اذهب إلى المحتوى
محاورات المصريين

هى فين؟ .. ع القهوة .. طب وهو؟ .. بيٌنشُر الغسيل

عصام

بواسطة عصام
في موضوعات خفيفة

 مشاركة

Recommended Posts

عصام عضو جديد

عصام

بتاريخ:
بتاريخ:

باب الشقة بيتفتح ..

+ السلام عليكم .. إزيك يا حبيبى .. (العيال تجرى ع الباب) إمممواه .. إمممواه jmb-)

- (بابا من الصالة) حمدالله ع السلامة يا حبيبتى .. تعبانة من الشغل؟

+ أيوه .. ميتة م التعب .. أصل النهارده كان عندنا مييتنج مهم وطول شوية .. الغذا جاهز يا حبيبى؟

- wst:: أيوه .. ها احضره حالا على ما تغيرى هدومك .. سيبوا ماما وروحوا العبوا ف أوضيتكو على ما اجهز الغدا

على الغدا ..

- ما بتاكليش ليه يا حبيبتى؟

+ أصل فيه مسألة كده فى الشغل شاغلانى .. الحمد لله

- شبعتى؟

+ أيوه الحمد لله .. أنا هادخل أريح ساعتين .. وماتخليش العيال يعملوا دوشة .. ups:

بعد ما صحيت ..

+ (من أوضة النوم صائحة) فين الشاااااااى؟ st):

- fr1:: (من داخل الحمام أمام الغسالة) أيوه يا حبيبتى حالا ها احطه ع النار

+ خللى العيال تبطل دوشة مش عارفة اشوف الأخبار ..

- بس يا واد منك له .. وياللا عشان نذاكر cr((:

+ خدهم وادخلوا ذاكروا فى الأوضه مش عايزة دوشة .. وللا أئولكم .. أنا نازلة اقعد ع القهوة شوية مع صاحباتى .. واهو بالمرة اشوف الماتش فى هدوء

- ما تتأخريش يا حبيبتى .. مش ها انام الا لما تيجى .. هاستناكى!! ;)

ربنا خلق الذكر والأنثى .. فكان للذكر دوره وللأنثى دورها .. وبدون الخوض فى تفاصيل دور كل واحد منهم إلا إن فيه أساسيات متفق عليها (أعتقد كدا يعنى ty:) )

السؤال بقى .. عايزين نتخيل سوا كدا لو كان الحال مقلوب .. يعنى لو كان دور الأنثى هو العمل والشقاء وجلب المال والقعاد ع القهاوى ودور الرجل هو رعاية العيال والغسيل والمسح والطبيخ وتحمل الزعيق وتلبيس الحفاظات blw) !!

الموضوع ده – نظرا لطبيعته العجيبة شويتين - مفتوووووح .. يعنى لن يخضع لقواعد الإشراف من حيث عدم الخروج عنه .. بس بشرط .. نخرج ونرجع تانى .. طيب؟

مش عارف ليه افتكرت حشيش وانا باكتب الموضوع ده :blink:

[وسط]!Question everything

[/وسط]

رابط هذا التعليق
شارك
Cleo عضو جديد

Cleo

بتاريخ:
بتاريخ:

كل ميسر لما خلق له..

الست ربنا اداها قدرات تتحمل حاجات معينة ما يقدرش عليها الراجل..

والراجل ربنا اداله قدرات ما تقدرش عليه الست...

الست مثلا ما تقدرش تتحمل العمل الشاق لفترة طويلة... مهما كانت كفء فى عملها... مافيش واحدة ست بتشتغل مجاش عليها ولو لحظة اتمنت انها تقعد فى البيت..

فيه بأة ستات عايشين للحياة العلمية المعملية الفذة و كارير وومان والكلام ده... دول هنلاقيهم أشباه ستات.. يعنى الشكل الخارجى واحدة ست و الداخلى مسخ لا حصل كدة ولا كدة.. ودول ما ينفعوش يعمروا بيوت وعادة بينتهى بيهم الأمر للطلاق وزيجة أو زيجتين فاشلين على الأقل.

نفس الشىء يقال على الراجل اللى مش عايز يتعب و يشقى و يبنى... عاوز كل حاجة تجيله و هو مرتااااااح والمدام تصرف عليه... ده برضه يبقى شبه راجل والحياة الزوجيه معاه بتنتهى بمأساة و معاناة بجد..

الحل فى الوسطية..

ممكن الست تشتغل شكل لا يؤثر تأثيرا بالغا على بيتها..

وممكن برضه الراجل يكون هادى أو بيتوتى طالما مكفى بيته ومعيشهم فى مستوى لائق..

بث خلاث

(عمو... عمووووووو... أنا خرجت عن الموضوع؟؟ :blink: )

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
و كارير وومان والكلام ده...

بس إنت مش متفقه معايا يا كليو إن اليونيون إير أحسن من الكارير دلوقت وأرخص كمان :blink:

ماليش دعوة سيادة اللواء المشرف قال أخرجوا بره الموضوع وأنا بأسمع الكلام .

لأ بجد بقى وجهة نظري في الموضوع ده إن أنا عن نفسي ممكن أساعد في شغل البيت إلا حاجة واحده ماقدرش اعملها وهي

رضاعة الاطفال .. لأن الراجل غير مؤهل لذلك ... ups: .. خلقة ربنا يعني ..

بقى عايز الستات تروح تقعد على القهوة وتشد شيشه وتتفرج على ماتش الأهلي وبلدية المحلة وإحنا نقعد في البيت نقمع بامية يا إسو ؟ ....

ماشي يا إسو .. أقعد إنت ألعب في دماغهم لحد ما يقولوا إن ده حق من حقوقنا ونحن نطالب بالمساواة ...

فعلاً ما كنش بيفرملك إلا إبن مصر ربنا يرجعه من الحجاز بالسلامه ..

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
عصام عضو جديد

عصام

بتاريخ:
  • كاتب الموضوع
بتاريخ:
فعلاً ما كنش بيفرملك إلا إبن مصر ربنا يرجعه من الحجاز بالسلامه ..

ty:)

لا صحيح ..

أنا فعلا عايز نتخيل الموقف سوا .. :blink:

الست مظلومة؟

طيب ما تتخيل كدا لو كنت انت اللى بتعمل شغلها؟ وخليك حقانى .. st):

والمضحك بقى ف الموضوع .. إييييه؟

إنك تتخيل إن لو ربنا كان خلقنا كده .. ups: كان بقى إيه الوضع؟ !!

من ساعة الفكرة دى ما جت على دماغى وانا مش قادر أبطل ضحك jmb-)

أصل بينى وبينك ..

المدام رجعت تكتب فى المحاورات تانى blw)

[وسط]!Question everything

[/وسط]

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:
ربنا خلق الذكر والأنثى .. فكان للذكر دوره وللأنثى دورها .. وبدون الخوض فى تفاصيل دور كل واحد منهم إلا إن فيه أساسيات متفق عليها (أعتقد كدا يعنى  )

انا لا أعتقد ups:

استنى استنى ماتزعلش st):

انا قصدى ان المشكله تكمن "شديده تكمن دى فى باب الموضوعات الخفيفه" فى موضوع الادوار و المسئوليات وتخيل كل طرف ان هذا الشئ مسئولية الطرف الآخر !!

الاعمال المنزليه مثلا .. كثير منها يحتاج لمجهود عضلى كبير !! هل يمكن تصور انها دور نسائى بحت لمجرد انها تجرى داخل البيت !! شراء الخضار دور خارجى blw) قصدى يعنى بيتعمل بره البيت .. لو نظرنا للموضوع بتقسيمه تقليديه نقول الراجل هو اللى يجيب الخضار .. برغم انه ممكن يكون خيبه فى الموضوع ده وممكن تكون الست اقدر منه فى تحمل هذا الدور !! فلم التربسه؟ ty:) ولم نتناسى ان الرسول عليه الصلاة و السلام كان يقوم بما يظنه الكثيرون ادوار قاصره على الزوجه فقط :blink:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
Cleo عضو جديد

Cleo

بتاريخ:
بتاريخ:

الموضوع ده بيفكرنى بفيلم سيداتى أنساتى بتاع محمود عبد العزيز و مراتاته راجعين من الشغل يقولوله حطلنا ناكل هانموت من الجوع... وهو قاعد عالسفرة يشتغل تريكو. :blink:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
عصام عضو جديد

عصام

بتاريخ:
  • كاتب الموضوع
بتاريخ:
الموضوع ده بيفكرنى بفيلم سيداتى أنساتى بتاع محمود عبد العزيز و مراتاته راجعين من الشغل يقولوله حطلنا ناكل هانموت من الجوع... وهو قاعد عالسفرة يشتغل تريكو.  wst::

ty:) blw) st):

jmb-)

آه والله صحيح .. :blink:

يا نهار اثود ups:

[وسط]!Question everything

[/وسط]

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

انا بره اللعبه دي يا عم ...

انا ماشي بمبدأ الجنس الناعم ناعم والجنس الخشن خشن .. وعلمني العوم والنبي يا أحمد ...

مش لاعب يا إسو أنا هاقعد مع فيروز في التراسينة نتفرج على صراع الأجيال ..

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:
مش لاعب يا إسو أنا هاقعد مع فيروز في التراسينة نتفرج على صراع الأجيال ..

ys): ys): ys):

tea))(: tea))(: tea))(:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
عصام عضو جديد

عصام

بتاريخ:
  • كاتب الموضوع
بتاريخ:
آه والله صحيح ..  fty:: 

يا نهار اثود  fty:: 

مش لاعب يا إسو أنا هاقعد مع فيروز في التراسينة نتفرج على صراع الأجيال ..

إتـــًـــــاااخرو شوية ... عايز اقعد معاكو ... fty::

[وسط]!Question everything

[/وسط]

رابط هذا التعليق
شارك
Farida عضو جديد

Farida

بتاريخ:
بتاريخ: (معدل)

و انا برضه حا أقعد جنب فيروز علشان الكلام مش لادد على (حلوة لادد دى )....بس عجبتنى حكايه الراجل انه ممكن يجيب الخضار علشان بره البيت و يشيل السفرة و ينفض السجاجيد علشان محتاجين مجهود عضلى ...

افتكرت مشكله زمان فى بريد الأهرام عن زوجه بتشتكى ان جوزها مش بيخليها تعمل حاجه خالص فى البيت مع انه موظف كبير بس هوايته شغل البيت و ان اكتر حاجه كانت بتضايقها لما كان بيطلع البلكونه ينشر الغسيل و الجيران بيتفرجوا عليه.....

تم تعديل بواسطة Farida

*اللهم انى اشكو اليك ضعف قوتى و قلة حيلتى و هوانى على الناس

*اللهم و لى امورنا خيارنا و لا تول امورنا شرارنا

* الساكت عن الحق شيطان أخرس

* الشعوب تستحق حكامها

رابط هذا التعليق
شارك
yasovinas عضو جديد

yasovinas

بتاريخ:
بتاريخ:

انتم بتقولوا فيها طيب هحكي لكم حكايه بس مش عايز تعليق fty::

من كام سنة زوجتى كانت معي هنا وطلع في دماغها تشتغل وفعلا اشتغلت في فرع لشركة مصريه تعمل هنا في الامارات طبعا الشغل دوامين (يعني فترتين) وانا طبعا بشتغل في الحكومه دوام واحد وبعد الظهر متستت في البيت مع العيال

اه والله ده حصل fsh::

المهم طبعا ولان انا ومراتي متجوزين عن حب اكتر من 10 سنوات fty:: :huh: من ايام ما استقبلتها في اول سنة جامعه فانا زوج اليف جدا وبيتوتي جدا مع العلم اني ايام العزوبيه ما كنتش اقعد في البيت اكتر من نصف ساعه سهر وفسح وسفر وشقاوة اييييييه ايام

المهم انا زي ما قلت لكم رجل بيتوتي وبحب مراتي جدا وبساعدها في شغل البيت فطبعا بعد نزوة الشغل واثبات الذات الحريمي اصبح الوضع ان هي اللي بتساعد في شغل البيت

الظريف في الموضوع ان مرة ذهبنا اجتماع اولياء الامور لابني ايامها كان في صف تاني ابتدائي فوجئت بمدرسته بتقول لزوجتي يا اختى ما تسلفيني جوزك اللي بيعمل كل حاجه في البيت ده fty::

الواد فضحنا في المدرسه وطبعا اخوكم بقى مش عارف يعمل ايه طول بعرض وشنابات يقف عليه الصقر pmp:: وطبعا رايح الاجتماع عامل ابو علي ملمع ومتقمع بس كانت ليله يا عمده

Yasso.gif

رابط هذا التعليق
شارك
ابو يوسف عضو جديد

ابو يوسف

بتاريخ:
بتاريخ:

أنا أرى أن الموضوع جد جداً fty::

هناك سيدات أنساهم العمل أنهم سيدات ...

حتى أن أزواجهن يتخيلهن بشنب !!!

و من هنا يبدأ الخلل و تتغير سنة الحياة ..

أنا لست ضد عمل المرأة .. لكن ضد عدم ترتيبها لأولوياتها ..

كما أن بعض الزوجات يعتبرن مساعدة الرجل لهن فى البيت هو حق مكتسب ..

مثلاً الرجل يرى زوجته متعبة فيقوم بعمل الشاى .. :huh:

تانى يوم .. يطلب منها عمل الشاى فتقول ... انت عليك عمايل شاى .. زى العسل ما تعمله انت يا روح قلبى ..

ويصدق الزوج الغلبان .. ويقوم يعمل الشاى ... mfb:

تالت يوم ...

يطلب شاى ..

ترد بحدة .. هو مش انت اللى بتعمل الشاى ؟؟؟ fty:: fty::

ما تقوم تعمله زى كل يوم ... cr((:

و هكذا .. تدريجياً ..

حتى نرى أخيراً الصورة التى أوردها الأخ ببراعة الأخ اسو !!

أحاول إحراقَ كلِ النصوصِ التي أرتديها.

فبعضُ القصائدِ قبْرٌ،

وبعضُ اللغاتِ كَفَنْ.

وواعدتُ آخِرَ أنْثى...

ولكنني جئتُ بعد مرورِ الزمنْ...

...

! !

من قصيدة " متى يعلنون وفاة العرب؟؟"

لنزار قبانى

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:
كما أن بعض الزوجات يعتبرن مساعدة الرجل لهن فى البيت هو حق مكتسب ..

مثلاً الرجل يرى زوجته متعبة فيقوم بعمل الشاى ..  :D

تانى يوم .. يطلب منها عمل  الشاى فتقول ... انت عليك عمايل شاى .. زى العسل ما تعمله انت يا روح قلبى ..

ويصدق الزوج الغلبان .. ويقوم يعمل الشاى ...  ;)

تالت يوم ...

يطلب شاى ..

ترد بحدة .. هو مش انت اللى بتعمل الشاى  ؟؟؟  :)  :P

ما تقوم تعمله زى كل يوم ...  mc:

و هكذا .. تدريجياً ..

حتى نرى أخيراً الصورة التى أوردها الأخ ببراعة الأخ اسو !!

عن الأسود، قال: سألت عائشة- رضي الله عنها-: ما كان يصنع النبي صلى الله عليه وسلم في أهله؟ فقالت: كان يكون في مهنة أهله، فإذا حضرت الصلاة خرج ".

وقالت: ((يخصف نعله، ويعمل ما يعمل الرجل في بيته))وفي رواية: قالت: ((ما يصنع أحدكم في بيته: يخصف النعل، ويرقع الثوب، ويخيط)). وفي رواية: ((كان بشرا من البشر؛ يفلي ثوبه، ويحلب شاته)).

نحن نتحدث كثيرا عن اتباعنا لديننا ومدى اقترابنا او ابتعادنا من اوامر الله و نواهيه !! ونتحدث ايضا عن سنّة نبيه صلى الله عليه و سلم لكن لا ادرى لم نختار موضوعات معينه و ننسى فيها هذه السنة المطهره .. ما علينا :blink: :huh:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:

نسيت ارحب بفريده و إسو فى التراسينه :blink: مرحبا بشعب الفرانده :huh:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
maksoof عضو جديد

maksoof

بتاريخ:
بتاريخ:

فكرة ممتازة!!

عرضتها على مراتى دلوقت و لكن للأسف ما لقيتهاش متحمسة لها :)

قلت أحاول أحسن العرض: قلت لها إيه رأيك لو أتجوز تلاتة تانيين و أهه بينكم إنتم الأربعة تدبروا أموركم يعنى إتنين يروحوا يشتغلوا و يجيبوا الفلوس و الإتنىن التانيين يقسموا بينهم شغل البيت (التنضيف و الطبيخ و العيال و نشر الغسيل) و أنا ممكن أتولى الميزانية و التأكد من إن برامج التليفزيون ما فيهاش حاجة خارجة. :huh:

ما ردتش علية. أعتقد إنها بتفكر فى الموضوع و كمان شوية حتيجى تقول لى إنها موافقة :P

و يادى الهنا اللى حابقى فيه !! :blink:

م

"و من يتق الله يجعل له مخرجا" صدق الله العظيم

اللهم إنى أستغفرك من كل ذنب تبت اليك منه ثم عدت فيه

اللهم إنى أستغفرك من كل عقد عقدته لك ثم لم أوف لك به

اللهم إنى أستغفرك من كل نعمة أنعمت بها على فقويت بها على معصيتك

اللهم إنى أستغفرك من كل عمل عملته لوجهك خالطه ما ليس لك

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:
و يادى الهنا اللى حابقى فيه !!  :blink:

ساعتها هتبقى الصوره الرمزيه بتاعتك حقيقيه ميه فى الميه .. و .. يادى النعيم اللى انت فيه يا قلبى .. تم تم تررم :huh:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
kfaya عضو جديد

kfaya

بتاريخ:
بتاريخ:

أقتباس : مكسوف كتب

فكرة ممتازة!!

عرضتها على مراتى دلوقت و لكن للأسف ما لقيتهاش متحمسة لها 

قلت أحاول أحسن العرض: قلت لها إيه رأيك لو أتجوز تلاتة تانيين و أهه بينكم إنتم الأربعة تدبروا أموركم يعنى إتنين يروحوا يشتغلوا و يجيبوا الفلوس و الإتنىن التانيين يقسموا بينهم شغل البيت (التنضيف و الطبيخ و العيال و نشر الغسيل) و أنا ممكن أتولى الميزانية و التأكد من إن برامج التليفزيون ما فيهاش حاجة خارجة. 

ما ردتش علية. أعتقد إنها بتفكر فى الموضوع و كمان شوية حتيجى تقول لى إنها موافقة 

و يادى الهنا اللى حابقى فيه !! 

قبل ما تسماع الرد , ,,, خد منى النصيحة الرجالى دى ....

تخلص من كل الأكياس البلاستيك التى فى المنزل فورا .....

لم كل السكاكين اللى فى المطبخ و خبئها فى مكان أمين .....

الليلة دى تنام و عنيك مفنجلة ...

مأسوف يا حبيبى .... ربنا يطمنا عليك ...

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:

طيب .. خلّونا نشوف العصر الذهبى اللى هتعيشوه لو تحققت رؤيا إسو للموضوع :huh:

مشهد داخلى .. صالة البيت الساعه 8 صباحا

الزوجه واقفه قصاد المرايه اللى فى مدخل الشقه .. بتظبط الدبابيس اللى عامله بيها الايشارب فى مشهد يذكرنا بايام زمان من خمسين سنه .. اما كان الزوج يقف فى نفس المكان يظبط الكرافته و الزوجه تقف خلفه منتظره تودعه و تدعى له دعوتين .. ايه اللى شايفينه فى عيون الزوج ده؟ دموع دى؟ :blink:

هى فى الغالب ys): دموع الفرح بما حققته الزوجه من نجاح .. ده حتى الادباء -قصدى الاديبات- قالوا : وراء كل امراه عظيمه زوج محب .. وقالوا كمان ان الازواج شموع تحترق من اجل ان

تضئ للآخرين .. اللى هما الزوجه و الاولاد طبعا

بعد انتهائها تلتفت الى الزوج الواقف خلفها وعلى وجهها ابتسامه .. وتقول له

- عاوزاك تدعى لى بالجامد النهارده وانت بتصلى يا زقزوق

زقزوق يساعد زقزوقه فى ارتداء جاكيت التايير ويسالها مبتسما

- خير يا حبيبتى ان شاء الله

- ابدا عندى اجتماع مهم خالص و لو نتيجته زى ما انا عاوزه ليك عندى هديه كبيره

زقزوق يبتسم فى خجل و يقول

- يا زقزوقه انتى مش حارمانى من حاجه .. كفايه دخلتك عليا بالدنيا وما فيها .. هو انا ليا بركه الا انتى؟

زقزوقه تبتسم فى رقه وهى تربت على وجهه بحنان انثوى غريب !!

- ماتقولش كده !! ان شاء الله البدله اللى عجبتك الاسبوع اللى فات ننزل نشتريها النهارده آخر النهار بعد الشغل .. بس انت ادعيلى

زقزوق يفتح الباب وهو يودع زقزوقه قائلا

- ان شاء الله ناجحه و متوفقه و يجعل لك فى كل خطوه سلامه ببركة دعايا .. اقرى المعوذتين و آية الكرسى وانتى خارجه من باب العماره عشان ربنا يحفظك ..

هاروح اتسحر و آجى ..

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
Lighthouse عضو جديد

Lighthouse

بتاريخ:
بتاريخ:

منتظرين التكملة يافيروز

ماتتأخريش :blink:

مٌر الكلام

زي الحسام

يقطع مكان ما يمر

اما المديح سهل ومريح

يخدع صحيح ويغٌر

والكلمة دين

من غير إيدين

بس الوفا

ع الحر

رابط هذا التعليق
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

×
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • Rourou
      0
      13 حقائق عشوائية عن القهوة!
      سواء كانت مظلمة أو فاتحة ، تقدم محمصة وشديدة السخونة أو مبردة إلى حد الكمال ، فإن القهوة ضرورية للناس في جميع أنحاء العالم للمساعدة في بدء صباحهم. خلافًا للاعتقاد الشائع ، لا تأتي القهوة تلقائيًا في تلك الأكواب البيضاء مع وجود شعار مؤسستك المفضلة على جانبها ... يجب أن تأتي الحبوب من مكان ما قبل أن تصبح "Pumpkin Spice Latte" المثالية التي لا يمكنك الحصول عليها انتظر للنشر على Instagram. إن تاريخ تجارة القهوة ومكانتها باعتبارها عنصرًا أساسيًا في الرفاهية الاقتصادية للعديد من البلدان غنية ودافئة مث

      بواسطة Rourou
      كُتب

    • News Bot
      0
      [مجلة صباح الخير]هنا الزاهد: تفتح حوار «القهوة».. ومجدى وغادة «تريند»
      خبيرة التاروت بسنت يوسف أثارت الجدل على مواقع التواصل بتوقعاتها لعام 2022 بعد ظهورها بأحد البرامج وقولها كوعرض الصفحة

      بواسطة News Bot
      كُتب

    • News Bot
      0
      [مجلة رزو اليوسف]شعاع أمل.. هل أنت من محبى القهوة؟
      إن كنت من محبى القهوة فماذا تعرف عنها تحتفل مصر والعديد من دول العالم باليوم العالمى للقهوة فى شهر سبتمبر.. فعرض المقال كاملاً

      بواسطة News Bot
      كُتب

    • News Bot
      0
      [مجلة رزو اليوسف]كدهوّن!.. «نستولوچيا» القهوة
      جلست بمفردى فى شرفة المنزل زاهدا فيما سيأتى ناسيا ما قد مضى فى محاولة جادة منى لصنع فنجان من القهوة المظبو عرض المقال كاملاً

      بواسطة News Bot
      كُتب

    • News Bot
      0
      [مجلة صباح الخير]هى برضه «القهوة»!
      سليم البدري سليمان غانم نازك السلحدار النجوم التاريخيون الثلاثة لخماسية ليالى الحلمية الكل يذكرعرض الصفحة

      بواسطة News Bot
      كُتب

×
×
  • أضف...