ممكن تبقى في صيف 2013 وسلام عليكم ...

يعني لسه هايصحوا في 2013... بعد ما كان الموضوع محسوم بعد 6 شهور يعني في شهر سبتمبر 2011 ... وسرح سنتين زيادة ... وخد عندك لحد ما نلاقي عندنا هوجة 52 تاني

[م تيمور المراغي]

http://www.youtube.com/watch?v=4qHBH95KbEc&feature=share

[م تيمور المراغي]

.........

انا عاوز التشريعيه والرئاسية قبل وضع الدستور والتفاصيل الاجرائية المتعلقه بترتيبي انا ده يتم حلها من خلال اعلان دستوري مؤقت

http://www.youtube.com/watch?v=WsYpFPL5pHc

[se_ Elsyed]

[se_ Elsyed]

ما اشبه الليلة بالبارحة

لكن الليلة تختلف

أقسم بالله الذي لا إله إلا هو على جثتنا

[م تيمور المراغي]

ميدان التحرير الان

بدأ الاخوان الاعتصام مع غناء الاغانى الوطنيه , ونصب 6 خيم للسلفيين عند المجمع وحركه حازمون اقاموا الخيم فى صينيه الميدان , واستعدادات للمنصه عند مسجد عمر مكرم

[se_ Elsyed]

أنا موافق قوي قوي إن البرلمان هو اللي يشكل الحكومة ويدير البلاد لحين عقد الإنتخابات الرئاسية

للمرة المليون

إحنا مش بنخترع العجلة .. شوفوا تونس عملت إيه وشوفوا البرادعي على سبيل المثال لسه راجع من هناك ومنبهر إزاي

الأصول بتقول كده

[م تيمور المراغي]

كلنا خالد سعيد

ايه رأيكم بكره ننطلق بمسيرة من جامع مصطفى محمود بعد صلاة الجمعة للتحرير في مسار طويل ويكون شعارها الوحيد: "عايزين رئيس" .. مطالبين باجراء الانتخابات الرئاسية بعد البرلمانية مباشرة وعودة المجلس الأعلى للقوات المسلحة لمهامه العسكرية قبل أبريل 2012؟

[م تيمور المراغي]

حل الاشكاليه دي ان الدستور بعد الرئاسية

بكده الكل حيرتاح عسكر و اسلاميين وليبراليين و الاغلبيه الصامته

[م تيمور المراغي]

بطاقة المخبر اللي الامن الوطني باعته يتجسس علينا

مين اللي بيقفش في مين مش عارف انا هههههههه :happy:

[عماد حمدي]

أنا موافق قوي قوي إن البرلمان هو اللي يشكل الحكومة ويدير البلاد لحين عقد الإنتخابات الرئاسية

للمرة المليون

إحنا مش بنخترع العجلة .. شوفوا تونس عملت إيه وشوفوا البرادعي على سبيل المثال لسه راجع من هناك ومنبهر إزاي

الأصول بتقول كده

مهو دا الطبيعي يا أستاذ أحمد .. مجلس شعب هوه يدير البلد دي أقوي سلطه تشريعيه .. و تنوب عن رئيس الجمهورية ..

هي اللي تحط الدستور و بعد كدة يُنتخب رئيس مدني ..

شوف أنا رآي نسايس المجلس العسكري لحد ما إنتخابات مجلس الشعب تعدي علي خير من غير مشاكل ..

الدستور أولاً .. دا اللي هيتحدد عليه حاجات كتير بعد كدة ..

بعد كدا نبات في الميدان بقا و يكون فيه مطلب واحد متجمعين عليه إنتخاب رئيس لمصر ..

ساعتها المجلس مش هيكون ليه حجة أي حجة و كل التيارات أكيد هتوافق علي كدة ..

المسايسة المسايسة واحدة واحدة ..

