استشارة بخصوص مصمم مواقع ويب - الرياض

[أحمداوي]

بسم الله الرحمن الرحيم

الأخوة الأحبة

أنا أعمل مصمم ويب خبرتي عامين واعمل حاليا في شركة تطوير مواقع وبرمجيات براتب 2500 جنيه مصري + تامينات بحسب قانون العمل وتأمين صحي والشركة تابعة لشركة قابضة كبيرة فهي مستقرة جدا

جاءني عرض من السعودية الرياض من الشركة الهندسية للأجهزة الطبية وهي شركة هندسة طبية صاحبها هو ابن شريك في شركة مقاولات كبرى (كبرى جدا :)) ويأخذ منهم عقود الأجهزة الطبية في المستشفيات ويستخدم سمعة أبيه ونفوذه وكذلك ماله في فتح استثمارات جديدة

الشركة في غير تخصصي أنا سأعمل في تخصصي لكن فرص الترقي غير محتمله صاحب الشركة يعد بأنه يريد فتح شركة في مجال الدعاية والإعلان وسيكون بها فريق لتطوير ويب وسيكون هذا مجالي لكن هذا في علم الغيب

السكن عليهم في مكان تابع للشركة صفة السكن بحسب شرحه الشفوي حجرة خاصة في شقة الشقة بها أكثر من غرفة لكل شخص مؤهلات عليا مهندسين ومحاسبين

تامين صحي

مواصلات مكيفة تابعة لهم للنقل للعمل

9 ساعات عمل يوميا ماعدا الخميس نصف يوم والجمعة أجازة

أجازة سنوية 30 يوم ورحلات الطيران ذهاب وعودة عليهم(الرحلة الاولى للإلتحاق بالعمل)

المكتب يريد 4000 جنيه مصري

الفيزا أخصائي تسويق

لم أطلع على العقد حتى الآن ما هي وصاياكم ما هو الشئ الذي لابد أن اجده في العقود وبدونه ارفض ؟ مكتب العمل يقول صفة السكن لا تكون مكتوبة

هل يمكنني فيما بعد استقدام زوجة أو أب أو ام بهذه التأشيرة ؟ هل سيكون فيها مشكلة ؟

انا أفكر في العمل معهم عام أو عامين فإن لم أجد فرصة للترقي أبحث عن غيرهم في السعودية أو أعود لمصر فهل البحث عن غيرهم في السعودية سهل ؟ نقل كفالة أو أرجع لمصر واسافر من جديد ؟

الشركة التي اعمل بها الآن قد تعرض علي زيادة في الراتب ما هي الزيادة التي تجعلني ألغي فكرة السفر ؟(أنا غير مسؤول عن أسرة حاليا)

هل هذا عرض مميز وفرصة أم عادي أم سئ ؟

[احمد حمدى]

فين العرض

يعنى الراتب كام

اخصائى تسويق تسمح باستقدام الزوجه او الزيارة

[moamana]

فين الراتب و بعدين حضرتك غرفة فى شقة مشتركة هتكون مستواها زى مستوى الشركة فى شقة فى اقاليم مصر عشان فوجئت بناس فكره انها هتبقى حاجة 5 نجوم

كذلك المواصلات مكيفة ديه معناها باص عادى جدا جدا يعنى زى اى اتوبيس مدرسة كده بس اساسا هنا ان مكنتش العربيات مكيفة مش هتعرف تمشى ربع ساعة فيها

فهيكون برده مستوى عادى جدا بس تكييفه شغال

الافضل بدل سكن و بدل تنقل معقول يخليك تجيب سيارة لان هنا الحياة من غير سيارة جحيم و مستحيل للمتزوجين يقعدوا من غيرها

اه معلومة كمان اول سنة او على الاقل 6 اشهر بتقضيها هنا مصاريف يعنى تجيب حاجة فى الشقة او السكن المشترك كاى جهاز كهربائى تجيب لاب توب تجيب سيارة تجيب مرتبة للسرير كويسة و هكذا فاحسبها كويس اوى

العفش هنا رخيص و الاكل كمان بس المشكلة انك لازم تشترى حاجات كتير تعتبر فى مصر رفاهية جدا هنا اساسية جدا

[أحمداوي]

الراتب 4 ألاف ريال

[tarek nokia]

الراتب 4 ألاف ريال

انسى بصراحة عرض مش كويس وكمان راتبك بمصر كويس تيجي هنا تعمل ايه

[أحمداوي]

ألا يوجد مزيد م نالأراء رجاء كتابة الاسباب معها

للعلم : أمضي العقد أو ارفضه غدا إن شاء الله

العقد به مشكلات :

1-مكتوب في حقوقي "يدفع للطرف الثاني مبلغ 4000 ريال راتبا شهريا شاملا الإضافي مع تامين الإنتقال والسكن والعلاج الطبي ومنحه أجازة اعتيادية مدفوعة الأجر خمسة عشر يوما عن كل سنة ميلادية وتذكرة سفر----- بعد اثنتي عشر شهرا عملا فعليا إضافة إلى مرتب خمسة عشر يوما مكافأة نهاية خدمة تصرف عند انتهاء خدمته"

مكتب السفريات يقول ان مكافأة نهاية الخدمة هذه تصرف سنويا واني استبدلها بأيام سفر فأسافر شهر كامل وصاحب الشركة السعودية في المقابلة قال لي شهر أجازة سنوية لكن هنا أصبح نصف شهر ومكافئة نهاية خدمة ليست محددة انها سنوية والعام أصبح 13 شهر هل هذا مقبول وهل تفسيرهم هو الصحيح ؟

2-مكتوب ان العقد مدته (سنة) فطلبت من مكتب السفريات ان تكون سنتان فقام بتعديلها في العقد امامي بعد ان كان تم توثيقه في القوى العاملة ألا يحسب ذلك تزوير وما الدليل ان الشركة السعودية ترضى بهذا او اني لم اقم بالتعديل بنفسي

3-في بند الشروط هناك شرط"في حالة قيامه بأجازة اعتيادية او اضطرارية قبل نهاية مدة العقد فعند عودته لا يحق له القيام بأجازة اخرى أو انهاء عقده قبل مضي سنة على الأقل من تاريخ عودته"

فهل هذا يعني انه من الممكن ان يبقيني اكثر من مدة العقد ؟ هل إذا غبت يوم اضطراريا لمرض لا أخذ اي اجازات اخرى ؟

رجاء التركيز في المشكلة الأولى فهي الأساسية

[حسام الغرباوي]

راتبك في مصر 2500 جنية = في السعودية 4000 ريال

يبقي بلاها غربة بالنسبالك

اقل راتب توافق علية 5000 دا كبداية ...لان راتبك في مصر كويس

انك تدور علي شغل تاني وفرصة افضل مينفعش ...الشركة اللي انتا رايح عليها مش هتوافق تنقلك كفالة ...ولو حبيت تنزل بعد مدة العقد ...هتاخد خروج نهائي وهتضر تبدأ من الاول

الباص هنا عادي زي اي باص ...لكن هنا السيارة شيء اساسي زي الاكل والشرب ...يعني في مصر عادي جدا ميكنش عندك سيارة ...هنا السيارة شيء اساسي وحتمي ...

مصاريفك في اول 6 شهور هتكلفك كتير ...من تظبيط الغرفة ومصاريف شخصية

[أحمداوي]

الآن ظهرت المشاكل بعد سفري

الشركة في السعودية سحبوا مني الجواز

وسحبوا العقد النسخة الأصلية واعطوني صورة

وقالوا انهم سيعملون عقد جديد هنا

المدير قال لي العقد سيكون بنصف الراتب واعطيك الباقي بفواتير ومصاريف نثريات المهم يصلك الراتب !!!!!

ما الحل

هل اقبل ؟؟!!!

هل ارفض واطلب اوراقي واسافر ؟؟؟

هل اشتكي في مكان ؟؟؟ ما الممكن عمله

تم تعديل 1 يناير 2012 بواسطة أحمداوي

[AbkaReno]

دخلت في دوامة المشاكل والوعود الوهمية

ربنا يعينك :sad:

[AhmedElhadary]

اولا انت غلطان انك اديتهم العقد الي معاك الاصل واعتقد الصورة ملهاش لزمه

تاني حاجه متوفقش علي ان العقد يتكتب بنص الراتب

لكذا سبب اولهم ان ممكن اول شهر يصرف لك 4000 كاملين

وبعد كدا ميصرفش حاجه ولو اشتكيت مكتوب لك في العقد 2000

تاني حاجه لو صدقوا في كلامهم وفضلوا يصرفولك 4000 كل شهر هتييجي لما تصفي حقوقك الي هي بدل اجازه وبدل نهايه الخدمه هيصفولك علي اصل الراتب الي هو 2000 ريال

يعني بدل ما تصفي علي 4000 لو قلنا زي ما ممكتب العمل بيقول 21 يوم بدل نهايه خدمه و15 يوم بدل اجازه يعني المفروض تصرف في السنه 4800 مستحقات

انما هما اكيد هيصفولك علي الي مكتوب في العقد الي هما ال 2000 ريال هتلاقي مستحقاتك بقت 2400 ريال

انت غلطت من البدايه انك سبت شغل في شركه مستقره زي الي انت كنت فيها وبراتب ممتاز مقابل العرض دا زي ما الاخوه قالولك في البدايه

انا رائي لو انت لسه ينفع ترجع شغلك تاني في مصر ومكانك محفوظ يبقي ارجع شغلك احسن

لو فرصت راحت يبقي حاول معاهم وربنا يهونها عليك وعلينا ويعينك