محتاج رأيكم بشده بالله عليكم ألا تبخلو بنصائحكم ؟

[lovelyramy]

السلام عليكم ورحمه الله وبركاته

استحلفكم بالله ان لا تبخلو على بارائكم ومقترحاتكم وجزاكم الله كل خير

باختصار اخوكم محتار فى اختيار بين عرضين للعمل

الاول فى السعوديه

راتب شهرى 3500 ريال

بدل انتقال 500 ريال

بدل سكن عائلى 15000 ريال فى العام او توفير سكن عازب

الوظيفه اخصائى استيراد وتصدير

المهنه اخصائى تسويق

مكان العمل الرياض

الشركه وكيل قطع غيار سيارات نقل ثقيل

الثانى فى قطر

راتب شهرى 3500 ريال اول ثلاثه اشهر بعدها يكون 4000 ريال

توفير انتقالات بباص الشركه او بدل انتقال حسب اختياري

توفير سكن عازب فى سكن الشركه اما عن السكن العائلى فيحدد حسب تقييم العمل فى العام الاول اما ان احصل على سكن تبع الشركه او بدل يحدد لاحقا حسب التقييم

الوظيفه اخصائى موارد بشريه

مكان العمل الدوحه

الشركه تعمل فى مجال المقاولات

انا عندى 25.5 سنه وعندى خبره من ايام الدراسه وبعد التخرج فى مجال الاستيراد والتصدير قدرها 3 سنين والباقى اتش ار

بفضل الله عملت فى السعوديه فى شركه امريكيه لمده عامين تقريبا بعد التخرج بفتره بسيطه جدا ولسه راجع من فتره قليله

معايا دبلومه فى الجلوبال بزنس - التجاره الدوليه

واساسا معايا بكالوريوس تجاره شعبه اداره اعمال

انا بصراحه محتار هل اقبل السعوديه ولا قطر

كل اللى بادور عليه مكان استقر فيه وابنى فيه كاريير محترم واترقى فيه

كان لى تجربه مع الكفيل السعودى السابق للاسف طفشنى من الشغل ربنا يسامحه

ارجوكم انصحونى وخصوصا اهل الخبره سى السيد والاستاذ خالد شحاته والاستاذ زهيري وكل الناس اللى هنا

فى انتظار ردودكم ارجوكم لا تتاخرو فانا محتاج للرد عليهم فى اقرب وقت

وجزاكم الله كل خير جميعا

تم تعديل 20 نوفمبر 2011 بواسطة lovelyramy

[raouf]

السعودية وعقدها افضل

العيشة والسكن فى قطر غاليين جدا والمرتب ده مش هايعملك حاجة

[kinglove]

انا براي السعوديه احسن ... لاني بسمع ومو متاكد ان قطر غاليه جدا ... والله يوفقك

[قاصد كريم]

عقد السعودية احسن وهتوفر منه اكتر زى ما قالوا الاخوة قطر غالية ولكن انت جربت السعودية شوف ارتحت ولا لا لان قطر مريحة نفسيا اكتر المعاملة مختلفة وربنا يوفقك.

[lovelyramy]

بجد جزاكم الله كل خير

هو فعلا تجربه السعوديه الاولى هى اللى مخوفانى

فى انتظار باقى الاراء وجزاكم الله كل خير جيعاااا

[احمد حمدى]

رائي السعودية افضل هتوفر منها كتير وتعرف تعيش

العيشة هناك مش غالية

لكن قطر اعتقد ان العيشة هناك غالية جدا

وانت كمان كنت موجود بالسعوديه فتعرف المميزات والعيوب

ربنا يوفقك ان شاء الله

[محمد افندى]

السعودية افضل هتوفر احسن

قطر غالية والمرتب دة مش يعمل حاجة

[AbkaReno]

اقل مرتب في قطر 7000 ريال

[lovelyramy]

هل من مزيييييييييييد ؟