مجلس شعب - دستور - تسليم سلطه

[عماد حمدي]

ميدان التحرير الان

بدأ الاخوان الاعتصام مع غناء الاغانى الوطنيه , ونصب 6 خيم للسلفيين عند المجمع وحركه حازمون اقاموا الخيم فى صينيه الميدان , واستعدادات للمنصه عند مسجد عمر مكرم

عااااش إخوان أسوووووود ..

كان نفسي أكون في مصر بجد ، لما هنزل هحاول أعمل إنقلاب و ثوره جديدة :)

متابعة جيدة ما تيمور ..

[عماد حمدي]

حي على الثورة... العودة للميدان | الدكتور محمد البلتاجي

جميل أن نعود للميدان لنقول للجميع أن الثورة لا تزال حية ولن يستطيع أحد أن يتلاعب بها. وجميل ان نعود لوحدة الموقف الثوري بكل ألوانه الوطنية المخلصة لثورتها,

وجميل أن تتوحد مطالبنا حول:

1- رفض عسكرة الدولة ورفض كل صور الوصاية على مؤسساتها القادمة

2- جدول زمني لتسليم السلطة بتحديد موعد بدء انتخابات الرئاسة في حدود أبريل القادم

أتمنى أن تقف كل القوى الوطنية وراء هذين المطلبين، وأحذر من تكرار ما حدث في مليونية الارادة الشعبية ( 29 يوليو ) وما حدث من تحويل المليونية الثورية إلى مليونية الاستقطاب الديني. هذه ليست مليونية الاسلاميين فحسب بل مليونية شعب يأبى إلا أن يعيش حياة حرة كريمة لكل مواطنيه.

مسؤليتنا أن نحافظ على هذه المليونية فلا يجرنا أحد لصدام أو أزمة مفتعلة تخرج المشهد عن تحقيق أهدافه

[م تيمور المراغي]

عمده ما ردتش عليا في الاتنين الفلول اياهم

وكنت عاوزك برضوا تسال اخوك الكريم ايه آليات التصعيد اللي ناويين يعملوها في الحرية والعدالة لو العسكر ركبوا دماغهم وما استجابوش لمطلبنا بكره

[عماد حمدي]

عمده ما ردتش عليا في الاتنين الفلول اياهم

وكنت عاوزك برضوا تسال اخوك الكريم ايه آليات التصعيد اللي ناويين يعملوها في الحرية والعدالة لو العسكر ركبوا دماغهم وما استجابوش لمطلبنا بكره

راسلته بعد ما كلمتني ع طول و راسلت بابا كمان .. و هيردوا عليا ..

لأنهم مشغولين جداً جداً اليومين دول بس الموضوع محل إهتمام لا تقلق و أنا متابعه ..

و هرد عليك أكيد ..

و عاماً دا رد بابا المبدئي بالنص .. و كلمني تاني قال هيشوف و يرجع يكلمني ،،

اولا فيه حاجة لازم تعرفها ان اي واحد عايز ينتسب لحزب الحرية والعدالة لازم يرشحة واحد من الاخوان المسلمين ويكون واثق من هذا الشخص ومتأكد انه غير منتمي للحزب الوطني سابقا ثم بعد ذلك بعد الفلترة الاولى يتصعد الى الفلترة الثانية للتأكد والبحث عن هذا الاسم بطرق مختلفة ثم فية فلترة ثالثة الا ان يصدر الموافقه على الانضمام لحزب الحرية والعدالة يعني بالبلدي كدة اي واحد تبع الحرية والعدالة لم ولن يدخل او دخل او فكر في الدخول في الحزب الوطني حتقول امال ايه الاعتراضات دي اقول لك في نظام القوائم فيه احزاب متحالفه مع الحرية والعدالة في القائمة ولها عضو اواثنين في القائمه وطبعا فلترة حزب الحرية والعدالة غير فلترة الاحزاب الاخرى او قل ربما لاتوجد فلترة لأن غالبية الاحزاب بتتنشق على عضو تضمه في صفوفها بأي وسيلى ومش مهم هو كان ايه او خلافة المهم هذه الاحزاب عند انضمامها للقائمه تكون المسؤلية على الحزب الآخر رغم ان الحرية والعدالة بتحاول تفلتر من يدخل القائمة لكن ربما يحدث امور لا نعلمها واذا وضحت الامور يتم سحب هذا المرشح كما حدث في كفر اشيخ هذا توضيح لأنك في الغربة وربما تجد امور تحتار في تفسيرها ولكن لازم يكون عنك يقين في الله وبعدذلك في الحزب اللي انت منتمي اليه وشكرا

تكملة رده ..

