ما رأيك في ما فعله حازم شومان

[عبير يونس]

يا باشمهندس

لما تدخل مكان مش من حقك تتواجد فيه يبقى ايه؟

مش اقتحام؟؟؟

و الا هو الاقتحام كان يبقى مفروض بالرشاشات و البنادق الآلية ؟؟؟!!!

لا هو طالب في الجامعة و لا من العاملين فيها و لا من منظمي الحفل و لا حتى من الحضور

يبقى بيعمل ايه هناك؟؟؟

ده مكان خاص مش عام على ما أعتقد يعني

يعني مش أي حد ماشي في الشارع من حقه يدخله ( بدليل ان فيه امن على الباب)

يبقى لما هو يدخل ده ما يبقاش اقتحام؟؟؟

اوافق حضرتك لو ناس قاعدين يغنوا في حديقة عامة و مفتوحة مثلا

ساعتها يبقى وجوده طبيعي

و مفيش مانع لو مارس ما يعتقده من أمر بالمعروف و نهي عن المنكر

(بالحسنى طبعا)

أما دخول مكان خاص بلا حق

قهو اقتحام

و لا كلمة أخرى تليق في هذا المقام

وتصرف الامن بإدخاله تصرف غير صحيح

و خيانة للأمانة الوظيفية ( و لا الغناء - لو سلمنا بحرمته - أشد حرمة من خيانة الأمانة؟!)

و يجب ان تتم معاقبتهم على ذلك

المفترض بهم الحفاظ على الأمن و عدم ادخال من ليس له حق الدخول

و هو كمان دخوله نوع من التحايل و ليس من حقه

( بكلامه هو و مش افتراء مني انه انتهز فرصة ان الأمن سلموا عليه و رحبوا بيه)

ده مش تحايل؟

و بتزعلوا لما نقول ان السلفية يتبعون منهج الغاية تبررالوسيلة

تحياتي

معلش يا عبير اسمحيلي ارد انا مش متابعه الموضوع من الاول

بس خليني اسلم معاكي بخطأه ( في الوسيله) فهو ليس بشر وليس ملاك او رسول وخطأه لا يحسب لا علي السلفية ولا

السلفيين ولا يجب علينا ان نتعامل مع الدعاه علي انهم ملائكه

كلامك مضبوط و ع العين و الراس

همة فعلا مش ملايكة

و مش من العدل اعتبارهم كذلك

و كمان مش من العدل الاستماتة في الدفاع عنهم

مش عيب اننا نقول غلط

و الموضوع يخلص و انتهينا

مش نقعد ندور على تبريرات للغلط

و الا انتي مش معايا؟

اعتقد انه توضيح اكثر من اعتباره تبرير لسبب ان التبرير يعتمد علي اهواء شخصية ولا يعتمد علي نقل

اخبار كما فعل الاعضاء الافاضل

واعتقد او الاولي مواجهة التهويل

تحياتي لحضرتك

اختلف معكي في الرأي غاليتي

توعية الناس بما نراه خطأ ليس تهويلا بالمرة

من الطبيعي أن ندافع عن آراءنا

و من حقنا ألا يعتبر من يخالفنا الرأي أن ذلك تهويلا

لازلت أرى الموقف خاطيء من الداعية

و من حقي أن اعترض على اقتحامه خصوصيات مكان خاص لا يحق له التواجد فيه

حتى لو سمح له الأمن بذلك بعد طلبه

و لا أرى هذا الرفض و الاعتراض تهويلا

تحياتي واحترامي لاختلافنا في الرأي