اشتباكات عنيفة بين المشاركين في مسيرة ''الشهداء'' ومجهولين

[Alattar]

في ليلة جمعة هامة .. نلاقي خبر زي ده..

نقلا عن مصراوي

تعرضت مسيرة ''الشهداء'' التي تنظمها حركة ''الأقباط أحرار''، عند خروجها من شبرا في طريقها إلى ماسبيرو، لاعتراض آخرين والقذف بالطوب والحجارة وحاول ضباط الشرطة التدخل والسيطرة على الموقف بإطلاق أعيرة نارية في الهواء إلا أنهم فشلوا في السيطرة فانسحبو، ومازالت الاشتباكات مشتعلة.

وبحسب شهود تتعرض المسيرة لمضايقات شديدة، واعتداءات من مجهولين، ما أسفر عن سقوط مصابين

أول ما بشوف كلمة مجهولين .. علطول بتأكد مليون في المية ان رجال النظام وراء الموضوع..

ياريت بس ما تكونش دي زريعة عشان يتخذوا إجراتءات أمنية معينة تؤثر علي المشاركين في جمعة الغد..و نلاقيها حجة عشان يتدخلوا تدخل عنيف لمنع التظاهر يوم الجمعة بحجة حفظ الأمن..

للأسف..اتعودنا منهم علي كده..أي حاجة بتحصل في البلد تخلينا نوجه ليهم أصابع الاتهام علطول..

[Alattar]

صور للإشتباكات

[م تيمور المراغي]

دول اهالي شبرا ( الشرفاء ) خرجوا للرد على الاقباط الجواسيس !

عموما نفسي والله راجل شريف منهم اشوفه بكره في المسيره من السيده زينب مرورا بشارع المبتديان فالقصر العيني فالداخليه ف السفارة الامريكيه فميدان التحرير

[aimen]

دا التطور الطبيعى لإعلامنا المصرى الشريف ومواطنينا الشرفاء

اللى عمالين يتشحنوا ضد بعض

ونتيجة لمجلس الأراجوزات اللى بيحكمنا

ربنا يسترها على مصر مما يحدث

[se_ Elsyed]

بلا فلول بلا نظام لا كلام فارغ

ليه فين الشرطة والجيش ؟

ولما أقرا إن الشرطة أنسحبت يبقى ده معناه إيه ؟

وإزاي في جو زي ده تتعمل إنتخابات ؟

أنا رأيي إن الشرطة يلبسوا طُرح ونطلع كلنا على السجل المدني نغير أساميهم عشان تبقى لايقه على موقفهم

[متعب]

أنا مش فاهم . سلميه ايه ال متمسكين بيها العالم دى مع بشر زى ده

وربنا لو اترنوا علقه محترمه مرة مش هيعترضوا اى طريق لاى حد