اعلم اننا في معركة الم يوصفون الانتخابات بأنها معركة انتخابية هذه معركة وامامك اعداء وبيحاربوك بكل الوسائل والحمد لله الجماعة والحزب فيهم من الافراد المؤهلين والمتخصصين لبحث هذه النقطة وثق مرة اخري اذا ثبت سوف يسحب من القائمة ومرة اخرى لأنك في الغربة ولا تعلم بأن الاحزاب مش عارفة تكون قائمة دي فضيحة للأحزاب وبيحاولوا الاستعانه بأحد الفلول ويوضع على رأس القائمة علشان سوق القائمة يمشي مثل البائع الذي يوضع حبتين من التفاح على وش القفص حتى يغري المستهلك

تم تعديل 17 نوفمبر 2011 بواسطة omda2006

[عماد حمدي]

عمده ما ردتش عليا في الاتنين الفلول اياهم

وكنت عاوزك برضوا تسال اخوك الكريم ايه آليات التصعيد اللي ناويين يعملوها في الحرية والعدالة لو العسكر ركبوا دماغهم وما استجابوش لمطلبنا بكره

و يحك يا تيمور .. عايزني أشتغل جاسوس ..

حتي لو عرفت مقدرش أقول يا ريس ، كل حاجة في ميعادها ..

شكلك فهمتني غلط يا نُصه

[عماد حمدي]

تحب تقول ايه للراجل ده

ممدوح حمزة للإخوان : لكم مليونياتكم ولنا مليونياتنا

حذر الدكتور ممدوح حمزة الأمين العام للمجلس الوطنى، القوى السياسية من النزول للمشاركة فى مليونية الغد، حرصاً على عدم المشاركة فى القضاء على مدنية الدولة، قائلا - قاصدًا جماعة الإخوان المسلمين- " لهم مليونياتهم ولنا مليونياتنا".

[م تيمور المراغي]

تحب تقول ايه للراجل ده

ممدوح حمزة للإخوان : لكم مليونياتكم ولنا مليونياتنا

حذر الدكتور ممدوح حمزة الأمين العام للمجلس الوطنى، القوى السياسية من النزول للمشاركة فى مليونية الغد، حرصاً على عدم المشاركة فى القضاء على مدنية الدولة، قائلا - قاصدًا جماعة الإخوان المسلمين- " لهم مليونياتهم ولنا مليونياتنا".

الكل في الحركه بيقول عليه خرف وما حدش موافق على كلامه

ممكن تعتبر ده رد رسمي من شباب 6 ابريل

[م تيمور المراغي]

عمده ما ردتش عليا في الاتنين الفلول اياهم

وكنت عاوزك برضوا تسال اخوك الكريم ايه آليات التصعيد اللي ناويين يعملوها في الحرية والعدالة لو العسكر ركبوا دماغهم وما استجابوش لمطلبنا بكره

و يحك يا تيمور .. عايزني أشتغل جاسوس ..

حتي لو عرفت مقدرش أقول يا ريس ، كل حاجة في ميعادها ..

شكلك فهمتني غلط يا نُصه

انت مخترق اصلا يا عمده ههههههههه

لو تعرف م. احمد الهضيبي وحسن الهضيبي اسالهم عن تيمور المراغي وهما حيردوا عليك ;)

[م تيمور المراغي]

http://www.youtube.com/watch?v=-z7UzWMCXuo&feature=share