شارك برأيك . إستفتاء مع أو ضد فض الإعتصام بميدان التحرير ؟

[عصام أبوالفتح]

عمدة د محمد البلتاجى يمثل الحزب وليس الجماعة وهو زى ما قلت انت مع النزول ونزل فعلا وانطرد . . اما الجماعة فلم تنزل ولم تدعو للنزول

[عماد حمدي]

إستعد يا ميدان رحب بالإخوان ..

شباب الإخوان في طريقهم للميدان و مشاركين في مليونية غداً

كلكم إخوات أرجوكم خافوا علي بعض

[عماد حمدي]

ربنا يستر مش متفائل أبداً

[متعب]

انا لسه جاى من هناك حلا

مين ال بيقول ان الاخوان مش متواجده هناك

الاخوان متواجده ومعرفشى دول نازلين بصفه رسميه كاخوان ولا بصفه الحزب

ومازالوا الى الان يتوافدون على الميدان وموجود سلفيين ايضا . اعتقد انهم بصفتهم الشخصيه

نجيب من الدواسه من غير لوكلك كتير وكتابه سطور وصفح

الميدان روحه عاليه جدا وفى اصرار يفوق يوم 25 يناير وكل ال هيهوب يمتهم من بلطجيه طنطاوى مش هيسلموه لحد هيموتوه داخل الميدان

زمن السلميه راح مشوار بعيد ومش جاى تانى الا لما العسكر دول يشيلوا الشوال ويمشوا

وبكرة فى ليله سوده عليهم وعلى ال جابهم

والدكر فيهم يخش الميدان الليله او بكرة

بلا فض الميدان بلا فض زعبله

الميدان المرة دى مش هنيفض ال ما تنضف مصر

الجميل بقى ان الغطاء انكشف عن ما يمسوهم قوى سياسيه . اكتشفت انهم اراجوزات نظام والنظام ال حطهم وبيحركهم

الخلاصه اخدنا العزاء رسمى فى خالتك سلميه وكل شىء موجود وما تشتهى الانفس وال هيتمسك من البلطجيه دى مش هيلوم الا نفسه وابقى خلى بقى حرميه يوليو ينفعوهم

وال عاوز يفض الميدان يريح نفسه ومينزلشى من اساسه ويتكلم عن نفسه

بس خلاص

ومفيش ياحلولى

[متعب]

إستعد يا ميدان رحب بالإخوان ..

شباب الإخوان في طريقهم للميدان و مشاركين في مليونية غداً

كلكم إخوات أرجوكم خافوا علي بعض

انته منين عاوز تفض الميدان لان ولان وساعه ما الاخوان يقرروا ينزلوا بتطالب بالترحيب بهم !!!!!!

انا قلتها النهارده على فكرة

قلت ان الاخوان عاملين زى الامن المركزى بس بيختلفوا فى اللبس فقط

انزلوا اضربوا المتظاهرين ينزلوا يضربوا المتظاهرين . اعملوا سد منيع حولين وزاره الداخليه يعملوا

يعنى خلاص كده مش هتفض الميدان ولا هتطالب بده طالما الاخوان نزلوا ؟

[aimen]

أعلن حزب "الحرية والعدالة" عدم مشاركته في المليونية التي قرر عدد من الأحزاب والقوى السياسية تنظيمها غدًا بميدان التحرير، مبررًا ذلك بأنه يأتي حرصًا من الحزب لعدم استدراج الشعب إلى مواجهات دامية جديدة مع أطراف تسعى لمزيد من الاحتقان.

وأكد الحزب، في بيان أصدره مساء اليوم استمرار مساعيه مع كافة الأطراف لوأد الفتنة التي أشعلتها وزارةالداخلية في البلاد والتي تركت الانفلات الأمني يسود في كثير من المحافظات بينما استأسدت على المتظاهرين، على حد قول البيان.

وطالب "الحرية والعدالة" المجلس العسكري بالإسراع في محاسبة كل من تسبب في الجرائم البشعة التي وقعت وتم تقديم بلاغ للنائب العام بها ووقف شلال الدم بسحب قوات الأمن من المواجهة الدامية بميدان التحرير، معتبرا أن الأمر برمته يأتي في سياق المحاولات المستميتة منذ شهور لتعطيل عملية نقل السلطة إلى الشعب عبر الانتخابات البرلمانية كأول مرحلة في نقل السلطة التشريعية والتنفيذية إلى برلمان منتخب وحكومة حقيقية، علاوة على إشاعة الفوضى في ربوع الوطن وتشويه الثورة المصرية العظيمة.

http://www.hurryh.com/Our_news_Details.aspx?News_ID=5522

موقع حزب الحرية والعدالة

[عماد حمدي]

إستعد يا ميدان رحب بالإخوان ..

شباب الإخوان في طريقهم للميدان و مشاركين في مليونية غداً

كلكم إخوات أرجوكم خافوا علي بعض

انته منين عاوز تفض الميدان لان ولان وساعه ما الاخوان يقرروا ينزلوا بتطالب بالترحيب بهم !!!!!!

انا قلتها النهارده على فكرة

قلت ان الاخوان عاملين زى الامن المركزى بس بيختلفوا فى اللبس فقط

انزلوا اضربوا المتظاهرين ينزلوا يضربوا المتظاهرين . اعملوا سد منيع حولين وزاره الداخليه يعملوا

يعنى خلاص كده مش هتفض الميدان ولا هتطالب بده طالما الاخوان نزلوا ؟

حبيبي يا باز أنا ضد الإعتصام .. وقولت في مشاركة ليا أن لو الإخوان وافقت أنا ضد القرار دا ..

و متمسك لسة برآي و شايفة الصح ، لكن طالما نزلوا خلاص هما حرين

فبوجه رسالة الي كل من في الميدان بالترحيب بهم ، و ميغنوش و يقولوا ركبوا و مش ركبوا

كل كلمة كتبتها في المنتدي هنا الفترة اللي فاتت تشهد علي كلامي

و ممكن ترجع

إيدك في إيدك إخواتك يا باز و بلاش تشكك في الإخوان و أنته في الميدان :)

و مازلت ضد الإعتصام في الميدان

تم تعديل 21 نوفمبر 2011 بواسطة omda2006

[عماد حمدي]

الإخوان فعلاً هيعملوا زي يوم 25 يناير الكل هينزل بصفه شخصية و كل الشاب هتشارك و الحزب و الجماعه أعلنت أن من حق كل أخ ينزل يشارك

فيه فرق بين مشاركة الإخوان و بين الحشد

كلمة الحشد هنا يقصد بها الرسالة اللي من المرشد العام لكل جموع الإخوان للحشد و النزول للميدان

إتصالي اليوم بالشباب في مصر أكدوا ليا أنهم نازلين علي مسؤليتهم و

كمان مشاركة القيادات منهم البلتاجي

ياعني مش هيكون فيه قيادة ليهم و لا مسؤله منهم

لكن بأي حال من الإحوال أنته قولت بنفسك شوفت اخوان في الميدان و مازلت الأعداد بتكتر و لسة

أبويا و أخويا و كل اللي في بلدنا إخوان أو مُحب رايحين بكرة المليونية

تم تعديل 21 نوفمبر 2011 بواسطة omda2006

[MZohairy]

بعد ما الشهيد مات و اترمى في الزباله

متهيألي مايصحش بقى نقترح اقتراحات مهدئه

حد هنا ماتله حد و اترمى في الزباله قبل كده؟

[ابو محمود]

للاسف الشديد لازلنا نفرق بيننا هذا يسارى وهذا يمينى وذاك اخوانى لازلنا لم نستوعب الدرس بعد

ابناءنا يهلكون ويتم اصتيادهم كالعصافير بيد كلاب لاترحم

ايها الاخوة الميدان يسع للجميع الشعب نزل الميدان من االامس والحشود هناك سلفى اخوانى 6 ابريل تحالف شباب الثورة ألخ ألخ

الانسحاب من الميدان كان كالمثل الأنجليزى حصان ومات انتهى التنازل واليوم يوم استكمال الثورة كل الأحزاب من الممكن ان تخطيء لكن لا يمكن ان نتهم احدآ بالخيانة فالكل مصرى

هنا نقف ونشاهد ونحكم فقط على النخب التى صدعت ادمغتنا وظهرت عوار افكارهم وما يريدون انهم شركاء لمن قتل وسلب ارواح الشهداء التحرير فية الشباب يموت وهم على قهوة ريش يشربون القهوة والميلك شوب والكابتشينو ويدخنون الغليوم ويكتبون للصحف ونحن نسير وراء كتاباتهم اين هم انهم على قهوة ريش من لا يصدقنى فليذهب الى قهوة ريش انها قبل الميدان واتفرجو كويس على النخب وانسو بقى اعتصام اية وشباب بيموت اية انا مصاب بصدرى من استنشاق الغاز وانا لا أرجع ما بجوفى لاسباب جراحية واتألم بشدة من الامس ولم اغادر المنزل والعلاج لا يستجيب لة صدرى من يريد ان يقذف الثوار بطوبة فليقل ننهى الاعتصام

السلام عليكم ورحمة الله

[jasmin hamed]

نفض الميدان ليه لكم فى عصام شرف مثال ماهو كان من الميدان

اول ما كتم العسكر

على نفسه بقى بطه بلدى

اذا كان عصام شرف الرجل الثورى ما حلش و لا ربط

هتيجى لبرلمان كل واحد فيه هيتمحلس شويه عشان ياكل التورته لوحده

يولع البرلمان على الاحزاب الى ماعملوش حاجه عدله غير الاعلانات و اليفط الى لو كانت اتصرفت على الغلابه كانت كسيتهم

ياريت الشرطه تضرب اكتر تموت و تسحل اكتر يمكن النخوه تدب فى العروق

كلاب الداخليه

لسه فى مواقعهم مافيش جزمه من المجلس قال نتحفظ على الوحده الى قامت بفض الميدان

نتحفظ على اسلحتهم و نشوف الطلقات الى طلعت طلعت ليه

كلاب الداخليه الى سحلت و عمت الشباب لازم تضرب الخرطوش على عيونهم فى الميدان

عشان يبقو عبره لمن يعتبر

نفض الاعتصام ليه عشان الاحزاب تكسب الانتخابات

مين دول انا مااعرفهومش و مش عايزه اعرفهم انا عايزه الشاب الى فقد عينيه الاتنين

يتكلم باسمى هوه اشرف منهم كلهم

[عادل أبو عمر]

للاسف الشديد لازلنا نفرق بيننا هذا يسارى وهذا يمينى وذاك اخوانى لازلنا لم نستوعب الدرس بعد

ابناءنا يهلكون ويتم اصتيادهم كالعصافير بيد كلاب لاترحم

ايها الاخوة الميدان يسع للجميع الشعب نزل الميدان من االامس والحشود هناك سلفى اخوانى 6 ابريل تحالف شباب الثورة ألخ ألخ

الانسحاب من الميدان كان كالمثل الأنجليزى حصان ومات انتهى التنازل واليوم يوم استكمال الثورة كل الأحزاب من الممكن ان تخطيء لكن لا يمكن ان نتهم احدآ بالخيانة فالكل مصرى

هنا نقف ونشاهد ونحكم فقط على النخب التى صدعت ادمغتنا وظهرت عوار افكارهم وما يريدون انهم شركاء لمن قتل وسلب ارواح الشهداء التحرير فية الشباب يموت وهم على قهوة ريش يشربون القهوة والميلك شوب والكابتشينو ويدخنون الغليوم ويكتبون للصحف ونحن نسير وراء كتاباتهم اين هم انهم على قهوة ريش من لا يصدقنى فليذهب الى قهوة ريش انها قبل الميدان واتفرجو كويس على النخب وانسو بقى اعتصام اية وشباب بيموت اية انا مصاب بصدرى من استنشاق الغاز وانا لا أرجع ما بجوفى لاسباب جراحية واتألم بشدة من الامس ولم اغادر المنزل والعلاج لا يستجيب لة صدرى من يريد ان يقذف الثوار بطوبة فليقل ننهى الاعتصام

السلام عليكم ورحمة الله

و عيكم السلام و رحمة الله و بركاته

أخي محمود

شفاك الله و عافاك و جعله في ميزان حسناتك

اللهم احفظ مصر و جميع المصريين

و ألف بين قلوبنا

و هيئ لنا من أمرنا رشدا

[عماد حمدي]

بعد ما الشهيد مات و اترمى في الزباله

متهيألي مايصحش بقى نقترح اقتراحات مهدئه

حد هنا ماتله حد و اترمى في الزباله قبل كده؟

للاسف الشديد لازلنا نفرق بيننا هذا يسارى وهذا يمينى وذاك اخوانى لازلنا لم نستوعب الدرس بعد

ابناءنا يهلكون ويتم اصتيادهم كالعصافير بيد كلاب لاترحم

ايها الاخوة الميدان يسع للجميع الشعب نزل الميدان من االامس والحشود هناك سلفى اخوانى 6 ابريل تحالف شباب الثورة ألخ ألخ

الانسحاب من الميدان كان كالمثل الأنجليزى حصان ومات انتهى التنازل واليوم يوم استكمال الثورة كل الأحزاب من الممكن ان تخطيء لكن لا يمكن ان نتهم احدآ بالخيانة فالكل مصرى

هنا نقف ونشاهد ونحكم فقط على النخب التى صدعت ادمغتنا وظهرت عوار افكارهم وما يريدون انهم شركاء لمن قتل وسلب ارواح الشهداء التحرير فية الشباب يموت وهم على قهوة ريش يشربون القهوة والميلك شوب والكابتشينو ويدخنون الغليوم ويكتبون للصحف ونحن نسير وراء كتاباتهم اين هم انهم على قهوة ريش من لا يصدقنى فليذهب الى قهوة ريش انها قبل الميدان واتفرجو كويس على النخب وانسو بقى اعتصام اية وشباب بيموت اية انا مصاب بصدرى من استنشاق الغاز وانا لا أرجع ما بجوفى لاسباب جراحية واتألم بشدة من الامس ولم اغادر المنزل والعلاج لا يستجيب لة صدرى من يريد ان يقذف الثوار بطوبة فليقل ننهى الاعتصام

السلام عليكم ورحمة الله

بالشكل دا يا أستاذ زهيري ..

و بعد ما شوفت الفيديو بتاع مدام هند ( المشرحة )

أنا قولت المشاركة دي

كل دا مكنش هيحصل يا أستاذ أحمد لو كان الثوار انسحبوا انا قولتهالكم الصبح العسكر مش هيسكت

و هيعمل كر و فر ينسحب من أمام المتظاهرين و يرجع يهجم عليهم تاني

عايز يجيب كل اللي علي الساحة في الحلقة

خلاص اللي حصل حصل

و مبقاش ينفع الكلام دلوقتي

اللي كان عايز يفض الإعتصام من الأول كان فضه حقناً لهذه الدماء

و لو كلمت أي حد دلوقتي عن إنتخابات أو غيره ممكن يفجرني

دلوقتي مفيش حل غير النزول للميدان

و زي ما تيجي تيجي الواحد يستبيع خلاص

ربنا ينصركم إن شاء الله و ينصر مصر و يعمل اللي فيه الخير ليها و لينا

و عايز أقولك أن أبويا العجوز نازل بكرة هوه و إخواتي الأتنين واحد 21 سنة و التاني 15 سنة و أمي هتقعد لواحدها في البيت

و مفيش إلا أنا اللي معاها و بره مصر كمان

كل الناس هتنزل خلاص مبقاش فيه حل تاني

و لو جبت سيرة الإنتخابات هتضرب بالنار دلوقتي منكم

شباب الإخوان كلهم إتصلوا ببعض و نازلين منهم ما هو موجود الأن و الباقيين سيلحقوا بهم في الصباح للمشاركة في المليونية

توكلوا علي الله و ربنا يحفظكم من كل شر

تم تعديل 21 نوفمبر 2011 بواسطة omda2006

[MZohairy]

اسكندريه مولعه يا جماعه و ناس كتير بتموت و مفيش تغطيه اعلاميه زي اللي في القاهره

[عماد حمدي]

هـــام جداً جداً

هننزل الميدان

تصفيق حاد للاخوان

مؤشرات الاخوان وشعبيتهم ترتفع جدا بعد نزولهم الميدان

رموز الاخوان تحمل على الاعناق فى الميدان

الاخوان غير محتاجين لعمل دعايه للانتخابات بعد اليوم

فالناس كلها ستنتخبهم بعد ما نزلوا الميدان مع المتظاهريين

الاعلام يشيد بموقف الاخوان والنزول الى الميدان مع المتظاهرين

كل هذا كان سيحدث اذا اعلن الاخوان نزولهم الميدان

لكن الاخوان فضلوا التضحيه وخسران كل هذا لكى لا نخسر مصر

أهون على الإخوان أن يذبحوا في قلب الميدان فرداً فرداً..

من أن يقع ما يضمره أعداء الوطن بعد نزولهم.

الإخوان اختاروا أن يشتموا على "فيس بوك" ،

وأن يسبوا في ميدان التحرير الذي منحوه من دمائهم وأرواحهم ..

وألا تسقط البلاد في أتون العنف قبل أيام من موعد أول استحقاق ديمقراطي منذ ستين عاماً

لانهم يعشقون تراب هذه البلد

موقف سياسي بس مُعلن ان الحزب تراجع و الجماعة مش نازلة ..

الإخوان كموقف سياسي مُعلن مش نازلين و هوضح ليه بعدين ، فعلياً الشباب موجودين بالميدان ..

بس تحت مسئوليتهم الشخصية ياعني الجماعة ملهاش علاقة بيهم .. علشان العسكر !

ليه الجماعة معملتش ( حشــد ) .. أبوس إيديكم و رجليكم تقروا البيان دا ..

و قبل ما تقروه تأكدوا أن شباب الإخوان و الله العظيم في الميدان ..

و اللي موجود هناك يأكد أو ينفي ذلك ..

إتفضلوا .. بتركيز الله يبارك لكم

أنا بالنسبة ليا كنت ضد الإعتصام و بطالب بفضه

لكن قلبي وجعني بجد ، و لو في مصر

مش هنزل الميدان أهاجم و لا أتظاهر

هنزل أدافع عن ولاد بلدي و بس

رسالة من المرشد العام للإخوان المسلمين إلى الصف

إلى الأخوة والأخوات أحبابنا في الله سلام الله عليكم ورحمة الله وبركاته .. وبعد

فالمشهد الذي يحدث في مصر الآن نرقبه ونجمع حوله كل المعلومات الصحيحة والدقيقة ونقوم بواجبنا ومسؤليتنا بين يدي الله نحقق تطبيق فريضة الشورى مع كل أهل الرأي والنصيحة الصادقة.

... ومما ظهر من معلومات أكيدة وجدنا تكرار السيناريوهات ووجدنا أن قوى داخلية وخارجية لا تريد لم...صر أمناً ولا استقراراً ولا نهضة تستغل مشاعر الشعب المصري الطيبة لإثارة الفتن والصراعات، والأمثلة كثيرة .. ونرى ذلك في كل مرة تحدث فيها فعالية يوفق الله عز وجل القوى السياسية للقيام بها، وتحقق تآلف وتوحد الشعب المصري وإصراره على نقل السلطة في موعدها، وأول خطوات ذلك مجلس شعب حر منتخب لأول مرة في تاريخ مصر وجدنا عراقيل وعقبات توضع عن عمدٍ أمام ذلك.

وللأسف لاحظنا أن المجلس العسكري يتغير أداؤه بشكل سلبي كلما اقتربنا من الانتخابات، وللأسف ما حدث في الأيام الأخيرة يؤكد أن البطش والوحشية والقتل بل والاستفزاز المتعمد ليحدث كل هذا؛ سياسة ممنهجة ولا يمكن أن تحدث إلا بتوجيهات أكدها عدم المحاسبة أو المعاقبة في المرات السابقة لنفس المجرمين ونفس المحرضين.. بل وتوجيه الشكر لوزارة الداخلية على ما قامت به في كل هذه الجرائم .

وقد وصل عدد الشهداء إلى ما يزيد على العشرين وهو رقم مرشح للزيادة بالإضافة إلى أكثر من ألف جريح وقد وصلتنا العديد من الرسائل والطلبات بإلحاح أن ينزل الإخوان للميدان لإنقاذ هؤلاء الجرحى والمصابين والدفاع عنهم وهذه مشاعر عاطفية نبيلة، ولكننا أمرنا أن نقدم دفع المفاسد على جلب المنافع وإعمال مقتضيات العقل والحكمة لدفع مفسدة أكبر مترتبة على نزول الإخوان بكثافة للميدان، لأن هذا يعد استدراجاً لتعقيد المشكلة وليس حلها ، وقد اخترنا هذا الاختيار رغم أنه قد يعرضنا لهجوم متعمد، وليست مصالحنا هي التي تهمنا، ولكنها مصلحة الوطن مهما أصابنا، وتاريخنا كله قديماً وحديثاً يشهد بهذا .. ، وما كان أيسر الحل لهذه المشكلة لو أرادوا عن طريق سحب القوات وأمرها بعدم الاعتداء على الشباب المعتصم من أبناء هذا الوطن وهذه الثورة الذي يقوم بمطالبته بحقوقه وحقوق ثورته بطريقة سلمية، وهذا هو حقه وزاد استحقاقه له بعد الثورة المباركة .. وتوفرت لدينا شواهد أخرى كثيرة تم التأكد منها، ونحن بفضل الله سبحانه وتعالى نسعى الآن لتحقيق هذه الحماية بأقل الخسائر التي يتعمدون إحداثها في شعبنا وأبنائنا .

وقد تم الاتفاق اليوم بفضل الله مع العديد من القوى الوطنية والسياسية على مواقف وإجراءات محددة سيعلن عنها في حينها وقد صدر بيان من الجماعة اليوم يتضمن هذه المعلومات وهذه الإجراءات ، وسيتم الاتصال بالمسئولين لتحميلهم أمانة هذه الأرواح في أعناقهم التي سيحاسبهم رب العزة عليها ونحن نشارك كما كنا وسنظل مع كل المخلصين لحماية هذا البلد وهذا الشعب العظيم وهذا الشباب الوطني المخلص .

وتبقى أركان بيعتنا نؤكد عليها فهي العاصمة بإذن الله من الزلل في القصد والهدف والانحراف عنه والمساومة عليه والخديعة بغيره، ونسأل الله أن نكون عند حسن ظن ربنا بنا، وتبقى الشورى الملزمة بعد جمع كل المعلومات الصحيحة والدقيقة هي المنهج الذي عاهدنا ربنا على الالتزام به في اتخاذ القرارات، ونسأل الله أن يرينا الحق حقاً ويرزقنا إتباعه ويرينا الباطل باطلاً ويرزقنا اجتنابه .. ويتبقى في مثل هذه الأحداث والفتن أننا نحتاج أكثر من أي وقت إلى مزيد من اللجوء إلى الله والإكثار من الصلاة والصيام والقيام والدعاء والقنوت بل الإلحاح في الدعاء فالدعاء والبلاء يعتلجان .

وأذكر في الختام بنصيحة الإمام البنا رحمه الله : « ألجموا نزوات العواطف بنظرات العقول وأنيروا أشعّة العقول بلهب العواطف، وألزموا الخيال صدق الحقيقة والواقع، واكتشفوا الحقائق في أضواء الخيال الزاهية البرّاقة، ولا تميلوا كل الميل فتذروها كالمعلقة، ولا تصادموا نواميس الكون فإنها غلاّبة، ولكن غالبوها واستخدموها وحولوا تيارها، واستعينوا ببعضها على بعض، وترقبوا ساعة النصر، وما هي منكم ببعيد» .

حفظكم الله وحفظ مصرنا الحبيبة ورد كيد كل كائد إلى نحره ، والله غالب على أمره ولكن أكثر الناس لا يعلمون ،،

أخــوكـــم

أ.د. محمد بديع

المرشد العام للإخوان المسلمين

نحن الاخوان " خونة - ومصلحجية - وبعنا دم الشهداء - كلاب - واندال ........ الخ "

نتحمل ان يتم سبنا باقذع الالفاظ وان ينال البعض من اعراضنا بالسنتهم

نتحمل اتهامنا بالتخوين والعمالة لان يقال علينا كل هذا واكثر

خير لنا من ان يستغل المجلس العسكري نزولنا ذريعة لكي يجعل من مصر نموذج عسكري اتاتوركي

عانت منه تركيا اكثرمن 20 عام من تحكم الجيش فى كل شئ فى البلد

والله الذي لا اله غيره لو نعلم ان فى نزولنا ابادتنا جميعا ولكن بعدها ستكون مصر حرة ستجدونا فى اول الصفوف

استمروا في سبنا ومهاجمتنا ونتحمل ذلك لا من اجل خوفنا على انفسنا

ولكن من اجل خوفنا على بلدنا ... استمروا

[عماد حمدي]

إلـــــــى شبــــــــاب الإخـــــــــوان..

رسالة بتوقيـع:

(1) أحمد المغير، ناش...ط من شباب الإخوان

(2) عمرو فراج، مدير شبكة رصد - من شباب الإخوان

(3) أحمد حسن، أدمن صفحة إنت عيل إخونجي -من شباب الإخوان

نص الرسالة :

إلى شباب الإخوان

السلام عليكم ورحمة الله وبركاته

إخوانا الكرام ، بسبب حساسية الموقف وخطورته اسمحوا لينا نكتب بالعامية ...احنا كمجموعة من شباب الإخوان من ساعة ما بدأت الأحداث المؤسفة في التحرير مرورا بالمجزرة البشعة اللي استشهد فيها ٣٣ شاب من أطهر شباب مصر في محاولة مستمرة لجمع معلومات وتحليل الموقف ورفع الواقع من على الأرض ، لأننا فعلا مكناش عارفين نعمل إيه او إيه هوا الصح من الغلط ، احنا كشباب كان النزول امر مفروغ منه سواء في القاهرة او إسكندرية او غيرهم من المحافظات وحبينا ننقل لكم الواقع زي ما شفناه وتحليلنا للأحداث :

أولا : إدارة الحدث من جانب الحكومة او الداخلية او المجلس العسكري إدارة غير مسبوقة وتتسم بوحشية لم يسبق

لها مثيل حتى ايام السفاح مبارك نفسه

ثانيا : الميدان فيه شباب من كل التيارات وان كان الأغلبية غير مسيسين وكتير منهم اول مرة يشاركوا في مظاهرة او اعتصام لكنهم ابطال بجد ، ملمحناش اي قيادة من القيادات الثورية المعروفة سواء شباب او غير شباب

ثالثا : ممارسات الداخلية والجيش من ترك الأمور تتصاعد دون تهدئة لدرجة انهم يسيطروا فعلا على الميدان اكتر من مرة ويسيبوه

ده بخلاف إن اللي قتل أكتر من 33 شاب من خيرة شباب مصر مكنش عنده أي مشكلة إن الفضائيات تنقل الجرائم دي على الهواء من قتل ورمي في الزبالة وإحراق ممتلكات الشباب زي ميكون بيستفز الناس مخصوص عشان ينزلوا ( فجأة القاتل اللي منع قناة الجزيرة مباشر مصر من التغطية بقة مؤمن بحرية الإعلام!!!) حتى ترك المواجهات مستمرة لأكتر من 3 أيام بشكل مستمر بدون تدخل لإنهائها ( القصة مش محتاجة غير مدرعتين يقفوا بين الثوار وبين قتلة الداخلية ) , الكلام ده أكد من قناعتنا إن المجلس بينفذ الجزأ التاني من تهديد المخلوع اللي خير الشعب بين الإستقرار والفوضى وشايفين فعلا مخطط كامل من المجلس لتحويل مصر إلى صومال أخرى لإن تفجير الوضع في مصر مرة تانية محدش هيقدر يسيطر عليه ولا حتى الجيش نفسه

رابعا : حتى مساء أول أمس ( الأحد ) كنا نتمنى من جماعتنا جماعة الإخوان إعلان نزولها بشكل رسمي لكن أمس وبعد رؤيتنا للمشهد بالشكل ده بقينا مقتنعين إن نزول الإخوان وغيرهم هدف من الإستفزاز اللي بيحصل عشان تحقيق مخطط الفوضى الشاملة اللي إذا حصل الكلام مش هيكون عن إنتخابات أو غيره الكلام هيكون عن إنهيار شامل للبلد مش الإنتخابات بس

خامسا : فكرنا كتير في اللي إتقال عن إننا مش عايزين غير الإنتخابات عشان مصلحتنا الخاصة بس بأمانة : إزاي حد يكون مبيفكرش غير في الإنتخابات ياخد قرار يأثر تأثير ضخم على شعبيته وعلى إحتمالات فوزه بأغلبية ؟ وأظن الكل لاحظ (وأحيانا شارك ) في الهجوم الرهيب على الإخوان وموجة التخوين وكم الناس اللي قررت عدم إنتخابهم , ده يؤكد إن الإخوان مضطرين لأخد الموقف ده مش عشان مصالحهم الخاصة زي ما بعض الناس بتقول خاصة إنهم عارفين التمن اللي هيدفعوه في الإنتخابات نتيجة الموقف ده فالبديل هوا مواجهة شاملة مش هتهدد الإنتخابات بس بل هتهدد مصر كلها من مجموعة موتورة مش فارقة معاها مصر كلها تولع عشان ميجيش اليوم اللي يتحاسبوا فيه عن جرائمهم

سادسا : في النهاية دي رؤيتنا وتحليلنا اللي بنتفق فيه بشكل كبير مع موقف الجماعة الرسمي اللي قررنا إننا نلتزم بيه واللي لا نستطيع أبدا الجزم بإنه الموقف الصح بنسبة 100 % لإننا في فتنة لا يعلم مداها إلا الله , وبالنسبة للشباب اللي مصمم ينزل فبنوصيه إنه يروح بروح تهدئة الأمور مش بروح المواجهة وربنا يستر ويحفظ مصر من العصابة اللي بتحكمها

الموقعون على الرسالة :

(1) أحمد المغير

ناشط من شباب الإخوان

(2) عمرو فراج

مدير شبكة رصد - من شباب الإخوان

(3) أحمد حسن

أدمن صفحة إنت عيل إخونجي -من شباب الإخوان