هل الحدود فى السعودية لها علاقة بالشريعة فى شىء؟

[ViralMind]

السلام عليكم...

بقالى فترة طويلة جدا بفكر فى الموضوع ده.. يمكن من ساعة مشكلة الطبيب المصرى اللى كان بيدى حقن لاميرة فى السعودية و اتحكم عليه بالف جلدة ولا مش فاكر بكام.. حاجة كده مرعبة.

انا بجد عايز افهم.. هى السعودية فعلا ماشية على الشريعة الاسلامية كمصدر وحيد للقوانين؟ ام انهم ادخلوا العديد من الامور فصنعوا مزيجا بين الشريعة و قوانينهم الخاصة؟

على حد علمى, اكبر عدد من الجلدات فى الاسلام هو 100 جلدة.. ربما يكون اكثر قليلا, لانى كنت سمعت عن: اخف الحدود و اشد الحدود.. فالشىء اللى بيتم استخدامه فى اقامة الحد بيكون ليه دور برضه فى عدد الجلدات.

انا تخيلت لبرهة - حلوة برهة دى - انهم خدوا فكرة الحدود نفسها و بدأوا يطبقوها على كل شىء.. و هنا الامر يختلف..

يعنى بيستخدموا الجلد فى حد ذاته كوسيلة من وسائل العقاب, و ده فى حد ذاته مش مشكلة.. لان كل مجتمع له الحرية فى ان يحدد وسائل العقاب, زى بالظبط الكرسى الكهربائى او الاعدام شنقا او غيره من الوسائل اللى بتختلف من مجتمع لآخر..

المشكلة بس هو ان يتم ربط هذه الحدود بالاسلام و بحدود والله و هى ليست من الاسلام فى شىء, بل بعيدة عنه كل البعد..

يا ريت بقى حد يفهمنى.. ايه حكاية ال300 جلدة و الالف جلدة و الحبشتكانات اللى بتعملها السعودية دى.. علشان نبقى على نور. :)

تم تعديل 17 نوفمبر 2011 بواسطة ViralMind

[الســـاري]

فعلا موضوع مهم ... في ظل الظروف الحالية في العالم العربي لا يوجد ما يستحق النقاش سوى مسألة الحدود في السعودية .. وهيئة الامر بالمعروف في السعودية .. والطيارين اللي بيصلوا في السعودية .. والنقاب عند المرأة السعودية ..

عزيزي ما دمت تستفي في أمر شرعي فأتمنى ان تجد ما تبحث عنه عند عالم متخصص بالشريعة

لو كنت تبحث عن الاجابة فعلا

اما لو كان الغرض هو في اطار حرب الايدلوجيات في هذا المنتدى .. فلا اعتقد انك ستجد سوى جدل .. قد ينتهي باغلاق الموضوع

[متعب]

حبشتكانات برده

يعنى جلد تارك صلاة الجماعه حبشتكنات

التشريعات الجديده لنج ال لسه بكرتونتها فى قتل المرآة ان قاده السيارة دى برده من ضمن الحبشتكانات

ومش بس قتلها . لاء دى اصبحت منكر وخطر على المجتمع ويبقوا كده كمان مفاتيح شر

طريفه الحبشتكنات دى

[ViralMind]

فعلا موضوع مهم ... في ظل الظروف الحالية في العالم العربي لا يوجد ما يستحق النقاش سوى مسألة الحدود في السعودية .. وهيئة الامر بالمعروف في السعودية .. والطيارين اللي بيصلوا في السعودية .. والنقاب عند المرأة السعودية ..

عزيزي ما دمت تستفي في أمر شرعي فأتمنى ان تجد ما تبحث عنه عند عالم متخصص بالشريعة

لو كنت تبحث عن الاجابة فعلا

اما لو كان الغرض هو في اطار حرب الايدلوجيات في هذا المنتدى .. فلا اعتقد انك ستجد سوى جدل .. قد ينتهي باغلاق الموضوع

حرب الايدلوجيات ايه بس يا راجل يا طيب؟

اما اذا كنت تختزل الاسلام فى السعودية, و بالتالى اللى بيهاجم السعودية يبقى بيهاجم الاسلام, فده وضع تانى..

وعلشان مانخرجش عن موضوعنا..

انتا محسسنى اننا عايشين فى حرب ذرية؟

مفيش اى مانع اننا نتكلم فى كل حاجة و فى كل وقت.. تحت اى ظرف.. خصوصا ان المنطقة العربية بقالها فوق ال100 سنة مش مستقرة اساسا, فالوضع حاليا طبيعى..

و بعدين اذا كانوا فى فلسطين اللى عايشين فى احتلال بيحتفلوا, و حتى كان فيه مهرجان رقص هناك قريب..

يعنى بلاش نسود الدنيا اكتر ما هى سودة.. لازم نتكلم فى كل حاجة.. اقتصاد سياسة دين ترفيه ادب شعر طبيخ حتى.. كله ماشى.

غير كده بقى و ده الاهم... انك تنسب شىء لربنا و لحدود الله, فده امر عظيم فعلا و جدير بالمناقشة.. مش شىء هين ابدا.

و اتمنى برضه افهم ايه موضوع الحدود ده. انا لسه مستنى.

تم تعديل 17 نوفمبر 2011 بواسطة ViralMind

[الســـاري]

اختزال مين والناس نايمين ..

يا عمي انت بتقول انك عايز تسأل عشان عايز تستفسر بس ,, وتعرف الموضوع دا له علاقة بالاسلام او لا

وبنفس الوقت بتجاوب على نفسك وبتقول ان الشغل كله حبشتكانات وبعيدة كل البعد عن الاسلام .. يبقى مادام الجواب عندك بتسأل ليه ؟؟

اللي يفيدك بالموضوع دا عالم متخصص بالشريعة .. شوف اي عالم بتثق فيه و اسئله

واسئلوا اهل الذكر ان كنتم لا تعلمون

عندنا هنا ممنوع الافتاء عمال على بطال

:P

وطبعا فيه حرب ايدلوجيات بالمنتدى .. كل المواضيع بقت كدا تقريبا

[ViralMind]

انا مش عارف ايه اللى مضايقك طيب؟

طالما معندكش اجابة.. مزعل نفسك ليه؟!

[ViralMind]

حبشتكانات برده

يعنى جلد تارك صلاة الجماعه حبشتكنات

التشريعات الجديده لنج ال لسه بكرتونتها فى قتل المرآة ان قاده السيارة دى برده من ضمن الحبشتكانات

ومش بس قتلها . لاء دى اصبحت منكر وخطر على المجتمع ويبقوا كده كمان مفاتيح شر

طريفه الحبشتكنات دى

انتا عارف ايه المشكلة؟

المشكلة ان الناس فى مصر كلها فاكرين ان السعودية بتطبق الشريعة.. بس لما تيجى تدور, تلاقى ان الدنيا هناك ماشية بحاجة تانية خالص غير الشريعة.. يعنى دماغ الملك ماشى (خلى بالك دماغه دى مدفوع فيها جامد).. عادات و تقاليد ماشى.. لكن حكاية الشريعة و الاسلام عايزة اعادة نظر.

تخيل بقى لو واحد طلع و اتهور و قال تعالوا نطبق الشريعة زى ما بيحصل فى السعودية :blink: ساعتها الناس هتتشنير من كتر الجلد اللى هياخدوه :egyflag: