هى فين؟ .. ع القهوة .. طب وهو؟ .. بيٌنشُر الغسيل

[kfaya]

بذمتك يا فيروز, أنتى فاكرة ان أحنا بسمع الكلام الشاعرى ده و احنا رايحيين على الشغل ؟؟!!

طب أيه رأيك مثلا فى :

ماتنساش تقول للبواب يطلع أنبوبة بوتاجاز و انت نازل ..

حاضر ..

و تعدى على ماما و انت راجع تجيب ورق العنب اللى هى لفتهولى ...

حاضر ..

البيت مفيهوش ولا مليم ... و التلاجة فاضية بتصفر ...

حاضر ..

حاضر أزاى ؟؟؟ أنت بتهاودنى و خلاص !!! هتسيبلى كام ؟؟؟

خمسين جنية أهم ...

حطهم تحت الطقطوقة عندك ..

حاضر ..

عايزة حاجة تانى ؟؟؟؟

ياريت ما تتأخرش عشان تتغدى مع العيال ...

حاضر ..

[فــيــروز]

لو سمحت يا كفايه

ماتقطعش على المشاهدين

وبعدين بقى اهه .. بعضمة لسانك الدليل الدامغ على الكلام الحلو اللى بتسمعه

ياريت ما تتأخرش عشان تتغدى مع العيال ...

لو نبطل افترا .. :blink:

لايت .. مخاصماكى .. :huh: كده بردو تقوليهالى فى وشى "ساقطه" !! :) طيب ابعتى لى رساله لولى امرى او اى حاجه كده من غير ما تريقى ماء وجهى .. دى الميه غليت يا لايت حرام عليكى :P

[G.G]

زقزوقه تبتسم فى رقه وهى تربت على وجهه بحنان انثوى غريب !!

:blink: :huh: :) حلوة أوي "حنان أنثوي غريب" دي !!! :P

يحيرني فعلا.. رفض الرجال عمل أي شئ في المطبخ و فخرهم انهم رجالة جامدين أوي و لا يعرفوا أي حاجة في الطبيخ و لا يمسكون مكنسة أو حتى تطبيق الغسيل و لو قاموا بعمل هذا في يوم يتكسفوا منه كأنه عار أو كأنهم في طريق التحول لأنثى (لا قدر الله)..

مع ان المنطق يقول أن الإنسان الطبيعي مذكر أو مؤنث المفروض انه متى تعدى سن معينة المفروض يعني انه يتعلم كيف يأكل نفسه و كيف يهتم بنظافته الشخصية و نظافة المكان الذي يعيش به و إلا كان نقص هذه النواحي علامة لعدم النضج و اعتماده المرضي على "ماما "..

و طبعا لو أكرم الله هذا الإنسان بشريك حياة مناسب فيجب مشاركة كل المسؤليات في ما بينهم و لكن تظل المهارات الأساسية المكتسبة موجودة و قابلة للممارسة متى تطلبت الظروف ذلك..و طبعا تبعا لظروف كل أسرة و النظام المتفق عليه..و ليس الأمر به شبهة إذلال أو انشطة لا تليق ..أنما هي مسؤليات مقسمة..

و تحضرني حكاية زميل لي امريكاني ,ناجح جدا و مبدع في عمله و ذو عضلات و قوي البنية fsh:: , يوم علم أن زوجته حامل بدء في أخذ دروس عن كيفية الإهتمام بالطفل و حمامه اليومي و "تغيير الحفاظات له" و إرضاعه من البيبرونه و ما إلى ذلك..بدافع الحب و البهجة بهدية الله..

و يوم أن جاء ابنه إلى الحياة و حكى لنا عن يومياته مع طفله و تفاصيل الإهتمام به اذكر ان رد فعلنا (زملائى و أنا ), لم يكن ابدا "شوف الراجل الغلبان و زوجته ذات الشوارب ""... و إنما كان الإعجاب بجو أسرته الصغيرة و الحب و التفاني الراقي من كل فرد تجاه الأخر ..

[Lighthouse]

لايت .. مخاصماكى .. :blink:  كده بردو تقوليهالى فى وشى "ساقطه" !!  :) طيب ابعتى لى رساله لولى امرى او اى حاجه كده من غير ما تريقى ماء وجهى .. دى الميه غليت يا لايت حرام عليكى  :P

يارب اطفحها لو كنت قلت لك كده

ده كفاية هو اللى عمال يرفد الناس ويعمل لهم اعادة قيد

وشكله كده بيلم من ورايا فلوس في حكاية السقوط دي :huh:

عليكي بيه بقى fsh::

[فــيــروز]

تخرج زقزوقه من البيت مشيعة بدعوات زقزوق وهى تدندن غنوه محببه الى قلبها رغم انها قديمه للغايه "عاشقه و غلبانه" !!.. :) حمدت الله انه توقف عن الاصرار على ان يرقيها بالبخور كل يوم قبل خروجها ..

وصلت الى العمل وهى فى حاله معنويه مرتفعه .. اعدت اوراقها وذهبت الى حجرة الاجتماعات .. وجدت الجميع قد حضرن بالفعل .. مرزوقه و معتوقه و برقوقه وباقى الجوقه .. تجعدت

ملامحها حين وجدت هذا الموظف الدخيل جالسا فى اقصى حجرة الاجتماعات وحيدا .. كانت الاداره قد وافقت على تعيينه نظرا لظروفه الصعبه وعدم قدرة زوجته على اعالته .. كان يشعر

باستهانة زميلاته به وكنّ يشعرن برغبته القويه فى ان تتحسن الاحوال الماديه لزوجته وبالتالى لا يصبح محتاجا الى العمل و يعود الى المنزل حيث مكانه الطبيعى !! mc:

القت عليه تحية الصباح باقتضاب وجلست مع الزميلات الى حين وصول رئيسة مجلس الاداره السيده مرموقه .. وحين وصلت مرموقه اتخذ الجميع مجالسهن بينما انزوى الزميل فى مقعد بعيد

افتتحت مرموقه الحوار بشكر الجميع على الاداء الجيد . بمن فيهم ذلك الدخيل الذى لا يجيد اى شئ فى الحياه سوى الشكوى من الظروف و قسوة الايام !! :D لم لا يجلس فى المنزل و يريحهم من هذا العناء اليومى !! لا يترك شئ لا يشكو منه !! بهدلته فى المواصلات !! تراذل سائقات التاكسى عليه .. حتى زوجته لا يعجبها طبيخه !! مالنا وكل هذا .. :blink:

واخيرا حانت الفرصه لزقزوقه .. وبدات عرض خطتها بحماس واضح .. ولاحظت بسعاده وطرب ان كلامها يلقى استحسان مرموقه .. وبدا لها انها باتت قاب قوسين او ادنى من العلاوه

المنتظره .. بل و صوّرت لها عين الخيال زوجها زقزوق وهو سعيد فرح يقفز سعادة بالبدله الجديده التى ستشتريها له !! ;) والكيتشن ماشين التى ستوفر عليه عناء المطبخ !! اخبرها عن

امكانياتها وكيف انها ستجعل له فى المطبخ اياد عديده وليست اثنتان فقط فوافقت على مضض

إلا انها افاقت من تصوراتها على صوت زميلهم النكره متنحنحا وطالبا الكلمه !! نظرت زقزوقه اليه مستنكرة الا انه اشاح بوجهه عنها بسرعه وهو يبدى ملاحظات بشان تصوراتها !! بل و

الادهى من ذلك يقترح خطة بديله .. :D

لا يمكن ان يكون ما يجرى امام عينيها الآن حقيقى !! كيف تسمح مرموقه بما يحدث !! انها قمة المهزله .. وزاد شعورها بالصدمه وهى تسمع باذنيها مرموقه وهى تقرر ان مقترحاته هى التى

ستكون لها اولوية التنفيذ !! كيف يحدث هذا !! انه مجرد temp وضعه مؤقت سرعان ما يعود الى بيتهم يقشر بطاطس و يغير كوافيل .. انها رده بكل المقاييس .. لا يمكن ان تسكت على هذا :P

.. لا يمكن :huh:

[Lighthouse]

:huh: :)

في انتظار التكملة

:blink:

[فــيــروز]

قفلت النت و رجعت فتحت تانى عشان نسيت اشكر لايتهاوس و جيجى على الدعم الفنى و اللوجيستى :)

دخلت لقيت لايت بتقول لى فى انتظار التكمله .. :huh: طيب دعواتك :blink:

[kfaya]

قفلت النت و رجعت فتحت تانى عشان نسيت اشكر لايتهاوس و جيجى على الدعم الفنى و اللوجيستى 

دخلت لقيت لايت بتقول لى فى انتظار التكمله ..  طيب دعواتك 

فى ايه يا ميس لايت ؟؟؟!! :blink:

عايزاها تكمل تقول ايه تانى ؟؟؟؟ :blink:

مش كفايه خطتها أترفضت .... و كلام ال Temp الرجالى هو اللى هيمشى !!! mfb:

لا مؤاخزة بقى احنا بنكسب جوة ... و بنكسب برة .... ( زى الأهلى بالضبط ) B)

الخطط بتاعتنا هى اللى بتمشى فى الشغل ..... و برضو بنعرف نشغل الكتشين ماشين فى البيت .. cr((:

[Lighthouse]

قفلت النت و رجعت فتحت تانى عشان نسيت اشكر لايتهاوس و جيجى على الدعم الفنى و اللوجيستى 

دخلت لقيت لايت بتقول لى فى انتظار التكمله ..  طيب دعواتك 

فى ايه يا ميس لايت ؟؟؟!!

عايزاها تكمل تقول ايه تانى ؟؟؟؟

مش كفايه خطتها أترفضت .... و كلام ال Temp الرجالى هو اللى هيمشى !!! :P

لا مؤاخزة بقى احنا بنكسب جوة ... و بنكسب برة .... ( زى الأهلى بالضبط )

الخطط بتاعتنا هى اللى بتمشى فى الشغل ..... و برضو بنعرف نشغل الكتشين ماشين فى البيت .. cr((:

فيه ايه يامستر كفاية :D

انا كلمتك :blink:

B)

بس كويس والله انكم زي الاهلي :P

وبتعرفوا تشغلوا الكتشن ماشين mfb:

:blink:

[afiona]

مستر كفاية ...

تحية طيبة و بعد ...

اديهم فرصتهم ... خلينا نشوف اخرة احلام اليقظة ايه :blink: ... وبعدين دى حاجات ظريفة قوى و خيال علمى خصب زى حكايات الف ليلة و ليلة ...

و زى ماقال المثل: العقل زينة واللى تعدمه حزينة ....

الترجمة : روحوا على المطبخ بالتى هى احسن ... fsh::

[ابو يوسف]

كما أن بعض الزوجات يعتبرن مساعدة الرجل لهن فى البيت هو حق مكتسب ..

مثلاً الرجل يرى زوجته متعبة فيقوم بعمل الشاى ..  :P

تانى يوم .. يطلب منها عمل  الشاى فتقول ... انت عليك عمايل شاى .. زى العسل ما تعمله انت يا روح قلبى ..

ويصدق الزوج الغلبان .. ويقوم يعمل الشاى ...  :D

تالت يوم ...

يطلب شاى ..

ترد بحدة .. هو مش انت اللى بتعمل الشاى  ؟؟؟  cr((:  mfb:

ما تقوم تعمله زى كل يوم ... :P

و هكذا .. تدريجياً ..

حتى نرى أخيراً الصورة التى أوردها الأخ ببراعة الأخ اسو !!

عن الأسود، قال: سألت عائشة- رضي الله عنها-: ما كان يصنع النبي صلى الله عليه وسلم في أهله؟ فقالت: كان يكون في مهنة أهله، فإذا حضرت الصلاة خرج ".

وقالت: ((يخصف نعله، ويعمل ما يعمل الرجل في بيته))وفي رواية: قالت: ((ما يصنع أحدكم في بيته: يخصف النعل، ويرقع الثوب، ويخيط)). وفي رواية: ((كان بشرا من البشر؛ يفلي ثوبه، ويحلب شاته)).

نحن نتحدث كثيرا عن اتباعنا لديننا ومدى اقترابنا او ابتعادنا من اوامر الله و نواهيه !! ونتحدث ايضا عن سنّة نبيه صلى الله عليه و سلم لكن لا ادرى لم نختار موضوعات معينه و ننسى فيها هذه السنة المطهره .. ما علينا :blink: :blink:

يا فيروز المنتدى ..

الفارق كبير بين أن يتطوع الرجل لمساعدة الزوجة (عندما يجدها تحتاج للمساعدة).. B)

وبين اعتبارها ذلك حقاً مكتسباً .. ( زى موضوع الشاى !!! )

وبعدين أين زوجاتنا من زوجات الرسول - صلى الله عليه و سلم ؟؟؟؟؟

;)

[ابو يوسف]

بذمتك يا فيروز,  أنتى فاكرة ان أحنا بسمع الكلام الشاعرى ده و احنا رايحيين على الشغل ؟؟!!

طب أيه رأيك مثلا فى :

ماتنساش تقول للبواب يطلع أنبوبة بوتاجاز و انت نازل ..

حاضر ..

و تعدى على ماما و انت راجع  تجيب ورق العنب اللى هى لفتهولى ...

حاضر ..

البيت مفيهوش ولا مليم ... و التلاجة فاضية بتصفر ...

حاضر ..

حاضر أزاى ؟؟؟ أنت بتهاودنى و خلاص !!! هتسيبلى كام ؟؟؟

خمسين جنية أهم ...

حطهم تحت الطقطوقة عندك ..

حاضر ..

عايزة حاجة تانى ؟؟؟؟

ياريت ما تتأخرش عشان تتغدى مع العيال ...

حاضر ..

:blink: :blink: cr((:

[فــيــروز]

يا  فيروز المنتدى  ..

الفارق كبير بين أن يتطوع الرجل لمساعدة الزوجة (عندما يجدها تحتاج للمساعدة)..  :blink:

وبين اعتبارها ذلك حقاً مكتسباً .. ( زى موضوع الشاى !!! )

وبعدين أين زوجاتنا من زوجات الرسول - صلى الله عليه و سلم ؟؟؟؟؟

B)

يا اخ ابو يوسف .. الرسول عليه الصلاة و السلام حين كان يقوم بهذه الاعمال .. التى تعتبر سنّه .. لم يشترط ان تكون الزوجه مقاربه لمستوى زوجاته !! mfb: يعنى لم يقل : هذه سنتى التى يجب ان تتبعوها فقط لو كانت مواصفات الزوجه كذا و كيت !! ولم يقل -حسب علمى- انه يفعل ذلك لان زوجاته تحتاج !! بل على ما اظن كان هناك بالمنزل من يقوم بهذه الاعمال ورغم هذا لم يستنكف الرسول عليه افضل الصلاة و اتم التسليم ان يقوم بها !!

وبعدين يا ابو يوسف اذا كان الموضوع موضوع مقارنه فاسمح لى يعنى اين اى رجل من اى صحابى جليل !! :blink: وطبعا لن استطيع ان اقول اين اى رجل من الرسول عليه الصلاة و السلام !! لكن اللى انا افهمه ان السنّه يحسن اتباعها -على اعتبار انها ليست فرض يعنى- بدون شروط مسبقه cr((:

[فــيــروز]

كفايه كتب:

مش كفايه خطتها أترفضت .... و كلام ال Temp الرجالى هو اللى هيمشى !!! 

لا مؤاخزة بقى احنا بنكسب جوة ... و بنكسب برة .... ( زى الأهلى بالضبط ) 

الخطط بتاعتنا هى اللى بتمشى فى الشغل ..... و برضو بنعرف نشغل الكتشين ماشين فى البيت .. 

شكلكو هيبقى وحش خالص لو الاهلى خسر الليله B) .. يا رب الاهلى يخسر يا رب يا رب mfb:

وبعدين ماتفرحش اوى كده انا لولا انى مش عاوزه احرق لكم الحلقات كنت زعلتك خالص على مصير مستر temp استنّى بس الصبر جميل cr((:

لايت تقول:

وبتعرفوا تشغلوا الكتشن ماشين

يا بنتى ده كبيرهم يعنى .. ياللا خليهم يفرحوا لهم يومين :P

افيونه كتب:

وبعدين دى حاجات ظريفة قوى و خيال علمى خصب زى حكايات الف ليلة و ليلة ...

ان شاء الله اما تتحول لمسلسل من سبعتلاف حلقه .. هاخليهم يدولك دور مسرور s-:

و زى ماقال المثل: العقل زينة واللى تعدمه حزينة ....

الترجمة : روحوا على المطبخ بالتى هى احسن

لا خليك انت للترجمه الصينى :blink: :blink:

[se_ Elsyed]

شكلكو هيبقى وحش خالص لو الاهلى خسر الليله  :blink: .. يا رب الاهلى يخسر يا رب يا رب  :blink:

طب ليه كده يا باسمهندسه ؟

طب ما أفيونة إتكلم هو كمان .. يبقى ليه بقى وإشمعنى يعني ما دعتيش على الزمالك هو كمان ... ولا العملية فيها خيار وكانتلوب وهو عنده واسطه وإحنا لأ ؟

يا لجنة الحكام قولولنا وفهمونا فيروز بتقبض من الزملكاوية كام ؟

تسقط فيروز عدوة الأهلي ......

وأهو ربنا إستجاب لدعاءنا وسقطتي وجبتي كحكه في امتحان الإملاء اللي كانت عاملاه أبلة لايت هاوس بتاعت العربي لحد ما يجيبوا مُدرسة عربي cr((:

[فــيــروز]

طب ما أفيونة إتكلم هو كمان .. يبقى ليه بقى وإشمعنى يعني ما دعتيش على الزمالك هو كمان ... ولا العملية فيها خيار وكانتلوب وهو عنده واسطه وإحنا لأ ؟

يعنى مش كفايه انى خليت افيونه هو مسرور !! :P ده انا شايفه ان دى عقوبه جامده جدا cr((: .. هيفضل واقف زنهار طول الحلقات ومحدش يشوفه غير اما شهريار ينده و يقول : يا سيّاف :blink: .. يقوم افيونه يطلع فى الشاشه يقول : امر مولاى و المشاهدين يشوفوه وبعدين يرجع يغطس لحد تانى يوم B) .. وهكذا .. ده ولا سيزيف يابنى mfb: .. على الله يطلع اسمه سيزيف احسن شكلى انا اللى هيبقى عار :blink:

بخصوص دروس العربى .. طيب ما تدخل المسابقه وتورينا نفسك يا كابتشن

تم تعديل 4 نوفمبر 2004 بواسطة فــيــروز

[Lighthouse]

وأهو ربنا إستجاب لدعاءنا وسقطتي وجبتي كحكه في امتحان الإملاء اللي كانت عاملاه أبلة لايت هاوس بتاعت العربي لحد ما يجيبوا مُدرسة عربي  mfb:

مالك يا س س :rolleyes:

على العموم يكفيها شرف المحاولة ياكابتن س س

اما نشوف لو انت دخلت المسابقة بتاعة الاملا ح تعمل ايه

وبعدين ابقى شوف لنا ابلة عربي عندك ولا اقول لك خليه استاذ

:blink:

[METALLICA]

أنا شايف إن إلمام الرجل بمهام المنزل لشئ هام .. بل وشديد الأهمية . .

لأ لأ . . . ما تفرحوش أوي كده . . .

أنا هدفي من هذا هو تحرر الرجل من سيطرة المرأة عليه . . مما يجعله غير قابل لممارسة ضغوط الزوجة بالتهديد بعدم طبخ الأكل أو غسيل الملابس . . .

يا رجال العالم . . .إتحدوا و طالبوا بالمساواه . . . . :rolleyes: